-
ជប៉ុនឲ្យវ៉ាក់សាំងទៅថៃ ជាង១លានដូស តែចេញលុយដឹកខ្លួនឯង
បាងកកប៉ុស្តិ៍បានចេញផ្សាយ នាថ្ងៃទី៣០ មិថុនា ២០២១នេះថា ជប៉ុននឹងផ្តល់វ៉ាក់សាំងកូវីដ ប្រភេទ អាស្ត្រា សេនីកា ចំនួន១លាន៥ម៉ឺនដូសជូនទៅប្រទេសថៃ ប៉ុន្តែថៃត្រូវចេញថ្លៃចំណាយដឹកជញ្ជូន។ ទីភ្នាក់ងារព័ត៌មានមួយនេះបានបញ្ជាក់ថា វ៉ាក់សាំងទាំងនេះនឹងដឹកទៅដល់ថៃ នៅដើមខែកក្កដា ហើយតាមកិច្ចព្រមព្រៀងដែលចុះហត្ថលេខាព្រមព្រៀង កាលពីថ្ងៃទី២៩ មិថុនា ភាគីថៃនឹងត្រូវចំណាយថ្លៃដឹកជញ្ជូនវ៉ាក់សាំងទាំងជាង១លានដូសនេះ តម្លៃប្រមាណពី១០ ទៅ៩៩លានយេន ឬ ពី២.៩ ទៅ ២៨.៧លានបាត។ ប្រភពបន្ថែមទៀតថា ជប៉ុនក៏បានបរិច្ចាគឲ្យ ឥណ្ឌូនេស៊ី ម៉ាឡេស៊ី និងហ្វីលីពីន ប្រមាណ១លានដូស សម្រាប់ប្រទេសនីមួយៗដែរ។ ថៃគ្រោងនឹងទទួលបានជាមួយនឹងហ្វីលីពីន នៅថ្ងៃទី៨ និង៩ កក្កដា ខណៈដែលម៉ាឡេស៊ី និងឥណ្ឌូនេស៊ីនឹងទទួល នាថ្ងៃព្រសហ្បតិ៍ស្អែកនេះ។ ជប៉ុនក៏បានផ្តល់ជូនវៀតណាម១.២៤លានដូសដែរ និងតៃវ៉ាន់ ១លានដូសដែរ កាលពីដើមខែមិថុនា ហើយគ្រោងនឹងផ្តល់ជូនវៀតណាម នាថ្ងៃទី១ កក្កដា ស្អែកនេះទៀត និងតៃវ៉ាន់ប្រមាណ១លានដូសទៀត នាថ្ងៃទី៨ កក្កដា៕
-
ទីបំផុត! ឥណ្ឌាបើកភ្លើងខៀវអោយចាក់វ៉ាក់សាំង Moderna សម្រាប់ការប្រើប្រាស់បន្ទាន់ (មានវីដេអូ)
-
វីរុសកូវីដ-១៩ រលកថ្មី ធ្វើអោយថៃបាត់បង់ការងារលើវិស័យ ទេស ចរណ៍ ៥៥ម៉ឺនកន្លែង ក្នុងត្រីមាសទី២ឆ្នាំ២០២១នេះ (មានវីដេអូ)
-
ការបញ្ជាទិញវ៉ាក់សាំង Moderna នៅតំបន់អាស៊ានកើនឡើងច្រើននៅឆ្នាំ២០២២ ខណៈឆ្នាំនេះការផ្គត់ផ្គង់អស់ហើយ (មានវិដេអូ)
-
ការសិក្សានៅអង់គ្លេស៖ ការចាក់វ៉ាក់សាំង Pfizer និង Astra Zeneca លាយបញ្ចូលគ្នា បង្ហាញប្រសិទ្ធ ភាពខ្ពស់ប្រឆាំង នឹងវីរុសកូវីដ-១៩ (មានវិដេអូ)
-
ការសិក្សានៅអង់គ្លេស៖ ការចាក់វ៉ាក់សាំង Pfizer និង AstraZeneca លាយបញ្ចូលគ្នា បង្ហាញប្រសិទ្ធភាពខ្ពស់ប្រឆាំងនឹងវីរុសកូវីដ-១៩
អង់គ្លេស៖ អ្នកវិទ្យាសាស្ត្រដែលសិក្សាលើករណីចាក់វ៉ាក់សាំងពីរលាយបញ្ចូលគ្នាបានចង្អុលបង្ហាញថា វ៉ាក់សាំង AstraZeneca ផ្សំជាមួយវ៉ាក់សាំង Pfizer អាចបង្កើតអង់ទីគ័រកម្រិតខ្ពស់ ហើយវាដើរតួនាទីយ៉ាងសំខាន់ក្នុងការការពារប្រឆាំងនឹងវីរុសកូវីដ១៩ ។ ការរកឃើញថ្មីខាងលើនេះ គឺជាសញ្ញាល្អ និងមានប្រយោជន៍សម្រាប់ប្រទេសដែលមានវ៉ាក់សាំងតែមួយប្រភេទក្នុងចំនួនកំណត់ ។ ក្រៅពីការពិសោធន៍រវាងវ៉ាក់សាំងទាំងពីរនេះ អ្នកវិទ្យាសាស្ត្រក៏កំពុងសាកល្បងលើវ៉ាក់សាំងផ្សេងទៀតផងដែរ ហើយពួកគេជឿថា ការចាក់វ៉ាក់សាំងប្រភេទខុសគ្នាដោយទុកគម្លាត១២សប្ដាហ៍ នឹងផ្ដល់ផលវិជ្ជមានដល់ប្រព័ន្ធភាពស៊ាំ ។ អ្នកសិក្សាស្រាវជ្រាវក៏បានបញ្ជាក់ផងដែរថា ការចាក់វ៉ាក់សាំងបញ្ចូលគ្នាមិនបង្កផលប៉ះពាល់ធ្ងន់ធ្ងរនោះទេ ដែលផលប៉ះពាល់អាចមានរយៈពេលខ្លី និងស្រាលប៉ុណ្ណោះ ពោលគឺដូចគ្នាទៅនឹងការចាក់វ៉ាក់សាំងតែមួយមុខដែរ ៕ ប្រភព៖ Daily Mail
-
ការបញ្ជាទិញវ៉ាក់សាំង Moderna នៅតំបន់អាស៊ានកើនឡើងច្រើននៅឆ្នាំ២០២២ ខណៈឆ្នាំនេះការផ្គត់ផ្គង់អស់ហើយ
បរទេស៖ ក្រុមហ៊ុនឱសថ Zuellig Pharma ជាដៃគូផ្គត់ផ្គង់វ៉ាក់សាំងការពារជំងឺកូវីដ១៩របស់ក្រុមហ៊ុន Moderna ប្រចាំតំបន់អាស៊ីអាគ្នេយ៍ បានបញ្ជាក់ថា ការបញ្ជាទិញវ៉ាក់សាំងដែលប្រើប្រាស់បច្ចេកវិទ្យា mRNA នៅតំបន់នេះត្រូវបានកក់ស្ទើរតែទាំងអស់នៅក្នុងឆ្នាំ២០២១ ដែលបានធ្វើអោយលទ្ធកម្មមានបញ្ហាប្រឈមសម្រាប់ប្រទេសដែលយឹត ។ នាយកប្រតិបត្តិរបស់ Zuellig ជាក្រុមហ៊ុនទទួលបន្ទុកការចែកចាយបទបញ្ញត្តិ ការអនុម័ត និងកិច្ចសន្យាទិញសម្រាប់ក្រុមហ៊ុនវ៉ាក់សាំង Moderna Inc ប្រចាំបណ្តាប្រទេសអាស៊ីអាគ្នេយ៍ ហុងកុង ម៉ាកាវ និងតៃវ៉ាន់ លោក John Graham មានការបញ្ជាទិញច្រើនណាស់ថ្ងៃនេះសម្រាប់ឆ្នាំ២០២២… ពីព្រោះការផ្គត់ផ្គង់វ៉ាក់សាំង Moderna នៅឆ្នាំ២០២១នេះគឺអស់ហើយ ហើយថា អាចនឹងមានការផ្គត់ផ្គង់ខ្លះទៀតនៅចុងឆ្នាំនេះ ។ គួរកត់សម្គាល់ កិច្ចខិតខំប្រឹងផ្នែកលទ្ធផលកម្មនៅក្នុងតំបន់អាស៊ានត្រូវបានពន្លឿន ដោយសារការផ្ទុះជំងឺកូវីដ១៩ខ្លាំងក្នុងប៉ុន្មានខែចុងក្រោយ ជាពិសេសនៅប្រទេសឥណ្ឌូណេស៊ី ម៉ាឡេស៊ី និងហ្វីលីពីន និងបានធ្វើតេស្តអាជ្ញាធរនៅប្រទេសថៃ វៀតណាម កម្ពុជា និងសិង្ហបុរី ដែលជាកន្លែងផ្ទុះលឿន ៕ ប្រភព៖ CNA
-
ទីបំផុត! ឥណ្ឌាបើកភ្លើងខៀវអោយចាក់វ៉ាក់សាំង Moderna សម្រាប់ការប្រើប្រាស់បន្ទាន់
ឥណ្ឌា៖ ឥណ្ឌានៅថ្ងៃអង្គារនេះបានអនុម័តអោយប្រើប្រាស់វ៉ាក់សាំងការពារជំងឺកូវីដ១៩របស់ក្រុមហ៊ុនផលិតឱសថអាមេរិក Moderna សម្រាប់ករណីបន្ទាន់ ស្របពេលដែលឥណ្ឌាកំពុងព្យាយាមបង្កើនកិច្ចខិតខំប្រឹងប្រែងយុទ្ធនាការចាក់វ៉ាក់សាំងនៅទូទាំងប្រទេស ក្រោយមានការកើនឡើងករណីឆ្លង និងស្លាប់ ។ នេះជាវ៉ាក់សាំងទី០៤ហើយ ដែលត្រូវបានអាជ្ញាធរសុខាភិបាលឥណ្ឌាបានអនុញ្ញាតអោយប្រើប្រាស់ បន្ទាប់ពីវ៉ាក់សំាង Kovacicin វ៉ាក់សាំង AstraZeneca និង Sputnik របស់រុស្ស៊ី ។ សមាជិកក្រុមប្រឹក្សាប្រឹក្សាយោបល់រដ្ឋ NITI Aayog លោក Vinod K. Paul បញ្ជាក់ថា ខ្ញុំរីករាយដែលបានរាយការណ៍ថា ពាក្យស្នើសុំដែលបានទទួលពីក្រុមហ៊ុន Moderna តាមរយៈដៃគូឥណ្ឌារបស់ពួកគេ គឺក្រុមហ៊ុន Cipla បានទទួលការអនុម័តអោយប្រើប្រាស់ក្នុងករណីបន្ទាន់ហើយ ។ លោក Paul បន្តថា ការអនុម័តខាងលើនេះ នឹងត្រួសត្រាយផ្លូវសម្រាប់វ៉ាក់សាំងផលិតដោយនៅបរទេសដទៃទៀត អាចនាំចូលទៅក្នុងប្រទេសឥណ្ឌាបាន ។ បើតាមលោក Paul កិច្ចខំតខំប្រឹងប្រែងរបស់ពួកយើង ដើម្បីអញ្ជើញ និងទទួលវ៉ាក់សាំងដែលត្រូវបានអភិវឌ្ឍជាអន្តរជាតិដទៃទៀត ជាពិសេស Pfizer J&J (Jonhson & Jonhson) ក៏នៅតែបន្តផងដែរ ៕ ប្រភព៖…
-
វីរុសកូវីដ-១៩រលកថ្មីធ្វើអោយថៃបាត់បង់ការងារលើវិស័យទេសចរណ៍៥៥ម៉ឺនកន្លែងក្នុងត្រីមាសទី២ឆ្នាំ២០២១នេះ
ថៃ៖ ក្នុងត្រីមាសទី២ ឆ្នាំ២០២១នេះ ថៃបានបាត់បង់ការងារលើវិស័យទេសចរណ៍រហូតដល់៥៥ម៉ឺនកន្លែង ក្នុងគ្រាដែលប្រទេសអាស៊ីមានសេដ្ឋកិច្ចពឹងផ្អែកលើវិស័យទេសចរណ៍មួយនេះ កំពុងប្រយុទ្ធប្រឆាំងនឹងរលកទី៣ នៃការផ្ទុះឡើងវីរុសកូរ៉ូណា ។ ប្រធានក្រុមប្រឹក្សាទេសចរណ៍ថៃ លោក Chamnan Srisawat បានប្រាប់នៅក្នុងសន្និសីទសារព័ត៌មានមួយថា ចាប់តាំងពីការរីករាលដាល កម្មករធ្វើការលើវិស័យទេសចរណ៍ជាង២លាននាក់បានបាត់បង់ការងាររបស់ពួកគេ ក្នុងនោះមាន៤០ម៉ឺននាក់នៅត្រីមាសទី១ឆ្នាំនេះ ។ ការផ្ទុះឡើងយ៉ាងធ្ងន់ធ្ងរបំផុតនៃជំងឺកូវីដ១៩ក្នុងថៃ បានចាប់ផ្តើមឡើងក្នុងខែមេសា ហើយបានប៉ះពាល់យ៉ាងខ្លាំងដល់ការចំណាយ និងការធ្វើដំណើរក្នុងស្រុក ខណៈអវត្តមានភ្ញៀវទេសចរបរទេស ។ គួរកត់សម្គាល់ វិស័យទេសចរណ៍ត្រូវបានរំពឹងថា នឹងបើកស្វាគមន៍ភ្ញៀវទេសចរ ដែលបានចាក់វ៉ាក់សាំងរួច ដើម្បីទៅកម្សាន្តនៅកោះ Phuket ចាប់ពីថ្ងៃព្រហស្បតិ៍ខាងមុខនេះ ជាគម្រោងសាកល្បងមួយ ដែលនឹងនាំមកនូវភ្ញៀវទេសចរមួយចំនួន ចូលទៅកាន់ប្រទេសថៃនៅឆ្នាំនេះ ៕ ប្រភព៖ CNA
-
អ្នកឆ្លង COVID-19 នៅទូទាំងពិភពលោកកើនឡើងដល់១៨២លាន៥៨ម៉ឺននាក់ ក្នុងនោះស្លាប់៣លាន៩៥ម៉ឺននាក់ និងជាសះស្បើយ១៦៧លាន១៧ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន១៨២លាន៥៨ម៉ឺន៣៥៤ករណី ក្នុងនោះមានអ្នកជម្ងឺសរុបចំនួន៣លាន៩៥ម៉ឺន៣ពាន់៨៤៦នាក់ស្លាប់ និង ជាសះស្បើយឡើងវិញសរុបចំនួន១៦៧លាន១៧ម៉ឺន៥ពាន់១១៩នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី៣០ ខែមិថុនា ឆ្នាំ២០២១ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន៣៤លាន៥២ម៉ឺន៧ពាន់៤៩៣នាក់ ស្លាប់ចំនួន៦១ម៉ឺន៩ពាន់៩៨០នាក់ និងជាសះស្បើយចំនួន២៩លាន៤១ម៉ឺន៩ពាន់៤៩៧នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន៣០លាន៣៦ម៉ឺន១ពាន់៦៩៩នាក់ ស្លាប់៣៩ម៉ឺន៨ពាន់៤៨៤នាក់ និងជាសះស្បើយ២៩លាន៤១ម៉ឺន៩ពាន់៤៩៧នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន១៨លាន៥១ម៉ឺន៣ពាន់៣០៥នាក់ ស្លាប់ចំនួន៥១ម៉ឺន៦ពាន់១១៩នាក់ និងជាសះស្បើយ១៦លាន៧៧ម៉ឺន៩ពាន់១៣៦នាក់ ៕ ប្រភព៖ worldometers