-
ទីបំផុតលោក ចូ បៃដិន ចុះហត្ថលេខាលើសេចក្តីព្រាងច្បាប់ នៃកញ្ចប់ថវិកាសង្គ្រោះ១,៩ទ្រីលានដុល្លារ ដើម្បីអោយក្លាយទៅជាច្បាប់ជាផ្លូវការហើយ
អាមេរិក៖ ប៉ុន្មានម៉ោងក្រោយចុះហត្ថលេខាលើសេចក្ដីព្រាងច្បាប់ នៃកញ្ចប់ថវិកាសង្រ្គោះទំហំ១,៩ទ្រីលានដុល្លារ ដើម្បីឱ្យវាក្លាយទៅជាច្បាប់ជាផ្លួវការនៅថ្ងៃព្រហស្បតិ៍ម្សិលមិញ លោកប្រធានាធិបតី ចូ បៃដិន គ្រោងនឹងថ្លែងសុន្ទករថាមួយតាមកញ្ចក់ទូរទស្សន៍នៅថ្ងៃសុក្រនេះតាមកញ្ចក់ទូរទស្សន៍ ដើម្បីប្រកាសពីការបង្កើនល្បឿនចាក់វ៉ាក់សាំង សំដៅធ្វើឱ្យសហរដ្ឋអាមេរិកត្រឡប់ទៅស្ថានភាពប្រក្រតីឡើងវិញនៅត្រឹមថ្ងៃទី០៤ ខែកក្កដាខាងមុខនេះ ។ លោក ចូ បៃដិន បានថ្លែងមុនពេលចុះហត្ថលេខាថា ច្បាប់ជាប្រវត្តិសាស្ត្រនេះ គឺនិយាយអំពីការកសាងឆ្អឹងខ្នងរបស់សហរដ្ឋអាមេរិកឡើងវិញ និងផ្តល់ឱ្យប្រជាជននៅក្នុងប្រទេសនេះ ពោលគឺអ្នកធ្វើការ, មនុស្សវណ្ណៈកណ្តាល និងមនុស្សដែលកសាងប្រទេសនេះនូវឱកាសតស៊ូ ។ សូមជម្រាបថា កញ្ចប់ថវិកាសង្រ្គោះទំហំ១.៩ទ្រីលានដុល្លារ ដែលត្រូវបានសភាទាំងពីររបស់សហរដ្ឋអាមេរិកអនុម័តរួចដែរនោះ គឺជាកញ្ចប់ថវិកាសង្រ្គោះដែលមានទំហំធំបំផុតនៅក្នុងប្រវត្តិសាស្រ្តរបស់សហរដ្ឋអាមេរិក ហើយវាក៏ជាជ័យជម្នះធំធេងមួយជាលើកដំបូងសម្រាប់លោក បៃដិន ចាប់តាំងពីលោកបានឡើងកាន់អំណាច កាលពីខែមករាមកផងដែរ ៕ ប្រភព៖ Reuters
-
អ្នកជំនាញកំពូលរបស់អង្គការសហប្រជាជាតិបញ្ជាក់ថា យោធាមីយ៉ាន់ម៉ាទំនងជាស្ថិតនៅក្រោយឧក្រិដ្ឋកម្មប្រឆាំងនឹងមនុស្សជាតិ
បរទេស៖ អ្នកជំនាញកំពូលរបស់អង្គការសហប្រជាជាតិ ទទួលបន្ទុកផ្នែកសិទ្ធិមនុស្សប្រចាំប្រទេសមីយ៉ាន់ម៉ា លោក ថូម៉ាស អេនឌ្រូ (Thomas Andrew) បាននិយាយថា យោធាមីយ៉ាន់ម៉ាទំនងជាបានប្រព្រឹត្តឧក្រិដ្ឋកម្មប្រឆាំងនឹងមនុស្សជាតិ ក្នុងការប៉ុនប៉ងបន្តកាន់កាប់អំណាច ហើយថា យ៉ាងហោចណាស់មានមនុស្ស៧០នាក់ត្រូវបានគេរាយការណ៍ថា បានស្លាប់ ចាប់តាំងពីព្រឹត្តិការណ៍រដ្ឋប្រហារកាលពីថ្ងៃទី១ ខែកុម្ភៈកន្លងទៅ ។ អ្នកជំនាញកំពូលផ្នែកសិទ្ធិមនុស្សរូបនេះ បានប្រាប់ក្រុមប្រឹក្សាសិទ្ធិមនុស្សអង្គការសហប្រជាជាតិនៅទីក្រុងហ្សឺណែវ ប្រទេសស្វីសថា ប្រទេសមីយ៉ាន់ម៉ាត្រូវបានគ្រប់គ្រងដោយរបបឃាតករខុសច្បាប់ ដែលទំនងជាប្រព្រឹត្តឧក្រិដ្ឋកម្មប្រឆាំងនឹងមនុស្សជាតិ ។ លោក អេនឌ្រូ បន្ថែមទៀតថា ឧក្រិដ្ឋកម្មទាំងនេះ ទំនងជារួមមាន អំពើឃាតកម្ម, ការបាត់ខ្លួនទាំងបង្ខំ, ការធ្វើទុក្ខបុកម្នេញ និង ការធ្វើទារុណកម្មដែលត្រូវបានអនុវត្តតាមបញ្ជារបស់ថ្នាក់ដឹកនាំជាន់ខ្ពស់ រួមទាំងមេដឹកនាំយោធា លោក មីង អោង ហ្លេង ។ ទន្ទឹមនឹងការសង្កត់ធ្ងន់ថា បទល្មើសបែបនេះ អាចត្រូវបានកំណត់តែនៅក្នុងតុលាការនោះ លោក អេនឌ្រូ ក៏បានអះអាងដែរថា មានភស្តុតាងច្បាស់លាស់ដែលថា ឧក្រិដ្ឋកម្មរបស់យោធាកំពុងរីករាលដាល និងជាផ្នែកមួយ នៃយុទ្ធនាការដែលមានការសម្របសម្រួល ៕ ប្រភព៖ AFP
-
យោធាមីយ៉ាន់ម៉ាបន្ថែមការចោទលើលោកស្រី អោង សាន ស៊ូជី ពាក់ព័ន្ធនឹងការទទួលសំណូកជាទឹកប្រាក់ និងមាស
មីយ៉ាន់ម៉ា៖ ឧត្តមសេនីយ៍ត្រី ច មីន ទុន ដែលជាអ្នកនាំពាក្យយោធាមីយ៉ាន់ម៉ាបានថ្លែងក្នុងសន្និសិទសារព័ត៌មានមួយពីរដ្ឋធានី ណៃពិដោ ថា មេដឹកនាំដែលត្រូវបណ្តេញចេញពីតំណែងលោកស្រី អោង សាន ស៊ូជី បានទទួលប្រាក់សំណូក៦០ម៉ឺនដុល្លារ រួមទាំងមាស កាលពីលោកស្រីនៅក្នុងរដ្ឋាភិបាល ។ លោកបន្តថា ព័ត៌មាននេះត្រូវបានបញ្ជាក់ថា ត្រឹមត្រូវ និងថា លោកប្រធានាធិបតី វីន ម្យីនត៍ បូករួមទាំងរដ្ឋមន្ត្រីក្នុងគណៈរដ្ឋមន្ត្រីមុន ក៏ជាប់ពាក់ព័ន្ធនឹងអំពើពុករលួយដែរ ហើយប្រធានាធិបតីបានគាបសង្កត់គណៈកម្មាធិការរៀបចំការបោះឆ្នោតជាតិ កុំអោយចាត់ការស៊ើបអង្កេតលើរបាយការណ៍របស់យោធា ដែលថា មានភាពមិនប្រក្រតីអំពីការបោះឆ្នោត ។ វាជាការចោទប្រកាន់ធ្ងន់ធ្ងរបំផុត ក្នុងចំណោមការចោទប្រកាន់នានា ដែលពួកយោធាបានដាក់លើមេដឹកនាំគណបក្សសម្ព័ន្ធជាតិដើម្បីលទ្ធិប្រជាធិបតេយ្យរូបនេះ ចាប់តាំងពីខ្លួនធ្វើរដ្ឋប្រហារបណ្តេញរដ្ឋាភិបាលរបស់លោកស្រី កាលពីថ្ងៃ០១ ខែកុម្ភៈមក ។ ទាំងលោកស្រី ស៊ូជី និងលោកប្រធានាធិបតី វីន ម្សីនត៍ កំពុងនៅក្នុងការឃុំខ្លួនក្នុងផ្ទះ ៕ ប្រភព៖ Reuters
-
វ៉ាក់សាំងរបស់ក្រុមហ៊ុន Novavax មានប្រសិទ្ធភាព៩៦ភាគរយប្រឆាំងជំងឺ Covid-19 ទម្រង់ដើម និង ៨៦ភាគរយប្រឆាំងវីរុសបំប្លែងខ្លួនប្រភេទថ្មីនៅចក្រភពអង់គ្លេស
អង់គ្លេស៖ វ៉ាក់សាំង Covid-19 របស់ក្រុមហ៊ុន Novavax មានប្រសិទ្ធភាព៩៦ភាគរយ ក្នុងការការពារករណីឆ្លងដែលបង្កឡើងដោយវីរុសដើម ខណៈលទ្ធផលនេះត្រូវបានបង្ហាញក្នុងការសាកល្បងដំណាក់កាលចុងក្រោយនៅចក្រភពអង់គ្លេស និង មិនមានករណីនៃជំងឺធ្ងន់ធ្ងរ ឬការស្លាប់ក្នុងចំណោមអ្នកដែលបានចាក់វ៉ាក់សាំងនោះទេ ។ វ៉ាក់សាំងនេះក៏មានប្រសិទ្ធិភាពប្រហែល៨៦ភាគរយ ក្នុងការការពារប្រឆាំងនឹងវីរុសបំប្លែងខ្លួនប្រភេទថ្មីដែលត្រូវបានរកឃើញដំបូង ហើយឥឡូវនេះកំពុងរាលដាលនៅចក្រភពអង់គ្លេសដែរ ។ ជារួម វាមានប្រសិទ្ធិភាពប្រហែល៩០ភាគរយ បើបូកទិន្នន័យពីអ្នកដែលឆ្លងវីរុសទាំងពីរ ។ សូមបញ្ជាក់ផងដែរថា ក្រុមហ៊ុន Novavax បានចាប់ផ្តើមដាក់បញ្ចូលទិន្នន័យវ៉ាក់សាំងរបស់ខ្លួន ទៅទីភ្នាក់ងារគ្រប់គ្រងផលិតផលឱសថ និងសុខភាពអង់គ្លេស (MHRA) កាលពីពាក់កណ្តាលខែមករា ដើម្បីជួយពន្លឿនដំណើរការអនុម័តឲ្យប្រើប្រាស់ ។ វ៉ាក់សាំងនេះអាចត្រូវបានអនុញ្ញាតឲ្យប្រើប្រាស់នៅសហរដ្ឋអាមេរិក យ៉ាងឆាប់បំផុតត្រឹមខែឧសភាខាងមុខ ប្រសិនបើនិយ័តករអាមេរិកសម្រេចចិត្តថា ទិន្នន័យរបស់អង់ គ្លេស គឺគ្រប់គ្រាន់ដើម្បីធ្វើការសម្រេចចិត្ត ៕ ប្រភព៖ AP
-
អ្នកឆ្លង COVID-19 នៅទូទាំងពិភពលោកកើនឡើង១១៩លាន១១ម៉ឺននាក់ ក្នុងនោះស្លាប់២លាន៦៤ម៉ឺននាក់ និងជាសះស្បើយ៩៤លាន៧២ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន១១៩លាន១១ម៉ឺន៣ពាន់៩៥២ករណី ក្នុងនោះមានអ្នកជម្ងឺសរុបចំនួន២លាន៦៤ម៉ឺន១ពាន់៧៦២នាក់ស្លាប់ និង ជាសះស្បើយឡើងវិញសរុបចំនួន៩៤លាន៧២ម៉ឺន៤ពាន់៨៩២នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី១២ ខែមិនា ឆ្នាំ២០២១ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន២៩លាន៩២ម៉ឺន៥ពាន់៩០២នាក់ ស្លាប់ចំនួន៥៤ម៉ឺន៣ពាន់៧២១នាក់ និងជាសះស្បើយចំនួន២០លាន៧៩ម៉ឺន៧ពាន់២៩៨នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន១១លាន៣០ម៉ឺន៥ពាន់៩៧៩នាក់ ស្លាប់ចំនួន១៥ម៉ឺន៨ពាន់៣២៦នាក់ និងជាសះស្បើយ១០លាន៩៤ម៉ឺន៧ពាន់២៥២នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន ១១លាន២៨ម៉ឺន៤ពាន់២៦៩នាក់ ស្លាប់២៧ម៉ឺន៣ពាន់១២៤នាក់ និងជាសះស្បើយ៩លាន៩៥ម៉ឺន៨ពាន់៥៦៦នាក់ ៕ ប្រភព៖ worldometers
-
នាយករដ្ឋមន្ត្រីថៃលុបចោលកម្មវិធីចាក់វ៉ាក់សាំងកូវីដ១៩ ថ្ងៃនេះ
នាយករដ្ឋមន្ត្រីថៃ ប្រាយុទ្ធ ចាន់អូចា និងគណៈរដ្ឋមន្ត្រីបានលុបចោលការចាក់វ៉ាក់សាំងបង្ការជំងឺកូវីដ១៩ ដែលធ្លាប់បានគ្រោងថាត្រូវចាក់ នាថ្ងៃទី១២ មីនា ២០២១នេះ នេះបើតាមការចេញផផ្សាយរបស់សារព័ត៌មាន The Nation នាព្រឹកមិញនេះ។ យ៉ាងណាក៏ដោយ ក៏ពុំមានការបញ្ជាក់ពីមូលហេតុនៃការលុបចោលកម្មវិធីនេះទេ គ្រាន់តែបញ្ជាក់ថា នឹងមានចេញសេចក្តីថ្លែងការណ៍ផ្លូវការ នៅម៉ោង៩ព្រឹក ថ្ងៃនេះ។ ប៉ុន្តែ លោក ឧបនាយករដ្ឋមន្ត្រី ប្រាវីដ វង្សស៊ូវ៉ាន់ បានឆ្លើយតបនឹងអ្នកកាសែត កាលពីម្សិលមិញថា លោករវល់ពេក មិនអាចទៅចាក់វ៉ាក់សាំង AstraZeneca នាថ្ងៃទី១២ មីនានេះបានទេ។ គួរបញ្ជាក់ថា បច្ចុប្បន្ន ថៃមានវ៉ាក់សាំង២ប្រភេទ ក្នុងដៃ ដែលទើបបញ្ជូនមក ក្នុងនោះ រួមមានរបស់អង់គ្លេស AstraZeneca និងវ៉ាក់សាំងផលិតនៅប្រទេសចិន។ នាយករដ្ឋមន្ត្រីថៃធ្លាប់គ្រោងថានឹងចាក់វ៉ាក់សាំងអង់គ្លេស តែពេលនេះត្រូវបានលុបចោលកម្មវិធីនេះវិញ៕
-
ឯកអគ្គរដ្ឋទូតចិនប្រចាំអង្គការសហប្រជាជាតិលោកហ្សាងជុន បានអំពាវនាវរកការបន្ធូរបន្ថយវិបត្តិតានតឹង ក្នុង ប្រទេសមីយ៉ាន់ម៉ាដោយបានបញ្ជាក់ថាពេលនេះជាពេលវេលាបន្ធូរបន្ថយវិបត្តិ, ជាពេលវេលានៃការធ្វើកិច្ចការ ទូតនិងជាពេលវេលារកការចរចា
សម្តីអំពាវនាវរបស់ឯកអគ្គរដ្ឋទូតចិនកាលពីថ្ងៃទី១០មីនាបានធ្វើឡើងក្រោយ ពេលដែលក្រុមប្រឹក្សាសន្តិសុខអង្គការសហប្រជាជាតិយល់ស្របគ្នាក្នុងការថ្កោលទោសក្រុមយោធាមីយ៉ាន់ម៉ា ដែលធ្វើសកម្មភាពបណ្តេញរដ្ឋាភិបាលស្របច្បាប់របស់លោកស្រីអង់សានស៊ូជីចាប់តាំងពីដើមខែកុម្ភៈនោះមក ។ សេចក្តីថ្លែងការណ៍របស់ក្រុមប្រឹក្សាសន្តិសុខអង្គការសហប្រជាជាតិ បានសរសេរថាក្រុមប្រឹក្សាសន្តិសុខ ថ្កោលទោសយ៉ាងខ្លាំងក្លានូវការប្រើប្រាស់អំពើហិង្សាប្រឆាំងលើបាតុករអហិង្សាមីយ៉ាន់ម៉ា។ មន្ត្រីទូតចិនលោក ហ្សាងជុន បានថ្លែងថាប្រទេសចិនបានរួមចំណែកពិភាក្សាសេចក្តីថ្លែងការណ៍ក្នុងលក្ខណៈស្ថាបនា។ លោកបាន ថ្លែងបន្តថាវាសំខាន់ចាំបាច់ដែលសមាជិកក្រុមប្រឹក្សាសន្តិសុខត្រូវនិយាយក្នុងសម្លេងតែមួយ។ លោកបន្តថាប្រ ទេសចិនសង្ឃឹមថាសាររបស់ក្រុមប្រឹក្សាសន្តិសុខអង្គការសហប្រជាជាតិនឹងមានជាអំណោយផលធ្វើឲ្យស្ថាន ភាពធូរក្នុងប្រទេសមីយ់ាន់ម៉ា។ លោកបានបន្តទៀតថាសហគមន៍អន្តរជាតិគប្បីបង្កើតបរិយាកាលសម្រាប់គ្រប់ ភាគីមីយ៉ាន់ម៉ាទាំងអស់ថ្លែងបង្ហាញនូវគំនិតផ្សេងៗរបស់ពួកគេក្រោមក្របខណ្ឌច្បាប់និងរដ្ឋធម្មនុញ្ញ។ លោក ហ្សាងជុន បញ្ជាក់បន្ថែមទៀតថានយោបាយមិត្តភាពរបស់ចិនចំពោះមីយ៉ាន់ម៉ា គឺសម្រាប់គាំទ្រប្រជាជនមីយ៉ាន់ ម៉ា។ ប្រទេសចិនត្រៀមជាស្រេចធ្វើទំនាក់ទំនងជាមួយភាគីពាក់ព័ន្ធនិងសម្តែងតួនាទីស្ថាបនាដើម្បីបន្ធូរស្ថាន ការណ៍បច្ចុប្បន្ន។
-
មេបញ្ជាការជាន់ខ្ពស់អាមេរិកម្នាក់បានប្រាប់សភាអាមេរិកថាប្រទេសចិនកំពុងតម្លើងកងកម្លាំងយោធាវាយលុក ឥតស្រាកស្រាននិងពង្រីកកន្លែងកាន់កាប់របស់ខ្លួនក្នុងតំបន់ថែមទៀត
សេចក្តីរាយការណ៍ស៊ីអិនអិននិយាយ ថាចិនកំពុងបង្កើនកិច្ចប្រឹងប្រែងជំនួសអំណាចយោធាអាមេរិកក្នុងអាស៊ី។ ឧត្តមនាវី ឧត្តមនាវី លោកហ្វីលីព ដេវីដសុន មេ បញ្ជាការបញ្ជាការដ្ឋានឥណ្ឌូប៉ាស៊ីហ្វិករបស់អាមេរិក បានថ្លែងយ៉ាងនេះក្នុងការធ្វើសក្ខីកម្មបញ្ជាក់ចំពោះមុខ គណៈកម្មាធិការបំរើកិច្ចការប្រដាប់អាវុធរបស់ព្រឹទ្ធសភា។ ឧត្តមនាវីអាមេរិកដដែលបានបញ្ជាក់ថាក្នុងមួយជីវិត របស់លោកគឺលោកមិនអាចយល់នូវសមត្ថភាពខ្លះដែលគេបានដាក់រៀបចំក្នុងវិស័យនេះបើសិនជាមិនមែនជា ឥរិយាឈា្លនពាននោះទេ។ លោកបានបន្តថាលោកបានមើលឃើញចិនបានពង្រីកនូវប្រព័ន្ធនិងសមត្ថភាព ជា ច្រើន និងឥរិយាបថដែលបង្ហាញថាចិនចូលចិត្តក្នុងអំពើឈ្លានពាន។ ឧត្តមនាវី លោកហ្វីលីព ដេវីដសុន ដែល កំពុងស្ថិតក្នុងការ Lobby ស្វែងរកលុយច្រើនពាន់លានដុល្លារដើម្បីអាវុធថ្មីក្នុងតំបន់ប៉ាស៊ីហ្វិក បានប្រាប់សមាជិក សភាអាមេរិកទៀតថាការបង្កើនការបណ្តាក់ទុន គឺជាការចាំបាច់សម្រាប់ទប់ទល់នឹងមហិច្ឆិតាយោធារបស់ចិន ក្នុងតំបន់។ ក្នុងសម្តីដែលចាត់ទុកប្រទេសចិនជាគ្រោះគំរាមកំហែងសន្តិសុខយូរអង្វែងក្នុងសតវត្សទី២១ ឧត្តម នាវី ហ្វីលីព ដេវីដសុន បានចោទប្រទេសចិនទៀតថាកំពុងបង្កើនការអនុវត្តសកម្មភាពគំរាមកំហែង ដោយលើក អំពីសកម្មភាពយោធាចិននៅជុំវិញកោះតៃវ៉ាន់ ជាមួយនឹងជម្លោះព្រំដែនរវាងឥណ្ឌានិងសូម្បីតែនៅជុំវិញកោះ អាមេរិកក្នុងតំបន់ប៉ាស៊ីហ្វិក។
-
មន្រ្តីកំពូលអាមេរិក និង ប្រតិភូជាន់ខ្ពស់ចិនគ្រោងបើកកិច្ចពិភាក្សាដោយផ្ទាល់ក្នុងកម្រិតខ្ពស់ជាលើកដំបូង
អាមេរិក៖ រដ្ឋមន្រ្តីការបរទេសអាមេរិកលោក អាន់តូនី ប្លីនខិន (Antony Blinken) នឹងជួបពិភាក្សាជាមួយក្រុមមន្រ្តីកំពូលៗរបស់ប្រទេសចិននៅថ្ងៃទី១៨ខែមីនាខាង មុខ ក្នុងរដ្ឋអាឡាស់ស្កា (Alaska) ដែលនេះគឺជាការប្រាស្រ័យទាក់ទងគ្នាដោយផ្ទាល់ក្នុងកម្រិតខ្ពស់ជាលើកដំបូង រវាងប្រទេសមហាអំណាចពិភពលោកទាំងពីរ ស្ថិតក្រោមរដ្ឋបាលរបស់លោក ចូ បៃដិន ។ កិច្ចប្រជុំខាងលើនេះ ត្រូវបានរៀបចំឡើងក្នុងពេលដំណើរវិលត្រឡប់របស់លោក ប្លីនខិន ពីការធ្វើទស្សនកិច្ចក្រៅប្រទេសលើកដំបូងរបស់លោក ទៅកាន់ប្រទេសសម្ព័ន្ធមិត្តសំខាន់ៗរបស់សហរដ្ឋអាមេរិក គឺជប៉ុន និងកូរ៉េខាងត្បូង និងចំពេលដែលអាមេរិកកំពុងជំរុញផ្នែកការទូតដ៏សំខាន់មួយ ក្នុងគោលបំណងពង្រឹងសម្ព័ន្ធមិត្តនៅអាស៊ី និងអឺរ៉ុបដើម្បីប្រឆាំងនឹងឥទ្ធិពលរបស់ចិន ។ ជាមួយគ្នានេះ អ្នកនាំពាក្យសេតវិមានលោកស្រី ជេន ផ្សារគី (Jen Psaki) បាននិយាយថា ទីប្រឹក្សាសន្តិសុខជាតិអាមេរិកលោក ជេក ស៊ូលីវេន (Jake Sullivan) ក៏នឹងចូលរួមក្នុងកិច្ចប្រជុំដ៏សំខាន់នេះផងដែរ ជាមួយប្រតិភូកំពូលចិនលោក យ៉ាង ជីឈី (Yang Jiechi) និងលោក វ៉ាង យី ដែលជារដ្ឋមន្រ្តីការបរទេសចិន និងជាក្រុមប្រឹក្សារដ្ឋរបស់ប្រទេសចិន ។ យ៉ាងណាមិញ ស្ថានទូតចិនប្រចាំទីក្រុងវ៉ាស៊ីនតោន នៅពុំទាន់ធ្វើការឆ្លើយតបណាមួយភ្លាមៗ ចំពោះដំណឹងនៃកិច្ចប្រជុំខាងលើនេះនៅឡើយនោះទេ…
-
ទីបំផុតសំណើលើកញ្ចប់ថវិកាសង្គ្រាះចំនួន១,៩ទ្រីលានដុល្លាររបស់លោក ចូ បៃដិន ឈ្នះការអនុម័តចុងក្រោយនៅសភាហើយ
អាមេរិក៖ ទីបំផុតសមាជិកសភាតំណាងរាស្ត្រអាមេរិក បានអនុម័តលើកញ្ចប់ថវិកាសង្រ្គោះចំនួន១.៩ទ្រីលានដុល្លាររបស់លោក ចូ បៃដិនហើយ ដែលនេះគឺជាកញ្ចប់ថវិកាសង្រ្គោះដែលមានទំហំធំបំផុត នៅក្នុងប្រវត្តិសាស្រ្តរបស់សហរដ្ឋអាមេរិក ហើយវាក៏ជាជ័យជម្នះធំធេងមួយជាលើកដំបូងសម្រាប់លោក បៃដិន ចាប់តាំងពីលោកបានឡើងកាន់អំណាចកាលពីខែមករាមកផងដែរ ។ ក្នុងកញ្ចប់ថវិកាសង្រ្គោះដ៏ធំសម្បើមនេះ ក្នុងនោះរួមមាន៤០០ពាន់លានដុល្លារសម្រាប់ការផ្តល់ជាប្រាក់ឧបត្ថម្ភដោយផ្ទាល់ចំនួន១ពាន់៤រយដុល្លារដល់ពលរដ្ឋអាមេរិកភាគច្រើន និង ៣៥០ពាន់លានដុល្លារទៀតជាជំនួយដល់រដ្ឋ និងរដ្ឋាភិបាលក្នុងតំបន់ ក៏ដូចជាបង្កើនមូលនិធិលើការគំាទ្រសកម្មភាពចែកចាយវ៉ាក់សាំងផងដែរ ។ សូមជម្រាបថា សមាជិកសភាតំណាងរាស្ត្រអាមេរិកបានអនុម័តកញ្ចប់ថវិកាសង្រ្គោះខាងលើនេះ ក្នុងសំឡេងគាំទ្រ២២០ ទល់នឹង២១១សំឡេងជំទាស់ ។ បើតាមសេតវិមាននោះ ប្រធានាធិបតីអាមេរិកលោក ចូ បៃដិន នឹងចុះហត្ថលេខាលើសេច ក្ដីព្រាងច្បាប់ស្ដីពីកញ្ចប់ថវិកាខាងលើ ដើម្បីអោយវាក្លាយទៅជាច្បាប់ដាក់ឲ្យអនុវត្តនៅថ្ងៃ សុក្រ សប្ដាហ៍នេះ (ម៉ោងក្នុងតំបន់) ៕ ប្រភព៖ Reuters