អាមេរិក៖ ប្រធានាធិបតីអាមេរិកលោក ចូ បៃដិន នៅថ្ងៃព្រហស្បតិ៍នេះបានហៅអំពើហិង្សាដោយប្រដាប់អាវុធថា ជា “ការរីករាលដាល” និង “ជាភាពអាម៉ាស់អន្តរជាតិ” ខណៈដែលលោកបានថ្លែងសន្ទរកថាមួយពីសេតវិមាន ដោយបានណែនាំពីវិធានការណ៍ប្រតិបត្តិថ្មី ដែលសំដៅដោះស្រាយបញ្ហាមួយនេះ ។ វិធានការណ៍ថ្មីនេះ រួមមានផែន ការសម្រាប់ក្រសួងយុត្តិធម៌ ដើម្បីបង្ក្រាបកាំភ្លើងតំឡើងដោយខ្លួនឯង ដែលហៅថា «កាំភ្លើងខ្មោច» និង«ត្រៀមសំរាប់ស្ថេរភាព» ដែលអាចបង្វែរកាំភ្លើងខ្លីទៅជាកាំភ្លើង ដែលបានចុះឈ្មោះក្រោមច្បាប់ស្តីពីអាវុធជាតិ ។ លោក បៃដិន បានថ្លែងអំឡុងព្រឹត្តិការណ៍មួយដែលមានការចូលរួមពីអនុប្រធានាធិបតីអាមេរិកលោកស្រី ខាម៉ាឡេ ហារី និងមេធាវីរបស់លោក គឺលោក មឺរីគ ហ្គាលែន ថា នេះជាការរីករាលដាលមួយ… ហើយវាត្រូវតែបញ្ឈប់ ដោយលោក បៃដិន បានហៅការបាញ់ប្រហារថា ជា “វិបត្តិសុខភាពសាធារណៈ” ។ លោក បៃដិន បន្ថែមថា លោកនឹងស្នើសុំការិយាល័យគ្រឿងស្រវឹង ថ្នាំជក់ អាវុធ និងគ្រឿងផ្ទុះ អោយចេញផ្សាយរបាយការណ៍ប្រចាំឆ្នាំស្តីពីការជួញដូរអាវុធនៅសហរដ្ឋអាមេរិក និងបង្កលក្ខណៈងាយស្រួលសម្រាប់រដ្ឋនានា ក្នុងការអនុម័តច្បាប់«ទង់ជាតិក្រហម» ដែលបង្ហាញហានិភ័យពីម្ចាស់កាំភ្លើង ។ លោក បៃដិន…

អាមេរិក៖ ប៉ូលិសអាមេរិកបានបញ្ជាក់ថា យ៉ាងហោចណាស់មានមនុស្សម្នាក់បានស្លាប់ និង៤នាក់ផ្សេងទៀតបានទទួលរងរបួស ក្នុងករណីបាញ់ប្រហារមួយដែលកើតឡើងនៅថ្ងៃព្រហស្បតិ៍សប្តាហ៍នេះ (ម៉ោងក្នុងតំបន់) នៅរដ្ឋតិចសាស់ ដែលនេះជាករណីបាញ់ប្រហារចុងក្រោយ ក្នុងចំណោមការប្រើអំពើហិង្សាដោយប្រដាប់អាវុធដ៏សាហាវនៅក្នុងសហរដ្ឋអាមេរិកក្នុងរយៈពេល៣សប្តាហ៍មកនេះ ។ បើតាមការបញ្ជាក់របស់ប៉ូលិសអាមេរិកនោះ ជនសង្ស័យជាខ្មាន់កាំភ្លើងត្រូវឃាត់ខ្លួនបាន ហើយជននោះជាបុគ្គលិកនៃរោងចក្រផលិតតុ-ទូឈ្មោះថា Kent Moore Cabinets ដែលជាទីតាំងផ្ទុះការបាញ់ប្រហារ ។ ហេតុការណ៍ខាងលើនេះ បានកើតឡើងនៅម៉ោង០២៖៣០នាទីរសៀលថ្ងៃព្រហស្បតិ៍នេះ (ម៉ោងក្នុងតំបន់) នៅតំបន់សួនឧស្សាហកម្មមួយក្នុងក្រុង Bryan រដ្ឋតិចសាស់ ។ យ៉ាងណាមិញ មូលហេតុដែលបណ្តាលឲ្យមានករណីបាញ់ប្រហារខាងលើនេះ នៅមិនទាន់ត្រូវបានកំណត់ច្បាស់នៅឡើយទេ ស្របពេលដែលអាជ្ញាធរពាក់ព័ន្ធ កំពុងបើកការស៊ើបអង្កេតលើករណីមួយនេះ ៕ ប្រភព៖ Reuters

មីយ៉ាន់ម៉ា៖ ការបិទខ្ទប់ព័ត៌មាននៅក្រោមរដ្ឋាភិបាលយោធាមីយ៉ាន់ម៉ាកាន់តែអាក្រក់ខ្លាំង នៅថ្ងៃព្រហស្បតិ៍ម្សិលមិញ នៅពេលសេវាអ៊ីនធើណិតបានប្រែជាពិបាកចូលប្រើនៅលើបណ្តាញជាច្រើន ។ អាជ្ញាធរនៅតំបន់ខ្លះថែមទាំងចាប់ផ្តើមរឹបអូសប្រមូលយកចានផ្កាយរណប ដែលត្រូវបានប្រជាជនប្រើដើម្បីទទួលបានព័ត៌មានអន្តរជាតិផងដែរ ។ ការតវ៉ាប្រឆាំងនឹងរដ្ឋប្រហារយោធាកាលពីថ្ងៃ០១ ខែកុម្ភៈមកនេះ បានបន្តនៅថ្ងៃព្រហស្បតិ៍ម្សិលមិញនេះ បើទោះជាកងកម្លាំងប្រដាប់អាវុធបានបាញ់សម្លាប់អ្នកតវ៉ាប្រឆាំងចំនួន១១នាក់នៅមួយថ្ងៃមុននេះក៏ដោយ ។ គួរបញ្ជាក់ផងដែរថា យោងតាមសមាគមផ្តល់ជំនួយសម្រាប់អ្នកទោសនយោបាយ (AAPP) ដែលជាអ្នកតាមដានការសម្លាប់ និងចាប់ខ្លួននៅមីយ៉ាន់ម៉ា បានអោយដឹងថា យ៉ាងហោចណាស់មានក្រុមបាតុករប្រមាណ៥៩៨នាក់ត្រូវបានសម្លាប់ដោយកងកម្លាំងសន្តិសុខចាប់តាំងពីយោធាធ្វើរដ្ឋប្រហារទម្លាក់រដ្ឋាភិបាលជាប់ឆ្នោតរបស់លោកស្រី អោង សាន ស៊ូជី ចេញពីអំណាចមក ៕ ប្រភព៖ CNA