-
លោក ចូ បៃដិន ថ្កោលទោសការបង្ក្រាបដ៏ហិង្សារបស់កងកម្លាំងសន្តិសុខមីយ៉ាន់ម៉ាលើក្រុមបាតុករ និងចាត់ទុកថា ជាទង្វើដ៏សាហាវឃោរឃៅ
អាមេរិក៖ ប្រធានាធិបតីអាមេរិក លោក ចូ បៃដិន បានថ្កោលទោសការបង្រ្កាបយ៉ាងបង្ហូរឈាមទៅលើក្រុមបាតុករប្រឆាំងរដ្ឋប្រហារក្នុងប្រទេសមីយ៉ាន់ម៉ា និងបានចាត់ទុកថា គឺជាទង្វើដ៏សាហាវឃោរឃៅ បន្ទាប់ពីកងកម្លាំងសន្តិសុខបានបាញ់សម្លាប់មនុស្សច្រើនជាង១០០នាក់ ក្នុងនោះរួមមានក្មេងៗ៧ផងដែរ ។ លោក ចូ បៃដិន បានថ្លែងប្រាប់អ្នកសារព័ត៌មានអំឡុងពេលថ្លែងសន្ទករថាខ្លីមួយចេញពីរដ្ឋកំណើតរបស់លោក គឺ ឌែលឡាវែ (Delaware) នៅថ្ងៃអាទិត្យម្សិលមិញថា ការបង្ក្រាបយ៉ាងបង្ហូរឈាមលើក្រុមបាតុករពីសំណាក់កងកម្លាំងសន្តិសុខមីយ៉ាន់ម៉ា ជាទង្វើដ៏សាហាវឃោរឃៅ ។ លោកបន្ថែមថា វាពិតជាគួរអោយស្អប់ខ្ពើមណាស់… ហើយផ្អែកលើរបាយការណ៍ដែលខ្ញុំបានទទួលនោះ មានមនុស្សជាច្រើនត្រូវបានសម្លាប់… ដោយមិនចាំបាច់ទាល់តែសោះ ។ ដោយឡែកសហភាពអឺរ៉ុបក៏បានចាត់ទុកផងដែរថា អំពើហិង្សាប្រព្រឹត្តដោយកងកម្លាំងសន្តិសុខមីយ៉ាន់ម៉ា គឺជារឿងមិនអាចទទួលយកបាន ។ សូមរំលឹកថា កាលពីថ្ងៃសៅរ៍ចុងសប្ដាហ៍កន្លងទៅ មនុស្សយ៉ាងហោច១១៤នាក់ ត្រូវបានសម្លាប់នៅទូទាំងប្រទេសមីយ៉ាន់ម៉ា ដោយសារតែគ្រាប់កាំភ្លើងរបស់កងកម្លាំងសន្តិសុខ ដែលស្ថិតក្រោមការគ្រប់គ្រងរបស់របបយោធា ហើយការសម្លាប់យ៉ាងរង្គាលនេះ បានកើតមានឡើងនៅចំថ្ងៃយោធាប្រារព្ធទិវាកងទ័ពជាតិ ៕ ប្រភព៖ CNA
-
កូរ៉េខាងជើងចោទប្រកាន់ក្រុមប្រឹក្សាសន្តិសុខអង្គការសហប្រជាជាតិថា អនុវត្តស្តង់ដាទ្វេ ពាក់ព័ន្ធនឹងបញ្ហាធ្វើតេស្តមីស៊ីល
កូរ៉េខាងជើង៖ កូរ៉េខាងជើងនៅថ្ងៃចន្ទនេះអះអាងថា ក្រុមប្រឹក្សាសន្តិសុខអង្គការសហប្រជាជាតិ (UNSC) បានបង្ហាញស្តង់ដាទ្វេ ខណៈដែលគណៈកម្មាធិការដាក់ទណ្ឌកម្មរបស់ខ្លួន បានរិះគន់យ៉ាងខ្លាំងទៅលើការបាញ់សាកល្បងគ្រាប់មីស៊ីលផ្លោងនាពេលថ្មីៗរបស់ទីក្រុងព្យុងយ៉ាងថា ជាការរំលោភលើសេចក្តីសំរេចចិត្តរបស់អង្គការសហប្រជាជាតិ ។ កូរ៉េខាងជើងបានធ្វើតេស្តគ្រាប់មីស៊ីលចម្ងាយខ្លីប្រភេទថ្មីមួយកាលពីសប្តាហ៍មុន ដែលធ្វើអោយរដ្ឋាភិបាលទីក្រុងវ៉ាស៊ីនតោន ស្នើអោយមានកិច្ចប្រជុំគណៈកម្មាធិការទណ្ឌកម្មរបស់ក្រុមប្រឹក្សាសន្តិសុខអង្គការសហប្រជាជាតិ ។ ក្នុងជំនួបរបស់គណៈកម្មាធិការកាលពីថ្ងៃសុក្រសប្តាហ៍កន្លងទៅនោះ សហរដ្ឋអាមេរិកបានអំពាវនាវអោយដាក់ទណ្ឌកម្មបន្ថែម និង រឹតបន្តឹងការអនុវត្តវិធានការដែលមានស្រាប់ប្រឆាំងកូរ៉េខាងជើង និងសុំអោយថ្កោលទោសការសាកល្បងនេះថា ជាការរំលោភសេចក្តីសំរេចចិត្តរបស់អង្គការសហប្រជាជាតិ ។ ជាការឆ្លើយតប អគ្គនាយកសំរាប់អង្គការអន្តរជាតិនៅក្រសួងការបរទេសកូរ៉េខាងជើង លោក ចូ ចុលស៊ូ បាននិយាយថា កិច្ចប្រជុំខាងលើនេះ ត្រូវបានរៀងចំឡើងដើម្បីដកហូតសិទ្ធិរបស់រដ្ឋយើងក្នុងការការពារខ្លួន ហើយលោកបានព្រមានថា វានឹងនាំអោយមានវិធានការតប ៕ ប្រភព៖ Retuers
-
មនុស្ស៥នាក់របួស និងជិត១ពាន់នាក់ទៀតបង្ខំចិត្តភៀសខ្លួនទៅកាន់ទីសុវត្ថិភាព ក្នុងហេតុការណ៍ឆេះរោងចក្រចម្រាញ់ប្រេងដ៏ធំបំផុតរបស់ឥណ្ឌូណេស៊ី
ឥណ្ឌូណេស៊ី៖ ក្រុមហ៊ុនប្រេងរដ្ឋឥណ្ឌូណេស៊ី ភើតាមីណា (Pertamina) នៅថ្ងៃចន្ទនេះបញ្ជាក់ថា ខ្លួនកំពុងតែព្យាយាមគ្រប់គ្រងអគ្គីភ័យ ដែលកំពុងឆាបឆាបយ៉ាងសន្ធោរសន្ធៅនៅឯរោងចក្រចម្រាញ់ប្រេងមួយកន្លែង ស្ថិតនៅទីក្រុងបាឡុងហ្គាន់ ខេត្តជ្វាខាងលិច ខណៈមនុស្ស០៥នាក់រងរបួស និង ៩៥០នាក់ទៀតត្រូវជម្លៀសចេញពីតំបន់ជុំវិញនោះ ។ រោងចក្រខាងលើនេះ ស្ថិតនៅចម្ងាយ២២៥គីឡូម៉ែត្រពីរដ្ឋធានីហ្សាការតា ហើយមូលហេតុនៃការឆាបឆេះ គឺមិនទាន់មាននរណាដឹងឡើយ ប៉ុន្តែអាជ្ញាធរបានអះ អាងថា ហេតុការណ៍អគ្គីភ័យបានកើតឡើងនៅពេលមានភ្លៀងខ្យល់ និងផ្គររន្ទះ ។ បើតាមអាជ្ញាធរក្នុងតំបន់ គ្រោះអគ្គីភ័យបានចាប់ផ្តើមឡើងកាលពីយប់ថ្ងៃអាទិត្យម្សិលមិញ ហើយក៏មានសំឡេងផ្ទុះដ៏កក្រើកមួយត្រូវបានគេដឹងលឺផងដែរ ។ សេចក្តីប្រកាសពីក្រុមហ៊ុន ភើតាមីណា បានឲ្យដឹងថា រោងចក្រដែលកំពុងឆាបឆេះនេះ អាចចម្រាញ់ប្រេងបាន១២ម៉ឺន៥ពាន់បារ៉ែលក្នុងមួយថ្ងៃ ហើយវាបានឆាបឆេះអំឡុងពេលអាកាសធាតុមិនល្អ ៕ ប្រភព៖ CNA
-
មន្រ្តីយោធាកំពូលៗមកពីសហរដ្ឋអាមេរិក និងបណ្តាប្រទេសសម្ព័ន្ធមិត្តថ្កោលទោសការប្រើហិង្សារបស់យោធាមីយ៉ាន់ម៉ាប្រឆាំងនឹងក្រុមបាតុករដោយសន្តិវិធី ៕(មានវីដេអូ)
-
បាតុករអាមេរិកប្រមូលផ្តុំគ្នានៅទូទាំងប្រទេស ដើម្បីសម្តែងការតវ៉ានឹងអំពើហិង្សាប្រឆាំងជនជាតិអាស៊ី ៕(មានវីដេអូ)
-
សហរដ្ឋអាមេរិកថ្កោលទោសចិន ជុំវិញការដាក់ទណ្ឌកម្មគ្មានមូលដ្ឋានប្រឆាំងមន្រ្តីអាមេរិក ពាក់ព័ន្ធនឹងបញ្ហាសិទ្ធមនុស្សនៅតំបន់ស៊ិនជាំង ៕(មានវីដេអូ)
-
អគ្គលេខាធិការអង្គការសហប្រជាជាតិរិះគន់ប្រទេសអ្នកមាន ដែលស្ដុកទុកវ៉ាក់សាំងសម្រាប់តែខ្លួនឯង
អគ្គលេខាធិការអង្គការសហប្រជាជាតិ (UN) បានរិះគន់បណ្ដាប្រទេសអ្នកមានៗ សម្រាប់ការស្ដុកទុកវ៉ាក់សាំង COVID-19 ដោយលោកចាត់ទុកថា ជាទង្វើគិតតែពីប្រយោជន៍ខ្លួនឯង។ លោក Antonio Guterres បានរិះគន់បែបនេះ នៅក្នុងបទសម្ភាសន៍ជាមួយទូរទស្សន៍ CBC កាលពីថ្ងៃអាទិត្យម្សិលមិញ ដោយលោកអគ្គលេខាធិការបាននិយាយចំៗថា បណ្ដាប្រទេសអ្នកមានមួយចំនួន គិតតែពីប្រយោជន៍ខ្លួន តាមរយៈការស្ដុកទុកវ៉ាក់សាំងនៅក្នុងស្រុក លើសពីតម្រូវការរបស់ប្រជាជនខ្លួនឯង។ លោក Antonio Guterres បញ្ជាក់ដែរថា យន្តការកូវ៉ាក់ដឹកនាំដោយអង្គការសុខភាពពិភពលោក (WHO) កំពុងជួបការលំបាក នៅក្នុងការចែកចាយវ៉ាក់សាំង ទៅដល់បណ្ដាប្រទេសក្រីក្រ ដោយសារតែភាពអាត្មានិយម គិតតែពីប្រយោជន៍ខ្លួនឯងតែម្ដង ដូច្នេះហើយទើបលោកអំពាវនាវឱ្យបណ្ដាប្រទេសអ្នកមានៗ កុំស្ដុកទុកវ៉ាក់សាំងលើសពីតម្រូវការរបស់ខ្លួន៕
-
កូរ៉េខាងត្បូងគ្រោងនឹងឲ្យពលរដ្ឋចាក់វ៉ាក់សាំង Johnson & Johnson ត្រឹម១ដូស មិនចាំបាច់២ដូស
កូរ៉េខាងត្បូងបានអះអាងនៅថ្ងៃចន្ទ ទី២៩ មីនា ២០២១នេះថា វ៉ាក់សាំងបង្ការ COVID-19 របស់ក្រុមហ៊ុនអាមេរិក Johnson & Johnson មានទាំងសុវត្ថិភាព និងប្រសិទ្ធភាព ដូច្នេះសម្រេចជំរុញឲ្យអាជ្ញាធរកូរ៉េខាងត្បូង អនុម័តឲ្យប្រើវ៉ាក់សាំង «ចាក់តែមួយដូស» ក្រោយបញ្ចប់កិច្ចប្រជុំពិភាក្សា ចំនួនពីរលើកទៀតក្នុងពេលឆាប់ៗ។ ក្រុមប្រឹក្សាត្រួតពិនិត្យអំពីប្រសិទ្ធភាព និងសុវត្ថិភាព នៃនិយ័តករឱសថបានឲ្យដឹងថា ប្រសិនបើអាជ្ញាធរកូរ៉េខាងត្បូង អនុម័តឲ្យប្រើវ៉ាក់សាំង Johnson & Johnson ជាផ្លូវការ នោះវានឹងក្លាយជាវ៉ាក់សាំងទី ៣ ហើយ ដែលកូរ៉េខាងត្បូងអនុម័តឲ្យប្រើ បន្ទាប់ពីវ៉ាក់សាំងអង់គ្លេស AstraZeneca និងវ៉ាក់សាំងអាមេរិក-អាល្លឺម៉ង់ Pifizer-BioNTech។ ត្រឹមដើមសប្តាហ៍នេះ កូរ៉េខាងត្បូងបានចាក់វ៉ាក់សាំង ជូនប្រជាជនជិត ៨០ម៉ឺនដូសហើយ ខណៈប្រជាជនសរុប នៅក្នុងប្រទេសមួយនេះមានជាង ៥១លាននាក់៕
-
សហរដ្ឋអាមេរិកថ្កោលទោសចិន ជុំវិញការដាក់ទណ្ឌកម្មគ្មានមូលដ្ឋានប្រឆាំងមន្រ្តីអាមេរិក ពាក់ព័ន្ធនឹងបញ្ហាសិទ្ធមនុស្សនៅតំបន់ស៊ិនជាំង
អាមេរិក៖ រដ្ឋមន្រ្តីការបរទេសអាមេរិក លោក អាន់តូនី ប្លីនគែន ព្រមានថា ការដាក់ទណ្ឌកម្មជាលក្ខណៈសងសឹករបស់ចិន ប្រឆាំងនឹងជនជាតិអាមេរិកពីរនាក់នៅក្នុងជម្លោះដែលកំពុងកើនឡើងលើទង្វើរបស់ទីក្រុងប៉េកាំង ចំពោះជនជាតិអ៊ុយហ្គ័រ គឺ «គ្មានមូលដ្ឋាន» ហើយវាគ្រាន់តែធ្វើអោយមានការចាប់អារម្មណ៍យ៉ាងខ្លាំងទៅលើអំពើប្រល័យពូជសាសន៍នៅតំបន់ស៊ិនជាំងប៉ុណ្ណោះ ។ ការអះអាងបែបនេះរបស់លោក ប្លីនគែន ធ្វើឡើងបន្ទាប់ពីចិនបានប្រកាសដាក់ទណ្ឌកម្មប្រឆាំងនឹងជនជាតិអាមេរិកពីរនាក់ជនជាតិកាណាដាម្នាក់ និងស្ថាប័នតស៊ូមតិ ដើម្បីឆ្លើយតបនឹងការដាក់ទណ្ឌកម្មដែលធ្វើឡើងដោយប្រទេសទាំងពីរនៅសប្តាហ៍នេះ ស្តីពីទង្វើរបស់ទីក្រុងប៉េកាំងចំពោះជនជាតិភាគតិចអ៊ុយហ្គ័រ ។ យ៉ាងណាមិញ ប្រមុខការទូតអាមេរិករូបនេះបានបញ្ជាក់នៅក្នុងសេចក្តីថ្លែងការណ៍ថា ការប៉ុនប៉ងរបស់ចិនដើម្បីបំភិតបំភ័យ និងបំបិទមាត់អ្នកដែលនិយាយដើម្បីសិទ្ធិមនុស្ស និងសេរីភាពជាមូលដ្ឋាន គ្រាន់តែជួយដល់ការឃ្លាំមើលអន្តរជាតិដែលកំពុងកើនឡើងលើឧក្រិដ្ឋកម្មប្រល័យពូជសាសន៍ និងឧក្រិដ្ឋកម្មប្រឆាំងមនុស្សជាតិដែលកំពុងកើនឡើងប៉ុណ្ណោះ ៕ ប្រភព៖ Reuters
-
បាតុករអាមេរិកប្រមូលផ្តុំគ្នានៅទូទាំងប្រទេស ដើម្បីសម្តែងការតវ៉ានឹងអំពើហិង្សាប្រឆាំងជនជាតិអាស៊ី
អាមេរិក៖ ក្រុមបាតុកររាប់រយនាក់បានប្រមូលផ្តុំគ្នានៅទីក្រុងញូវយ៉ក ដើម្បីទាម ទារឲ្យបញ្ឈប់អំពើហឹង្សាប្រឆាំងនឹងសាសន៍អាស៊ី ដែលជាផ្នែកមួយនៃសកម្មភាពថ្ងៃបុណ្យជាតិ បន្ទាប់ពីមានការបាញ់សម្លាប់យ៉ាងច្រើននៅកន្លែងស្ប៉ាដែលគ្រប់គ្រងដោយជនជាតិអាស៊ីនៅទីក្រុងអាត្លង់តា ។ អ្នករៀបបាតុកម្មបានប្រមូលផ្តុំគ្នានៅតាមទីក្រុងចំនួន ៦០ របស់សហរដ្ឋអាមេរិក រួមទាំងទីប្រជុំជនហ្សកហ្ស៊ីទីក្រុងសាន់ហ្វ្រាន់ស៊ីស្កូ ឡូសអេនជឺលេស ឈីកាហ្គោ ដឺទ្រៀត និងផតឡេន ។ អ្នកតំណាងរបស់ក្រុមសម្ព័ន្ធមិត្តប្រឆាំងសង្គ្រាម ប្រឆាំងនឹងការរើសអើងជាតិសាសន៍ ANSWER បាននិយាយថា យើងប្រឈមមុខនឹងជំងឺរាតត្បាត និងអំពើហិង្សាប្រឆាំងអាស៊ីកាន់តែខ្លាំងឡើង»។ សូមជម្រាបថាថា ការបាញ់ប្រហារនៅថ្ងៃទី១៦ ខែមីនាកន្លងទៅ បានធ្វើឲ្យមនុស្ស៨នាក់ស្លាប់ រួមទាំងស្ត្រីជនជាតិអាស៊ី៦នាក់ ដែលបង្កការភ្ញាក់ផ្អើល និងសោកសៅទូទាំងប្រទេស រួមជាមួយការភ័យខ្លាចជុំវិញការកើនឡើងឧក្រិដ្ឋកម្មស្អប់ខ្ពើមសាសន៍អាស៊ីទូទាំងពិភពលោក ៕ euronews