-
អូស្ត្រាលីជម្លៀសប្រជាជនរាប់ពាន់នាក់ទៀតចេញពីតំបន់ជាយក្រុងស៊ីដនី ដែលរងគ្រោះដោយទឹកជំនន់ធ្ងន់ធ្ងរបំផុតក្នុងរយៈពេល៦០ឆ្នាំ
អូស្ត្រាលី៖ អាជ្ញាធរអូស្ត្រាលីនៅថ្ងៃចន្ទនេះមានផែនការជម្លៀសប្រជាជនរាប់ពាន់នាក់បន្ថែមទៀត ចេញពីតំបន់ជាយក្រុងស៊ីដនីភាគខាងលិច ដែលរងផលប៉ះពាល់ដោយសារទឹកជំនន់អាក្រក់បំផុតក្នុងរយៈពេល៦០ឆ្នាំ ខណៈភ្លៀងធ្លាក់ឥតឈប់ឈរត្រូវបានគេព្យាករណ៍ថា នឹងបន្តធ្លាក់ក្នុងរយៈពេលប៉ុន្មានថ្ងៃខាងមុខ ។ ភ្លៀងធ្លាក់ខ្លាំងក្នុងរយៈពេលបីថ្ងៃកន្លងមកនេះ បានធ្វើឲ្យទឹកទន្លេនៅក្នុងរដ្ឋដែលមានប្រជាជនច្រើនបំផុត New South Wales ឡើងយ៉ាងគំហុក ដែលបង្កឲ្យមានការខូចខាតយ៉ាងធំធេង និងជំរុញឲ្យមានការអំពាវនាវជម្លៀសប្រជាជនទ្រង់ ទ្រាយធំ ។ សេវាគ្រាអាសន្នរដ្ឋនេះ បានបង្ហោះសារនៅលើ Twitter កាលពីថ្ងៃអាទិត្យថា ទឹកជំនន់នេះ ទំនងជាខ្ពស់ជាងទឹកជំនន់ណាៗទាំងអស់គិតចាប់តាំងពីខែវិច្ឆិកាឆ្នាំ១៩៦១មក ។ អាជ្ញាធររំពឹងថា អាកាសធាតុអាក្រក់នឹងបន្តរហូតដល់ថ្ងៃពុធសប្តាហ៍នេះ ។ ដោយឡែកការិយាល័យអាកាសធាតុរបស់អូស្រ្តាលីបានបញ្ជាក់ថា ផ្នែកធំៗនៃឆ្នេរភាគខាងកើតរបស់ប្រទេស នឹងរងការវាយប្រហារដោយភ្លៀងធ្លាក់ខ្លាំង ចាប់ពីថ្ងៃចន្ទដើមសប្តាហ៍នេះទៅ ខណៈការព្រមានអំពីទឹកជំនន់ធ្ងន់ធ្ងរត្រូវបានចេញសម្រាប់ផ្នែកធំៗនៃរដ្ឋ New South Wales និង រដ្ឋ Queensland ផងដែរ ៕ ប្រភព៖ Reuters
-
អ្នកឆ្លង COVID-19 នៅទូទាំងពិភពលោកកើនឡើង១២៣លាន៨៥ម៉ឺននាក់ ក្នុងនោះស្លាប់២លាន៧២ម៉ឺននាក់ និងជាសះស្បើយ៩៩លាន៧៨ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន១២៣លាន៨៥ម៉ឺន៩ពាន់២០៩ករណី ក្នុងនោះមានអ្នកជម្ងឺសរុបចំនួន២លាន៧២ម៉ឺន៧ពាន់៦៨០នាក់ស្លាប់ និង ជាសះស្បើយឡើងវិញសរុបចំនួន៩៩លាន៧៨ម៉ឺន៤ពាន់៣៦៥នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី២២ ខែមិនា ឆ្នាំ២០២១ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន៣០លាន៥២ម៉ឺន១ពាន់៧៦៥នាក់ ស្លាប់ចំនួន៥៥ម៉ឺន៥ពាន់៣១៤នាក់ និងជាសះស្បើយចំនួន២២លាន៧៥ម៉ឺន៤ពាន់២៥២នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសប្រេស៊ីល ដោយមានអ្នកឆ្លងចំនួន១១លាន៩៩ម៉ឺន៨ពាន់២៣៣នាក់ ស្លាប់២៩ម៉ឺន៤ពាន់១១៥នាក់ និងជាសះស្បើយ១០លាន៤៤ម៉ឺន៩ពាន់៩៣៣នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសឥណ្ឌា ដោយមានអ្នកឆ្លងចំនួន១១លាន៦៤ម៉ឺន៥ពាន់៧១៩នាក់ ស្លាប់ចំនួន១៦ម៉ឺន៣នាក់ និងជាសះស្បើយ១១លាន១៤ម៉ឺន៩ពាន់៣២៤នាក់ ៕ ប្រភព៖ worldometers
-
លោក ចូ បៃដិន និងលោកស្រី កាម៉ាឡា ហារីស ថ្កោលទោសអំពើហិង្សាប្រឆាំងនឹងជនជាតិដើមអាស៊ី អំឡុងដំណើរទស្សនកិច្ចទៅកាន់ទីក្រុងអាត្លង់តា
អាមេរិក៖ ប្រធានាធិបតីអាមេរិកលោក ចូ បៃដិន និងអនុប្រធានាធិបតីអាមេរិកលោកស្រី កាម៉ាឡា ហារីស បានសម្តែងការគាំទ្រចំពោះពលរដ្ឋអាមេរិកដើមកំណើតអាស៊ី និង បានបរិហារពីការស្អប់ខ្ពើម នៃការរើសអើងជាតិសាសន៍ នៅពេលមេដឹកនាំទាំងពីរធ្វើដំណើរទស្សនកិច្ចទៅទីក្រុងអាត្លង់តា រដ្ឋចរចៀ នៅថ្ងៃសុក្រនេះ ។ ដំណើរទស្សនកិច្ចរបស់លោក បៃដិន និងលោកស្រី ហារីស ខាងលើនេះដែរ បានកើតមានឡើង មួយថ្ងៃបន្ទាប់ពីខ្មាន់កាំភ្លើងស្បែកសម្នាក់បានបាញ់សម្លាប់មនុស្ស៨នាក់ ក្នុងនោះមានស្រ្តី០៦នាក់ជាពលរដ្ឋអាមេរិកដើមកំណើតអាស៊ី ។ បច្ចុប្បន្នប៉ូលិសបានឃាត់ខ្លួនខ្មាន់កាំភ្លើងឈ្មោះ រ៉ូប៊ឺត អារ៉ុន ឡុង មានអាយុ២១ឆ្នាំ និងកំពុងស៊ើបអង្កេតពីមូលហេតុ នៅពីក្រោយការបាញ់ប្រហារយ៉ាងរង្គាលនេះ ។ ថ្លែងនៅឯសាកលវិទ្យា Emory ក្រោយជួបពិភាក្សាជាមួយមេដឹកនាំសហគមន៍ពលរដ្ឋអាមេរិកដើមកំណើតអាស៊ី លោក បៃដិន បានជំរុញឱ្យប្រជាជនអាមេរិកទាំងអស់ ក្រោកឈរឡើងធ្វើសកម្មភាពប្រឆាំងនឹងអំពើហិង្សា និងការរើសអើងពូជសាសន៍លើពលរដ្ឋអាមេរិកដើមកំណើតអាស៊ី ដើម្បីធានាឱ្យបានថា សហរដ្ឋអាមេរិកមិនមែនជាឋានសួគ៌សម្រាប់អំពើហិង្សា និងការរើសអើងពូជសាសន៍ជាដាច់ខាត ។ ដោយឡែកលោកស្រី ហារីស ក៏បាននិយាយដែរថា ការរើសអើងពូជសាសន៍ នៅតែបន្តកើតមានក្នុងសហរដ្ឋអាមេរិក… ក៏ប៉ុន្តែលោកប្រធានាធិបតីនិងខ្ញុំ នឹងមិននៅស្ងៀមឡើយ… យើងនឹងប្រឆាំងអំពើហិង្សា ការរើសអើងពូជសាសន៍ មិនថាវាកើតឡើងដោយរបៀបណា…
-
មន្ត្រីកំពូលអាមេរិក និង ចិនបញ្ចប់កិច្ចប្រជុំទល់មុខលើកដំបូងក្នុងរដ្ឋអាឡាស្កា ហើយ ខណៈភាគីទាំងពីរមានការខ្វែងគំនិតគ្នា និងបានចោទប្រកាន់ដាក់គ្នាទៅវិញទៅមក
អាមេរិក៖ មន្ត្រីកំពូលអាមេរិក និងចិនបានបិទបញ្ចប់កិច្ចប្រជុំរយៈពេល០២ថ្ងៃក្នុងទីក្រុងអាន់ចូរ៉េច រដ្ឋអាឡាស្កា ហើយ នៅថ្ងៃសុក្រនេះ (ម៉ោងក្នុងតំបន់) ក្រោយភាគីទាំងពីរមានខ្វែងគំនិត និងបានចោទប្រកាន់ដាក់គ្នាទៅវិញទៅមក អំឡុងកិច្ចប្រជុំទល់មុខជាលើកដំបូង គិតចាប់តាំងពីលោក ចូ បៃដិន ឡើងកាន់តំណែងជាប្រធានាធិបតីអាមេរិកកាលពីថ្ងៃទី២០ ខែមករាមក ។ កិច្ចប្រជុំរយៈពេលពីរថ្ងៃក្នុងទីក្រុងអាន់ចូរ៉េច រដ្ឋអាឡាស្កា ខាងលើនេះ បានកើតមានឡើងស្របពេលដែលចិន និង អាមេរិកកំពុងមានភាពតានតឹងគ្នាលើបញ្ហា ធំៗជាច្រើន ដោយក្នុងនោះរួមមានបញ្ហាទីក្រុងហុងកុង សមុទ្រចិនខាងត្បូង តំបន់ស៊ីនជាំង និងជំងឺ COVID-19 ជាដើម ។ កិច្ចប្រជុំកម្រិតខ្ពស់រវាងមន្ត្រីកំពូលរបស់ប្រទេសមហាអំណាចទាំងពីរ បានបិទបញ្ចប់ទៅដោយភាពសោះកក្រោះ ក្រោយភាគីទាំងសងខាងបានចោទប្រកាន់ និងវាយប្រហារពាក្យសម្ដីដាក់គ្នា ។ សហរដ្ឋអាមេរិកបានចោទប្រតិភូចិនថា ពូកែនិយាយបង្វែងដាន រីឯចិនចោទបកទៅវិញថា ធំក្លិនផ្សែងកាំភ្លើង និងការពូកែសម្ដែងរបស់សហរដ្ឋអាមេរិក ៕ ប្រភព៖ CNA
-
ប្រមុខអង្គការសុខភាពពិភពលោក (WHO) ជំរុញអោយប្រទេសនានាលើពិភពលោកបន្តប្រើប្រាស់វ៉ាក់សាំងបង្ការជំងឺ Covid-19 របស់ក្រុមហ៊ុន AstraZeneca
ស្វីស៖ អគ្គនាយកអង្គការសុខាភាពពិភពលោក (WHO) លោក ថេដ្រូស អាដាណម ហ្គេប្រេយ៉េសឹស (Tedros Adhanom Ghebreyesus) បាននិយាយនៅក្នុងសន្និសីទសារព័ត៌មានមួយពីទីក្រុង ហ្សឺណែវ ថា យើងទទូចអោយប្រទេសទាំង ឡាយបន្តការប្រើប្រាស់វ៉ាក់សាំងបង្ការជំងឺ Covid-19 របស់ក្រុមហ៊ុនផលិតឱសថអង់គ្លេស អាស្រ្តាហ្សេណេកា (AstraZeneca) ដ៏មានសារៈសំខាន់នេះ ។ ការអំពាវនាវជាថ្មីរបស់លោក ថេដ្រូស ធ្វើឡើងបន្ទាប់ពីផ្នែកត្រួតពិនិត្យសុវត្ថិភាពឱសថរបស់ខ្លួន បានបញ្ចេញរបាយការណ៍ចុងក្រោយ អំពីផលប៉ះពាល់នៃការប្រើប្រាស់វ៉ាក់សាំង អាស្រ្តាហ្សេណេកា ជារួម ដោយក្នុងនោះក្រុមជំនាញបានអះអាងថា ការចាក់វ៉ាក់សាំងរបស់អង់គ្លេសនេះ មិនបានបង្កឲ្យមានបញ្ហាកំណកឈាមជាទូទៅនោះទេ ។ ស្របពេលជាមួយគ្នានោះដែរ និយ័តករឱសថអឺរ៉ុបក៏បានគូសបញ្ជាក់កាលពីថ្ងៃព្រហស្បតិ៍សប្តាហ៍នេះផងដែរថា គុណសម្បត្តិរបស់វ៉ាក់សាំងបង្ការជំងឺ Covid-19របស់ក្រុមហ៊ុនផលិតឱសថអង់គ្លេស អាស្រ្តាហ្សេណេកា គឺមានច្រើនលើសលប់ ជាងគុណវិបត្តិរបស់វា ៕ ប្រភព៖ ស៊ីនហួរ
-
នាយករដ្ឋមន្ត្រីអង់គ្លេសទទួលការចាក់វ៉ាក់សាំងបង្ការជំងឺ Covid-19 របស់ក្រុមហ៊ុន Oxford-AstraZeneca សម្រាប់ដូសដំបូងរួចរាល់ហើយ
អង់គ្លេស៖ នាយករដ្ឋមន្រ្តីអង់គ្លេសលោក បូរីស ចនសុន នៅថ្ងៃសុក្រនេះ បានទទួលការចាក់វ៉ាក់សាំងបង្ការជំងឺ COVID-19 របស់ក្រុមហ៊ុនផលិតឱសថក្នុងស្រុក អាស្រ្តាហ្សេណេកា សម្រាប់ដូសដំបូងរបស់លោករួចរាល់ហើយ និងបានអំពាវនាវសាធារណជនទាំងអស់ អោយមកទទួលការចាក់វ៉ាក់សាំងនេះដូចគ្នា ដោយលោកបាននិយាយថា មិនមានអារម្មណ៍ប៉ះពាល់អ្វីទាំងអស់ ។ លោក បូរីស ចនសុន អាយុ៥៦ឆ្នាំបានទទួលការចាក់វ៉ាក់សាំងសម្រាប់ដូសដំបូងរបស់លោកនៅឯមន្ទីរពេទ្យថូម៉ាស់ ក្នុងទីក្រុងឡុងដ៍ ចំពេលដែលបណ្តាប្រទេសអ៊ឺរ៉ុបមួយចំនួននៅថ្ងៃសុក្រដដែលនេះ បានចាប់ផ្តើមប្រើប្រាស់វ៉ាក់សាំង COVID-19របស់អាស្រ្តាហ្សេណេកាឡើងវិញ បន្ទាប់ពីនិយ័តករឱសថបានបញ្ជាក់ថា អត្ថប្រយោជន៍នៃការចាក់វ៉ាក់សាំងនេះ មានច្រើនលើសលប់ជាងហានិភ័យទៅទៀត ។ នាយករដ្ឋមន្រ្តីអង់គ្លេសរូបនេះបាននិយាយបន្ទាប់ពីទទួលការចាក់វ៉ាក់សាំងថា អ្នករាល់គ្នានៅពេលដែលអ្នកទទួលបានការជូនដំណឹងទៅកាន់អ្នក ដើម្បីទៅចាក់វ៉ាក់សាំងនេះ សូមមេត្តាទៅទទួលវាចុះ ព្រោះវាជារឿងល្អបំផុតសម្រាប់អ្នក និងជារឿងល្អបំផុតសម្រាប់គ្រួសាររបស់អ្នក និងសម្រាប់មនុស្សគ្រប់គ្នា ៕ ប្រភព៖ ស៊ីនហួរ
-
អ្នកឆ្លង COVID-19 នៅទូទាំងពិភពលោកកើនឡើង១២២លាន៨៩ម៉ឺននាក់ ក្នុងនោះស្លាប់២លាន៧១ម៉ឺននាក់ និងជាសះស្បើយ៩៩លាន៤ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន១២២លាន៨៩ម៉ឺន៨ពាន់៦៨៩ករណី ក្នុងនោះមានអ្នកជម្ងឺសរុបចំនួន២លាន៧១ម៉ឺន៣ពាន់៥៨០នាក់ស្លាប់ និង ជាសះស្បើយឡើងវិញសរុបចំនួន៩៩លាន៤ម៉ឺន៧ពាន់៨១២នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី២០ ខែមិនា ឆ្នាំ២០២១ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន៣០លាន៤២ម៉ឺន៥ពាន់៧៨៧នាក់ ស្លាប់ចំនួន៥៥ម៉ឺន៤ពាន់១០៤នាក់ និងជាសះស្បើយចំនួន២២លាន៦១ម៉ឺន៣២៥នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសប្រេស៊ីល ដោយមានអ្នកឆ្លងចំនួន១១លាន៨៧ម៉ឺន៧ពាន់៩នាក់ ស្លាប់២៩ម៉ឺន៥២៥នាក់ និងជាសះស្បើយ១០លាន៣៨ម៉ឺន៣ពាន់៤៦០នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសឥណ្ឌា ដោយមានអ្នកឆ្លងចំនួន១១លាន៥៥ម៉ឺន៥ពាន់២៨៤នាក់ ស្លាប់ចំនួន១៥ម៉ឺន៩ពាន់៥៩៤នាក់ និងជាសះស្បើយ១១លាន១០ម៉ឺន៧ពាន់៣៣២នាក់ ៕ ប្រភព៖ worldometers
-
ព័ត៌មានអន្តរជាតិសំខាន់ៗថ្ងៃទី១៩ ខែមីនា ឆ្នាំ២០២១ ផ្សាយឡើងវិញ (មានវីដេអូ)
-
ថៃ៖ អភិបាលខេត្តសាមុតសាខនទើបជាជំងឺកូវីដ១៩ ដោយបានឆ្លងតាំងពីខែធ្នូ ២០២០
អភិបាលខេត្តសាមុតសាខន លោក Verasak Vichitsangsri ទើបបានជាសះស្បើយពីជំងឺកូវីដ១៩ ហើយបានចាកចេញពីមន្ទីរពេទ្យក្នុងក្រុងបាងកក នាព្រឹកថ្ងៃទី១៩ មីនា ២០២១នេះ។ លោកអភិបាលវ័យ៥៨ឆ្នាំរូបនេះបានជាសះស្បើយ ក្រោយពេលបានឆ្លងជំងឺកូវីដ១៩ សម្រាកព្យាបាល តាំងពីថ្ងៃទី២៨ ធ្នូ ២០២០។ លោក Verasak បាននិយាយថា «ខ្ញុំសូមអរគុណដល់ក្រុមវេជ្ជបណ្ឌិត គ្រូពេទ្យ និងអ្នកគ្រប់គ្នាដែលបង្ហាញពីការជួយគាំទ្រក្នុងពេលការព្យាបាលរបស់ខ្ញុំ ជាពិសេស ប្រជាជនក្នុងខេត្ត Samut Sakhon , Phichit និង Ang Thong ។លោកបន្តថា «និយាយដោយស្មោះត្រង់ ខ្ញុំភ្នាក់ផ្អើលជាខ្លាំង ដែលទីបំផុតខ្ញុំបានធ្វើវាបាន ពោលក្រោយពេលខ្ញុំបានសន្លប់ជាង៤០ថ្ងៃ»៕ ប្រភពពី The Nation
-
ប្រធានាធិបតីឥណ្ឌូនេស៊ីអំពាវនាវអោយអាស៊ានបើកកិច្ចប្រជុំកម្រិតខ្ពស់មួយស្តីពីវិបត្តិនៅមីយ៉ាន់ម៉ា
មីយ៉ាន់ម៉ា៖ ប្រធានាធិបតីឥណ្ឌូនេស៊ីលោក ចូកូ វីដូដូ (Joko Widodo) នៅថ្ងៃសុក្រនេះ បានធ្វើការអំពាវនាវអោយមានការស្តារឡើងវិញនូវលទ្ធិប្រជាធិបតេយ្យ និងបញ្ឈប់ការប្រើហិង្សាក្នុងប្រទេសមីយ៉ាន់ម៉ា ក៏ដូចជាស្នើអោយមេដឹកនាំប្រជាជាតិអាស៊ីអាគ្នេយ៍ ដែលហៅកាត់ថា អាស៊ាន រៀបចំកិច្ចប្រជុំកម្រិតខ្ពស់មួយ ដើម្បី ពិភាក្សាស្តីពីស្ថានការណ៍នៅមីយ៉ាន់ម៉ា ។ ប្រធានាធិបតីឥណ្ឌូនេស៊ីរូបនេះបានថ្លែងនៅក្នុងសន្ទរកថាមួយតាមអនឡាញថា ខ្ញុំសូមអំនាវពាវជាបន្ទាន់អោយប្រទេសប្រ៊ុយណេ ដែលជាប្រធានដឹកនាំអាស៊ាន បើកកិច្ចប្រជុំកម្រិតខ្ពស់មួយរបស់អាស៊ាន អោយបានឆាប់តាមដែលអាចធ្វើបាន ដើម្បីធ្វើកិច្ចពិភាក្សាស្តីពីវិបត្តិនៅមីយ៉ាន់ម៉ា ។ ប្រ៊ុយណេបច្ចុប្បន្នជាប្រធាននៃសមាគមប្រជាជាតិអាស៊ីអាគ្នេយ៍ ដែលមានសមាជិកចំនួន១០ប្រទេស ។ សូមរំលឹកផងដែរថា កន្លងមក ប្រទេសឥណ្ឌូនេស៊ីក៏បានជួបពិភាក្សាគ្នាទាំងយោធាមីយ៉ាន់ម៉ា និងតំណាងរដ្ឋាភិបាលជាប់ឆ្នោតដែលត្រូវបណ្តេញចេញពីអំណាចកាលពីខែមុនផងដែរ ក្នុងគោលបំណងបញ្ចប់វិបត្តិ ពាក់ព័ន្ធនឹងការធ្វើរដ្ឋប្រហារយោធាថ្ងៃទី១ ខែកុម្ភៈកន្លងទៅ ៕ ប្រភព៖ AP