-
អង្គការ WHO ប្រកាសមិនគាំទ្រការប្រើប្រាស់លិខិតឆ្លងដែនវ៉ាក់សាំង ដោយសារតែវិធានការនេះ អាចបណ្តាលអោយមានភាពអយុត្តិធម៌ និងវិសមភាព
ស្វីស៖ ក្រុមអ្នកជំនាញអង្គការសុខភាពពិភពលោក (WHO) មិនគាំទ្រទៅលើការអនុវត្តលិខិតឆ្លងដែនវ៉ាក់សាំង ដោយលើកឡើងថា មិនគួរទាន់យកមកប្រើប្រាស់ដើម្បីសម្រួលដល់ការធ្វើដំណើរឆ្លងប្រទេសក្នុងកាលទេសៈនេះទេ ។ ក្រុមអ្នកជំនាញរបស់អង្គការ WHO បាននិយាយទៀតថា ជំហរមិនគាំទ្ររបស់ខ្លួន ក៏ព្រោះតែព្រួយបារម្ភលើប្រសិទ្ធិភាពនៃវ៉ាក់សាំង និងជាពិសេសវិធានការណ៍នេះអាចបណ្តាលឱ្យមានភាពអយុត្តិធម៌ និងវិសមភាព ចំពោះពលរដ្ឋដែលមិនអាចទទួលបានវ៉ាក់សាំង ដោយហេតុផលណាមួយ ដូចជាអ្នកមានជំងឺប្រចាំកាយ ដែលមិនអាចចាក់វ៉ាក់សាំងបាន ឬអ្នកប្រតិកម្មនឹងវ៉ាក់សាំងជាដើម ។ ការកត់សម្គាល់ខាងលើនេះរបស់ក្រុមអ្នកជំនាញអង្គការ WHO បានកើតមានឡើងស្របពេលដែលបណ្តាប្រទេសជាច្រើននៅលើពិភពលោកឥឡូវនេះ កំពុងអនុម័តនូវការប្រើប្រាស់ «លិខិតឆ្លងដែនវ៉ាក់សាំង» ដែលជាការសម្គាល់មួយដែលបញ្ជាក់ថា អ្នកទាំងនោះបានចាក់វ៉ាក់សាំងប្រឆាំងនឹងកូវីដ១៩ ដែលវិធានការណ៍នេះត្រូវបានគេរំពឹងថា នឹងជំរុញដល់វិស័យទេសចរណ៍ដែលកំពុងដុនដាបខ្លាំងក្នុងដំណាក់កាលជំងឺរាតត្បាតជាសកលនេះ ៕ ប្រភព៖ Reuters
-
ប្រទេសមហាអំណាចពិភពលោក និងអ៊ីរ៉ង់ធ្វើកិច្ចចរចាប្រកបដោយលក្ខណៈស្ថាបនា ស្តីពីការធ្វើកិច្ចព្រមព្រៀងនុយក្លេអ៊ែរឡើងវិញ
អូទ្រីស៖ អ៊ីរ៉ង់ និងបណ្ដាប្រទេសមហាអំណាចបានរៀបចំនូវអ្វីដែលខ្លួនបានរៀបរាប់ជាកិច្ចពិភាក្សាប្រកបដោយលក្ខណៈស្ថាបនា នៅថ្ងៃអង្គារនេះ ហើយបានឯកភាពគ្នាថានឹងបង្កើតក្រុមការងារមួយដើម្បីពិភាក្សាបន្តពីទណ្ឌកម្មអាមេរិក និងការត្រលប់មកអនុវត្តតាមកិច្ចព្រមព្រៀងនុយក្លេអ៊ែរឡើងវិញរបស់អ៊ីរ៉ង់ ។ កិច្ចពិភាក្សាខាងលើ ដែលមានគោលបំណងស្ដារកិច្ចព្រមព្រៀងនុយក្លេអ៊ែរអ៊ីរ៉ង់ឡើងវិញធ្វើឡើងនៅក្នុងទីក្រុងវីយ្យែន ប្រទេសអូទ្រីស ដោយមានការចូលរួមពីអ្នកតំណាងអ៊ីរ៉ង់ ចិន រុស្ស៊ី អាល្លឺម៉ង់ បារាំង និងអង់គ្លេស ខណៈដែលសហរដ្ឋអាមេរិកមិនបានចូលរួមក្នុងកិច្ចពិភាក្សានេះឡើយ ។ អ្នកតំណាងអ៊ីរ៉ង់លោក អាបាស់ អារ៉ាកឈី បាននិយាយថា កិច្ចពិភាក្សាក្នុងទីក្រុងវីយ្យែន គឺមានលក្ខណៈស្ថាបនា… ហើយកិច្ចពិភាក្សារបស់យើងនៅពេលបន្ទាប់ នឹងត្រូវធ្វើឡើងនៅថ្ងៃសុក្រសប្ដាហ៍នេះ (ម៉ោងក្នុងតំបន់) ។ កិច្ចពិភាក្សានេះដែរធ្វើឡើងបន្ទាប់ពីរដ្ឋបាលអាមេរិកថ្មីរបស់លោក ចូ បៃដិន និងអ៊ីរ៉ង់បានបង្ហាញពីចេតនាត្រឡប់មកអនុវត្តតាមកិច្ចព្រមព្រៀងនុយក្លេអ៊ែរឡើងវិញ តែពួកគេសុទ្ធតែដាក់លក្ខខណ្ឌដាក់គ្នាទៅវិញទៅមក ។ សហរដ្ឋអាមេរិកតម្រូវឱ្យអ៊ីរ៉ង់បញ្ឈប់ការចម្រាញ់សារធាតុអ៊ុយរ៉ាញូម រីឯអ៊ីរ៉ង់ទាមទារឱ្យលោក បៃដិន ដកទណ្ឌកម្មសេដ្ឋកិច្ចទាំងអស់ដែលនៅសល់ពីជំនាន់លោក ដូណាល់ ត្រាំជាមុនសិន ៕ ប្រភព៖ Reuters
-
អង្គការ WHO បញ្ជាក់ថា វ៉ាក់សាំង Covid-19 របស់ Astra Zeneca មានប្រសិទ្ធិភាព ច្រើនជាងហានិភ័យ នេះបើតាម ការវាយតម្លៃលើទិន្នន័យចុងក្រោយ ៕
-
សាកលវិទ្យាល័យ Oxford ផ្អាកការធ្វើតេស្តវ៉ាក់សាំងរបស់ AstraZeneca លើកុមារ ដោយសារព្រួយបារម្ភអំពីបញ្ហាកំណកឈាម ៕
-
លោក ចូ បៃដិន ប្រកាសថា ប្រជាជនអាមេរិកពេញវ័យទាំង អស់ នឹងទទួលបានសិទ្ធិចាក់វ៉ាក់សាំងនៅខែមេសាខាងមុខនេះ ៕ (មានវីដេអូ)
-
លោក ចូ បៃដិន ប្រកាសថា ប្រជាជនអាមេរិកពេញវ័យទាំងអស់នឹងមានសិទ្ធិទទួលបានការចាក់វ៉ាក់សាំងនៅខែមេសានេះ
អាមេរិក៖ ប្រធានាធិបតីអាមេរិកលោក ចូ បៃដិន នៅថ្ងៃអង្គារនេះប្រកាសថា ប្រជាជនអាមេរិកពេញវ័យទាំងអស់នឹងមានសិទ្ធិទទួលបានការចាក់វ៉ាក់សាំងបង្ការជំងឺ Covid-19 នៅក្នុងខែមេសា ឆ្នាំ២០២១នេះ ។ ការប្រកាសពីកាលបរិច្ឆេតថ្មីរបស់លោក បៃដិន ខាងលើនេះ ត្រូវបានធ្វើឡើងបន្ទាប់ពីដំណើរទស្សនកិច្ចរបស់លោកនៅទីក្រុងអាឡិចសាន់ឌ្រា (Alexandria) រដ្ឋវើជីនៀ (Virginia) ដោយបានផ្លាស់ប្តូរកាលបរិច្ឆេតកាលពីដើមរបស់លោកនៅថ្ងៃទី១ ខែឧសភា ពោលគឺជិត២សប្តាហ៍ ។ លោក បៃដិន បានបន្ថែមថា វ៉ាក់សាំងបង្ការជំងឺ Covid-19 ចំនួន១៥០លានដូសត្រូវបានចាក់ជូនប្រជាជនរួចរាល់ អំឡុងពេល៧៥ថ្ងៃនៃការកាន់តំណែងជាប្រធានាធិបតីរបស់លោក ដែលនេះស្ថិតនៅលើខ្សែបន្ទាត់មួយឆ្ពោះទៅកាន់គោលដៅចាក់អោយបាន២០០លានដូស នៅក្នុងរយៈពេល១០០ថ្ងៃ នៃការកាន់តំណែងរបស់លោក ។ ទោះជាយ៉ាងណាក៏ដោយ ប្រធានាធិបតីអាមេរិករូបនេះក៏នៅតែជំរុញអោយប្រជាជនអាមេរិកបន្តអនុវត្តវិធានការការពារសុវត្ថិភាពពីជំងឺឆ្លង និងបាននិយាយថា ប្រទេសនេះមិនទាន់ស្ថិតនៅក្នុងដំណាក់កាលចុងក្រោយនៅឡើយទេ ហើយអាចនឹងជួបប្រទះនូវជំងឺ និងភាពវេទនាបន្ថែមទៀត នៅមុនថ្ងៃទី៤ ខែកក្កដាខាងមុខនេះ ៕ ប្រភព៖ ស៊ីនហួរ
-
អង្គការ WHO បញ្ជាក់ថា វ៉ាក់សាំង Covid-19 របស់ AstraZeneca មានប្រសិទ្ធិភាព ច្រើនជាងហានិភ័យ នេះបើតាមការវាយតម្លៃលើទិន្នន័យចុងក្រោយ
ស្វីស៖ មន្រ្តីជាន់ខ្ពស់របស់អង្គការសុខភាពពិភពលោក (WHO) នៅថ្ងៃអង្គារនេះបញ្ជាក់ថា អង្គការ WHO រំពឹងថា នឹងគ្មានហេតុផលណាមួយ ក្នុងការ ផ្លាស់ប្តូរការវាយតម្លៃរបស់ខ្លួនដែលថា ហានិភ័យនៃវ៉ាក់សាំងបង្ការជំងឺកូវីដ១៩របស់ក្រុមហ៊ុនផលិតឱសថអង់គ្លេស AstraZeneca ខ្ពស់ជាងអត្ថប្រយោជន៍នោះឡើយ ។ នាយកផ្នែកបទប្បញ្ញត្តិ និងបុព្វសិទ្ធិរបស់អង្គការសុខភាពពិភពលោក (WHO) លោក រ៉ូជើរីអូ ហ្គេសស្ប៉ា (Rogerio Gaspa) បាននិយាយថា អង្គការ WHO កំពុងសិក្សាយ៉ាងដិតដល់នូវទិន្នន័យចុងក្រោយបំផុត រួមជាមួយនឹងនិយ័តករអឺរ៉ុប និងនិយ័តករប្រទេសផ្សេងទៀត ដោយផ្អែកលើរបាយការណ៍អំពីការកកឈាម នៅក្នុងចំណោមអ្នកដែលបានចាក់វ៉ាក់សាំង ។ បើតាមមន្រ្តីជាន់ខ្ពស់មួយរូបនៃនិយ័យករឱសថអឺរ៉ុប មានការផ្សារភ្ជាប់គ្នាយ៉ាងច្បាស់រវាងវ៉ាក់សាំង Covid-19 របស់ AstraZeneca និងការកកឈាមដ៏កម្រនៅក្នុងខួរក្បាល បើទោះបីជាមូលហេតុនៃការកកឈាមនៅមិនទាន់ដឹងនៅឡើយ ។ គួរបញ្ជាក់ថា ទីភ្នាក់ងារវេជ្ជសាស្រ្តអឺរ៉ុប (EMA) បាននិយាយនៅក្នុងសេចក្តីថ្លែងការណ៍មួយបន្ទាប់ពីការអត្ថាធិប្បាយរបស់លោក ម៉ាកូ ខាវ៉ាឡឺរី (Marco Cavaleri) ដែលជាប្រធានក្រុមវាយតម្លៃវ៉ាក់សាំងរបស់ខ្លួនថា ខ្លួននៅតែកំពុងធ្វើការពិនិត្យទៅលើវ៉ាក់សាំង ហើយរំពឹងថា នឹងប្រកាសពីការរកឃើញរបស់ខ្លួននៅថ្ងៃពុធ ឬក៏ថ្ងៃព្រហស្បតិ៍សប្តាហ៍នេះ (ម៉ោងក្នុងតំបន់) ៕ ប្រភព៖…
-
រដ្ឋមន្រ្តីសុខាភិបាលម៉ាឡេស៊ីបញ្ជាក់ថា ម៉ាឡេស៊ីនឹងបន្តប្រើប្រាស់វ៉ាក់សាំងបង្ការជំងឺ Covid-19 របស់ក្រុមហ៊ុន AstraZeneca
ម៉ាឡេស៊ី៖ រដ្ឋមន្រ្តីក្រសួងសុខាភិបាលម៉ាឡេស៊ីលោក អាដហែម បាបា (Adham Baba) បានគូសបញ្ជាក់ថា ម៉ាឡេស៊ីនឹងនៅតែបន្តប្រើប្រាស់វ៉ាក់សាំងរបស់ក្រុមហ៊ុនផលិតឱសថអង់គ្លេស អាស្រ្តាហ្សេណេកា សម្រាប់កម្មវិធីចាក់វ៉ាក់សាំងបង្ការជំងឺ Covid-19 នៅទូទាំងប្រទេស ។ វេជ្ជបណ្ឌិត អាដហែម បាននិយាយថា ការសម្រេចចិត្តបែបនេះត្រូវបានធ្វើឡើងនៅក្នុងកិច្ចប្រជុំរបស់គណៈកម្មាធិការពិសេស ដើម្បីធានាការផ្គត់ផ្គង់ការចាក់វ៉ាក់សាំងបង្ការជំងឺ Covid-19 នៅថ្ងៃអង្គារសប្តាហ៍នេះ ។ លោកវេជ្ជបណ្ឌិត អាដហែម បានថ្លែងប្រាប់អ្នកសារព័ត៌មាននៅថ្ងៃអង្គារដដែលនេះថា ការប្រើប្រាស់វ៉ាក់សាំងរបស់អាស្រ្តាហ្សេណេកា នឹងនៅតែបន្តប្រព្រឹត្តទៅដដែល ពីព្រោះថា យោងតាមទិន្នន័យពីការធ្វើតេស្តនៅតែចង្អុលបង្ហាញពីអត្ថប្រយោជន៍ ជាជាងការបង្កគ្រោះថ្នាក់ ។ គួរបញ្ជាក់ផងដែរថា យោងតាមប្រភពពីប្រព័ន្ធផ្សព្វផ្សាយបានរាយការណ៍ថា មានមនុស្ស៧នាក់បានស្លាប់ ក្នុងចំណោមមនុស្ស៣០នាក់ដែលទទួលការចាក់វ៉ាក់សាំង Covid-19 របស់ក្រុមហ៊ុនផលិតឱសថអង់គ្លេស អាស្រ្តាហ្សេណេកា នៅក្នុងចក្រភពអង់គ្លេស និងទទួលរងការឈឺចាប់បណ្តាលមកពីបញ្ហាកំណកឈាម ៕ ប្រភព៖ Reuters
-
អ្នកឆ្លង COVID-19 នៅទូទាំងពិភពលោកកើនឡើង១៣៣លាន២ម៉ឺននាក់ ក្នុងនោះស្លាប់២លាន៨៨ម៉ឺននាក់ និងជាសះស្បើយ១០៧លាន២៦ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន១៣៣លាន២ម៉ឺន៦ពាន់៣៣៤ករណី ក្នុងនោះមានអ្នកជម្ងឺសរុបចំនួន២លាន៨៨ម៉ឺន៦ពាន់៦៩នាក់ស្លាប់ និង ជាសះស្បើយឡើងវិញសរុបចំនួន១០៧លាន២៦ម៉ឺន៦ពាន់៤២៣នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី០៧ ខែមេសា ឆ្នាំ២០២១ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន៣១លាន៥៦ម៉ឺន៤៣៨នាក់ ស្លាប់ចំនួន៥៧ម៉ឺន២៦០នាក់ និងជាសះស្បើយចំនួន២៤លាន១២ម៉ឺន២ពាន់២២១នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសប្រេស៊ីល ដោយមានអ្នកឆ្លងចំនួន១៣លាន១០ម៉ឺន៦ពាន់៥៨នាក់ ស្លាប់៣៣ម៉ឺន៧ពាន់៣៦៤នាក់ និងជាសះស្បើយ១១លាន៥៥ម៉ឺន៨ពាន់៧៨៤នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសឥណ្ឌា ដោយមានអ្នកឆ្លងចំនួន១២លាន៧៩ម៉ឺន៩ពាន់៧៤៦នាក់ ស្លាប់ចំនួន១៦ម៉ឺន៦ពាន់២០៨នាក់ និងជាសះស្បើយ១១លាន៧៨ម៉ឺន៩ពាន់៧៥៩នាក់ ៕ ប្រភព៖ worldometers
-
អង់គ្លេសផ្អាកការសាកល្បងចាក់វ៉ាក់សាំង AstraZeneca លើកុមារ ព្រោះបញ្ហាកំណកឈាម
ការសាកល្បងចាក់វ៉ាក់សាំង AstraZeneca លើកុមារនៅប្រទេសអង់គ្លេសត្រូវបានផ្អាក ខណៈដែលក្រុមនិយតករពិភពលោកកំពុងពន្លឿនការវាយតម្លៃលើបញ្ហាកំណកឈាមកម្រលើមនុស្សពេញវ័យ ក្រោយចាក់វ៉ាក់សាំងនេះ នេះបើតាមសកលវិទ្យាល័យ Oxford បញ្ជាក់ កាលពីថ្ងៃអង្គារ៍ ទី៦ មេសាម្សិលមិញ។ សកលវិទ្យាល័យដែលបានជួយលើកិច្ចការងារផលិតវ៉ាក់សាំងដ៏សកម្មមួយនេះបានបញ្ជាក់ តាមរយៈសេចក្តីថ្លែងការមួយថា ពុំមានកង្វល់លើសុវត្ថិភាព ក្នុងពេលសាកល្បងទេ ប៉ុន្តែគ្រាន់តែដឹងថា បារម្ភពីការពាក់ព័ន្ធនឹងឥទ្ធិពលកំណកឈាម ដោយបញ្ជាក់ថា រង់ចាំទិន្នន័យបន្ថែមទៀតពីទីភ្នាក់ងារនិយតកម្មផលិតផលិតថែរក្សាសុខភាពនិងថ្នំាពេទ្យរបស់អង់គ្លេសហៅកាត់ថា MHRA មុនពេលចាប់ផ្តើមការសិក្សាបន្តទៀត។ ប្រភពបន្ថែមទៀតថា «អាណាព្យាបាលនិងកុមារគួរតែបន្តទៅចូលរួមតាមការណាត់ទាំងអស់ ហើយអាចទាក់ទងទៅទីតាំងសាកល្បងចាក់វ៉ាក់សាំង ប្រសិនបើមានសំណួរអ្វីនោះ»។ MHRA បានរាយការណ៍កាលពីចុងសប្តា៍ថា មានករណីកំណកឈាម៣០នាក់ ក្នុងនោះ ៧នាក់បានស្លាប់ ក្នុងចំណោមមនុស្ស១៨លាននាក់ដែលបានចាក់វ៉ាក់សាំងនៅអង់គ្លេស។ ប៉ុន្តែទីភ្នាក់ងារថ្នាំពេទ្យនៅអឺរ៉ុបមួយនេះបានបញ្ជាក់ថា ខ្លួនមិនទាន់ឈានដល់ការសម្រេចចុងក្រោយទេ ហើយការត្រួតពិនិត្យនៅតែបន្តធ្វើឡើង៕ ប្រភពពីបាងកកប៉ុស្តិ៍