-
អ្នកឆ្លង COVID-19 នៅទូទាំងពិភពលោកកើនឡើងដល់១៨៤លាន៥៦ម៉ឺននាក់ ក្នុងនោះស្លាប់៣លាន៩៩ម៉ឺននាក់ និងជាសះស្បើយ១៦៨លាន៩០ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន១៨៤លាន៥៦ម៉ឺន២ពាន់៥១ករណី ក្នុងនោះមានអ្នកជម្ងឺសរុបចំនួន៣លាន៩៩ម៉ឺន៣ពាន់៣១៩នាក់ស្លាប់ និង ជាសះស្បើយឡើងវិញសរុបចំនួន១៦៨លាន៩០ម៉ឺន៧ពាន់១៨១នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី០៥ ខែកក្កដា ឆ្នាំ២០២១ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន៣៤លាន៥៩ម៉ឺន២ពាន់៣៧៧នាក់ ស្លាប់ចំនួន៦២ម៉ឺន១ពាន់២៩៣នាក់ និងជាសះស្បើយចំនួន២៩លាន៩ម៉ឺន៦ពាន់៨១៦នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន៣០លាន៥៨ម៉ឺន៤ពាន់៨៧២នាក់ ស្លាប់៤០ម៉ឺន២ពាន់៧៥៨នាក់ និងជាសះស្បើយ២៩លាន៦៩ម៉ឺន២ពាន់៩៨៦នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន១៨លាន៧៦ម៉ឺន៩ពាន់៨០៨នាក់ ស្លាប់ចំនួន៥២ម៉ឺន៤ពាន់៤៧៥នាក់ និងជាសះស្បើយ១៧លាន៨ម៉ឺន២ពាន់៨៧៦នាក់ ៕ ប្រភព៖ worldometers
-
កូវីដ១៩ និងសេដ្ឋកិច្ចមានការរីកចម្រើនក្រោមបៃដិន ប៉ុន្តែភាពបែកបាក់នយោបាយនៅមានខណៈអាមេរិកប្រារព្ធបុណ្យឯករាជ្យលើកទី ២៤៥
សុខ វេងឈាង មនុស្សពេញវ័យអាមេរិកភាគច្រើនបានទទួលវ៉ាក់សាំង ប៉ុន្តែករណីកូវីដ១៩នៅតែកើន។ សេដ្ឋកិច្ចកំពុងកើនឡើង ប៉ុន្តែអតិផរណាត្រូវបានគេរំពឹងថានឹងកើតឡើង។ កិច្ចសហប្រតិបត្តិការទ្វេបក្សបានប្រសើរឡើង ប៉ុន្តែការអាក់អន់ចិត្តនយោបាយនៅខ្ពស់។ រយៈពេលជាងប្រាំខែចូលក្នុងអាណត្តរបស់ប្រធានាធិបតីចូ បៃដិន សហរដ្ឋអាមេរិកបានផ្លាស់ប្តូរតាមរបៀបជាច្រើនជាមួយនឹងទស្សនវិស័យអាជីវកម្មមានសុខភាពល្អ ហើយជំងឺកូវីដ១៩ យ៉ាងហោចនៅតំបន់ភាគច្រើននៃប្រទេស គឺស្ថិតក្រោមការគ្រប់គ្រង។ ប៉ុន្តែនៅពេលដែលមហាអំណាចសេដ្ឋកិច្ចពិភពលោកប្រារព្ធខួបកំណើតទី ២៤៥ របស់ខ្លួននៅថ្ងៃទី ៤ ខែកក្កដា ឬទិវាបុណ្យឯករាជ្យជាតិមិនមែនជាការប្រារព្ធពិធីពេញលេញដូចដែលលោកបៃដិនរំពឹងទុក និងសន្យាជាមុននោះទេ។ គោលដៅរបស់សេតវិមានក្នុងការចាក់វ៉ាក់សាំងកូវីដ១៩យ៉ាងណាស់មួយដូសជូន ៧០ ភាគរយនៃមនុស្សពេញវ័យ នឹងមិនត្រូវបានបំពេញទាន់ពេលកំណត់ ហើយច្បាប់ដើម្បីជួសជុលហេដ្ឋារចនាសម្ព័ន្ធរបស់ប្រទេសនេះនៅតែមិនទាន់បានទៅដល់តុរបស់បៃដិននៅឡើយ។ បើទោះជាយ៉ាងនេះក៏ដោយ លោកបៃដិននឹងធ្វើការជប់លាងនៅសេតវិមាន ដោយមានអញ្ជើញភ្ញៀវចំនួន ១០០០ នាក់ ហើយនឹងមានការបាញ់កាំជ្រួចនៅសួន National Mall។ អ្នកវិភាគមួយចំនួនបាននិយាយថាលោកបៃដិនមានគ្រប់ហេតុផលសម្រាប់ធ្វើការជប់លាងនេះ ដោយសារបើប្រៀបធៀបទៅនឹងឆ្នាំមុន សេដ្ឋកិច្ច សុខភាពសាធារណៈ និងវិញ្ញាណរបស់ជាតិមានការរីកចម្រើនយ៉ាងខ្លាំង។ នៅក្នុងសញ្ញានៃវឌ្ឍនភាពសេដ្ឋកិច្ចក្រសួងការងារអាមេរិកបាននិយាយនៅថ្ងៃសុក្រទី ២ កក្កដាថាក្រុមហ៊ុនអាមេរិកបានជួលកម្មករច្រើនបំផុតក្នុងរយៈពេល ១០ ខែ។ ប៉ុន្តែសេដ្ឋកិច្ចគឺនៅឆ្ងាយពីការវិលត្រឡប់ទៅរកភាពធម្មតាវិញដោយបច្ចុប្បន្នចំនួនការងារតិចជាងការងារនៅខែកុម្ភៈឆ្នាំ ២០២០ ដែលមុនពេលមានជំងឺរាតត្បាត រហូតទៅដល់ ៧ លាន។ ទន្ទឹមនឹងនេះផងដែរអាជីវកម្មមួយចំនួនកំពុងមានបញ្ហាក្នុងការជួលនិយោជិក ដែលពួកគេត្រូវការ ខណៈដែលកម្មករកំពុងមានការលំបាកក្នុងការមើលថែកុមារ ឬព្រួយបារម្ភអំពីជំងឺហើយជ្រើសរើសនៅផ្ទះវិញ។ ការធ្វើបាតុកម្មលើការរើសអើងពូជសាសន៍បានធ្លាក់ចុះ…
-
ក្រសួងប្រៃសណីយ៍និងទូរគមនាគមន៍បានលក់ឧបករណ៍ តេស្តរហ័សអង់ទីហ្សែនកូវីដ-១៩ ចំនួន ៤៦៦៧៥ ជូន២១០ ក្រុមហ៊ុន-ស្ថាប័ន
គិតត្រឹមល្ងាចថ្ងៃអាទិត្យទី៤ ខែកក្កដា ឆ្នាំ២០២១នេះ ក្រសួងប្រៃសណីយ៍និងទូរគមនាគមន៍បានលក់ឧបករណ៍ តេស្តរហ័សអង់ទីហ្សែនកូវីដ-១៩ ចំនួន ៤៦៦៧៥ ជូន២១០ ក្រុមហ៊ុន-ស្ថាប័ន។ ក្នុងចំណោមសំណើទិញទាំង ៧៤៥ គិតជាបរិមាណបញ្ជាទិញឧករណ៍សរុបមាន ២៦២,៧៧៥ ក្រសួងបានផ្ដល់អាទិភាព ដល់ទីតាំងដែលមានបុគ្គលិកច្រើន និងកំពុងប្រឈមហានិភ័យ ឬមានការពាក់ព័ន្ធនឹងជំងឺកូវីដ-១៩។ ក្រសួងនឹងធ្វើការដោះស្រាយសំណើទិញផ្សេងទៀតស្របតាមអាទិភាពខាងលើ ជាបន្តបន្ទាប់ទៅតាមបរិមាណស្តុករបស់ឧបករណ៍ដែលនៅសល់និងនាំចូលបន្ថែម។
-
អ្នកជំនាញ៖ ចាក់វ៉ាក់សាំងរួចប៉ុន្តែករណីនៅតែច្រើន មិនមែនមានន័យថាវ៉ាក់សាំងចិនមិនមានប្រសិទ្ធិភាពនោះទេ
សៅ សម្ភស្ស កាលពីថ្ងៃទី ២០ ខែមិថុនា ប្រទេសចិនបានសម្រេចចែកចាយវ៉ាក់សាំងកូវីដ-១៩ ចំនួនជាង ១ពាន់លានដូស ឬស្មើនឹងជិត ៤០% នៃចំនួនវ៉ាក់សាំង ដែលបានចែកចាយប្រមាណ ២,៥ ពាន់លានដូសនៅទូទាំងពិភពលោក។ វ៉ាក់សាំង ដែលបាននាំចេញភាគច្រើន គឺវ៉ាក់សាំង Sinopharm និង Sinovac ក្នុងប្រមាណ រាប់រយលានដូស ត្រូវបានចែកចាយទៅកាន់ប្រទេសជាង ៨០ នៅទូទាំងពិភពលោក។ យ៉ាងណាមិញ ករណីឆ្លងកូវីដ-១៩ បានផ្ទុះឡើងយ៉ាងខ្លាំងនៅក្នុងប្រទេសជាច្រើននៅទូទាំងពិភពលោក បានចោទជាសំណួរដល់ប្រសិទ្ធភាពនៃវ៉ាក់សាំង Sinopharm និង Sinovac ក្នុងការប្រឆាំងនឹងការរីករាលដាលនៃជំងឺកូវីដ-១៩។ តួរយ៉ាង វ៉ាក់សាំងផលិត ដោយចិនជាង ៦០ ភាគរយ គឺជាការទទួលទិញ ដោយឥណ្ឌូនេស៊ី ដែលជាប្រទេសមានចំនួនករណីឆ្លងធំបំផុតក្នុងប្រទេស ដែលករណីឆ្លងថ្មីប្រមាណជិត ២ ម៉ឺនករណីក្នុងមួយថ្ងៃ នៅដើមសប្តាហ៍នេះ ដែលភាគច្រើនជាករណីវ៉ារ៉្យង់ Delta ថ្មី។ លោកស្រី Olivia Herlinda ប្រធានគោលនយោបាយនៅមជ្ឈមណ្ឌលសម្រាប់គំនិតផ្តួចផ្តើមអភិវឌ្ឍន៍ យុទ្ធសាស្ត្រឥណ្ឌូណេស៊ី បានប្រាប់សារព័ត៌មានតួគី TRT…
-
ស្លាប់កើនដល់៤៥នាក់ ករណីធ្លាក់យន្តហោះយោធានៅហ្វីលីពីន
យន្ដហោះមួយគ្រឿងនេះបានធ្លាក់ នៅថ្ងៃអាទិត្យ ទី៤ កក្កដានេះ ដោយដំបូងឡើយ អ្នកស្លាប់ គេរកឃើញសព១៧នាក់ប៉ុណ្ណោះ មុនកើន៤៥នាក់នេះ ប៉ុន្តែនៅបាត់ខ្លួនទៀត ដោយគេដឹងថា មានមនុស្ស៩៦នាក់នៅលើយន្តហោះ មុនពេលធ្លាក់ មានជនស៊ីវិលដែរ។ យន្ដហោះយោធាដឹកជញ្ជូននេះ គឺជាប្រភេទ C-130 បានធ្លាក់កំឡុង ពេលព្យាយាមចុះចតនៅលើកោះ Jolo នៃខេត្ត Sulu។ ភ្លាមៗនោះ យោធាហ្វីលីពីនមិនទាន់អាចបញ្ជាក់ពីមូលហេតុ បណ្ដាលឱ្យយន្ដហោះយោធាខាងលើធ្លាក់នោះទេ ៕
-
បុរីវ៉ាទីកង់ចោទប្រកាន់បុគ្គលចំនួន ១០ នាក់ពីបទកិបកេងប្រាក់
មឹង ច័ន្ទសុម៉ានីតា ចៅក្រមនៅបុរីវ៉ាទីកង់ បានចោទប្រកាន់បុគ្គលចំនួន១០ នាក់រួមទាំងបព្វជិតជាន់ខ្ពស់ឋានៈ Cardinal មួយរូប ដែលមានឥទ្ធិពលខ្ពស់បំផុតទី២ក្នុងគ្រិស្តសាសនានិកាយកាតូលិកបន្ទាប់ពីសម្ដេចប៉ាប ពីបទព្រហ្មទណ្ឌជាច្រើន រួមមានការកិបកេងប្រាក់ ការរំលោភអំណាច ការជំរិតទារប្រាក់ និងការក្លែងបន្លំពាក់ព័ន្ធនឹងរឿងអាស្រូវវិនិយោគអចលនទ្រព្យក្នុងទំហំទឹកប្រាក់ ៣៥០ លានអឺរ៉ូ (៤១៥ លានដុល្លារ) នៅទីក្រុងឡុងប្រទេស អង់គ្លេសផងដែរ។ បើតាមសេចក្ដីថ្លែងការមួយចេញផ្សាយកាលពីថ្ងៃសៅរ៍ ទី៣ កក្កដានេះ ប្រធានតុលាការព្រហ្មទណ្ឌបុរីវ៉ាទីកង់លោកចៅក្រម Giuseppe Pignatone បានកំណត់ថ្ងៃទី ២៧ ខែកក្កដា ជាកាលបរិច្ឆេទនៃការជំនុំជម្រះក្តីសម្រាប់ជនជាប់ចោទទាំង ១០ នាក់។ ឯកសារការចោទប្រកាន់ប្រវែង ៤៨៧ ទំព័រ បានបង្ហាញពីការស៊ើបអង្កេតអស់រយៈពេលជាង ២ឆ្នាំ ហើយស្វែងរកឃើញពីរបៀបបុរីវ៉ាទីកង់បានបាត់បង់ប្រាក់រាប់លានអឺរ៉ូ ភាគច្រើនបានមកពីការបរិច្ចាគពីសាសនិកកាតូលិក និងសប្បុរសជន។ ជនជាប់ចោទទាំង ១០ រួមមានអតីតមន្ត្រីវ៉ាទីកង់ចំនួន ៥ នាក់ ក្នុងនោះមានមន្រ្តីបុព្វជិតជាន់ខ្ពស់លោក Cardinal Giovanni Angelo Becciu និងមន្ត្រីពីររូបមកពីរដ្ឋលេខាធិការដ្ឋានគ្រប់គ្រងការវិនិយោគរបស់វ៉ាទីកង់។ ពាណិជ្ជករជនជាតិអ៊ីតាលី ដែលគ្រប់គ្រងការវិនិយោគទីក្រុងឡុងដ៍ និងអ្នកជំនាញចារកម្មអ៊ីតាលីមួយរូប ដែលបានប្រើប្រាស់ប្រាក់របស់ក្រុងវ៉ាទីកង់បម្រុងទុកសម្រាប់ដោះចំណាប់ខ្មាំងសាសនិកកាតូលិក ទៅទិញផលិតផលប្រើប្រាស់ថ្លៃៗ…
-
ចំនួនអ្នកស្លាប់ដោយសារកូវីដ១៩នៅរុស្សីកើនដល់ចំណុចខ្ពស់បំផុតប្រាំថ្ងៃជាប់គ្នា
សុខ វេងឈាង រុស្ស៊ីបានកត់ត្រាចំនួនអ្នកស្លាប់ដោយសារជំងឺកូវីដ១៩ប្រចាំថ្ងៃខ្ពស់បំផុតក្នុងរយៈពេល ៥ ថ្ងៃជាប់ៗគ្នា ខណៈពេលដែលប្រទេសនេះប្រឈមនឹងការកើនឡើងនៃករណីឆ្លងថ្មី។ អាជ្ញាធរបានកត់ត្រាការស្លាប់ដោយសាររីរុសនេះចំនួន ៦៩៧ នាក់កាលពីថ្ងៃសៅរ៍កន្លងទៅនិង ករណីឆ្លងថ្មីចំនួន ២៤.៤៣៩ ករណីបន្ថែមទៀត។ កាលពីថ្ងៃសុក្រចំនួនអ្នកស្លាប់ប្រចាំថ្ងៃគឺ ៦៧៩ នាក់។ វិមានក្រឹមឡាំងបាននិយាយនៅថ្ងៃសុក្រ ថាប្រទេសនេះមិនពិចារណាលើការបិទខ្ទប់ជាថ្មីទេ បើទោះបីជាមានការកើនឡើងយ៉ាងខ្លាំងក៏ដោយ។ ប្រទេសរុស្ស៊ីបានធ្វើការបិទខ្ទប់តែមួយដងគត់ កាលពីដើមឆ្នាំដែលមានរយៈពេល ៦ សប្តាហ៍។ បើទោះយ៉ាងនេះក៏ដោយ ប្រទេសនេះកំពុងចាប់ផ្ដើមតម្រូវឱ្យមានការចាក់វ៉ាក់សាំង សម្រាប់វិស័យមួយចំនួនរួមមាន វិស័យថែទាំសុខភាព វិស័យអប់រំ វិស័យលក់រាយ វិស័យភោជនីយដ្ឋាន និងការិយាល័យរដ្ឋាភិបាល។ អ្នកនាំពាក្យវិមានក្រឹមឡាំងលោក Dmitry Peskov បាននិយាយថាអ្នកដែលមិនបានទទួលវ៉ាក់សាំងការពារមេរោគនេះ ទំនងជានឹងមានជម្រើសការងារមានកំណត់។ កាលពីចុងខែមុនលោក Peskov បាននិយាយថា៖ «ការពិតគឺថាការរើសអើងនឹងកើតឡើងជាយថាហេតុ។ មនុស្សដែលគ្មានការចាក់វ៉ាក់សាំង ឬភាពស៊ាំនឹងមិនអាចធ្វើការនៅគ្រប់ទីកន្លែងបានទេ។ វាមិនអាចទៅរួចទេ។ វានឹងបង្កការគំរាមកំហែងដល់អ្នកដែលនៅជុំវិញពួកគេ»។ ការតម្រូវឱ្យចាក់វ៉ាក់សាំង បានកើតឡើងមុនពេលចំនួនអ្នកស្លាប់កើនដល់កម្រិតខ្ពស់បំផុតនៅសប្តាហ៍នេះ។ ប្រទេសរុស្ស៊ីបានរាយការណ៍ថាមានករណីឆ្លងជិត ៥,៦ លាននាក់និងមានអ្នកស្លាប់ច្រើនជាង ១៣៧.០០០ នាក់។ Source: https://thehill.com/policy/international/russia/561464-russia-death-toll-reaches-daily-record-high-for-fifth-day-in-a?rl=1
-
មន្ត្រីអ៊ីស្រាអែលកំពុងស៊ើបអង្កេតការវាយប្រហារលើនាវាដឹកទំនិញតាមផ្លូវទៅកាន់ UAE
សុខ វេងឈាង មន្ត្រីក្រសួងការពារជាតិអ៊ីស្រាអែលបានធ្វើការស៊ើបអង្កេតថាតើកងកម្លាំងប្រដាប់អាវុធអ៊ីរ៉ង់អាចនៅពីក្រោយការវាយប្រហារនាវាដឹកទំនិញអ៊ីស្រាអែលមួយគ្រឿងកាលពីថ្ងៃសៅរ៍នេះ ដែលកំពុងធ្វើដំណើរពីអារ៉ាប៊ីសាអ៊ូឌីត ទៅកាន់អេមីរ៉ាតអារ៉ាប់រួម។ នេះបើតាមការរាយការណ៍របស់ទូរទស្សន៍អ៊ីស្រាអែល N12។ N12 បានរាយការណ៍ដោយដកស្រង់ប្រភពមិនបញ្ចេញឈ្មោះនៅក្នុងអង្គភាពការពារជាតិអ៊ីស្រាអែលថាក្រុមនាវិកមិនរងរបួសទេ ហើយនាវាឈ្មោះ Tyndall ដែលគេសង្ស័យថារងការវាយប្រហារដោយមីស៊ីល មិនរងការខូចខាតធ្ងន់ធ្ងរទេ និងបានបន្តដំណើរទៅមុខបន្ទាប់ហេតុការណ៍នេះបានកើតឡើង។ ប៉ុស្តិ៍ទូរទស្សន៍ប្រទេសលីបង់ ដែលគាំទ្រអ៊ីរ៉ង់ Al Mayadeen បានរាយការណ៍ពីហេតុការណ៍នេះមុនគេ។ ប្រព័ន្ធផ្សព្វផ្សាយអ៊ីរ៉ង់រាយការណ៍លើការវាយប្រហារដោយទូលំទូលាយដោយផ្អែកលើការរាយការណ៍របស់ស្ថានីយ៍ទូរទស្សន៍ Al Mayadeen។ អ្នកនាំពាក្យរដ្ឋាភិបាលអ៊ីស្រាអែល និងអេមីរ៉ាតអារ៉ាប់រួម មិនបានអត្ថាធិប្បាយលើហេតុការណ៍នេះទេ។ នេះជាហេតុការណ៍ចុងក្រោយបង្អស់នៅតំបន់ផ្លូវទឹកដ៏រសើប ដែលជាកន្លែងសត្រូវអ៊ីស្រាអែល-អ៊ីរ៉ង់បានដោះដូរការចោទប្រកាន់ទៅវិញទៅមកជុំវិញការវាយប្រហារនាវាឆ្លងកាត់។ កាលពីដើមខែមិថុនានាវាចម្បាំងធំជាងគេរបស់កងទ័ពជើងទឹកអ៊ីរ៉ង់បានលិចនៅតំបន់នេះ បន្ទាប់មានអគ្គីភ័យ ហើយជារឿយចាប់តាំងពីខែមេសា នាវាដឹកទំនិញអ៊ីស្រាអែលរងការវាយប្រហារនៅតំបន់នេះ។ Source: https://www.reuters.com/world/middle-east/israeli-officials-say-cargo-ship-possibly-attacked-en-route-uae-israeli-n12-news-2021-07-03/
-
ក្រុមហ៊ុនឥណ្ឌា Bharat Biotech ៖ វ៉ាក់សាំងពួកគេមានប្រសិទ្ធភាព ដល់ទៅ៩៣,៤% ប្រឆាំងនឹងករណី កូវីដ១៩ ធ្ងន់ធ្ងរ
មឹង ច័ន្ទសុម៉ានីតា ក្រុមហ៊ុនឱសថឥណ្ឌា Bharat Biotech បានអោយដឹងកាលពីថ្ងៃសៅរ៍នេះថាការសាកល្បងដំណាក់កាលទី៣ នៃវ៉ាក់សាំងរបស់ពួកគេបានបង្ហាញថាមានប្រសិទ្ធភាពដល់ទៅ ៩៣,៤%ក្នុងការពារអ្នកជំងឺពីករណីកូវីដ១៩ធ្ងន់ធ្ងរ។ ទិន្នន័យនេះក៏បានបង្ហាញពី លទ្ធភាពក្នុងការការពារដល់ទៅ ៦៥,២% ប្រឆាំងនឹង វីរុសកូរ៉ូណាបម្លែងដែលតា ដែលត្រូវបានរកឃើញដំបូងនៅក្នុងប្រទេសឥណ្ឌា ហើយនាំឱ្យមានការកើនឡើងនៃអត្រាការឆ្លងនិងការស្លាប់ខ្ពស់ជាងគេក្នុងពិភពលោក កាលពីខែមេសា និងឧសភា។ កាលពីខែមុន ក្រុមហ៊ុនផលិតវ៉ាក់សាំង AstraZeneca Plc ក៏បាននិយាយផងដែរថាវ៉ាក់សាំងរបស់ខ្លួនមានប្រសិទ្ធភាពប្រឆាំងនឹងបម្លែងដែលតា និង កាប់ប៉ាផងដែរ។ ឥណ្ឌាបានគ្រប់គ្រងការផលិត និងចែកចាយផ្នែកដ៏ធំមួយនៃវ៉ាក់សាំង AstraZeneca ដែលផលិតនៅក្នុងស្រុកដោយ វិទ្យាស្ថានសេរ៉ូមឥណ្ឌា។ កាលពីខែមុនវិទ្យាស្ថានសេរ៉ូមបាននិយាយថា ខ្លួនគ្រោងនឹងបង្កើនផលិតកម្មប្រចាំខែចាប់ពីខែកក្កដាឲ្យបានរហូតដល់ជិត ១០០ លានដូស។ Bharat Biotech បានប៉ាន់ស្មានថា ខ្លួនអាចនឹងផលិតបាន ២៣ លានដូសក្នុងមួយខែ។ ប្រទេសឥណ្ឌាដែលមានករណីឆ្លងចំនួនសរុប ៣០.៤៥ លាននាក់គឺជាប្រទេសមានអ្នកឆ្លងច្រើនជាងគេទី ២ក្នុងពិភពលោក បន្ទាប់ពីសហរដ្ឋអាមេរិក ដែលមានអ្នកឆ្លងសរុបចំនួន ៣៣ លាននាក់។ ប្រភព៖ India’s Bharat Biotech says vaccine 93.4% effective…
-
ឥណ្ឌូនេស៊ីព្យាករថាករណីវិជ្ជមានកូវីដ១៩ នឹងបន្តកើនឡើង បើបីទោះជាមានការរឹតបន្តឹងក៏ដោយ
ហ៊ីម រដ្ឋា ឥណ្ឌូនេស៊ីព្យាករថាករណីវិជ្ជមាននៃជំងឺកូវីដ១៩ នៅក្នុងប្រទេសខ្លួន នៅតែបន្តកើនឡើងតទៅទៀតនៅរយៈពេល ២សប្ដាហ៍ខាងមុខនេះបើបីទោះជាមានការរឹតបន្តឹងក៏ដោយ នេះបើតាមការលើកឡើងរបស់លោក Luhut Pandjaitan រដ្ឋមន្ត្រីទទួលបន្ទុកលើកិច្ចការប្រយុទ្ធប្រឆាំងជំងឺកូវីដ១៩។ បម្រាមរដ្ឋបាលត្រូវបានដាក់ជាថ្មី ដើម្បីទប់ស្កាត់ចលនារបស់មនុស្ស ដោយមានការបិទភោជនីយដ្ឋាន និងសេវាកម្មមិនមានភាពចាំបាច់ រហូតដល់ថ្ងៃទី២០ ខែកក្កដា ជាមួយនឹងគោលដៅក្នុងការធ្វើឱ្យករណីប្រចាំថ្ងៃធ្លាក់ក្រោម ១ម៉ឺនករណី។ គោលដៅត្រួតពិនិត្យត្រូវបានរៀបចំនៅរាប់រយកន្លែង និងកម្លាំងនគរបាលប្រមាណ ២ម៉ឺនត្រូវបានពង្រាយក្នុងការអនុវត្តវិធានការនេះ។ ឥណ្ឌូនេស៊ីមានករណីវិជ្ជមានថ្មីឡើងច្រើនជាង ២ ម៉ឺនក្នុងមួយថ្ងៃៗចាប់តាំងពីចុងខែមិថុនាមក។ មានសេចក្ដីរាយការណ៍មួយចំនួនបានឱ្យដឹងថាវីរុសកូរ៉ូណាបម្លែងដែលតា ដែលឆ្លងដំបូងពីឥណ្ឌា ជាមូលហេតុក្នុងការបង្កើនការចម្លងនៅឥណ្ឌូនេស៊ី។ ខណៈតម្រូវការថ្នាំពេទ្យ និងអុកស៊ីហ្សែនកើនហួសកម្រិត ចំពេលដែលមនុស្សជាច្រើនព្យាបាលនៅក្នុងផ្ទះ ធ្វើឲ្យមានការបំប៉ោងតម្លៃនៅតាមឱសថស្ថាន និងការលក់តាមប្រព័ន្ធអ៊ីនធឺណេត។ ជាមួយគ្នានេះ ក្រសួងសុខាភិបាលឥណ្ឌូនេស៊ីក៏បានកំណត់តម្លៃនូវថ្នាំមួយចំនួន ដើម្បីទប់ស្កាត់ការឡើងថ្លៃហួសប្រមាណ។ អាជ្ញាធរចាប់ផ្ដើមពន្លឿនការចាក់វ៉ាក់សាំងនៅតាមតំបន់ប៉ះពាល់ខ្លាំង តែមកទល់ពេលនេះចាក់បានត្រឹមតែ ៧% នៃចំនួនគ្រោង ១៨១លាននាក់ប៉ុណ្ណោះ៕ ប្រភព៖ Indonesia expects COVID-19 cases to rise despite stricter curbs https://www.reuters.com/world/asia-pacific/indonesian-police-block-streets-first-day-tougher-covid-19-curbs-2021-07-03/