-
ទីបំផុតហ្វីលីពីនបើកភ្លើងខៀវអោយប្រើប្រាស់វ៉ាក់សាំង Sputnik V របស់រុស្ស៊ី ក្នុងករណីបន្ទាន់
ហ្វីលីពីន៖ រដ្ឋបាលចំណីអាហារ និងឱសថ (FDA) ហ្វីលីពីន នៅថ្ងៃសុក្របញ្ជាក់ថា ហ្វីលីពីនបានសម្រេចអនុម័តអោយប្រើប្រាស់វ៉ាក់សាំងបង្ការជំងឺ COVID-19 ដែលមានឈ្មោះថា Sputnik V របស់រុស្ស៊ី នៅក្នុងករណីបន្ទាន់ ចំពេលដែលហ្វីលីពីនប្រយុទ្ធប្រឆាំងនឹងការកើនឡើងករណីឆ្លងវីរុសដ៏កាចសាហាវនេះសាជាថ្មី ។ ស្របពេលជាមួយគ្នានេះដែរ រដ្ឋបាលចំណីអាហារ និងឱសថ (FDA) ហ្វីលីពីន លោក រ៉ូឡេនដូ អ៊ែនរីក ដូមីងហ្គោ (Rolando Enrique Domingo) បានថ្លែងក្នុងសន្និសីទសារព័ត៌មានថា វ៉ាក់សាំងរុស្ស៊ី Sputnik V របស់វិទ្យាស្ថាន ហ្គាម៉ាឡេយ៉ា(Gamaleya) គឺមានសក្ដានុពលផលប្រយោជន៍ លើសពីសក្ដានុពលហានិភ័យ ។ លោកបានសង្កត់ធ្ងន់ថា លទ្ធផលបឋមបង្ហាញថា វ៉ាក់សាំង Sputnik V ចំនួន២ដូស មានប្រសិទ្ធភាពរហូតដល់៩១.៦ភាគរយ ចំពោះមនុស្សមានវ័យ១៨ឆ្នាំ និងមានវ័យចំណាស់ ។ កាលពីខែកុម្ភៈកន្លងទៅ អាជ្ញាធរសុខាភិបាលក្នុងប្រទេសវៀតណាមក៏ស្នើអោយមានការអនុម័តប្រើប្រាស់វ៉ាក់សាំង Sputnik V របស់រុស្ស៊ីផងដែរ ។ គួរបញ្ជាក់ថា វ៉ាក់សាំង Sputnik…
-
ហ្វីលីពីនឲ្យប្រើបន្ទាន់ វ៉ាក់សាំងកូវីដ១៩ របស់រុស្ស៊ី ជាវ៉ាក់សាំងទី៤ក្នុងប្រទេស
ហ្វីលីពីនបានសម្រេចឲ្យប្រើប្រាស់បន្ទាន់នូវវ៉ាក់សាំងបង្ការជំងឺកូវីដ១៩ Sputnik V ផលិតនៅប្រទេសរុស្ស៊ី នេះបើតាមរដ្ឋបាលថ្នាំនិងអាហារប្រទេសហ្វីលីពីន នាថ្ងៃទី១៩ មីនា ២០២១នេះ ជាការសម្រេចខណៈដែលហ្វីលីពីនកំពុងរីករាលដាលខ្លាំងនៃជំងឺកូវីដ១៩។ វ៉ាក់សាំងផលិតដោយវិទ្យាស្ថាន Gamaleya របស់រុស្ស៊ីគឺជាវ៉ាក់សាំងទី៤ហើយ ដែលត្រូវបានសម្រេចឲ្យប្រើប្រាស់បន្ទាន់ ក្នុងប្រទេសហ្វីលីពីន។ ហ្វីលីពីនគ្រោងនឹងចាក់វ៉ាក់សាំង ជាង១៤០លានដូស នៅត្រឹមខែធ្នូ ២០២១ ចាក់ជូនពលរដ្ឋ៧០លាននាក់។ ហ្វីលីពីនបានចាប់ផ្តើមកម្មវិធីចាក់វ៉ាក់សាំង កាលពីថ្ងៃទី១ មីនា ហើយបានទទួល១.១២៥លានដូស នូវវ៉ាក់សាំង Sinovac និង AstraZeneca។ ហ្វីលីពីនជាប់ចំណាត់ថ្នាក់លេខ២ ជាប្រទេសឆ្លងជំងឺកូវីដ១៩ច្រើនជាងគេ ប្រចាំតំបន់អាស៊ីអាគ្នេយ៍ ក្នុងនោះ ថ្មីៗនេះកំពុងប្រឈមនឹងការឆ្លងខ្លាំងវិញ ដោយមនុស្សជិត២ម៉ឺននាក់បានឆ្លង ក្នុងពេល៤ថ្ងៃ៕
-
ម៉ាឡេស៊ីផ្តើមចាក់វ៉ាក់សាំងចិនបង្ការកូវីដ១៩ដែរហើយ បន្ទាប់ពីចាក់វ៉ាក់សាំងអាមេរិក
កាលពីថ្ងៃទី ១៨ ខែមីនា២០២១ ប្រទេសម៉ាឡេស៊ីបានចាប់ផ្តើមយុទ្ធនាការចាក់វ៉ាក់សាំងបង្ការជំងឺ COVID-19 ជូនប្រជាជនរបស់ខ្លួន ដោយប្រើវ៉ាក់សាំងដែលផលិតឡើងដោយក្រុមហ៊ុនចិន Sinovac។ វ៉ាក់សាំង Sinovac គឺជាវ៉ាក់សាំង COVID-19 ទី២ សម្រាប់ប្រើក្នុងការចាក់ជូនប្រជាជនរបស់ម៉ាឡេស៊ី បន្ទាប់ពីវ៉ាក់សាំងដែលត្រូវបានបង្កើតដោយ Pfizer-BioNTech។ រដ្ឋមន្រ្តីវិទ្យាសាស្ត្រ បច្ចេកវិទ្យា និងច្នៃប្រឌិតរបស់ប្រទេសម៉ាឡេស៊ីលោក Khairy Jamaluddin បានក្លាយជាមនុស្សដំបូងគេដែលទទួលចាក់វ៉ាក់សាំង CoronaVac នៅក្នុងប្រទេសម៉ាឡេស៊ី។ លោក Khairy ដែលក៏ជាប្រធានគណៈកម្មការសម្របសម្រួលសម្រាប់កម្មវិធីចាក់វ៉ាក់សាំងរបស់ម៉ាឡេស៊ីផងនោះ បានប្រាប់សន្និសីទសារព័ត៌មានបន្ទាប់ពីទទួលចាក់វ៉ាក់សាំងនេះរួចថា លោកមានអារម្មណ៍ល្អធម្មតាទេ។ រដ្ឋមន្រ្តីរូបនេះបានសង្កត់ធ្ងន់ថា វ៉ាក់សាំង Sinovac ត្រូវបានប្រើនៅក្នុងប្រទេសជាច្រើន និងដោយមេដឹកនាំប្រទេសជាច្រើនផងដែរ ក្នុងនោះរួមមានទាំងប្រធានាធិបតីឥណ្ឌូនេស៊ីលោក Joko Widodo និងប្រធានាធិបតីតួកគីលោក Recep Tayyip Erdogan៕
-
សហរដ្ឋអាមេរិកនិយាយថា សកម្មភាពរបស់ចិនបានគំរាមកំហែងដល់ស្ថិរភាពសកលលោក ក្នុងអំឡុងកិច្ចប្រជុំកំពូលទ្វេភាគីក្នុងរដ្ឋអាឡាស្កា
អាមេរិក៖ រដ្ឋមន្ត្រីការបរទេសអាមេរិកលោក អាន់តូនី ប្លីងគែន បានគូសបញ្ជាក់ថា សកម្មភាពរបស់ចិនកំពុងគំរាមកំហែងដល់ស្ថិរភាពសកលលោក ខណៈអះអាងបែបនេះធ្វើឡើងអំឡុងពិធីបើកកិច្ចប្រជុំកម្រិតខ្ពស់ ជាមួយសមាជិកការិយាល័យនយោបាយ នៃគណបក្សកុម្មុយនិស្ដចិនលោក យ៉ាង ជីឈី និងរដ្ឋមន្ត្រីការបរទេសចិនលោក វ៉ាង យី ក្នុងរដ្ឋអាឡាស្កា ដែលមានរយៈពេល០២ថ្ងៃ គឺចាប់ពីថ្ងៃទី១៨ ដល់ថ្ងៃទី១៩ ខែមីនានេះ ។ លោក អាន់តូនី ប្លីងគែន បន្តថា ខាងភាគីអាមេរិកនឹងបើកការពិភាក្សាស្តីអំពីសកម្មភាពរបស់ចិន ក្នុងនោះរួមមានទាំងតំបន់ស៊ីនជាំង ជាទីដែលអាមេរិកចោទប្រកាន់ចិនថា បានប្រព្រឹត្តអំពើប្រល័យពូជសាសន៍ ប្រឆាំងជនជាតិដើមភាគតិចមូស្លីម អ៊ុយហ្គ័រ ខណៈទីក្រុងប៉េកាំងបានបដិសេធការចោទប្រកាន់នេះ និងបង្ហាញភស្តុយ៉ាងច្រើនទៅដល់អន្តរជាតិវិញរួចទៅ ។ លោកបន្ថែមថា សំណុំរឿងទីក្រុងហុងកុង កោះតៃវ៉ាន់ និងការវាយប្រហារព័ត៌មានវិទ្យាលើអាមេរិក ព្រមទាំងការគំរាមកំហែងផ្នែកសេដ្ឋកិច្ចប្រឆាំងនឹងសម្ព័ន្ធមិត្ត ក៏នឹងត្រូវបានលើកឡើងនៅក្នុងកិច្ចប្រជុំជាមួយប្រមុខការទូតចិនទាំងពីរផងដែរ ។ ជាការឆ្លើយតប លោក យ៉ាង ជីឈី អះអាងថា ចិនប្រឆាំងជាដាច់ខាត ចំពោះការលូកលាន់កិច្ចការផ្ទៃក្នុងរបស់ចិន ហើយបានអំពាវនាវឱ្យអាមេរិកបញ្ឈប់ជាបន្ទាន់នូវចិត្តសាស្ត្រសង្រ្គាមត្រជាក់ ។ លោកបានសង្កត់ធ្ងន់ថា អាមេរិកតែងតែប្រើប្រាស់កម្លាំងយោធា និងហិរញ្ញវត្ថុ ដើម្បីគំរាមកំហែង និងដាក់សម្ពាធលើបណ្ដាប្រទេសដទៃ ៕…
-
កូរ៉េខាងជើងនិយាយថា ខ្លួននឹងផ្តាច់ទំនាក់ទំនងជាមួយម៉ាឡេស៊ី ដោយសារតែការធ្វើបត្យាប័នពលរដ្ឋខ្លួនទៅសហរដ្ឋអាមេរិក
កូរ៉េខាងជើង៖ កូរ៉េខាងជើងនៅថ្ងៃសុក្រនេះប្រកាសថា ខ្លួននឹងផ្តាច់ទំនាក់ទំនងការទូតជាមួយម៉ាឡេស៊ី បន្ទាប់ពីតុលាការប្រទេសនេះ បានធ្វើបត្យាប័នពលរដ្ឋកូរ៉េខាងជើងទៅកាន់សហរដ្ឋអាមេរិក ដែលប្រឈមនឹងការចោទប្រកាន់ពីបទលាងលុយកខ្វក់ ។ បើតាមសេចក្តីថ្លែងការណ៍របស់ក្រសួងការបរទេសកូរ៉េខាងជើង ដែលចុះផ្សាយដោយទីភ្នាក់ងារសារព័ត៌មានរដ្ឋរបស់ខ្លួន KCNA បានបញ្ជាក់ថា នៅថ្ងៃទី១៧ ខែមីនាកន្លងមកនេះ អាជ្ញាធរម៉ាឡេស៊ីបានប្រព្រឹត្តបទឧក្រិដ្ឋមិនអាចលើកលែងឱ្យបាន… ក្នុងការបញ្ជូនពលរដ្ឋស្លូតត្រង់របស់កូរ៉េខាងជើងទៅសហរដ្ឋអាមេរិក ។ ជុំវិញបញ្ហានេះដែរ ក្រសួងការបរទេសកូរ៉េខាងជើងនឹងប្រកាសផ្តាច់ទំនាក់ទំនងការទូតជាមួយម៉ាឡេស៊ីទាំងស្រុង ដោយរិះគន់អ្វីដែលខ្លួនហៅថា សកម្មភាពអរិភាពដែលបានប្រព្រឹត្តប្រឆាំងនឹងទីក្រុងព្យុងយ៉ាង ស្ថិតក្រោមសម្ពាធរបស់អាមេរិក ។ គួរបញ្ជាក់ថា កាលពីថ្ងៃទី៣ ខែមីនា បុរសជនជាតិកូរ៉េខាងជើងឈ្មោះ មុន ឈុល ម្យុង បានចាញ់ក្តីចុងក្រោយនៅឯតុលាការកំពូលរបស់ម៉ាឡេស៊ី ប្រឆាំងនឹងការធ្វើបត្យាប័នទៅកាន់សហរដ្ឋអាមេរិក ដើម្បីប្រឈមនឹងការចោទប្រកាន់ពីបទលាងលុយកខ្វក់ ។ លោក មុន ដែលរស់នៅក្នុងប្រទេសម៉ាឡេស៊ីមួយទសវត្សរ៍ជាមួយក្រុមគ្រួសាររបស់គាត់ ត្រូវបានចាប់ខ្លួនក្នុងឆ្នាំ២០១៩ បន្ទាប់ពីមានការស្នើសុំធ្វើបត្យាប័នពីទីក្រុងវ៉ាស៊ីនតោន ៕ ប្រភព៖ Reuters
-
ទីបំផុតអាល្លឺម៉ង់ បារាំង និងប្រជាជាតិនៅប្លុកអឺរ៉ុបដទៃទៀតប្រកាសពីគម្រោងបន្តការប្រើប្រាស់វ៉ាក់សាំងរបស់ AstraZeneca ឡើងវិញ
បរទេស៖ អាល្លឺម៉ង់ បារាំង និងប្រជាជាតិនៅប្លុកអឺរ៉ុបដទៃទៀតបានប្រកាសពីផែនការបន្តការប្រើប្រាស់វ៉ាក់សាំងបង្ការជំងឺកូវីដ១៩ ដែលផលិតឡើងដោយក្រុមហ៊ុនអង់គ្លេស អាស្រ្តាហ្សេណេកា នៅថ្ងៃព្រហស្បតិ៍នេះ បន្ទាប់ពីនិយ័តករអឺរ៉ុប និងអង់គ្លេសបានផ្តល់នូវទំនុកចិត្តក្នុងការប្រើប្រាស់ ដោយនិយាយថា វ៉ាក់សាំងនេះមានអត្ថប្រយោជន៍ ច្រើនជាងហានិភ័យ ។ ការសន្និដ្ឋានយ៉ាងច្បាស់របស់ទីភ្នាក់ងារឱសថអឺរ៉ុប (EMA) បានបង្ហាញបែបនេះ បន្ទាប់ពីការស៊ើបអង្កេតលើករណីជំងឺឈាមមិនធម្មតា៣០ករណី បានបញ្ជាក់ថា វ៉ាក់សាំងមានអត្ថប្រយោជន៍ក្នុងការការពារមនុស្សពីការស្លាប់ ឬ ពាក់ព័ន្ធនឹងមេរោគដែលទាក់ទងនឹងវីរុសកូរ៉ូណា ខ្ពស់ជាងហានិភ័យដែលអាចកើតមាន ។ ជាមួយគ្នានេះ អគ្គនាយក ទីភ្នាក់ងារឱសថអឺរ៉ុប (EMA) លោកស្រី Emer Cooke បានថ្លែងក្នុងសន្និសិទកាសែតខ្លីមួយថា នេះគឺជាវ៉ាក់សាំងមានសុវត្ថិភាព និងប្រសិទ្ធិភាព… ប្រសិនបើវាជាខ្ញុំនោះ ខ្ញុំនឹងទទួលការចាក់វ៉ាក់សាំងបង្ការនេះនៅថ្ងៃស្អែក ។ ទោះជាយ៉ាងណាក៏ដោយ វាអាស្រ័យលើរដ្ឋនីមួយៗរបស់សហភាពអឺរ៉ុប ក្នុងការសម្រេចថាតើពេលណាត្រូវចាប់ផ្តើមចាក់វ៉ាក់សាំងរបស់ក្រុមហ៊ុន អាស្រ្តាហ្សេណេកា ឡើងវិញ ខណៈប្រទេសស៊ុយអែតបាននិយាយថា ខ្លួនត្រូវការពេលវេលាពីរបីថ្ងៃដើម្បីសម្រេចចិត្ត ៕ ប្រភព៖ Reuters
-
រដ្ឋាភិបាលយោធាមីយ៉ាន់ម៉ាចោទប្រកាន់លើលោកស្រី អោង សាន ស៊ូជី បន្ថែមទៀតពីបទពុករលួយ
មីយ៉ាន់ម៉ា៖ រដ្ឋាភិបាលយោធាមីយ៉ាន់ម៉ាបានចោទប្រកាន់លើលោកស្រី អោង សាន ស៊ូជី បន្ថែមទៀតពីបទពុករលួយ ខណៈមេធាវីលោកស្រី ស៊ូជី និយាយថា ការចោទប្រកាន់ទាំងនោះសុទ្ធតែគ្មានមូលដ្ឋានច្បាស់លាស់ ដោយស្ថិតក្នុងគោលដៅធ្វើឲ្យលោកស្រីគ្មានថ្ងៃអាចវិលទៅធ្វើនយោបាយវិញបាន ។ កាលពីយប់ថ្ងៃពុធសប្តាហ៍នេះ ប្រព័ន្ធផ្សព្វផ្សាយយោធាមីយ៉ាន់ម៉ាបានផ្សាយវីដេអូមួយបង្ហាញពីអ្នកជំនួញមីយ៉ាន់ម៉ាម្នាក់ឆ្លើយសារភាពថា ធ្លាប់បានសូកប៉ាន់លោកស្រី ស៊ូជី ជាទឹកប្រាក់សរុប៥៥ម៉ឺនដុល្លារ ហើយអាជ្ញាធរកំពុងតែត្រៀម ចោទប្រកាន់លោកស្រីបន្ថែមទៀត យោងទៅតាមច្បាប់ប្រឆាំងអំពើពុករលួយ ។ កន្លងទៅយោធាមីយ៉ាន់ម៉ាក៏បានចោទប្រកាន់លោកស្រីពីបទពុករលួយប៉ុន្មានករណីផ្សេងទៀតផងដែរ គឺការទទួលយកលុយប្រមាណ៦០ម៉ឺនដុល្លារ និងមាសជាង១០គីឡូក្រាម ។ ពាក់ព័ន្ធការចោទប្រកាន់ទាំងអស់នេះមកលើលោកស្រី ស៊ូជី មេធាវីលោកស្រីគឺលោក ឃីន ម៉ងហ្សរ នៅថ្ងៃព្រហស្បតិ៍នេះ បានថ្លែងប្រាប់ក្រុមអ្នកសារព័ត៌មានថា ការចោទប្រកាន់ទាំងឡាយសុទ្ធតែត្រូវបានធ្វើឡើង ដោយពុំមានមូលដ្ឋានច្បាស់លាស់ទាំងអស់ តែអាចមានលទ្ធភាពធ្វើឲ្យខូចឈ្មោះលោកស្រី ហើយមិនអាចឲ្យលោកស្រីចូលរួមធ្វើសកម្មភាពនយោបាយតទៅទៀតបាន ៕ ប្រភព៖ CNA
-
អ្នកឆ្លង COVID-19 នៅទូទាំងពិភពលោកកើនឡើង១២២លាន៣៦ម៉ឺននាក់ ក្នុងនោះស្លាប់២លាន៧០ម៉ឺននាក់ និងជាសះស្បើយ៩៨លាន៦៥ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន១២២លាន៣៦ម៉ឺន៧ពាន់៦៧៦ករណី ក្នុងនោះមានអ្នកជម្ងឺសរុបចំនួន២លាន៧០ម៉ឺន៣ពាន់១៧៦នាក់ស្លាប់ និង ជាសះស្បើយឡើងវិញសរុបចំនួន៩៨លាន៦៥ម៉ឺន៨ពាន់៨៤៦នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី១៩ ខែមិនា ឆ្នាំ២០២១ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន៣០លាន៣៥ម៉ឺន៨ពាន់៨៨០នាក់ ស្លាប់ចំនួន៥៥ម៉ឺន២ពាន់៤៧០នាក់ និងជាសះស្បើយចំនួន២២លាន៥២ម៉ឺន៣ពាន់៧៩៩នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសប្រេស៊ីល ដោយមានអ្នកឆ្លងចំនួន១១លាន៧៨ម៉ឺន៧ពាន់៦០០នាក់ ស្លាប់២៨ម៉ឺន៧ពាន់៧៩៥នាក់ និងជាសះស្បើយ១០លាន៣៣ម៉ឺន៩ពាន់៤៣២នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសឥណ្ឌា ដោយមានអ្នកឆ្លងចំនួន១១លាន៥១ម៉ឺន៣ពាន់៩៤៥នាក់ ស្លាប់ចំនួន១៥ម៉ឺន៩ពាន់៤៥០នាក់ និងជាសះស្បើយ១១លាន៨ម៉ឺន១ពាន់៥០៨នាក់ ៕ ប្រភព៖ worldometers
-
ព័ត៌មានអន្តរជាតិសំខាន់ៗថ្ងៃទី១៨ ខែមីនា ឆ្នាំ២០២១ (មានវីដេអូ)
-
បារាំងផ្ទុះកូវីដ១៩ដ៏ខ្លាំងឡើងវិញ ១ថ្ងៃ ឆ្លងជិត៤ម៉ឺននាក់ ជាពិសេស វីរុសបម្លែងថ្មី
កាលពីថ្ងៃពុធទី១៧មីនា ២០២១ ម្សិលមិញ ប្រទេសបារាំងបានឃើញនូវការឆ្លងជំងឺកូវីដ១៩ កើនឡើងដ៏ធំបំផុត ក្នុងរយៈពេលមួយថ្ងៃ ពោលគឺចាប់តាំងពីការបិទប្រទេសលើកទី ២កាលពីខែវិច្ឆិកាមក ហើយរដ្ឋាភិបាលកំពុងត្រៀមរឹតបន្តឹងបន្ថែមទៀតលើបម្លាស់ទីរបស់ប្រជាជន។ ក្រសួងសុខាភិបាលបានរាយការណ៍ករណីឆ្លងថ្មីចំនួន ៣៨៥០១ នាក់ ដែលជំរុញឱ្យចំនួនឆ្លងសរុបក្នុងអំឡុងជំងឺរាតត្បាតឡើងដល់ ៤លាន១សែន៥ម៉ឺននាក់លាននាក់។ ករណីថ្មីៗជាមធ្យមក្នុងអំឡុង៧ថ្ងៃបានកើនឡើងដល់ជាង ២៦០០០ នាក់។ រដ្ឋាភិបាលនឹងរឹតបន្តឹងកាន់តែខ្លាំងនឹងត្រូវបានដាក់ចេញនៅក្នុងតំបន់មួយចំនួនរួមទាំងទីក្រុងប៉ារីសចាប់ពីចុងសប្តាហ៍នេះដើម្បីទប់ទល់នឹងការរីករាលដាលនៃមេរោគ។ វីរុសកូវីដបម្លែងថ្មី ដែលគេសង្ស័យផ្ទុះចេញពីប្រទេសអង់គ្លេសកំពុងរាលដាលខ្លាំងនៅអឺរ៉ុប ហើយបានធ្លាយដល់ទ្វីបផ្សេងៗ ដូចជាអាស៊ីថែមទៀត៕