-
ចំនួនអ្នកស្លាប់កើនឡើងដល់៣៦នាក់ ក្រោយរថភ្លើងដឹកមនុស្ស៣៥០នាក់រត់ធ្លាក់ចេញពីផ្លូវនៅកោះតៃវ៉ាន់
កោះតៃវ៉ាន់៖ ក្រសួងដឹកជញ្ជូនកោះតៃវ៉ាន់បានបញ្ជាក់ថា ចំនួនអ្នកស្លាប់ដោយ សារតែរថភ្លើងមួយខ្សែបានក្រឡាច់ធ្លាក់ចេញពីលើផ្លូវ ក្នុងរូងក្រោមដីមួយកន្លែង នៅភាគខាងកើតកោះតៃវ៉ាន់នៅថ្ងៃសុក្រនេះ បានកើនឡើងដល់៣៦នាក់ និងជាច្រើនអ្នកផ្សេងទៀតរងរបួស ។ ក្រសួងពន្លត់អគ្គិភ័យកោះតៃវ៉ាន់បានបញ្ជាក់នៅក្នុងសេចក្តីថ្លែងការណ៍ថា រថភ្លើងខាងលើមានគោលដៅធ្វើដំណើរឆ្ពោះទៅកាន់ទីក្រុងថៃទុង ប៉ុន្តែបានធ្លាក់ចេញពីផ្លូវក្នុងរូងក្រោមដីមួយកន្លែង ស្ថិតនៅក្បែរទីក្រុងហ័រលៀន ។ បើតាមសេចក្តីថ្លែងការណ៍របស់មន្រ្តីប៉ូលិស មនុស្ស៧២នាក់នៅតែជាប់នៅក្នុងរថភ្លើង ខណៈដែលអ្នកដំណើរ៦១នាក់ត្រូវបានបញ្ជូនទៅកាន់មន្ទីរពេទ្យ ។ ហើយមកទល់ពេលនេះ ប្រតិបត្តិការជួយសង្រ្គោះកំពុងតែប្រព្រឹត្តទៅ ។ ពាក់ព័ន្ធនឹងគ្រោះថ្នាក់ខាងលើនេះដែរ ការិយាល័យរបស់ប្រធានាធិបតីកោះតៃវ៉ាន់លោកស្រី ត្សៃ អ៊ីនវិន បានបញ្ជាក់នៅក្នុងសេចក្តីថ្លែងការណ៍មួយថា លោកស្រីបានចេញបញ្ជាទៅកាន់មន្ទីរពេទ្យអោយត្រៀមរៀបចំសម្រាប់ព្រឹត្តិការណ៍គ្រោះថ្នាក់ដ៏ធំមួយនេះ ហើយថា អទិភាពកំពូលនៅពេលនេះ គឺការជួយសង្គ្រោះមនុស្សដែលជាប់នៅក្នុងរថភ្លើង ៕ប្រភព៖ Reuters
-
ប្រមុខអង្គការ WHO បញ្ជាក់ថា មេដឹកនាំប្រទេសជាង២៥គាំទ្រគំនិតបង្កើតសន្ធិសញ្ញាអន្តរជាតិមួយ ដើម្បីដោះស្រាយវិបត្តិសុខភាពពិភពលោកក្នុងពេលអនាគត
ស្វីស៖ មេដឹកនាំច្រើនជាង២៥ប្រទេសដែលមកពីប្រទេស G20 G7 និងមកពីគ្រប់តំបន់ផ្សេងទៀតបានបង្ហាញការរួបរួមគ្នាក្នុងករណីបន្ទាន់ ដើម្បីអំពាវនាវអោយមានការបង្កើតសន្ធិសញ្ញាអន្តរជាតិមួយ ដែលនឹងជួយពិភពលោកក្នុងការដោះស្រាយវិបត្តិសុខាភិបាលនៅពេលអនាគត ដូចជាវីរុស Covid-19 ដែលយើងកំពុងជួបប្រទះនាពេលបច្ចុប្បន្ន ។ អគ្គនាយកអង្គការសុខាភាពពិភពលោក (WHO) លោក ថេត្រូស អាដាណម ហ្គេប្រេយ៉េសឹស បានថ្លែងក្នុងសន្និសិទសារព័ត៌មានខ្លីមួយនៅឯទីស្នាក់ការកណ្តាលអង្គការ WHO ថា សន្ធិសញ្ញាជំងឺរាតត្បាតនេះ អាចនឹងជាការប្តេជ្ញាចិត្តថ្មីមួយ ដើ ម្បីថែរក្សាពិភពលោកអោយមានសុវត្ថិភាព ពីធាតុបង្កជំងឺថ្មីដែលមានសក្តានុពលរាតត្បាតនាពេលអនាគត ។ លោក ថេដ្រូស សង្កត់ធ្ងន់ថា មានការទទួលស្គាល់ និងបន្ទាបខ្លួនពីមេដឹកនាំទាំងនោះ ខណៈដែលពិភពលោកទាំង មូលមិនបានត្រៀមខ្លួនសម្រាប់ការឆ្លងរាលដាលនៃវីរុសដំបូងគេដែលមិនធ្លាប់មាន ហើយការឆ្ពោះទៅមុខ…យើងត្រូវតែធ្វើការរួមគ្នាឱ្យបានកាន់តែប្រសើរ សម្រាប់ការផ្ទុះឡើងនាពេលអនាគត ។ បើតាមប្រមុខអង្គការ WHO រូបនេះ នៅក្នុងសប្តាហ៍នេះ ក្រុមមេដឹកនាំប្រទេសជាច្រើនបានចូលរួម ក្នុងការអំពាវនាវអោយមានសន្ធិសញ្ញាជំងឺរាតត្បាតមួយ ដែលត្រូវបានគេរំពឹងថា នឹងរៀបចំពិភពលោកសម្រាប់ការត្រៀមខ្លួនចំពោះធាតុបង្កជំងឺថ្មីដែលមានសក្តានុពលឆ្លងរាតត្បាតក្នុងពេលអនាគត ៕ ប្រភព៖ ស៊ីនហួរ
-
ថៃរៀបចំផែនការជម្លៀសប្រជាជនរបស់ខ្លួនចេញពីមីយ៉ាន់ម៉ា ប្រសិនបើអំពើហឹង្សានៅប្រទេសនេះកាន់តែអាក្រក់ទៅៗ ៕(មានវីដេអូ)
-
អង្គការ WHO ព្រមានថា ភាពយឺតយ៉ាវនៃការចាក់វ៉ាក់សាំងបង្ការជំងឺ Covid-19 នឹងធ្វើអោយបញ្ហាជំងឺរាតត្បាតសកលអូសបន្លាយកាន់តែយូរ ៕
-
អ្នកជំនាញកំពូលផ្នែកជំងឺឆ្លងអាមេរិកបញ្ជាក់ថា សហរដ្ឋអាមេរិកអាចនឹងមិនត្រូវការវ៉ាក់សាំងរបស់ក្រុមហ៊ុនអង់គ្លេស AstraZeneca ឡើយ ៕(មានវីដេអូ)
-
សហរដ្ឋអាមេរិកស្វាគមន៍ការប្រជុំដែលដឹកនាំដោយសហភាពអឺរ៉ុបរវាងមហាអំណាចពិភពលោក និង អ៊ីរ៉ង់ ស្តីពីអាវុធនុយក្លេអ៊ែរ តាមអន ឡាញនៅ ថ្ងៃសុក្រនេះ ៕ (មានវីដេអូ)
-
សហរដ្ឋអាមេរិកស្វាគមន៍កិច្ចប្រជុំដែលដឹកនាំដោយសហភាពអឺរ៉ុបរវាងមហាអំណាចពិភពលោក និង អ៊ីរ៉ង់ ស្តីពីអាវុធនុយក្លេអ៊ែរតាមអនឡាញនៅថ្ងៃសុក្រនេះ
អាមេរិក៖ ក្រសួងការបរទេសអាមេរិកនៅថ្ងៃព្រហស្បតិ៍នេះនិយាយថា ខ្លួនស្វាគមន៍កិច្ចប្រជុំដែលដឹកនាំដោយសហភាពអឺរ៉ុបរវាងមហាអំណាចពិភពលោកនិងអ៊ីរ៉ង់ ដែលគ្រោងរៀបចំឡើងតាមវីដេអូខុនហ្វើរិន ដើម្បីពិភាក្សាពីលទ្ធភាពនៃការវិលត្រឡប់របស់សហរដ្ឋអាមេរិក មកក្នុងកិច្ចព្រមព្រៀងនុយក្លេអ៊ែរអ៊ីរ៉ង់ឡើងវិញ ។ អ្នកនាំពាក្យក្រសួងការបរទេសអាមេរិកលោក ណេត ប្រាយ បានប្រាប់អ្នកសារព័ត៌មានថា យើងពិតណាស់ស្វាគមន៍រឿងនេះដែលជាជំហានវិជ្ជមាន ហើយថា យើងបានត្រៀមខ្លួនរួចជាស្រេច ដើម្បីបន្តការវិលត្រឡប់ទៅរកការអនុលោមតាមការប្តេជ្ញាចិត្តនៃកិច្ចព្រមព្រៀង JCPOA របស់យើង ស្របជាមួយអ៊ីរ៉ង់ដែលធ្វើដូចគ្នាអ៊ីចឹងដែរ” ។ សហភាពអឺរ៉ុបបានបញ្ជាក់នៅក្នុងសេចក្តីថ្លែងការណ៍មួយថា អ្នកតំណាងមកពីប្រទេសចិន បារាំង អាល្លឺម៉ង់ រុស្ស៊ី អង់គ្លេស និងអ៊ីរ៉ង់ ដែលនៅតែជាប្រទេសសមាជិកនៃកិច្ចព្រមព្រៀងនេះ បន្ទាប់ពីសហរដ្ឋអាមេរិកចាកចេញនោះ នឹងចូលរួមក្នុងកិច្ចប្រជុំតាមអនឡាញនៅថ្ងៃសុក្រនេះ (ម៉ោងក្នុងតំបន់) ។ បើតាមសេចក្តីថ្លែងការណ៍ខាងលើនេះ អ្នកចូលរួមនឹងពិភាក្សាពីចក្ខុវិស័យនៃលទ្ធភាពវិលត្រឡប់របស់សហរដ្ឋអាមេរិកទៅក្នុងកិច្ចព្រមព្រៀង JCPOA និងវិធីធានានូវការអនុវត្តកិច្ចព្រមព្រៀងឱ្យបានពេញលេញ និង ប្រកបដោយប្រសិទ្ធភាពដោយភាគីទាំងអស់ ៕ ប្រភព៖ ស៊ីនហួរ
-
អ្នកជំនាញកំពូលផ្នែកជំងឺឆ្លងអាមេរិកបញ្ជាក់ថា សហរដ្ឋអាមេរិកអាចនឹងមិនត្រូវការវ៉ាក់សាំងរបស់ក្រុមហ៊ុនអង់គ្លេស AstraZeneca ឡើយ
អាមេរិក៖ អ្នកជំនាញកំពូលផ្នែកជំងឺឆ្លងអាមេរិក លោក អាន់តូនី ហ្វូស៊ី បាននិយាយថា ប្រទេសរបស់លោកអាចនឹងមិនត្រូវការវ៉ាក់សាំង COVID-19 របស់ក្រុមហ៊ុនឱសថអង់គ្លេស AstraZeneca ឡើយ បើទោះជាវ៉ាក់សាំងនេះទទួលបានការអនុញ្ញាតសម្រាប់ការប្រើប្រាស់ពីទីភ្នាក់ងារចំណីអាហារ និងឱសថអាមេរិក ។ នៅក្នុងបទសម្ភាសន៍មួយជាមួយទីភ្នាក់ងារព័ត៌មានរ៉យទ័រនៅថ្ងៃ ព្រហស្បតិ៍ នេះនាយកវិទ្យាស្ថានជាតិអាឡែហ្ស៊ី និងជំងឺឆ្លង ព្រមទាំងជាប្រធានទីប្រឹក្សាវេជ្ជសាស្ត្រសេតវិមានរូបនេះនិយាយថា អាមេរិកទំនងជាមិនត្រូវការវ៉ាក់សាំងរបស់ AstraZeneca ទេ ពីព្រោះរដ្ឋបាលលោក ចូ បៃដិន បានចុះកិច្ចព្រមព្រៀងជាច្រើនជាមួយក្រុមហ៊ុនផលិតវ៉ាក់សាំងដទៃ ដែលគ្រប់គ្រាន់ដើម្បីចាក់ជូនប្រជាជនអាមេរិកគ្រប់គ្នា ។ ការកត់សម្គាល់បែបនេះរបស់លោក ហ្វូស៊ី ត្រូវបានធ្វើឡើងស្របពេលដែលសហរដ្ឋអាមេរិកបច្ចុប្បន្ននេះ មានវ៉ាក់សាំងបង្ការជំងឺ COVID-19 នៅក្នុងដៃជាច្រើនសុទ្ធតែជាវ៉ាក់សាំងរបស់ក្រុមហ៊ុនអាមេរិក ក្នុងនោះរួមមានវ៉ាក់សាំងរបស់ក្រុមហ៊ុន J&J, Moderna និងក្រុមហ៊ុន Pfizer ៕ ប្រភព៖ CNA
-
អង្គការ WHO ព្រមានថា ភាពយឺតយ៉ាវនៃការចាក់វ៉ាក់សាំងបង្ការជំងឺ Covid-19 នឹងធ្វើអោយបញ្ហាវីរុសរាតត្បាតសកលអូសបន្លាយកាន់តែយូរ
អឺរ៉ុប៖ ការិយាល័យរបស់អង្គការសុខភាពពិភពលោក (WHO) ប្រចាំតំបន់អឺរ៉ុបនៅថ្ងៃព្រហស្បតិ៍នេះ បានទទូចដល់រដ្ឋាភិបាលក្នុងតំបន់ឲ្យបង្កើនការផលិតវ៉ាក់សាំង និងយុទ្ធនាការចាក់វ៉ាក់សាំងព្រមជាមួយគ្នា ។ នាយកអង្គការសុខភាពពិភពលោក (WHO) ប្រចាំតំបន់អឺរ៉ុប លោក Hans Henri P. Kluge បានបញ្ជាក់នៅក្នុងសេចក្តីប្រកាសព័ត៌មានមួយថា កាលពីសប្តាហ៍មុនអឺរ៉ុបមើលឃើញករណីឆ្លងថ្មីរហូតដល់១.៦លានករណី និងករណីស្លាប់២ម៉ឺន៤ពាន់នាក់ដែលធ្វើឲ្យអឺរ៉ុបក្លាយជាតំបន់ដែលរងផលប៉ះពាល់ខ្លាំងទី២ លើពិភពលោក ។ លោក Kluge បានសង្កត់ធ្ងន់ទៀតថា វ៉ាក់សាំងជាវិធីល្អបំផុតរបស់យើង សម្រាប់ប្រយុទ្ធប្រឆាំងនឹងជំងឺរាតត្បាត… តែទោះយ៉ាងណា ដំណើរការចាក់វ៉ាក់សាំងដូចជាយឺតយ៉ាវខ្លាំង ដែលមិនអាចទទួលយកបានទេ ។ សូមជម្រាបថា បើយោងតាមរបាយការណ៍របស់អង្គការសុខភាពពិភពលោក (WHO) ប្រចាំតំបន់អឺរ៉ុបបានឲ្យដឹងថា រហូតមកដល់ពេលនេះ មានតែ១០ភាគរយ នៃប្រជាជនសរុបក្នុងតំបន់ដែលបានទទួលវ៉ាក់សាំងបង្ការជំងឺ Covid-19 ហើយមានតែ៤ភាគរយប៉ុណ្ណោះដែលបានចាក់ពេញលេញ ៕ ស៊ីនហួរ
-
ថៃរៀបចំផែនការជម្លៀសប្រជាជនរបស់ខ្លួនចេញពីមីយ៉ាន់ម៉ា ប្រសិនបើអំពើហិង្សានៅប្រទេសនេះកាន់តែអាក្រក់ទៅៗ
ថៃ៖ ថៃបានរៀបចំផែនការជម្លៀសប្រជាជនរបស់ខ្លួន ដែលជាប់នៅមីយ៉ាន់ម៉ា បើសិនអំពើហិង្សាក្នុងប្រទេសនៅអាស៊ីអាគ្នេយ៍មួយនេះកាន់តែអាក្រក់ទៅៗ ។ បើតាមអ្នកនាំពាក្យក្រសួងការបរទេសថៃលោក Tanee Sangrat ស្ថានទូតថៃប្រចាំនៅទីក្រុងយ៉ាំងហ្គោន បានរាយការណ៍ថា ការតវ៉ាប្រឆាំងនឹងមេដឹកនាំយោ ធារបស់មីយ៉ាន់ម៉ាកំពុងបន្ត បើទោះបីជាការផ្គត់ផ្គង់ស្បៀងអាហារមិនត្រូវបានរំខានក៏ដោយ ។ អ្នកនាំពាក្យកងទ័ពអាកាសថៃលោក Thanat Chanamphai និយាយថា ប្រមុខកងទ័ពអាកាស Suttiwan បានណែនាំដល់កងអង្គភាពលេខ៦ ដែលមានមូលដ្ឋាននៅអាកាសយានដ្ឋាន Don Mueang ឲ្យត្រៀមយន្តហោះដឹកជញ្ជូនធុន C-130 ប្រសិនបើរដ្ឋាភិបាលប្រគល់បេសកកម្មនាំជនជាតិថៃនៅក្នុងប្រទេសមីយ៉ាន់ម៉ាត្រឡប់មកផ្ទះវិញ ។ យ៉ាងណាមិញ អាជ្ញាធរថៃបាននិងកំពុងឃ្លាំមើលស្ថានការណ៍នេះយ៉ាងដិតដល់បំផុត ហើយបានឯកភាពថា ស្ថានការណ៍មិនទាន់ឈានដល់ចំណុចមួយដែលប្រជាជនថៃ នឹងត្រូវប្រាប់ឲ្យចាកចេញពីមីយ៉ាន់ម៉ានោះទេ ប៉ុន្តែប្រសិនបើអំពើហិង្សាកាន់តែកើនឡើងចាំបាច់ត្រូវការការជម្លៀសប្រជាជននោះ ស្ថានទូតមានផែនការក្នុងការនាំជនជាតិថៃត្រឡប់ទៅផ្ទះវិញ ៕ ប្រភព៖ Bangkok Post