ថៃ៖ ក្រុមអ្នកជួយសង្រ្គោះថៃបាននឹងកំពុងពន្លឿនការបូមទឹកចេញពីរូងភ្នំ ថាំលួង នៅថ្ងៃ អង្គារ៍ នេះ ក្រោយការព្យាករណ៍ឧតុនិយមបានព្រមានថា នឹងមានភ្លៀងធ្លាក់ខ្លាំងបន្ថែមទៀតនៅតំបន់នោះ ដែលអាចបង្កឲ្យភាពស្មុគស្មាញបន្ថែមដល់កិច្ចខិតខំប្រឹងប្រែងជួយយកអ្នកទាំង១៣ចេញមកខាងក្រៅ ។ ប្រព័ន្ធផ្សព្វផ្សាយរដ្ឋថៃបានរាយការណ៍ថា ក្មេងៗទាំង១២នាក់ និងគ្រូបង្វឹកម្នាក់ទៀត ត្រូវបានក្រុមអ្នកជំនាញខាងមុជទឹកមកពីចក្រភពអង់គ្លេសចំនួនពីរនាក់ បានរកឃើញថា នៅមានជីវិតនៅឡើយ កាលពីថ្ងៃច័ន្ទ វេលាម៉ោង១០និង២៥នាទីយប់ ដោយស្ថិតនៅចម្ងាយប្រហែល៤គីឡូម៉ែត្រពីមាត់រូងភ្នំ។ ដូច្នេះ ទើបក្រុមជំនាញថៃ និងអន្តរជាតិដែលកំពុងបំពេញប្រតិបត្តិការនៅឡើយនៅតំបន់រូងភ្នំថាំលួង ស្រុកម៉ែសៃ ខេត្តឈៀងរ៉ៃ ភាគខាងជើងប្រទេសនោះ បានវាយតម្លៃថា ក្រុមសង្គ្រោះត្រូវប្រើរយៈពេលជាច្រើនថ្ងៃ ឬឈានចូលសប្តាហ៍ផង ទើបអាចយកជនរងគ្រោះទាំង១៣នាក់ចេញពីរូងភ្នំនេះបាន។ ស្របពេលជាមួយគ្នានោះដែរ ក្រុមជំនាញត្រូវបង្ហាត់អ្នកទាំង១៣នាក់ពីរបៀបមុជទឹក និងប្រើប្រាស់បរិក្ខាមុជទឹកជាមុនសិន ខណៈស្បៀងអាហារ បំពង់អុកស៊ីហ្សែន និងថ្នាំពេទ្យកំពុងត្រូវបានក្រុមសង្គ្រោះផ្សេងទៀតព្យាយាមបញ្ជូនទៅខាងក្នុងរូងភ្នំ ៕ ម.ន  

មីយ៉ាន់ម៉ា៖ អគ្គលេខាធិការអង្គការសហប្រជាជាតិលោក អាន់តូនីញ៉ូ ហ្គូទ័ររ៉េស បានធ្វើ ការអំពាវនាវយ៉ាងទទូចក្នុងថ្ងៃ ច័ន្ទ ដើមសប្តាហ៍នេះ អោយសហគមន៍អន្តរជាតិដាក់ បន្ថែមសំពាធលើរដ្ឋាភិបាលមីយ៉ាន់ម៉ា ដើម្បីបង្កើតលក្ខខណ្ឌរក្សាសុវត្ថិភាពដល់ការវិល ត្រឡប់មកវិញនៃជនជាតិដើមភាគតិចរ៉ូហ៊ីងយ៉ារាប់រយពាន់នាក់ ដែលបានសម្រេចចិត្ត ភៀសខ្លួនចេញពីប្រទេសមីយ៉ាន់ម៉ាកាលពីខែសីហា កន្លងមកនេះ ។ អង្គការសហប្រជាជាតិ និងមីយ៉ាន់ម៉ាបានសម្រេចកិច្ចព្រមព្រៀងមួយ កាលពីខែ ឧសភា ដែលអង្គការសហប្រជាជាតិសង្ឃឹមថា នឹងអនុញ្ញាតអោយជនជាតិដើមភាគតិចរ៉ូហ៊ីងយ៉ា រាប់ពាន់នាក់ត្រឡប់មកវិញដោយសុវត្ថិភាព និងដោយមានជម្រើស ។ លោក អាន់តូនីញ៉ូ ហ្គូទ័ររ៉េស បាននិយាយនៅក្នុងបរិវេណនៃជំរុំជនភៀសខ្លួននៅឆ្នេរសមុទ្រភាគអាគ្នេយ៍ ប្រទេសបង់ក្លាដេសថា អនុស្សារណៈយោគយល់គ្នានេះ ជាជំហានដំបូងក្នុងការទទួល ស្គាល់សិទ្ធិរបស់ប្រជាពលរដ្ឋ ហើយថា នេះជាប្រភេទសម្បទានដែលអាចទទួលបាន នាពេលបច្ចុប្បន្ននេះពីប្រទេសមីយ៉ាន់ម៉ា សូមសាកល្បងភាពស្មោះត្រង់នៃសម្បទាននេះ ហើយបន្ទាប់មកចូរបន្តធ្វើការទាក់ទងទៅនឹងសិទ្ធិពេញលេញរបស់ប្រជាជន ។ ទន្ទឹមគ្នា នោះដែរ មិនមាននរណាម្នាក់មកពីជួររដ្ឋាភិបាលមីយ៉ាន់ម៉ា ធ្វើអត្ថាធិប្បាយលើសេចក្តី ថ្លែងការណ៍របស់អគ្គលេខាធិការអង្គការសហប្រជាជាតិកាលពីថ្ងៃ ច័ន្ទ ម្សិលមិញនេះ ឡើយ ។ សូមបញ្ជាក់ថា ដំណើរបំពេញទស្សនៈកិច្ចរបស់លោក ហ្គូទ័ររ៉េស ខាងលើនេះ ធ្វើឡើងក្រោយរយៈពេល១០ខែ…

សហរដ្ឋអាម៉េរិក៖ អ្នកនាំពាក្យសេតវិមាន លោកស្រី សារ៉ា សេនដឺ បានថ្លែងអះអាង ទៅកាន់អ្នកយកព័ត៌មានថា សហរដ្ឋអាម៉េរិកមិនទទួលស្គាល់ទង្វើរបស់រុស្ស៊ីទៅលើ តំបន់ឧបទ្វីប គ្រីមៀ នោះឡើយ ហើយទណ្ឌកម្មដែលទីក្រុងវ៉ាស៊ីនតោនបានដាក់ទៅលើទីក្រុងម៉ូស្គូ នៅតែបន្តរក្សាដដែល ។ សូមរំលឹកថា រុស្ស៊ីត្រូវបានបណ្តេញចេញពីក្រុមប្រទេសសេដ្ឋកិច្ចកំពូល G7 (នៅ ពេលមានរុស្ស៊ី គឺ G8) កាលពីឆ្នាំ២០១៤កន្លងទៅនេះ ហើយចាប់តាំងពីពេលនោះ មក ទីក្រុងម៉ូស្គូបានទទួលរងទណ្ឌកម្មជាបន្តបន្ទាប់ពីសំណាក់បណ្តាប្រទេសលោក ខាងលិច បន្ទាប់ពីបានរួមបញ្ចូលតំបន់ឧបទ្វីបគ្រីមៀ ជាកម្មសិទ្ធិរបស់ប្រទេសខ្លួន ។ អ្នកនាំពាក្យសេតវិមានរូបនេះ បានសង្កត់ធ្ងន់ទៀតថា យើងមិនទទួលស្គាល់ទង្វើរបស់រុស្ស៊ី ដែលបានព្យាយាមរួមបញ្ចូលតំបន់ឧបទ្វីបគ្រីមៀ ទៅក្នុងឧបសម្ព័ន្ធ ប្រទេសរបស់ខ្លួននោះឡើយ ហើយទណ្ឌកម្មពាក់ព័ន្ធនឹងតំបន់នេះ ដែលអាម៉េរិក បានដាក់ទៅលើរុស្ស៊ីនឹងនៅរក្សាទុកដូចដើមដដែល លុះត្រាណាតែរុស្ស៊ីយល់ព្រមប្រគល់ឧបទ្វីបនេះ ទៅឲ្យប្រទេសអ៊ុយក្រែនវិញ ៕

សហរដ្ឋអាមេរិក៖ ថ្លែងនៅក្នុងសន្និសីទសារព័ត៌មានខ្លីមួយ អ្នកនាំពាក្យសេតវិមានលោកស្រី សារ៉ា សេនដឺ បានលើកឡើងថា រដ្ឋមន្ត្រីការបរទេសអាមេរិកលោក ម៉ៃ ប៉ុមប៉េអូ នឹងធ្វើដំណើរទស្សនកិច្ចទៅកាន់រដ្ឋធានីព្យុងយ៉ាង នៅក្នុងថ្ងៃ ព្រហស្បតិ៍តសប្ដាហ៍នេះ ក្នុងគោលបំណងជួបពិភាក្សាជាមួយមេដឹកនាំកូរ៉េខាងជើងលោក គីម ជុងអ៊ុន ដើម្បីបន្តកិច្ចចរចាស្ដីពីការរំសាយអាវុធនុយក្លេអ៊ែរ និងការរៀបចំជំនួបរវាង លោក ត្រាំ និងលោក គីម លើកទីពីរ ។ អ្នកនាំពាក្យសេតវិមានរូបនេះ បានគួសបញ្ជាក់ថា ដើម្បីបន្តកិច្ចដំណើរការ ក៏ដូចជា ការបំពេញការងារសំខាន់ក្នុងការលុបបំបាត់អាវុធនុយក្លេអ៊ែរនៅលើឧបទ្វីបកូរ៉េនោះ លោក ម៉ៃ ប៉ុមប៉េអូ គ្រោងនឹងចាកចេញទៅកាន់ប្រទេសកូរ៉េខាងជើងនៅថ្ងៃទី៥ ខែកក្កដាខាងមុខនេះ ដើម្បីជួបពិភាក្សាជាមួយលោក គីម ជុងអ៊ុន និងក្រុមមន្រ្តីជាន់ ខ្ពស់របស់លោកផងដែរ ។ ហើយបើតាមការលើកឡើងរបស់ក្រសួងបរទេសអាមេរិកនោះ លោក ម៉ៃ ប៉ុមប៉េអូ ក៏ត្រូវបានគេអះអាងដែរថា នឹងត្រូវបន្តដំណើរទៅបំពេញទស្សនៈកិច្ចនៅក្នុង ប្រទេសប្រជាជាតិអាស៊ីអាគ្នេយ៍ចាប់ពីថ្ងៃទី៥ ដល់ទី៧ ខែកក្កដា ហើយជាផ្នែកមួយ នៃដំណើរទស្សនៈកិច្ចនោះដែរ ប្រមុខការទូតអាមេរិករូបនេះ ក៏នឹងបន្តដំណើរទៅ កាន់ទីក្រុងតូក្យូ…

ថៃ៖ ក្រុមជំនាញថៃ និងអន្តរជាតិ ដែលបាននឹងកំពុងបំពេញបេសកម្មនៅក្នុងតំបន់ រូងភ្នំថាំលួង ស្រុកម៉ែសៃ ខេត្តឈៀងរ៉ាយ ភាគខាងជើងប្រទេស បាននិយាយថា ដំណើរការជម្លៀសខ្លួនក្មេងៗទំាង១២នាក់ និងគ្រួបង្វឹកបាល់ទាត់ពួកគេម្នាក់នោះ ចេញពីរូងភ្នំនេះ ទំនងជាត្រូវប្រើប្រាស់វេលាជាច្រើនថ្ងៃ ឬអាចឈានចូលដល់រាប់ សប្តាហ៍ផងដែរ ។ ប្រព័ន្ធផ្សព្វផ្សាយរដ្ឋថៃបានរាយការណ៍ថា ក្មេងៗទាំង១២នាក់នោះ មានអាយុ ចន្លោះពី១១ឆ្នាំទៅ១៦ឆ្នាំ និងគ្រូបង្វឹកពួកគេម្នាក់ទៀតមានអាយុ២៥ឆ្នាំបានរង អការៈហេវហត់អស់កម្លាំង ដោយសារតែបានជាប់ខ្លួនក្នុងរូងភ្នំ គ្មានចំណីអាហារ និងរស់នៅក្នុងបរិស្ថានមិនល្អអស់រយៈកាល៩ថ្ងៃ ហើយទោះបីជាក្រុមសង្គ្រោះបានរកឃើញពួកគេក៏ដោយ ក៏ក្រុមសង្គ្រោះត្រូវធ្វើការបំប៉នសុខភាពពួកគេសិន និង ហ្វឹកហាត់ពួកគេឲ្យចេះពីវិធីមុជទឹក (ពាក់អាវអុកស៊ីសែន និងបរិក្ខាមុជទឹកនានា) ទើបអាចយកចេញពីរូងភ្នំថាំលួង នោះបានជោគជ័យ ដែលគេប៉ាន់ស្មានថា យ៉ាង ហោចណាស់ក៏ត្រូវប្រើពេលឈានចូលដល់រាប់សប្តាហ៍ផងដែរ ។ បើតាមប្រភពដដែលនេះ ក្មេងៗទាំង១២នាក់ និងគ្រូបង្វឹកបាល់ទាត់ពួកគេម្នាក់ ទៀតត្រូវបានក្រុមសង្គ្រោះជនជាតិអង់គ្លេសរកឃើញ កាលពីវេលាម៉ោងប្រមាណ ១០និង២៥នាទីយប់ថ្ងៃ អង្គារ៍ ម្សិលមិញនេះ ដោយពួកគេនៅមានជីវិតទាំងអស់ ប៉ុន្តែស្ថិតនៅក្នុងស្ថានភាពហេវហត់បំផុតស្ទើរតែបើកភ្នែកមិនរួចឡើយ ។ ក្រុម សង្គ្រោះថៃ ក្រុមគ្រួសារជនរងគ្រោះ និងមន្ត្រីរដ្ឋាភិបាល ព្រមទាំងប្រជាជនថៃទាំង អស់ ដែលស្ថិតនៅតំបន់រូងភ្នំបានចែកចាយព័ត៌មានដ៏រីករាយនេះ…

ថៃ៖ នៅទីបំផុតមនុស្សទាំង១៣នាក់ ដែលជាប់ក្នុងរូងភ្នំថាំលួង ត្រូវបានបង្ហាញតាមបណ្តាញសង្គម និងប្រព័ន្ធផ្សព្វផ្សាយ ដែលបានពីក្រុមអ្នកជួយសង្រ្គោះ ប្រទះឃើញដំបូងគេ ។ សារព័ត៌មានផ្លូវការរបស់រដ្ឋថៃបានចេញផ្សាយ ដោយក្នុងនោះ ក្មេងៗទាំង១២នាក់ និងគ្រូបង្វឹកបាល់ទាត់ម្នាក់ ត្រូវបានក្រុមសង្គ្រោះរកឃើញហើយ នៅម៉ោងប្រមាណ១០៖២៥នាទីយប់ ដោយពួកគេ នៅមានជីវិតទាំងអស់ ប៉ុន្តែស្ថិតនៅក្នុងស្ថានភាព ហេវហត់បំផុត ស្ទើរតែបើកភ្នែកមិនរួចទៅឡើយ។ ពេលនេះក្រុមសង្គ្រោះកំពុងតែស្វែងរកកន្លែងមួយ ដែលមានសុវត្ថិភាព ពីទឹកជំនន់ ក្នុងរូងភ្នំ ដើម្បីរៀបចំជាកន្លែងស្នាក់បណ្តោះអាសន្នរបស់ជនរងគ្រោះ ទាំង១៣នាក់។ ទោះបីជាបែបនេះក្តី ដំណាក់កាលសំខាន់បន្ទាប់ គឺការយកពួកគេចាកចេញពីរូងភ្នំមកវិញ ព្រោះតែស្ថានភាពក្នុងនោះមានភាពលំបាកខ្លាំង ដោយសារ ចម្ងាយដ៏ឆ្ងាយ ហើយចំណុចខ្លះ គឺក្រុមជំនាញសង្គ្រោះបានអះអាងថា ពួកគេត្រូវមុជ កាត់ភក់ថែមទៀតផង ទើបអាចត្បុលទៅដល់កន្លែងដែល អ្នកទាំង ១៣នាក់ ជាប់ខ្លួន ដែលមានរយៈពេល០៩ថ្ងៃមកហើយនេះ ៕

សហរដ្ឋអាមេរិក៖ យោងតាមការវិភាគលើរូបភាពផ្កាយរណបដោយក្រុមអ្នកស្រាវជ្រាវនៅសហរដ្ឋអាមេរិក បានបង្ហាញថា កូរ៉េខាងជើងទំនងជាបានបញ្ចប់ការពង្រីក ទីតាំងផលិតមីស៊ីលបាលីស្ទិកដ៏សំខាន់របស់ខ្លួន ។រូបភាពដែលជារបាយការណ៍លេចធ្លាយ ពីក្រុមមន្រ្តីចារកម្មសហរដ្ឋអាមេរិកនេះ បានធ្វើអោយមានមន្ទិលសង្ស័យចំពោះឆន្ទៈរបស់កូរ៉េខាងជើង ក្នុងការបោះបង់ ចោលកម្មវិធីអាវុធនុយក្លេអ៊ែររបស់ខ្លួន គឺជាអ្វីមួយដែលរដ្ឋាភិបាលក្រុង វ៉ាស៊ីនតោន បាននិយាយថា មេដឹកនាំកូរ៉េខាងជើងលោក គីម ជុងអ៊ុន យល់ព្រមពេលដែលរូប លោកបានជួបជាមួយប្រធានាធិបតីអាមេរិកលោក ដូណាល់ ត្រាំ នៅក្នុងប្រទេស សិង្ហបុរី កាលពីខែមុន ។ រូបភាពផ្កាយរណបខាងលើនេះ ត្រូវបានថតបានដោយក្រុមហ៊ុន Planet Labs Inc. ដែលមានមូលដ្ឋាននៅទីក្រុង សាន់ ហ្វ្រាន់ស៊ីស្កូ និងត្រូវបានវិភាគដោយក្រុមអ្នក ស្រាវជ្រាវនៅឯវិទ្យាស្ថាន Middlebury Institute for International Studies (MIIS) ដែលបង្ហាញថា របបដឹកនំាទីក្រុងព្យុងយ៉ាងកំពុងបញ្ចប់សំណង់រោងចក្ររបស់ខ្លួន ស្ថិតនៅឯវិទ្យាស្ថានវត្ថុធាតុគីមី ដែលក្រុមអ្នកស្រាវជ្រាវអះអាងថា វាស្ថិតនៅក្នុង ទីក្រុងហាមហាំង ប្រទេសកូរ៉េខាងជើង ។យោងតាមសម្តីរបស់លោក ដេវីដ ស្គើលឺ ដែលជាមន្រ្តីស្រាវជ្រាវនៅវិទ្យាសា្ថន MIIS បាននិយាយថា វិទ្យាស្ថានវត្ថុធាតុគីមីត្រូវបានស្គាល់ច្បាស់ថា…

កូរ៉េខាងត្បូង៖ នៅក្នុងសេចក្តីថ្លែងការណ៍របស់ខ្លួន ក្រសួងការពារជាតិកូរ៉េខាងត្បូង បានបញ្ជាក់ថា រដ្ឋាភិបាលក្រុងព្យុងយ៉ាង និងសេអ៊ូលបានឯកភាពគ្នា ក្នុងការតភ្ជាប់ បណ្តាញទំនាក់ទំនងដែនសមុទ្ររវាងបងប្អូនកូរ៉េទំាងពីរឡើងវិញកាលពីថ្ងៃ អាទិត្យ ម្សិលមិញនេះ ដោយនាវាមកពីប្រទេសទាំងពីរបានធ្វើទំនាក់ទំនងវិទ្យុជាលើកដំបូង ក្នុងរយៈពេលមួយទសវត្សរ៍មកនេះ ។ បើតាមក្រសួងការពារជាតិកូរ៉េខាងត្បូង ទូកល្បាតរបស់កូរ៉េខាងជើងបានឆ្លើយតប ភ្លាមៗ នៅពេលដែលកងយោធាកូរ៉េខាងត្បូងបានទាក់ទងគ្នា តាមរយៈប្រព័ន្ធវិទ្យុ អន្ដរជាតិមួយនៅវេលាម៉ោង៩ព្រឹកថ្ងៃ អាទិត្យ សប្តាហ៍មុននេះនៅលើដែនសមុទ្រ ដែលជាបណ្តាញទំនាក់ទំនងតាមផ្លូវទឹកជាលើកដំបូងក្នុងរយៈពេល១០ឆ្នាំមកនេះ។សូមជម្រាបថា ការព្រមព្រៀងតភ្ជាប់បណ្តាញទំនាក់ទំនងដែនសមុទ្រខាងលើនេះ បានកើតឡើងបន្ទាប់ពីកិច្ចចរចាកម្រិតការងារជាច្រើន ត្រូវបានធ្វើឡើងរវាងភាគី ទាំងពីរនៅខាងកូរ៉េខាងត្បូង នៃការិយាល័យឆ្លងកាត់កូរ៉េ ដែលរដ្ឋាភិបាលក្រុង ព្យុង យ៉ាង និងសេអ៊ូលបានយល់ព្រមជួសជុលបណ្តាញទំនាក់ទំនងយោធាក្នុងពេលឆាប់ៗនេះ ៕

ឥណ្ឌា៖ ប្រព័ន្ធផ្សព្វផ្សាយរដ្ឋឥណ្ឌាបានរាយការណ៍ថា តួលេខជនរងគ្រោះបាត់បង់ ជីវិត ដោយសារគ្រោះថ្នាក់រថយន្តក្រុងដឹកអ្នកដំណើរមួយគ្រឿងរអិលធ្លាក់ចូលក្នុង ជ្រោះមួយដ៏ជ្រៅនៅរដ្ឋ អុតតារ៉ាក់ខាន់ ភាគខាងជើងប្រទេស កាលពីថ្ងៃ អាទិត្យ ម្សិលមិញនេះ បានបន្តកើនឡើងដល់៤៨នាក់ហើយ ។យោងតាមប្រភពរបស់អាជ្ញាធរក្នុងតំបន់ បានឱ្យដឹងថា រថយន្តក្រុងដឹកអ្នកដំណើរ មួយគ្រឿងនេះបានជួបគ្រោះថ្នាក់ធ្លាក់ជ្រោះក្នុងរយៈកម្ពស់ប្រហែល ៣០០ ម៉ែត្រ ក្រោយរត់ចេញពីផ្លូវនៅតំបន់ភ្នំមួយកន្លែងកាលពីថ្ងៃ អាទិត្យ សប្តាហ៍មុននេះ ហើយ បើតាមសេចក្តីរាយការណ៍របស់ប៉ូលីសឥណ្ឌានោះ អ្នកបើកបរ និងអ្នកដំណើរ១២ នាក់បានទទួលរងរបួស ។ ប៉ូលីសឥណ្ឌាបានបញ្ជាក់បន្ថែមទៀតថា ផ្លូវដែលរថយន្ត ក្រុងនេះធ្វើដំណើរ គឺមិនមានរនាំងនោះទេ ហើយឧប្បទ្ទវហេតុនេះ ទំនងជាកើត ឡើងដោយសារតែរថយន្តក្រុងបើករអិលទឹកភ្លៀង ។ ប៉ុន្តែយ៉ាងណាមិញនេះ ករណី គ្រោះថ្នាក់ចរាចរណ៍នេះ បានស្ថិតនៅក្នុងការស៊ើបអង្កេតនៅឡើយ ។ គួរបញ្ជាក់ផងដែរថា ឥណ្ឌា គឺជាប្រទេសមានចំនួនអ្នកស្លាប់ ដោយសារហេតុ ការណ៍គ្រោះថ្នាក់ចរាចរណ៍ច្រើនជាងគេបំផុតក្នុងពិភពលោក ដោយពលរដ្ឋឥណ្ឌា ប្រហែល១៥០.០០០នាក់បានបាត់បង់ជីវិតជារៀងរាល់ឆ្នាំ ខណៈគ្រោះថ្នាក់ជាច្រើន បានកើតឡើងដោយសារការបើកបរដោយមិនប្រុងប្រយ័ត្ន និងកង្វះរនាំងការពារ សុវត្ថិភាព ក៏ដូចជាបញ្ហាប្រព័ន្ធហេដ្ឋារចនាសម្ព័ន្ធដទៃទៀត ៕…