ចិន៖ នៅក្នុងជំនួបជាមួយមេដឹកនំាកូរ៉េខាងជើង លោក គីម ជុងអ៊ុន ក្នុងរដ្ឋធានី ប៉េកំាង ប្រធានាធិបតីចិន លោក ស៊ី ជិនពីង បានថ្លែងអំពាវនាវយ៉ាងទទួចអោយ សហរដ្ឋអាមេរិក និងកូរ៉េខាងជើងអនុវត្តតាមកិច្ចព្រមព្រៀង ដែលបានធ្វើឡើងនៅ ក្នុងជំនួបកំពូលជាប្រវត្តិសាស្រ្តនៅសិង្ហបុរី ។ លោក ស៊ី ជិនពីង បានកត់សំគាល់ថា ជំនួបចំនួន៣លើកជាមួយលោក គីម ជុងអ៊ុន ក្នុងរយៈពេល៣ខែមកនេះ បានសបញ្ជាក់យ៉ាងច្បាស់អំពីការអភិវឌ្ឍន៍នៃចំណង ទាក់ទងរវាងភាគី និងប្រទេសទំាងពីរ ក៏ដូចជាការបើកទំព័រសករាជថ្មីមួយ ក្នុងការ លើកកម្ពស់សម្ព័ន្ធភាពរវាងចិន និងកូរ៉េខាងជើង ។ លោក ស៊ី បានថ្លែងអះអាងនៅ ចំពោះមុខលោក គីម ថា ភាពរាក់ទាក់របស់ប្រជាជនចិនចំពោះប្រជាជនកូរ៉េខាង ជើងនឹងមិនមានការផ្លាស់ប្តូរឡើយ ហើយថា ការឧបត្ថម្ភគំាទ្ររបស់ចិន ក្នុងការ ជួយជ្រោមជ្រែងដល់សង្គមកូរ៉េខាងជើងក៏មិនមានការប្រែប្រួលផងដែរ ។ សូមជម្រាបថា ដំណើរទស្សនកិច្ចរយៈពេលពីរថ្ងៃរបស់ប្រមុខដឹកនំាកូរ៉េខាងជើង លោក គីម ជុងអ៊ុន ដែលនឹងបញ្ចប់នៅថ្ងៃពុធនេះ ត្រូវបានរៀបចំឡើងក្រោមគោល…

បរទេស៖ អ្នកនាំពាក្យអគ្គលេខាធិការអង្គការសហប្រជាជាតិ លោក ស្ទេហ្វិន ឌូហ្សា រិច បានលើកឡើងថា លោកអគ្គលេខាធិការ អាន់តូនីញ៉ូ ហ្គួទែរែស ជឿជាក់ថា កុមារមិនគួរត្រូវឆ្លងកាត់ការឈឺឆាប់ ដោយសារការត្រូវឃ្លាតឆ្ងាយពីឪពុកម្តាយ របស់ពួកគេឡើយ ក្រោយសហរដ្ឋអាមេរិកបានដាក់ចេញគោលនយោបាយថ្មីមួយ ទៀត ដែលមានគោលដៅបង្ក្រាបជនអន្តោប្រវេសន៍ ។ អាជ្ញាធរសហរដ្ឋអាមេរិកបានរាយការណ៍ថា មានកុមារប្រមាណ២.០០០នាក់ត្រូវ ឃ្លាតពីឳពុកម្តាយរបស់ពួកគេ ក្រោយត្រូវបានដាក់ឲ្យនៅក្នុងមន្ទីរឃុំឃាំងនៅតាម បណ្តារដ្ឋភាគនិរតីរបស់សហរដ្ឋអាមេរិក ។ ការជំទាស់របស់ប្រមុខដឹកនាំអង្គការសហប្រជាជាតិរូបនេះ គ្រាន់តែជាការបង្ហាញ សំឡេងប្រឆាំងមួយ ក្នុងចំណោមសំឡេងប្រឆាំងជាច្រើន ដែលត្រូវបានធ្វើឡើងចំពោះគោលនយោបាយដែលទើបត្រូវបានដាក់ចេញនាពេលថ្មីៗនេះ របស់សហរដ្ឋ អាមេរិកប៉ុណ្ណោះ ដែលវាជានយោបាយឈានដល់ការបំបែកកុមារពីឪពុកម្តាយទាំង ឡាយដែលត្រូវបានចាប់ខ្លួន ដោយសារតែការឆ្លងដែនពីម៉ិចស៊ីកូចូលមកក្នុងទឹកដីអាមេរិកដោយខុសច្បាប់ ។ពាក់ព័ន្ធនឹងគោលនយោបាយថ្មនេះដែរ កាលពីពេលថ្មីៗនេះ សូម្បីតែភរិយារបស់ប្រធានាធិបតីអាមេរិកលោក ដូណាល់ ត្រាំ គឺលោកជំទាវ មេឡានៀ ក៏បានចេញមុខបង្ហាញការមិនពេញចិត្តផងដែរ ចំពោះនយោបាយដែលមិនបានលើកលែងសូម្បីតែកូនក្មេងនេះ ៕  

សហរដ្ឋអាមេរិក៖ រដ្ឋមន្រ្តីការបរទេសអាមេរិកលោក ម៉ៃ ប៉ុមប៉េអូ បានលើកឡើងថា រូបលោកអាចនឹងធ្វើដំនើរត្រឡប់ទៅកាន់ប្រទេសកូរ៉េខាងជើងម្តងទៀត នាពេល ឆាប់ៗខាងមុខនេះ ស្ថិតក្នុងគោលបំណងបើកកិច្ចចចារស្តីពីការរំសាយអាវុធនុយក្លេ អ៊ែរ ។លោក ម៉ៃ ប៉ុមប៉េអូ បានគួសបញ្ជាក់ថា រូបលោកមានគម្រោងធ្វើដំនើរត្រឡប់ទៅ កាន់រដ្ឋធានី ព្យុងយ៉ាង ម្តងទៀតនាពេលឆាប់ៗនេះ ហើយថា រូបលោកមានកិច្ចការ សំខាន់ដែលត្រូវធ្វើ ដើម្បីឈានទៅសម្រេចកិច្ចព្រមព្រៀងដ៏អស្ចារ្យបំផុតមួយ ។ ប្រមុខការទូតអាមេរិករូបនេះ បានបន្ថែមទៀតថា នៅពេលប្រធានាធិបតីអាមេរិក លោក ដូណាល់ ត្រាំ ជួបជាមួយមេដឹកនំាកំពូលកូរ៉េខាងជើង លោក គីម ជុងអ៊ុន នៅសង្ហិបុរី ដោយលោក គីម បានប្តេជ្ញាថា ប្រទេសលោកនឹងរំសាយអាវុធនុយក្លេ អ៊ែរទំាងស្រុង ។ ជុំវិញការអះអាងរបស់មេដឹកនំាកូរ៉េខាងជើងនេះដែរ លោក ប៉ុមប៉េអូ បានសង្កត់ធ្ងន់ ថា ក្នុងដំណើរវិលត្រឡប់ទៅកាន់រដ្ឋកុម្មុយនីស្តមួយនេះវិញ រូបលោកនំាយកពាក្យ សន្យារបស់លោក ត្រាំ ដែលថា នឹងផ្លាស់ប្តូរកិច្ចព្រមព្រៀងបទឈប់បាញ់នៃ សង្គ្រាមកូរ៉េ និងផ្តល់ការធានាសន្តិសុខដល់លោក គីម ៕…

សហរដ្ឋអាមេរិក៖ រដ្ឋាភិបាលក្រុងវ៉ាស៊ីនតោន និងសេអ៊ូលបានព្រមព្រៀងរួមគ្នាថា នឹងផ្អាកការធ្វើសម យុទ្ធយោធាទ្រង់ទ្រាយធំទ្វេភាគី ដែលគ្រោងនឹងធ្វើឡើងនៅក្នុងខែ សីហា ខាងមុខ នេះ ។ទន្ទឹមគ្នានោះដែរ ក្រសួងការពារជាតិអាមេរិកបានប្រកាសក្នុងថ្ងៃ ច័ន្ទ ដើមសប្តាហ៍ នេះថា ខ្លួនបញ្ឈប់ទំាងអស់នូវគម្រោងនៃធ្វើការលំហាត់ហ្វឹកហ្វឺន យូឈី ហ្វ្រីឌម ហ្គាដឌាន ខណៈមន្ទីរបញ្ចកោណអះអាងដែរថា សហរដ្ឋអាមេរិក និងកូរ៉េខាងត្បូង នឹងបន្តសម្របសម្រួលសកម្មភាពនេះបន្ថែមទៀត ។ ដោយឡែកខាងភាគីក្រសួង ការពារជាតិកូរ៉េខាងត្បូង ក៏បានប្រកាសអះអាងដូចគ្នា ពាក់ព័ន្ធនឹងការសម្រេចចិត្ត ផ្អាកការធ្វើសមយុទ្ធទ្វេភាគីផងដែរ ។បើតាមក្រសួងការបរទេសអាមេរិក រដ្ឋមន្រ្តីការពារជាតិអាមេរិក លោក ចែម ម៉ាត់ទីស និងរដ្ឋមន្រ្តីការបរទេសអាមេរិក លោក ម៉ៃ ប៉ុមប៉េអូ ក៏នឹងត្រូវជួបពិភាក្សា គ្នានាពេលឆាប់ៗនៅក្នុងសប្តាហ៍នេះ នៅឯមន្ទីរបញ្ចកោណ ដើម្បីជជែកគ្នាជុំវិញ ការផ្អាកសមយុទ្ធជាមួយកូរ៉េខាងត្បូងផងដែរ ៕

ជប៉ុន៖  តួលេខជនរងគ្រោះបាត់បង់ជីវិត នៅក្នុងគ្រោះរញ្ជួយដីកម្រិត៦.១រ៉ិចទ័រ ដែលបានវាយប្រហារខេត្តអូសាកា ភាគខាងលិចប្រទេសជប៉ុននោះ បានបន្តកើន ឡើងដល់៤នាក់ហើយ និងមនុស្សជាង៣៨០នាក់ផ្សេងទៀតទទួលរងរបួស ខណៈ មានការព្រមានថា គ្រោះធម្មជាតិនេះ អាចនឹងកើតឡើងទៀតនៅទីតំាំងដដែល ។ បើតាមប្រព័ន្ធផ្សាយជប៉ុន គ្រោះរញ្ជួយដីកម្រិតកម្រិតធ្ងន់ដែលមានជម្រៅ១០គីឡូ ម៉ែត្រក្រោមផ្ទៃដីនេះ ពុំបានបង្កជារលកយក្សស៊ូណាមិនោះឡើយ តែវាបានបង្កការ ខូចខាតធ្ងន់ធ្ងរដល់ហេដ្ឋារចនាសម្ព័ន្ធជារួមនៅក្នុងតំបន់ ។ ហើយគ្រោះមហន្តរាយ នេះដែរ ក៏បានបង្ខំអោយរោងចក្រជាច្រើននៅក្នុងតំបន់ផ្អាកសកម្មភាពរបស់ខ្លួនជា បណ្ដោះអាសន្ន ដោយឡែកសេវាកម្មរថភ្លើងជាច្រើនបានបើកដំណើរការឡើងវិញ ហើយ ។ សូមបញ្ជាក់ថា គ្រោះរញ្ជួយដីនៅជប៉ុន តែងតែកើតឡើងជាញឹកញប់មានទាំងកំរិត ធ្ងន់ និងស្រាល ដោយសារតែប្រទេសមួយនេះស្ថិតនៅលើខ្សែក្រវាត់ភ្លើង ដែល លាតសន្ធឹងពីតំបន់ប៉ាស៊ីហ្វិកខាងត្បូងកាត់តាមឥណ្ឌូនេស៊ី និងជប៉ុន ទៅដល់ អាឡាស់កា នៅភាគខាងជើងប៉ាស៊ីហ្វិក ហើយចាក់ចុះមកឆ្នេរអាមេរិកខាងជើង កណ្ដាល និងខាងត្បូងថែមទៀត ៕

សហរដ្ឋអាមេរិក៖ ប្រធានាធិបតីអាមេរិក លោក ដូណាល់ ត្រាំ បានអះអាងក្នុងថ្ងៃ ច័ន្ទ ដើមសប្តាហ៍នេះថា រូបលោកបានដាក់ចេញនូវបទបញ្ជាអោយបង្កើតកងអង្គ ភាពទី៦ នៃកងកម្លាំងប្រដាប់អាវុធរបស់សហរដ្ឋអាមេរិក ដែលផ្តោតសំខាន់លើការ ការពារទីអវកាស ។ បច្ចុប្បន្នអង្គភាពទាំង៥នៃកងកម្លាំងប្រដាប់អាវុធរបស់សហ រដ្ឋអាមេរិក រួមមាន៖ កងទ័ពជើងគោក កងនាវាចម្បំាង កងទ័ពជើងទឹក កងទ័ព អាកាស និងកងឆ្មាំការពារដែនសមុទ្រ ។ ថ្លែងក្នុងកិច្ចប្រជុំមួយរបស់ក្រុមប្រឹក្សាអវកាសជាតិអាមេរិក លោក ដូណាល់ ត្រាំ បានគួសបញ្ជាក់ថា រូបលោកបានបង្គាប់អោយក្រសួងការពារជាតិទាំងមូល និងមន្ទីរបញ្ចកោណធ្វើការចាប់ផ្តើមភ្លាមៗនូវដំណើរការចំបាច់ផ្សេងៗ សម្រាប់ការបង្កើត យោធាការពារទីអវកាស ។ ប្រធានាធិបតីអាមេរិករូបនេះ បានសង្កត់ធ្ងន់ថា កងទ័ពថ្មីនេះ គឺមានលក្ខណៈដាច់ដោយឡែក ប៉ុន្តែស្មើភាពជាមួយកងទ័ពអាកាសអាមេរិក ហើយថា វាមិនទាន់គ្រប់ គ្រាន់នោះទេ ដោយត្រឹមតែមានវត្តមានអាមេរិកនៅទីអវកាស គឺយើងត្រូវមាន អំណាចរបស់អាមេរិកនៅក្នុងទីអវកាសផងដែរ ៕

ចិន៖ រដ្ឋាភិបាលក្រុងប៉េកំាងបានបន្តធ្វើការសងសឹក ចំពោះការគំរាមកំហែងផ្នែក សេដ្ឋកិច្ចបែបឯតោភាគីរបស់ប្រធានាធិបតីអាមេរិកលោក ដូណាល់ ត្រាំ តាម រយៈការព្រមានបង្កើនពន្ធថ្មីទៀតទៅលើឧស្ម័នធម្មជាតិ និងប្រេងឆៅ ព្រមទាំង ផលិតផលផ្នែកថាមពលជាច្រើនផ្សេងទៀត ។ យោងតាមស្ថិតិរបស់ក្រសួងថាមពលអាមេរិក បានអោយដឹងថា ចិនធ្វើការនាំ ចូលប្រេងឆៅប្រមាណ៣៦៣.០០០បារ៉ែលជារៀងរាល់ថ្ងៃពីសហរដ្ឋអាមេរិក និង ប្រហែលជា២០០.០០០បារ៉ែលនៃអនុផលប្រេងដទៃៗទៀតក្នុងមួយថ្ងៃ ។ ដូច្នេះ សង្គ្រាមពាណិជ្ជកម្មរវាងសហរដ្ឋអាមេរិក និងចិន បាននឹងកំពុងធ្វើអោយក្រុម ហ៊ុនតូចធំៗក្នុងប្រទេសទាំងពីរមានការព្រួយបារម្ភ និងជម្រញអោយបញ្ឈប់ផង ដែរ ដោយសារទង្វើនេះនឹងបង្កការខាតបង់ទាំងសងខាង ។សូមជម្រាបថា ចិនបានគំរាមដំឡើងពន្ធលើផលិតផលផ្នែកថាមពលរបស់សហ រដ្ឋអាមេរិក ដើម្បីជាការឆ្លើយតបចំពោះការបង្កើនពន្ធលើទំនិញចិនក្នុងទំហំជាទឹក ប្រាក់៥០ពាន់លានដុល្លារអាមេរិក ដែលត្រូវបានដាក់ចេញដោយប្រធានាធិបតីអាមេរិក លោក ដូណាល់ ត្រាំ ។ ហើយការដំឡើងពន្ធរបស់ចិននេះដែរ នឹងដាក់ កំហិតមិនអោយក្រុមហ៊ុនចម្រាញ់វត្ថុធាតុដើមចិន ធ្វើការទិញឧស្ម័នធម្មជាតិ ឬ ប្រេងឆៅរបស់សហរដ្ឋអាមេរិកឡើយ ដែលជាហេតុអាចបង្កឲ្យមានការប៉ះពាល់ជាខ្លាំងដល់ទីផ្សារថាមពលសហរដ្ឋអាមេរិក ៕

ឥណ្ឌា៖ រដ្ឋាភិបាលឥណ្ឌានឹងផ្អាកសម្បទានពាណិជ្ជកម្មជាមួយសហរដ្ឋអាមេរិក ហើយថែមទំាងសម្រេចដំឡើងពន្ធនាំចូលលើផលិតផលចំនួន៣០មុខរបស់មហាអំណាចនេះរហូតដល់៥០ភាគរយផងដែរ ដើម្បីជាការឆ្លើយតបទៅនឹងការដំឡើង ពន្ធនាំចូលលើកដែកថែប និងអាលុយមីញ៉ូមរបស់ប្រធានាធិបតីអាមេរិក លោក ដូណាល់ ត្រាំ ។ រដ្ឋាភិបាលឥណ្ឌាកាលពីពេលថ្មីៗកន្លងទៅនេះ បានផ្ញើលិខិតមួយទៅកាន់អង្គការ ពាណិជ្ជកម្មពិភពលោក ហៅកាត់ថា WTO ដើម្បីបញ្ជាក់ប្រាប់ពីគំរោងដំឡើងពន្ធ របស់ខ្លួន ដែលគិតជាសរុបគំរោងដំឡើងពន្ធនេះ លើមុខផលិតផលសហរដ្ឋអាមេ រិក៣០មុខ ដែលមានតម្លៃគិតជាប្រាក់ស្មើនឹងជាង២៤០លានដុល្លារអាមេរិក ។យោងតាមបញ្ជីផលិតផលដែលត្រូវដំឡើងពន្ធរបស់រដ្ឋាភិបាលឥណ្ឌា បានអោយ ដឹងថា ផលិតផលនាំចូលពីសហរដ្ឋអាមេរិក៣០មុខនឹងត្រូវជាប់កាតព្វកិច្ចដំឡើង ពន្ធ ហើយក្នុងនោះការដំឡើងពន្ធ៥០ភាគរយ នឹងត្រួវអនុវត្តលើម៉ូតូមានកម្លំាង ចាប់ពី៨០០ccឡើងទៅ ស្របពេលដែលផ្លែប៉ោមជាប់ពន្ធ២៥ភាគរយ ព្រមទំាង ផ្លែ almonds និងផ្លែ walnuts ២០ភាគរយ ៕