-
អង់គ្លេសបញ្ជាទិញវ៉ាក់សាំង Pfizer ចំនួន៦០លានដូសបន្ថែមទៀត ដើម្បីបង្កើនកម្មវិធីចាក់វ៉ាក់សាំងរបស់ប្រទេសខ្លួន (មានវីដេអូ)
-
ប្រជាជនឥណ្ឌាកំពុងប្រញាប់ប្រញាល់ចុះឈ្មោះចាក់វ៉ាក់សាំងតាមអនឡាញ ខណៈរលកទី២ នៃវីរុសកូវីដ១៩ឆក់យកជីវិតមនុស្សកើនលើស២សែននាក់ក្នុងប្រទេសឥណ្ឌា (មានវីដេអូ)
-
សេតវិមានបញ្ជាក់ថា សហរដ្ឋអាមេរិកកំពុងបញ្ជូនជំនួយគិតជាទឹកប្រាក់១០០លានដុល្លារទៅឥណ្ឌា (មានវីដេអូ)
-
លោក ចូ បៃដិន ស្នើសុំកញ្ចប់ថវិកាខ្ទង់ទ្រីលានដុល្លារពីសភា ដើម្បីរៀបចំយុទ្ធសាស្ត្រប្រកួតប្រជែងជាមួយចិន (មានវីដេអូ)
-
អាមេរិកឲ្យវ៉ាក់សាំងកូវីដទៅឥណ្ឌា តម្លៃជាង១០០លានដុល្លារ ស្មើនឹងជាង២០លានដូស
សហរដ្ឋអាមេរិកបានប្រកាសបញ្ជូនវ៉ាក់សាំងបង្ការជំងឺកូវីដ១៩ ទៅឲ្យប្រទេសឥណ្ឌាចំនួន ជាង២០លានដូស មានតម្លៃជាង១០០លានដុល្លារអាមេរិក ដើម្បីជួយដល់ឥណ្ឌាដែលកំពុងដុនដាបខ្លាំងលើបញ្ហាជំងឺកូវីដ១៩ នេះបើតាមសេតវិមានប្រកាស នៅថ្ងៃទី២៩ មេសា ២០២១នេះ។ សេចក្តីថ្លែងការរបស់សេតវិមានថា ការផ្គត់ផ្គង់ដែលនឹងចាប់ផ្តើមបញ្ជូនដល់ឥណ្ឌា នាថ្ងៃស្អែកនេះ និងបន្តទៅសប្តាហ៍ក្រោយទៀតនផះ រួមបញ្ជូលទាំងម៉ាស៊ីនអ៊ុកស៊ីសែន ១០០០គ្រឿង ម៉ាស N95 ចំនួន១៥លានម៉ាស់ ឧបករណ៍តេស្តរហ័ស ចំនួន១លានឈុតទៀតដែរ។ គួរបញ្ជាក់ថា ចំនួនមនុស្សស្លាប់ដោយសារជំងឺកូវីដ១៩ នៅប្រទេសឥណ្ឌាបានកើនឡើងដល់ជាង២០ម៉ឺននាក់ហើយ គិតត្រឹមថ្ងៃនេះ ខណៈដែលឥណ្ឌាខ្វះខាតខ្លាំងចំពោះគ្រែព្យាបាល និងម៉ាស៊ីនអ៊ុកស៊ីសែន៕
-
លោក ចូ បៃដិន ស្នើសុំកញ្ចប់ថវិកាខ្ទង់ទ្រីលានដុល្លារពីសភា ដើម្បីរៀបចំយុទ្ធសាស្ត្រប្រកួតប្រជែងជាមួយចិន
អាមេរិក៖ បន្ទាប់ពីឡើងកាន់អំណាចបាន១០០ថ្ងៃ ប្រធានាធិបតីអាមេរិកលោក ចូ បៃដិន បានថ្លែងសារជាលើកដំបូងនៅចំពោះមុខសភា ដោយលោកបានយកឱកាសនោះ ស្នើសុំថវិកា១,៨ទ្រីលានដុល្លារ ដែលលោកនិយាយថា ជារឿងចាំបាច់ដើម្បីប្រកួតប្រជែងជាមួយចិន ។នាឱកាសនោះដែរ លោក បៃដិន បានគូសបញ្ជាក់ថា ចិនកំពុងតែបោះជំហានយ៉ាងប្រកៀកខ្លាំងណាស់ និងថា ប្រធានាធិបតីចិនលោក ស៊ី ជីនពីង មានបំណងប្រាកដប្រជា ក្នុងការប្រែក្លាយចិនអោយទៅជាប្រទេសដែលអស្ចារ្យ និងមានឥទ្ធិពលបំផុតលើលោក ។ ជាមួយគ្នានេះ លោកបានប្រាប់លោក ស៊ី ថា សហរដ្ឋអាមេរិកនឹងរក្សាវត្តមានយោធាដ៏ខ្លាំងក្លានៅក្នុងតំបន់ឥណ្ឌូ-ប៉ាស៊ីហ្វិក ដូចដែលយើងបានធ្វើសម្រាប់អង្គការណាតូនៅអឺរ៉ុបដែរ គឺមិនមែនចាប់ផ្តើមជម្លោះទេ ប៉ុន្តែដើម្បីទប់ស្កាត់ជម្លោះ ។ប្រធានាធិបតីអាមេរិករូបនេះបានសង្កត់ធ្ងន់ទៀតថា សហរដ្ឋអាមេរិកនឹងងើបឡើងប្រឆាំងនឹងការអនុវត្តពាណិជ្ជកម្មអយុត្តិធម៌ ដែលធ្វើឱ្យអន្តរាយដល់និយោ ជិត និងឧស្សាហកម្មអាមេរិក ដូចជា ការឧបត្ថម្ភធនដល់សហគ្រាស ដែលគ្រប់ គ្រងដោយរដ្ឋ និងការលួចបច្ចេកវិជ្ជា និងកម្មសិទ្ធិបញ្ញារបស់សហរដ្ឋអាមេរិក ៕ ប្រភព៖ CNA
-
សេតវិមានបញ្ជាក់ថា សហរដ្ឋអាមេរិកកំពុងបញ្ជូនជំនួយគិតជាទឹកប្រាក់១០០លានដុល្លារទៅឥណ្ឌា
អាមេរិក៖ សេតវិមានបានបញ្ជាក់នៅក្នុងសេចក្តីថ្លែងការណ៍នៅថ្ងៃ ពុធ នេះថា សហរដ្ឋអាមេរិកកំពុងបញ្ជូនជំនួយគិតជាទឹកប្រាក់ជាង ១០០ លានដុល្លារដល់ឥណ្ឌា សំដៅជួយប្រយុទ្ធប្រឆាំងនឹងការកើនឡើងយ៉ាងគំហុក នៃវីរុសកូវីដ១៩ ។បើតាមសេតវិមាននោះ សហរដ្ឋអាមេរិកក៏បានយល់ព្រមបញ្ជូនវ៉ាក់សាំងបង្ការជំងឺកូវីដ១៩របស់ក្រុមហ៊ុន អាស្រ្តាហ្សេណេកា ដែលខ្លួនស្ដុកទុកឱ្យឥណ្ឌាផងដែរ ដោយឥណ្ឌាអាចនឹងទទួលបានជាង២០លានដូស ។បើតាមសេចក្តីថ្លែងការណ៍ខាងលើនេះ ជំនួយរបស់សហរដ្ឋអាមេរិកនឹងត្រូវទៅដល់ប្រទេសឥណ្ឌា នៅថ្ងៃព្រហស្បតិ៍នេះ ហើយនឹងបន្តមកដល់ជាបន្តបន្ទាប់នៅសប្ដាហ៍ក្រោយ ។ ជំនួយទំាងនេះ ក្នុងនោះរួមមានអុកស៊ីសែន១ពាន់បំពង់ ម៉ាសN95ចំនួន១៥លានម៉ាស និងឧបករណ៍ធ្វើតេស្ដរហ័សមួយលានគ្រឿង ៕ ប្រភព៖ CNA
-
អង់គ្លេសបញ្ជាទិញវ៉ាក់សាំង Pfizer ចំនួន៦០លានដូសបន្ថែមទៀត ដើម្បីបង្កើនកម្មវិធីចាក់វ៉ាក់សាំងរបស់ប្រទេសខ្លួន
អង់គ្លេស៖ រដ្ឋមន្រ្តីសុខាភិបាលអង់គ្លេសលោក ម៉ាត់ ហាន់ខុក (Matt Hancock) បញ្ជាក់ថា ប្រទេសរបស់លោកនឹងបញ្ជាទិញវ៉ាក់សាំងបង្ការជំងឺ Covid-19 របស់ក្រុមហ៊ុន Pfizer-BioNTech ចំនួន៦០លានដូសបន្ថែមទៀត នៅក្នុងកិច្ចព្រមព្រៀងដែលនឹងជួយបង្កើនការផ្គត់ផ្គង់ទ្វេដងសម្រាប់ប្រទេសអឺរ៉ុបមួយនេះ ដើម្បីឆ្ពោះទៅលើកម្ពស់កម្មវិធីចាក់វ៉ាក់សាំងជូនប្រជាជននៅចុងឆ្នាំនេះ ។លោក ហាន់ខុក បាននិយាយថា កិច្ចព្រមព្រៀងខាងលើត្រូវបានធានាដល់ការផ្គត់ផ្គង់កម្មវិធីចាក់វ៉ាក់សាំងបង្ការជំងឺ Covid-19 ដែលកំពុងចាប់ផ្តើមពីរដូវស្លឹកឈើជ្រុះ ហើយថា ហានិភ័យធំបំផុតនោះចំពោះដំណើរការចាក់វ៉ាក់សាំងរបស់អង់គ្លេសនោះ ការឆ្លងរីករាលដាលនៃវីរុសកូរ៉ូណាបំប្លែងខ្លួនប្រភេទថ្មី ។ រដ្ឋមន្រ្តីសុខាភិបាលអង់គ្លេសរូបនេះបាននិយាយដូច្នេះថា យើងបាននិងកំពុងធ្វើការទៅលើផែនការបង្កើនការចាក់វ៉ាក់សាំង ។ វ៉ាក់សាំង៦០លានដូសបន្ថែមទៀត នឹងត្រូវបានប្រើប្រាស់ជាមួយថ្នាំដទៃទៀត ដែលជាផ្នែកមួយនៃកម្មវិធីបង្កើនការចាក់វ៉ាក់សាំងរបស់យើងចាប់ពីចុងឆ្នាំនេះ ដូច្នេះយើងអាចការពារវឌ្ឍនភាពដែលយើងបានធ្វើ ។គួរបញ្ជាក់ថា គិតមកទល់ពេលនេះ ចក្រភពអង់គ្លេសបានបញ្ជាទិញវ៉ាក់សាំងរបស់ក្រុមហ៊ុនអាមេរិក-អាល្លឺម៉ង់ Pfizer-BioNTech សរុបចំនួន១០០លានដូស ហើយ១ភាគ៣នៃវ៉ាក់សាំងទាំងអស់បានចាប់ផ្តើមចាក់ជូនដល់ប្រជាជនខ្លួននៅក្នុងប្រទេស ៕ ប្រភព៖ Reuters
-
ឥណ្ឌាខ្វះឧស្ម័នអុកស៊ីសែន! អង់គ្លេសសម្រេចបញ្ជូនម៉ាស៊ីនផលិតឧស្ម័នអុកស៊ីសែនទៅតែម្តង
អង់គ្លេស កាលពីម្សិលមិញ បានប្រកាសបញ្ជូនម៉ាស៊ីនផលិតឧស្ម័នអុកស៊ីសែនចំនួន៣គ្រឿងទៅកាន់ឥណ្ឌាដែលកំពុងរងគ្រោះខ្លាំងពីកូវីដ១៩ នេះបើតាមរដ្ឋាភិបាលអង់គ្លេស។ ប្រភពថា ម៉ាស៊ីនទាំងនេះអាចផលិតអុកស៊ីសែន៥០០លីត្រក្នុងមួយនាទី។ ជំនួយនេះត្រូវបានប្រកាសឡើងក្រោយការបញ្ជូនឧបករណ៍អុកស៊ីសែននិងប្រដាប់ដកដង្ហើមពីអង់គ្លេស ដែលបានទៅដល់ឥណ្ឌាកាលពីពេលកន្លងទៅ។ ការប្រកាសនេះ ខណៈដែលឥណ្ឌាមានអ្នកជំងឺថ្មីជោរជន់មន្ទីរពេទ្យនិងបញ្ជូនគ្រួសារជាច្រើនចេញទៅស្វែងអុកស៊ីសែននិងថ្នាំព្យាបាលដោយខ្លួនឯង៕
-
សហស្ថាបនិកក្រុមហ៊ុន BioNTech ជឿជាក់ថា វ៉ាក់សាំងរបស់ខ្លួនមានប្រសិទ្ធភាពអាចប្រឆាំងនឹងវីរុស Covid-19 បំប្លែងខ្លួនថ្មីនៅឥណ្ឌា
អាល្លឺម៉ង់៖ សហស្ថាបនិកក្រុមហ៊ុនផលិតវ៉ាក់សាំងអាល្លឺម៉ង់ BioNTech លោក អ៊ូហ្គ័រ សាហ៊ីន (Ugur Sahin) នៅថ្ងៃពុធនេះបានបង្ហាញការជឿជាក់ថា វ៉ាក់សាំងរបស់ក្រុមហ៊ុនលោក ដែលបានចូលរួមសហការផលិតជាមួយក្រុមហ៊ុនអាមេរិក Pfizer ពិតជាអាចប្រឆាំងនឹងវីរុសកូរ៉ូណាបំប្លែងខ្លួនថ្មីមានប្រភពដើមនៅឥណ្ឌាបាន ។បច្ចុប្បន្នឥណ្ឌាកំពុងប្រឈមមុខនូវការកើនឡើងយ៉ាងគំហុក ចំពោះករណីឆ្លងថ្មីៗ និងស្លាប់ដោយសារវីរុសកូវីដ១៩បំប្លែងខ្លួនថ្មីមានឈ្មោះថា B.1.617 នៅក្នុងរយៈពេល១សប្តាហ៍ចុងក្រោយនេះ ដោយសារតែករណីឆ្លងបានលោតដល់លើស ៣០ម៉ឺននាក់ក្នុងមួយថ្ងៃ និងអ្នកជំងឺរាប់ពាន់នាក់បានស្លាប់ ។ជុំវិញបញ្ហានេះដែរ សហស្ថាបនិកក្រុមហ៊ុនផលិតវ៉ាក់សាំងអាល្លឺម៉ង់ BioNTech បានអះអាងថា យើងនៅតែកំពុងធ្វើពិសោធន៍ទៅលើវីរុសបំប្លែងថ្មីនៅឥណ្ឌានៅឡើយ ប៉ុន្តែវីរុសបំប្លែងថ្មីនៅឥណ្ឌានោះ គឺមានការវិវឌ្ឍដូចទៅនឹងអ្វី ដែលយើងបានពិសោធន៍កន្លងមករួចទៅហើយ ដោយលក្ខណៈនៃវីរុសបែបនេះ គឺវ៉ាក់សាំងរបស់យើងអាចប្រឆាំងវាបាន ដូច្នេះខ្ញុំមានទំនុកចិត្ត ៕ ប្រភព៖ Reuters