សហរដ្ឋអាមេរិក៖ ថ្លែងក្នុងសវនាការព្រឹទ្ធសភានៅក្នុងថ្ងៃ ពុធ សប្តាហ៍នេះ រដ្ឋមន្រ្តី ការបរទេសអាមេរិកលោក ម៉ៃ ប៉ុមប៉េអូ បានលើកឡើងថា រដ្ឋាភិបាលក្រុងព្យុង យ៉ាង បានយល់ជ្រួតជ្រាបអំពីចំណាត់ការ ដែលរដ្ឋាភិបាលក្រុងវ៉ាស៊ីនតោនចង់បាន ទាក់ទិនទៅនឹងការរំសាយអាវុធនុយក្លេអ៊ែរ ។ ស្របពេលជាមួយគ្នានោះដែរ លោក ម៉ៃ ប៉ុមប៉េអូ បានបកស្រាយថា សហរដ្ឋអាមេ រិក និងកូរ៉េខាងជើងបាននឹងកំពុងបន្តធ្វើការចចារគ្នាបន្ថែមទៀត បន្ទាប់ពីជំនួប កំពូលជាប្រវត្តិសាស្រ្តរវាងប្រធានាធិបតីសហរដ្ឋអាមេរិកលោក ដូណាល់ ត្រាំ និង មេដឹកនំាកូរ៉េខាងជើងលោក គីម ជុងអ៊ុន នៅប្រទេសសង្ហិបុរី កន្លងមកនេះ ។ ប្រមុខការទូតសហរដ្ឋអាមេរិករូបនេះ បានគួសបញ្ជាក់ថា កូរ៉េខាងជើងបានយល់ យ៉ាងច្បាស់ពីវិសាលភាពនៃការស្នើសុំរបស់សហរដ្ឋអាមេរិក ដែលធ្វើឡើងដោយ គោរពតាមការលុបបំបាត់អាវុធនុយក្លេអ៊ែរ ហើយថា សហរដ្ឋអាមេរិកក៏កំពុងធ្វើតាម ការប្តេជ្ញាចិត្តរបស់ខ្លួន ដោយលើកឡើងពីសេចក្តីសម្រេចរបស់សហរដ្ឋអាមេរិក ក្នុង ការលុបចោលសមយុទ្ធយោធារួមគ្នាជាមួយកូរ៉េខាងត្បូង ដែលត្រូវបានកំណត់ សម្រាប់ខែ សីហាខាងមុខនេះ ៕

សហរដ្ឋអាមេរិក៖ ប្រធានាធិបតីសហរដ្ឋអាមេរិកលោក ដូណាល់ ត្រាំ បាននិយាយ ថា រូបលោកអាចនឹងជួបជាមួយសមភាគីរុស្ស៊ីលោក វ៉្លាឌីមៀ ពូទីន ក្នុងអំឡុង ដំណើរទស្សនៈកិច្ចរបស់លោកទៅកាន់តំបន់អឺរ៉ុបនាខែកក្កដា ខាងមុខនេះ ។លោក ដូណាល់ ត្រាំ បានថ្លែងប្រាប់អ្នកយកព័ត៌មាននៅឯសេតវិមានបែបនេះ ស្រប ពេលជួបពិភាក្សាជាមួយ ប្រធានាធិបតីព័រទុយហ្កាល់លោក ម៉ាសែលឡូ រ៉េបេឡូ ឌឹ ស៊ូហ្ស៊ា ក្នុងអំឡុងដំណើរទស្សនៈកិច្ចមកកាន់រដ្ឋធានីវ៉ាស៊ីនតោន នារសៀលថ្ងៃ ពុធ សប្តាហ៍នេះ ។ លោក ត្រាំ បានគូសបញ្ជាក់ទៀតថា បើសិនជាជំនួបរវាងលោក និង លោក ពូទីន កើតឡើងមែននោះ របៀបវារៈនៃកិច្ចពិភាក្សានេះ នឹងផ្តោតសំខាន់ទៅ លើបញ្ហាវិបត្តិនៅស៊ីរី និងអ៊ុយក្រែន ។ ចំនែកឯទីតំាងនៃជំនួបនេះដែរ ត្រូវបានគេ រាយការណ៍ថា ទំនងជាប្រារព្វឡើងនៅក្នុងទីក្រុង ហ៊ែលស៊ីងគី ប្រទេសហ្វំាងឡង់ ឬក៏ទីក្រុងវីយ៉ែន ប្រទេសអូទ្រីស ។ ដោយឡែកអ្នកនំាពាក្យវិមានក្រឹមឡំាងរបស់រុស្ស៊ី បានលើកឡើងថា ប្រធានាធិបតី…

សហរដ្ឋអាមេរិក៖ ប្រធានសន្តិសុខព្រំដែនសហរដ្ឋអាមេរិកបាននិយាយថា ខ្លួនបាន បញ្ឈប់បណ្តោះអាសន្នដំណើរការកាត់ ទោសឧក្រិដ្ឋកម្មលើជនអន្តោប្រវេសន៍ ដែល បានចូលមកកាន់សហរដ្ឋអាមេរិកដោយខុសច្បាប់ជាមួយកូនៗរបស់ពួកគេ ។ ស្នងការទីភ្នាក់ងារគយ និងការពារព្រំដែនសហរដ្ឋអាមេរិក លោក ខេវីន ម៉ាក់អាលី ណាន់ បាននិយាយប្រាប់ក្រុមអ្នកសារព័ត៌មាននៅរដ្ឋ តិចសាស់ ថា ដំណើរការកាត់ ទោសត្រូវបានពន្យាពេលកាលពីសប្តាហ៍មុន ខណៈការលើកឡើងរបស់លោក ធ្វើ ឡើង បន្ទាប់ពីមានបទបញ្ជាមួយកាលពីសប្តាហ៍មុនរបស់លោក ដូណាល់ ត្រាំ សុំ ឲ្យបញ្ចប់ការបំបែកគ្រួសារជនអន្តោប្រវេសន៍ ប៉ុន្តែលោក ត្រាំ បាននិយាយថា ក្រុម គ្រួសារទាំងនេះ នឹងឃុំខ្លួនអោយនៅជាមួយគ្នាតែម្តង ។ ស្នងការទីភ្នាក់ងារគយ និងការពារព្រំដែនសហរដ្ឋអាមេរិករូបនេះបានសង្កត់ធ្ងន់ផង ដែរថា គោលនយោបាយគ្មានការអត់ឱនរបស់ប្រធានាធិបតីអាមេរិកលោក ដូណាល់ ត្រាំ នៅតែមានសុពលភាពដដែល ថ្វីត្បិតតែពន្យាពេលការកាត់ទោសក្តី ៕

អ៊ីរ៉ង់៖ ប្រធានាធិបតីអ៊ីរ៉ង់ លោក ហាសាន់ រូហានី បានអះអាងចំពោះពលរដ្ឋអ៊ីរ៉ង់ថា រដ្ឋាភិបាលរបស់លោកនឹងអាចទប់ទល់ជាមួយការដាក់សំពាធសេដ្ឋកិច្ច ដែលបង្ក ឡើងដោយទណ្ឌកម្មថ្មីរបស់សហរដ្ឋអាមេរិករយៈពេល១ថ្ងៃប៉ុណ្ណោះ ក្រោយក្រុម អ្នកជំនួញជួបជុំគ្នានៅខាងក្រៅសភា ដើម្បីតវ៉ានឹងការធ្លាក់ចុះយ៉ាងឆាប់រហ័សនៃ តម្លៃរូបិយប័ណ្ណជាតិ ។ ក្នុងអំឡុងសុន្ទរកថាផ្សាយផ្ទាល់តាមកញ្ចក់ទូរទស្សន៍រដ្ឋ លោក រូហានី បាននិយាយ ថា អ៊ីរ៉ង់នឹងមិនអាចខ្ទេចខ្ទាំ ដោយសារតែទណ្ឌកម្មថ្មីរបស់សហរដ្ឋអាមេរិកនោះទេ ហើយថា សហរដ្ឋអាមេរិកខ្លួនឯងទេ ដែលបានជាន់ឈ្លីសេចក្តីសម្រេចរបស់ក្រុម ប្រឹក្សាអង្គការសហប្រជាជាតិ និងតែងតែព្យាយាមបង្ខំអោយបញ្ចប់ការគ្រប់គ្រង អ៊ីស្លាមនៅក្នុងប្រទេសអ៊ីរ៉ង់ ។ ប្រធានាធិបតីអ៊ីរ៉ង់រូបនេះ បានសង្កត់ធ្ងន់ទៀតថា ទណ្ឌកម្មថ្មីរបស់សហរដ្ឋអាមេរិក គឺជាផ្នែកមួយនៃសង្រ្គាមចិត្តសាស្រ្ត សេដ្ឋកិច្ច និង នយោបាយ ហើយរដ្ឋាភិបាលក្រុងវ៉ាស៊ីងតោននឹងតបស្នងក្នុងកម្រិតខ្ពស់បំផុត សម្រាប់ទង្វើរបស់ពួកគេ ។គួរបញ្ជាក់ថា ទណ្ឌកម្មថ្មីរបស់សហរដ្ឋអាមេរិក សំដៅទៅលើការកាត់បន្ថយការរក ប្រាក់ចំណូលដ៏លំបាករបស់អ៊ីរ៉ង់ពីការនាំចេញប្រេង និងការប្តូររូបិយប័ណ្ណអ៊ីរ៉ង់ទៅ ជាប្រាក់ដុល្លារអាមេរិកផងដែរ ៕

កូរ៉េខាងត្បូង៖ រដ្ឋាភិបាលក្រុងសេអ៊ូល និងព្យុងយ៉ាងបានឯកភាពគ្នា ដើម្បីចូលរួម ធ្វើការសិក្សារួមគ្នាមួយទៅលើការតភ្ជាប់បណ្តាញ និងការធ្វើទំនើបកម្មលើផ្លូវអាយ ស្ម័យយាននៅព្រំដែនអន្តរ-កូរ៉េ ។ កិច្ចព្រមព្រៀងគ្នារវាងបងប្អូនកូរ៉េទំាងពីរខាងលើនេះ បានកើតឡើង បន្ទាប់ពីមាន ជំនួបពិភាក្សារវាងគណៈប្រតិភូមកពីភាគីទំាងពីរ ដែលបានជួបពិភាក្សាការងារលើ វិស័យអាស្ម័យយាននៅឯព្រំដែនភូមិ ផាន់មុនជុម នៅក្នុងថ្ងៃ អង្គារ៍ ម្សិលមិញនេះ ។ អនុវត្តន៍តាមកិច្ចព្រមព្រៀងនេះ មន្រ្តីកូរ៉េខាងត្បូង និងកូរ៉េខាងជើងបានយល់ស្រប គ្នាបង្កើតក្រុមសិក្សារួមគ្នាមួយ ដើម្បីធ្វើការតភ្ជាប់ និងធ្វើទំនើបកម្មផ្លូវដែកឆ្លងកាត់ ព្រំដែន ដើម្បីអនុញ្ញាតឱ្យក្រុមការងាររួមគ្នាបើកការស៊ើបអង្កេតនៅនឹងកន្លែង នាថ្ងៃ ទី២៤ ខែកក្កដាខាងមុខនេះ ទៅលើផ្លូវដែកតាមបណ្តោយច្រករបៀងខាងលិច ។ សូមជម្រាបបន្ថែមថា ជំនួបរវាងប្រទេសកូរ៉េខាងទាំងពីរបានកើតមានឡើងជាបន្ត បន្ទាប់ ក្រោយមានជំនួបកំពូលជាប្រវត្តិសាស្រ្តរវាងមេដឹកនាំកូរ៉េខាងជើងលោក គីម ជុងអ៊ុន និង ប្រធានាធិបតីអាមេរិកលោក ដូណាល់ ត្រាំ នៅប្រទេសសង្ហិបុរី ក៏ដូចជា ជំនួបដំបូងរវាងប្រធានាធិបតីកូរ៉េខាងត្បូងលោក មូន ជែអ៊ីន និងលោក គីម ជុងអ៊ុន ចាប់តាំងពីថ្ងៃទី២៧ ខែមេសាកន្លងទៅនេះមក ៕…

សហរដ្ឋអាមេរិក៖ ទីប្រឹក្សាសន្ដិសុខជាតិអាមេរិក លោក ចន បូលតុន ត្រូវបានគេ រំពឹងថា នឹងធ្វើដំណើរទៅកាន់ទីក្រុងម៉ូស្គូ ប្រទេសរ៉ុស្ស៊ី នៅក្នុងថ្ងៃ ពុធ សប្តាហ៍នេះ ក្នុងគោលបំនងជួបពិភាក្សាជាមួយប្រធានាធិបតីរុស្ស៊ីលោក វ្ល៉ាឌីមៀ ពូទីន និងរដ្ឋ មន្ត្រីការបរទេសរុស្ស៊ីលោក ស៊ឺហ្គៃ ឡាវរ៉ូវ ដើម្បីពិភាក្សាគ្នាស្តីអំពីលទ្ធភាពនៃការរៀបចំកិច្ចប្រជុំកំពូលរវាងលោក  ត្រាំ និងលោក ពូទីន ។ បើសិនជាដំណើរបំពេញទស្សនៈកចិ្ចរបស់ទីប្រឹក្សាសន្ដិសុខជាតិអាមេរិក លោក ចន បូលតុន មកកាន់ទីក្រុងម៉ូស្គូក្នុងសប្តាហ៍នេះ ដើម្បីជួបពិភាក្សាជាមួយមេដឹកនំាំរុស្ស៊ី ទទួលជោគជ័យនោះ ដូច្នេះទីតំាងនៃជំនួបកំពូលរវាងប្រធានាធិបតីអាមេរិក លោក ដូណាល់ ត្រាំ និងសមភាគីរុស្ស៊ីលោក វ៉្លាឌីមៀ ពូទីន ទំនងជានឹងប្រារព្វឡើងនៅ ក្នុងរដ្ឋធានី ហ៊ែលស៊ីងគី ប្រទេសហ្វំាងឡង់ ។ បើតាមការគ្រោងទុកនោះ លោក ចន បូលតុន ដែលវិមានក្រឹមឡាំងមើលឃើញថា ជាអ្នកមាននយោបាយតឹងរ៉ឹងចំពោះរុស្ស៊ីរូបនេះ នឹងធ្វើសន្និសីទសារព័ត៌មានមួយ នៅក្រោយជំនួបពិភាក្សារបស់លោកជាមួយមេដឹកនាំរុស្ស៊ី ។ ហើយលោកក៏ត្រូវបានគេជឿជាក់ផងដែរថា នឹងប្រកាសពីពេលវេលា…

ជប៉ុន៖ ប្រធានខុទ្ទកាល័យជប៉ុនលោក យ៉ូស៊ីហ៊ីដេ ស៊ូហ្គា បានលើកឡើងថា ប្រទេសខ្លួន បាននឹងកំពុងបន្តធ្វើកិច្ចពិភាក្សាជាមួយសហរដ្ឋអាមេរិក ជុំវិញការទាមទារអោយ ជប៉ុនបញ្ឈប់ការនំាចូលប្រេងពីប្រទេសអ៊ីរ៉ង់ ។ ថ្លែងក្នុងសន្និសិទសារព័ត៌មានមួយនៅក្នុងថ្ងៃ ពុធ សប្តាហ៍នេះ លោក ស៊ូហ្គា បាន គួសបញ្ជាក់ថា រដ្ឋាភិបាលក្រុងតូក្យូកំពុងធ្វើការគិតពិចារណាយ៉ាងល្អិតល្អន់បំផុត អំពីការទាមទាររបស់រដ្ឋាភិបាលក្រុងវ៉ាស៊ីនតោន ដែលចង់អោយជប៉ុនបញ្ឈប់ការ នំាចូលពីអ៊ីរ៉ង់ ថាតើចំណាត់ការនេះ អាចនឹងជះឥទ្ធិពលអវិជ្ជមានដល់សេដ្ឋកិច្ច ជប៉ុនដែរ ឬយ៉ាងណា ។  ជាមួយគ្នានេះ លោក ស៊ូហ្គា បានសង្កត់ធ្ងន់ថា ជប៉ុននឹង បន្តធ្វើជជែកបន្ថែមទៀតពាក់ព័ន្ធនឹងបញ្ហាមួយនេះ ជាមួយខាងភាគីសហរដ្ឋអាមេ រិក និងប្រជាជាតិដទៃទៀតដែលមានការព្រួយបារម្ភដូចគ្នា ដើម្បីជៀសវាងការប៉ះ ពាល់ណាមួយដល់ផ្នែកជំនួញរបស់ជប៉ុន ។ សូមបញ្ជាក់ផងដែរថា រដ្ឋបាលប្រធានាធិបតីអាមេរិកលោក ដូណាល់ ត្រាំ បាន ប្រកាសនៅក្នុងថ្ងៃ អង្គារ៍ សប្តាហ៍នេះថា សហរដ្ឋអាមេរិកចង់អោយជប៉ុន និងបណ្តា ប្រទេសសម្ព័ន្ធមិត្តរបស់ខ្លួនដទៃទៀត បញ្ឈប់ការនំាចួលប្រេងទំាងស្រុងពីប្រទេស អ៊ីរ៉ង់នៅត្រឹមថ្ងៃទី៤ ខែវិច្ឆិកាខាងមុខនេះ ៕…

្វីស៖ មន្ត្រីទូតជាន់ខ្ពស់កូរ៉េខាងជើងប្រចាំទីក្រុងហ្សឺណែវ ប្រទេសស្វីស លោក ជូ យ៉ុងចុល បានបញ្ជាក់នៅក្នុងសន្និសីទគាំទ្រការរំសាយអាវុធរបស់អង្គការសហ ប្រជាជាតិថា ជប៉ុនមិនគួរលូកដៃចូលក្នុងកិច្ចការលុបបំបាត់អាវុធនុយក្លេអ៊ែរនៅលើ ឧបទ្វីបកូរ៉េឡើយ ពីព្រោះជប៉ុនមិនមែនជាហត្ថលេខីនៃសេចក្ដីថ្លែងការណ៍រួម ផាន់ មុនជុម រវាងកូរ៉េទាំងពីរ ឬក៏កិច្ចព្រមព្រៀងជាមួយសហរដ្ឋអាមេរិកនោះទេ ។ លោក ជូ យ៉ុងចុល បានលើកឡើងយ៉ាងដូច្នេះ ដើម្បីជាការឆ្លើយតបទៅនឹងមន្ត្រីទូតជប៉ុនប្រចាំទីក្រុងហ្សឺណែវ ប្រទេសស្វីស ដែលបានជម្រុញអោយកូរ៉េខាងជើងអនុ វត្តន៍យ៉ាងពេញលេញ តាមកិច្ចព្រមព្រៀងជាមួយសហរដ្ឋអាមេរិក ក្នុងនោះរួមមាន ទាំងការសន្យារំសាយអាវុធនុយក្លេអ៊ែរនៅលើឧបទ្វីបកូរ៉េ ។ មន្ត្រីទូតជប៉ុនប្រចាំទីក្រុងហ្សឺណែវរូបនេះ បានលើកឡើងទៀតថា ជប៉ុននឹងធ្វើកិច្ចសហប្រតិបត្តិការយ៉ាងជិតស្និទ្ធជាមួយកូរ៉េខាងត្បូង និងសហរដ្ឋអាមេរិក ពាក់ព័ន្ធ នឹងការរំសោយអាវុធនុយក្លេអ៊ែរកូរ៉េខាងជើង ដោយជប៉ុនផ្ទាល់ធ្លាប់អះអាងថា ក៏ នឹងជួយចេញថ្លៃខ្លះ លើការធ្វើអធិការកិច្ចរបស់ទីភ្នាក់ងារអន្តរជាតិថាមពលអាតូមិច ផងដែរ ៕