-
អ្នកឆ្លង COVID-19 នៅទូទាំងពិភពលោកកើនឡើង១១៤លាន៦៨ម៉ឺននាក់ ក្នុងនោះស្លាប់២លាន៥៤ម៉ឺននាក់ និងជាសះស្បើយ៩០លាន២៤ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន១១៤លាន៦៨ម៉ឺន៦ពាន់៩៣៣ករណី ក្នុងនោះមានអ្នកជម្ងឺសរុបចំនួន២លាន៥៤ម៉ឺន៣ពាន់២៨៥នាក់ស្លាប់ និង ជាសះស្បើយឡើងវិញសរុបចំនួន៩០លាន២៤ម៉ឺន២ពាន់៣៣នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី០១ ខែមិនា ឆ្នាំ២០២១ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន២៩លាន២៥ម៉ឺន៥ពាន់៣៤៤នាក់ ស្លាប់ចំនួន៥២ម៉ឺន៥ពាន់៧៧៦នាក់ និងជាសះស្បើយចំនួន១៩លាន៦៩ម៉ឺន៤ពាន់៣០៦នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន១១លាន១១ម៉ឺន២ពាន់៥៦នាក់ ស្លាប់ចំនួន១៥ម៉ឺន៧ពាន់១៩៥នាក់ និងជាសះស្បើយ១០លាន៧៨ម៉ឺន៤ពាន់៥៦៨នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន ១០លាន៥៥ម៉ឺន១ពាន់២៥៩នាក់ ស្លាប់២៥ម៉ឺន៥ពាន់១៨នាក់ និងជាសះស្បើយ៩លាន៤១ម៉ឺន១ពាន់៣៣នាក់ ៕ ប្រភព៖ worldometers
-
កូវីដ១៩៖ រកឃើញប្រទេសទី២ដែលទើបបានវ៉ាក់សាំងពីមជ្ឈមណ្ឌល COVAX ខណៈកម្ពុជាត្រៀមទទួលដែរ
កូដឌីវ័រគឺជាប្រទេសទី២ដែលទទួលបានវ៉ាក់សាំងបង្ការជំងឺកូវីដ១៩ ពីមជ្ឈមណ្ឌល COVAX (កូវ៉ាក់) របស់អង្គការសុខភាពពិភពលោក ពោលគឺបន្ទាប់ពីប្រទេសហ្គាណា ដោយប្រទេសទំាំងពីរនេះសុទ្ធតែជាប្រទេសស្ថិតក្នុងទ្វីបអាហ្វ្រិក។ កូដឌីវ័រទទួលបាន៥០ម៉ឺន ៤ពាន់ដូស ជាវ៉ាក់សាំងអង់គ្លេស Oxford-AstraZeneca កាលពីចុងសប្តាហ៍ ហើយសរុបទាំងចំនួនបញ្ជូនទៅប្រទេសហ្គាណាដែរនោះ វ៉ាក់សាំងរបស់មជ្ឈមណ្ឌលនេះបញ្ជូនទៅតំបន់អាហ្វ្រិក មានជាង១លានដូសហើយ ដោយហេតុថា ហ្គាណា ទើបទទួលបាន៦០ម៉ឺនដូសនៃវ៉ាក់សាំង AstraZeneca នេះដែរ។ បន្ទាប់ពីកូដឌីវ័រ និងហ្គាណា ពេលនេះ មជ្ឈមណ្ឌលកូវ៉ាក់ក៏កំពុងត្រៀមដឹកជញ្ជូនវ៉ាក់សាំងរបស់ខ្លួនទៅកាន់បណ្តាប្រទេសផ្សេងៗទៀតដែរ ក្នុងនោះ កម្ពុជានឹងទទួលបានវ៉ាក់សាំងតាមរយៈកម្មវិធីនេះដែរ ជាង៣២ម៉ឺនដូស មកដល់នាថ្ងៃទី២ មីនា ស្អែកនេះ ហើយក៏ជាវ៉ាក់សាំងអង់គ្លេសដែរ តែផលិតនៅប្រទេសឥណ្ឌា នេះបើតាមក្រសួងសុខាភិបាល៕
-
លោក Ng Man-tat ត្រូវបានពលរដ្ឋខ្មែរស្គាល់ថាជា តារាភាពយន្តហុងកុងជើងចាស់ ទទួលមរណភាព ដោយសារជំងឺមហារីក
ហុងកុង៖ តារាភាយន្តហុងកុងជើងចាស់ ដែលត្រូវបានពលរដ្ឋខ្មែរភាគច្រើនស្គាល់ថាជាពូរបស់ទិនហ្វី ដ៏ល្បីឈ្មោះម្នាក់ គឺលោក Ng Man-tat បានទទួលមរណភាពនៅថ្ងៃសៅរ៍នេះ ក្នុងវ័យ៧០ឆ្នាំ។ នេះបើតាមការចេញផ្សាយដោយសារព័ត៌មាន Taiwan News នៅថ្ងៃសៅរ៍ ទី២៧ ខែកុម្ភៈ ឆ្នាំ២០២១។ មិត្តជិតស្និទ្ធរបស់លោក Ng បានឲ្យដឹងថា លោក Ng បានទទួលមរណភាពហើយ នៅមន្ទីរពេទ្យ Union ក្នុងទីក្រុងហុងកុង កាលពីវេលាល្ងាចថ្ងៃសៅរ៍នេះ បន្ទាប់ពីរូបលោកត្រូវបានពិនិត្យរកឃើញថា មានជំងឺមហារីកថ្លើមកាលពីប៉ុន្មានខែមុន ខណៈប៉ុន្មានឆ្នាំចុងក្រោយនេះ ស្ថានភាពសុខភាពរបស់លោក Ng គឺបានធ្លាក់ចុះទន់ខ្សោយស្រាប់ទៅហើយ។ លោក Ng Man-tat មានដើមកំណើតមកពីខេត្ត Fujian នៃប្រទេសចិន ហើយលោកបានប្រឡូកចូលក្នុងអាជីពជា តារាសម្តែងខ្សែភាពយន្តហុងកុង នៅអាយុ២២ឆ្នាំ។ ជាទូទៅលោកត្រូវគេស្គាល់ថា ជាដៃគូសម្តែងជាមួយកំពូលតារាភាពយន្តហុងកុងជើងចាស់ម្នាក់ទៀត គឺលោក Stephen Chow ហៅ ទិនហ្វី ដោយអ្នកទាំងពីរបានសម្តែងរួមគ្នា នៅក្នុងខ្សែភាពយន្តហុងកុងបែបកំប្លែង ដែលល្បីៗជាច្រើន។ រឿងចុងក្រោយដែលលោក Ng Man-tat និងលោក…
-
លោក ចូ បៃដិន និយាយថា ការវាយប្រហារតាមអាកាសនៅស៊ីរីជាការព្រមានដល់អ៊ីរ៉ង់
អាមេរិក៖ ប្រធានាធិបតីអាមេរិកលោក ចូ បៃដិន នៅថ្ងៃសុក្រនេះបានព្រមានទៅកាន់អ៊ីរ៉ង់អោយប្រយ័ត្នខ្លួន នៅពេលត្រូវបានសួរនាំថាតើលោកបាននឹងកំពុងផ្ញើសារអ្វីទៅទីក្រុងតេហេរ៉ង់ ជាមួយនឹងការវាយប្រហារតាមអាកាសប្រឆាំងសកម្មប្រយុទ្ធគាំទ្រដោយអ៊ីរ៉ង់ នៅភាគខាងកើតប្រទេសស៊ីរី ។ ថ្លែងពីទីក្រុងហូស្តុន អំឡុងដំណើរចុះផ្តល់ជំនួយសង្គ្រោះ បន្ទាប់ពីព្យុះរដូវរងាដ៏ធំនៅរដ្ឋតិចសាស់ ប្រធានាធិបតីអាមេរិករូបនេះបានសង្កត់ធ្ងន់ថា អ្នក (អ៊ីរ៉ង់) មិនអាចធ្វើសកម្មភាពដោយគ្មាននិទណ្ឌភាពបានទេ”… “ត្រូវប្រយ័ត្នខ្លួន” ។ អ្នកនាំពាក្យសេតវិមានលោកស្រី ជេន ផ្សារគី បានហៅការវាយប្រហារតាមអាកាសនេះថា ជាសារច្បាស់លាស់ថា លោក បៃដិន នឹងចាត់វិធានការដើម្បីការពារជនជាតិអាមេរិក ហើយនៅពេលការគំរាមកំហែងបានលេចឡើង គាត់មានសិទ្ធិចាត់វិធានការតាមពេលវេលា និងតាមចរិតលក្ខណៈនៃការជ្រើសរើសរបស់គាត់ ៕ ប្រភព៖ ស៊ីនហួរ
-
អ៊ីរ៉ង់ និងស៊ីរីថ្កោលទោសសហរដ្ឋអាមេរិក ជុំវិញការវាយប្រហារតាមអាកាសផ្តាច់ជីវិតក្រុមសកម្មប្រយុទ្ធគាំទ្រដោយអ៊ីរ៉ង់២២នាក់នៅភាគខាងកើតប្រទេសស៊ីរី
អ៊ីរ៉ង់៖ ក្រសួងការបរទេសអ៊ីរ៉ង់ នៅថ្ងៃសុក្រនេះ បានប្រកាសថ្កោលទោសចំពោះការវាយប្រហារតាមអាកាសដោយខុសច្បាប់របស់យោធាអាមេរិក ប្រឆាំងនឹងក្រុមសកម្មប្រយុទ្ធគាំទ្រដោយអ៊ីរ៉ង់ កាលពីថ្ងៃព្រហស្បតិ៍សប្តាហ៍នេះ ទៅលើតំបន់នៅភាគខាងកើតប្រទេសស៊ីរី ។ អ្នកនាំពាក្យក្រសួងការបរទេសអ៊ីរង់ លោក សាអ៊ីដ ខាទីបហ្សេដេហ៍ បានហៅការវាយប្រហារនេះថា ជាការរំលោភសិទ្ធិមនុស្ស និងច្បាប់អន្តរជាតិ ហើយថា ទង្វើថ្មីនេះរបស់សហរដ្ឋអាមេរិក នឹងបង្កឲ្យជម្លោះយោធាកាន់តែមានភាពធ្ងន់ធ្ងរឡើង និងបង្កឲ្យអស្ថិរភាពក្នុងតំបន់ថែមទៀត ។ បើតាមក្រុមឃ្លាំមើលសិទ្ធិមនុស្សស៊ីរី ការវាយប្រហារតាមអាកាសរបស់យោធាអាមេរិកកាលពីថ្ងៃព្រហស្បតិ៍សប្តាហ៍នេះនៅភាគខាងកើតប្រទេសស៊ីរី បានសម្លាប់សមាជិកក្រុមសកម្មប្រយុទ្ធគាំទ្រដោយអ៊ីរ៉ង់យ៉ាងហោចណាស់២២នាក់ ដែលនេះជាការឆ្លើយតបនឹងការវាយប្រហារដោយគ្រាប់រ៉ុក្កែតជាបន្តបន្ទាប់ សំដៅទៅលើទាហានអាមេរិកនៅក្នុងប្រទេសអ៊ីរ៉ាក់ ៕ ប្រភព៖ DW.com និង Reuters
-
ប្រេសិតពិសេសមីយ៉ាន់ម៉ាអំពាវនាវអោយអង្គការសហប្រជាជាតិចាត់វិធានការចាំបាច់នានា ដើម្បីបញ្ចប់រដ្ឋប្រហារយោធាក្នុងប្រទេសខ្លួន
អាមេរិក៖ ឯកអគ្គរដ្ឋទូតមីយ៉ាន់ម៉ាប្រចាំអង្គការសហប្រជាជាតិ លោក ខ្យ៉ ម៉ូ ទុនជួសមុខឲ្យរដ្ឋាភិបាលស៊ីវិល ដែលត្រូវបានទម្លាក់ពីអំណាច ដោយសារការធ្វើរដ្ឋប្រហាររបស់យោធាកាលពីថ្ងៃទី០១ ខែកុម្ភៈកន្លងទៅ បានអំពាវនាវអោយអង្គការសហប្រជាជាតិចាត់វិធានការចាំបាច់នានាប្រឆាំងនឹងយោធាមីយ៉ាន់ម៉ា ទើបអាចស្តារលទ្ធិប្រជាធិបតេយ្យឡើងវិញអោយប្រទេសអាស៊ីអាគ្នេយ៍មួយនេះ ។ ឯកអគ្គរដ្ឋទូតមីយ៉ាន់ម៉ាប្រចាំអង្គការសហប្រជាជាតិរូបនេះ បានគូសបញ្ជាក់ថា យើងត្រូវការការចេញសកម្មភាពខ្លាំងៗបំផុតថែមទៀត ពីសំណាក់សហគមន៍អន្តរជាតិ ដើម្បីបិទបញ្ចប់ទៅវិញជាបន្ទាន់នូវការធ្វើរដ្ឋប្រហារយោធា ព្រមទាំងដើម្បីបញ្ចប់ការគាបសង្កត់ជនស្លូតត្រង់ ហើយប្រគល់រដ្ឋអំណាចឲ្យទៅប្រជាជនមីយ៉ាន់ម៉ា និងស្តារលទ្ធិប្រជាធិបតេយ្យឡើងវិញ ។ សូមជម្រាបថា ប្រទេសមីយ៉ាន់ម៉ាបានស្ថិតក្រោមស្ថានភាពចលាចល ចាប់តាំងពីយោធាបានឡើងគ្រប់គ្រងអំណាច និងចាប់ខ្លួនលោកស្រី ស៊ូជី រួមជាមួយមន្រ្តីជាន់ខ្ពស់ជាច្រើនរូបទៀតរបស់គណបក្សសម្ព័ន្ធជាតិដើម្បីប្រជាធិបតេយ្យ (NLD) របស់លោកស្រី ក្រោយយោធាចោទប្រកាន់ថា ការបោះឆ្នោតសកលកាលពីខែវិច្ឆិកា ឆ្នាំ២០២០ ដែលបក្សលោកស្រីទទួលជ័យជម្នះនោះ បានប្រព្រឹត្តទៅដោយគ្មានតម្លាភាព ៕ ប្រភព៖ CNA
-
អង្គការសហប្រជាជាតិអនុម័តសេចក្តីសម្រេចថ្មីមួយទៀត ដើម្បីអំពាវនាវអោយមានការទទួលបានវ៉ាក់សាំង Covid-19 ដោយសមភាព
បរទេស៖ ក្រុមប្រឹក្សាសន្តិសុខអង្គការសហប្រជាជាតិ នៅថ្ងៃសុក្រសប្តាហ៍នេះ បានផ្តល់ការអនុម័តយល់ព្រមជាឯកច្ឆន្ទលើសេចក្តីសម្រេចមួយ ដែលអំពាវនាវអោយមានការទទួលបាននូវវ៉ាក់សាំង COVID-19 នៅក្នុងប្រទេសដែលមានបញ្ហាជម្លោះ និងប្រទេសក្រីក្រ ។ សេចក្តីសម្រេចខាងលើនេះ បានសង្កត់ធ្ងន់ទៅលើភាពចាំបាច់ជាបន្ទាន់នូវសាមគ្គីភាព សមធម៌ និងប្រសិទ្ធភាព ក្នុងការប្រយុទ្ធប្រឆាំង COVID-19 នៅតាមប្រទេសដែលមានលទ្ធភាពតិចតួច ក្នុងការទទួលបានវ៉ាក់សាំងបង្ការជំងឺនេះ ។ សេចក្តីសម្រេចដដែលនេះ ក៏ស្នើឲ្យបណ្តាប្រទេសអភិវឌ្ឍន៍ និងប្រទេសទាំងឡាយដែលមានលទ្ធភាព ជួយគ្នាបរិច្ចាគវ៉ាក់សាំងទៅកាន់បណ្តាប្រទេសចំណូលមធ្យមនិងទាប ក៏ដូចជាប្រទេសដែលត្រូវការជាចាំបាច់ ។ សូមជម្រាបថា នេះគឺជាសេចក្តីសម្រេចទី០២ហើយ ស្តីពីជំងឺ COVID-19 ដែលត្រូវបានអនុម័តដោយក្រុមប្រឹក្សាសន្តិសុខអង្គការសហប្រជាជាតិ ចាប់តាំងវិបត្តិជំងឺនេះបានផ្ទុះឡើងកាលពីមួយឆ្នាំមុន ខណៈសេចក្តីសម្រេចទី០១ ដែលត្រូវបានអនុម័តកាលពីខែកក្កដា ឆ្នាំ២០២០ មានគោលដៅអំពាវនាវឲ្យមានបទឈប់បាញ់នៅតាមតំបន់ជម្លោះប្រដាប់អាវុធទាំងឡាយ ដើម្បីផ្តោតទៅសម្រួលដល់កិច្ចប្រឹងប្រែងប្រយុទ្ធប្រឆាំងនឹងជំងឺ COVID-19 ៕ ប្រភព៖ AFP
-
អ្នកឆ្លង COVID-19 នៅទូទាំងពិភពលោកកើនឡើង១១៣លាន៩៩ម៉ឺននាក់ ក្នុងនោះស្លាប់២លាន៥២ម៉ឺននាក់ និងជាសះស្បើយ៨៩លាន៥៤ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន១១៣លាន៩៩ម៉ឺន១ពាន់៧៣២ករណី ក្នុងនោះមានអ្នកជម្ងឺសរុបចំនួន២លាន៥២ម៉ឺន៩ពាន់៤២១នាក់ស្លាប់ និង ជាសះស្បើយឡើងវិញសរុបចំនួន៨៩លាន៥៤ម៉ឺន៤ពាន់៧៩១នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី២៧ ខែកុម្ភៈ ឆ្នាំ២០២១ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន២៩លាន១៣ម៉ឺន៦ពាន់៩១២នាក់ ស្លាប់ចំនួន៥២ម៉ឺន៣ពាន់៨២នាក់ និងជាសះស្បើយចំនួន១៩លាន៥៣ម៉ឺន៤ពាន់៦៨នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន១១លាន៧ម៉ឺន៩ពាន់៩៧៩នាក់ ស្លាប់ចំនួន១៥ម៉ឺន៦ពាន់៩៧០នាក់ និងជាសះស្បើយ១០លាន៧៦ម៉ឺន៣ពាន់៤៥១នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន ១០លាន៤៥ម៉ឺន៧ពាន់៧៩៤នាក់ ស្លាប់២៥ម៉ឺន២ពាន់៩៨៨នាក់ និងជាសះស្បើយ៩លាន៣៥ម៉ឺន៥ពាន់៩៧៤នាក់ ៕ ប្រភព៖ worldometers
-
កូវីដ១៩៖ វៀតណាមផ្តើមចាក់វ៉ាក់សាំងផលិតខ្លួនឯង ដំណាក់កាលទី២
ប្រទេសវៀតណាមបានចាប់ផ្តើមការចាក់វ៉ាក់សាំងបង្ការជំងឺកូវីដ១៩ ផលិតដោយខ្លួនឯង ដំណាក់កាលទី២ ដោយមានអ្នកស្ម័គ្រចិត្តចាក់៧៣នាក់ កាលពីថ្ងៃសុក្រ ទី២៦ កុម្ភៈ ២០២១ម្សិលមិញ។ ទីភ្នាក់ងារសារព័ត៌មាន VNexpress បានបញ្ជាក់ថា ក្នុងចំណោមនេះ មាន៣៥នាក់មកពីក្រុងហាណូយ ៣៨នាក់មកពីខេត្ត ឡុងអាន ដោយបែងចែកជា៤ក្រុម សម្រាប់ការចាក់វ៉ាក់សាំង Nanocovax ដំណាក់កាលទី២នេះ ជាវ៉ាក់សាំងផលិតដោយវិទ្យាស្ថាន Nanogen Pharmaceutical Biotechnology JSC ។ ក្រោយការចាក់៦០នាទី បន្ទាប់ពីតាមដានរួចរាល់ អ្នកចាក់រួចត្រូវបានអនុញ្ញាតឲ្យទៅផ្ទះវិញ ក្រោមការត្រួតពិនិត្យបន្ថែមទៀតពីអាជ្ញាធរ។ ឧបនាយករដ្ឋមន្ត្រីវៀតណាម Vu Duc Dam ដែលបានចុះទៅពិនិត្យទីតាំងចាក់វ៉ាក់សាំង បាននិយាយថា វៀតណាមកំពុងប្រឹងប្រែងខ្លាំងបំផុត ក្នុងការជំរុញដំណើរការចាក់វ៉ាក់សាំងបង្ការជំងឺកូវីដ១៩។ មនុស្សសរុប៥៦០នាក់ នៅក្រុងនិងខេត្តទាំងពីរនេះនឹងត្រូវចាក់ជាលើកទី២នេះ ហើយកាលពីចាក់លើកដំបូង នាខែធ្នូ ២០២០ មានអ្នកស្ម័គ្រចិត្តចាក់ប្រមាណ៦០នាក់ បង្ហាញថា វ៉ាក់សាំងនេះមានសុវត្ថិភាព មិនប៉ះពាល់ធ្ងន់ធ្ងរទេ នេះបើតាមមន្ត្រីជំនាញរបស់វៀតណាម។ ការចាក់វ៉ាក់សាំងផលិតក្នុងប្រទេស ដំណាក់កាលទី២នេះ ធ្វើឡើងក៏ស្របពេលដែលវ៉ាក់សាំង AstraZeneca ដែលវៀតណាមបញ្ជាទិញពីអង់គ្លេស ឈុតដំបូង ទើបត្រូវបានបញ្ជូនមកដល់វៀតណាម ប៉ុន្មានថ្ងៃមុនេះដែរ៕
-
លោកស្រីរដ្ឋមន្ត្រីសុខាភិបាលប្រទេសអាហ្សង់ទីនឆ្លងកូវីដ១៩
លោកស្រី Carla Vizzotti រដ្ឋមន្រ្តីក្រសួងសុខាភិបាលនៃប្រទេសអាហ្សង់ទីន កាលពីម្សិលមិញ បានប្រកាសថា លោកស្រីបានធ្វើតេស្តឃើញលទ្ធផលវិជ្ជមានចំពោះជំងឺ COVID-19 ហើយលោកស្រីបាននិងកំពុងតែធ្វើចត្តាឡីស័ក។ គួរបញ្ជាក់ថា លោកស្រី Vizzotti ជារដ្ឋមន្រ្តីទី៣ហើយនៅប្រទេសអាហ្សង់ទីន ដែលបានវិជ្ជមានជំងឺ COVID-19 គឺបន្ទាប់ពីរដ្ឋមន្រ្តីក្រសួងអភិវឌ្ឍន៍សង្គម និងរដ្ឋមន្រ្តីក្រសួងបរិស្ថាន និងការអភិវឌ្ឍប្រកបដោយចីរភាព។ លោកស្រី Vizzotti បានសរសេរនៅលើគណនីបណ្ដាញសង្គម Twitter របស់លោកស្រីថា «ខ្ញុំចង់ប្រាប់អ្នកទាំងអស់គ្នាឲ្យដឹងថា ខ្ញុំបានធ្វើតេស្តរកជំងឺ COVID-19 ដែលវាស្ថិតក្រោមនីតិវិធីចាំបាច់ មុនពេលអនុញ្ញាតឲ្យឱ្យចូលប្រជុំនៅសភានាថ្ងៃទី០១ ខែមីនា ខាងមុខ ហើយពួកគេបានជូនដំណឹងថា ខ្ញុំបានធ្វើតេស្តឃើញលទ្ធផលវិជ្ជមានចំពោះជំងឺនេះ។»