ឯកអគ្គរដ្ឋទូតអ៊ីរ៉ង់ប្រចាំនៅអង្គការសហប្រជាជាតិ (UN) លោក Majid Takht-Ravanchi បានថ្លែងថា​ ការដែល​សហរដ្ឋអាមេរិក​ធានា​ខ្លួន​ឯង​​ថា​ ខ្លួននឹងមិនចាកចេញពីកិច្ចព្រមព្រៀងនុយក្លេអ៊ែរអ៊ីរ៉ង់​ជា​ឯកតោ​ភាគី​នោះ​ គឺមានសារៈសំខាន់ណាស់ ចំពោះការបញ្ចប់ការពិភាក្សា​ស្តី​ពីលក្ខខណ្ឌនៃការវិលត្រឡប់របស់កិ​ច្ចព្រមព្រៀងរបស់សហរដ្ឋ​​អាមេរិក​ ប្រកប​ដោយជោគជ័យ​នៅទី​ក្រុង​ វីយែន (Vienna)​ ប្រទេស​អូទ្រីស​។ ការអត្ថាធិប្បាយរបស់លោក គឺជាសញ្ញាផ្លូវការច្បាស់ជាងគេបំផុត ដែលថាការខ្វែងគំនិតគ្នារវាង​សហរដ្ឋ​អាមេរិ​ក​ និ​ងអ៊ីរ៉ង់ ស្ដីអំពី​ការ​​​ធានា​ឱ្យបាន​នូវ​ភាព​ជឿទុក​ចិត្ត​គ្នា​នៅតែជាឧបសគ្គដ៏ធ្ងន់ធ្ងរសម្រាប់​កិច្ច​ព្រម​ព្រៀង​​មួយ​នេះ​។ លោក Donald Trump អតីតប្រធានាធិបតី​អាមេរិក​ បាន​ដក​ខ្លួន​ចេញពី កិច្ចព្រ​​ម​ព្រៀង​នុយ​ក្លេអ៊ែរក្នុងឆ្នាំ ២​០១៨ ពោល​គឺ ៣ ឆ្នាំ​ ក្រោយ​លោក​ Barack Obama ចុះហត្ថលេខាហើយ​។ លោក Takht-Ravanchi បាននិយាយថា លុះត្រាតែ​​សហរដ្ឋ​អាមេរិកធានាលើ​ស្ថេរភាព​នៅ​ក្នុង​ប្រទេស​នេះ ទើប​​ អ្នកវិនិយោគអឺរ៉ុប និងវិនិយោគិនដទៃទៀត មាន​ទំនុកចិត្ត​ក្នុង​ការវិនិយោគ​នៅ​ក្នុង​សេដ្ឋកិច្ច​អ៊ីរ៉ង់​បាន។​ អ្នកការទូតអាមេរិក បាននិយាយថា ការធានាដែលអាចអនុវត្តបានតាមច្បាប់​ មិនអាច​ត្រូវ​បាន​ចរចារ​បា​នទេ​ ប្រសិនបើមាន​តែរដ្ឋបាលអាមេរិកមួយ​ ដែល​មិនមាន​បាន​ចូ​លរួម​ ដោយ​សភាដទៃទៀត​។ ហើយ​ទីក្រុង​វ៉ាស៊ីនតោ​ន ក៏​មិនអាចពឹងផ្អែកលើការយល់ព្រមរបស់អង្គការសហប្រជាជាតិ​  ដើម្បី​ចាកចេញ​ពី​កិច្ច​ព្រម​ព្រៀង​នេះដែរ ពីព្រោះការធ្វើដូចនេះ ​នឹងធ្វើឱ្យគោលនយោបាយអាមេរិក​ត្រូវ​ងា​ក​មក​គោរព​តាម​សិទ្ធិ​វេតូ​របស់​រុស្ស៊ី​នៅឯក្រុមប្រឹក្សាសន្តិសុខអង្គការស​ហប្រជាជាតិវិញ​ឯនេះ​។ កិច្ចពិភាក្សាទីក្រុង Vienna…

ធនាគារពិភពលោក (World Bank) នៅ​ថ្ងៃពុធនេះ​  បាន​សន្យាថា​ នឹង​បង្កើន​មូល​និធិ​ សម្រាប់​ការ​ទិញ​វ៉ាក់​សាំង​កូវីដ-១៩ និងបង្កើន​​កញ្ចប់មូលនិធិ​ដល់ទៅ​ ២០ ពាន់លានដុល្លារច្រើន​ជាងគោល​ដៅមុនៗ​ ដែល​មាន​ត្រឹម ១២ ពាន់លានដុល្លារ​ ដោយ​​តម្រូវការហិរញ្ញប្បទានពី​ប្រទេស​កំពុងអភិវឌ្ឍន៍កំពុង​កើន​ឡើង​ខ្លាំង​។ ប្រធានធនាគារពិភពលោក លោក David Malpass និយាយថា​ ធនាគារអភិវឌ្ឍន៍​ពិភពលោក​ បាន​ផ្តល់​ថវិ​កាជាង ៤ ពាន់លានដុល្លារដល់ប្រទេស​កំពុងអភិវឌ្ឍន៍ចំនួន ៥១ ប្រទេស​សម្រាប់ទិញ​ និង​ចែក​ចាយ​វ៉ាក់សាំងទូទាំង​ពិភព​លោក​ ហើយគ្រោង​នឹង​បន្ថែម​​ប្រាក់រាប់ពាន់លាន​ដុល្លារទៀត​សម្រាប់ ២៥​ ប្រទេស​បន្ថែម​ទៀត​ក្នុងពេលឆាប់ៗនេះ។ លោក Malpass បានប្រាប់អ្នកយកព័ត៌មានថា៖ «មានផែ​ន​ការ​​ជាច្រើន​ទៀត ដែល​នឹង​ត្រូវ​អនុវត្ត​នៅ​ប៉ុន្មាន​សប្តាហ៍​ខាងមុខនេះ» ដោយលោក​បាន​លើក​ឡើង​អំពីសំណើសរុបចំនួន ៤១ ច្បាប់​ទៀត ដែល​ ទទួល​ពីបណ្តាប្រទេសអាហ្វ្រិក ដែល​ប្រជាជនតិចជាងពាក់កណ្តាលនៅប្រទេស​នេះ​ទើប​ទទួល​បាន វ៉ាក់​សាំង​។ នៅក្នុងសេចក្តីថ្លែងការណ៍រួមមួយ ធនាគារពិភពលោក មូលនិធិរូបិយវត្ថុអន្តរជាតិ និងអង្គការសុខភាព​ពិភពលោក​​ បានជំរុញឱ្យក្រុមប្រទេស​សេដ្ឋកិច្ចនាំមុខ ឬG20 ត្រូវ​សម្រេច​ចាក់វ៉ាក់សាំង​ដល់ ប្រជាជន​គោល​ដៅ​យ៉ាងហោចណាស់ ៤០ ភាគរយនៅចុង​ឆ្នាំ ២០២១ និងឱ្យ​បាន​ ៦០ ភាគរ​យ​នៅ​ពាក់​កណ្តាល​ឆ្នាំ​…

កាល​ពី​ថ្ងៃ​ពុធ ទី​៣០ មិថុនា ​ប្រទេស​រុស្សី​បាន​កត់​ត្រា​ជំងឺ​អ្នក​ស្លាប់​ដោយ​សារ​កូវីដ១៩​ចំនួន​ ៦៦៩ នាក់​ ដោយ​បំបែក​កំណត់​ត្រា​ ៦៥២ នាក់​កាល​ពី​ថ្ងៃ​អង្គារ ​ដែល​តួ​លេខ​ទាំង​ពីរ​នេះ​ជា​ចំនួន​អ្នក​ស្លាប់​ច្រើន​បំផុត​របស់​រុស្សី​ក្នុង​រយៈ​ពេល​ ២៤ ម៉ោង​។ ការ​កើន​ឡើង​ចំនួន​អ្នក​ស្លាប់​នេះ​ កើត​ឡើង​ខណៈ​ពេល​រុស្សី​កំពុង​ប្រយុទ្ធ​ប្រឆាំង​នឹង​រលក​ឆ្លង​ថ្មី​បង្ក​ដោយ​ការ​រីក​រាលដាល​នៃ​វីរុស​កូរ៉ូណា​បម្លែង​ Delta ដែល​ត្រូវ​​រក​ឃើញ​តំបូងគេ​នៅ​ឥណ្ឌា ហើយ​ងាយ​ចម្លង​ជាង​មុន និងផ្ដល់​​ផល​លំបាក​ខ្លាំង​។ នៅ​ថ្ងៃ​ពុធ​ប្រទេស​នេះ​បាន​រក​ឃើញ​ករណី​ឆ្លង​ថ្មី​ចំនួន​ ២១.០៤២ ករណី​ ដែល​បន្ត​ទំនោរ​មួយ​ចាប់​ផ្ដើម​តាំង​ពី​ថ្ងៃ​ព្រហស្បតិ៍​សប្ដាហ៍​មុន នៃ​ការ​រក​ឃើញ​ករណី​ឆ្លង​ថ្មី​មិន​តិច​ជាង​ ២០.០០០ ករណី​ក្នុង​មួយ​ថ្ងៃ​។ សរុប​មក​ មន្ត្រី​សុខាភិបាល​រុស្សី​បាន​កត់​ត្រា​ករណី​ឆ្លង​ ដែល​អាច​បញ្ជាក់​បាន​ ចំនួន​ ៥,៥ លាន​ករណី​ និង​អ្នក​ស្លាប់​ចំនួន​ ១៣៥.២១៤ នាក់​។ អាជ្ញាធរ​បាន​អំពាវ​នាវ​ដល់​ពលរដ្ឋ​ឱ្យ​មាន​ការ​ប្រុង​ប្រយ័ត្ន​សុវត្ថិភាព និង​សុខភាព​ឱ្យ​កាន់​តែ​ហ្មត់ចត់​បន្ថែម​ទៀត​នៅ​ពេល​មាន​ជំងឺ​រាតត្បាត​នេះ​។ ក្រុម​មន្រ្តី​បាន​និយាយ​ថា​កង្វះ​នៃ​វិធីសាស្រ្ត​កាត់​បន្ថយ​គឺ​ពី​ក្រោយ​នៃ​ការ​កើន​ឡើង​ដែល​បាន​ចាប់​ផ្ដើម​នៅ​ដើម​ខែ​នេះ​។ មកទល់​ពេល​នេះ​ មាន​ចំនួន​ត្រឹម​តែ ១៥ ភាគរយ​នៃ​ប្រជាជន​របស់​ប្រទេស​នេះ​បាន​ទទួល​ការ​ចាក់​វ៉ាក់សាំង​ការពារ​កូវីដ១៩​យ៉ាង​ហោច​ណាស់​មួយ​ដូស បើ​ទោះ​បី​រុស្ស៊ី​ គឺ​ក្នុង​ចំណោម​ប្រទេស​ដំបូង​គេ​ដែល​បាន​បញ្ចេញ និង​ចាប់​ផ្ដើម​ចែក​ចាយ​វ៉ាក់សាំង​ប្រឆាំង​នឹង​វីរុស​នេះ​។

សហរដ្ឋអាមេរិក​ និង​ជប៉ុន​បាន​ធ្វើ ​«ល្បែង​សង្គ្រាម​សម្ងាត់​» ដើម្បី​ត្រៀម​សម្រាប់​ជម្លោះ​ដែល​អាច​កើត​ឡើង​ជា​មួយ​ចិន​ជុំវិញ​បញ្ហា​កោះ​តៃវ៉ាន់ នេះ​បើ​តាម​ការ​រាយការណ៍​របស់​កាសែត​ The Financial Times ដែល​បាន​ដក​ស្រង់​សំដី​ពី​ប្រភព​យោធា​ជា​ច្រើន​។ បើ​យោង​តាម​ប្រភព​មិន​បញ្ចេញ​ឈ្មោះ​ចំនួន ​៦រូប​ដែល​បាន​លើក​ឡើង​នៅ​ក្នុង​ការ​រាយការណ៍​នេះ សហរដ្ឋ​អាមេរិក​ និង​ជប៉ុន​បាន​ចាប់​ផ្ដើម​រៀប​ចំ​ផែនការ​សម្រាប់​ជម្លោះ​ដែល​អាច​កើត​ឡើង​នៅ​ឆ្នាំ​ចុង​ក្រោយ​នៃ​អាណត្តិ​របស់​ប្រធានាធិបតី​ដូណាល់ ត្រាំ​។ ស្រប​ពេល​ជា​មួយ​នឹង​ការ​រៀប​ចំ​ផែនការ ក្រុង​វ៉ាស៊ីនតោន និង​តូក្យូ​បាន​ធ្វើ​ «ល្បែង​សង្គ្រាម​ និង​ការ​សម​យុទ្ធ​រួម​សម្ងាត់​នៅ​សមុទ្រ​ចិន​ខាង​ត្បូង និង​សមុទ្រ​ចិន​ខាង​កើត​»។ ប្រភព​ជា​ច្រើន​ បាន​និយាយ​ថា​​សម​យុទ្ធ​រួមគ្នា​​ទាំង​នេះ​ត្រូវ​បាន​ធ្វើ​ឡើង​ដោយ​សម្ងាត់​ក្រោម​ «ការ​វឹក​ហាត់​ជំនួយ​គ្រោះ​មហន្តរាយ​»។ យោង​តាម​របាយការណ៍​នេះ កិច្ច​សហប្រតិបត្តិការ​បាន​កើន​ឡើង​យ៉ាង​ខ្លាំង​រវាង សហរដ្ឋអាមេរិក ជប៉ុន និង​តៃវ៉ាន់ បន្ទាប់​ពី​មាន​កិច្ច​ព្រមព្រៀង​មួយ​កាល​ពី​ឆ្នាំ ២០១៧ ដើម្បី​ចែក​រំលែក​លេខ​កូដ​យន្តហោះ​យោធា ដែល​នឹង​ធ្វើ​ឱ្យ​មាន​ភាព​ងាយ​ស្រួល​ក្នុង​ការ​កំណត់​អត្តសញ្ញាណ​យន្តហោះ​សម្ព័ន្ធមិត្ត​។ ការ​ត្រៀម​ទាំង​នេះ​ធ្វើ​ឡើង​ខណៈ​ពេល​ដែល​ភាព​តាន​តឹង​រវាង​ចិន​ និង​ជប៉ុន​កំពុង​កើន​ឡើង​។ ថ្មី​ៗ​នេះ ជប៉ុន​បាន​ចោទ​ប្រកាន់​ប្រទេស​ចិន​ថា​បាន​បើក​នាវា​ឆ្លង​កាត់​ដែន​ទឹក​នៃ​ប្រជុំ​កោះ​Senkaku ​ជា​ទឹកដី​​គ្រប់​គ្រង​ដោយ​ប្រទេស​ជប៉ុន ប៉ុន្តែ​បាន​ទាមទារ​ដោយ​ប្រទេស​ចិន​។ ទីក្រុង​ប៉េកាំង​មិន​ទទួល​ស្គាល់​ការ​ត្រួតត្រា​របស់​ជប៉ុន​លើ​ប្រជុំ​កោះ​នេះ​ទេ ហើយចាត់ទុក​​ទឹក​ដី​នោះ​ថា​ប្រជុំ​កោះ​ Diaoyu​។ ប្រទេស​ជប៉ុន​ទទួល​បាន​ការ​គាំទ្រ​ពី​សហរដ្ឋអាមេរិក ហើយ​ប្រទេស​ទាំង​ពីរ​ត្រូវ​បាន​ទី​ក្រុង​ប៉េកាំង​​ចោទ​ប្រកាន់​ថា​បាន «ព្រួត​គ្នា​ធ្វើ​បាប» ចិន​ដី​គោក​។

រដ្ឋ​មន្រ្តី​ក្រសួង​ការ​បរទេស​បារាំង​លោក ​Clement​ Beaune​ បាន​និយាយកាល​ពីថ្ងៃ​ពុធ ទី​៣០ មិថុនា​ថា លោករំពឹងថានឹងមានទណ្ឌកម្ម​ប្រឆាំងនឹងប្រទេសហុងគ្រី ចំពោះច្បាប់​ប្រឆាំង​នឹងក្រុមអ្នកស្រឡាញ់ភេទដូច​គ្នា (LGBT) របស់ប្រទេសអឺរ៉ុបប៉ែក​កណ្ដាល​មួយ​នេះ។ យ៉ាង​ណាមិញ លោក Beaune ​​ថា​ ការ​រំពឹងនេះ មិនមែន​ក្នុងន័យចង់​​បណ្ដេញ​ប្រទេស​ហុងគ្រី​ចេញពី​សហភាពអឺរ៉ុបនោះ​ទេ​។ កាល​ពីសប្តាហ៍មុន​ មេដឹក​នាំ​សហគមន៍​អ៊ឺរ៉ុបបាន​ប្រឈម​មុខ​ជាមួយ​​លោក​នាយក​រដ្ឋ​មន្រ្តី​ហុងគ្រី​ Viktor​ Orban​ ជុំវិញ​ច្បាប់​ប្រឆាំង​នឹង​ក្រុម ​LGBT ​ថ្មី​របស់ហុងគ្រី​ ដោយ​សង្កត់​ធ្ងន់​លើ​ការ​ប្តេជ្ញា​ចិត្ត​របស់​ខ្លួន​ក្នុង​ការ​ការពារ​សិទ្ធិ​របស់​អ្នក​ស្រឡាញ់​ភេទ​ដូច​គ្នា ​និង​ដាក់​សម្ពាធ​យ៉ាង​ខ្លាំង​ទៅ​លើ​ទីក្រុង​ប៊ុយដាប៉ែស​ក្នុង​ការបោះ​ជំហាន​ទៅ​មុខ​។​ សភា​ហុងគ្រី​ដែល​គ្រប់គ្រង​ដោយ​គណបក្ស​ជាតិ​និយម​ Fidesz ​របស់​លោក ​Orban​ បាន​អនុម័ត​ច្បាប់​ប្រឆាំង​នឹង​ក្រុម​ LGBT ​កាល​ពី​ថ្ងៃ​ទី ​១៥ ​ខែ​មិថុនា ​ដោយ​ច្បាប់​នេះ​បាន​ហាម​ឃាត់​ការ​លើក​កម្ពស់​ការ​ស្រឡាញ់​ភេទ​ដូច​គ្នា​ដល់​ក្មេង​ក្រោម​អាយុ​១៨​ ឆ្នាំ ​ហើយ​​ថា​មាន​តែ​គ្រូ​ដែល​ទទួល​ការ​យល់ព្រម​ពី​រដ្ឋាភិបាល​ប៉ុណ្ណោះ​ ដែល​ត្រូវ​បាន​អនុញ្ញាត​ឱ្យ​បង្រៀន​ការ​អប់រំ​ផ្លូវ​ភេទ​នៅ​តាម​សាលា​រៀន​។​ ​ក្រុម​អ្នក​រិះគន់​បាន​និយាយ​ថា ច្បាប់​នេះ​រឹតតែ​អាក្រក់ជាង​ការ​ហាម​ឃាត់​កាលឆ្នាំ ២០១៣ របស់រុស្ស៊ី ​ទៅ​លើការឃោសនា​ការ​ស្រលាញ់ភេទដូច​គ្នាទៅទៀត​។ កាល​ពីខែធ្នូ ឆ្នាំ​មុន សភាហុងគ្រីបានអនុម័តការហាម​ឃាត់​លើការ​សុំ​កូនចិញ្ចឹមដោយក្រុមមនុស្ស​ស្រឡាញ់ភេទ​ដូច​គ្នា​ ខណៈ​ច្បាប់​នៃការ​ហាម​ឃាត់​លើ​ការ​ផ្លាស់​ប្តូរ​ភេទ​ដោយ​ស្រប​ច្បាប់​ បាន​ចូល​ជា​ធរមាន​កាល​ពី​ឆ្នាំ ​២០១៩​។​ សមាជិក​នៃ​គណបក្ស​ Fidesz​ ដដែល​ធ្លាប់​ខឹង​ច្រលោត​​កាល​ពី​ឆ្នាំ ​២០១៩ ​ដោយ​អំពាវ​នាវ​ឱ្យ​ធ្វើ​ពហិការ​លើ​ផលិត​ផល​របស់​ក្រុម​ហ៊ុន​កូកាកូឡា​ ក្រោយ​ក្រុម​ហ៊ុន​នេះ​ចេញ​យុទ្ធនាការ​ផ្សាយ​ពាណិជ្ជកម្ម​ដោយ​ភ្ជាប់​ជាមួយ​នឹង​ស្នាម​ញញឹម​របស់​គូស្នេហ៍​អ្នក​ស្រលាញ់​ភេទ​ដូច​គ្នា​…

វ៉ានឃូវឺរ​៖​ ចំនួន​អ្នក​ស្លាប់​ដោយ​សារ​រលក​កម្ដៅ​ដែល​បំបែក​កំណត់​ត្រា​នៅ​កាណាដា​ និង​រដ្ឋ​ភាគ​ពាយព្យ​របស់សហរដ្ឋ​​អាមេរិក​ បាន​បន្ដ​កើន​ឡើង​ ខណៈ​ដែល​ក្រុម​មន្រ្តី​បាន​ព្រមាន​ពី​ភ្លើង​ឆេះព្រៃ​អាច​នឹង​កើត​មាន​ឡើង​។​ ​រលក​កម្ដៅ​បាន​ថយ​ចុះ​កាល​ពី​ថ្ងៃ​ពុធ​នៅ​រដ្ឋ​ Oregon ​ប៉ុន្តែ​បាន​សម្លាប់​មនុស្ស​យ៉ាង​ហោច​ណាស់​ ៦៣ ​នាក់​ក្នុង​រដ្ឋ​នេះ ​រាប់​ចាប់​តាំង​ពី​ថ្ងៃ​សុក្រ​សប្ដាហ៍​មុន​ ដោយ​អ្នក​ពិនិត្យ​វេជ្ជសាស្ត្រ​បាន​និយាយ​ថា​ ការ​ឡើង​កម្ដៅ​ខ្លួន​ខ្ពស់​ជា​បុព្វ​ហេតុ​ធំ​មួយ​​​។​ ចំណែក​នៅ​ឯ​ខេត្ត​​ British ​Columbia ​ភាគ​និរតី​របស់​កាណាដា​ឯណោះ​វិញ​ មនុស្ស​ស្លាប់​ភ្លាម​ៗ​ដោយ​សារ​កំណើន​កម្ដៅ​ក្នុង​រយៈ​ពេល​​៥​ ថ្ងៃ​ចុង​ក្រោយ​ បាន​កើន​ឡើង​រហូត​ដល់​ ៤៨៦ ​នាក់​ នេះ​បើ​យោង​តាម​ការិយាល័យ​រដ្ឋ​កាណាដា​ B.C.​ Coroners ​Service ​និយាយ​កាល​ពី​ថ្ងៃ​ពុធ​ ទី​​ ៣០​ មិថុនា ​។ ​អ្នក​ស្លាប់​ភាគ​ច្រើន​ត្រូវ​បាន​រាយការណ៍​ថា​ជា​មនុស្ស​ចាស់ ​និង​អ្នក​មាន​ជំងឺ​ប្រចាំ​កាយ​។​ ​លោក​ David​ Phillips ​អ្នក​ជំនាញ​ជាន់​ខ្ពស់​ផ្នែក​ឧតុនិយម​នៅ​​មន្ទីរ​បរិស្ថាន​និង​បម្រែ​បម្រួល​អាកាស​ធាតុ​កាណាដា​បាន​និយាយ​ថា ​ដូម​កម្ដៅ ​(Heat ​Dome)​ ដែល​ជា​បាតុភូត​អាកាស​ធាតុ​​​ទប់​កំដៅ​ឱ្យ​នៅ​នឹង​ ហើយ​រារាំង​ប្រព័ន្ធ​អាកាស​ធាតុ​ផ្សេង​ៗ​រួម​មាន​ខ្យល់​ពី​មហាសមុទ្រ​ពី​ការ​ធ្វើ​ចលនា​ចូល​​​។​ លោក​ថា​ គេ​មិន​ដឹង​ច្បាស់​នៅ​ឡើយ​ទេ​ ថា​តើ​អ្វី​ជា​​​​អ្នក​បង្កើត​ដូច​​នេះ ​ប៉ុន្តែ​​បម្រែ​បម្រួល​អាកាសធាតុ​គឺ​ជា​កត្តា​ចំណែក​មួយ​ដែល​ធ្វើ​ឱ្យ​កម្ដៅ​កើន​ឡើង​ខ្លាំង ​បង្កើត​បាន​ជា​រលក​កម្ដៅ​។​ ​​កាណាដា​​បាន​​កត់​ត្រា​​នូវ​​សីតុណ្ហភាព​​ខ្ពស់​​បំផុត​​មិន​​ធ្លាប់​​មាន​​របស់​​ខ្លួន​​​បី​​ថ្ងៃ​​ជាប់​​ៗ​​គ្នា​​ គិត​​ត្រឹម​​ថ្ងៃ​​អង្គារ​​​ ​ដោយ​​សីតុណ្ហភាព​​បាន​​​​​ឡើងយ៉ាងគំហុក​​​ដល់​​ទៅ​ ៤៩,៦ ​​អង្សាសេ​​ នៅទីក្រុង​ ​​ Lytton​…

កាលពីថ្ងៃពុធ ទី៣០ មិថុនាប្រទេសចិនត្រូវបានអង្គការសុខភាពពិភពលោកបញ្ជាក់ថាគ្មានជំងឺគ្រុនចាញ់ បន្ទាប់ពីមានការខិតខំប្រឹងប្រែងអស់រយៈពេល ៧០ ឆ្នាំដើម្បីលុបបំបាត់ជំងឺនេះ។ ប្រទេសចិនបានរាយការណ៍ថាមានជំងឺគ្រុនចាញ់ចំនួន ៣០ លានករណីជារៀងរាល់ឆ្នាំក្នុងទសវត្សឆ្នាំ ១៩៤០ ប៉ុន្តែក្នុងរយៈពេល ៤ ឆ្នាំជាប់ៗគ្នាចុងក្រោនេះមិនមានជម្ងឺគ្រុនចាញ់ឡើយ។ អគ្គនាយកអង្គការសុខភាពពិភពលោកលោក Tedros Adhanom Ghebreyesus បាននិយាយថា៖«យើងអបអរសាទរប្រជាជនចិនចំពោះការលុបបំបាត់ជំងឺគ្រុនចាញ់ក្នុងប្រទេស»។ លោកបានបន្តនិយាយថា ជាមួយនឹងការប្រកាសនេះប្រទេសចិនបានចូលរួមជាមួយបណ្តាប្រទេសផ្សេងទៀតដែលបង្ហាញពិភពលោកថា នាពេលអនាគតនឹងគ្មានជំងឺគ្រុនចាញ់ ហើយក៏ជាគោលដៅដែលអាចសម្រេចបាន។ បណ្តាប្រទេសដែលគ្មានករណីគ្រុនចាញ់យ៉ាងតិច ៣ ឆ្នាំជាប់គ្នាអាចដាក់ពាក្យសុំវិញ្ញាបនប័ត្រសុខភាពពិភពលោកពីស្ថានភាពគ្មានជំងឺគ្រុនចាញ់។

កាលពីថ្ងៃពុធ ទី៣០ មិថុនាមេដឹកនាំ​កំពូល​កូរ៉េខាងជើងបានបណ្តេញមន្ត្រីជាន់ខ្ពស់ជាច្រើននាក់ដែលមិនបានអនុវត្តការការពារការរីករាលដាលកូវីដ-១៩ យ៉ាងតឹងរឹងរបស់កូរ៉េខាងជើងដែលជាការមិនគោរពតាមកាតព្វកិច្ច។  នេះបើយោងតាមការរាយការណ៍របស់សារព័ត៌មាន CNN ។ យោងតាម​ភ្នាក់ងារព័ត៌មានមជ្ឈិមកូរ៉េ (Korean Central News Agency ) ដែលគ្រប់គ្រងដោយរដ្ឋាភិបាល​បាននិយាយថា រឿងនេះហាក់ដូចជាសមាជិកខ្លះនៃថ្នាក់លើនៃគណបក្សកំពុងកាន់អំណាចរបស់ប្រទេសកូរ៉េខាងជើង​ត្រូវបានជំនួសតំណែងដោយអ្នកផ្សេង។ រហូតមកដល់បច្ចុប្បន្ននេះ ប្រទេសកូរ៉េខាងជើងអាចការពារការផ្ទុះឡើងនៃករណីកូវីដ-១៩ ដោយសារមានវិធានការណ៍តឹងរឹង។ មេដឹកនាំកំពូល​កូរ៉េខាងជើង លោក Kim Jong Un ត្រូវបានគេរាយការណ៍ថាបានសម្លាប់មនុស្សពីរនាក់កាលពីឆ្នាំមុនចំពោះបទល្មើសដែលទាក់ទងនឹងករណីកូវីដ-១៩ រួមទាំងមន្រ្តីគយដែលមិនគោរពច្បាប់នៅពេលនាំចូលទំនិញពីប្រទេសចិន។ ចាប់តាំងពីខែមករាឆ្នាំ ២០២០ ព្រំដែនប្រទេសកូរ៉េខាងជើងត្រូវបានបិទដើម្បីការពារការរីករាលដាលនៃវីរុសនេះ ទោះបីជាវាផ្តល់ផលប៉ះពាល់ដល់ការធ្វើពាណិជ្ជកម្មជាមួយទីក្រុងប៉េកាំងក៏ដោយ។