-
អត្រាអ្នកអត់ការងារធ្វើនៅជប៉ុន កើនឡើងដល់២,៨ភាគរយក្នុងខែមេសា ដើមឆ្នាំ២០២១នេះ (មានវីដេអូ)
បរទេស៖យោងតាមទិន្នន័យរបស់រដ្ឋាភិបាលជប៉ុនបានបង្ហាញថា អត្រានៃអ្នកគ្មានការងារធ្វើនៅក្នុងប្រទេសជប៉ុន បានកើនឡើងទៅដល់២,៨ភាគរយនៅត្រឹមខែមេសាដើមឆ្នាំ២០២១នេះ ។ នៅក្នុងខែដូចគ្នានេះ អត្រាការងារដែលទំនេរក៏មានចំនួនតិចបំផុតមិនធ្លាប់មានផងដែរ ពីខែមុនៗ ខណៈដែលអត្រាអ្នកគ្មានការងារធ្វើកាលពីខែមិនា ដើមឆ្នាំ២០២១នេះ មានត្រឹមតែ២,៦ភាគរយ ។ បើតាមអ្នកសេដ្ឋកិច្ចនៅក្នុងរដ្ឋធានីសេដ្ឋកិច្ចរបស់ប្រទេសជប៉ុន ការបង្កើតការងារទំនងជានឹងធ្លាក់ចុះម្តងទៀតនៅក្នុងខែឧសភាកន្លងទៅនេះ ដោយសារតែជុំទី៣នៃការប្រកាសភាពអាសន្ន ដែលប្រហែលជារាំងស្ទះដល់ដំណើរការងើបឡើងវិញនៃវិស័យការងារ ។ សូមបញ្ជាក់ថា បច្ចុប្បន្នប្រទេសជប៉ុនកំពុងទទួលរងការវាយប្រហារ ដោយសារតែជំងឺកូវីដ១៩សាជាថ្មី ដែលជាលទ្ធផលនោះ ទីក្រុងធំៗជាច្រើនរបស់ខ្លួននៅតែបន្តបិទទ្វារនៅឡើយ ខណៈដែលព្រឹត្តិការណ៍កីឡាករអូឡាំពិករដូវក្តៅទីក្រុងតូក្យូក៏កាន់តែខិតជិតមកដល់ ៕ ប្រភព៖ Reuters
-
ថៃបន្តរកឃើញអ្នកឆ្លងជំងឺ Covid-19 ថ្មីៗចំនួន២,៦៣១ករណី និងស្លាប់៣១នាក់បន្ថែមទៀតនៅថ្ងៃសុក្រនេះ (មានវីដេអូ)
-
វ៉ាក់សាំងបង្ការជំងឺ Covid-19 ជាង២ពាន់លានដូសត្រូវបានចែក ចាយនៅទូទាំងពិភពលោក (មានវីដេអូ)
-
អង់គ្លេស ដកព័រទុយហ្គាល់ ចេញពីបញ្ជីប្រទេសដែល មិនចាំបាច់ធ្វើចត្តាឡីស័ក (មានវីដេអូ)
-
សហរដ្ឋអាមេរិកនឹងផ្តល់វ៉ាក់សាំង៨០លានដូសដល់ប្រទេសអាទិភាព ស្មើនឹង៧៥ភាគរយតាមរយៈកម្មវិធី COVAX របស់ WHO
អាមេរិក៖ ប្រធានាធិបតីអាមេរិកលោក ចូ បៃដិន បានបញ្ជាក់ពីផែនការរបស់លោក សម្រាប់ការចែកវ៉ាក់សាំងបង្ការជំងឺ Covid-19 ចំនួន៨០លានដូសដំបូង ដែលសហរដ្ឋអាមេរិកនឹងចែកចាយជាសកល ដែលស្មើនឹង៧៥ភាគរយនៃវ៉ាក់សាំងតាមរយៈកម្មវិធី COVAX របស់អង្គការសុខភាពពិភពលោក (WHO) ។ លោក ចូ បៃដិន បានបញ្ជាក់នៅក្នុងសេចក្តីថ្លែងការណ៍ដូច្នេះថា យើងនឹងចែកវ៉ាក់សាំងនេះ មិនមែនដើម្បីធានា ឬទាញយកសម្បទានឡើយ… យើងនឹងចែកវ៉ាក់សាំងទាំងនេះ ដើម្បីសង្គ្រោះជីវិត និងដឹកនាំពិភពលោកឆ្ពោះទៅបញ្ចប់វីរុសរាត ត្បាត តាមរយៈអំណាចនៃគំរូ និងតម្លៃរបស់យើង ។ ប្រធានាធិបតីអាមេរិករូបនេះ កន្លងមកធ្លាប់បានសន្យានឹងចែកចាយវ៉ាក់សាំងបង្ការជំងឺ Covid-19 ចំនួន៨០លានដូសទៅកាន់បណ្តាប្រទេសទូទាំងពិភពលោកនៅដំណាច់ខែនេះ ។ សូមបញ្ជាក់ថា នៅក្នុងក្រដាស់កំណត់ហេតុមួយ សេតវិមានបានបញ្ជាក់ថា វ៉ាក់សាំងដែលចែកចាយតាមរយៈកម្មវិធី COVAX របស់ WHO រដ្ឋាភិបាលទីក្រុងវ៉ាស៊ីនតោននឹងផ្តល់អាទិភាពដល់ប្រទេសអាមេរិកឡាទីន និងការាប៊ីន អាស៊ីខាងត្បូង អាស៊ីអាគ្នេយ៍ និងអាហ្វ្រិក ដែលនេះជាគោលបំណងជួយទប់ស្កាត់ការរីករាលដាលនៃជំងឺ Covid-19 ៕ ប្រភព៖ CNA
-
វ៉ាក់សាំងបង្ការជំងឺ Covid-19 ជាង២ពាន់លានដូសត្រូវបានចែកចាយនៅទូទាំងពិភពលោក
បារាំង៖ វ៉ាក់សាំងបង្ការជំងឺកូវីដ១៩ច្រើនជាង២ពាន់លានដូសត្រូវបានចែកចាយនៅទូទាំងពិភពលោក នេះបើយោងតាមទិន្នន័យសរុបរបស់សារព័ត៌មាន AFP នៅថ្ងៃព្រហស្បតិ៍ម្សិលមិញ ដែលដកស្រង់ចេញពីប្រភពផ្លូវការណ៍ ។ការចែកចាយដ៏ច្រើនសន្ធឹកសន្ធាប់នេះ បានកើតមានឡើងបន្ទាប់ពីយុទ្ធនាការចាក់វ៉ាក់សាំងបង្ការជំងឺកូវីដ១៩ដំបូង ជូនដល់ប្រជាជននៅក្នុងប្រទេសជាច្រើនបានចាប់ផ្តើមធ្វើឡើង ។បើយោងតាមទិន្នន័យដែលបានរាប់ដោយសារព័ត៌មាន AFP នៅម៉ោង៩និង១៥នាទីព្រឹក (ម៉ោងក្នុងតំបន់) បានអោយដឹងថា យ៉ាងចហោចណាស់មានវ៉ាក់សាំងប្រមាណ២ពាន់១០៩លាន៦៩ម៉ឺន៦ពាន់២២ដូសត្រូវបានចែកចាយនៅក្នុងប្រទេស និងដែនដីសរុបចំនួន ២១៥ ៕ ប្រភព៖ CNA
-
អង់គ្លេសដកព័រទុយហ្គាល់ចេញពីបញ្ជីបៃតង ដោយសារព្រួយបារម្ភពីវីរុសបំប្លែងខ្លួនថ្មីនេប៉ាល់
អង់គ្លេស៖ រដ្ឋាភិបាលអង់គ្លេសបញ្ជាក់ថា ព័រទុយហ្គាល់នឹងត្រូវបានដកចេញពីពីបញ្ជីប្រទេសដែលចក្រភពអង់គ្លេសបានហៅថា បញ្ជីបៃតង “green list” ចំពោះការធ្វើដំណើរដោយមិនចាំបាចធ្វើចត្តាឡីស័ករវាងប្រទេសទាំងពីរ ខណៈវិធានការណ៍នេះត្រូវទទួលរងការរិះគន់ទីក្រុង Lisbon និងវិស័យទេសចរណ៍របស់អង់គ្លេសផ្ទាល់ ។ ស្របពេលជាមួយគ្នានេះដែរ ប្រទេស Scotlan, Wales និង Northern Ireland ក៏បានធ្វើការប្រកាសនូវវិធានការណ៍ដូចគ្នាផងដែរ ដែលនឹងគ្របដណ្តប់លើអ្នកដំណើរជាពលរដ្ឋរបស់ពួកគេផងដែរ ។ ជាការឆ្លើយតប ក្រសួងការបរទេសព័រទុយហ្គាល់បានខឹងសម្បារជាខ្លាំង ដោយបង្ហោះសារនៅលើបណ្តាញសង្គមថា យើងនឹងកត់ត្រាទុកនូវការសម្រេចចិត្តរបស់អង់គ្លេស ក្នុងការដកព័រទុយហ្គាល់ចេញពីការធ្វើដំណើរ “green list” ដែលទង្វើនេះយើងមិនអាចយល់បាន ។ សូមបញ្ជាក់ថា ទិសដៅរដូវក្តៅដ៏ពេញនិយមសម្រាប់ជនជាតិអង់គ្លេស បានចាប់កាលពីថ្ងៃអង្គារសប្តាហ៍នេះ (ម៉ោងក្នុងតំបន់) ព័រទុយហ្គាល់នឹងស្ថិតនៅក្នុងបញ្ជីពណ៌លឿង ដែលតម្រូវអោយអ្នកដំណើរស្នាក់នៅផ្ទះរយៈពេល១០ថ្ងៃនៅពេលពួកគេត្រឡប់មកវិញ និងធ្វើតេស្តរកជំងឺកូវីដ១៩ជាច្រើនដង ៕ ប្រភព៖ CNA
-
អ្នកឆ្លង COVID-19 នៅទូទាំងពិភពលោកកើនឡើងដល់១៧២លាន៩០ម៉ឺននាក់ ក្នុងនោះស្លាប់៣លាន៧១ម៉ឺននាក់ និងជាសះស្បើយ១៥៥លាន៦០ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន១៧២លាន៩០ម៉ឺន៥២៧ករណី ក្នុងនោះមានអ្នកជម្ងឺសរុបចំនួន៣លាន៧១ម៉ឺន៧ពាន់១៦៦នាក់ស្លាប់ និង ជាសះស្បើយឡើងវិញសរុបចំនួន១៥៥លាន៦០ម៉ឺន៦ពាន់២៦៧នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី០៤ ខែមិថុនា ឆ្នាំ២០២១ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន៣៤លាន១៧ម៉ឺន៤ពាន់៧៥២នាក់ ស្លាប់ចំនួន៦១ម៉ឺន១ពាន់៦១១នាក់ និងជាសះស្បើយចំនួន២៨លាន២ម៉ឺន៥ពាន់៥៧៥នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន២៨លាន៥៧ម៉ឺន២ពាន់៣៥៩នាក់ ស្លាប់៣៤ម៉ឺន៧១៩នាក់ និងជាសះស្បើយ២៦លាន៥៨ម៉ឺន៨ពាន់៨០៨នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន១៦លាន៨០ម៉ឺន៣ពាន់៤៧២នាក់ ស្លាប់ចំនួន៤៦ម៉ឺន៩ពាន់៧៨៤នាក់ និងជាសះស្បើយ១៥លាន២២ម៉ឺន៨ពាន់៩៨៣នាក់ ៕ ប្រភព៖ worldometers
-
ថៃទិញវ៉ាក់សាំងចិន ស៊ីណូវ៉ាក់ ១១លានដូសទៀត
រដ្ឋមន្ត្រីសុខាភិបាលថៃ Anutin Charnvirakul បានប្រកាស កាលពីថ្ងៃទី២ មិថុនា ២០២១ម្សិលមិញថា ប្រទេសលោកនឹងទិញវ៉ាក់សាំងចិន ស៊ីណូវ៉ាក់ ចំនួន១១លានដូសទៀត ដោយចាប់ផ្តើមដំណើរការទិញ ចាប់ពីខែមិថុនានេះទៅ ជាផ្នែកមួយទៀតនៃគម្រោងទិញវ៉ាក់សាំងយ៉ាងតិច១០០លានដូស ចាក់ជូនប្រជាពលរដ្ឋថៃ។ លោកថា មកទល់ពេលនេះ ថៃបានទទួលការផ្គត់ផ្គង់វ៉ាក់សាំងចិន ស៊ីណូវ៉ាក់ ចំនួន៥.៥លានដូសហើយ និងបានអំណោយ៥០ម៉ឺនដូសផ្សេងទៀត ពីរដ្ឋាភិបាលចិនដែរ។ ប្រភពបន្ថែមទៀតថា ស៊ីណូវ៉ាក់នឹងក្លាយជាវ៉ាក់សាំងឈានមុខក្នុងការប្រើប្រាស់នៅប្រទេសថៃ ហើយ នឹងបំពេញបន្ថែមនូវមហិច្ចតា យ៉ាងតិច១០០លានដូស។ លោកបន្ថែមទៀតថា ចាប់ពីថ្ងៃមិថុនា ដល់សីហា វ៉ាក់សាំងស៊ីណូវ៉ាក់១១លានដូសទៀតនឹងមកដល់ ក្នុងនោះ ១ខែ គ្រោងមកដល់២.៥លានដូស។ ជាការកត់សម្គាល់ ការបញ្ជាទិញបន្ថែមទៀតនេះ ក្រោយពេលអង្គការសុខភាពពិភពលោកបានប្រកាសឲ្យប្រើប្រាស់វ៉ាក់សាំងស៊ីណូវ៉ាក់នេះ ជាករណីបន្ទាន់ កាលពីថ្ងៃទី១ ខែមិថុនា៕
-
ចិនចាក់វ៉ាក់សាំងកូវីដ១៩ ចំនួនជាង៧០០លានដូសហើយ
វ៉ាក់សាំងបង្ការជំងឺកូវីដ១៩ ចំនួនជាង៧០០លានដូសហើយត្រូវបានចាក់ជូនប្រជាពលរដ្ឋ នៅទូទាំងប្រទេសចិន នេះបើតាមការចេញផ្សាយរបស់ទីភ្នាក់ងារសារព័ត៌មាន CGTN នាល្ងាចថ្ងៃទី៣ មិថុនា ២០២១នេះ។ ទីភ្នាក់ងារមួយនេះបានចេញផ្សាយដោយយោងតាមរបាយការណ៍របស់គណៈកម្មការជាតិសុខាភិបាលចិន៕