-
ក្រុមហ៊ុន Microsoft ៖ Windows 11 បង្កើតឡើងដើម្បីបំពេញគ្រប់តម្រូវការនាពេលបច្ចុប្បន្ន ក្នុងនោះមាន Store, Game និងមុខងារដ៏សម្បូរបែបជាច្រើនទៀត (មានវីដេអូ)
Video: https://fb.watch/6mDtixQg6O/ អាមេរិក៖ ក្រុមហ៊ុន Microsoft បានគូសបញ្ជាក់ថា Windows 11 ត្រូវបានបង្កើតឡើងដោយយកចិត្តទុកដាក់បំផុត ជាពិសេសដើម្បីបំពេញគ្រប់តម្រូវការនាពេលបច្ចុប្បន្ន ក្នុងនោះមាន Store, Game និងមុខងារដ៏សម្បូរបែបជាច្រើនទៀត ។ ការអះអាងបែបនេះរបស់ Microsoft ធ្វើឡើងស្របពេលដែលក្រុមហ៊ុនបច្ចេកវិទ្យាខ្នាតយក្សរបស់សហរដ្ឋអាមេរិកមួយនេះ បានប្រកាសបង្ហាញ Windows 11 ជាផ្លូវការ និងបានធ្វើឱ្យអ្នកគាំទ្រ និងពិភពលោកមានការភ្ញាក់ផ្អើលយ៉ាងខ្លាំងជាមួយរូបរាង និងសមត្ថភាពដ៏អស្ចារ្យ ក៏ដូចជាភាពសម្បូរបែបរបស់វា ។ គួរកត់សម្គាល់ រូបរាងថ្មីរបស់ Windows 11 ត្រូវបានអ្នកជំនាញធ្វើបច្ចុប្បន្នភាព (Update) ចេញពី Windows 10 ដោយគ្រាន់តែ Microsoft បានដាក់បញ្ចូលនូវមុខងារ និងកម្មវិធីជាច្រើនទៀត ដើម្បីអោយវាក្លាយជាប្រព័ន្ធប្រតិបត្តិការមួយដែលអស្ចារ្យបំផុតប្រចាំឆ្នាំ ៕ ប្រភព៖ Reuters
-
កូវីដ១៩៖ មនុស្សស្លាប់៥១នាក់ទៀត នៅប្រទេសថៃ
-
WHO នឹងបញ្ចូនអ្នកជំនាញទៅជួយផលិតវ៉ាក់សាំងកូវីដ ដល់វៀតណាម
អង្គការសុខភាពពិភពលោក ហៅកាត់ថា WHO បានឲ្យដឹង កាលពីថ្ងៃព្រហស្បតិ៍ ទី២៤ មិថុនា ២០២១ថា ខ្លួននឹងបញ្ជូនក្រុមអ្នកជំនាញទៅប្រទេសវៀតណាមដើម្បីជួយប្រទេសមួយនេះ ស្រាវជ្រាវ និងផលិតវ៉ាក់សាំងបង្ការជំងឺកូវីដ១៩។ ក្នុងពេលមានជំនួបតាមទូរស័ព្ទជាមួយនឹងលោក Tedros Adhanom Ghebreyesus អគ្គនាយកអង្គការសុខភាពពិភពលោក លោក Pham Minh Chinhនាយករដ្ឋមន្ត្រីវៀតណាមបានសាទរចំពោះការសម្រេចចិត្តនេះ ដោយបញ្ជាក់ថា វៀតណាមប្រឹងប្រែងជាមួយពិភពលោកក្នុងការផលិតវ៉ាក់សាំង ហើយស្ងើចសរសើរខ្លាំងចំពោះតួនាទីរបស់ WHO ក្នុងការសម្របសម្រួលលើកិច្ចប្រឹងប្រែងអន្តរជាតិ ប្រយុទ្ធប្រឆាំងជំងឺរាតត្បាតនេះ ហើយជំរុញខ្លាំងលើការចែកចាយវ៉ាក់សាំងស្មើភាព។ លោក Tedros Adhanom Ghebreyesusបាននិយាយថា WHO ទទួលស្គាល់ពីសំណើរបស់វៀតណាម ដែលចង់បានអាទិភាពក្នុងច្រកប្រភពវ៉ាក់សាំង ហើយក្លាយជាមជ្ឈមណ្ឌលផលិតវ៉ាក់សាំងប្រចាំតំបន់។ ចាប់តាំងពីផ្តើមចាក់វ៉ាក់សាំង កាលពីខែមីនា វៀតណាមបានចាក់លើមនុស្សប្រមាណ៣លាននាក់ វ៉ាក់សាំង AstraZeneca ខណៈវៀតណាមដាក់ផែនការមានវ៉ាក់សាំង១៥០លានដូស ក្នុងឆ្នាំនេះ ចាក់ជូនពលរដ្ឋ៧០ភាគរយនៃចំនួនប្រជាជនសរុប៕ ប្រភពពី VNexpress
-
ចិនមានផែនការបញ្ជូនបេសកកម្មនាវិកដំបូងរបស់ខ្លួនទៅកាន់ភពអង្គារនៅឆ្នាំ ២០៣៣ (មានវីដេអូ)
ចិន៖ ចិនមានគម្រោងបញ្ជូនបេសកកម្មនាវិកដំបូងរបស់ខ្លួន ទៅកាន់ភពអង្គារនៅឆ្នាំ ២០៣៣ ដោយមានជើងហោះហើរតាមដានជាទៀងទាត់ ដើម្បីអនុវត្តតាមផែនការរយៈពេលវែង ដើម្បីសាងសង់មូលដ្ឋានដែលមានមនុស្សរស់នៅជាអចិន្ត្រៃយ៍នៅលើភពក្រហមនេះ និងទាញយកធនធានរបស់ភពនោះ ។ កាលពីពេលថ្មីៗនេះ ប្រធានក្រុមហ៊ុនផលិតរ៉ុក្កែតដ៏ធំរបស់ចិន លោក វ៉ាង ស៊ាវុន បានប្រាប់សន្និសីទស្តីពីការរុករកទីអវកាសនៅប្រទេសរុស្ស៊ី តាមរយៈវីដេអូអនឡាញថា ការបញ្ជូនបេសកកម្មនាវិកទៅកាន់ភពអង្គារ គ្រោងធ្វើឡើងនៅឆ្នាំ ២០៣៣, ២០៣៥, ២០៣៧, ២០៤១ និងលើសពីនេះ ។ ទីភ្នាក់ងារអវកាសចិនផ្លូវការបានរាយការណ៍ដោយដកស្រង់សំដីលោក វ៉ាង ថា មុនពេលបេសកកម្មនាវិកចាប់ផ្តើម ប្រទេសចិននឹងបញ្ជូនមនុស្សយន្តទៅភពអង្គារ ដើម្បីសិក្សាទីតាំងដែលអាចធ្វើបាន សម្រាប់មូលដ្ឋាន និងដើម្បីកសាងប្រព័ន្ធដើម្បីទាញយកធនធាននៅទីនោះ ។ គួរកត់សម្គាល់ ផែនការដ៏មានមហិច្ឆតារបស់ចិនដែលនឹងពង្រឹងការប្រកួតប្រជែងជាមួយសហរដ្ឋអាមេរិក ដើម្បីនាំយកមនុស្សទៅលើភពអង្គារ ត្រូវបានគេបង្ហាញឱ្យដឹងច្បាស់ជាលើកដំបូង បន្ទាប់ពីប្រទេសចិនបានចុះចតយានរ៉ូបូតនៅលើភពក្រហមនេះ កាលពីពាក់កណ្តាលខែឧសភា ក្នុងបេសកកម្មដំបូងនៅទីនោះ ៕ ប្រភព៖ Reuters
-
លោក ចូ បៃដិន ធ្វើដំណើរទស្សនកិច្ចទៅកាន់រដ្ឋ North Carolina ក្នុងគោលបំណងលើកទឹកចិត្តប្រជាជនអោយទៅទទួលការចាក់វ៉ាក់សាំងបង្ការកូវីដ-១៩ (មានវីដេអូ)
អាមេរិក៖ ប្រធានាធិបតីអាមេរិកលោក ចូ បៃដិន បានធ្វើដំណើរឆ្ពោះទៅកាន់រដ្ឋ North Carolina នៅថ្ងៃព្រហស្បតិ៍សប្តាហ៍នេះ ក្នុងគោលបំណងលើកទឹកចិត្តប្រជាជនអោយទៅទទួលការចាក់វ៉ាក់សាំងការពារជំងឺកូវីដ១៩ ខណៈអត្រានៃការចាក់ថ្នាំបង្ការរោគបានថយចុះ បើទោះបីជាមានការខិតខំប្រឹងប្រែងទូទាំងប្រទេស ក្នុងការចាក់ថ្នាំដើម្បីបញ្ឈប់ការរីករាលដាលនៃវីរុសដ៏កាចសាហាវមួយនេះ ។ បើតាមប្រព័ន្ធផ្សព្វផ្សាយក្នុងតំបន់ លោក បៃដិន មានគម្រោងទៅបំពេញទស្សនកិច្ចនៅមជ្ឈមណ្ឌលសហគមន៍ Green Road ក្នុងតំបន់ Northeast Raleigh ជាទីដែលលោកនឹងត្រូវទៅមើលមណ្ឌលចាក់វ៉ាក់សាំងចល័តមួយកន្លែង ព្រមទាំងជួបជាមួយក្រុមកម្មករ និងអ្នកស្ម័គ្រផងដែរ ។ ដំណើរទស្សនកិច្ចរបស់លោក ចូ បៃដិន ខាងលើនេះ បានកើតមានឡើងបន្ទាប់ពីសេតវិមានប្រកាសថា ខ្លួននឹងមិនអាចឈានទៅសម្រេចគោលដៅរបស់លោកប្រធានាធិបតី ក្នុងការចាក់វ៉ាក់សាំងបង្ការជំងឺ COVID-19 យ៉ាងហោចណាស់១ដូសជូនដល់មនុស្សពេញវ័យរបស់ខ្លួនប្រមាណ ៧០ភាគរយនៅត្រឹមថ្ងៃទី០៤ ខែកក្កដា ដែលជាថ្ងៃបុណ្យឯករាជ្យនោះទេ ខណៈបច្ចុប្បន្នមានតែរដ្ឋចំនួន១៥ និង ទីក្រុងវ៉ាស៊ីនតោនប៉ុណ្ណោះ ដែលបានសម្រេចនូវគោលដៅនោះ ។ ការប្រកាសខាងលើនេះបានកើតមានឡើងក្រោយលោក ចូ បៃដិន និងលោកស្រី កាម៉ាឡា ហារីស កាលពីថ្ងៃសុក្រសប្ដាហ៍មុន បានជំរុញឱ្យជនជាតិអាមេរិកមកទទួលការចាក់វ៉ាក់សាំង ខណៈមានការគំរាមកំហែងពីវីរុសបម្លែងខ្លួនថ្មី Delta ដែលមានប្រភពដើមនៅឥណ្ឌា កំពុងបង្កឱ្យមានការព្រួយបារម្ភយ៉ាងខ្លាំង…
-
លោក ចូ បៃដិន៖ កញ្ចប់ថវិកាលើផែនការហេដ្ឋារចនាសម្ពន្ធរបស់លោកឈានដល់កិច្ចព្រមព្រៀងហើយ (មានវីដេអូ)
អាមេរិក៖ ប្រធានាធិបតីអាមេរិក លោក ចូ បៃដិន ប្រកាសថា កញ្ចប់ថវិកាលើផែនការហេដ្ឋារចនាសម្ពន្ធរបស់លោកបានឈានដល់កិច្ចព្រមព្រៀងហើយ រវាងគណបក្សប្រជាធិបតេយ្យ និងគណបក្សសាធារណរដ្ឋ មុននឹងការបោះឆ្នោតអនុម័តចូលមកដល់ ។ កញ្ចប់ថវិកាលើផែនការហេដ្ឋារចនាសម្ពន្ធរបស់លោក បៃដិន គឺមានទំហំទឹកប្រាក់៩៧៣ពាន់លានដុល្លារសម្រាប់រយៈពេល៥ឆ្នាំ ឬ១.២ទ្រីលានដុល្លារ សម្រាប់រយៈពេល៨ឆ្នាំ ហើយវាក៏មានបូកបញ្ចូលបន្ថែមជាមួយកញ្ចប់ថវិកាថ្មី ៥៧៩ពាន់លានដុល្លារផងដែរ ។ ការប្រកាសពីកិច្ចព្រមព្រៀងនេះ កើតមានឡើងកំឡុងធ្វើសន្និសីទសារព័ត៌មានមួយ បន្ទាប់ពីលោក បៃដិន បានជួបពិភាក្សាជាមួយសមាជិកព្រឹទ្ធសភា១១រូប ដែលបានឯកភាពគ្នាលើផែនការកញ្ចប់ថវិកានេះ ។ ទោះបីជាយ៉ាងណាក៏ដោយ ប្រធានាធិបតីអាមេរិករូបនេះបានសង្កត់ធ្ងន់ថា លោកនឹងមិនចុះហត្ថលេខាលើច្បាប់កញ្ចប់ថវិកា លើផែនការហេដ្ឋារចនាសម្ពន្ធ នេះទេ បើសិនជាសេចក្ដីព្រាងច្បាប់ស្ដីពីការស្រុះស្រួលគ្នា ឬ reconciliation bill មិនត្រូវបានអនុម័តដែរទេនោះ ៕ ប្រភព៖ CNA
-
ប្រធានាធិបតីចិន-រុស្ស៊ីណាត់ជជែកគ្នា ថ្ងៃ២៨ មិថុនា
ប្រធានាធិបតីចិន ស៊ី ជីនភីង គ្រោងនឹងមានជំនួបពិភាក្សាជាមួយប្រធានាធិបតីរុស្ស៊ី វ្ល៉ាឌីមៀ ពូទីន តាមប្រព័ន្ធវីដេអូ នាថ្ងៃទី២៨ មិថុនា ២០២១ខាងមុខនេះ នេះបើតាមអ្នកនាំពាក្យក្រសួងការបរទេសចិន Hua Chunying ប្រកាសឲ្យដឹង នាថ្ងៃទី២៥ មិថុនា ២០២១ ចេញផ្សាយដោយទីភ្នាក់ងារសារព័ត៌មានស៊ីនហួរ មុននេះបន្តិច។ ជាការកត់សម្គាល់ ថ្មីៗនេះ លោកពូទីន ទើបតែជួបផ្ទាល់ជាមួយ លោក ចូ បៃឌិន ប្រធានាធិបតីអាមេរិក នៅប្រទេសស្វីស ដើម្បីដោះស្រាយបញ្ហាខ្វែងគំនិតគ្នាមួយចំនួន។ ស៊ីនហួរមិនបានបង្ហាញពីប្រធានបទអ្វី ដែលមេដឹកនាំចិននិងរុស្ស៊ីជួបគ្នា នាដើមសប្តាហ៍ក្រោយនេះទេ៕
-
កូវីដ៖ ថៃមានស្លាប់៤៤នាក់ទៀត ឆ្លងថ្មីជាង៣ពាន់នាក់
ប្រទេសថៃបានប្រកាសពី ការរកឃើញករណីឆ្លងថ្មីៗនៃជំងឺ COVID-19 ចំនួន៣,៦៤៤នាក់ និងស្លាប់៤៤នាក់ បន្ថែមទៀត នេះបើតាមការចេញផ្សាយដោយ សារព័ត៌មាន The Nation នៅថ្ងៃសុក្រ ទី២៥ ខែមិថុនា ឆ្នាំ២០២១។ ក្នុងចំណោមករណីឆ្លងថ្មីៗទាំងនោះ មាន១៦៥នាក់ ជាអ្នកទោសនៅតាមពន្ធនាគារ និង៣១នាក់ ជាអ្នកទើបត្រឡប់មកពីក្រៅប្រទេស ហើយទីក្រុងបាងកករកឃើញច្រើនជាងគេ គឺ១,១៤២នាក់។ ថៃបានបន្តមានករណីឆ្លងថ្មីៗ កើនដល់២៣៦,២៩១នាក់ហើយ ក្នុងនោះ ១,៨១៩នាក់ស្លាប់ និង១៩៣,១០៦នាក់ ជាសះស្បើយឡើងវិញ៕
-
លោក ចូ បៃដិន សន្យាផ្តល់ជំនួយសហព័ន្ធ ក្រោយមនុស្ស៣នាក់ស្លាប់ ១២នាក់របួស និង៩៩នាក់ទៀតកំពុងបាត់ខ្លួន ក្នុងហេតុការណ៍បាក់អគារនៅរដ្ឋ Florida
អាមេរិក៖ ប្រធានាធិបតីអាមេរិកលោក ចូ បៃដិន បានសន្យាផ្តល់ជំនួយសហព័ន្ធ បន្ទាប់ពីមនុស្សយ៉ាងតិចណាស់៣នាក់បានស្លាប់ និង១២នាក់រងរបួស ខណៈដែល៩៩នាក់ផ្សេងទៀតកំពុងបាត់ខ្លួន នៅក្នុងហេតុការណ៍បាក់រលំអគារខុនដូមួយកន្លែងនៅភាគខាងជើងឆ្នេរ Miami កាលពីព្រឹកថ្ងៃព្រហស្បតិ៍សប្តាហ៍នេះ ។ អគារ Champlain Towers South មានកម្ពស់១២ជាន់ដែលនៅផ្លូវ Collins ឆ្នេរម៉ៃអាមី ខាងលើនេះ បានបាក់រលំនៅម៉ោង១៖៣០នាទីរំលងអាធ្រាត្រ (ម៉ោងក្នុងតំបន់) ក្នុងទីក្រុង Surfside រដ្ឋ Florida ។ ប្រធាននាយកដ្ឋានប៉ូលីស Miami-Dade លោក Freddy Ramirez បានប្រាប់សន្និសីទសារព័ត៌មានថា យើងមិនទាន់បានដឹងអំពីពួកគេ (ជនរងគ្រោះ) នៅឡើយ យើងកំពុងស្ថិតក្នុងដំណាក់កាលដំបូងនៃការស្វែងរក ។ មន្ត្រីនៅតំបន់ Surfside លោក Andy Hyatt និយាយថា កិច្ចខិតខំប្រឹងប្រែងជួយសង្គ្រោះអាចចំណាយពេលមួយសប្តាហ៍ ខណៈអាជ្ញាធរមិនទាន់ដឹងពីមូលហេតុនៃគ្រោះថ្នាក់បាក់រលំអគារនេះទេ ។ បើតាមប្រព័ន្ធផ្សព្វផ្សាយក្នុងតំបន់ អគារនេះ ត្រូវបានសាងសង់ឡើងនៅឆ្នាំ១៩៨០ មានផ្ទះល្វែងចំនួន១៣៦ ។ មន្ត្រីជួយសង្គ្រោះមកពីនាយកដ្ឋានអគ្គិភ័យ និយាយថា ផ្ទះល្វែងប្រហែល៥៥បានដួលរលំនៅក្នុងហេតុការណ៍នេះ ៕…
-
អ្នកជំនាញជប៉ុនព្រមានពីការកើនឡើងវិញនូវករណីឆ្លងកូវីដ-១៩នៅក្នុងទីក្រុងតូក្យូ (មាវីដេអូ)
