-
តុលាការអ៊ីរ៉ាក់ចេញដីកាចាប់ខ្លួនលោក ដូណាល់ ត្រាំ ជុំវិញការសម្លាប់មេទ័ពកំពូលអ៊ីរ៉ង់ និងមេដឹកនាំក្រុមជីវពលអ៊ីរ៉ាក់ដ៏មានឥទ្ធិពលម្នាក់កាលពីឆ្នាំមុន (Video)
អ៊ីរ៉ាក់៖ ចៅក្រុមម្នាក់របស់តុលាការក្រុងបាកដាដ បានចេញដីកាចាប់ខ្លួនប្រធានា ធិបតីអាមេរិកលោក ដូណាល់ ត្រាំ ជុំវិញសំណុំរឿងធ្វើឃាតឧត្តមសេនីយ៍អ៊ីរ៉ង់ម្នាក់ និង មេដឹកនាំក្រុមជីវពលអ៊ីរ៉ាក់ដ៏មានឥទ្ធិពលម្នាក់កាលពីឆ្នាំមុន នេះបើតាមសារព័ត៌មាន CNN នៅថ្ងៃទី០៨ ខែមករា ឆ្នាំ២០២១ ។ ក្រុមប្រឹក្សារបស់តុលាការកំពូលអ៊ីរ៉ាក់លើកឡើងថា ក្រោយបញ្ចប់ការស៊ើបអង្កេតបឋមទាំងស្រុង ចៅក្រមបានសម្រេចចិត្តចេញដីកាចាប់ខ្លួនលោក ដូណាល់ ត្រាំ ។ នីតិវិធីស៊ើបអង្កេតនឹងបន្តធ្វើឡើង ដើម្បីស្វែងរកអ្នកចូលរួម ឬអ្នកពាក់ព័ន្ធទាំង ឡាយក្នុងបទឧក្រិដ្ឋមួយនេះ មិនថា ពួកគេជាពលរដ្ឋអ៊ីរ៉ាក់ ឬជនបរទេសឡើយ។ សូមបញ្ជាក់ផងដែរថា លោក អាប៊ូ ម៉ាហ៍ឌី អាល់ មូហាន់ឌីស ជាមេបញ្ជាការរងនៃកងជីវពលអ៊ីរ៉ាក់ ដែលមានអ៊ីរ៉ង់ជាខ្នងបង្អែកត្រូវបានផ្តាច់ជីវិត រួមជាមួយលោក កាហ្សេម សូឡៃម៉ានី នៅក្នុងការវាយប្រហារដោយយន្ដហោះដ្រូនអាមេរិក ក្នុងទីក្រុងបាកដាដ ប្រទេសអ៊ីរ៉ាក់ កាលពីថ្ងៃទី០៣ ខែមករា ឆ្នាំ២០២០ ៕
-
នាយករដ្ឋមន្ត្រីសិង្ហបុរីចាក់វ៉ាក់សាំងកូវីដ១៩ហើយ
នាយករដ្ឋមន្ត្រីនៃប្រទេសសិង្ហបុរី លោក លី សៀនឡុង បានចាក់វ៉ាក់សាំងប្រឆាំងជំងឺកូវីដ១៩ហើយ នាថ្ងៃសុក្រទី ៨ មករា ២០២១នេះ ជាវ៉ាក់សាំងរបស់ក្រុមហ៊ុនអាមេរិក អាល្លឺម៉ង់ Pfizer- BioNTech។ លោកបានក្លាយជាសមាជិកគណៈរដ្ឋមន្ត្រីដំបូងរបស់សិង្ហបុរី ដែលទទួលការចាក់វ៉ាក់សាំង ដោយលោកបានទទួលវ៉ាក់សាំង ក្នុងយុទ្ធនាការផ្តល់វ៉ាក់សាំងដល់បុគ្គលិកសុខាភិបាល នៅមន្ទីរពេទ្យSingapore General Hospital (SGH)។ លោក លីបាននិយាយថា លោករីករាយក្នុងការឃើញពីការចាប់ផ្តើមផ្តល់វ៉ាក់សាំងដល់មន្ត្រីសុខាភិបាលជួរមុខនេះ។ «ដូច្នេះ ខ្ញុំឆ្លៀតឳកាសនេះ ចាក់ខ្លួនឯងដែរ ហើយពេលនេះ ខ្ញុំចាក់រួចហើយ ៣០នាទីក្រោយមក ពុំមានអ្វីមិនស្រួលសម្រាប់ខ្ញុំទេ»។ លោកនាយករដ្ឋមន្ត្រីបន្ថែមទៀតថា លោកនឹងចាក់ម្តងទៀត ប្រមាណ៣សប្តាហ៍ក្រោយទៀត ហើយថា ពុំមានការឈឺចាប់ទេ តែមានសារៈសំខាន់៕
-
ទីបំផុតលោក ដូណាល់ ត្រាំ ទទួលស្គាល់ជ័យជម្នះរបស់លោក ចូ បៃដិន ជាផ្លូវការហើយ (Video)
អាមេរិក៖ ប្រធានាធិបតីអាមេរិក លោក ដូណាល់ ត្រាំ បានទទួលស្គាល់ជាផ្លូវការថា លោក ចូ បៃដិន នឹងក្លាយជាប្រធានាធិបតីថ្មីរបស់សហរដ្ឋអាមេរិក មួយថ្ងៃ បន្ទាប់ពីក្រុមអ្នកគាំទ្ររបស់លោកសម្រុកចូលអុកឡុកវិមានសភា នេះបើតាមសារព័ត៌មានរ៉យទ័រនៅថ្ងៃទី០៨ ខែមករា ឆ្នាំ២០២១ ។ លោក ដូណាល់ ត្រាំ បាននិយាយនៅក្នុងវីដេអូមួយចេញផ្សាយនៅថ្ងៃព្រហស្បតិ៍ សប្ដាហ៍នេះថា សភាទាំងពីរបានទទួលស្គាល់លទ្ធផលបោះឆ្នោតហើយ… ដូច្នេះ រដ្ឋបាលថ្មីនឹងត្រូវស្បថចូលកាន់តំណែងនៅថ្ងៃទី២០ ខែមករាខាងមុននេះ… ខ្ញុំកំពុងផ្ដោតជាសំខាន់លើការធានាឱ្យបាននូវការផ្ទេរអំណាចដោយរលូន ហើយបច្ចុប្បន្នគឺជាពេលត្រូវផ្សះផ្សាជាតិ ។ ស្របពេលជាមួយគ្នានោះដែរ ប្រធានាធិបតីអាមេរិកជិតផុតអាណិត្តរូបនេះក៏បានធ្វើការថ្កោលទោសផងដែរ ចំពោះអំពើហិង្សាកាលពីថ្ងៃពុធសប្តាហ៍នេះ នៅឯវិមានសភាជាតិ ហើយថា លោកនឹងផ្ដោតទៅលើការផ្ទេរអំណាចដោយរលូនអោយលោក ចូ បៃដិន ៕
-
ប្រធានសភាអាមេរិកអំពាវនាវអោយដកលោក ដូណាល់ ត្រាំ ចេញពីតំណែងភ្លាមៗ ក្រោយក្រុមកុបករគាំទ្រលោកអុកឡុកអគារសភា (Video)
អាមេរិក៖ ប្រធានសភាអាមេរិកលោកស្រី ណាន់ស៊ី ផែលឡូស៊ី បានទទូចអោយដកលោក ដូណាល់ ត្រាំ ចេញពីតំណែងប្រធានាធិបតីអាមេរិកភ្លាមៗ តាមការធ្វើវិសោធនកម្មទី២៥ សម្រាប់ការញុះញង់អោយមានកុបកម្មហិង្សានៅវិមានសភាកាលពីថ្ងៃពុធសប្តាហ៍នេះ នេះបើតាមសារព័ត៌មានរ៉យទ័រនៅថ្ងៃទី០៨ ខែមករា ឆ្នាំ២០២១ ។ លោកស្រី ផែលឡូស៊ី បានចូលរួមជាមួយ ព្រឹទ្ធសមាជិកអាមេរិកលោក Chuck Schumer ក្នុងការជំរុញអោយអនុប្រធានាធិបតីលោក Mike Pence និងគណៈរដ្ឋមន្រ្តីដកលោក ដូណាល់ ត្រាំ ចេញពីតំណែងប្រធានាធិបតីអាមេរិកភ្លាមៗ ដោយបានហៅលោក ត្រាំ ថា ជា “មនុស្សគ្រោះថ្នាក់បំផុត” ដែលបានប្រព្រឹត្តសកម្មភាពបះបោរ ។ ប្រធានសភាអាមេរិករូបនេះបានអះអាងថា ប្រសិនបើលោក Mike Pence នឹងមិនធ្វើសកម្មភាពទេនោះ សភាបានត្រៀមខ្លួនប្តឹងចោទប្រកាន់ទម្លាក់លោក ត្រាំ សាជាថ្មីម្តងទៀត ។ ទន្ទឹមគ្នា លោកស្រី ផែលឡូស៊ី បន្ថែមថា លោកស្រីសង្ឃឹមថា នឹងទទួលបានចម្លើយពីលោក Pence នៅថ្ងៃសុក្រសប្តាហ៍នេះ ថាតើគាត់នឹងដកវិសោធនកម្មទី២៥មកប្រើដែរឬក៏អត់ ៕
-
Facebook និង Instagram បិទគណនីយរបស់លោក ដូណាល់ ត្រាំ ដោយមិនកំណត់ពេល ក្រោយក្រុមកុបករគាំទ្រលោកអុកឡុកអគារសភា
អាមេរិក៖ នាយកប្រតិបត្តិ Facebook លោក Mark Zuckerberg នៅថ្ងៃសុក្រនេះនិយាយថា ប្រធានាធិបតីអាមេរិកលោក ដូណាល់ ត្រាំ ត្រូវបានរារាំងមិនឲ្យប្រើប្រាស់ Facebook និង Instagram ដោយគ្មានកំណត់ពេល ក្រោយមានការអុកឡុងនៅវិមានសភាដ៏សាហាវដោយអ្នកគាំទ្រលោក ត្រាំ នេះបើតាមសារព័ត៌មានរ៉យទ័រនៅថ្ងៃទី០៨ ខែមករា ឆ្នាំ២០២១ ។ លោក Zuckerberg បានបង្ហោះសារនៅលើ Facebook ថា ព្រឹត្តិការណ៍ដ៏គួរឲ្យភ្ញាក់ផ្អើលក្នុងរយៈពេល២៤ម៉ោងចុងក្រោយ បានបង្ហាញយ៉ាងច្បាស់ថា លោកត្រាំ មានចេតនាប្រើប្រាស់ពេលវេលាដែលនៅសល់ក្នុងតំណែងរបស់លោក ដើ ម្បីធ្វើឲ្យអន្តរាយដល់ការផ្លាស់ប្តូរអំណាចដោយសន្តិវិធី និងស្របច្បាប់ ទៅឲ្យអ្នកស្នងតំណែងដែលបានជាប់ឆ្នោតគឺលោក ចូ បៃដិន ។ យើងជឿជាក់ថា ហានិភ័យនៃការអនុញ្ញាតឲ្យលោកប្រធានាធិបតីបន្តប្រើប្រាស់សេវាកម្មរបស់យើងក្នុងអំឡុងពេលនេះ គឺពិតជាខ្ពស់ខ្លាំងណាស់ ។ ដូច្នេះយើងកំពុងពង្រីកបម្រាមដែលយើងបានដាក់នៅលើគណនី Facebook និង Instagram របស់គាត់ដោយគ្មានពេលកំណត់ ហើយយ៉ាងហោចណាស់ពីរសប្តាហ៍ទៀតរហូតដល់ការផ្លាស់ប្តូរអំណាចដោយសន្តិវិធីត្រូវបានបញ្ចប់ ៕
-
ប្រធានប៉ូលិសប្រចំាវិមានសភាអាមេរិកលាលែងចេញពីតំណែង ក្រោយបរាជ័យក្នុងការទប់ស្កាត់ក្រុមកុបករគាំទ្រលោក ត្រាំ
អាមេរិក៖ ប្រធានមន្ត្រីប៉ូលិសប្រចាំវិមានសភាអាមេរិក លោក Steven Sund បានសម្រេចចិត្តលាលែងចេញពីតំណែង ក្រោយមានការរិះគន់ជាច្រើនចំពោះការបរាជ័យដើម្បីទប់ស្កាត់ក្រុមកុបករគាំទ្រលោក ដូណាល់ ត្រាំ ដែលបានសម្រុកចូលវិមានសភាយ៉ាងងាយស្រួល ក្នុងបំណងរារាំងការទទួលស្គាល់ជ័យជម្នះ របស់លោក ចូ បៃដិន នេះបើតាមសារព័ត៌មាន CNA នៅថ្ងៃទី០៨ ខែមករា ឆ្នាំ២០២១ ។ ការលាលែងចេញពីតំណែងរបស់លោក Steven Sund នឹងត្រូវចូលជាធរមាន នៅថ្ងៃទី១៦ ខែមករានេះ ពោលគឺតែបួនថ្ងៃប៉ុណ្ណោះ មុននឹងលោក ចូ បៃដិន ត្រូវស្បថចូលកាន់តំណែងជាប្រធានាធិបតីទី៤៦របស់សហរដ្ឋអាមេរិក នៅថ្ងៃទី២០ ខែមករា ឆ្នាំ២០២១ ។ ស្របពេលជាមួយគ្នានេះដែរ រដ្ឋអាជ្ញាសហព័ន្ធនៃរដ្ឋវ៉ាស៊ីនតោនក៏បាននិយាយដែរថា លោកនឹងបើកការស៊ើបអង្កេត ក៏ដូចជាចោទប្រកាន់លើក្រុមមន្ត្រីប៉ូលិសប្រចាំវិមានសភាទាំងឡាយណាដែលបានសមគំនិត ឬបើកដៃឱ្យក្រុមបាតុករសម្រុកចូលក្នុងវិមានសភាបានយ៉ាងងាយស្រួល ៕
-
អ្នកឆ្លង COVID-19 នៅទូទាំងពិភពលោកកើនឡើងជាង៨៨លាននាក់ ក្នុងនោះស្លាប់ជាង១លាន៩០ម៉ឺននាក់ និងជាសះស្បើយជាង៦៣លាន៦១ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន៨៨លាន៤៩ម៉ឺន៩ពាន់៨៦៣ករណី ក្នុងនោះមានអ្នកជម្ងឺសរុបចំនួន១លាន៩០ម៉ឺន៦ពាន់៦៩៣នាក់ស្លាប់ និង ជាសះស្បើយឡើងវិញសរុបចំនួន៦៣លាន៦១ម៉ឺន៦៨៦នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី០៨ ខែមករា ឆ្នាំ២០២១ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន២២លាន១៣ម៉ឺន២ពាន់៤៥នាក់ ស្លាប់ចំនួន៣៧ម៉ឺន៤ពាន់១២៤នាក់ និងជាសះស្បើយចំនួន១៣លាន១៤ម៉ឺន៣ពាន់៣១៧នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន១០លាន៤១ម៉ឺន៤ពាន់៤៤នាក់ ស្លាប់ចំនួន១៥ម៉ឺន៦០៦នាក់ និងជាសះស្បើយ១០លាន៣ម៉ឺន៦ពាន់៧២២នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន ៧លាន៩៦ម៉ឺន១ពាន់៦៧៣នាក់ ស្លាប់២០ម៉ឺន៤៩៨នាក់ និងជាសះស្បើយ៧លាន៩ម៉ឺន៦ពាន់៩៣១នាក់ ៕
-
លោក ចូរ បៃឌិន ចាត់ទុកការអុកឡុកវិមានសភាថា ជាការបះបោរយ៉ាងច្បាស់
អាមេរិក៖ ប្រធានាធិបជាប់ឆ្នោតអាមេរិកលោក ចូ បៃឌិន ដែលនិយាយពីទីក្រុង Wilmington រដ្ឋ Delaware បានថ្កោលទោសយ៉ាងខ្លាំងាំង ចំពោះក្រុមកុបកម្ម ដោយហៅសកម្មភាពរបស់ពួកគេថា ជាការវាយលុកដែលមិនធ្លាប់មានពីមុនមក មិនដូចអ្វីដែលយើងបានឃើញនៅសម័យទំនើប នេះបើតាមសារព័ត៌មាន Al Jazeera នៅថ្ងៃទី០៧ ខែមករា ឆ្នាំ២០២១ ។ នៅក្នុងវីដេអូដែលត្រូវបានចេញផ្សាយនៅលើបណ្ដាញសង្គម twitter លោក ត្រាំ បាននិយាយជាមួយអ្នកគាំទ្ររបស់គាត់ថា ខ្ញុំដឹងថាអ្នកឈឺចាប់… យើងមានការបោះឆ្នោតមួយ ដែលត្រូវបានគេលួចពីយើង ។ ជាមួយគ្នានេះ លោក បៃដិន បានអំពាវនាវដល់លោក ត្រាំ ដែលត្រូវបានសរសេរសារ twitter ពីសេតវិមាន ក្នុងអំឡុងពេលតវ៉ានេះ ឲ្យមានការថ្លែងទៅកាន់ប្រទេសជាតិ តាមទូរទស្សន៍ជាតិ និងទាមទារឲ្យបញ្ចប់ការឡោមព័ទ្ធនេះ ។ ផ្ទុយទៅវិញលោក ត្រាំ បានបង្ហោះវីដេអូរបស់គាត់នៅលើបណ្ដាញ Twitter ដែលបញ្ចប់ដោយត្រឹមតែថា គាត់បានស្នើឲ្យអ្នកគាំទ្ររបស់គាត់ទៅផ្ទះវិញប៉ុណ្ណោះមិនមានអ្វីជាដំណោះស្រាយនោះទេ ។ សូមជម្រាបថា អំពើហិង្សាខាងលើនេះ បានផ្ទុះឡើងនៅពេលដែលសមាជិកសភាកំពុងឋិតក្នុងដំណើរការ ដើម្បីបញ្ជាក់ពីជ័យជំនះនៃការបោះឆ្នោត របស់លោក ចូ…
-
ក្រុមហ៊ុនបណ្តាញសង្គម Twitter ព្រមានបិទគណនីរបស់លោក ដូណាល់ ត្រាំ ជាអចិន្ត្រៃយ៍
អាមេរិក៖ ក្រុមហ៊ុនបណ្តាញសង្គម Twitter នៅថ្ងៃពុធនេះបញ្ជាក់ថា ខ្លួនបានបិទគណនីរបស់ប្រធានាធិបតីអាមេរិកជិតផុតអាណិត្តលោក ដូណាល់ ត្រាំ រយៈពេល១២ម៉ោងជាបណ្តោះអាសន្ន ហើយបានព្រមានថា ខ្លួនអាចនឹងបិទជាអចិន្ត្រៃយ៍តែម្តង បន្ទាប់ពីលោក ត្រាំ បានបង្ហោះសារចោទប្រកាន់មិនពិតជាថ្មីអំពីការលួចបន្លំសន្លឹកឆ្នោត និងនៅក្រោយអ្នកគាំទ្រលោកសំរុកចូលវិមានសភា នេះបើតាមសារព័ត៌មាន CNA នៅថ្ងៃទី០៧ ខែមករា ឆ្នាំ២០២១ ។ ក្រុមហ៊ុន Twitter បញ្ជាក់ថា យើងបានតម្រូវឲ្យលុបការបង្ហោះចំនួន០៣របស់គណនី @realDonaldTrump ដែលបង្ហោះនៅព្រឹកថ្ងៃនេះ ដោយសារតែការរំលោភបំពានម្តងហើយម្តងទៀត និង ធ្ងន់ធ្ងរប្រឆាំងគោលនយោបាយភាពស្មោះត្រង់របស់ពលរដ្ឋ ។ Twitter បន្ថែមទៀតថា ការរំលោភបំពាននាពេលអនាគតនឹងបណ្តាលអោយមានការបិទគណនី @realDonaldTrump ជាអចិន្ត្រៃយ៍តែម្តង ។ សូមជម្រាបថា នៅក្នុងថ្ងៃដដែលនេះ ក្រុមហ៊ុន Twitter Facebook និង YouTubeសុទ្ធតែបានលុបចោលវីដេអូខ្លីមួយរបស់លោក ដូណាល់ ត្រាំ ដែលអំពាវនាវអោយអ្នកគាំទ្រវិលទៅផ្ទះ និងក៏បានធ្វើការចោទប្រកាន់មិនពិត អំពីសុច្ចរិតភាពនៃការបោះឆ្នោតប្រធានាធិបតីអាមេរិក ៕
-
លោក ដូណាល់ ត្រាំ ប្រាប់អោយអ្នកគាំទ្រត្រឡប់ទៅផ្ទះវិញ ក្រោយពួកគេចូលអុកឡុកវិមានសភា
អាមេរិក៖ ប្រធានាធិបតីអាមេរិកលោក ដូណាល់ ត្រាំ បានអំពាវនាវទៅកាន់អ្នកគាំទ្ររបស់លោកនៅថ្ងៃពុធនេះ អោយត្រឡប់ទៅផ្ទះវិញ បន្ទាប់ពីពួកគេបានសំរុកចូលវិមានសភា បន្ទាប់ពីលោក ត្រាំ បានបង្ហោះសារចោទប្រកាន់មិនពិតជាថ្មីអំពីការលួចបន្លំសន្លឹកឆ្នោត នេះបើតាមសារព័ត៌មានរ៉យទ័រនៅថ្ងៃទី០៧ ខែមករា ឆ្នាំ២០២១ ។ អ្នកគាំទ្រហិង្សារបស់លោក ដូណាល់ ត្រាំ បានសម្រុកចូលវិមាន កាពីតូល (សភាអាមេរិក) ក្នុងទីក្រុងវ៉ាស៊ីនតោន ខណៈសមាជិកសភាបានជួបគ្នាដើម្បីបញ្ជាក់ពីជ័យជម្នះនៃការបោះឆ្នោតរបស់ប្រធានាធិបតីជាប់ឆ្នោតលោក ចូ បៃដិន ។ ក្រុមបាតុករបានឡើងអគារ ស្របពេលសមាជិកសភាត្រូវបានប៉ូលិសនាំចេញក្រៅ ។ ជាមួយគ្នានេះ លោក បៃដិន បាននិយាយថា វាគឺជាការបះបោរ ខណៈសម័យប្រជុំសភា ដែលបញ្ជាក់ពីជ័យជម្នះរបស់លោក បៃដិន ត្រូវបានផ្អាក និងបង្ខំអោយលើកទៅពេលក្រោយ ។ ទន្ទឹមគ្នា មានរបាយការណ៍អំពីការបាញ់កាំភ្លើងនៅក្នុងអគារ ហើយមនុស្សម្នាក់បានស្លាប់ ខណៈប៉ូលិសជាច្រើននាក់បានរងរបួស ។ មានការប្រឈមមុខដាក់គ្នាដោយអាវុធនៅមាត់ទ្វារសភា ហើយឧស្ម័នបង្ហូរទឹកភ្នែកក៏ត្រូវបានគេប្រើផងដែរ។ ក្រុមកុបករត្រូវបានគេមើលឃើញដើរក្បួនតាមអគារដោយស្រែកថា យើងចង់បានលោក ត្រាំ ហើយម្នាក់ត្រូវបានគេថតជាប់អង្គុយកៅអីប្រធានព្រឹទ្ធសភា ។ កងទ័ព និងប៉ូលិសក៏ត្រូវបានដាក់ពង្រាយនៅក្នុងរដ្ឋជិតៗនោះផងដែរ ហើយ FBI…