-
ក្រុមហ៊ុនផលិតឱសថ Pfizer គ្រោងផ្តល់វ៉ាក់សាំង Covid-19 ចំនួន៤០លានដូសដល់ប្រទេសក្រីក្រ
ស្វីស៖ ក្រុមហ៊ុនផលិតឱសថ Pfizer នឹងផ្តល់វ៉ាក់សាំង Covid-19 របស់ខ្លួនចំនួន៤០លានដូសដល់ប្រទេសក្រីក្រ ដោយឈរលើមូលដ្ឋានមិនស្វែងរកប្រាក់ចំនេញ តាមរយៈកម្មវិធី Covax របស់អង្គការសុខភាពពិភពលោក WHO និងសម្ព័ន្ធវ៉ាក់សាំង Gavi ។ ប្រធានក្រុមហ៊ុន Pfizer លោក Albert Bourla បានបញ្ជាក់ក្នុងសន្និសីទសារព័ត៌ មានថា បណ្តាប្រទេសកំពុងអភិវឌ្ឍន៍គួរតែមានសិទ្ធិទទួលបានវ៉ាក់សាំង ដូចគ្នានឹងប្រទេសផ្សេងទៀតលើពិភពលោកដែរ ។ លោកបានសង្កត់ធ្ងន់ថា យើងមានមោទកភាពដែលមានឱកាសនេះ ដើម្បីផ្តល់វ៉ាក់សាំងដែលនឹងគាំទ្រដល់កិច្ចខិតខំប្រឹងប្រែងរបស់កម្មវិធី Covax របស់ WHO ឆ្ពោះទៅរកការចាក់វ៉ាក់សាំងដល់បុគ្គលិកថែទាំសុខភាព ដែលមានហានិភ័យខ្ពស់ក្នុងប្រទេសកំពុងអភិវឌ្ឍន៍ និងប្រជាជនងាយរងគ្រោះដទៃទៀត ។ សូមជម្រាបថា Covax ដែលជាកម្មវិធីផ្គត់ផ្គង់វ៉ាក់សាំង Covid-19 នៅទូទាំងពិភពលោក និងកិច្ចខិតខំប្រឹងប្រែងចែកចាយប្រកបដោយសមធម៌ ក្នុងគោលបំណងធានាថា បណ្តាប្រទេសមានប្រាក់ចំណូលទាបទទួលបានកម្រិតដូសដូចគ្នា កំពុងមានសង្ឃឹមថា នឹងធ្វើការចែកចាយលើកដំបូងរបស់ខ្លួននៅក្នុងខែកុម្ភៈខាងមុខនេះ ៕ ប្រភព៖ Bangkok Post
-
គូវ៉ែតកំណត់ចំនួនអ្នកដំណើរចូលប្រទេសរបស់ខ្លួន រហូតដល់៨០ភាគរយ ដើម្បីទប់ស្កាត់ Covid-19 ទម្រង់ថ្មី
គូវ៉ែត៖ អាជ្ញាធរគូវ៉ែតនៅថ្ងៃអាទិត្យម្សិលមិញសម្រេចកាត់បន្ថយចំនួនអ្នកដំណើរបរទេស ដែលចូលមកក្នុងប្រទេសរបស់ខ្លួនរហូត៨០ភាគរយ ដោយនៅត្រឹម ១ពាន់នាក់ប៉ុណ្ណោះក្នុងមួយថ្ងៃ ក្រោយរកឃើញវីរុស COVID-19 ទម្រង់ថ្មី ។ អាជ្ញាធរគូវ៉ែតកាលពីថ្ងៃអង្គារសប្តាហ៍កន្លងទៅបានរាយការណ៍ពីករណីដំបូង នៃវីរុស COVID-19 ទម្រង់ថ្មី ដែលត្រូវបានក្រសួងសុខាភិបាលគូវ៉ែតនិយាយថា រកឃើញលើស្ត្រីពីរនាក់ ដែលទើបបានវិលត្រឡប់មកពីអង់គ្លេស ។ ជាមួយគ្នានេះ ក្រុមហ៊ុនអាកាសចរណ៍គូវ៉ែតបញ្ជាក់ថា ខ្លួននឹងប្រតិបត្តិការសេវាកម្មតិចជាងមុននៅចន្លោះថ្ងៃទី២៤ ខែមករា ដល់ថ្ងៃទី០៦ ខែកុម្ភៈខាងមុខ ក្រោយមានការណែនាំពីអាជ្ញាធរសុខាភិបាល និងបទបញ្ជាអាកាសចរណ៍របស់រដ្ឋ ។ យ៉ាងណាមិញ អាជ្ញាធរអាកាសចរណ៍ស៊ីវិលគូវ៉ែត មិនអាចទាក់ទងសុំការអត្ថាធិប្បាយជុំវិញបញ្ហានេះបានទេ ៕ ប្រភព៖ Reuters
-
ថៃរកឃើញអ្នកឆ្លង Covid-19 ថ្មីៗចំនួន១៩៨ករណី និងមានអ្នកស្លាប់ម្នាក់ទៀត នៅក្នុងរបាយការណ៍ប្រចាំថ្ងៃអាទិត្យម្សិលមិញ
ថៃ៖ អាជ្ញាធរថៃនៅថ្ងៃអាទិត្យម្សិលមិញបានរកឃើញអ្នកឆ្លង Covid-19 ថ្មីៗចំនួន១៩៨នាក់ ក្នុងនោះ១១៨នាក់ជាករណីឆ្លងនៅក្នុងស្រុក ជាហេតុនាំអោយចំនួនឆ្លងសរុបកើនឡើងដល់១ម៉ឺន៣ពាន់៥០០នាក់ ។ នៅក្នុងរបាយការណ៍នៅថ្ងៃដដែលនេះ ក៏មានអ្នកជំងឺ Covid-19 ម្នាក់បន្ថែមទៀតក៏ស្លាប់ផងដែរ ដែលធ្វើអោយអ្នកបាត់បង់ជីវិតដោយសារជំងឺឆ្លងនេះកើនឡើងដល់៧៣នាក់ ។ អ្នកនាំពាក្យរងនៃមជ្ឈមណ្ឌលគ្រប់គ្រងស្ថានភាពកូវីដ១៩របស់ថៃ លោក អាពីសាម៉ាយ ស្រីសាងសន បាននិយាយថា អ្នកស្លាប់ថ្មីជាស្ត្រីវ័យ៧៣ឆ្នាំដែលបានទាក់ទងជិតដិតជាមួយអ្នកជំងឺកូវីដ១៩ម្នាក់ នៅក្នុងគ្រួសារគាត់នៅខេត្តសាមុត សាខន ។ មជ្ឈមណ្ឌលគ្រប់គ្រងស្ថានភាពកូវីដ១៩របស់ថៃបានបញ្ជាក់ថា ខេត្តសាមុត សាខន មានអ្នកឆ្លងថ្មីច្រើនជាងគេគឺ៧៦នាក់ បន្ទាប់មកទីក្រុងបាងកកមានចំនួន២១នាក់ និងខេត្តសាមុត ប្រាកាន មានចំនួន១២នាក់ ៕ ប្រភព៖ Bangkok Post
-
អ្នកឆ្លង COVID-19 នៅទូទាំងពិភពលោកកើនឡើងជាង៩៩លាននាក់ ក្នុងនោះស្លាប់ជាង២លាន១៣ម៉ឺននាក់ និងជាសះស្បើយជាង៧១លាន៧៤ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន៩៩លាន៧៧ម៉ឺន៤ពាន់៣៥១ករណី ក្នុងនោះមានអ្នកជម្ងឺសរុបចំនួន២លាន១៣ម៉ឺន៩ពាន់៣១នាក់ស្លាប់ និង ជាសះស្បើយឡើងវិញសរុបចំនួន៧១លាន៧៤ម៉ឺន៦ពាន់៧៤៦នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី២៥ ខែមករា ឆ្នាំ២០២១ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន២៥លាន៧០ម៉ឺន២ពាន់១២៥នាក់ ស្លាប់ចំនួន៤២ម៉ឺន៩ពាន់៤៩០នាក់ និងជាសះស្បើយចំនួន១៥លាន៤០ម៉ឺន៩ពាន់៦៣៩នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន១០លាន៦៦ម៉ឺន៨ពាន់៦៧៤នាក់ ស្លាប់ចំនួន១៥ម៉ឺន៣ពាន់៥០៨នាក់ និងជាសះស្បើយ១០លាន៣៣ម៉ឺន៨៤នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន ៨លាន៨៤ម៉ឺន៤ពាន់៦០០នាក់ ស្លាប់២១ម៉ឺន៧ពាន់៨១នាក់ និងជាសះស្បើយ៧លាន៦៥ម៉ឺន៣ពាន់៧៧០នាក់ ៕
-
វៀតណាមរៀបចំសន្និសីទសារព័ត៌មានអន្តរជាតិ ស្តីពីកិច្ចដំណើរការ នៃមហាសន្និបាតលើកទី ១៣ របស់បក្សកុម្មុយនិស្តវៀតណាម
វៀតណាម: គណៈកម្មការរៀបចំសន្និសីទសារព័ត៌មានបានឲ្យដឹងថា មហាសន្និបាតលើកទី១៣ របស់បក្សនឹងប្រព្រឹត្តទៅចាប់ពីថ្ងៃទី ២៥ ខែមករា ដល់ថ្ងៃទី០២ ខែកុម្ភៈ នៅទីក្រុងហាណូយ ដោយមានការចូលរួមពីតំណាងចំនួន១.៥៨៧ រូប ដែលជាចំនួនច្រើនបំផុតក្នុងចំណោមមហាសន្និបាតបក្សទាំង១៣លើកតាំងពីមុនមក។ ទាក់ទងនឹងការទទួលយកយោបល់ របស់ប្រជាជន ចំពោះឯកសារដែលដាក់ជូនទៅមហាសន្និបាតលើកនេះ អ្វីទាំងអស់ក៏ប្រកាន់យ៉ាងខ្ជាប់ក្នុងស្មារតីជ្រាបយកយ៉ាងយកចិត្តទុកដាក់ ព្រមទាំងមានការពិចារណាយ៉ាង ហ្មត់ចត់ និងគោរពចំពោះមតិយោបល់របស់ជនរួមជាតិទាំងមូលផងដែរ។ ប្រធានគណៈកម្មាធិការឃោសនាអប់រំមជ្ឈិមវៀតណាមលោក Vo Van Thuong បានមានប្រសាសន៍ថា ឯកសារដែលដាក់ជូនមហាសន្និបាតបក្សលើកទី១៣ លើកនេះ គឺជាការរួមបញ្ចូលទាំង ប្រាជ្ញារបស់បក្សទាំងមូល កងទ័ពទាំងមូល រួមទាំងប្រជាជននៅឯបរទេសផងដែរ។ ការទទួលយកមតិយោបល់ត្រូវបានបង្ហាញនៅក្នុងឯកសារស្តីពីបញ្ហាជាក់លាក់ ហេតុដូច្នេះ អាចនិយាយបានថា ឯកសារនេះគឺជារួមបញ្ជូលគ្នានូវប្រាជ្ញារបស់បក្សទាំងមូល ប្រជាជន ទាំងមូល និងកងទ័ពទាំងមូល ។ ទាក់ទិននឹងគោលនយោបាយកិច្ចការបរទេសរបស់វៀតណាមក្នុងប៉ុន្មានឆ្នាំបន្តទៀត អនុរដ្ឋមន្រ្តីក្រសួងការបរទេសវៀតណាម លោក Nguyen Quoc Dung បានលើកឡើងថា ក្នុងឯកសារនៃមហាសន្និបាតលើកនេះក៏បានបង្ហាញនូវស្មារតីប្រកាន់យ៉ាងខ្ជាប់ខ្ជួនតាមគោលមាគ៌ាកិច្ចការបរទេសប្រកបដោយសន្តិភាព ឯករាជ្យ ម្ចាស់ការ ព្រមទាំងធ្វើពិពិធកម្ម និងធ្វើពហុភាវូបនីយកម្មនូទំនាក់ទំនងកិច្ចការបរទេសរបស់វៀតណាម។ លើសពីនេះទៀត វៀតណាមនឹងខិតខំលើកកំពស់ទំនាក់ទំនងពហុភាគី និងធ្វើឱ្យប្រសើរឡើងនូវទំនាក់ ទំនងទ្វេភាគីកាន់តែស៊ីជម្រៅ។ មហសន្និបាត…
-
វ៉ាក់សាំងរបស់ចិនចំនួនពីរកំពុងស្ថិតក្រោមពិចារណារបស់អង្គការ WHO ដើម្បីអនុញ្ញាតអោយប្រើក្នុងករណីបន្ទាន់នាសប្តាហ៍ក្រោយនេះ
ស្វីស៖ ជំនួយការអគ្គនាយកអង្គការសុខភាពពិភពលោក WHO លោកស្រី ម៉ារីអ៊ែនជែឡា ស៊ីម៉ាវ បាននិយាយថា វ៉ាក់សាំង Covid-19 របស់ចិន នឹងត្រូវបានអង្គការ WHO ចាប់ផ្តើមធ្វើការត្រួតពិនិត្យ និងពិចារណា ដើម្បីដាក់ឲ្យប្រើក្នុងករណីបន្ទាន់នាសប្តាហ៍ក្រោយនេះ ។ ជំនួយការអគ្គនាយកអង្គការ WHO រូបនេះ បានសង្កត់ធ្ងន់ថា ទន្ទឹមគ្នានេះ អង្គការសុខភាពពិភពលោកក៏កំពុងគិតគូរក្នុងអនុញ្ញាតឲ្យប្រើវ៉ាក់សាំង COVID-19 របស់ក្រុមហ៊ុនផលិតឱសថអង់គ្លេស អាស្រ្តាហ្សេណេកា ដែលមានរោងចក្រផលិតនៅកូរ៉េខាងត្បូង និងឥណ្ឌាផងដែរ ។ សូមជម្រាបថា ចិនបានបញ្ជូនបេក្ខភាពវ៉ាក់សាំងរបស់ខ្លួនចំនួនពីរទៅកាន់អង្គការ WHO ក្នុងនោះមួយផលិតដោយក្រុមហ៊ុន ស៊ីណូហ្វាម ត្រូវបានអាជ្ញាធរចិនទទួលស្គាល់ និងដាក់ឲ្យប្រើប្រាស់ជាផ្លូវការក្នុងករណីបន្ទាន់រួចហើយ និងមួយទៀតជារបស់ក្រុមហ៊ុន ស៊ីណូវ៉ាក់ ដែលត្រូវបានប្រទេសធំៗជាច្រើនអនុម័តអោយប្រើ និងបញ្ជាទិញជាបណ្តើរៗផងដែរ ៕ ប្រភព៖ Reuters
-
ក្រុមហ៊ុនផលិតឱសថ AstraZeneca របស់អង់គ្លេសកាត់បន្ថយការផ្គត់ផ្គង់វ៉ាក់សាំងដល់តំបន់អឺរ៉ុបចំនួន៦០ភាគរយនៅត្រីមាសដំបូងឆ្នាំនេះ
ប៊ែលហ្ស៊ិក៖ អ្នកនាំពាក្យម្នាក់របស់ក្រុមហ៊ុនផលិតឱសថអង់គ្លេស អាស្រ្តាហ្សេណេកា បានបញ្ជាក់នៅក្នុងសេចក្ដីថ្លែងការណ៍មួយនៅថ្ងៃសុក្រនេះថា បរិមាណនៃការផ្គត់ផ្គង់វ៉ាក់សំាង នឹងមិនអាចបំពេញតាមតម្រូវការ ដែលគ្រោងទុកនោះទេ ពីព្រោះតែបញ្ហានៃការកាត់បន្ថយការផលិតនៅឯរោងចក្រមួយ នៃចង្វាក់ផលិត កម្មរបស់អឺរ៉ុប ។ យ៉ាងណាមិញ អ្នកនាំពាក្យដដែលនេះ មិនបានបញ្ជាក់អ្វីលម្អិតបន្ថែមទៀតនោះទេ ខណៈការប្រកាសនេះ បានកើតមានឡើងក្រោយក្រុមហ៊ុន ភីហ្វីហ្សឺ និង បាយអូអិនធិច ក៏បានប្រកាសពីការកាត់បន្ថយការផ្គត់ផ្គង់វ៉ាក់សាំងរបស់ពួកគេជាបណ្ដោះអាសន្ន ដល់ប្លុកមួយនេះផងដែរ បន្ទាប់ពីមានបញ្ហាក្នុងការផលិត ។ សូមជម្រាបថា យុទ្ធនាការចាក់វ៉ាក់សាំង COVID-19 របស់សហភាពអឺរ៉ុប ត្រូវប្រឈមមុខនឹងការរាំងស្ទះសាជាថ្មី ក្រោយក្រុមហ៊ុនអង់គ្លេស អាស្រ្តាហ្សេណេកា បានប្រកាសថា ខ្លួននឹងកាត់បន្ថយការផ្គត់ផ្គង់វ៉ាក់សាំងដល់តំបន់អឺរ៉ុបរហូតដល់ទៅ៦០ភាគរយនៅត្រីមាសដំបូងក្នុងឆ្នាំ២០២១នេះ ដោយសារតែបញ្ហាផលិត ៕ ប្រភព៖ Reuters
-
អ្នកឆ្លង COVID-19 នៅទូទាំងពិភពលោកកើនឡើងជិត៩៩លាននាក់ ក្នុងនោះស្លាប់ជាង២លាន១១ម៉ឺននាក់ និងជាសះស្បើយជិត៧១លាននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន៩៨លាន៧៤ម៉ឺន៨ពាន់៣១២ករណី ក្នុងនោះមានអ្នកជម្ងឺសរុបចំនួន២លាន១១ម៉ឺន៦ពាន់៤៣៦នាក់ស្លាប់ និង ជាសះស្បើយឡើងវិញសរុបចំនួន៧០លាន៩២ម៉ឺន២៥០នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី២៣ ខែមករា ឆ្នាំ២០២១ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន២៥លាន៣៩ម៉ឺន៤២នាក់ ស្លាប់ចំនួន៤២ម៉ឺន៤ពាន់១៧៧នាក់ និងជាសះស្បើយចំនួន១៥លាន២២ម៉ឺន២ពាន់៧១៩នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន១០លាន៦៤ម៉ឺន៥៤៤នាក់ ស្លាប់ចំនួន១៥ម៉ឺន៣ពាន់២២១នាក់ និងជាសះស្បើយ១០លាន៣០ម៉ឺន៨៣៨នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន ៨លាន៧៥ម៉ឺន៥ពាន់១៣៣នាក់ ស្លាប់២១ម៉ឺន៥ពាន់២៩៩នាក់ និងជាសះស្បើយ៧លាន៥៩ម៉ឺន៤ពាន់៧៧១នាក់ ៕
-
ព្រឹទ្ធសភាអាមេរិកគ្រោងចាប់ផ្តើមការជំនុំជម្រះចោទប្រកាន់លោក ដូណាល់ ត្រាំ នៅសប្តាហ៍ក្រោយនេះ
អាមេរិក៖ ការជំនុំជម្រះចោទប្រកាន់អតីតប្រធានាធិបតីអាមេរិកលោក ដូណាល់ ត្រាំ ពាក់ព័ន្ធនឹងតួនាទីរបស់លោកនៅក្នុងកុបកម្មដ៏ហិង្សានៅវិមានសភាកាលពីថ្ងៃទី០៦ ខែមករាកន្លងទៅ នឹងចាប់ផ្តើមនៅសប្តាហ៍ក្រោយនេះ ។ ប្រភពបានអោយដឹងថា នៅថ្ងៃចន្ទសប្តាហ៍ក្រោយនេះ (ម៉ោងក្នុងតំបន់) សភាតំណាងរាស្ត្រនឹងបញ្ជូនការចោទប្រកាន់ទៅព្រឹទ្ធសភា ដោយចាប់ផ្តើមដំណើរការជំនុំជម្រះនៅក្នុងអង្គជំនុំជម្រះដែលមានសមាជិក១០០នាក់ ។ ក្រុមអ្នកសាធារ ណរដ្ឋចង់អោយមានការពន្យារពេល ដើម្បីអនុញ្ញាតឲ្យអតីតប្រធានាធិបតីរូបនេះមានពេលវេលាកាន់តែច្រើនដើម្បីត្រៀមខ្លួន ។ សូមរំលឹកផងដែរថា កាលពីសប្តាហ៍មុន សភាតំណាងរាស្ត្របានចោទប្រកាន់លោក ដូណាល់ ត្រាំ ពីបទញុះញង់ឲ្យមានអំពើហិង្សានៅវិមានអាមេរិក ។ ប្រសិនបើត្រូវបានផ្តន្ទាទោសមែននោះ លោក ត្រាំ អាចនឹងត្រូវបានរារាំងពីការកាន់តំណែងជាប្រធានាធិបតីសហរដ្ឋអាមេរិកនាពេលអនាគត ៕ ប្រភព៖ CNA
-
លោក ចូ បៃដិន ស្នើអោយវាយតម្លៃការគំរាមកំហែងលើភាពជ្រុលនិយមក្នុងស្រុក និងតួនាទីរបស់បណ្តាញសង្គម ជុំវិញកុបកម្មនៅវិមានសភា
អាមេរិក៖ ប្រធានាធិបតីអាមេរិកលោក ចូ បៃដិន បញ្ជាអោយត្រួតពិនិត្យចារកម្មលើ “អំពើជ្រុលនិយមក្នុងស្រុក” ដែលនេះជាផ្នែកមួយនៃវិធានការប្រឆាំងនឹងក្រុមសកម្មប្រយុទ្ធក្នុងប្រទេស ក្រោយផ្ទុះកុបកម្មដ៏ហិង្សានៅវិមានសភា ខណៈវិធានការថ្មីនេះក៏រួមមានទាំងការស៊ើបអង្កេតលើតួនាទីរបស់បណ្តាញសង្គមផងដែរ ។ ការវាយតម្លៃនេះ ត្រូវបានប្រគល់ទៅអោយបេក្ខភាពតែងតាំងជានាយកទីភ្នាក់ងារស៊ើបការណ៍ជាតិលោក អាវីល ហៃណេស ដែលជាអតីតអនុប្រធាន CIA សម័យអតីតប្រធានាធិបតីអាមេរិកលោក បារ៉ាក់ អូបាម៉ា ហើយនឹងត្រូវសម្របសម្រួលជាមួយទាំងប៉ូលិសសហព័ន្ធ FBI និងក្រសួងសន្តិសុខមាតុភូមិ (DHS) ។ លេខាធិការសារព័ត៌មានលោកស្រី ចេន ផ្សាគី បានប្រាប់អ្នកសារព័ត៌មានថា ការវាយតម្លៃលើការគំរាមកំហែងដ៏ទូលំទូលាយ ត្រូវបានចាត់ឲ្យទៅប្រធានផ្នែកស៊ើបការណ៍សម្ងាត់របស់លោក បៃដិន កាលពីថ្ងៃសុក្រសប្តាហ៍នេះ ហើយលោកស្រីក៏បានប្រកាសពីកិច្ចប្រឹងប្រែង០៣យ៉ាង ដើម្បីប្រឆាំងនឹងភាពជ្រុលនិយមអំពើហិង្សាក្នុងប្រទេសផងដែរ ។ ជាមួយគ្នានេះ លោកស្រី ផ្សាគី បានសង្កត់ធ្ងន់ថា រដ្ឋបាលនេះនឹងធ្វើការត្រួតពិនិត្យគោលនយោបាយដែលដឹកនាំដោយក្រុមប្រឹក្សាសន្តិសុខជាតិ NSC ដើម្បីកំណត់ពីរបៀបដែលរដ្ឋាភិបាលអាចចែកចាយព័ត៌មានឲ្យបានប្រសើរជាងមុន អំពីការគំរាមកំហែងនេះ និង ដើម្បីគាំទ្រដល់កិច្ចខិតខំប្រឹងប្រែងទប់ស្កាត់អំពើរ៉ាឌីកាល់និយម ៕ ប្រភព៖ RT