អាមេរិក៖ អតីតប៉ូលិសអាមេរិកលោក ដឺរែក ឆូវីន (Derek Chauvin) នឹងត្រូវផ្ដន្ទាទោសជាផ្លូវការនៅវេលាម៉ោង១៖៣០នាទីល្ងាចថ្ងៃទី១៦ ខែមិថុនាខាងមុខ (ម៉ោងក្នុងតំបន់) ពីបទមនុស្សឃាតលើបុរសស្បែកខ្មៅ ចច ហ្លយ (George Floyd) ជាពលរដ្ឋអាមេរិកដើមកំណើតអាហ្វ្រិក នេះបើតាមកាលបរិច្ឆេតចេញផ្សាយដោយគេហទំព័រតុលាការរដ្ឋមីនីសូតា ។នៅថ្ងៃអង្គារសប្តាហ៍នេះ គណៈវិនិច្ឆយដែលមានសមាជិក១២នាក់បានរកឃើញថា លោក ឆូវីន ពិតជាមានទោសពីបទចោទប្រកាន់ទាំងបី ក្នុងនោះរួមមានបទមនុស្សឃាតកម្រិតទី២, បទមនុស្សឃាតកម្រិតទី៣ និងបទមនុស្សឃាតដោយអចេតនាកម្រិតទី២ ។ តែលោក ឆូវីន នឹងត្រូវជាប់ឃុំរហូតដល់ត្រូវបានផ្ដន្ទាទោសជាផ្លូវការ ដែលអាចឲ្យរូបលោកជាប់ពន្ធនាគាររាប់សិបឆ្នាំ ។ ទន្ទឹមគ្នា ប្រធានាធិប តីអាមេរិក លោក ចូ បៃដិន បានហៅសាលក្រមសម្រេចឱ្យលោក ឆូវីន ជាប់ពិរុទ្ធពីបទមនុស្សឃាតលើបុរសស្បែកខ្មៅ ចច ហ្លយ គឺជាការបោះជំហានមួយដ៏ធំឆ្ពោះទៅរកយុត្តិធម៌នៅក្នុងសហរដ្ឋអាមេរិក ។សូមរំលឹកថា កាលពីខែឧសភា ឆ្នាំ២០២០ លោក ចច ហ្លយ បានថប់ដង្ហើមស្លាប់ កំឡុងសកម្មភាពឃាត់ខ្លួនដ៏ឃោរឃៅរបស់លោក ឆូវីន ដែលកាលនោះនៅជាប៉ូលិសនៃទីក្រុងមីនៀប៉ូលិស រដ្ឋមីនៀសូតា ។ ខ្សែវីដេអូជាង៨នាទី…

ឥណ្ឌូណេស៊ី៖ មេដឹកនាំប្រជាជាតិអាស៊ីអាគ្នេយ៍ហៅកាត់ថា អាស៊ាន នឹងធ្វើកិច្ចពិភាក្សាស្តីពីវិបត្តិក្នុងប្រទេសមីយ៉ាន់ម៉ា នៅក្នុងថ្ងៃសៅរ៍នេះ ជាមួយមេដឹកនាំរបបយោធាមីយ៉ាន់ម៉ាលោក មីន អោង ហ្លេង (Min Aung Hlaing) ដែលបាននិងកំពុងទទួលរងនូវការខឹងសម្បារជាខ្លាំងពីអន្តរជាតិ ជុំវិញការធ្វើរដ្ឋប្រហារយោធា និងការបង្ក្រាបដ៏ឃោរឃៅ ដែលធ្វើអោយមនុស្សជាង៧០០នាក់បាត់បង់ជីវិត ។លោកអគ្គមេបញ្ជាការយោធាមីយ៉ាន់ម៉ារូបនេះត្រូវបានគេរំពឹងថា នឹងចូលរួមនៅក្នុងកិច្ចប្រជុំរបស់សមាគមប្រជាជាតិអាស៊ីអាគ្នេយ៍ (អាស៊ាន) នៅក្នុងរដ្ឋធានីហ្សាកាតា របស់ប្រទេសឥណ្ឌូណេស៊ី ដែលនេះគឺជាដំណើរទស្សនកិច្ចនៅបរទេសលើកដំបូងរបស់លោក ចាប់តាំងពីកងកម្លាំងសន្តិសុខបានធ្វើរដ្ឋប្រហារទម្លាក់មេដឹកនាំស៊ីវិលលោកស្រី អោង សាន ស៊ូជី កាលពីដើមខែកុម្ភៈកន្លងមកនេះ ។សូមបញ្ជាក់ថា ការតវ៉ាទ្រង់ទ្រាយធំរបស់ប្រជាជនដែលពោលពេញដោយកំហឹងតែងតែជួបប្រទះនូវការបង្ក្រាបដ៏ឃោរឃៅ ដែលបានបន្សល់ទុកឈាមដាបនៅពាសពេញដងផ្លូវ ។ បើតាមបេសកជនពិសេសអង្គការសហប្រជាជាតិនោះ ប្រជាជនមីយ៉ាន់ម៉ាប្រមាណ២៥ម៉ឺននាក់បានបង្ខំចិត្តភៀសខ្លួនចេញពីលំនៅដ្ឋានរបស់ពួកគេ ខណៈដែលមេដឹកនាំជាប់ឆ្នោតតាមបែបប្រជាធិបតេយ្យនៅក្នុងប្រទេសមីយ៉ាន់ម៉ា កំពុងស្ថិតក្រោមការលាក់ខ្លួន ឬនៅក្រោមការឃុំខ្លួនក្នុងផ្ទះ ៕ ប្រភព៖ AFP

ឥណ្ឌូណេស៊ី៖ នៅថ្ងៃសៅរ៍នេះក្តីសង្ឃឹមក្នុងការជួយសង្គ្រោះជីវិតមនុស្សរាប់សិបនាក់នៅលើនាវាមុជទឹកឥណ្ឌូណេស៊ី ដែលបានដំណឹងប៉ុន្មានថ្ងៃមកនេះ កាន់តែបាត់បង់ទៅៗ ស្របពេលដែលបរិមាណអុកស៊ីសែនរបស់នាវាមុជទឹកនោះ ត្រូវបានគេជឿជាក់ថា បានអស់បាត់ទៅហើយ ។នាវាមុជទឹកមួយគ្រឿងក្នុងចំណោមនាវាមុជទឹកចំនួន០៥គ្រឿងរបស់ឥណ្ឌូណេស៊ីបានបាត់ដំណឹង កាលពីព្រឹកថ្ងៃពុធសប្ដាហ៍នេះ ក្នុងកំឡុងពេលហ្វឹកហាត់សមយុទ្ធបាញ់គ្រាប់ពិតនៅឯដែនទឹកកោះបាលី ។ អាជ្ញាធរឥណ្ឌូណេស៊ីធ្លាប់បានបញ្ជាក់ថា នាវាដែលផលិតនៅប្រទេសអាល្លឺម៉ង់នេះ ត្រូវបានបំពាក់ដោយបរិមាណអុកស៊ីសែន អាចផ្គត់ផ្គង់សម្រាប់តែរយៈពេល០៣ថ្ងៃប៉ុណ្ណោះ បន្ទាប់ពីបាត់បង់ថាមពល ។ហើយរហូតមកទល់ពេលនេះ ពេលវេលាកំណត់នោះ បានកន្លងផុតបាត់ទៅហើយនៅព្រឹកថ្ងៃសៅរ៍នេះ ដោយគេនៅតែមិនទាន់ទទួលបានសញ្ញាណាមួយ ពីនាវាដែលបាត់ដំណឹងជាមួយនឹងនាវិកចំនួន៥៣នាក់នោះនៅឡើយទេ ៕ ប្រភព៖ CNA