-
លោក Xi Jinping ថ្លែងថា រាល់ការប៉ុនប៉ងដើម្បីធ្វើអបគមន៍បក្សកុម្មុយនិស្តចិន និងប្រជាជនចិន នឹងមិនអាចសម្រេចបានជាដាច់ខាត
ថ្ងៃទី១ ខែកក្កដា លោកXi Jinping អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិនបានថ្លែងនៅក្នុងមហាសន្និបាតអបអរសាទរខួប១០០ឆ្នាំ នៃការបង្កើតបក្សកុម្មុយនិស្តចិនថា គណៈកម្មាធិការមជ្ឈិមបក្សកុម្មុយនិស្តចិនគឺតំណាងឱ្យផលប្រយោជន៍ស្នូលរបស់ប្រជាជនចិន ហើយរួមសុខរួមទុក្ខជាមួយប្រជាជនចិន គ្មានផលប្រយោជន៍ពិសេសអ្វីសម្រាប់ខ្លួនឯងនោះទេ ហើយក៏មិនដែលតំណាងឱ្យផលប្រយោជន៍របស់ក្រុមអ្នកទទួលណាមួយ ក្រុមសិទ្ធិអំណាចណាមួយ ឬវណ្ណៈដែលមានសិទ្ធិអំណាចពិសេសណាមួយនោះដែរ។រាល់ការប៉ុនប៉ងធ្វើអបគមន៍បក្សកុម្មុយនិស្តចិននិងប្រជាជនចិននឹងមិអាចសម្រេចបានជាដាច់ខាត។ លោកបានសង្កត់ធ្ងន់ថាបក្សកុម្មុយនិស្តចិនត្រូវតែប្រកាន់ខ្ជាប់នូវវត្ថុបំណងដើមស្តីពីការបម្រើប្រជាជនឱ្យអស់ពីចិត្តពីថ្លើម ព្រមទាំងឈរលើគោលជំហររបស់ប្រជាជន លើកកម្ពស់ការអភិវឌ្ឍរបស់ប្រជាជនដោយគ្រប់ជ្រុងជ្រោយនិងជំរុញការវិវឌ្ឍ រីកចម្រើនជាក់ស្តែងនៃភាពសម្បូរសម្បាយរួមរបស់ប្រជាជនទាំងអស់៕
-
អ៊ីរ៉ង់ប្រកាសអោយប្រើប្រាស់វ៉ាក់សាំងបង្ការជំងឺកូវីដ-១៩ ដែលផលិតក្នុងស្រុកមួយទៀតសម្រាប់ករណីបន្ទាន់
អ៊ីរ៉ង់៖ ទីភ្នាក់ងារសារព័ត៌មាន Tasnim នៅថ្ងៃពុធសប្តាហ៍នេះថា ក្រសួងសុខាភិបាលអ៊ីរ៉ង់បានអនុម័តអោយប្រើប្រាស់វ៉ាក់សាំងប្រឆាំងនឹងវីរុសកូវីដ១៩ទី២ ដែលផលិតនៅក្នុងស្រុកផ្ទាល់សម្រាប់ករណីបន្ទាន់ ។រដ្ឋមន្រ្តីសុខាភិបាលអ៊ីរ៉ង់លោក Saeed Namaki បានថ្លែងថា ការអនុម័តខាងលើនេះ បានកើតមានឡើងដោយយោងទៅតាមការធ្វើតេស្តក្លីនិកដំណាក់កាលទី៣ នៃវ៉ាក់សាំង Pasteur ដែលផលិតដោយវិទ្យាស្ថាន Pasteur ត្រូវបានធ្វើឡើង ។ លោកបន្ថែមថា វ៉ាក់សាំង Pasteur គឺជាវ៉ាក់សាំងដែលផលិតនៅក្នុងស្រុកទី២ហើយ ដែលត្រូវបានអនុម័តសម្រាប់ការប្រឆាំងនឹងវីរុសកូរ៉ូណា ។គួរកត់សម្គាល់ ប្រទេសអ៊ីរ៉ង់ កាលពីថ្ងៃទី១៤ ខែមិថុនាកន្លងទៅ បានប្រកាសអោយប្រើប្រាស់សម្រាប់ករណីបន្ទាន់ នូវវ៉ាក់សាំងបង្ការជំងឺកូវីដ១៩ ដែលផលិតក្នុងស្រុកទី១ មានឈ្មោះថា COVIran Barakat ដែលទទួលបានជំនួយហិរញ្ញវត្ថុពីមូលនិធិ Barakat ៕ ប្រភព៖ ស៊ីនហួរ
-
រដ្ឋមន្រ្តីសុខាភិបាលជប៉ុនបង្ហាញការព្រួយបារម្ភខ្លាំង ខណៈប្រជាជនជាច្រើនចូលចិត្តចេញដើរនៅពេលយប់ បន្ទាប់ពីការប្រកាសគ្រាអាសន្នអស់សុពលភាព
ជប៉ុន៖ រដ្ឋមន្រ្តីសុខាភិបាលជប៉ុនលោក Tamura Norihisa បានសម្តែងការព្រួយបារម្ភ ពាក់ព័ន្ធនឹងការកើនឡើងរបស់ប្រជាជនដែលចេញក្រៅផ្ទះ និងដើរហើរនៅពេលយប់នៅក្នុងទីក្រុងតូក្យូ ខណៈដែលជំងឺរាតត្បាតកូវីដ១៩កំពុងកើនឡើង ។ ក្តីកង្វល់របស់លោក Tamura បានកើតមានឡើងនៅពេលលោកចូលរួមកិច្ចប្រជុំមួយជាមួយក្រុមអ្នកជំនាញជាច្រើនរូបនៅក្នុងថ្ងៃពុធសប្តាហ៍នេះ ។ លោក Tamura បន្តថា វាពិតជាគួរអោយព្រួយបារម្ភណាស់ដែលថ្មីៗនេះ ចំនួនករណីឆ្លងថ្មីៗនៅទូទាំងប្រទេស បានចាប់ផ្តើមកើនឡើងបន្តិចវិញ ។ នៅក្នុងទីក្រុងតូក្យូ លោករដ្ឋមន្រ្តីបានបញ្ជាក់ថា ចំនួនមនុស្សចេញក្រៅផ្ទះ ហើយប្រហែលជានៅពេលយប់ បានកើនឡើងរហូតដល់១៨ភាគរយ បន្ទាប់ពីការប្រកាសគ្រាអាសន្នបានអស់សុពលភាពនៅថ្ងៃទី២០ ខែមិថុនា ហើយលោកក៏បានចង្អុលបង្ហាញពីការកើនឡើងយ៉ាងខ្លាំង នៃចំនួនប្រជាជនចេញដើរនៅពេលយប់ផងដែរ ។ លោក Tamura បានសង្កត់ធ្ងន់ទៀតថា ស្ថានការណ៍បែបនេះ ត្រូវបានគេគិតថា កំពុងដឹកនាំទៅរកការកើនឡើងនូវករណីឆ្លងថ្មីៗប្រចាំថ្ងៃនៅក្នុងរដ្ឋធានី ខណៈដែលចំនួនគ្រែសម្រាកព្យាបាលនៅមន្ទីរពេទ្យ ក៏ដូចជាតួលេខអ្នកជំងឺដែលមានស្ថានភាពជំងឺធ្ងន់ធ្ងរកំពុងកើនឡើងបន្តិចនៅក្នុងទីក្រុងតូក្យូ ៕ ប្រភព៖ NHK
-
មជ្ឈមណ្ឌលគ្រប់គ្រងស្ថានភាពកូវីដ-១៩ថៃ (CCSA) ព្រមានពីការផ្ទុះឡើងរលកទី៤ នៃវីរុសកូរ៉ូណានាពេលឆាប់ៗនេះ
ថៃ៖ មជ្ឈមណ្ឌលគ្រប់គ្រងស្ថានភាពកូវីដ-១៩ (CCSA) របស់ប្រទេសថៃ បានព្រមានថា រលកឆ្លងទី៤ នៃជំងឺកូវីដ១៩អាចនឹងវាយប្រហារនៅទូទាំងប្រទេសថៃក្នុងពេលឆាប់ៗនេះ ។ ប្រធានមជ្ឈមណ្ឌលប្រតិបត្តិការរបស់ CCSA លោក Gen Natthapol Nakpanich បានបញ្ជាក់នៅថ្ងៃពុធនេះថា រលកទី៤ជិតមកដល់ហើយ ពីព្រោះវីរុសបម្លែងថ្មី Delta ដែលរកឃើញដំបូងនៅឥណ្ឌា បានរាលដាលឆ្លងក្នុងស្រុកយ៉ាងលឿន ដែលធ្វើអោយអ្នកជំនាញមានការព្រួយបារម្ភនៅមន្ទីរពេទ្យ Siriraj Hospital ជាកន្លែងព្យាបាលសំខាន់បំផុតក្នុងប្រទេស ។ ទន្ទឹមនេះ មជ្ឈមណ្ឌលគ្រប់គ្រងស្ថានភាពកូវីដ-១៩ថៃ (CCSA) បានអំពាវនាវអោយប្រជាជនដែលចេញក្រៅទទួលទានអាហារល្ងាច និងភោជនីយដ្ឋាននានាមិនត្រូវបន្ធូរបន្ថយក្នុងការប្រកាន់ភ្ជាប់វិធានការទប់ស្កាត់កូវីដ-១៩ឡើយនៅកន្លែងដែលត្រូវបានដាក់បំរាម ។ គួរកត់សម្គាល់ អាជ្ញាធរសុខាភិបាលបានរកឃើញវីរុសបម្លែងថ្មី Delta បាននិងកំពុងបង្កើតចរន្តឆ្លងរាលដាលយ៉ាងឆាប់រហ័ស ប្រឆាំងនឹងវីរុសបម្លែងថ្មី Alpha ដែលរកឃើញដំបូងនៅចក្រភពអង់គ្លេសដែលឆ្លងទូទៅនៅប្រទេសថៃ ៕ ប្រភព៖ Bangkok Post
-
អ្នកឆ្លង COVID-19 នៅទូទាំងពិភពលោកកើនឡើងដល់១៨២លាន៩៧ម៉ឺននាក់ ក្នុងនោះស្លាប់៣លាន៩៦ម៉ឺននាក់ និងជាសះស្បើយ១៦៧លាន៥៥ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន១៨២លាន៩៧ម៉ឺន៦ពាន់៥៦៤ករណី ក្នុងនោះមានអ្នកជម្ងឺសរុបចំនួន៣លាន៩៦ម៉ឺន២ពាន់៧៩៩នាក់ស្លាប់ និង ជាសះស្បើយឡើងវិញសរុបចំនួន១៦៧លាន៥៥ម៉ឺន៥ពាន់៨០៨នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី០១ ខែកក្កដា ឆ្នាំ២០២១ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន៣៤លាន៥៤ម៉ឺន៨៤៥នាក់ ស្លាប់ចំនួន៦២ម៉ឺន២៤៩នាក់ និងជាសះស្បើយចំនួន២៩លាន២ម៉ឺន៦ពាន់៦៨៨នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន៣០លាន៤១ម៉ឺន៥៧៧នាក់ ស្លាប់៣៩ម៉ឺន៩ពាន់៤៧៥នាក់ និងជាសះស្បើយ២៩លាន៤៨ម៉ឺន១ពាន់៥២២នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន១៨លាន៥៥ម៉ឺន៩ពាន់១៦៤នាក់ ស្លាប់ចំនួន៥១ម៉ឺន៨ពាន់២៤៦នាក់ និងជាសះស្បើយ១៦លាន៨៥ម៉ឺន៨ពាន់៦៣២នាក់ ៕ ប្រភព៖ worldometers
-
លោក ស៊ី ជិនពីង ៖ ការអភិវឌ្ឍថ្មីរបស់ប្រទេសចិនជាការផ្តល់កាលានុវត្តភាពថ្មីដល់ពិភពលោក
ចិន៖ នៅក្នុងមហាសន្និបាតអបអរសាទរខួប១០០ឆ្នាំនៃការបង្កើតបក្សកុម្មុយនិស្តចិន លោកXi Jinpingអគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិនបានលើកឡើងថា ប្រទេសចិនចាំបាច់ត្រូវប្រកាន់ខ្ជាប់ការដើរតាមមាគ៌ាអភិវឌ្ឍន៍ដោយសន្តិភាព ជំរុញការកសាងទំនាក់ទំនងអន្តរជាតិបែបថ្មី ជំរុញការកសាងសហគមន៍រួមវាសនាតែមួយរបស់មនុស្សជាតិ ជំរុញការអភិវឌ្ឍដោយគុណភាពខ្ពស់នូវការរួមគ្នាកសាង “ខ្សែក្រវាត់និងផ្លូវ” ដើម្បីផ្តល់កាលានុវត្តភាពថ្មីដល់ពិភពលោកតាមរយៈការអភិវឌ្ឍថ្មីរបស់ប្រទេសចិន ។ លោកបានគូសបញ្ជាក់ថា ជានិច្ចកាលប្រទេសចិនតែងតែជាស្ថាបនិកនៃសន្តិភាពពិភពលោក អ្នករួមចំណែកនៃការអភិវឌ្ឍជាសកលនិងជាអ្នកគាំពារសណ្តាប់ធ្នាប់អន្តរជាតិ។បក្សកុម្មុយនិស្តចិននឹងប្រកាន់ខ្ជាប់ការធ្វើកិច្ចសហប្រតិបត្តិការ មិនធ្វើបដិបក្ខ ប្រកាន់ខ្ជាប់ការបើកចំហ មិនបិទទ្វារ ប្រកាន់ខ្ជាប់ការផ្តល់ផលប្រយោជន៍ទៅវិញទៅមកនិងឈ្នះ-ឈ្នះ មិនធ្វើការប្រកួតប្រជែងផលបូកសូន្យ ប្រឆាំងនឹងអនុត្តរភាពនិយមនិងនយោបាយកម្លាំងបាយ ៕
-
លោក ស៊ី ជិនពីង ប្រកាសថា ប្រទេសចិនបានសម្រេចការកសាងសង្គមដែលប្រជាជនមានជីវភាពធូរធារបង្គួរដោយគ្រប់ជ្រុងជ្រោយ
នៅក្នុងមហាសន្និបាតអបអរខួប ១០០ ឆ្នាំនៃការបង្កើតបក្សកុម្មុយនិស្តចិននៅថ្ងៃទី ១ ខែកក្កដា លោក ស៊ី ជិនពីង មេដឹកនាំកំពូកនៃបក្សនិងរដ្ឋចិនបានប្រកាសយ៉ាងឱឡារិកថា ប្រទេសចិនបានសម្រេចការកសាងសង្គមដែលប្រជាជនមានជីវភាពធូរធារបង្គួរដោយគ្រប់ជ្រុងជ្រោយ ។ លោក ស៊ី ជិនពីង ថ្លែងថា តាមរយៈកិច្ចខិតខំប្រឹងប្រែងជាបន្តបន្ទាប់នៃបក្សទាំងមូលនិងប្រជាជនទូទាំងប្រទេស ប្រទេសចិនបានសម្រេចការកសាងសង្គមដែលប្រជាជនមានជីវភាពធូរធារបង្គួរដោយគ្រប់ជ្រុងជ្រោយ បច្ចុប្បន្ន កំពុងតស៊ូព្យាយាមបោះជំហានទៅកាន់គោលដៅសម្រេចការកសាងដោយគ្រប់ជ្រុងជ្រោយនូវប្រទេសខ្លាំងខាងសង្គមនិយមទំនើប ។ នេះជាមហាកិត្តិយសនៃប្រជាជាតិចិន ប្រជាជនចិននិងបក្សកុម្មុយនិស្តចិន ។ តាំងពីកំណែទម្រង់និងបើកទូលាយមក បក្សកុម្មុយនិស្តចិនបានចាត់ចែងជាយុទ្ធសាស្ត្រចំពោះការកសាងសង្គមនិយមទំនើប នៅដើមឆ្នាំ២០២១នេះ ប្រទេសចិនបានបញ្ចប់ភារកិច្ចដ៏សែនលំបាកដែលលុបបំបាត់ភាពក្រីក្របំផុត ប្រជាជនក្រីក្រនៅជនបទចំនួន ៩៨៩៩ ម៉ឺននាក់ក្រោមខ្សែបន្ទាត់ស្តង់ដារក្រីក្របច្ចុប្បន្នសុទ្ធតែបានចេញផុតពីភាពក្រីក្រទាំងអស់ ៕
-
លោក ស៊ី ជិនពីង ថ្លែងថា ដាច់ខាតមិនអនុញ្ញាតឱ្យកម្លាំងខាងក្រៅណាមួយមកធ្វើបាបប្រទេសចិននោះទេ
នៅក្នុងមហាសន្និបាតអបអរខួប ១០០ ឆ្នាំនៃការបង្កើតបក្សកុម្មុយនិស្តចិននៅថ្ងៃទី ១ ខែកក្កដា លោក Xi Jinping អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិនបានថ្លែងថា ប្រជាជនចិនគោរពភាពសច្ចយុត្តិធម៌ មិនខ្លាចអំណាចអនុត្តរភាព ប្រជាជាតិចិនមានមោទនភាពនិងជំនឿចិត្តខ្លាំងលើខ្លួនឯង ។ ប្រជាជនចិនមិនដែលធ្វើបាប គាបសង្កត់និងបង្កទាសភាពលើប្រជាជននៃប្រទេសដទៃនោះទេ ពីមុនមិនធ្លាប់ធ្វើ បច្ចុប្បន្នមិនធ្វើ អនាគតក៏នឹងមិនធ្វើដែរ ។ ព្រមជាមួយនេះ ប្រជាជនចិនក៏ដាច់ខាតមិនអនុញ្ញាតឱ្យកម្លាំងខាងក្រៅណាមួយមកធ្វើបាប គាបសង្កត់និងបង្កទាសភាពលើប្រទេសយើងដែរ នរណាចង់ធ្វើបែបនេះ មុខជានឹងត្រូវទទួលបរាជ័យនៅចំពោះមុខមហាកំពែងដែកថែបដែលបង្កើតឡើងដោយសាច់និងឈាមស្រស់របស់ប្រជាជនចិនចំនួនជាង ១៤០០ លាននាក់ជាមិនខាន ៕
-
ក្រុមអ្នកច្បាប់លោក ដូណាល់ ត្រាំ ថានឹងមានការចោទប្រកាន់ប្រឆាំង នឹងក្រុមហ៊ុន លោក នៅក្នុងប៉ុន្មានថ្ងៃខាងមុខ
វ៉ាស៊ីនតោន៖ លោក Ronald Fischetti មេធាវីតំណាងឱ្យអតីតប្រធានាធិបតីលោក Donald Trump នៅក្នុងរឿងក្តីរបស់លោកជាមួយព្រះរាជអាជ្ញា នៅរដ្ឋញូវយ៉ក។ លោកមេធាវីថាការិយាល័យមេធាវី រដ្ឋManhattan នឹងចោទប្រកាន់លោក Trump ពីបទឧក្រិដ្ឋប្រឆាំងនឹងក្រុមហ៊ុនរបស់លោក Trump បានប្រាប់សារព័ត៏មាន CBSNews។ ក្នុងអំឡុងពេលនៃការប្រជុំតាមប្រព័ន្ធអនឡាញមួយ ជាមួយព្រះរាជអាជ្ញាកាលពីព្រឹកថ្ងៃព្រហស្បតិ៍សប្ដាហ៌មុន លោកមេធាវី Fischetti បាននិយាយថាលោកបានស្នើសុំមេធាវីនៅទីក្រុង Manhattan គឺលោក Cyrus Vance Jr សម្រាប់ព័ត៌មានលម្អិតស្តីពីការចោទប្រកាន់ដែលកំពុងតែមានដំណើការ។លោកថា៖ «ខ្ញុំបានសួរយ៉ាងជាក់លាក់ថា “តើមានបទចោទប្រកាន់ណាមួយទាក់ទងនឹងលោកដូណាល់ត្រាំទេ? ហើយចម្លើយគឺអត់មានទេ»។ ក្រុមអ្នកច្បាប់នៃក្រុមហ៊ុនរបស់លោក Trump រំពឹងថាក្រុមហ៊ុនលោកនឹងត្រូវបានគេចោទប្រកាន់ពីបទឧក្រិដ្ឋពន្ធទាក់ទងនឹងការខកខានមិនបានបង់ពន្ធ លើផលប្រយោជន៍ក្រុមហ៊ុន និងថ្លៃដើមរួមទាំងរថយន្តនិងអគារផ្ទះល្វែង ដែលបានផ្តល់ដល់និយោជិករបស់ក្រុមហ៊ុនលោកត្រាំ។ លោក Fischetti បាននិយាយថាពួកគេមិនបានប្រើពាក្យ «អត្ថប្រយោជន៍បន្ថែម» ឬអ្វីផ្សេងទៀតនោះទេប៉ុន្តែពួកគេបានចោទប្រកាន់ផលប្រយោជន៍មិនត្រឹមត្រូវដែលត្រូវបានផ្តល់ទៅឱ្យបុគ្គលដែលមានឋានៈខ្ពង់ខ្ពស់មួយចំនួននៅក្នុងអង្គការលោកត្រាំ។ ក្នុងអំឡុងពេលប្រជុំកាលពីថ្ងៃព្រហស្បតិ៍សប្តាហ៍មុន ព្រះរាជអាជ្ញាបានទុកឲ្យមេធាវីលោកត្រាំ និងក្រុមហ៊ុនរបស់លោកដឹងនិងទទួលបានតម្រុយថានឹងមានការចោទប្រកាន់នៅថ្ងៃខាងមុខ ចំពោះលោក ត្រាំ ប្រហែលជានៅដើមសប្តាហ៍នេះ។ យោងតាមប្រភពដែលជិតដិតជាមួយការសន្ទនារវាងក្រុមមេធាវីការិយាល័យនៅទីក្រុង Manhattan បានទុករយៈពេលដល់មេធាវីការពារក្តីរបស់លោកត្រាំត្រឹមថ្ងៃច័ន្ទនេះ ដើម្បីបដិសេធលើការចោទប្រកាន់ពីសំណាក់ព្រះរាជអាជ្ញាប្រឆាំងនឹងក្រុមហ៊ុននិងអចលនទ្រព្យផ្សេងៗរបស់លោកត្រាំ។ លោក Fischetti បានប្រាប់…
-
ការពឹងផ្អែកលើ AI ពេកអាចជះផលប៉ះពាល់ដល់ សន្តិសុខ ក្នុងកម្រិតណាមួយ
អ្នកស្រាវជ្រាវមួយរូប ដែលនិយាយប្រាប់សារព័ត៌មាន Inkstone ក្នុងលក្ខខ័ណ្ឌ អនាមិក បានឲ្យដឹងថា ម៉ាស៊ីនឈ្លាសវៃ មិនអាចជំនួសមនុស្សបាននោះទេហើយការពឹងផ្អែកលើ AI ពេកអាចជះផលប៉ះពាល់ដល់សន្តិសុខក្នុងកម្រិតណាមួយ៕ ប្រភព៖ https://www.scmp.com/news/china/science/article/3139212/chinas-army-robotic-rollers-paving-road-future-infrastructure https://www.inkstonenews.com/tech/worlds-second-largest-dam-was-built-insanely-fast-thanks-ai/article/3125984