ថៃ៖ អ្នកមុជទឹកអ្នកសង្គ្រោះមួយក្រុមមកពីអង្គភាពកងទ័ពជើងទឹកថៃ បានចេញ ប្រតិបត្តិការស្វែងរកនៅក្នុងរូងភ្នំដែលលិចទឹកមួយកន្លែង នៅឯស្រុក មែ សៃ ខេត្ត ឈៀង រ៉ៃ ដើម្បីតាមរកអ្នកលេងបាត់ទាត់ជាសិស្សចំនួន១២នាក់ និងគ្រូបង្វឹករបស់ពួកគេ ដែលបានបាត់ខ្លួនចាប់តាំងពីរសៀលថ្ងៃ សៅរ៍ សប្តាហ៍មុនមក ។ ប្រធានក្រុមអ្នកស្វែងរកនេះលោក អាណាន់ ស៊ូរ៉ាវ៉ាន់ បានបញ្ជាក់ថា មានផ្លូវទឹកតូចមួយនៅក្នុងរូងភ្នំនោះ និងមានរបាំងជាកូនឈើ និងថ្មជាច្រើន ។ ក្រុមអ្នកសង្គ្រោះពិសេស១៧នាក់ បានចូលទៅខាងក្នុងរូងភ្នំនៅតំបន់ព្រៃអភិរក្សនេះ ចាប់តំា ងពីព្រឹកថ្ងៃច័ន្ទម្សិលមិញនេះ ប៉ុន្តែវាមានការលំបាកសម្រាប់ក្រុមអ្នកស្វែងរក ដោយ សារតែមានទឹកជំនន់ដែលអាចបង្កគ្រោះថ្នាក់ ។ ពួកអ្នកលេងបាល់១២នាក់នេះ មានអាយុពី១៣ទៅ១៦ឆ្នាំ ហើយក្រុមមន្ត្រីជឿថា គ្រូបង្វឹកអាយុ២៥ឆ្នាំរបស់ពួកគេ បានបាត់ការទាក់ទងគ្នា ដោយសារទឹកជំនន់ជន់ឡើងភ្លាមៗនៅរូងភ្នំនោះ ដែលនៅចម្ងាយប្រហែល៣គីឡូម៉ែត្រពីច្រកធំរបស់ភ្នំនេះ ។ សូមរំលឹកថា ក្រុមមន្ត្រីសន្តិសុខឧទ្យានជាតិ កាលពីថ្ងៃសៅរ៍សប្តាហ៍មុននេះ បានរកឃើញម៉ូតូមួយ និងកង់ចំនួន១១ រួមទំាងសម្ភារកីឡាមួយចំនួនទៀតដែលទុកនៅខាងមុខច្រកចូលក្នុងរូងភ្នំនោះ ។ ក្រុមអ្នកលេងបាល់នេះ ជាធម្មតាហាត់បាល់នៅទីវាលរាល់ចុងសប្តាហ៍ ប៉ុន្តែកាលពីថ្ងៃកើតហេតុ បន្ទាប់ពីហ្វឹកហាត់មកនោះ គេឃើញគ្រូបង្វឹក និងក្រុមអ្នកលេងបាល់នេះចូលទៅក្នុងរូងភ្នំនោះ…

អឺរ៉ុប៖ សហភាពអឺរ៉ុប និងកាណាដា សម្រេចដាក់ទណ្ឌកម្មលើមន្ត្រីយោធាជាន់ខ្ពស់ មីយ៉ាន់ម៉ា៧រូប ដោយចោទប្រកាន់ថា អ្នកទាំងនេះមានជាប់ទាក់ទិននឹងការរំលោភ សិទ្ធិមនុស្សជាប្រព័ន្ធ ដើម្បីប្រឆាំងនឹងជនជាតិដើមភាគតិចរ៉ូហ៊ីងយ៉ា។ ហើយក្រៅពីសហភាពអឺរ៉ុប និងកាណាដា ដោយឡែកសហរដ្ឋអាមេរិកកាលពីខែធ្នូ ឆ្នាំ២០១៧ក៏បានប្រកាសដាក់ទណ្ឌកម្មលើក្រុមមន្ត្រីយោធាមីយ៉ាន់ម៉ាផងដែរ សំដៅ ឆ្លើយតបនឹងការប្រើកម្លាំងហួសហេតុបង្រ្កាបជនជាតិដើមភាគតិចរ៉ូហ៊ីងយ៉ា នៅក្នុង រដ្ឋរ៉ាក់ឃីន ដែលត្រូវបានអង្គការសហប្រជាជាតិហៅថា ជាការបោសសំអាតពូជ សាសន៍ ។ ប៉ុន្តែការចោទប្រកាន់នេះដែរ ត្រូវបានរដ្ឋាភិបាលមីយ៉ាន់ម៉ាបានប្រកាស ច្រានចោល ។គួរបញ្ជាក់ថា មន្ត្រីមីយ៉ាន់ម៉ាទាំង៧រូបខាងលើនេះ នឹងត្រូវប្រឈមមុខជាមួយការ បង្កកទ្រព្យសម្បត្តិ ព្រមទំាងជាប់បម្រាមក្នុងការធ្វើដំណើរទៅកាន់សហភាពអឺរ៉ុប ក្រោយសហភាពអឺរ៉ុបបានបន្តពន្យាការហាមឃាត់ការផ្ដល់អាវុធ និងរាល់ការបណ្ដុះ បណ្ដាល ឬក៏ការធ្វើកិច្ចសហប្រតិបត្តិការណាមួយជាមួយយោធាមីយ៉ាន់ម៉ា ៕

វៀតណាម៖ គណៈកម្មាធិការកណ្តាលទទួលបន្ទុកគ្រប់គ្រង និងទប់ស្កាត់គ្រោះ មហន្តរាយវៀតណាមបានរាយការណ៍នៅក្នុងថ្ងៃ អង្គារ៍ នេះថា ចំនួនមនុស្សស្លាប់ កើនឡើងដល់១៥នាក់ និងកំពុងបន្តបាត់ខ្លួន១១នាក់ ក្រោយគ្រោះទឹកជំនន់ និង គ្រោះរអិលបាក់ដីបង្កឡើងដោយការធ្លាក់ភ្លៀងធំ កាលពីអំឡុងចុងសប្តាហ៍មុន នៅ តាមបណ្តាខេត្តខ្ពង់រាបភាគខាងជើងប្រទេស ។ បើតាមប្រព័ន្ធផ្សព្វផ្សាយក្នុងតំបន់ គ្រោះមហន្តរាយធម្មជាតិដ៏អាក្រក់នេះដែរ ក៏បាន ធ្វើឲ្យមនុស្ស៧នាក់ផ្សេងទៀតទទួលរងរបួសនៅខេត្ត ឡៃ ឆូ ហើយថែមទំាងបាន បំផ្លាញលំនៅដ្ឋាន៨៣ខ្នង និងធ្វើឲ្យខូចខាត១.៤៧០ខ្នង ខណៈដីស្រែ និងចម្ការ ផ្សេងទៀតសរុបជាង១.២០០ហិកតាក៏ត្រូវរងការបំផ្លិចបំផ្លាញធ្ងន់ធ្ងរផងដែរ ។ដោយ ឡែកសត្វគោ-ក្របី៩៧ក្បាល និងបក្សីចិញ្ចឹម៥.៤០០ក្បាលបានងាប់ បន្ថែមលើនេះ ស្ពានមួយចំនួនត្រូវកាត់ផ្តាច់ និងបង្កការកកស្ទះចរាចរណ៍ធ្ងន់ធ្ងរនៅលើផ្លូវជាតិ និង ផ្លូវថ្នល់ធំៗជាច្រើនទៀត ។ សូមជម្រាបថា ចាប់តាំងពីចុងសប្តាហ៍កន្លងទៅ គ្រោះទឹកជំនន់ និងរអិលបាក់ដីនៅ ខេត្តទាំង៧ស្ថិតនៅភាគខាងជើងប្រទេសវៀតណាម បានបង្កអោយខាតបង់ទ្រព្យ សម្បតិ្តសាធារណៈគិតជាទឹកប្រាក់ប្រមាណ១៤១ពាន់លានដុង ដែលស្មើនឹង ៦.២ លានដុល្លារអាមេរិក ៕

សហរដ្ឋអាមេរិក៖ អភិបាលរដ្ឋកាលីហ្វរញ៉ា លោក ជែរី ប្រោន បានសម្រេចប្រកាស ដាក់រដ្ឋក្រោមស្ថានភាពអាសន្ន ដើម្បីដោះស្រាយគ្រោះមហន្តរាយ ដោយសារតែ ហេតុការណ៍ភ្លើងឆេះព្រៃដ៏កំណាចមួយនៅតំបន់ ឡេក ខោនធី មានចម្ងាយ ប្រមាណ១៩០គីឡូម៉ែត្រក្រឡាភាគពាយ័ព្យតំបន់ សាក្រាមិនតូ ។ប្រព័ន្ធផ្សព្វផ្សាយក្នុងតំបន់បានរាយការណ៍ថា ភ្លើងឆេះព្រៃដ៏សន្ធោរសន្ធៅនេះ បាន បំផ្លិចបំផ្លាញអគារចំនួន២២ខ្នង និងបង្កការគំរាមកំហែងដល់ផ្ទះ៦០០ខ្នងថែមទៀត ខណៈប្រជាជនអាមេរិករស់នៅក្នុងតំបន់ប្រហែល៣.០០០នាក់ ត្រូវបានជម្លៀសខ្លួនចេញទៅកាន់ទីកន្លែងសុវត្ថិភាព ។ ជាងនេះទៅទៀតនោះ វាក៏បានបង្កឲ្យមានការដាច់ចរន្តអគ្គិសនី និងបង្ខំអោយមានការបិទផ្លូវធ្វើដំណើរ ព្រមទាំងបន្តគំរាមកំហែងដល់ប្រព័ន្ធហេដ្ឋរចនាសម្ព័ន្ធថែមទៀតផង ។គ្រោះអគ្គីភ័យដ៏កំណាចនេះដែរ ត្រូវបានគេហៅឈ្មោះថា ផរនី ដោយវាបានឆាប ឆេះឡើងកាលពីថ្ងៃ សៅរ៍ កន្លងទៅ និងបានឆេះបំផ្លិចបំផ្លាញផ្ទៃដីប្រមាណ៣២គីឡូ ម៉ែត្រក្រឡា ដោយពុំមានការទប់ស្កាត់បានឡើយសូម្បីតែបន្តិច បើទោះបីទីភ្នាក់ងារពន្លត់អគ្គិភ័យយ៉ាងហោចណាស់២៣០នាក់ កំពុងបន្តប្រឹងប្រែងពន្លត់ភ្លើងឆេះព្រៃដ៏អាក្រក់នេះ ៕    

ជប៉ុន៖ រដ្ឋមន្រ្តីការបរទេសជប៉ុនលោក តារ៉ូ កូណូ បានលើកឡើងថា ប្រទេសខ្លួន បានប្រុងប្រៀបរួចជាស្រេចហើយ ក្នុងការបញ្ជូនក្រុមអ្នកជំនាញទៅធ្វើអធិការកិច្ច ទីតំាងរំសាយអាវុធនុយក្លេអ៊ែររបស់កូរ៉េខាងជើង ។ ថ្លែងប្រាប់អ្នកយកព័ត៌មាននៅក្នុងថ្ងៃច័ន្ទដើមសប្តាហ៍នេះ នាអំឡុងបំពេញទស្សនៈ កិច្ចនៅប្រទេសឥណ្ឌូនេស៊ី លោក តារ៉ូ កូណូ បានគូសបញ្ជាក់ថា ការលុបបំបាត់ អាវុធនុយក្លេអ៊ែរចេញពីតំបន់ឧបទ្វីបកូរ៉េ នឹងជួយធ្វើអោយស្ថានភាពវិបត្តិសម្រាប់ បណ្តាប្រទេសមួយចំនួនមានភាពធូរស្រាល ហើយថា  វាគឺជារឿងធម្មជាតិសម្រាប់ បណ្តាប្រទេសដែលនឹងទទួលបានអត្ថប្រយោជន៍ ពីការដកហូតអាវុធនុយក្លេអ៊ែរ ដើម្បីរួមចំណែកតាមមធ្យោបាយផ្សេងៗ ។ ប្រមុខការទូតជប៉ុនរូបនេះ ថែមទំាងបាន កត់សម្គាល់ទៀតថា ដំណើរការរំសាយអាវុធនុយក្លេអ៊ែរ នឹងត្រូវការអ្នកជំនាញមួយ ចំនួន ហើយថា ប្រទេសជប៉ុនមានចំណេះដឹងឯកទេសពាក់ព័ន្ធនឹងបញ្ហាមួយនេះ ។គួរបញ្ជាក់ថា ចាប់តាំងពីកិច្ចប្រជុំកំពូលជាប្រវត្តិសាស្រ្តរវាងសហរដ្ឋអាមេរិក និង កូរ៉េខាងជើងនៅប្រទេសសិង្ហបុរី រដ្ឋាភិបាលក្រុងតូក្យូបានទទូចអោយតំបន់ធ្វើតេស្ត មីស៊ីល-នុយក្លេអ៊ែរនានារបស់កូរ៉េខាងជើង ត្រូវបានត្រួតពិនិត្យដោយភ្នាក់ងារថាម ពលអាតូមិចអន្តរជាតិ ដើម្បីពន្លឿនការលុបបំបាត់អាវុធនុយក្លេអ៊ែររបស់រដ្ឋកុម្មុយ នីស្តមួយនេះ ៕  

កូរ៉េខាងត្បូង៖ រដ្ឋាភិបាលក្រុងសេអ៊ូល និងព្យុងយ៉ាងបានព្រមព្រៀងគ្នានៅក្នុងថ្ងៃ ច័ន្ទដើមសប្តាហ៍នេះថា នឹងធ្វើការស្តារបណ្តាញទំនាក់ទំនងយោធាអន្តរកូរ៉េឡើង វិញនាពេលឆាប់ៗតាមដែលអាចធ្វើទៅបាន ដែលក្នុងនោះរួមមានទំាងតំបន់ភាគ ខាងលិច និងភាគខាងកើត ។យោងតាមប្រភពរបស់ក្រសួងការពារជាតិកូរ៉េខាងជើង បានបញ្ជាក់ថា ការព្រម ព្រៀងគ្នារវាងប្រទេសបងប្អូនកូរ៉េទំាងពីរ បានកើតឡើងបន្ទាប់ពីក្រុមគណៈប្រតិភូ របស់កូរ៉េខាងត្បូង និងកូរ៉េខាងជើង ដែលដឹកនំាដោយមន្រ្តីយោធាជាន់ខ្ពស់ បាន រៀបចំកិច្ចពិភាក្សាកម្រិតការងារមួយនៅខាងភាគីកូរ៉េខាងត្បូង នៃការិយាយល័យ ឆ្លងកាត់អន្តរកូរ៉េ ដែលស្ថិតនៅតំបន់ភាគខាងលិច ។បើតាមប្រភពដដែលនេះ ក្នុងអំឡុងកិច្ចប្រជុំនោះ ភាគីទំាងសងខាងបានធ្វើការ ផ្លាស់ប្តូរទស្សនៈគ្នាទៅវិញទៅមក ពាក់ព័ន្ធនឹងកិច្ចការបន្ទាន់ដែលត្រូវតែធ្វើចំាបាច់ ដើម្បីខិតខំប្រឹងប្រែងតភ្ជាប់ខ្សែបណ្តាញទំនាក់ទំនងរវាងប្រទេសទំាងពីរឡើងវិញ ដោយអនុវត្តន៍តាមកិច្ចព្រមព្រៀងកិច្ចការយោធា ដែលស្ថិតក្រោមសេចក្តីប្រកាស នៃជំនួប ផាន់មុនជុម ដែលត្រូវបានចុះហត្ថលេខាដោយមេដឹកនំាកូរ៉េខាងជើង លោក គីម ជុងអ៊ុន និងប្រធានាធិបតីកូរ៉េខាងត្បូងលោក មូន ជែអ៊ីន ក្រោយជំនួប កំពូលលើកដំបូងនៅថ្ងៃទី២៧ ខែមេសាកន្លងមកនេះ នៅឯភូមិជាប់ព្រំដែន ផាន់មុន ជុម ៕

បារំាង៖ ប្រទេសជាសមាជិកសហភាពអឺរ៉ុបចំនួន៩ នឹងធ្វើការសម្រេចចិត្តលើ គម្រោងបង្កើតកងកម្លាំងអន្តរាគមន៍យោធាអឺរ៉ុបជាផ្លូវការនាពេលឆាប់ៗនេះ ដោយ អង់គ្លេសជាអ្នកគាំទ្រចំណាត់ការនេះបានគូសបញ្ជាក់ថា ផែនការនេះជាមធ្យោបាយ ដើម្បីរក្សាទំនងទំនងយោធាអោយនៅតែរឹងមាំជាមួយសហភាពអឺរ៉ុប បន្ទាប់ពីអង់ គ្លេសចាកចេញពីសហភាពអឺរ៉ុប ។ រដ្ឋមន្រ្តីការពារជាតិបារាំង លោកស្រី ផ្ល័ររែន ផាលី បានគួសបញ្ជាក់ថា លិខិត ប្រកាសពីគោលបំណងមួយនឹងត្រូវចុះហត្ថលេខានៅប្រទេស លុចហ្សំបួរ ក្នុងថ្ងៃ ច័ន្ទ នេះ ដោយប្រទេស បារាំង អាល្លឺម៉ង់ ប៊ែលហ្សិក អង់គ្លេស ដាណឺម៉ាក ហូឡង់ អេស្តូនី អេស៉្បាញ និងព័រទុយហ្គាល់ ។គម្រោងដ៏ធំនេះ ក៏រួមមានទំាងការសហការដើម្បីទប់ទល់នឹងវិបត្តិ ដែលអាចបង្កការ គំរាមកំហែងដល់សន្តិសុខអឺរ៉ុប គ្រោះមហន្តរាយធម្មជាតិ ការធ្វើអន្តរាគមន៍ក្នុងវិបត្តិ អ្វីមួយ ឬការជម្លៀសខ្លួនប្រជាជន ហើយវានឹងដាច់ដោយឡែកពីកិច្ចសហប្រតិបត្តិ ការលើវិស័យការពារជាតិដទៃទៀតរបស់សហភាពអឺរ៉ុប ដែលមានន័យថា អង់គ្លេស នឹងមិនមានបញ្ហាឡើយ ដើម្បីចូលរួមក្រោយពីចាកចេញពីសហភាពអឺរ៉ុប ៕

ទួរគី៖ លោក រីសេប តាយយីប អឺដូហ្កាន់ បានប្រកាសអំពីជ័យជំនះយ៉ាងភ្លូកទឹកភ្លូក ដីរបស់លោក ក្នុងការបោះឆ្នោតជ្រើសរើសប្រធានាធិបតីទួរគី ក្រោយប្រជាជនបាន នំាគ្នាទៅចូលរួមបោះឆ្នោតនៅក្នុងថ្ងៃ អាទិត្យ សប្តាហ៍មុននេះ ។បើតាមប្រព័ន្ធផ្សព្វផ្សាយរដ្ឋទួរគី ប្រជាជនទួរគីប្រមាណ៥៦.៣លាននាក់មានសិទ្ធិ ចូលរួមក្នុងការបោះឆ្នោតប្រធានាធិបតី និងការបោះឆ្នោតសភា ដោយក្នុងនោះរាប់ បញ្ចូលទាំងពលរដ្ឋទួរគីប្រហែល៣លាននាក់ ដែលកំពុងរស់នៅឯក្រៅប្រទេស ។ហើយសម្រាប់បេក្ខភាពឈរឈ្មោះប្រកួតប្រជែងយកតំណែងប្រធានាធិបតីទួរគីថ្មី នេះ គឺមានចំនួន៦រូប ប៉ុន្តែប្រសិនបើពុំមានបេក្ខភាពណាមួយទទួលបានសំឡេង គាំទ្រលើសពី៥០ភាគរយនៅជុំទីមួយនាថ្ងៃអាទិត្យនេះទេនោះ ការបោះឆ្នោតជុំទីពីរ នឹងត្រូវធ្វើឡើងបន្ទាប់ទៀតនៅថ្ងៃទី៨ ខែកក្កដាខាងមុខ ។សូមជម្រាបថា នៅក្រោយការបោះឆ្នោតនេះ ការផ្លាស់ប្តូរថ្មីមួយចំនួនត្រូវបាន សម្រេចឡើង ដោយការធ្វើប្រជាមតិកាលពីឆ្នាំ២០១៧នឹងចូលជាធរមាន ដែលក្នុង នោះមានទាំងការបន្ថែមអំណាចទៅអោយប្រធានាធិបតីផងដែរ ៕  

សហរដ្ឋអាមេរិក៖ ប្រធានាធិបតីអាមេរិកលោក ដូណាល់ ត្រាំ បានចេញបញ្ជាដោយ ផ្ទាល់អោយអាជ្ញាធរបញ្ជូនជនអន្តោប្រវេសន៍ ដែលបានចូលមកប្រទេសខ្លួនដោយ ខុសច្បាប់ចេញពីទឹកដីមហាអំណាចនេះជាបន្ទាន់ ដោយមិនចាំបាច់ត្រូវដោះស្រាយតាមផ្លូវច្បាប់ ឬប្រព័ន្ធតុលាការអ្វីឡើយ ហើយថា រូបលោកនៅតែគាំទ្រនយោបាយអន្តោប្រវេសន៍កន្លងមក ។ សូមរំលឹកថា រដ្ឋបាលលោក ដូណាល់ ត្រាំ បានប្រកាសកាលពីថ្ងៃ សៅរ៍ សប្តាហ៍ មុននេះ អំពីផែនការមួយក្នុងការអនុញ្ញាតអោយក្មេងៗអន្តោប្រវេសន៍អាចជួបជុំជាមួយឪពុកម្តាយរបស់ពួកគេវិញ នៅក្នុងមណ្ឌលឃុំឃាំងក្នុងរដ្ឋតិចសាស់ ដែលជាប់ ព្រំដែនជាមួយប្រទេសម៉ិចស៊ីកូ ។ ក៏ប៉ុន្តែបន្ទាប់មកទៀតក្រសួងសន្តិសុខមាតុភូមិអាមេរិក បានតបទៅប្រធានាធិបតី អាមេរិកលោក ដូណាល់ ត្រាំ វិញថា វាមិនអាចកើតឡើងទៅរួចនោះឡើយ លុះត្រា ណាតែឪពុកម្តាយដែលជាប់ឃុំខ្លួននោះ ត្រូវបញ្ចូនចេញពីសហរដ្ឋអាមេរិករួចរាល់ជាមុនសិន ៕

សហរដ្ឋអាមេរិក៖ មន្ត្រីជាន់ខ្ពស់មួយរូបរបស់សហរដ្ឋអាមេរិកបានថ្លែងថា ប្រទេស ខ្លួននឹងបង្ហាញពេលវេលាមួយទៅកាន់កូរ៉េខាងជើង ដោយមានការស្នើសុំជាក់លាក់ ពីរដ្ឋកុម្មុយនីស្តមួយនេះ បន្ទាប់ពីកិច្ចប្រជុំកំពូលជាប្រវត្តិសាស្ត្ររវាងប្រធានាធិបតី អាមេរិកលោក ដូណាល់ ត្រាំ និងមេដឹកនាំកូរ៉េខាងជើងលោក គីម ជុងអ៊ុន ។ ថ្លែងប្រាប់អ្នកសារព័ត៌មាន មុនពេលធ្វើដំនើរទៅកាន់តំបន់អាស៊ីក្នុងសប្តាហ៍នេះ រដ្ឋ មន្ត្រីការពារជាតិអាមេរិក លោក ចែម ម៉ាត់ទីស មិនបានបញ្ជាក់អ្វីលម្អិតទេ ប៉ុន្តែ លោកបានលើកឡើងថា ការកំណត់ពេលវេលាគឺឆាប់រហ័សគ្រប់គ្រាន់ ដើម្បីបញ្ជាក់ អំពីកម្រិតនៃការប្តេជ្ញាចិត្តរបស់របបដឹកនំាក្រុងព្យុងយ៉ាង ។ សូមរំលឹកថា រដ្ឋមន្ត្រីការបរទេសអាមេរិកលោក ម៉ៃ ប៉ុមប៉េ បានថ្លែងកាលពីសប្តាហ៍ មុនថា រូបលោកនឹងវិលត្រឡប់ទៅកាន់កូរ៉េខាងជើងវិញ មុនពេលដែលលោកបាន ខិតខំប្រឹងប្រែងសម្រាប់កិច្ចចរចា ដែលបានធ្វើឡើងកាលពីថ្ងៃទី១២ ខែមិថុនា នៅ សិង្ហបុរី រវាងលោក ដូណាល់ ត្រាំ និងលោក គីម ជុងអ៊ុន ។ ប្រមុខការទូតអាមេរិក រូបនេះបានប្រាប់អ្នកសារព័ត៌មាន ក្នុងពេលបំពេញទស្សនៈកិច្ចមួយនៅទីក្រុងសេ អ៊ូល កាលពីដើមខែនេះថា…