សហរដ្ឋអាមេរិក៖ ប្រធានាធិបតីអាមេរិក លោក ដូណាល់ ត្រាំ បានអះអាងនៅ ចំពោះមុខក្រុមអ្នកសារព័ត៌មាននៅសេតវិមានថា រូបលោកអាចហៅទូរស័ព្ទទៅ លោក គីម ជុងអ៊ុន បានភ្លាមនៅពេលនេះ ព្រោះលោកបានអោយលេខទូរស័ព្ទ ផ្ទាល់មួយខ្សែទៅលោក គីម ។ លោក ត្រាំ បានសង្កត់ធ្ងន់ថា លោក គីម អាចហៅ ទូរស័ព្ទមកលោកបានភ្លាមៗ បើសិនគាត់មានបញ្ហាលំបាកអ្វីមួយ  និយាយរួម យើង មានមធ្យោបាយទាក់ទងគ្នា ។ ការលើកឡើងរបស់ប្រធានាធិបតីរូបនេះ ធ្វើឡើងក្រោយរូបលោកបានជួប និង ពិភាក្សាទល់មុខគ្នាជាមួយលោក គីម ជុងអ៊ុន នៅប្រទេសសិង្ហបុរី កាលពីថ្ងៃ អង្គារ៍ សប្តាហ៍នេះ ដែលអន្តរជាតិបានមើលឃើញថា ជាភាពវិជ្ជមានធំធេងសម្រាប់ពិភព លោក និងជាលើកដំបូងសម្រាប់ប្រវត្តិសាស្ត្ររបស់ប្រទេសទំាងពីរ ។ស្របពេលជាមួយគ្នានោះដែរ ប្រធានាធិបតីអាមេរិក លោក ដូណាល់ ត្រាំ ក៏បាន បង្ហើបអោយដឹងផងដែរថា រូបលោកគ្រោងនឹងទូរស័ព្ទទៅកាន់មេដឹកនំាំកពូលកូរ៉េ ខាងជើងលោក គីម ជុងអ៊ុន ដោយផ្ទាល់នៅក្នុងថ្ងៃ អាទិត្យ…

កូរ៉េខាងត្បូង៖ មន្រ្តីជាន់ខ្ពស់រដ្ឋាភិបាលក្រុងសេអ៊ូល និងព្យុងយ៉ាងនៅក្នុងថ្ងៃ ព្រហ ស្បត្តិ៍ សប្តាហ៍នេះ បានបើកកិច្ចចចារទ្វេភាគីមួយជាលើកដំបូង ដែលផ្តោតសំខាន់ លើការទំនាក់ទំនងខាងផ្នែកយោធានៅតាមតំបន់ព្រំដែន ។ក្រោយជំនួបពិភាក្សាខាងលើនេះ កូរ៉េខាងជើង និងកូរ៉េខាងត្បូងបានឯកភាពគ្នា ក្នុងការស្តារកិច្ចទំនាក់ទំនងខាងផ្នែកយោធារវាងប្រទេសទំាងពីរឡើងវិញ ដែលនេះ គឺជាកិច្ចព្រមព្រៀងមួយជាលើកដំបូង បន្ទាប់ពីបានផ្តាច់ទំនាក់ទំនងគ្នាលើវិស័យ មួយនេះ អស់រយៈពេលជាង១ទសវត្សរ៍កន្លងមក ។ ភាគីនៃប្រទេសទាំងពីរបានផ្លាស់ប្តូរយោបល់គ្នាទៅវិញទៅមក ដោយបានលើក ឡើងអំពីបទឈប់បាញ់គ្នារបស់កូរ៉េខាងត្បូង នៅភូមិ ផាន់មុនជុម ដែលជាការអនុ វត្តន៍មួយ ស្របតាមកិច្ចចរចាគ្នារវាងមេដឹកនំាកំពូលប្រទេសទាំងពីរ កាលពីថ្ងៃទី ២៧ខែមេសាឆ្នាំ២០១៨កន្លងទៅនេះ និងទប់ស្កាត់ករណីកើតមានឡើងជាយថា ហេតុនៅឯសមុទ្រខាងលិច ៕

កូរ៉េខាងត្បូង៖ យោធាកូរ៉េខាងត្បូងបានលើកឡើងថា ការសម្រេចចិត្តតើគួរ ឬមិន គួរបញ្ឈប់ការធ្វើសមយុទ្ធយោធា រួមគ្នារវាងសហរដ្ឋអាមេរិក និងកូរ៉េខាងត្បូង ដើម្បី បង្កើតជាលក្ខខណ្ឌអំណោយ សម្រាប់ការរំសាយអាវុធនុយក្លេអ៊ែររបស់កូរ៉េខាង ជើង អាចនឹងត្រូវធ្វើឡើងនៅខែក្រោយនេះ ។ នៅក្នុងសេចក្តីថ្លែងការណ៍របស់ខ្លួន ក្រសួងការពារជាតិកូរ៉េខាងត្បូង បានគួស បញ្ជាក់ថា បញ្ហានេះកំពុងស្ថិតក្រោមការពិចារណា តបតាមសំណើរបស់ប្រធានា ធិបតីកូរ៉េខាងត្បូង លោក ម៊ូន ជែអ៊ីន ហើយការសម្រេចចិត្តច្បាស់មួយ ត្រូវគេរំពឹង ថា នឹងត្រូវធ្វើឡើងនៅក្នុងខែ កក្កដា ខាងមុខនេះ ។ ការប៉ុនប៉ងផ្អាកសមយុទ្ធយោ ធាពីសំណាក់សហរដ្ឋអាមេរិក ក៏ត្រូវបានពិភាក្សាតាមប្រព័ន្ធទូរស័ព្ទរវាងរដ្ឋមន្រ្តីការ ពារជាតិអាមេរិក លោក ជែម ម៉ាទីស និងសមភាគីកូរ៉េ ខាងត្បូង លោក សុង យុងម៊ូ ផងដែរ ។ សូមរំលឹកផងដែរថា ក្នុងអំឡុងការធ្វើសន្និសិទសារព័ត៌មានមួយ បន្ទាប់ពីកិច្ចប្រជុំ កំពូលជាប្រវត្តិសាស្រ្តរវាងអាមេរិក និងកូរ៉េខាងជើង លោក ដូណាល់ ត្រាំ បានធ្វើសេចក្តីប្រកាសដ៏គួរភ្ញាក់ផ្អើលថា រូបលោកនឹងបញ្ឈប់ការធ្វើសមយុទ្ធទ្រង់ទ្រាយធំប្រចាំឆ្នាំ យូឈី…

សហរដ្ឋអាមេរិក៖ អគ្គរដ្ឋអាជ្ញាទីក្រុង ញ៊ូយ៉ក លោកស្រី បាបារ៉ា អាន់ឌើវូឌ បាន ដាក់ពាក្យប្តឹងមូលនិធិ Donald J. Trump Foundation រួមជាមួយថ្នាក់ដឹកនាំរបស់ មូលនិធិឯកជននេះ រួម មានលោក ដូណាល់ ត្រាំ ផ្ទាល់ និងកូនៗបីរូបរបស់លោក នៅក្នុងតុលាការកំពូលរដ្ឋភាគឦសានរដ្ឋនេះ នៅឯសង្កាត់ មែនហាថាន់ ។កូនទាំង៣នាក់របស់លោក ដូណាល់ ត្រាំ ដែលជាចុងចោទនៅក្នុងពាក្យបណ្តឹងនេះ ក្នុងនោះរួមមានទំាងលោក ដូណាល់ ត្រាំ ជូនៀ លោកស្រី អាយវាន់កា ត្រាំ ផងដែរ ខណៈលោក ត្រាំ បានខឹងសម្បារយ៉ាងខ្លាំង ក្រោយមូលនិធិសប្បុរសធម៌របស់ លោកត្រូវបានចោទប្រកាន់ពីបទប្រព្រឹត្តផ្ទុយពីច្បាប់ ។ ពាក្យបណ្តឹងនេះ បានចោទប្រកាន់មូលនិធិ Trump Foundation ពីបទធ្វើការសម្រប សម្រួលដោយខុសច្បាប់ ជាមួយយុទ្ធនាការបោះឆ្នោតជ្រើសរើសប្រធានាធិបតី របស់លោក ដូណាល់ ត្រាំ ការកេងចំណេញយកប្រយោជន៍ផ្ទាល់ខ្លួន និងការមិន គោរពតាមច្បាប់ពាក់ព័ន្ធផ្សេងៗក្នុងរយៈពេលដល់ទៅជាងមួយទសវត្សរ៍ ។…

កូរ៉េ៖ មន្រ្តីជាន់ខ្ពស់រដ្ឋាភិបាលក្រុងសេអ៊ូល និងព្យុងយ៉ាង ធ្វើកិច្ចចរចាយោធាកម្រិតខ្ពស់ដ៏កម្រមួយ ដើម្បីពិភាក្សាគ្នាអំពីការកាត់បន្ថយភាពតានតឹងនៅតាមតំបន់ព្រំដែនដែលមានការយាមការពារតឹងរឹងរបស់ពួកគេនេះ ។ បើតាមការំពឹងទុកថា ក្រុមមន្ត្រីកូរ៉េខាងជើងក្នុងអំឡុងកិច្ចចរចានៅឯភូមិព្រំដែន ផាន់មុនជុម ក្នុងថ្ងៃព្រហស្បតិ៍តនេះ នឹងស្វែងរកការប្តេជ្ញាចិត្តរឹងមាំពីកូរ៉េខាងត្បូង អំពីការបញ្ឈប់សមយុទ្ធយោធារបស់ខ្លួនជាមួយសហរដ្ឋអាមេរិក ។ក្រសួងការពារជាតិកូរ៉េខាងត្បូង បានគូសបញ្ជាក់ថា កិច្ចចរចាយោធានេះ នឹងផ្តោត ទៅលើការអនុវត្តកិច្ចព្រមព្រៀងនានា ពីកិច្ចជំនួបជាប្រវត្តិសាស្រ្តរវាងមេដឹកនំា កំពូលកូរ៉េខាងជើង លោក គីម ជុង អ៊ុន និងប្រធានាធិបតីកូរ៉េខាងត្បូង លោក ម៊ូន ជែអ៊ីន ដែលនៅក្នុងជំនួបនោះ ពួកគេបានប្តេជ្ញាថា នឹងចាត់វិធានការដើម្បីកាត់ បន្ថយភាពតានតឹងផ្នែកយោធា និងលុបបំបាត់ហានិភ័យនៃសង្គ្រាម ៕  

កូរ៉េខាងត្បូង៖ ថ្លែងក្នុងសន្និសិទសារព័ត៌មានរួមគ្នាមួយ ក្នុងទីក្រុងសេអ៊ីល ជាមួយ សមភាគីកូរ៉េខាងត្បូង និងជប៉ុន រដ្ឋមន្ត្រីការបរទេសអាមេរិក លោក ម៉ៃ ប៉ុមប៉េអូ បានអះអាងថា សហរដ្ឋអាមេរិក កូរ៉េខាងត្បូង និងជប៉ុនបានឯកភាពបន្តកិច្ចខិតខំ ប្រឹងប្រែងរបស់ខ្លួន ក្នុងការលុបបំបាត់អាវុធនុយក្លេអ៊ែរទាំងស្រុង ជាក់ច្បាស់ និង មិនត្រឡប់មកវិញសារជាថ្មី ដែលហៅកាត់ថា ស៊ីវីដ ។ ស្របពេលជាមួយគ្នានេះដែរ ប្រមុខការទូតសហរដ្ឋអាមេរិករូបនេះក៏បានបញ្ជាក់ ជាថ្មីឡើងវិញដែរថា រដ្ឋាភិបាលក្រុងវ៉ាស៊ីនតោន សេអ៊ូល និងតូក្យូនៅតែរក្សាជំហរដដែល គឺគ្មានការដក ឬបន្ធូរបន្ថយទណ្ឌកម្មប្រឆាំងនឹងកូរ៉េខាងជើងឡើយ រហូតទាល់តែរបបដឹកនំាំក្រុង ព្យុងយ៉ាង រំសាយអាវុធនុយក្លេអ៊ែរចោលទាំងស្រុងជាមុន សិន ។សូមរំលឹកថា ប្រព័ន្ធផ្សព្វផ្សាយរដ្ឋកូរ៉េខាងជើងបានចេញផ្សាយថា នៅក្នុងជំនួបជាមួយមេដឹកនំាកំពូលកូរ៉េខាងជើងលោក គីម ជុងអ៊ុន នៅក្នុងប្រទេសសិង្ហបុរីកាលពីថ្ងៃ អង្គារ៍ សប្តាហ៍នេះ ប្រធានាធិបតីអាមេរិក លោក ដូណាល់ ត្រាំ បាន យល់ព្រមដកទណ្ឌកម្មសេដ្ឋកិច្ចពីកូរ៉េខាងជើង ជាមួយនឹងការធានាសន្ដិសុខ ជាថ្នូរ នឹងការលុបបំបាត់អាវុធនុយក្លេអ៊ែរចេញពីឧបទ្វីបកូរ៉េ ៕