-
ប្រធានាធិបតីអាមេរិក ធ្វើដំណើរទៅដល់ចក្រភពអង់គ្លេសហើយ ដើម្បីចូលរួមកិច្ចប្រជុំកំពូលG7(មានវីដេអូ)
-
ប្រធានាធិបតីអាមេរិកធ្វើដំណើរទៅដល់ចក្រភពអង់គ្លេសហើយ ដើម្បីចូលរួមកិច្ចប្រជុំកំពូល G7
អង់គ្លេស៖ ប្រធានាធិបតីអាមេរិក លោក ចូ បៃដិន បានទៅដល់ទឹកដីចក្រភពអង់គ្លេសហើយ ក្នុងដំណើរទស្សនកិច្ចលើកដំបូងរបស់លោកនៅក្រៅប្រទេសចាប់តាំងពីបានចូលកាន់តំណែង ។ លោក ចូ បៃដិន បានបញ្ជាក់នៅក្នុងអត្ថបទមួយដែលត្រូវបានផ្សព្វផ្សាយដោយ សារព័ត៌មាន Washington Post ថា សម្ព័ន្ធភាព និងស្ថាប័នប្រជាធិបតេយ្យដែលមានទ្រង់ទ្រាយធំធេងនៅសតវត្សរ៍ចុងក្រោយ នឹងបង្ហាញពីសមត្ថភាពរបស់ពួកគេប្រឆាំងនឹងការគំរាមកំហែង និងសត្រូវនាពេលបច្ចុប្បន្ន ហើយដំណើរទស្សនកិច្ចនៅអឺរ៉ុបក្នុងសប្តាហ៍នេះ ជាឱកាសបង្ហាញអំពីរឿងនេះ ។ ដោយឡែកជំនួបកំពូលរបស់លោកជាមួយប្រធានាធិបតីរុស្ស៊ី លោក វ្លាឌីមៀ ពូទីន នៅថ្ងៃទី១៦ មិថុនាខាងមុខ នៅទីក្រុងហ្សឺណែវ គឺជាចំណុចសំខាន់នៃដំណើរទស្សនកិច្ចនេះ ដែលជាឱកាសមួយដើម្បីលើកឡើងនូវកង្វល់របស់អាមេរិកដោយផ្ទាល់ ជាមួយលោក ពូទីន អំពីការវាយប្រហារតាមអ៊ិនធើណិតពីប្រទេសរុស្ស៊ី ការឈ្លានពានរបស់ទីក្រុងម៉ូស្គូប្រឆាំងនឹងអ៊ុយក្រែន និងបញ្ហាផ្សេងទៀត ។ សូមបញ្ជាក់ថា ដំណើរទស្សនកិច្ចខាងលើនេះ គឺជាបេសកកម្មចំនួន៨ថ្ងៃដើម្បីកសាងឡើងវិញនូវទំនាក់ទំនងតំបន់អន្តរអាត្លង់ទិច ដែលកំពុងតានតឹងនៅក្នុងសម័យកាលលោកប្រធានាធិបតី ដូណាល់ ត្រាំ ក៏ដូចជាធ្វើឱ្យប្រសើរឡើងវិញនូវទំនាក់ទំនងជាមួយប្រទេសរុស្ស៊ី ៕ ប្រភព៖ CNA
-
ប្រធានាធិបតីអាមេរិកដកហូតបញ្ជាប្រតិបត្តិក្នុងការហាមឃាត់កម្មវិធី TikTok និង WeChat របស់ចិន
អាមេរិក៖ សេតវិមានបញ្ជាក់ថា ប្រធានាធិបតីអាមេរិក លោក ចូ បៃដិន នៅថ្ងៃពុធសប្តាហ៍នេះ សម្រេចដកហូតបទបញ្ជាប្រតិបត្តិរបស់រដ្ឋបាលលោក ដូណាល់ ត្រាំ ដែលហាមឃាត់ការទាញយកកម្មវិធី TikTok និង WeChat របស់ប្រទេសចិន ដោយសារតែព្រួយបារម្ភពីបញ្ហាសន្តិសុខជាតិ ។ បទបញ្ជាប្រតិបត្តិថ្មីរបស់លោក ចូ បៃដិន បានលុបចោលការបញ្ជាទិញកម្មវិធី WeChat និង TikTok ជាមួយនឹងកម្មវិធីមួយទៀតកាលពីខែមករា ដែលបានដាក់គោលដៅលើកម្មវិធីទំនាក់ទំនងបច្ចេកវិទ្យា និងហិរញ្ញវត្ថុចំនួន០៨ផ្សេងទៀត ។ យ៉ាងណាមិញ មន្ត្រីសេតវិមានមួយរូបបានបញ្ជាក់ថា ការត្រួតពិនិត្យសន្តិសុខជាតិដាច់ដោយឡែករបស់សហរដ្ឋអាមេរិកលើកម្មវិធី TikTok របស់ចិននៅតែបន្ត ។ គួរកត់សម្គាល់ រដ្ឋបាលរបស់អតីតប្រធានាធិបតីអាមេរិកលោក ដូណាល់ ត្រាំ បានប៉ុនប៉ងរារាំងអ្នកប្រើប្រាស់ថ្មីពីការទាញយកកម្មវិធី (apps) និងហាមឃាត់មិនអោយមានប្រតិបត្តិការបច្ចេកទេសនានារបស់ក្រុមហ៊ុន TikTok និង WeChat នៅលើទឹកដីសហរដ្ឋអាមេរិក ។ ប៉ុន្តែតុលាការអាមេរិកបានរារាំងបទបញ្ជាទាំងនោះ ដោយមិនបានចូលជាធរមានឡើយ ៕ ប្រភព៖ CNA
-
រដ្ឋមន្រ្តីសុខាភិបាលវៀតណាម៖ វៀតណាមកំពុងដំណើរការទិញវ៉ាក់សាំង Pfizer ដើម្បីចាក់ដល់កុមារមានអាយុពី១២ ដល់ ១៨ឆ្នាំ
វៀតណាម៖ រដ្ឋមន្រ្តីសុខាភិបាលវៀតណាម លោក Nguyen Thanh Long ត្រូវបានសារព័ត៌មានដកស្រង់សម្តីចុះផ្សាយថា វៀតណាមកំពុងដំណើរការស្នើសុំទិញវ៉ាក់សាំងបង្កាជំងឺ Covid-19 របស់ក្រុមហ៊ុនផលិតឱសថអាមេរិក Pfizer ដើម្បីចាក់ដល់កុមារមានអាយុពី ១២ ដល់ ១៨ឆ្នាំ ។ រដ្ឋមន្រ្តីសុខាភិបាលវៀតណាមរូបនេះបានប្រកាសខាងលើ ក្នុងអំឡុងពេលប្រជុំការងារដាច់ដោយឡែកជាមួយឯកអគ្គរដ្ឋទូតអូស្ត្រាលី បារាំង និងស្វីស នៅក្នុងទីក្រុងហាណូយ កាលពីថ្ងៃទី៨ ខែមិថុនា ឆ្នាំ២០២១ ។ នៅក្នុងជំនួបជាមួយឯកអគ្គ រដ្ឋទូតអូស្ត្រាលី លោក Long បានស្នើសុំប្រាក់ចំនួន ១៣.៥លានដុល្លារអូស្រ្តាលី ចេញពីថវិកាជំនួយ៤០លានដុល្លារអូស្រ្តាលីដល់វៀតណាម ក្នុងការបញ្ជារទិញវ៉ាក់សាំងសម្រាប់កុមារ ។ យោងតាមប្រភពពីអ្នកការទូតបានអោយដឹងថា អូស្ត្រាលីកំពុងផលិតវ៉ាក់សាំងបង្ការជំងឺ Covid-19 ហើយពេលនេះ រដ្ឋាភិបាលអូស្រ្តាលីកំពុងពិចារណាផ្គត់ផ្គង់វ៉ាក់សាំងដល់ប្រទេសវៀតណាមក្នុងរយៈពេលកន្លះឆ្នាំទៀត ៕ ប្រភព៖ Vietnam Inside
-
មនុស្សស្លាប់ និងរបួស១៧នាក់ ក្នុងហេតុការណ៍បាក់រលំអគារកម្ពស់៥ជាន់នៅកូរ៉េខាងត្បូង
កូរ៉េខាងត្បូង៖ ទីភ្នាក់ងារពន្លត់អគ្គិភ័យជាតិកូរ៉េខាងត្បូងនិយាយថា អគារកម្ពស់៥ជាន់មួយកន្លែងបានបាក់រលំនៅភាគនិរតីទីក្រុង Gwangju នៅក្នុងថ្ងៃពុធសប្តាហ៍នេះ ដែលជាលទ្ធផលនោះ មានមនុស្សយ៉ាងតិច៩នាក់បានបាត់បង់ជីវិត និង៨នាក់ផ្សេងទៀតរងរបួស ។ ទីភ្នាក់ងារពន្លត់អគ្គិភ័យជាតិកូរ៉េខាងត្បូងបានទទួលសេចក្តីរាយការណ៍នៅម៉ោង៤និង២២នាទីល្ងាចថ្ងៃពុធនេះថា មានអគារកម្ពស់៥ជាន់មួយកន្លែងបានបាក់រលំ និងសង្កត់ពីលើរថយន្តក្រុងមួយគ្រឿង ដែលមានដឹកមនុស្សចំនួន១៧នាក់ និងកំពុងឈប់នៅក្បែរការដ្ឋានសាងសង់អគារនោះ ។ ភ្លាមៗមូលហេតុនៃការបាក់រលំអគារខាងលើនេះ នៅពុំទាន់ត្រូវបានគេដឹងច្បាស់នៅឡើយទេ ហើយកិច្ចខិតខំប្រឹងប្រែងស្វែងរកអ្នកនៅរស់ ដែលអាចជាប់ខាងក្រោមអគារកំពុងដំណើរការ ៕ ប្រភព៖ Yunhap News
-
ថៃប្រកាសលក់វ៉ាក់សាំងកូវីដឲ្យពលរដ្ឋ បន្ទាប់ពីផលិតបានដោយខ្លួនឯង
ទីភ្នាក់ងារសារព័ត៌មានថៃបានចេញផ្សាយថា នៅទីបំផុតរដ្ឋាភិបាលថៃបានអនុញ្ញាតឲ្យអាជ្ញាធរថ្នាក់តំបន់ និងវិស័យឯកជន អាចធ្វើការបញ្ជាទិញ ឬស្នើសុំវ៉ាក់សាំងបង្ការ COVID-19 ពីទីភ្នាក់ងារនានារបស់រដ្ឋាភិបាល។ ការធ្វើបែបនេះត្រូវបានគេមើលឃើញថា ជាការជំរុញល្បឿននៃចាក់វ៉ាក់សាំងបង្ការជំងឺនេះ ជូនប្រជាជនថៃឲ្យបានយ៉ាងហោចណាស់ ៧០% ឬស្មើនឹង ៥០លាននាក់។ ការប្រកាសលក់វ៉ាក់សាំងកូវីដនេះ ក្រោយពេលក្រុមហ៊ុនថៃមួយឈ្មោះ Siam Bioscience បានផលិតវ៉ាក់សាំង យកបច្ចេកទេសពីក្រុមហ៊ុនអង់គ្លេស Astra Zeneca បានហើយ ដោយប្រគល់ជូនក្រសួងសុខាភិបាលជិត២លានដូស ទៅប្រើប្រាស់ដែរ។ ផ្អែកតាមប្រភពពី The Nation ចេញផ្សាយនាថ្ងៃទី៩ មិថុនានេះ អាជ្ញាធរមានសមត្ថកិច្ចរបស់ប្រទេសថៃ ហៅកាត់ថា CCSA បញ្ជាក់ថា នៅក្នុងគោលដៅចាត់ចែងវ៉ាក់សាំង COVID-19 ថ្មីខាងលើនេះ អាជ្ញាធរថ្នាក់តំបន់ និងស្ថាប័នឯកជននានា អាចធ្វើការបញ្ជាទិញ ឬស្នើសុំវ៉ាក់សាំងពីទីភ្នាក់ងាររដ្ឋាភិបាលនានាដូចជា នាយករដ្ឋានគ្រប់គ្រងជំងឺ អង្គភាពស្រាវជ្រាវវេជ្ជសាស្ត្រនៃរដ្ឋាភិបាល វិទ្យាស្ថានវ៉ាក់សាំងជាតិ , កាកបាទក្រហមថៃ និងរាជបណ្ឌិតសភា ជូឡាផន ជាដើម៕
-
ពិតជាអស្ចារ! យន្ដហោះគ្មានមនុស្សបើកចាក់សាំងអោយយន្ដហោះចម្បាំងកងទ័ពជើងទឹកអាមេរិកនៅលើអាកាសបានដោយជោគជ័យ (មានវីដេអូ)
បរទេស៖ យន្តហោះគ្មានមនុស្សបើក ដ្រូន (drone) បានផ្គត់ផ្គង់ឥន្ធនៈនៅលើអាកាសទៅអោយយន្តហោះចម្បាំងមួយគ្រឿង នៅក្នុងព្រឹត្តិការណ៍មួយដែលក្រុមហ៊ុន ប៊ូអ៊ីអ ចាត់ទុកថា ជាលើកដំបូងក្នុងប្រវត្តិសាស្ត្រអាកាសចរណ៍ ។ ការប្រកាសខាងលើនេះ ត្រូវបានធ្វើឡើងបន្ទាប់ពីការសាកល្បងដោយជោគជ័យ ទៅលើគំរូនៃយន្តហោះគ្មានមនុស្សបើកពិសេស ជំនាញខាងចាក់ប្រេងអោយយន្តហោះដទៃ ដែលត្រូវបានកងទ័ពជើងទឹកសហរដ្ឋអាមេរិក ដាក់ឈ្មោះអោយថា MQ-25 Stringray ។ យន្តហោះគ្មានមនុស្សបើក ដែលត្រូវបានបញ្ជាពីចម្ងាយបានចាក់សាំងដោយជោគជ័យទៅអោយយន្តហោះចម្បាំង F/A 18 Super Hornet របស់កងទ័ពជើងទឹកអាមេរិក នៅក្នុងជើងហោះហើរសាកល្បងកាលពីថ្ងៃទី៤ ខែមិថុនា ឆ្នាំ២០២១ ។ ជើងហោះហើរសាកល្បងខាងលើ ត្រូវបានចាប់ផ្ដើមពីនាវាផ្ទុកយន្តហោះ MidAmerica នៅ Mascoutah នៃរដ្ឋ Illinois ក្បែរមូលដ្ឋានរបស់ក្រុមហ៊ុន Boeing នៅ St. Louis ក្នុងរដ្ឋ Missouri ។ យន្តហោះគ្មានមនុស្សបើកខាងលើ ប្រើប្រាស់ប្រព័ន្ធផ្គត់ផ្គង់ប្រេងនៅលើអាកាស Cobham (ARS) ដែលកងទ័ពជើងទឹកអាមេរិក បំពាក់នៅលើយន្តហោះ Super Hornet មួយចំនួន ដែលធ្វើសកម្មភាពពីនាវាផ្ទុកយន្តហោះរបស់ពួកគេ…
-
ទីបំផុត! លោក ពូទីន ចុះហត្ថលេខាច្បាប់ដករុស្ស៊ីជាផ្លូវការចេញពីសន្ធិសញ្ញាគ្រប់គ្រងអាវុធ Open Skies (មានវីដេអូ)
រុស្ស៊ី៖ នៅដើមសប្តាហ៍នេះ ប្រធានាធិបតីរុស្ស៊ី លោក វ្លាឌីមៀរ ពូទីន បានចុះហត្ថលេខាលើច្បាប់មួយ ដែលដករុស្ស៊ីជាផ្លូវការចេញពីសន្ធិសញ្ញាបើកជើងមេឃចំហ (Open Skies) ជាកិច្ចព្រមព្រៀងមួយដែលអនុញ្ញាតអោយមានការហោះហើរឃ្លាំមើលដោយគ្មានអាវុធលើប្រទេសជាសមាជិក ។ស្របពេលជាមួយគ្នានោះដែរ ប្រទេសរុស្ស៊ីបានសង្ឃឹមថា លោក ពូទីន និងប្រធានាធិបតីអាមេរិក លោក ចូ បៃដិន អាចពិភាក្សាគ្នាអំពីសន្ធិសញ្ញានេះ នៅពេលមេដឹកនាំប្រទេសទាំងពីរជួបគ្នានៅចុងខែមិថុនានេះ ក្នុងអំឡុងកិច្ចប្រជុំកំពូលនៅទីក្រុងហ្សឺណែវ ប្រទេសស្វីស ។ទោះជាយ៉ាងណា រដ្ឋបាលរបស់លោក ចូ បៃដិន បានជូនដំណឹងដល់រដ្ឋាភិបាលទីក្រុងមូស្គូ កាលពីខែឧសភាកន្លងទៅហើយថា ខ្លួននឹងមិនវិលចូលក្នុងសន្ធិសញ្ញាបើកជើងមេឃចំហ (Open Skies) វិញទេ បន្ទាប់ពីរដ្ឋបាលអតីតប្រធានាធិបតីអាមេរិកលោក ដូណាល់ ត្រាំ បានបោះបង់ចោលវាកាលពីឆ្នាំមុន ៕ ប្រភព៖ NBC NEWS
-
ចិនចាក់វ៉ាក់សាំងជាង៨០០លានដូសហើយ
-
លោក ចូ បៃដិន ចាប់ផ្តើមដំណើរទស្សនផ្លូវការលើកដំបូងទៅក្រៅប្រទេស ដើម្បីចូលរួមកិច្ចប្រជុំ G7 និងជួបជាមួយលោក ពូទីន ក្នុងទីក្រុងហ្សឺណែវ (មានវីដេអូ)
អាមេរិក៖ ប្រធានាធិបតីអាមេរិកលោក ចូ បៃដិន បានចាកចេញទៅកាន់ចក្រភពអង់គ្លេស នៅថ្ងៃពុធនេះ (ម៉ោងក្នុងតំបន់) ក្នុងដំណើរទស្សនកិច្ចលើកដំបូងរបស់លោកទៅក្រៅប្រទេស ចាប់តាំងពីរូបលោកចូលកាន់តំណែង ដោយបេសកម្មរយៈពេល៨ថ្ងៃនេះ គឺដើម្បីស្តារទំនាក់ទំនងដែលជាប់គាំងអំឡុងរដ្ឋបាលលោក ត្រាំ ជាមួយអង្គការ NATO ក៏ដូចជាការស្ថាបនាទំនាក់ទំនងជាមួយរុស្ស៊ី ។ដំណើរទស្សនកិច្ចខាងលើនេះ បានបង្ហាញពីការធ្វើតេស្តពីសមត្ថភាពរបស់ប្រធា នាធិបតីអាមេរិកបក្សប្រជាធិបតេយ្យ ក្នុងការគ្រប់គ្រង និងជួសជុលទំនាក់ទំនងជាមួយសម្ព័ន្ធមិត្តធំៗ ដែលកាន់តែមិនពេញចិត្តនឹងពន្ធពាណិជ្ជកម្មរបស់អតីតរដ្ឋបាលលោក ដូណាល់ ត្រាំ និងការដកខ្លួនចេញពីសន្ធិសញ្ញាអន្តរជាតិមួយចំនួនជាដើម ។ ជំនួបកំពូលរបស់លោកជាមួយប្រធានាធិបតីរុស្ស៊ី លោក វ្លាឌីមៀ ពូទីន នៅថ្ងៃទី១៦ ខែមិថុនាខាងមុខ នៅទីក្រុងហ្សឺណែវ គឺជាចំណុចសំខាន់នៃដំណើរទស្សនកិច្ចនេះ និងជាឱកាសមួយដើម្បីលើកឡើងពីការព្រួយបារម្ភរបស់សហរដ្ឋអាមេរិកដោយផ្ទាល់ជាមួយលោក ពូទីន អំពីការវាយប្រហារផ្នែកព័ត៌មានវិទ្យាពីសំណាក់រុស្ស៊ី និង ការឈ្លានពានរបស់ទីក្រុងមូស្គូប្រឆាំងនឹងអ៊ុយក្រែន ក៏ដូចជាបញ្ហាជាច្រើនផ្សេងទៀត ។ សូមបញ្ជាក់ថា លោក បៃដិន នឹងឈប់សំចតដំបូងរបស់លោកនៅឯភូមិមាត់សមុទ្រ St. Ives ក្នុងតំបន់ Cornwall ដែលគាត់នឹងចូលរួមនៅក្នុងកិច្ចប្រជុំកំពូល G7 ។ កិច្ចប្រជុំនេះត្រូវបានរំពឹងថា នឹងគ្របដណ្តប់ដោយការទូតវ៉ាក់សាំង, ពាណិជ្ជកម្ម, អាកាសធាតុ…