-
ប្រធាន NASA ប្រកាសពីបេសកកម្មថ្មីចំនួនពីរទៅកាន់ភពសុក្រ ក្នុងអំឡុងឆ្នាំ២០២៨-២០៣០ខាងមុខ (មានវីដេអូ)
បរទេស៖ អង្គការ NASA នៅថ្ងៃពុធសប្តាហ៍នេះ បានប្រកាសពីបេសកកម្មធំៗថ្មីចំនួនពីរទៅកាន់ភពសុក្រ ដែលនឹងចាប់ផ្តើមនៅចុងទសវត្សរ៍នេះ ពោលគឺនៅឆ្នាំ២០២៨-២០៣០ខាងមុខនេះ ។ ប្រភពបានអោយដឹងថា បេសកកម្មធំៗទាំងពីរខាងលើនេះ ត្រូវបានផ្តល់ថវិកាប្រមាណ៥០០លានដុល្លារ ស្ថិតនៅក្រោមកម្មវិធីរបកគំហើញរបស់ទីភ្នាក់ងារអវកាសអាមេរិកមួយនេះ ហើយបេសកកម្មនីមួយៗរំពឹងថា ចាប់ផ្តើមនៅអំឡុងឆ្នាំ២០២៨-២០៣០ ។ បេសកកម្មទាំងនេះ នឹងផ្តល់អោយសហគមន៍វិទ្យាសាស្ត្រទាំងមូលនូវឱកាស ដើម្បីស៊ើបអង្កេតភពមួយដែលយើងមិនធ្លាប់បានទៅជាង ៣០ឆ្នាំ ។ បើតាមអ្នកគ្រប់គ្រងថ្មីរបស់អង្គការ NASA លោក ប៊ីល នែលសុន (Bill Nelson) បេសកកម្មខាងលើនេះ មានគោលបំណងស្វែងយល់ពីវិធីដែលភពព្រះសុក្របានក្លាយជាពិភពមួយដូចឋាននរក ដែលមានសមត្ថភាពអាចរំលាយសំណនៅលើផ្ទៃដីរបស់វា ៕ ប្រភព៖ NASA
-
វៀតណាមនឹងទទួលបានវ៉ាក់សាំង Sputnik V របស់រុស្ស៊ីចំនួន ២០លានដូសនៅក្នុងឆ្នាំ២០២១នេះ (មានវីដេអូ)
-
រដ្ឋាភិបាលឥណ្ឌាចុះកិច្ចព្រមព្រៀងទិញវ៉ាក់សាំងចំនួន៣០០លានដូសពីក្រុមហ៊ុនផលិតវ៉ាក់សាំងក្នុងស្រុក (មានវីដេអូ)
ឥណ្ឌា៖ រដ្ឋាភិបាលឥណ្ឌានៅថ្ងៃព្រហស្បតិ៍នេះបញ្ជាក់ថា ខ្លួនបានឈានដល់ការចុះកិច្ចព្រមព្រៀងជាមួយក្រុមហ៊ុនផលិតវ៉ាក់សាំងក្នុងស្រុក បាយអូឡូជីខល-អ៊ី (Biological-E) ក្នុងការបញ្ជាទិញវ៉ាក់សាំង Covid-19 ចំនួន៣០០លានដូស ក្នុងតម្លៃ១៥ពាន់លានរ៉ូពី ឬស្មើនឹង២០៥.៦២លានដុល្លារ ។ បើតាមសេចក្តីថ្លែងការណ៍របស់ក្រសួងសុខាភិបាលឥណ្ឌា វ៉ាក់សាំងបង្ការជំងឺ Covid-19 របស់ក្រុមហ៊ុន បាយអូឡូជីខល-អ៊ី ដែលបច្ចុប្បន្ននេះកំពុងស្ថិតនៅក្នុង ការធ្វើតេស្តដំណាល់កាលទី៣ អាចនឹងមានសម្រាប់ប្រើប្រាស់នៅប៉ុន្មានខែខាងមុខទៀត ។ កាលពីដើមខែឧសភាកន្លងទៅនេះ អគ្គនាយកគ្រប់គ្រងទូទៅរបស់ក្រុមហ៊ុន បាយអូឡូជីខល-អ៊ី លោកស្រី ម៉ាហ៊ីម៉ា ដាត្លា (Mahima Datla) បានប្រាប់សារព័ត៌មានរ៉យទ័រថា ក្រុមហ៊ុនរបស់លោកស្រីមានផែនការផលិតវ៉ាក់សាំងអោយបានពី៧០ ទៅ ៨០លានដូសក្នុងមួយខែគិតចាប់ពីខែសីហាខាងមុខនេះ ៕ ប្រភព៖ CNA
-
ចិនបានចែកចាយវ៉ាក់សាំងបង្ការជំងឺ Covid-19 ចំនួន៣៥០លានដូសទៅកាន់ពិភពលោក (មានវីដេអូ)
ចិន៖ អ្នកនាំពាក្យក្រសួងការបរទេសចិន លោក វ៉ាង វេនប៊ីន (Wang Wenbin) បានបញ្ជាក់នៅក្នុងសន្និសីទសារព័ត៌មានមួយនៅថ្ងៃពុធថា ប្រទេសរបស់លោកបានចែកចាយវ៉ាក់សាំងបង្ការជំងឺកូវីដ១៩ចំនួន ៣៥០ លានដូសទៅកាន់ពិភពលោក ។ លោក វ៉ាង វេនប៊ីន បានអោយដឹងទៀតថា ចិនបានផ្តល់ជំនួយវ៉ាក់សាំងដល់ប្រទេសជាង៨០ ហើយបាននាំចេញវ៉ាក់សាំងទៅប្រទេសជាង៤០ ហើយថា ចិនក៏បានរួមដៃគ្នាជាមួយបណ្តាប្រទេសកំពុងអភិវឌ្ឍន៍ដទៃទៀត ដើម្បីលើកកម្ពស់ការផលិតវ៉ាក់សាំងដ៏ច្រើនសន្ធឹកសន្ធាប់ផងដែរ ។ ទន្ទឹមគ្នា ជុំវិញការយល់ព្រមរបស់អង្គការសុខភាពពិភពលោក (WHO) លើវ៉ាក់សាំង ស៊ីណូវ៉ាក់ (Sinovac) សម្រាប់ការប្រើប្រាស់បន្ទាន់ លោក វ៉ាង បាននិយាយថា ការសម្រេចចិត្តនេះបង្ហាញពីប្រសិទ្ធភាព និងសុវត្ថិភាពនៃវ៉ាក់សាំងចិន ។ វាគឺជាវ៉ាក់សាំងចិនទី២ បន្ទាប់ពីវ៉ាក់សាំង ស៊ីណូហ្វាម (Sinopharm) ៕ ប្រភព៖ CGTN
-
លោក ចូ បៃដិន អះអាងថា លោកកំពុងពិចារណាលើការសងសឹករុស្ស៊ី ពាក់ព័ន្ធនឹងការវាយប្រហារតាមអ៊ីនធើណិត (មានវីដេអូ)
Video: https://fb.watch/5UieXe_kic/ អាមេរិក៖ ប្រធានាធិបតីអាមេរិក លោក ចូ បៃដិន នៅថ្ងៃពុធនេះអះអាងថា រូបលោកកំពុងសំឡឹងរកការសងសឹកដែលអាចទៅរួច ក្រោយសេតវិមានបានភ្ជាប់រុស្ស៊ីទៅនឹងការវាយប្រហារតាមអ៊ីនធើណិត ប្រឆាំងនឹងក្រុមហ៊ុនកែច្នៃសាច់ខ្នាតយក្ស JBS ។ នៅពេលត្រូវបានចោទសួរដោយអ្នកកាសែត ថាតើលោកនឹងចាត់វិធានការប្រឆាំងប្រធានាធិបតីរុស្ស៊ីលោក វ្លាឌីមៀ ពូទីន ដែលលោកនឹងជួបសម្រាប់កិច្ចប្រជុំកំពូលនៅទីក្រុងហ្សឺណែវនៅចុងខែនេះដែរឬយ៉ាងណានោះ ប្រធានាធិបតីអាមេរិករូបនេះនិយាយថា យើងកំពុងពិនិត្យយ៉ាងដិតដល់ចំពោះបញ្ហានោះ ។ បើតាមសេតវិមាន លោក បៃដិន នឹងនាំយកការព្រួយបារម្ភរបស់សហរដ្ឋអាមេរិក ក្នុងអំឡុងកិច្ចប្រជុំកំពូលនៅថ្ងៃទី១៦ ខែមិថុនាខាងមុខនេះ ក៏ដូចជានៅកិច្ចប្រជុំកំពូល នៅមុនកិច្ចប្រជុំកំពូលជាមួយសម្ព័ន្ធមិត្តក្នុងក្រុមប្រទេស G7 សហភាពអឺរ៉ុប និងអង្គការ ណាតូ ។ សូមបញ្ជាក់ថា ការវាយប្រហារតាមអ៊ិនធើណិតទៅលើក្រុមហ៊ុនបុត្រសម្ព័ន្ធរបស់អាមេរិក ដែលជាកម្មសិទ្ធិរបស់ប្រេស៊ីល JBS បានធ្វើអោយមានការចោទប្រកាន់ជាថ្មីម្តងទៀតថា ប្រទេសរុស្ស៊ីប្រហែលជាកំពុងធ្វើឧក្រិដ្ឋកម្មតាមអ៊ីនធើណិត ៕ ប្រភព៖ CNA
-
Tesla ប្រកាសប្រមូលរថយន្តជិត៦ពាន់គ្រឿងនៅក្នុងសហរដ្ឋអាមេរិកមកវិញ ក្រោយរកឃើញកំហុសឆ្គងនៅផ្នែកប្រព័ន្ធហ្វ្រាំង (មានវីដេអូ)
អាមេរិក៖ ក្រុមហ៊ុន Tesla បាននិងកំពុងប្រមូលត្រឡប់មកវិញនូវរថយន្តជិត៦ពាន់គ្រឿង ដោយសារតែរកឃើញកំហុសឆ្គងនៅផ្នែកប្រព័ន្ធហ្វ្រាំង នេះបើតាមឯកសារដែលត្រូវបានផ្សព្វផ្សាយនៅថ្ងៃពុធម្សិលមិញ ។ ចំពោះរថយន្តដែលត្រូវបានប្រកាសប្រមូលមកវិញនោះ រួមមានរថយន្តម៉ាក Model 3 ឆ្នាំ២០១៩-២០២១ និងរថយន្តម៉ាក Model Y ឆ្នាំ២០២០-២០២១ ។ ឯកសាររបស់ក្រុមហ៊ុន Tesla ជាមួយរដ្ឋបាលសុវត្ថិភាពចរាចរណ៍ផ្លូវជាតិរបស់សហរដ្ឋអាមេរិកបានបញ្ជាក់ថា ខ្លួនមិនបានទទួលរបាយការណ៍ពីគ្រោះថ្នាក់ ឬមនុស្សរងរបួសពាក់ព័ន្ធនឹងបញ្ហាខាងលើនេះនោះទេ ហើយថា ក្រុមហ៊ុននឹងធ្វើការត្រួតពិនិត្យ ក៏ដូចជារឹតបន្តឹង និងផ្លាស់ប្តូរថ្មីប្រសិនបើមានការចាំបាច់ ។ គួរបញ្ជាក់ផងដែរថា នាយកប្រតិបត្តិក្រុមហ៊ុន Tesla លោក Elon Musk ថ្មីៗនេះបានប្រកាសអោយដឹងថា រថយន្តអគ្គិសនី Tesla មួយចំនួននឹងត្រូវលក់ក្នុងតម្លៃថ្លៃជាងមុន ដោយសារតែបញ្ហានៃសង្វាក់ផលិតកម្ម ដែលក្នុងនោះសំខាន់ជាងគេ គឺបណ្តាលមកពីកង្វះខាតបន្ទះឈីប នៅក្នុងទីផ្សារ ។ បញ្ហាកង្វះខាតបន្ទះឈីបសម្រាប់ផលិតរថយន្តនេះដែរ ក៏បានប៉ះពាល់ដល់វិស័យផលិតយានយន្តដែលគិតជាទឹកប្រាក់មានទំហំរហូតដល់១១០ពាន់លានដុល្លារនៅក្នុងឆ្នាំ២០២១នេះ ខណៈដែលក្រុមហ៊ុន Ford និង GM បានប៉ះពាល់ខ្លាំងជាងគេ ៕ ប្រភព៖ CNA
-
ក្រុមហ៊ុន AstraZeneca និង Siam Bioscience ប្រកាស ត្រៀមខ្លួនរួចរាល់ ដើម្បីផ្គត់ផ្គង់វ៉ាក់សាំង Covid-19 ដែលផលិត ក្នុងស្រុកដល់រដ្ឋាភិបាលថៃ (មានវីដេអូ)
-
Huawei បញ្ចេញប្រព័ន្ធប្រតិបត្តិការ HarmonyOS ជំនាន់ថ្មី នៅក្នុងការប្រយុទ្ធប្រឆាំងដើម្បីសង្គ្រោះក្រុមហ៊ុនខ្លួនអោយរស់រានមានជីវិតឡើងវិញ (មានវីដេអូ)
ចិន៖ ក្រុមហ៊ុន Huawei របស់ចិនបានប្រកាសដាក់បង្ហាញប្រព័ន្ធដំណើរការ HarmonyOS ជំនាន់ថ្មី ដែលពោរពេញដោយសមត្ថភាព និងភាពអស្ចារ្យយ៉ាងសម្បូរបែបជាច្រើន ក្រោយសហរដ្ឋអាមេរិកបានរារាំងខ្លួនពីការប្រើប្រាស់ប្រព័ន្ធប្រតិបត្តិការ Android ។ បច្ចុប្បន្នមានតែនាឡិកាដៃវៃឆ្លាតជំនាន់ថ្មីចំនួន២ម៉ូដែល និងឧបករណ៍ Tablet ចំនួន២ម៉ូដែល ដែលត្រូវបានភ្ជាប់មកជាមួយស្រាប់នូវប្រព័ន្ធដំណើរការ HarmonyOS នេះ ខណៈដែល Huawei មានគម្រោងផ្លាស់ប្ដូរស្មាតហ្វូន និង Tablet ជាច្រើនម៉ូដែលទៀតអោយមកប្រើប្រាស់ប្រព័ន្ធដំណើរការនេះនាពេលឆាប់ៗខាងមុខ ។ សូមជម្រាបថា HarmonyOS ត្រូវបានបង្កើតឡើងកាលពីខែសីហា ឆ្នាំ២០១៩ និងបានដាក់ឱ្យប្រើប្រាស់ជាលើកដំបូង នៅ លើទូរទស្សន៍វៃឆ្លាតរបស់ Huawei សម្រាប់លក់នៅលើទីផ្សារប្រទេសចិន ហើយសម្រាប់ HarmonyOS ជំនាន់ទី២ គឺត្រូវបានពង្រីកសម្រាប់ប្រើប្រាស់នៅលើស្មាតហ្វូន និង Tablet ៕ ប្រភព៖ CNA
-
ប្រតិបត្តិការសុខាភិបាលឯកជនសង្ហិបុរី កំពុងពិចារណាលើការប្រើប្រាស់វ៉ាក់សាំងចិន Sinovac បន្ទាប់ពី WHO អនុម័តអោយប្រើប្រាស់ជាផ្លូវការ (មានវីដេអូ)
-
ប្រធាន NASA ប្រកាសបេសកកម្មថ្មីចំនួនពីរទៅកាន់ភពសុក្រ ដែលនឹងចាប់ផ្តើមនៅចុងទសវត្សរ៍នេះ (មានវីដេអូ)
