អាមេរិក៖ ស្ថិតក្នុងគោលបំណងបង្កើនការចែកចាយវ៉ាក់សាំងនោះ រដ្ឋបាលចំណីអាហារ និងឱសថអាមេរិក (FDA) នៅថ្ងៃពុធសប្ដាហ៍នេះ បានអនុញ្ញាតឱ្យរក្សាទុកវ៉ាក់សាំង COVID-19 របស់ក្រុមហ៊ុន ភីហ្វាយហ្សឺ-បាយអូអិនធិច នៅក្នុងទូទឹកកកក្រោមសីតុណ្ហភាពស្ដង់ដារសម្រាប់រយៈពេលមួយខែ ។ទន្ទឹមគ្នា រដ្ឋបាល FDA បានបញ្ជាក់ថា វ៉ាក់សាំងរបស់ក្រុមហ៊ុនអាមេរិក-អាល្លឺម៉ង់មួយនេះ នឹងអាចរក្សាទុកនៅក្នុងទូទឹកកកក្រោមសីតុណ្ហភាពពី២ដល់៨អង្សាសេ រយៈពេលមួយខែ បើធៀបទៅនឹងការកំណត់កាលពីពេលថ្មីៗនេះបានត្រឹមតែ៥ថ្ងៃប៉ុណ្ណោះ ។បើតាមអគ្គនាយកមជ្ឈមណ្ឌលវាយតម្លៃ និងស្រាវជ្រាវជីវសាស្រ្តរបស់រដ្ឋបាល FDA លោក ភីតធើ ម៉ាក ការផ្លាស់ប្តូរនេះ នឹងផ្តល់ការងាយស្រួលដល់តំបន់ដាច់ស្រយាលមួយចំនួននៅក្នុងសហរដ្ឋអាមេរិក និងប្រទេសដទៃ សម្រាប់ការដឹកជញ្ជូន ក៏ដូចជាការរក្សា និងស្ដុកទុកវ៉ាក់សាំង ៕ ប្រភព៖ CNA

អង់គ្លេស៖ នាយករដ្ឋមន្រ្តីអង់គ្លេសលោក បូរីស ចនសុន នៅថ្ងៃពុធសប្តាហ៍នេះបញ្ជាក់ថា ប្រទេសរបស់លោកជឿជាក់កាន់តែខ្លាំងឡើងថា វ៉ាក់សាំងដែលត្រូវបានប្រើដើម្បីប្រយុទ្ធប្រឆាំងនឹងជំងឺ Covid-19 គឺមានប្រសិទ្ធភាពប្រឆាំងនឹងវីរុសបំប្លែងខ្លួនទាំងអស់ ។នាយករដ្ឋមន្រ្តីអង់គ្លេសរូបនេះបានគូសបញ្ជាក់ទៅកាន់សភាយ៉ាងដូច្នេះថា យើងបានពិនិត្យមើលទិន្នន័យម្តងហើយម្ដងទៀត ហើយខ្ញុំអាចប្រាប់សភាថា យើងមានទំនុកចិត្តកាន់តែខ្លាំងឡើងថា វ៉ាក់សាំងមានប្រសិទ្ធភាពប្រឆាំងនឹងវីរុសកូវីដ១៩បំប្លែងខ្លួនថ្មីទាំងអស់ ក្នុងនោះរួមទាំងវីរុសបំប្លែងខ្លួនថ្មីឥណ្ឌាផងដែរ ។ការអះអាងខាងលើនេះរបស់លោក បូរីស ចនសុន ត្រូវបានធ្វើឡើងស្របពេលមានការព្រួយបារម្ភកាន់តែខ្លាំងឡើងនៅក្នុងចក្រភពអង់គ្លេស អំពីករណីឆ្លងវីរុសបំប្លែងខ្លួនថ្មីឥណ្ឌា ។ បើតាមទិន្នន័យពីក្រសួងសុខាភិបាលអង់គ្លេសនោះ បច្ចុ ប្បន្ននេះមានករណីឆ្លងវីរុសកូវីដ១៩បំប្លែងខ្លួនថ្មីឥណ្ឌាជិត៣ពាន់ករណីហើយ នៅក្នុងចក្រភពអង់គ្លេស ៕ ប្រភព៖ Reuters

អង់គ្លេស៖ នាយករដ្ឋមន្រ្តីអង់គ្លេសលោក បូរីស ចនសុន នៅថ្ងៃពុធសប្តាហ៍នេះបញ្ជាក់ថា ប្រទេសរបស់លោកជឿជាក់កាន់តែខ្លាំងឡើងថា វ៉ាក់សាំងដែលត្រូវបានប្រើដើម្បីប្រយុទ្ធប្រឆាំងនឹងជំងឺ Covid-19 គឺមានប្រសិទ្ធភាពប្រឆាំងនឹងវីរុសបំប្លែងខ្លួនទាំងអស់ ។នាយករដ្ឋមន្រ្តីអង់គ្លេសរូបនេះបានគូសបញ្ជាក់ទៅកាន់សភាយ៉ាងដូច្នេះថា យើងបានពិនិត្យមើលទិន្នន័យម្តងហើយម្ដងទៀត ហើយខ្ញុំអាចប្រាប់សភាថា យើងមានទំនុកចិត្តកាន់តែខ្លាំងឡើងថា វ៉ាក់សាំងមានប្រសិទ្ធភាពប្រឆាំងនឹងវីរុសកូវីដ១៩បំប្លែងខ្លួនថ្មីទាំងអស់ ក្នុងនោះរួមទាំងវីរុសបំប្លែងខ្លួនថ្មីឥណ្ឌាផងដែរ ។ការអះអាងខាងលើនេះរបស់លោក បូរីស ចនសុន ត្រូវបានធ្វើឡើងស្របពេលមានការព្រួយបារម្ភកាន់តែខ្លាំងឡើងនៅក្នុងចក្រភពអង់គ្លេស អំពីករណីឆ្លងវីរុសបំប្លែងខ្លួនថ្មីឥណ្ឌា ។ បើតាមទិន្នន័យពីក្រសួងសុខាភិបាលអង់គ្លេសនោះ បច្ចុ ប្បន្ននេះមានករណីឆ្លងវីរុសកូវីដ១៩បំប្លែងខ្លួនថ្មីឥណ្ឌាជិត៣ពាន់ករណីហើយ នៅក្នុងចក្រភពអង់គ្លេស ៕ ប្រភព៖ Reuters

បរទេស៖ ក្រុមប្រឹក្សាសន្តិសុខអង្គការសហប្រជាជាតិ (UNSC) បានចេញសេចក្តីប្រកាសជាឯកច្ឆន្ទមួយ នៅថ្ងៃពុធសប្តាហ៍នេះ ដោយគូសបញ្ជាក់ពីតម្រូវការក្នុងការបង្កើនជំនួយវ៉ាក់សាំងបង្ការវីរុស Covid-19 ដល់ទី្វបអាហ្វ្រិក តាមរយៈការជំរុញការផ្គត់ផ្គង់វ៉ាក់សាំង ។ប្រជាជននៅទ្វីបអាហ្វ្រិករងផលប៉ះពាល់តិចតួចជាងតំបន់ផ្សេងៗទៀត ដោយមានចំនួនអ្នកស្លាប់សរុបជិត១៣ម៉ឺននាក់ បើធៀបទៅនឹងអ្នកស្លាប់ជិត៣,៤លាននាក់នៅទូទាំងពិភពលោក ។ ប៉ុន្តែការខាតបង់ខាងសេដ្ឋកិច្ចវិញ គឺមានសភាពធ្ងន់ធ្ងរ ហើយការផ្គត់ផ្គង់វ៉ាក់សាំងយឺតយ៉ាវបាននាំឱ្យមានការបារម្ភថា វីរុសកូរ៉ូណាបំលែងខ្លួនអាចនឹងលេចឡើងនៅលើទ្វីបនេះ ។យ៉ាងណាមិញ សេចក្តីប្រកាសដែលបានអនុម័តក្នុងសម័យប្រជុំតាមអនឡាញស្តីពីសន្តិភាព និងសន្តិសុខនៅអាហ្វ្រិកដែលរៀបចំឡើងដោយចិនបានសរសេរថា ក្រុមប្រឹក្សាសន្តិសុខសម្តែងការព្រួយបារម្ភថា ទ្វីបអាហ្វ្រិកគឺទទួលបានតែ២ភាគរយប៉ុណ្ណោះ នៃវ៉ាក់សាំងទាំងអស់ដែលចែកចាយទូទាំងពិភពលោក ។ ក្រុមប្រឹក្សាសន្តិសុខក៏បានគាំទ្រគម្រោង Covax ដែលផ្តល់វ៉ាក់សាំងសម្រាប់បណ្តាប្រទេសក្រីក្រ ហើយអំពាវនាវឱ្យបង្កើនល្បឿននៃការផ្តល់វ៉ាក់សាំង ដែលមានសុវត្ថិភាព និងប្រសិទ្ធភាពពីបណ្តាប្រទេសមានសេដ្ឋកិច្ចអភិវឌ្ឍន៍ ៕ ប្រភព៖ AFP