-
ថៃថាមូលហេតុនៃការស្លាប់បុរសម្នាក់ក្រោយចាក់វ៉ាក់សាំង គឺមកពីជំងឺរុំារៃ មិនមែនស្លាប់ព្រោះវ៉ាក់សាំងកូវីដ១៩ទេ
មន្ត្រីសុខាភិបាលថៃបានប្រកាសជាផ្លូវការ នៅថ្ងៃទី២៦ មីនា នេះថា បុរសម្នាក់ដែលបានចាក់វ៉ាក់សាំងបង្ការជំងឺកូវីដ១៩រួចបានស្លាប់នោះ មិនមែនមកពីការចាក់វ៉ាក់សាំងទេ តែមកពីជំងឺរុំារៃរបស់អ្នកជំងឺទេ នេះបើតាមការចេញផ្សាយរបស់ The Nation។ អ្នកជំងឺជាបុរសម្នាក់បានស្លាប់ក្រោយចាក់វ៉ាក់សាំងបាន១០ថ្ងៃ គឺជារឿងគាប់ជួនទេ នេះគឺជាការបញ្ជាក់របស់វេជ្ជបណ្ឌិត Sophon Mekthon ដែលតាមដានត្រួតពិនិត្យអនុគណៈកម្មការរបស់រាជរដ្ឋាភិបាល ទទួលបន្ទុកលើការចាក់វ៉ាក់សាំង។ វេជ្ជបណ្ឌិតមួយរូបទៀត គឺលោក Tawee Chotpitayasunondh បានអះអាងដែរថា អ្នកជំងឺមានសុខភាពល្អធម្មតា នៅថ្ងៃទី៣ មីនា ជាថ្ងៃចាក់វ៉ាក់សាំង និង ថ្ងៃទី៦ មីនាក៏ល្អធម្មតា ហើយនៅថ្ងៃទី៧ មីនា ក្រុមមន្ត្រីសុខាភិបាលមិនបានដឹងពីអ្នកជំងឺរូបនេះទេ រហូតដល់ថ្ងៃទី៩ ទើបដឹងថា បានចូលមន្ទីរពេទ្យតឹងដើមទ្រូង ពិបាកដកដង្ហើម ក៏បានបាត់បង់ជីវិត នៅថ្ងៃទី១៣ មីនា។ លោកវេជ្ជបណ្ឌិតអះអាងថា បើយោងតាមកំណត់ត្រាសុខភាព អ្នកជំងឺរូបនេះធ្លាប់បានវះកាត់កាលពីខែមករា លើបញ្ហាជំងឺប៉ោងសរសៃឈាមអាកទែ ហើយបានចំណាយពេលក្នុងមន្ទីរពេទ្យ៤០ថ្ងៃ។ អ្នកជំងឺប្រុងប្រយ័ត្នខ្លាំងទើបសម្រេចចិត្តចាក់វ៉ាក់សាំង ខ្លាចឆ្លងជំងឺកូវីដ១៩ នៅរយៈពេល១សប្តាហ៍ក្រោយមក។ តែក៏ត្រូវបានវេជ្ជបណ្ឌិតពិនិត្យសុខភាព ហើយថា មានសុខភាពល្អធម្មតា អាចទទួលការចាក់វ៉ាក់សាំងបាន។ ដូច្នេះ តាមលទ្ធផលពិនិត្យបង្ហាញថា អ្នកជំងឺបានស្លាប់ដោយសារតែបញ្ហាជំងឺប្រចាំកាយរបស់អ្នកជំងឺ មិនមែនមកពីការចាក់វ៉ាក់សាំងទេ។…
-
ឧបនាយករដ្ឋមន្ត្រីវៀតណាមម្នាក់ចាក់វ៉ាក់សាំង Nanocovax ផលិតខ្លួនឯង ដូសទី២រួចហើយ
លោកឧបនាយករដ្ឋមន្ត្រីវៀតណាម Vu Duc Dam ដែលក៏ជាប្រធានគណៈកម្មការប្រយុទ្ធប្រឆាំងជំងឺកូវីដ១៩ផងដែរនោះ បានទទួលការចាក់វ៉ាក់សាំង Nanocovax ដែលវៀតណាមផលិតក្នុងប្រទេសខ្លួនឯង ជាផ្នែកមួយនៃការសាកល្បងចាក់លើមនុស្ស ហើយនៅថ្ងៃសុក្រ ទី២៦ មីនានេះ លោកចាក់ចំនួន២ដូសរួចមកហើយ។ ក្រោយការចាក់លើកទី២ លោក Vu Duc Dam ត្រូវបានពេទ្យតាមដានសុខភាព ៣០នាទី ដោយលោកបានចាក់វ៉ាក់សាំងនៅសកលវិទ្យាល័យវេជ្ជសាស្ត្រយោធា ជាទីតាំងទទួលសាកល្បងចាក់លើមនុស្ស ដោយស្ម័គ្រចិត្ត។ ក្រៅពីរូបលោក ក៏មានអនុរដ្ឋមន្ត្រីក្រសួងវិទ្យាសាស្ត្រ និងបច្ចេកវិទ្យា Pham Cong Tac បានចាក់វ៉ាក់សាំង Nanocovax លើកទី២ដែរ នៅថ្ងៃសុក្រនេះ ដោយលើកទី១ ពួកលោកបានចាក់ កាលពីថ្ងៃទី២៦ កុម្ភៈ។ នាយកមន្ទីរពេទ្យយោធា Do Quyet បាននិយាយថា ការចាក់លើកទី២នេះមានគោលបំណងវាយតម្លៃពីសុវត្ថិភាពនិងប្រសិទ្ធិភាពនៃវ៉ាក់សាំង។ លោកថា Nanocovax មានប្រសិទ្ធភាពប្រឆាំងវីរុសបម្លែងថ្មីទៀតផង៕
-
កូវីដ១៩៖ ថៃឆ្លងថ្មីចំនួន១៣៤នាក់ទៀត បាងកកច្រើនជាងគេ នៅថ្ងៃសុក្រនេះ
មជ្ឈមណ្ឌលគ្រប់គ្រងស្ថានភាពកូវីដ១៩របស់ថៃហៅកាត់ថា CCSA នៅថ្ងៃសុក្រទី២៦ មីនា ២០២១នេះ បានប្រកាសពីករណីវិជ្ជមានជំងឹកូវីដ១៩ ចំនួន១៣៤នាក់បន្ថែមទៀត ភាគច្រើនគឺជាការឆ្លងក្នុងសហគមន៍ ខណៈមាន៦នាក់ជាអ្នកដំណើរពីក្រៅប្រទេស។ ក្នុងចំណោមនេះ ក្រុងបាងកកឆ្លងច្រើនជាងគេ ពោលគឺមានរហូតដល់៨២នាក់ ប៉ុន្តែក៏មានអ្នកជំងឺ៦៨នាក់ត្រូវបានព្យាបាលឲ្យជាសះស្បើយផងដែរ នៅថ្ងៃនេះ។ គិតត្រឹមថ្ងៃទី២៦ មីនានេះ ថៃមានអ្នកកើតជំងឺកូវីដ១៩ សរុប២៨៥៧៧នាក់ ព្យាបាលឲ្យជាសះស្បើយ ២៧០៣២នាក់ នៅសល់អ្នកជំងឺ១៤៥៣នាក់កំពុងសម្រាកព្យាបាល ហើយស្លាប់មានចំនួន៩២នាក់៕
-
ព័ត៌មានអន្តរជាតិសំខាន់ៗថ្ងៃទី២៦ ខែមីនា ឆ្នាំ២០២១ (មានវីដេអូ)
-
ថៃអនុម័តអោយប្រើវ៉ាក់សាំងរបស់ក្រុមហ៊ុនអាមេរិក Johnson & Johnson ដែលជាប្រភេទវ៉ាក់សាំងចាក់តែមួយដូស (មានវីដេអូ)
ថៃ៖ រដ្ឋមន្រ្តីក្រសួងសុខាភិបាលថៃលោក អនុធីន ឆានវីរៈគុល បាននិយាយថា ប្រទេសរបស់លោកបានអនុម័តអោយប្រើប្រាស់ជាបន្ទាន់ដល់វ៉ាក់សាំងរបស់ក្រុមហ៊ុន Janssen ដែលជាវ៉ាក់សាំងបង្ការវីរុសកូរ៉ូណារបស់ Johnson & Johnson ដែលជាប្រភេទវ៉ាក់សាំងចាក់តែមួយដូស ហើយវាជាវ៉ាក់សាំងទី៣ហើយដែលថៃបានអនុញ្ញាតអោយប្រើប្រាស់ ។រដ្ឋមន្រ្តីក្រសួងសុខាភិបាលថៃរូបនេះ បានថ្លែងប្រាប់អ្នកយកព័ត៌មានថា រដ្ឋបាល ចំណីអាហារ និងឱសថរបស់ថៃ (FDA) បានអនុម័តអោយប្រើវ៉ាក់សាំងខាងលើនេះ បន្ថែមពីលើវ៉ាក់សាំងរបស់ក្រុមហ៊ុន អាស្រ្តាហ្សេណេកា និងស៊ីណូវ៉ាក់ បាយអូធិច ដែលត្រូវបានអនុញ្ញាតអោយប្រើប្រាស់រួចហើយនៅក្នុងប្រទេសអាស៊ីមួយនេះ ។ បើតាមប្រធានរដ្ឋបាលចំណីអាហារ និងឱសថរបស់ថៃ (FDA) លោក ផៃសាល ដុនឃុម វ៉ាក់សាំងរបស់ក្រុមហ៊ុនចិន ស៊ីណូហ្វាម (Sinopharm) និងក្រុមហ៊ុនផលិតវ៉ាក់សាំង Sputnik V របស់រុស្ស៊ី បាននិងកំពុងរៀបចំបញ្ជូនសំណើ ដើម្បីសុំការអនុម័ត ។លោកបន្ថែមថា ក្រុមហ៊ុនអាមេរិក ម៉ូឌែណា និយាយថា ខ្លួននឹងដាក់ពាក្យស្នើសុំការយល់ព្រមដែរ ខណៈក្រុមហ៊ុនឥណ្ឌា បារ៉ាត់ បាយអូធិច ក៏កំពុងដំណើរការបញ្ជូនឯកសារសម្រាប់ការចុះបញ្ជីវ៉ាក់សាំងផងដែរ ។ រហូតមកទល់ពេលនេះ ថៃបានកត់ត្រាពីចំនួនអ្នកឆ្លងកូវីដ១៩ច្រើនជាង២ម៉ឺន៨ពាន់ករណី និងបានចាក់វ៉ាក់សាំងដល់ប្រជាជនខ្លួនប្រមាណ១សែនដូស នៅក្នុងចំណោមបុគ្គលិកពេទ្យ…
-
ក្រុមហ៊ុនធំៗចំនួនពីរដែលគ្រប់គ្រងដោយយោធាមីយ៉ាន់ម៉ា ត្រូវបានដាក់ចូលបញ្ជីទណ្ឌកម្មរបស់សហរដ្ឋអាមេរិក និងចក្រភពអង់គ្លេស
អាមេរិក៖ ក្រុមហ៊ុនសម្ព័ន្ធដ៏ធំចំនួនពីរ ដែលគ្រប់គ្រងដោយយោធាមីយ៉ាន់ម៉ា ត្រូវបានសហរដ្ឋអាមេរិក និងចក្រភពអង់គ្លេសដាក់ចូលក្នុងបញ្ជីទណ្ឌកម្មរបស់ខ្លួន ដើម្បីជាការឆ្លើយតបទៅនឹងរដ្ឋប្រហារ ក៏ដូចជាការបង្ក្រាបយ៉ាងបង្ហូរឈាមលើក្រុមបាតុករពីសំណាក់កងកម្លាំងសន្តិសុខ ។ ក្រសួងហិរញ្ញវត្ថុអាមេរិកបានបញ្ជាក់ថា ខ្លួនបានដាក់ទណ្ឌកម្មប្រឆាំងនឹងក្រុមហ៊ុនសម្ព័ន្ធមីយ៉ាន់ម៉ាចំនួនពីរ គឺក្រុមហ៊ុន Holdings Public Company Ltd (MEHL) និងក្រុមហ៊ុន Myanmar Economic Corporation Ltd (MEC) ដែលជាប្រភពរកប្រាក់ចំណូលដ៏សំខាន់របស់យោធាមីយ៉ាន់ម៉ា ។ ដោយឡែកអង់គ្លេសវិញ ក៏បានដាក់ទណ្ឌកម្មលើក្រុមហ៊ុន (MEHL) ដោយអះអាងថា ជាការឆ្លើយតបការរំលោភពានសិទ្ធិមនុស្សធ្ងន់ធ្ងរពីសំណាក់យោធាមីយ៉ាន់ម៉ា ។ តាមរយៈទណ្ឌកម្មនេះដែរ សហរដ្ឋអាមេរិកក៏បានហាមឃាត់ក្រុមហ៊ុន ឬពលរដ្ឋអាមេរិកទាំងអស់មិនឱ្យរកស៊ី ឬក៏ចុះកិច្ចព្រមព្រៀងជាមួយក្រុមហ៊ុនទាំងពីរនេះនោះទេ ។ ជាមួយគ្នានេះ តំណាងក្រុមហ៊ុនទាំងពីរខាងលើ ដែលគ្របដណ្តប់លើវិស័យធំៗនៃសេដ្ឋកិច្ចប្រទេសមីយ៉ាន់ម៉ានៅពុំទាន់ធ្វើការអត្ថាប្បាយភ្លាមៗនោះទេ ខណៈដែលសារព័ត៌មានរ៉យទ័របានចុះផ្សាយនៅថ្ងៃពុធសប្តាហ៍នេះ ពាក់ព័ន្ធនឹងការរំពឹងទុកនៃការដាក់ទណ្ឌកម្មបន្ថែមទៀត ៕ ប្រភព៖ CNA
-
លោក ចូ បៃដិន ព្រមានប្រឆាំងនឹងការបង្កហេតុរបស់កូរ៉េខាងជើង ក្រោយទីក្រុងព្យុងយ៉ាងទើបបាញ់សាកល្បងមីស៊ីលបាលិស្ទីគចូលក្នុងដែនសមុទ្រជប៉ុន
អាមេរិក៖ ប្រធានាធិបតីអាមេរិកលោក ចូ បៃដិន បានព្រមានដល់កូរ៉េខាងជើងថា ប្រទេសរបស់លោកនឹងធ្វើការឆ្លើយតប ប្រសិនបើរដ្ឋកុម្មុយនីស្តមួយនេះបង្កើនការធ្វើតេស្តសព្វាវុធរបស់ខ្លួន បន្ទាប់ពីទីក្រុងព្យុងយ៉ាងបានបាញ់សាកល្បងមីស៊ីលបាលិស្ទីគចំនួនពីរគ្រាប់ចូលក្នុងដែនសមុទ្រជប៉ុន ។ លោក ចូ បៃដិន បានថ្លែងនៅក្នុងសន្និសីទសារព័ត៌មានមួយថា សហរដ្ឋអាមេរិកបាននឹងកំពុងប្រឹក្សាយោបល់ជាមួយប្រទេសសម្ព័ន្ធមិត្ត និងដៃគួ ប៉ុន្តែបានព្រមានកូរ៉េខាងជើងថា នឹងមានការឆ្លើយតប ប្រសិនបើពួកគេជ្រើសរើសយកការបង្កើនភាពតានតឹង ។ ប្រធានាធិបតីអាមេរិករូបនេះបានអះអាងទៀតថា រូបលោកក៏បានត្រៀមខ្លួនរួច រាល់ហើយដែរ សម្រាប់ទម្រង់ការទូតមួយចំនួន ប៉ុន្តែវាត្រូវតែមានលក្ខខណ្ឌទៅលើលទ្ធផលចុងក្រោយ នៃការរំសាយអាវុធនុយក្លេអ៊ែរ ។ គួរបញ្ជាក់ថា កូរ៉េខាងជើងតែងស្វាគមន៍រដ្ឋបាលថ្មីរបស់សហរដ្ឋអាមេរិក ជាមួយការបង្កហេតុ ហើយការសាកល្បងអាវុធជាក់ស្តែងរបស់ខ្លួននៅថ្ងៃព្រហស្បតិ៍សប្តាហ៍នេះ បានធ្វើឱ្យទីក្រុងព្យុងយ៉ាងវិលត្រឡប់ទៅរកការយកចិត្តទុកដាក់ខ្លាំងពីរដ្ឋាភិបាលអាមេរិក និងសម្ព័ន្ធមិត្តឡើងវិញ ខណៈរដ្ឋបាលលោក ចូ បៃដិន កំពុងធ្វើការត្រួតពិនិត្យគោលនយោបាយ ៕ ប្រភព៖ AFP
-
លោក ចូ បៃដិន អះអាងថា ក្រោមការដឹកនាំរបស់លោក ចិននឹងមិនអាចផ្តួលអាមេរិកក្លាយជាអ្នកដឹកនាំពិភពលោកបានឡើយ
អាមេរិក៖ ប្រធានាធិបតីអាមេរិកលោក ចូ បៃដិន បានគូសបញ្ជាក់ថា លោកនឹងទប់ស្កាត់ចិនពីការទាញទម្លាក់សហរដ្ឋអាមេរិក ក្លាយជាប្រទេសដែលមានឥទ្ធិពលបំផុតនៅលើពិភពលោក ដោយលោកសន្យាថា នឹងវិនិយោគយ៉ាងខ្លាំងដើម្បីធានាថា អាមេរិកនឹងឈ្នះនៅក្នុងការប្រកួតប្រជែងរវាងប្រទេសសេដ្ឋកិច្ចធំបំផុតទាំងពីររបស់ពិភពលោក ។ លោក ចូ បៃដិន បានថ្លែងប្រាប់អ្នកយកព័ត៌មាននៅឯសេតវិមានថា ចិនមានគោលដៅមួយ… គឺក្លាយជាប្រទេសឈានមុខគេនៅលើពិភពលោក… ជាប្រទេសមានបំផុតនៅលើពិភពលោក និងជាប្រទេសដែលមានឥទ្ធិពលបំផុតនៅលើពិភពលោក ហើយថា រឿងនោះនឹងមិនកើតឡើងទេ នៅក្រោមការដឹកនាំរបស់ខ្ញុំ ព្រោះ អាមេរិកនឹងបន្តរីកចម្រើនទៅមុខទៀត ។ លោក បៃដិន និយាយថា លោកបានចំណាយពេលជាច្រើនម៉ោងជាមួយលោក ស៊ី ជិនភីង នៅពេលដែលលោកបម្រើការជាអនុប្រធានាធិបតី នៅក្រោមអតីតប្រធានាធិបតីអាមេរិកលោក បារ៉ាក់ អូបាម៉ា ហើយលោកជឿជាក់ថា ប្រធានាធិបតីចិនជឿលើស្វ័យភាព (ផ្តាច់ការ) មិនមែនលទ្ធិប្រជាធិបតេយ្យទេ ជាគន្លឹះឆ្ពោះទៅអនាគត ។ ប្រធានាធិបតីបក្សប្រជាធិបតេយ្យរូបនេះបន្ថែមថា លោកបានបញ្ជាក់យ៉ាងច្បាស់ចំពោះលោក ស៊ី ថា សហរដ្ឋអាមេរិកមិនបានស្វែងរកការប្រឈមមុខដាក់គ្នាទេ ប៉ុន្តែនឹងអំពាវនាវឱ្យចិនគោរពតាមច្បាប់អន្តរជាតិសម្រាប់ការប្រកួតប្រជែងដោយយុត្តិធម៌ ការធ្វើពាណិជ្ជកម្មដោយយុត្តិធម៌ និងការគោរពសិទ្ធិមនុស្ស ៕ ប្រភព៖ CNA
-
ទិន្នន័យសាកល្បងនៅសហរដ្ឋអាមេរិកដែលទើបធ្វើបច្ចុប្បន្នភាពបង្ហាញថា វ៉ាក់សាំងរបស់ក្រុមហ៊ុន AstraZeneca មានប្រសិទ្ធភាព៧៦ភាគរយ (មានវីដេអូ)
អង់គ្លេស៖ ក្រុមហ៊ុន អាស្រ្តាហ្សេណេកា បានបញ្ជាក់ថា វ៉ាក់សាំងបង្ការជំងឺកូវីដ១៩របស់ខ្លួនមានប្រសិទ្ធិភាព៧៦ភាគរយ ក្នុងការការពារជំងឺកូវីដ១៩ នេះបើតាមការវិភាគថ្មី ដែលផ្អែកលើទិន្នន័យសាកល្បងដ៏ធំរបស់ខ្លួននៅសហរដ្ឋអាមេរិក ដែលទើបធ្វើបច្ចុប្បន្នភាព ។ក្រុមហ៊ុន អាស្រ្តាហ្សេណេកា បន្ថែមថា វ៉ាក់សាំងរបស់ខ្លួនមានប្រសិទ្ធភាព៧៦ភាគរយ ជាជាង៧៩ភាគរយក្នុងការទប់ស្កាត់ជំងឺកូវីដ១៩ ហើយថា វានៅតែមានប្រសិទ្ធភាព១០០ភាគរយប្រឆាំងនឹងការធ្លាក់ខ្លួនឈឺធ្ងន់ធ្ងរដោយវីរុសកូវីដ១៩ ។ការអះអាងខាងលើ ធ្វើឡើងបន្ទាប់ពីក្រុមប្រឹក្សាអ្នកជំនាញឯករាជ្យដែលត្រូវបានតែងតាំងដើម្បីត្រួតពិនិត្យការសាកល្បងនេះ បានសម្តែងការព្រួយបារម្ភថា ក្រុមហ៊ុន អាស្រ្តាហ្សេណេកា មិនបានបញ្ចូលទិន្នន័យដែលបានធ្វើបច្ចុប្បន្នភាពទៅក្នុងតួលេខដែលបានចេញផ្សាយដំបូងរបស់ខ្លួនទេ ៕
-
រុស្ស៉ីចាប់ផ្តើមជាផ្លូវការនូវ ការផលិតវ៉ាក់សាំងទី៣របស់ខ្លួន សម្រាប់បង្ការជំងឺកូវីដ-១៩ (មានវីដេអូ)
រុស្ស៊ី៖ រដ្ឋមន្រ្តីវិទ្យាសាស្រ្ត និងការអប់រំជាន់ខ្ពស់រុស្ស៉ី លោក វ៉ាឡឺរី វ៉ាលកូវ បាននិយាយថា មជ្ឈមណ្ឌលស្រាវជ្រាវ ជូម៉ាកូវ បានចាប់ផ្តើមជាផ្លូវការហើយនូវ ដំណើរការផលិតវ៉ាក់សាំងបង្ការជំងឺ COVID-19 ទី០៣ ដែលមានឈ្មោះថា ខូវីវ៉ាក់ (CoviVac) ។វ៉ាក់សាំង ខូវីវ៉ាក់ ត្រូវបានចុះបញ្ជីកាលពីខែកុម្ភៈកន្លងទៅ និងក្លាយជាវ៉ាក់សាំងកូវីដ-១៩ទី០៣របស់ប្រទេសរុស្ស៉ី បន្ទាប់ពីវ៉ាក់សាំង Sputnik V ដែលជាវ៉ាក់សាំងរុស្ស៉ីសម្រេចបានទីមួយ និងវ៉ាក់សាំង EpiVacCorona ដែលជាវ៉ាក់សាំងរុស្ស៉ីសម្រេចបានទីពីរ ។ បច្ចុប្បន្ន វ៉ាក់សាំង ខូវីវ៉ាក់ នេះ ត្រូវបានអ្នកជំនាញរុស្ស៉ីណែនាំឲ្យប្រើសម្រាប់អ្នកនៅក្រុមអាយុចាប់ពី១៨ឆ្នាំដល់៦០ឆ្នាំ ។បើតាមលោក វ៉ាឡឺរី វ៉ាលកូវ រុស្ស៉ីគ្រោងនឹងផលិតវ៉ាក់សាំងបង្ការជំងឺ COVID-19 ឲ្យបានជិត៩០ដូសនៅត្រឹមខែមិថុនា ឆ្នាំ២០២១ ដោយក្នុងនោះរួមមាន៨៣លានដូសនៃវ៉ាក់សាំង Sputnik V និង៥.៤លានដូសនៃវ៉ាក់សាំង EpiVacCorona ៕