កូរ៉េខាងត្បូង៖ គណៈប្រតិភូកូរ៉េខាងត្បូងបានចាកចេញពីទីក្រុងសេអ៊ូល ទៅជួប ជាមួយកូរ៉េខាងជើង ដើម្បីពិភាក្សាលើបញ្ហាជួបជុំសាច់ញាតិនាពេលខាងមុខនេះ សម្រាប់គ្រួសារដែលបានបែកគ្នាកាលពីអំឡុងសម័យសង្រ្គាមកូរ៉េ ដែលបានបញ្ចប់ ទៅជាមួយបទឈប់បាញ់ ដោយមិនមានសន្ធិសញ្ញាសន្តិភាពនោះទេ ។ ក្រសួងបង្រួបបង្រួមកូរ៉េបានបញ្ជាក់ថា ក្រុមមន្រ្តីមកពីប្រទេសបងប្អូនកូរ៉េទាំង២នឹង ជួបគ្នានៅឯរមនីយដ្ឋានភ្នំ គុមហ្គាង ស្ថិតនៅភាគខាងជើងព្រំដែននៅក្នុងថ្ងៃ សុក្រ នេះ ប៉ុន្តែកូរ៉េខាងជើងមិនទាន់បានផ្តល់បញ្ជីឈ្មោះគណៈប្រតិភូរបស់ពួកគេនៅ ឡើយទេ ។ ពលរដ្ឋកូរ៉េខាងត្បូងជិត ១៣២.១០០ នាក់ដែលកំពុងស្វែករកសមាជិកគ្រួសាររបស់ ពួកគេនៅកូរ៉េខាងជើង បានចុះបញ្ជីជាមួយរដ្ឋាភិបាលកូរ៉េខាងត្បូង ហើយបើតាម ទិន្នន័យពីក្រសួងបង្រួបបង្រួមកូរ៉េនោះ ពលរដ្ឋប្រហែល៥៦.៨០០នាក់នៅរស់ ដោយភាគច្រើននៃពួកគេមានវ័យ៧០ឆ្នាំ ឬក៏លើសពីនេះ ។សូមរំលឹកឡើងវិញថា មេដឹកនាំកូរ៉េជើងលោក គីម ជុងអ៊ុន និងប្រធានាធិបតីខាង ត្បូងលោក មូន ជែអ៊ីន  បានរៀបចំជំនួបកំពូលដ៏កម្រមួយកាលពីថ្ងៃទី២៧ ខែមេសា កន្លងទៅនេះ ហើយភាគីទាំង២បានព្រមព្រៀងលើកកម្ពស់ការផ្សះផ្សាជាតិ ដែល រួមបញ្ចូលទាំងការបើកទូលាយបញ្ហាយោធា និងការជួបជុំសាច់ញាតិសម្រាប់ គ្រួសារបែកគ្នានៅថ្ងៃទី១៥ ខែសីហាខាងមុខនេះ គឺជាថ្ងៃដែលកូរ៉េបានអបអរសាទរ ឯករាជ្យរបស់ពួកគេពីអាណានិគមនិយមជប៉ុន ៕

សហភាពអឺរ៉ុប៖ សង្រ្គាមពាណិជ្ជកម្មដែលបង្កើតឡើងដោយប្រធានាធិបតីអាមេរិក លោក ដូណាល់ ត្រាំ កាន់តែរីករាលដាលធំឡើង ខណៈសហភាពអឺរ៉ុបបានប្រកាស ពីវិធានការសងសឹក ដោយដំឡើងពន្ធលើផលិតផលនាំចូលពីសហរដ្ឋអាមេរិក មាន តម្លៃរាប់ពាន់លានអឺរូ ។ ហើយក្រៅពីសហភាពអឺរ៉ុបនោះ ប្រទេសឥណ្ឌាក៏បានប្រកាសផងដែរថា នឹងតម្លើង ពន្ធនាំចូលលើផលិតផល២៩មុខពីសហរដ្ឋអាមេរិក ក្នុងនោះរួមមានផលិតផលកសិ កម្ម និងដែកថែបជាដើម ដើម្បីសងសឹកនឹងការតម្លើងពន្ធ២៥ភាគរយលើដែកថែប និង១០ភាគរយលើអាលុយមីញ៉ូមរបស់ប្រធានាធិបតីអាមេរិកលោក ដូណាល់ ត្រាំ។ បើតាមវិធានការរបស់សហភាពអឺរ៉ុបនោះ កតាព្វកិច្ចដំឡើងពន្ធ២.៨ពាន់លានអឺរ៉ូ នឹងត្រូវចូលជាធរមាននៅក្នុងថ្ងៃសុក្រនេះតែម្តង ហើយការដំឡើងពន្ធនេះដែរ គឺ មានគោលដៅលើស្រាវីស្គី ម៉ូតូ និងទឹកក្រូចស្រស់ជាដើម ខណៈប្រធានគណៈកម្ម ការអឺរ៉ុប លោក ហ្សង់ ក្លូដ ចាំងខឺ បានសង្កត់ធ្ងន់ថា ការតម្លើងពន្ធរបស់សហរដ្ឋអា មេរិកប្រឆាំងនឹងសហភាពអឺរ៉ុប គឺប្រឆាំងនឹងភាពត្រឹមត្រូវ និងប្រវត្តិសាស្ត្រ ៕

សហរដ្ឋអាមេរិក៖ មន្រ្តីជាន់ខ្ពស់សហរដ្ឋអាមេរិកមួយរូបបានលើកឡើងថា រដ្ឋមន្រ្តីការបរទេសអាមេ រិកលោក ម៉ៃ ប៉ុមប៉េអូ មានគម្រោងជួបពិភាក្សាជាមួយមន្រ្តីជាន់ខ្ពស់កូរ៉េខាងជើង នាពេលឆាប់ៗតាមដែលអាចធ្វើទៅបាន ស្ថិតក្នុងគោលបំនងព្យាយាមសម្រេចឱ្យ បានកិច្ចព្រមព្រៀងនៃជំនួបកំពូលរវាងសហរដ្ឋអាមេរិក-កូរ៉េខាងជើង នៅប្រទេស សង្ហិបុរី ។អ្នកនំាពាក្យក្រសួងបរទេសអាមេរិកលោកស្រី ហីតធើ ណឺត បានបញ្ជាក់ប្រាប់អ្នក យកព័ត៌មានថា ភាគីទំាងពីរធ្លាប់បានជជែកពិភាក្សាគ្នារួចមកហើយ ចាប់តំាងពីថ្ងៃ ទី១២ ខែមិថុនាកន្លងទៅនេះ នៅប្រទេសសង្ហិបុរី ។ អ្នកនំាពាក្យក្រសួងបរទេសអាមេរិកបានសង្តក់ធ្ងន់ថា សម្រាប់ពេលវេលា និង ទីកន្លែងជាក់លាក់នៃជំនួបរវាងប្រមុខការទូតអាមេរិក លោក ម៉ៃ ប៉ុមប៉េអូ ជាមួយ ក្រុមមន្រ្តីជាន់ខ្ពស់កូរ៉េខាងជើងបាននឹងកំពុងស្ថិតក្រោមការពិចារណានៅឡើយ ៕  

សហរដ្ឋអាមេរិក៖ ភរិយាប្រធានាធិតីអាមេរិកលោកស្រី មេឡានៀ ត្រាំ បានបំពេញដំណើរទស្សនៈកិច្ចដ៏ភ្ញាក់ផ្អើលមួយទៅកាន់តំបន់ ព្រំដែនរវាងអាមេរិក និងម៉ិចស៊ីកូ ខណៈរដ្ឋបាលស្វាមីរបស់លោកស្រីកំពុងទទួលការរិះគន់យ៉ាងខ្លាំង ជុំវិញគោល នយោបាយបំបែកបាក់គ្រួសារជនអន្តោប្រវេសន៍ ។ លោកស្រី មេឡានៀ ត្រាំ បានធ្វើដំណើរទៅកាន់ទីក្រុង ម៉ាកអាល់ឡេន រដ្ឋ តិចសាស់ ដើម្បីបំពេញទស្សនៈកិច្ចនៅឯមជ្ឈមណ្ឌលគំាពារកុមារមួយកន្លែង ដែល កុមារ៥៥នាក់មានអាយុពី៥ឆ្នាំដល់១៧ឆ្នាំមកពីប្រទេស ហុងឌូរ៉ាស់ ហ្គាតេម៉ាឡា និង អែលសាលវ៉ាឌ័រ កំពុងស្នាក់នៅ ។ នាឱកាសនោះដែរ ជំទាវទី១អាមេរិករូបនេះ បាននិយាយថា លោកស្រីពិតជារីករាយណាស់ដែលបានមកទីនេះ ហើយរូបលោក ស្រីកំពុងអន្ទះសារជួយក្មេងទាំងអស់នេះ ។ ម្យ៉ាងទៀត លោកស្រីក៏ចង់សួរអ្នកដែរ ថា តើរូបលោកស្រីត្រូវធ្វើដូចម្ដេចដើម្បីជួយអោយក្មេងទាំងនេះ ជួបជុំឪពុកម្ដាយ របស់ពួកគេឡើងវិញ ។ ជាមួយគ្នានេះ លោកស្រី មេឡានៀ ត្រាំ បានអំពាវនាវឱ្យមានការសម្រុះសម្រួល ផ្នែកនយោបាយ ដើម្បីបញ្ចប់ការបែកបាក់ដែលជាលទ្ធផលនៃគោលនយោបាយ “គ្មានការអត់ធ្មត់” របស់រដ្ឋបាលសហរដ្ឋអាមេរិកបច្ចុប្បន្ន ដែលបានចាប់ផ្តើមកាល ពីដើមខែ ឧសភា…

សហរដ្ឋអាមេរិក៖ ប្រធានាធិបតីអាមេរិកលោក ដូណាល់ ត្រាំ បានបញ្ជាក់ថា រដ្ឋាភិ បាលក្រុង ព្យុងយ៉ាង បានបំផ្ទុះកម្ទេចចោលនូវទីតំាងធ្វើតេស្តមីស៊ីល-នុយក្លេអ៊ែរ ធំៗចំនួន៤របស់ខ្លួនហើយ ហើយថា ដំណើរការរំសាយអាវុធនុយក្លេអ៊ែរទំាងស្រុងក៏ បានចាប់ផ្តើមធ្វើឡើងរួចហើយដែរ ប៉ុន្តែការអះអាងនេះ ត្រូវបានមន្រ្តីអាមេរិក និយាយថា មិនទាន់ឃើញមានភស្តុតាងបញ្ជាក់ថា កូរ៉េខាងជើងបានធ្វើវានៅឡើយ នោះទេ ។ ថ្លែងក្នុងកិច្ចប្រជុំគណៈរដ្ឋមន្រ្តីនៅសេតវិមាន លោក ដូណាល់ ត្រាំ បាននិយាយថា ពួកគេបានបញ្ឈប់ការបញ្ជូនមីស៊ីល ក្នុងនោះរួមមានទំាងមីស៊ីលផ្លោង ហើយថា ពួក គេក៏បានបំផ្ទុះបំផ្លាញទីតំាងម៉ាស៊ីនផងដែរ ។ លោក ត្រាំ បន្តថា ពួកគេពិតជាបាន បំផ្ទុះកម្ទេចចោលទីតំាំងធ្វើតេស្តដ៏ធំរបស់ពួកគេ ហើយជាការពិតណាស់  ទីតំាំងធ្វើ តេស្តដ៏ធំចំនួន៤របស់ពួកគេ គឺពិតជាត្រូវបានបំផ្លាញ ។ ដោយឡែកអ្នកនំាពាក្យក្រសួងបរទេសអាមេរិកលោកស្រី ហីតធើ ណឺត បានថ្លែង ប្រាប់អ្នកសារព័ត៌មានថា ប្រមុខការទូតអាមេរិកលោក ម៉ៃ ប៉ុមប៉េអូ បានអះអាងថា រូបលោកនឹងមានជំនួបជាមួយភាគីកូរ៉េខាងជើង ហើយពិភាក្សាគ្នាជាមួយពួកគេនា ពេលឆាប់ៗនេះតាមដែលអាចធ្វើទៅបាន…

សហរដ្ឋអាមេរិក៖ ប្រធានាធិបតីអាមេរិក លោក ដូណាល់ ត្រាំ បានបញ្ជាក់ថា មេ ដឹកនំាកំពូលកូរ៉េខាងជើង លោក គីម ជុងអ៊ុន ប្តេជ្ញាថា នឹងកម្ទេចចោលនូវកន្លែងធ្វើ តេស្តម៉ាស៊ីនបាញ់មីស៊ីលរយៈចម្ងាយឆ្ងាយ ដែលជាទីតាំងដ៏ធំមួយស្ថិតនៅភាគ ខាងលិចប្រទេស ។ សូមរំលឹកថា ថ្លែងប្រាប់ក្រុមអ្នកសារព័ត៌មាន បន្ទាប់ពីជំនួបកំពូលជាមួយលោក គីម ជុងអ៊ុន កាលពីថ្ងៃទី១២ ខែមិថុនា លោក ដូណាល់ ត្រាំ បាននិយាយថា លោក គីម បានសន្យាបិទទីតាំងធ្វើតេស្ដមីស៊ីលដ៏ធំមួយរបស់ខ្លួន ប៉ុន្តែលោក ត្រាំ មិនបានបញ្ជាក់ឈ្មោះទីតាំងធ្វើតេស្ដមីស៊ីលនេះឡើយ ។ បើតាមការបញ្ជាក់របស់ក្រុមមន្ត្រីអាមេរិក កូរ៉េខាងជើងមានរោងចក្រផលិតគ្រឿង បរិក្ខាពាក់ព័ន្ធនឹងគ្រាប់មីស៊ីល-នុយក្លេអ៊ែររហូតដល់ទៅ៣.០០០កន្លែង ដូច្នេះវាពិត ជាពិបាកណាស់ ក្នុងការរំសាយអាវុធនុយក្លេអ៊ែរអោយបានលឿន តាមការចង់បាន របស់សហរដ្ឋអាមេរិក ដោយសារតែការលុបបំបាត់អាវុធនុយក្លេអ៊ែរទាំងស្រុងរបស់កូរ៉េខាងជើងនឹងត្រូវប្រើពេលវេលាយូរ ព្រមទាំងថវិកាដ៏ច្រើនសន្ធឹកសន្ធាប់ ៕

សហរដ្ឋអាមេរិក៖  បន្ទាប់ពីមានការរិះគន់ជាច្រើនទៅលើគោលនយោបាយ ក្នុងការ បំបែកបំបាក់ក្រុមគ្រួសាររបស់ជនអន្តោប្រវេសន៍ម៉ិចស៊ីកូ កាលពីថ្ងៃ ពុធ ម្សិលមិញ នេះ ប្រធានាធិបតីអាមេរិកលោក ដូណាល់ ត្រាំ បានសម្រេចចុះហត្ថលេខាលុប ចោលគោលនយោបាយនេះចេញវិញ ដើម្បីអោយពួកគេរស់នៅជួបជុំគ្នា ។ការផ្លាស់ប្តូរឡើងវិញរបស់លោក ដូណាល់ ត្រាំ បានធ្វើឡើងក្រោយមានការប្រឈ មមុខ និងការដាក់សម្ពាធជាច្រើនពីបណ្តាអ្នកនយោបាយ ព្រមទំាងក្រុមមេដឹកនាំ សាសនា និងពិភពលោកផងដែរ ដើម្បីអោយបញ្ឈប់នូវការបំបែកបំបាក់ ដែលបង្ក អោយមានភាពទុក្ខសោករបស់កុមារ ដែលនឹងត្រូវគេនាំយកទៅដាក់នៅតាម មណ្ឌលនានា ដោយព្រាត់ប្រាស់ចេញពីឪពុកម្តាយរបស់ពួកគេ ។សូមរំលឹកថា បន្ទាប់ពីប្រធានាធិបតីអាមេរិកលោក ដូណាល់ ត្រាំ បានប្រកាសថា នឹងបំបែកបំបាក់ក្រុមគ្រួសារនៃជនអន្តោប្រវេសន៍ម៉ិចស៊ីកូ ពិសេសបំបែកកុមារ ចេញពីឪពុកម្តាយរបស់ក្រុមជនអន្តោប្រវេសន៍ទាំងនោះ មានមជ្ឈមដ្ឋានជាច្រើន បានរិះគន់នឹងការសម្រេចមួយនេះ ពិសេសក៏មានការលើកឡើងអំពីក្តីកង្វល់របស់ ភរិយារបស់លោក ដូណាល់ ត្រាំ ផ្ទាល់តែម្តង ដែលគាត់បានថ្លែងថា ស្អប់ការបំបែក បំបាក់ និងធ្វើអោយគ្រួសារឃ្លាតឆ្ងាយពីគ្នា ពិសេសកុមារដែលត្រូវបែកចេញពី ឪពុកម្តាយរបស់ពួកគេ ៕

សហរដ្ឋអាមេរិក៖  បន្ទាប់ពីមានការរិះគន់ជាច្រើនទៅលើគោលនយោបាយ ក្នុងការ បំបែកបំបាក់ក្រុមគ្រួសាររបស់ជនអន្តោប្រវេសន៍ម៉ិចស៊ីកូ កាលពីថ្ងៃ ពុធ ម្សិលមិញ នេះ ប្រធានាធិបតីអាមេរិកលោក ដូណាល់ ត្រាំ បានសម្រេចចុះហត្ថលេខាលុប ចោលគោលនយោបាយនេះចេញវិញ ដើម្បីអោយពួកគេរស់នៅជួបជុំគ្នា ។ការផ្លាស់ប្តូរឡើងវិញរបស់លោក ដូណាល់ ត្រាំ បានធ្វើឡើងក្រោយមានការប្រឈ មមុខ និងការដាក់សម្ពាធជាច្រើនពីបណ្តាអ្នកនយោបាយ ព្រមទំាងក្រុមមេដឹកនាំ សាសនា និងពិភពលោកផងដែរ ដើម្បីអោយបញ្ឈប់នូវការបំបែកបំបាក់ ដែលបង្ក អោយមានភាពទុក្ខសោករបស់កុមារ ដែលនឹងត្រូវគេនាំយកទៅដាក់នៅតាម មណ្ឌលនានា ដោយព្រាត់ប្រាស់ចេញពីឪពុកម្តាយរបស់ពួកគេ ។សូមរំលឹកថា បន្ទាប់ពីប្រធានាធិបតីអាមេរិកលោក ដូណាល់ ត្រាំ បានប្រកាសថា នឹងបំបែកបំបាក់ក្រុមគ្រួសារនៃជនអន្តោប្រវេសន៍ម៉ិចស៊ីកូ ពិសេសបំបែកកុមារ ចេញពីឪពុកម្តាយរបស់ក្រុមជនអន្តោប្រវេសន៍ទាំងនោះ មានមជ្ឈមដ្ឋានជាច្រើន បានរិះគន់នឹងការសម្រេចមួយនេះ ពិសេសក៏មានការលើកឡើងអំពីក្តីកង្វល់របស់ ភរិយារបស់លោក ដូណាល់ ត្រាំ ផ្ទាល់តែម្តង ដែលគាត់បានថ្លែងថា ស្អប់ការបំបែក បំបាក់ និងធ្វើអោយគ្រួសារឃ្លាតឆ្ងាយពីគ្នា ពិសេសកុមារដែលត្រូវបែកចេញពី ឪពុកម្តាយរបស់ពួកគេ ៕

សហរដ្ឋអាមេរិក៖ ប្រធានាធិបតីអាមេរិក លោក ដូណាល់ ត្រាំ បានគូសបញ្ជាក់ថា រដ្ឋាភិបាលក្រុងព្យុងយ៉ាងបានប្រគល់អដ្ឋិធាតុទាហានអាមេរិក២០០នាក់ ដែលបាន បាត់បង់ជីវិតកាលពីអំឡុងសង្រ្គាមកូរ៉េត្រឡប់មកវិញហើយ បើទោះជាពុំទាន់មាន ការទទួលស្គាល់ជាផ្លូវការណាមួយពីយោធាអាមេរិកក៏ដោយ ។ ការអះអាងរបស់លោក ដូណាល់ ត្រាំ នាពេលនេះ ធ្វើឡើងក្រោយពេលមន្ត្រីអាមេ រិកពីររូបបានប្រាប់សារព័ត៌មានក្នុងស្រុកថា កូរ៉េខាងជើងអាចនឹងប្រគល់អដ្ឋិធាតុ ទាហានអាមេរិក ទៅអោយទីបញ្ជាការអង្គការសហប្រជាជាតិប្រចាំនៅប្រទេសកូរ៉េ ខាងត្បូងក្នុងពេលឆាប់ៗ មុននឹងអដ្ឋិធាតុទាំងនេះត្រូវបញ្ជូនបន្តទៅកាន់មូលដ្ឋាន ទ័ពអាកាស ហ៊ីកខាំ ក្នុងរដ្ឋហាវ៉ៃ ។ យោងតាមទិន្នន័យរបស់យោធាអាមេរិក បានអោយដឹងថា ទាហានអាមេរិកច្រើន ជាង៣៦.៥០០នាក់បានបាត់បង់ជីវិតនៅក្នុងសង្រ្គាមកូរ៉េ (ឆ្នាំ១៩៥០-១៩៥៣) រីឯ កូរ៉េខាងជើងវិញ មានអដ្ឋិធាតុកងទ័ពអាមេរិក២០០នាក់នៅក្នុងដៃ ។ ចំណែកឯការ ប្រគល់អដ្ឋិធាតុទាហានអាមេរិកលើកចុងក្រោយ ត្រូវបានធ្វើឡើងកាលពីឆ្នាំ២០០៧ នៅពេលដែលអភិបាលរដ្ឋ ញូម៉ិចស៊ីកូ លោក ប៊ៀល រីឆាដសុន បំពេញទស្សនៈកិច្ចទៅកាន់ទីក្រុង ព្យុងយ៉ាង ៕