-
កាណាដារាយការណ៍ពីករណីឆ្លងស្លាប់ដំបូងបង្អស់ដែលជាប់ទាក់ទងនឹងការចាក់វ៉ាក់សាំង AstraZeneca
កាណាដា៖ ខេត្ត កេប៉ិច (Quebec) របស់ប្រទេសកាណាដានៅថ្ងៃអង្គារនេះបានរាយការណ៍ពីករណីស្លាប់អ្នកជំងឺដំបូងបង្អស់ ដោយសារតែបញ្ហាកំណកឈាមដ៏កម្រ បន្ទាប់ពីទទួលការចាក់វ៉ាក់សាំងបង្ការជំងឺ Covid-19 របស់ក្រុមហ៊ុន AstraZeneca ។អភិបាលខេត្តកេប៉ិច លោក ហ្វ្រង់ស័រ ឡឺហ្គាត់ (Francois Legault) បានថ្លែងប្រាប់អ្នកសារព័ត៌មានថា ខ្ញុំមានសោកស្តាយដែលទទួលបានដំណឹងថា ស្រ្តីវ័យ៥៤ឆ្នាំម្នាក់បានស្លាប់ ដោយសារតែស្រ្តីរូបនោះបានចាក់វ៉ាក់សាំង… វាលំបាកណាស់ក្នុងការទទួលយករឿងនេះ ។បើតាមប្រធានផ្នែកសុខាភិបាលសាធារណៈរដ្ឋកេប៉ិច លោក ហូរ៉ាស៊ីអូ អារ៊ូដា (Horacio Arruda) បាននិយាយថា ការព្យាបាលសង្គ្រោះជីវិតមិនមានប្រសិទ្ធិភាពទេ ហើយអ្នកជំងឺដែលមិនត្រូវបានបញ្ជាក់អត្តសញ្ញាណបានស្លាប់ ដោយសារជំងឺស្ទះសរសៃរក្នុងខួរក្បាល បន្ទាប់ពីបានចាក់វ៉ាក់សាំង ។ ប៉ុន្តែលោកបានព្រមានថា ការស្លាប់នេះ មិនគួរផ្លាស់ប្តូរអនុសាសន៍របស់រដ្ឋាភិបាល ក្នុងការប្រើប្រាស់វ៉ាក់សាំងសម្រាប់អ្នកដែលមានអាយុលើសពី៤៥ឆ្នាំឡើយ ។គួរបញ្ជាក់ថា កាណាដាបានរាយការណ៍យ៉ាងហោចណាស់៥ករណីនៃបញ្ហាកំណកឈាម បន្ទាប់ពីការចាក់វ៉ាក់សាំង ប៉ុន្តែមន្រ្តីសុខភាពសាធារណៈនៅតែបញ្ជាក់ថា អត្ថប្រយោជន៍របស់វ៉ាក់សាំង AstraZeneca មានច្រើនជាងហានិភ័យ ៕ ប្រភព៖ Reuters
-
យោធាមីយ៉ាន់ម៉ាចង់បាន «ស្ថេរភាពឡើងវិញ» មុនពេលស្តាប់ការអំពាវនាវរបស់អាស៊ានអោយបញ្ឈប់ការប្រើអំពើហិង្សា
មីយ៉ាន់ម៉ា៖ របបយោធាមីយ៉ាន់ម៉ាអះអាងថា ខ្លួននឹងស្តាប់ការអំពាវនាវរបស់មេដឹកនាំអាស៊ានអោយបញ្ឈប់ការប្រើអំពើហឹង្សា ដរាបណាប្រទេសមួយនេះវិលត្រលប់ទៅរកស្ថេរភាពឡើងវិញ ខណៈការវាយប្រយុទ្ធគ្នាជាមួយក្រុមឧទ្ទាមជនជាតិភាគតិចក៏បានផ្ទុះឡើងនៅតាមព្រំដែនភាគខាងកើតរបស់ខ្លួន ។មេដឹកនាំយោធាមីយ៉ាន់ម៉ា លោកឧត្តមសេនីយ៍ មីន អោង ហ្លេង បានចូលរួមក្នុងកិច្ចប្រជុំកំពូលជាមួយថ្នាក់ដឹកនាំអាស៊ានទាំង ១០ នៅប្រទេសឥណ្ឌូណេស៊ីកាលពីចុងសប្តាហ៍កន្លងទៅ ដើម្បីព្យាយាមដោះស្រាយវិបត្តិក្នុងប្រទេសរបស់ខ្លួន ។ វាជាដំណើរទស្សនកិច្ចក្រៅប្រទេសលើកដំបូងរបស់លោក ចាប់តាំងពីលោកបានឡើងកាន់អំណាច ។ លទ្ធផលនៃកិច្ចប្រជុំកំពូលខាងលើនេះ មេដឹកនាំអាស៊ានទបានចេញសេចក្តីថ្លែងការណ៍រួមមួយ ដែលពួកគេបានឯកភាពគ្នាលើ៥ចំណុច ដោយបានអំពាវនាវឲ្យរបបយោធាមីយ៉ាន់ម៉ាបញ្ឈប់អំពើហឹង្សាទៅលើក្រុមបាតុករជាបន្ទាន់ និងអនុញ្ញាតឲ្យមានដំណើរទស្សនកិច្ចរបស់ប្រេសិតពិសេសទៅកាន់មីយ៉ាន់ម៉ា ។ជុំវិញសេចក្តីថ្លែងការណ៍នេះ ក្រុមប្រឹក្សាយោធាមីយ៉ាន់ម៉ាបានឆ្លើយតបនៅថ្ងៃអង្គារនេះថា ខ្លួននឹងពិចារណាលើសំណូមពរបែបស្ថាបនាដែលធ្វើឡើងដោយមេដឹកនាំអាស៊ាន នៅពេលដែលស្ថានការណ៍ប្រទេសវិលត្រឡប់ទៅរកស្ថេរភាពឡើងវិញ ។ យោធាមីយ៉ាន់ម៉ាបានបន្ថែមទៀតថា យោបល់របស់ប្រទេសជិតខាងនឹងត្រូវបានពិចារណាបែបវិជ្ជមាន ប្រសិនបើ (អាស៊ាន) នឹងជួយសម្រួលដល់ការអនុវត្ត នៃផែនទីបង្ហាញផ្លូវប្រាំជំហានរបស់ខ្លួន ៕ ប្រភព៖ CNA
-
អ្នកឆ្លង COVID-19 នៅទូទាំងពិភពលោកកើនឡើង១៤៩លាន៣៣ម៉ឺននាក់ ក្នុងនោះស្លាប់៣លាន១៤ម៉ឺននាក់ និងជាសះស្បើយ១២៦លាន៩៨ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន១៤៩លាន៣៣ម៉ឺន១ពាន់៣៧៤ករណី ក្នុងនោះមានអ្នកជម្ងឺសរុបចំនួន៣លាន១៤ម៉ឺន៨ពាន់៨២៤នាក់ស្លាប់ និង ជាសះស្បើយឡើងវិញសរុបចំនួន១២៦លាន៩៨ម៉ឺន៣ពាន់៧៣៨នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី២៨ ខែមេសា ឆ្នាំ២០២១ ។សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន៣២លាន៩២ម៉ឺន៧ពាន់៩១នាក់ ស្លាប់ចំនួន៥៨ម៉ឺន៧ពាន់៣៨៤នាក់ និងជាសះស្បើយចំនួន២៥លាន៥២ម៉ឺន១ពាន់៩១៣នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន១៧លាន៩៨ម៉ឺន៨ពាន់៦៣៧នាក់ ស្លាប់២០ម៉ឺន១ពាន់១៦៥នាក់ និងជាសះស្បើយ១៤លាន៨០ម៉ឺន៧ពាន់៧០៤នាក់ ។ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន១៤លាន៤៤ម៉ឺន៦ពាន់៥៤១នាក់ ស្លាប់ចំនួន៣៩ម៉ឺន៥ពាន់៣២៤នាក់ និងជាសះស្បើយ១២លាន៩៩ម៉ឺន២ពាន់៤៤២នាក់ ៕ ប្រភព៖ worldometers
-
ថៃពន្លឿនចាក់វ៉ាក់សាំងកូវីដជូនពលរដ្ឋ ៥០លាននាក់ ត្រឹមចុងឆ្នាំនេះ
រាជរដ្ឋាភិបាលថៃនឹងសម្របសម្រួលប្រព័ន្ធបញ្ជាការតែមួយ ក្នុងការជំរុញដំណើរការចាក់វ៉ាក់សាំងបង្ការជំងឺកូវីដ១៩ ដល់ប្រជាពលរដ្ឋឲ្យបានប្រមាណ៣០លាននាក់ ក្នុងរយៈពេល៣ខែ និង៥០លាននាក់ នៅត្រឹមចុងឆ្នាំ២០២១នេះ នេះបើតាមការចេញផ្សាយរបស់ទីភ្នាក់ងារសារព័ត៌មានបាងកកប៉ុស្តិ៍។ បើតាមប្រភពថា លោក នាយករដ្ឋមន្ត្រី ប្រាយុទ្ធ ចាន់អូចាបានជួបពិភាក្សាការងារជាមួយបណ្តាទីប្រឹក្សានៅវិមានរដ្ឋាភិបាល ជជែកពីការជំរុញការងារចាក់វ៉ាក់សាំងនេះ ដោយលោកហៅថា ជាកិច្ចការអាទិភាពបំផុតសម្រាប់ប្រទេស។ រាជរដ្ឋាភិបាលនឹងធ្វើអ្វីៗគ្រប់យ៉ាងក្នុងការរៀបចំចាក់វ៉ាក់សាំងជូនប្រជាពលរដ្ឋ ដោយមានគោលដៅទិញវ៉ាក់សាំងពី១០ទៅ១៥លានដូស ក្នុង១ខែ។ គួរបញ្ជាក់ថា បច្ចុប្បន្ននេះ ថៃបានអនុម័តឲ្យប្រើប្រាស់វ៉ាក់សាំងស៊ីណូវ៉ាក់ (ចិន) អាស្ត្រាហ្សេនីកា (អង់គ្លេស) និង ភីហ្វៃហ្សឺ (អាមេរិក) ស្ពូនិក វី (រុស្ស៊ី) ខណៈដែលរាជរដ្ឋាភិបាលក៏កំពុងព្យាយាមនាំចូលវ៉ាក់សាំងហ្វៃហ្សឺ និង ស្ពូនិក វី។ ចាប់ពីថ្ងៃទី២៨ កុម្ភៈ ដល់ ២៥ មេសា ២០២១ស ថៃបានចាក់វ៉ាក់សាំងទូទាំងប្រទេស ដូសទី១ បាន៩៧ម៉ឺន២២០៤នាក់ ខណៈដែលអ្នកចាក់ដូសទី២បាន១៧ម៉ឺន៧៤៦២នាក់ ហើយវ៉ាក់សាំង ១.១៤លានដូស ត្រូវបានបញ្ជូនទៅដល់៧៧រាជធានីខេត្តហើយ៕
-
ឡាវប្រកាសបន្តឆ្លងកូវីដ១៩ ខ្លាំងក្លា ថ្ងៃនេះ!
ក្រសួងសុខាភិបាលឡាវបានប្រកាស កាលពីល្ងាចថ្ងៃអង្គារ ទី២៧ ខែមេសា ឆ្នាំ២០២១នេះថា ករណីឆ្លងជំងឺ COVID-19 លើមនុស្ស ៧៥នាក់ទៀត ត្រូវបានរកឃើញក្នុងរយៈពេល ២៤ម៉ោងកន្លងទៅនេះ ដែលនាំឲ្យចំនួនករណីឆ្លងសរុបកើនដល់ ៥១១នាក់។ ក្រសួងសុខាភិបាលឡាវថា ករណីឆ្លងថ្មីៗខាងលើនេះ ៥៩នាក់ត្រូវបានរកឃើញនៅទីក្រុងវៀងច័ន្ទ។ ឡាវដែលពុំទាន់មានករណីស្លាប់ដោយសារជំងឺ COVID-19នោះ កំពុងកើនឡើងខ្លាំង នាប៉ុន្មានថ្ងៃចុងក្រោយនេះ៕
-
មន្ត្រីជាន់ខ្ពស់អាមេរិកបញ្ជាក់ថា កិច្ចព្រមព្រៀងផលិតវ៉ាក់សាំងរបស់ក្រុមប្រទេស Quad សម្រាប់អាស៊ីនៅតែដំណើរការ បើទោះបីជាករណីឆ្លង Covid-19 នៅឥណ្ឌាកើនឡើងខ្លាំង (មានវីដេអូ)
អាមេរិក៖ កិច្ចព្រមព្រៀងមួយរវាងអាមេរិក និងប្រទេសចំនួន៣ទៀតដែលជាដៃគូក្នុងតំបន់ឥណ្ឌូ-ប៉ាស៊ីហ្វិក ក្នុងការផលិតវ៉ាក់សាំងចំនួន១ពាន់លានដូសនៅឥណ្ឌា នៅមុនដំណាច់ឆ្នាំ២០២២ ដើម្បីផ្គត់ផ្គង់ដល់បណ្ដាប្រទេសក្នុងតំបន់អាស៊ី នៅតែបន្តដំណើរការទៅមុខយ៉ាងរលូន បើទោះជាករណីឆ្លង COVID-19 នៅឥណ្ឌាកើនឡើងខ្លាំង នេះបើតាមមន្ត្រីជាន់ខ្ពស់អាមេរិកម្នាក់នៅថ្ងៃចន្ទម្សិលមិញ ។ប្រភពបានអោយដឹងថា កិច្ចព្រមព្រៀងផលិតវ៉ាក់សាំង COVID-19 ចំនួន១ពាន់លានដូសខាងលើនេះ ត្រូវបានធ្វើឡើងកាលពីខែមីនាកន្លងទៅ នៅក្នុងកិច្ចប្រជុំសន្តិសុខចតុភាគី ដែលគេស្គាល់ថា ក្វាដ (Quad) ដែលមានប្រទេសជាសមាជិកដូចជាសហរដ្ឋអាមេរិក ឥណ្ឌា ជប៉ុន និងអូស្ត្រាលី ។ នៅក្រោមកិច្ចព្រមព្រៀងនេះ សហរដ្ឋអាមេរិកព្រមព្រៀងថា នឹងផ្ដល់ហិរញ្ញវត្ថុដល់ក្រុមហ៊ុនផលិតឱសថឥណ្ឌា បាយអូឡូជីខល អ៊ី (Biological E) សម្រាប់ការផលិតវ៉ាក់សាំង១ពាន់លានដូសនៅមុនដំណាច់ឆ្នាំ២០២២ ។ដោយឡែកជប៉ុនក៏បានយល់ព្រមថា នឹងផ្ដល់ប្រាក់កម្ចីជាទឹកប្រាក់ដល់ឥណ្ឌា ដើម្បីពង្រីកសមត្ថភាពផលិតវ៉ាក់សាំងផងដែរ ស្របពេលដែលរដ្ឋបាលរបស់លោក ចូ បៃដិន ធ្លាប់បានសង្កត់ធ្ងន់ថា វ៉ាក់សាំងទាំងនេះនឹងត្រូវបញ្ជូនទៅកាន់តំបន់អាស៊ីអាគ្នេយ៍ ឬតំបន់ឥណ្ឌូ-ប៉ាស៊ីហ្វិក និងនៅជុំវិញពិភពលោក ៕ ប្រភព៖ CNA
-
ចិនប្រាប់វៀតណាមថា យើងទប់ស្កាត់កូវីដជោគជ័យដូចគ្នា ក្រោមរបបដឹកនាំនៃបក្សកម្មុយនីស្ត
ប្រទេសវៀតណាមនិងប្រទេសចិនបានព្រមព្រៀងគ្នាក្នុងការពង្រឹងកិច្ចសហប្រតិបត្តិការទ្វេភាគីលើវិស័យយោធា ជាការឯកភាពក្នុងពេលរដ្ឋមន្ត្រីការពារជាតិចិនបំពេញទស្សនកិច្ចនៅប្រទេសវៀតណាម កាលពីថ្ងៃទី២៦ មេសា ២០២១ នេះបើតាមការចេញផ្សាយរបស់សារព័ត៌មានស៊ីនហួរ។ រដ្ឋមន្ត្រីការពារជាតិចិនអះអាងថា ចិននិងវៀតណាមគឺជាសហគមតែមួយ លើការចែករំលែកអនាគតនៃសារៈសំខាន់ជាយុទ្ធសាស្ត្រ និងទទួលបានជោគជ័យក្នុងការអភិវឌ្ឍសេដ្ឋកិច្ចដូចគ្នា និងជ័យជំនះលើការប្រយុទ្ធប្រឆាំងនឹងជំងឺកូវីដ១៩ ដែលទាំងនេះបង្ហាញពីភាពរឹងមាំនៃការដឹកនាំរបស់បក្សកម្មុយនីស្តទាំងពីរ និងប្រព័ន្ធសង្គមបែបនេះ។ ក្នុងទស្សនកិច្ចនេះ លោករដ្ឋមន្ត្រីការពារជាតិចិន Wei Fenghe បានជួបពិភាក្សាការងារជាមួយប្រធានាធិបតីវៀតណាម និង អគ្គលេខាធិការបក្សកុម្មុនីស្តវៀតណាម ព្រមទាំងរដ្ឋមន្ត្រីការពារជាតិវៀតណាម។ ភាគីវៀតណាមបានប្រកាសថា វៀតណាមប្រឆាំងរាល់ការជ្រែតជ្រែកដោយកម្លាំងណាមួយលើកិច្ចការផ្ទៃក្នុងរបស់ចិន ដោយឈរលើទំនាក់ទំនងរវាងប្រទេសទាំងពីរហើយនឹងមិនធ្វើតាមប្រទេសផ្សេងៗ ក្នុងការប្រឆាំងជាមួយចិនទេ នេះបើតាមការបញ្ជាក់របស់ប្រធានាធិបតីវៀតណាម ង្វៀន សួនហ្វុក៕
-
ថៃបន្តរកឃើញអ្នកស្លាប់ដោយសារ Covid-19 រហូតដល់១៥នាក់ជាចំនួនច្រើនបំផុតមិនធ្លាប់មាន និងអ្នកឆ្លងថ្មីៗចំនួន២,១៧៩ករណីទៀតនៅថ្ងៃអង្គារនេះ
ថៃ៖ អាជ្ញាធរសុខាភិបាលថៃនៅថ្ងៃអង្គារនេះបានរាយការណ៍ពីអ្នកស្លាប់ដោយ សារជំងឺ COVID-19 រហូតដល់១៥នាក់ទៀត ដែលជាកំណត់ត្រាប្រចាំថ្ងៃមួយទៀតនៅក្នុងរលកទី៣ ដែលមានការកើនឡើងយ៉ាងលឿន ដោយកំពុងជំរុញអោយមានការបិទខ្ទប់ជាថ្មីនៅទីក្រុងបាងកក និងតំបន់ផ្សេងទៀតរបស់ប្រទេសថៃ ។អាជ្ញាធរគ្រប់គ្រងស្ថានការណ៍ជំងឺ COVID-19 នៅក្នុងប្រទេសថៃ (CCSA) បានអោយដឹងដែរថា នៅក្នុងរយៈពេល២៤ម៉ោងដូចគ្នា អ្នកឆ្លងជំងឺ COVID-19 សរុប ២ពាន់១៧៩នាក់ទៀតក៏ត្រូវបានរកឃើញផងដែរ ក្នុងនោះ២ពាន់១៤៩នាក់ជាករណីឆ្លងក្នុងស្រុក និង២៥នាក់ទៀតជាករណីនាំចូលមកពីក្រៅប្រទេស ។បន្ទាប់ពីការបូកសរុបទិន្នន័យថ្មីៗខាងលើនេះ ធ្វើឲ្យចំនួនអ្នកឆ្លង COVID-19 នៅទូទាំងប្រទេសថៃកើនដល់ជិត៦ម៉ឺនករណី ក្នុងនោះមានអ្នកស្លាប់សរុប១៦៣នាក់ និងជះស្បើយឡើងវិញជិត៣ម៉ឺន២ពាន់នាក់ ៕ ប្រភព៖ CNA
-
មន្ត្រីជាន់ខ្ពស់អាមេរិកបញ្ជាក់ថា កិច្ចព្រមព្រៀងផលិតវ៉ាក់សាំងរបស់ក្រុមប្រទេស Quad សម្រាប់អាស៊ីនៅតែដំណើរការ បើទោះបីជាករណីឆ្លង Covid-19 នៅឥណ្ឌាកើនឡើងខ្លាំង
អាមេរិក៖ កិច្ចព្រមព្រៀងមួយរវាងអាមេរិក និងប្រទេសចំនួន៣ទៀតដែលជាដៃគូក្នុងតំបន់ឥណ្ឌូ-ប៉ាស៊ីហ្វិក ក្នុងការផលិតវ៉ាក់សាំងចំនួន១ពាន់លានដូសនៅឥណ្ឌា នៅមុនដំណាច់ឆ្នាំ២០២២ ដើម្បីផ្គត់ផ្គង់ដល់បណ្ដាប្រទេសក្នុងតំបន់អាស៊ី នៅតែបន្តដំណើរការទៅមុខយ៉ាងរលូន បើទោះជាករណីឆ្លង COVID-19 នៅឥណ្ឌាកើនឡើងខ្លាំង នេះបើតាមមន្ត្រីជាន់ខ្ពស់អាមេរិកម្នាក់នៅថ្ងៃចន្ទម្សិលមិញ ។ប្រភពបានអោយដឹងថា កិច្ចព្រមព្រៀងផលិតវ៉ាក់សាំង COVID-19 ចំនួន១ពាន់លានដូសខាងលើនេះ ត្រូវបានធ្វើឡើងកាលពីខែមីនាកន្លងទៅ នៅក្នុងកិច្ចប្រជុំសន្តិសុខចតុភាគី ដែលគេស្គាល់ថា ក្វាដ (Quad) ដែលមានប្រទេសជាសមាជិកដូចជាសហរដ្ឋអាមេរិក ឥណ្ឌា ជប៉ុន និងអូស្ត្រាលី ។ នៅក្រោមកិច្ចព្រមព្រៀងនេះ សហរដ្ឋអាមេរិកព្រមព្រៀងថា នឹងផ្ដល់ហិរញ្ញវត្ថុដល់ក្រុមហ៊ុនផលិតឱសថឥណ្ឌា បាយអូឡូជីខល អ៊ី (Biological E) សម្រាប់ការផលិតវ៉ាក់សាំង១ពាន់លានដូសនៅមុនដំណាច់ឆ្នាំ២០២២ ។ដោយឡែកជប៉ុនក៏បានយល់ព្រមថា នឹងផ្ដល់ប្រាក់កម្ចីជាទឹកប្រាក់ដល់ឥណ្ឌា ដើម្បីពង្រីកសមត្ថភាពផលិតវ៉ាក់សាំងផងដែរ ស្របពេលដែលរដ្ឋបាលរបស់លោក ចូ បៃដិន ធ្លាប់បានសង្កត់ធ្ងន់ថា វ៉ាក់សាំងទាំងនេះនឹងត្រូវបញ្ជូនទៅកាន់តំបន់អាស៊ីអាគ្នេយ៍ ឬតំបន់ឥណ្ឌូ-ប៉ាស៊ីហ្វិក និងនៅជុំវិញពិភពលោក ៕ ប្រភព៖ CNA
-
ប្រមុខ WHO និយាយថា ស្ថានភាពជំងឺ Covid-19 នៅក្នុងប្រទេសឥណ្ឌាកើនឡើងហួសពីសោកនាដកម្មទៅទៀត ៕(មានវីដេអូ)
