កូរ៉េខាងត្បូង៖ ថ្លែងនៅអំឡុងដំណើរទស្សនកិច្ចនៅកូរ៉េខាងត្បូង ក្រោយជួប ពិភាក្សាជាមួយសមភាគីកូរ៉េខាងត្បូង ពាក់ព័ន្ធនឹងលទ្ធផលកិច្ចប្រជុំកំពូលរវាង លោក ត្រាំ និងលោកគីម រដ្ឋមន្រ្តីការបរទេសអាមេរិក លោក ម៉ៃ ប៉ុមប៉េអូ បានគូសបញ្ជាក់ថា ជុំវិញការលុបបំបាត់អាវុធនុយក្លេអ៊ែរ យើងសង្ឃឹមថា យើងអាចសម្រេច បាននូវវត្ថុបំណងនៅត្រឹម២ឆ្នាំកន្លះខាងមុខនេះ ពោលគឺនៅក្នុងឆ្នាំ២០២០ខាងមុខ នេះ ។ ការថ្លែងរបស់ប្រមុខការទូតអាមេរិករូបនេះ ធ្វើឡើងក្រោយជំនួបជាប្រវត្តិសាស្ត្ររវាងលោក ដូណាល់ ត្រាំ និងលោក គីម ជុងអ៊ុន នៅសិង្ហបុរី កាលពីថ្ងៃ អង្គារ៍សប្តាហ៍នេះ ជាមួយការចេញសេចក្ដីថ្លែងការណ៍រួម ដោយកូរ៉េខាងជើងយល់ព្រម ធ្វើការងារជាមួយអាមេរិក ដើម្បីលុបបំបាត់អាវុធនុយក្លេអ៊ែរទាំងស្រុងនៅលើឧប ទ្វីបកូរ៉េ ។បន្ទាប់ពីជំនួបជាមួយលោក គីម ជុងអ៊ុន នេះដែរ លោក ដូណាល់ ត្រាំ បានអះអាង ថា កូរ៉េខាងជើងលែងក្លាយជាការគំរាមកំហែងដោយអាវុធនុយក្លេអ៊ែរទៀតហើយ ដោយចាប់ពីពេលនេះតទៅ អ្នករាល់គ្នានឹងទទួលបានអារម្មណ៍ថា មានសុវត្ថិភាពកាន់តែច្រើន ៕  

បរទេស៖ អ្នកនំាពាក្យអគ្គលេខាធិការអង្គការសហប្រជាជាតិ លោក ស្ទេហ្វិន ឌូហ្សា រិច បានគូសបញ្ជាក់ថា លោក អាន់តូនីញ៉ូ ហ្គួទែរែស បានកោតសរសើរចិនថា បានដើរតួនាទីយ៉ាងសំខាន់ និងប្រកបដោយភាពវិជ្ជមាន ពាក់ព័ន្ធនឹងស្ថានភាពនៅលើ តំបន់ឧបទ្វីបកូរ៉េ ។ លោក ស្ទេហ្វិន ឌូហ្សារិច បានលើកឡើងទៀតថា អគ្គលេខាធិការអង្គការសហ ប្រជាជាតិ លោក អាន់តូនីញ៉ូ ហ្គួទែរែស ក៏បានអបអរសាទរផងដែរ ចំពោះកិច្ចប្រជុំ ជាប្រវត្តិសាស្ត្ររវាងមេដឹកនាំកូរ៉េខាងជើង និងប្រធានាធិបតីអាមេរិក ដោយចាត់ ទុកថា វាគឺជាការវិវត្តមួយដ៏សំខាន់ ។ សូមជម្រាបថា ការថ្លែងបែបនេះរបស់អង្គការសហប្រជាជាតិ ត្រូវបានធ្វើឡើង បន្ទាប់ពីលោក ដូណាល់ ត្រាំ និងលោក គីម ជុងអ៊ុន បានបិទបញ្ចប់ជំនួបនៅក្នុងប្រទេសសិង្ហបុរី ជាមួយការចុះហត្ថលេខាលើសេចក្ដីថ្លែងការណ៍រួមមួយគ្រប ដណ្ដប់លើបញ្ហាជាច្រើន ដែលក្នុងនោះរួមមានទាំងការសន្យាធ្វើការងាររួមគ្នា ដើម្បី ឆ្ពោះទៅរកការលុបបំបាត់អាវុធនុយក្លេអ៊ែរនៅលើឧបទ្វីបកូរ៉េផងដែរ ៕

សហរដ្ឋអាមេរិក៖ រដ្ឋមន្រ្តីការបរទេសអាមេរិកលោក ម៉ៃ ប៉ុមប៉េអូ គ្រោងធ្វើដំណើរទស្សនៈកិច្ចទៅកាន់ទឹកដីកូរ៉េខាងត្បូង នៅក្នុងថ្ងៃ ពុធ នេះ (ម៉ោងក្នុងតំបន់) ស្ថិត ក្នុងគោលបំនងពាំនាំខ្លឹមសារលម្អិតនៃកិច្ចប្រជុំកំពូលរវាងលោក ត្រាំ និងលោក គីម ដែលបានបញ្ចប់ទៅដោយភាពវិជ្ជមានយ៉ាងប្រសើរ ទៅជូនសម្ព័ន្ធមិត្តរបស់ខ្លួនដោយផ្ទាល់ ។ បន្ទាប់ពីបានបើកកិច្ចប្រជុំកំពូលលើកដំបូងបំផុត ជាមួយមេដឹកនាំកូរ៉េខាងជើង លោក គីម ជុងអ៊ុន នៅសិង្ហបុរី ជាទីដែលថ្នាក់ដឹកនាំទាំងពីរបានចុះហត្ថលេខាលើ សេចក្តីថ្លែងការណ៍រួម ស្តីពីការព្រមព្រៀងគ្នាដើម្បីរំសាយអាវុធនុយក្លេអ៊ែរពីឧបទ្វីប កូរ៉េ ជាថ្នូរនឹងការធានាសន្តិសុខឲ្យកូរ៉េខាងជើង ព្រមទាំងការបង្កើតទំនាក់ទំនងទ្វេភាគីថ្មី និងកសាងសន្តិភាពយូរអង្វែងឋិតឋេរនៅតំបន់ឧបទ្វីបកូរ៉េនោះ លោក ដូណាល់ ត្រាំ បានបញ្ជាក់ថា លោកនឹងបញ្ជូនលោក ប៉ុមប៉េអូ ទៅកាន់កូរ៉េខាងត្បូង ដើម្បីពន្យល់បកស្រាយពីលទ្ធផលនៃកិច្ចប្រជុំកំពូលកូរ៉េខាងជើង-សហរដ្ឋអាមេរិក ដល់កូរ៉េខាងត្បូង ។ នៅក្នុងសេចក្តីប្រកាសរបស់ខ្លួន ក្រសួងការបរទេសកូរ៉េខាងត្បូងបានបញ្ជាក់ថា រដ្ឋមន្រ្តីការបរទេសអាមេរិក លោក ម៉ៃ ប៉ុមប៉េអូ នឹងធ្វើដំណើរមកដល់ប្រទេសកូរ៉េ ខាងត្បូងនៅល្ងាច ឬយប់ថ្ងៃពុធនេះ ដើម្បីជួបជាមួយសមភាគីកូរ៉េខាងត្បូង លោកស្រី កាង គ្យុងវ៉ា ខណៈប្រមុខការទូតទាំងពីរគ្រោងបើកកិច្ចប្រជុំទ្វេភាគីមួយ ព្រមទាំងកិច្ចប្រជុំត្រីភាគី…

(សិង្ហបុរី) ៖ បន្ទាប់ពីការចុះហត្ថលេខាលើឯកសាររួមជាប្រវត្តិសាស្រ្ត នៅក្រោយការជួបពិភាក្សាជាលើកដំបូងអស់រយៈពេលជាង ០២ម៉ោង ជាមួយលោក គីម ជុងអ៊ុន ប្រធានាធិបតីអាមេរិក លោក ដូណាល់ ត្រាំ បានឲ្យដឹងថា ដំណើរការនៃការរំសាយអាវុធនៅនុយក្លេអ៊ែរនៅកូរ៉េខាងជើង នឹងចាប់ផ្តើមនាពេលឆាប់ៗខាងមុខ។បើតាមរូបភាពនៃឯកសាររួម ដែលលោក ត្រាំ បានកាន់បង្ហាញឲ្យក្រុមអ្នកសារព័ត៌មានផ្តិតយកបាននោះ រួមមាន០៤ចំណុចសំខាន់ៗគឺ ៖១៖ សហរដ្ឋអាមេរិក និងកូរ៉េខាងជើង ប្តេជ្ញាបង្កើតទំនាក់ទំនងអាមេរិក-កូរ៉េខាងជើងថ្មី ដោយឈរលើសេចក្តីប៉ងប្រាថ្នារបស់ប្រជាជន នៃប្រទេសទាំងពីរ ដែលចង់បានសន្តិភាព និងវិបុលភាព។២៖ សហរដ្ឋអាមេរិក និងកូរ៉េខាងជើង នឹងបង្កើតកិច្ចប្រឹងប្រែងរួមគ្នា ដើម្បីកសាងសន្តិភាពដែលមានភាពយូរអង្វែង និងមានស្ថិរភាពនៅឧបទ្វីបកូរ៉េ។៣៖ ដោយគោរពតាមសេចក្តីប្រកាសថ្ងៃទី២៧ ខែមេសា ឆ្នាំ២០១៨ នៅភូមិ Panmunjom ជាមួយប្រធានាធិបតីកូរ៉េខាងត្បូង កូរ៉េខាងជើងនឹងរួមសហការគ្នា ឆ្ពោះទៅរកការរំសាយអាវុធនុយក្លេអ៊ែរទាំងស្រុង ពីឧបទ្វីបកូរ៉េ។៤៖ សហរដ្ឋអាមេរិក និងកូរ៉េខាងជើង ប្តេជ្ញាក្នុងការរុករកគ្រោងឆ្អឹងកងទ័ពអាមេរិកកាលពីសម័យសង្រ្គាមកូរ៉េ រួមទាំងការធ្វើមាតុភូមិនិវត្តន៍ភ្លាមៗ នៃគ្រោងឆ្អឹងទាហានអាមេរិក ដែលត្រូវបានកំណត់អត្តសញ្ញាណរួចរាល់។សូមជម្រាបថា ក្រោយការបិទបញ្ចប់នៃជំនួបកំពូលខាងលើ លោកប្រធានាធិបតីអាមេរិក និង ប្រមុខដឹកនាំកូរ៉េខាងជើង បានចាកចេញពីកោះ Sentosa ហើយ។ លោក…

សង្ហិបុរី៖ ក្រោយជំនួបពេញមួយព្រឹកនៅឯសណ្ឋាគារ ខាភែលឡា នៅលើកោះ សេនតូសា ប្រធានាធិបតីអាមេរិក លោក ដូណាល់ ត្រាំ និងមេដឹកនាំកូរ៉េខាងជើង លោក គីម ជុងអ៊ុន បានឈានដល់ពិធីចុះហត្ថលេខាលើសេចក្ដីថ្លែងការណ៍រួមហើយ ខណៈគេរំពឹងថា ការឈានទៅរំសាយអាវុធនុយ ក្លេអ៊ែរ នឹងអាចកើតមានឡើងនាពេលឆាប់ៗ ព្រោះលោក គីម ប្រកាសប្រាប់ពិភពលោកថា យើងនឹងឃើញការផ្លាស់ប្តូរដ៏ធំមួយនៅពេលខាងមុខ ។ អង្គុយទន្ទឹមគ្នាពេលចុះហត្ថលេខាលើសេចក្តីថ្លែងការណ៍រួម លោក គីម ជុងអ៊ុន បានបញ្ជាក់ថា អតីតកាលត្រូវទុកមួយឡែក ហើយគេនឹងមើលឃើញថា មានការផ្លាស់ប្តូរដ៏ធំមិនធ្លាប់មានមួយ ។ បន្ទាប់មកលោកក៏បានអរគុណលោក ដូណាល់ ត្រាំ ដែលធ្វើអោយកិច្ចប្រជុំនេះកើតឡើងផងដែរ ។ ពេលអ្នកសារព័ត៌មានសាកសួរពីបញ្ហារំសាយអាវុធនុយក្លេអ៊ែរកូរ៉េខាងជើង លោក ដូណាល់ ត្រាំ មិនបានឆ្លើយតបភ្លាមៗឡើយ ដោយលោកបានងាកទៅថ្លែងអំណរគុណលោក គីម សិន ជុំវិញការអនុញ្ញាតអោយជំនួបនេះកើត ឡើងតាមការគ្រោងទុក ។  បន្ទាប់មកលោក ត្រាំ បាននិយាយថា លោកមានឆន្ទៈអញ្ជើញ លោក គីម ទៅសេតវិមាន…

(សិង្ហបុរី)៖ ជំនួបកំពូលទ្វេភាគីលើកទី ២ មានរយៈពេលជាង ៩០នាទី រវាងលោក ដូណាល់ ត្រាំ និងលោក គីម ជុងអ៊ុន ព្រមទាំងក្រុមមន្ត្រីទីប្រឹក្សាជាន់ខ្ពស់របស់មេដឹកនាំទាំងពីរភាគីត្រូវបានបញ្ចប់ និងបន្ទាប់មកទៀត គឺការទទួលទានអាហារថ្ងៃត្រង់រួមគ្នា។ នេះបើតាមការចេញផ្សាយ ដោយទីភ្នាក់ងារសារព័ត៌មាន យ៉ុនហាប់ នៅព្រឹកថ្ងៃអង្គារ ទី១២ ខែមិថុនា ឆ្នាំ២០១៨។មេដឹកនាំអាមេរិក លោក ដូណាល់ ត្រាំ និងមេដឹកនាំកូរ៉េខាងជើង លោក គីម ជុងអ៊ុន បានជួបពិភាក្សាគ្នាជាប្រវត្តិសាស្ត្រ នៅម៉ោង ៩៖០០នាទីព្រឹកថ្ងៃអង្គារនេះ (ម៉ោងនៅសិង្ហបុរី ឬត្រូវនឹងម៉ោង ៨ ៖០០នាទីនៅកម្ពុជា) ដោយក្នុងកិច្ចពិភាក្សាលើកទី ១ មេដឹកនាំទាំងពីរបានធ្វើការស្វាគមន៍គ្នាទៅវិញទៅមកក្នុងវេទិកា ដែលត្រូវបាន រៀបចំនៅសណ្ឋាគារ Capella និងពិភាក្សាគ្នាជាទូទៅ ដោយបានចំណាយពេលជាង ៤០នាទី ។ បន្ទាប់ពីបានទទួលទានអាហារថ្ងៃត្រង់រួមគ្នា លោក ដូណាល់ ត្រាំ និងលោក គីម ជុងអ៊ុន បាននាំគ្នាដើរកម្សាន្តនៅឯសណ្ឋាគារ Capella ហើយនៅពេលបន្ទាប់ទៀត…