-
ប្រធានាធិបតីព័រទុយហ្គាល់ធ្វើតេស្តវិជ្ជមាន Covid-19 ខណៈចំនួនអ្នកឆ្លងវីរុសសរុបនៅទូទាំងប្រទេសនេះកើនឡើងជិត៤៩ម៉ឺនករណី
ព័រទុយហ្គាល់៖ ប្រធានាធិបតីព័រទុយហ្គាល់លោក Marcelo Rebelo de Sousa បានធ្វើតេស្តវិជ្ជមានជំងឺកូវីដ១៩ ប៉ុន្តែមិនបង្ហាញរោគសញ្ញាទេ នេះបើតាមសារព័ត៌មានរ៉យទ័រនៅថ្ងៃទី១២ ខែមករា ឆ្នាំ២០២១ ។ យោងតាមសេចក្តីថ្លែងការណ៍មួយ ដែលបង្ហោះលើគេហទំព័រផ្លូវការរបស់ប្រធា នាធិបតីព័រទុយហ្គាល់កាលពីយប់ថ្ងៃចន្ទម្សិលមិញ បានអោយដឹងថា លទ្ធផលតេស្តវិជ្ជមានរបស់លោក Rebelo de Sousa បានកើតឡើង បន្ទាប់ពីគាត់បានធ្វើតេស្តអវិជ្ជ មានកាលពីថ្ងៃទី០៦ ខែមករាកន្លងទៅ បន្ទាប់ពីទាក់ទងជាមួយអ្នកដែលឆ្លងរោគ ។ លោក Rebelo de Sousa នឹងដាក់ខ្លួននៅដាច់ពីគេក្នុងគេហដ្ឋានផ្លូវការរបស់គាត់នៅទីក្រុង Lisbon ។ សូមជម្រាបថា គិតត្រឹមថ្ងៃទី១២ ខែមករានេះ នៅទូទាំងប្រទេសព័រទុយហ្គាល់មានចំនួនអ្នកឆ្លងកូវីដ១៩សរុប៤៨ម៉ឺន៩ពាន់២៩៣ករណី ក្នុងនោះមានអ្នកស្លាប់៧ពាន់៩២៥នាក់ និងអ្នកជាសះស្បើយឡើងវិញ៣៧ម៉ឺន២ពាន់៥៦នាក់ ៕
-
អ្នកឆ្លង COVID-19 នៅទូទាំងពិភពលោកកើនឡើងជាង៩១លាននាក់ ក្នុងនោះស្លាប់ជាង១លាន៩៥ម៉ឺននាក់ និងជាសះស្បើយជាង៦៥លាន២៨ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន៩១លាន៣១ម៉ឺន៤ពាន់៣៧០ករណី ក្នុងនោះមានអ្នកជម្ងឺសរុបចំនួន១លាន៩៥ម៉ឺន២ពាន់៨៧៩នាក់ស្លាប់ និង ជាសះស្បើយឡើងវិញសរុបចំនួន៦៥លាន២៨ម៉ឺន៦ពាន់៣២៨នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី១២ ខែមករា ឆ្នាំ២០២១ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន២៣លាន១៤ម៉ឺន៣ពាន់១៩៧នាក់ ស្លាប់ចំនួន៣៨ម៉ឺន៥ពាន់២៤៩នាក់ និងជាសះស្បើយចំនួន១៣លាន៦៨ម៉ឺន៤៦១នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន១០លាន៤៧ម៉ឺន៩ពាន់៩១៣នាក់ ស្លាប់ចំនួន១៥ម៉ឺន១ពាន់៣៦៤នាក់ និងជាសះស្បើយ១០លាន១១ម៉ឺន៧១០នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន ៨លាន១៣ម៉ឺន៣ពាន់៨៣៣នាក់ ស្លាប់២០ម៉ឺន៣ពាន់៦១៧នាក់ និងជាសះស្បើយ៧លាន២០ម៉ឺន៧ពាន់៤៨៣នាក់ ៕
-
នាយករដ្ឋមន្រ្តីវៀតណាមបញ្ជាក់ថា វៀតណាមនឹងកំណត់ជើងហោះហើរក្នុងប្រទេសរហូតដល់ពាក់កណ្តាលខែកុម្ភៈខាងមុខ ដើម្បីទប់ស្កាត់ Covid-19 ទម្រង់ថ្មី
វៀតណាម៖ នាយករដ្ឋមន្រ្តីវៀតណាមលោក ង្វៀន សួនផុក ថ្លែងថា ប្រទេសរបស់លោកនឹងកំណត់ជើងហោះហើរដែលនាំពលរដ្ឋមកប្រទេសវិញ ចាប់ពីពេលនេះរហូតដល់ចប់ពិធីបុណ្យចូលឆ្នាំថ្មីនៅពាក់កណ្តាលខែកុម្ភៈខាងមុខ ដើម្បីទប់ស្កាត់វីរុស Covid-19 ទម្រង់ថ្មី ដែលកំពុងឆ្លងរាលដាលយ៉ាងលឿននៅតាមបណ្តាប្រទេសជាច្រើន នេះបើតាមសារព័ត៌មាន VNExpress នៅថ្ងៃទី១១ ខែមករា ឆ្នាំ២០២១ ។ លោក ង្វៀន សួនផុក បញ្ជាក់ថា វៀតណាមនឹងអនុញ្ញាតអោយមានតែជើងហោះហើរចាំបាច់ប៉ុណ្ណោះចូលក្នុងប្រទេស ដោយក្នុងនោះមានដូចជា ក្រសួងសុខាភិបាល ក្រសួងការបរទេស ក្រសួងការពារជាតិ ក្រសួងសន្តិសុខសាធារណៈ និងដឹកជញ្ជូន ។ នាយករដ្ឋមន្រ្តីវៀតណាមរូបនេះបានសង្កត់ធ្ងន់ថា បន្ទាប់ពីបុណ្យចូលឆ្នាំថ្មីដែលនឹងចាប់ផ្តើមនៅថ្ងៃទី១០ ដល់ថ្ងៃទី១៦ ខែកុម្ភៈ ឆ្នាំ២០២១ខាងមុខនេះ ក្រសួងដឹកជញ្ជូននឹងសិក្សាពីលទ្ធភាពនៃការចាប់ផ្តើមជើងហោះហើរអន្តរជាតិឡើងវិញ ៕
-
ថៃបន្តរកឃើញអ្នកឆ្លង Covid-19 ថ្មីៗចំនួន២៤៩ករណីទៀតនៅថ្ងៃចន្ទនេះ ក្នុងនោះ២២៤នាក់ជាករណីឆ្លងក្នុងសហគមន៍
ថៃ៖ ប្រទេសថៃបានរាយការណ៍ពីការរកឃើញអ្នកឆ្លង Covid-19 ថ្មីៗចំនួន២៤៩ករណីបន្ថែមទៀត ដោយក្នុងនោះមាន២២៤នាក់ជាករណីឆ្លងក្នុងសហគមន៍ ខណៈតួលេខកត់ត្រាថ្មីនេះ ធ្វើអោយចំនួនអ្នកឆ្លងសរុបកើនឡើងដល់១ម៉ឺន៥៤៧ករណី នេះបើតាមសារព័ត៌មានបាងកកប៉ុស្តិ៍នៅថ្ងៃទី១១ ខែមករា ឆ្នាំ២០២១ ។ នៅក្នុងរបាយការណ៍នៅថ្ងៃចន្ទដើមសប្តាហ៍នេះដែរ មិនមានអ្នកស្លាប់ដោយសារជំងឺ Covid-19 នោះទេ ដែលមកទល់ពេលនេះ មានអ្នកស្លាប់សរុប៦៧នាក់ដដែល ។ ដោយឡែកជនអន្តោប្រវេសន៍ជាពលករជនជាតិមីយ៉ាន់ម៉ាជិត៣០០នាក់បានចាកចេញពីមន្ទីរពេទ្យក្នុងខេត្តសាមុត សាខន កាលពីថ្ងៃអាទិត្យម្សិលមិញ និងបានក្លាយជាក្រុមអន្តោប្រវេសន៍ដ៏ច្រើនលើកដំបូង ដែលជាសះស្បើយពីវីរុសនេះ ។ សូមជម្រាបថា មកទល់ពេលនេះ ប្រទេសថៃបានរកឃើញករណីឆ្លងសរុប ១ម៉ឺន៥៤៧ករណី ដោយក្នុងនោះមាន៨ពាន់៣៨១ករណីជាករណីឆ្លងក្នុងសហគមន៍ និង២ពាន់១៦៦នាក់ជាករណីនាំចូល ។ ហើយក្នុងចំណោមករណីឆ្លងសរុបទាំងអស់នោះទៀតសោត មាន៦៧នាក់ស្លាប់ និង ៦ពាន់៥៦៦នាក់បានជាសះស្បើយឡើងវិញ ៕
-
លោកស្រី ណាន់ស៊ី ផេឡូស៊ី បញ្ជាក់ថា សភានឹងរៀបចំដំណើរការនីតិវិធី ដើម្បីទម្លាក់លោក ដូណាល់ ត្រាំ ចេញពីតំណែងនៅមុនថ្ងៃទី២០ ខែមករាខាងមុខ
អាមេរិក៖ សភាអាមេរិកនឹងរៀបចំដំណើរការនីតិវិធី ដើម្បីទម្លាក់លោក ដូណាល់ ត្រាំ ចេញពីតំណែងប្រធានាធិបតីសហរដ្ឋអាមេរិក នេះបើតាមការអះអាងរបស់ប្រធានសភាតំណាងរាស្ត្រអាមេរិកលោកស្រី ណាន់ស៊ី ផេឡូស៊ី ចុះផ្សាយដោយ សារព័ត៌មាន AP នៅថ្ងៃទី១១ ខែមករា ឆ្នាំ២០២១ ។ ស្របពេលជាមួយគ្នានេះដែរ លោកស្រី ណាន់ស៊ី ផេឡូស៊ី បានបញ្ជាក់ថា លោក ដូណាល់ ត្រាំ ជាការគំរាមកំហែងចំពោះលទ្ធិប្រជាធិបតេយ្យ ក្រោយផ្ទុះការប៉ះទង្គិចគ្នាដោយហិង្សានៅក្នុងវិមានសភាអាមេរិកកាលពីសប្តាហ៍មុន ដែលបណ្តាលអោយមនុស្សមួយចំនួនបាត់បង់ជីវិត និងរងរបួស ។ សូមជម្រាបថា សមាជិកសភារបស់គណបក្សប្រជាធិបតេយ្យត្រូវបានគេរំពឹងថា នឹងចាប់ផ្តើមពិភាក្សាអំពីដំណើរការទម្លាក់លោកប្រធានាធិបតី ដូណាល់ ត្រាំ ពីអំណាចនៅថ្ងៃចន្ទ ឬយ៉ាងយូរថ្ងៃអង្គារសប្តាហ៍នេះហើយ (ម៉ោងក្នុងតំបន់) ៕
-
សហរដ្ឋអាមេរិកបើកការស៊ើបអង្កេត ជុំវិញអំពើភេរវកម្មក្នុងប្រទេសចំនួន២៥ករណី បន្ទាប់ពីផ្ទុះកុបកម្មនៅវិមានសភា
អាមេរិក៖ អំពើភេវរកម្មក្នុងប្រទេសយ៉ាងហោចណាស់២៥ករណីត្រូវបានបើកការស៊ើបអង្កេត បន្ទាប់ពីកើតមានការអុកឡុកនៅវិមានសភាអាមេរិក កាលពីសប្តាហ៍មុន ដោយក្រុមកុបករគាំទ្រលោក ដូណាល់ ត្រាំ នេះបើតាមលេខាធិការកងទ័ព អាមេរិកលោក Ryan McCarthy បានប្រាប់សមាជិកសភាបក្សប្រជាធិបតេយ្យ ចុះផ្សាយដោយសារព័ត៌មានរ៉យទ័រនៅថ្ងៃទី១១ ខែមករា ឆ្នាំ២០២១ ។ លោក Jason Crow ដែលជាសមាជិកគណៈកម្មាធិការសេវាប្រដាប់អាវុធនៃសភាតំណាងរាស្ត្របាននិយាយថា លោក McCarthy បានប្រាប់គាត់ថា មន្ទីរបញ្ចកោណដឹងអំពីការគំរាមកំហែងដែលអាចកើតមានបន្ថែមទៀត ដែលបង្កឡើងដោយក្រុមភេរវករក្នុងរយៈពេលប៉ុន្មានថ្ងៃខាងមុខ និងនៅថ្ងៃនៃការស្បថចូលកាន់តំណែងជាផ្លូវការរបស់ប្រធានាធិបតីជាប់ឆ្នោតលោក ចូ បៃដិន នៅថ្ងៃទី២០ ខែមករាខាងមុខនេះ ។ លោក Crow បាននិយាយដោយសង្ខេបទៅកាន់លោក McCarthy ថា កាំភ្លើងវែង គ្រាប់បែក Molotov ឧបករណ៍ផ្ទុះ និង ខ្សែរឺតត្រូវបានរកឃើញ ដែលនេះបង្ហាញថា គ្រោះមហន្តរាយកាន់តែធំត្រូវបានជៀសផុត ។ លោក McCarthy បានធានាចំពោះគាត់ថា មន្ទីរបញ្ចកោណកំពុងធ្វើការជាមួយមន្ត្រីអនុវត្តច្បាប់ក្នុងតំបន់ និងសហព័ន្ធ ដើម្បីសម្របសម្រួលការត្រៀមលក្ខណៈផ្នែកសន្តិសុខ បន្ទាប់ពីអ្វីដែលគាត់បានពិពណ៌នាថា ជាការខ្វះចន្លោះផ្នែកសន្តិសុខ មុនកុបកម្មថ្ងៃ០៣ ខែមករាកន្លងទៅនេះ…
-
ក្រុមហ៊ុន Apple សហការជាមួយ Hyundai គ្រោងផលិតរថយន្តអគ្គិសនីបើកបរដោយស្វ័យប្រវត្តិនៅឆ្នាំ២០២៤
អាមេរិក៖ ក្រុមហ៊ុន Hyundai Motor និង Apple Inc មានផែនការចុះកិច្ចព្រមព្រៀងជាដៃគូសហការ ក្នុងការផលិតរថយន្តអគ្គិសនីបើកបរដោយស្វ័យប្រវត្តិនៅក្នុងអំឡុងខែមីនាឆ្នាំ២០២១នេះ ខណៈសង្វាក់ផលិតកម្មនឹងចាប់ផ្ដើមនៅឆ្នាំ២០២៤ខាងមុខនៅសហរដ្ឋអាមេរិក នេះបើតាមសារព័ត៌មានរ៉យទ័័រនាពេលថ្មីៗ ។ ក្រុមហ៊ុន Hyundai Motor និងក្រុមហ៊ុន Apple បានពិភាក្សាគ្នាលើគម្រោងមួយនេះអស់រយៈជាយូរមកហើយ ខណៈដែលសារព័ត៌មានជាច្រើនបានផ្សាយថា Apple គ្រោងនឹងបង្កើតរថយន្តដោយខ្លួនឯងនៅឆ្នាំ២០២៤ នេះបើតាមសារព័ត៌មាន Korea IT News ។ ជាមួយគ្នានេះ សារព័ត៌មាន Korea IT News បានចេញផ្សាយដោយបញ្ជាក់ទាំងទីតាំង និងទំហំទឹកប្រាក់នៃការវិនិយោគ ប៉ុន្តែក្រោយពីចេញផ្សាយ បាន ប៉ុន្មាន ក៏លុបចោលទីតាំង និងទំហំទឹកប្រាក់វិញ ដោយរក្សាទុកត្រឹមតែកាលបរិច្ឆេទប៉ុណ្ណោះ ព្រមទាំងបញ្ជាក់ថា ក្រុមហ៊ុនទាំងពីរគ្រោងនឹងដាក់ឱ្យសាកល្បងរថយន្តអគ្គសនីបើកបរដោយស្វ័យប្រវត្តិនេះនៅឆ្នាំក្រោយ ៕
-
ថៃរកឃើញអ្នកឆ្លង Covid-19 ថ្មីៗចំនួន២៤៥ករណីទៀតនៅថ្ងៃអាទិត្យម្សិលមិញ ក្នុងនោះ២២៤នាក់ជាករណីឆ្លងក្នុងសហគមន៍
ថៃ៖ នៅថ្ងៃអាទិត្យម្សិលមិញ ប្រទេសថៃបានប្រកាសពីការរកឃើញករណីឆ្លង COVID-19 ថ្មីៗចំនួន២៤៥ករណីថែមទៀត ដែលភាគច្រើនជាករណីឆ្លងក្នុងសហគម៍ នេះបើតាមសារព័ត៌មានបាងកកប៉ុស្តិ៍នៅថ្ងៃទី១០ ខែមករា ឆ្នាំ២០២១ ។ អ្នកនាំពាក្យទីភ្នាក់ងារគ្រប់គ្រប់ស្ថានការណ៍ COVID-19 របស់ថៃ លោកវេជ្ជបណ្ឌិត ថាវីស៊ីន វីសានុយ៉ូធីន បានឲ្យដឹងថា ក្នុងចំណោមករណីឆ្លងថ្មីៗទាំងនោះ មានរហូតដល់២២៤ករណីជាករណីឆ្លងនៅក្នុងស្រុកផ្ទាល់តែម្តង ខណៈដែល ២១ករណីទៀត គឺជាអ្នកដែលទើបធ្វើដំណើរត្រឡប់មកពីក្រៅប្រទេស ។ សូមជម្រាបថា មកទល់ពេលនេះ ប្រទេសថៃបានរកឃើញករណីឆ្លងសរុប ១ម៉ឺន២៩៨ករណី ដោយក្នុងនោះមាន៨ពាន់១៥៧ករណីជាករណីឆ្លងក្នុងសហគមន៍ និង២ពាន់១៤១នាក់ជាករណីនាំចូល ។ ហើយក្នុងចំណោមករណីឆ្លងសរុបទាំងអស់លើនោះទៀតសោត មាន៦៧នាក់ស្លាប់ និង ៦ពាន់៤២៨នាកបានជាសះស្បើយឡើងវិញ ៕
-
អ្នកឆ្លង COVID-19 នៅទូទាំងពិភពលោកកើនឡើងជាង៩០លាននាក់ ក្នុងនោះស្លាប់ជាង១លាន៩៤ម៉ឺននាក់ និងជាសះស្បើយជាង៦៤លាន៨១ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន៩០លាន៦៨ម៉ឺន៩ពាន់៧៣៥ករណី ក្នុងនោះមានអ្នកជម្ងឺសរុបចំនួន១លាន៩៤ម៉ឺន៣ពាន់៩៩នាក់ស្លាប់ និង ជាសះស្បើយឡើងវិញសរុបចំនួន៦៤លាន៨១ម៉ឺន១ពាន់៣៨០នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី១១ ខែមករា ឆ្នាំ២០២១ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន២២លាន៩១ម៉ឺន៧ពាន់៣៣៤នាក់ ស្លាប់ចំនួន៣៨ម៉ឺន៣ពាន់២៧៥នាក់ និងជាសះស្បើយចំនួន១៣លាន៤៨ម៉ឺន៣ពាន់៤៩០នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន១០លាន៤៦ម៉ឺន៧ពាន់៤៣១នាក់ ស្លាប់ចំនួន១៥ម៉ឺន១ពាន់១៩៨នាក់ និងជាសះស្បើយ១០លាន៩ម៉ឺន២ពាន់១៣០នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន ៨លាន១០ម៉ឺន៥ពាន់៧៩០នាក់ ស្លាប់២០ម៉ឺន៣ពាន់១៤០នាក់ និងជាសះស្បើយ៧លាន១៦ម៉ឺន៧ពាន់៦៥១នាក់ ៕
-
ថៃឲ្យពលករមីយ៉ាន់ម៉ាជិត៣០០នាក់ចេញពីមន្ទីរពេទ្យនៅសាមុត សាខន ក្រោយជាកូវីដ១៩ ម្សិលមិញ
ជនអន្តោប្រវេសន៍ជាពលករជនជាតិមីយ៉ាន់ម៉ាជិត៣០០នាក់បានចាកចេញពីមន្ទីរពេទ្យ ក្នុងខេត្តសាមុតសាខន ប្រទេសថៃ កាលពីថ្ងៃអាទិត្យទី១០ មករា ២០២១ម្សិលមិញ បានក្លាយជាក្រុមអន្តោប្រវេសន៍ដ៏ច្រើនលើកដំបូង ដែលជាសះស្បើយពីជំងឺកូវីដ១៩។ ជនជាតិមីយ៉ាន់ម៉ាសរុប២៩២នាក់ត្រូវបានប្រកាសថា បានជាសះស្បើយពីជំងឺកូវីដ១៩ ហើយត្រូវបានឲ្យចាកចេញពីមន្ទីរពេទ្យព្យាបាល ដែលត្រូវបានរៀបចំនៅខាងក្នុងពហុកីឡដ្ឋានកីឡាមួយកន្លែង។ពួកគេបានគ្រវីដៃលា ទៅកាន់ក្រុមគ្រូពេទ្យ មុនពេលបញ្ជូនឡើងរថយន្តយោធា ទៅផ្សារលក់គ្រឿងសមុទ្រ ត្រង់កន្លែងដែលពួកគេរស់នៅនិងធ្វើការ។ តែផ្សារនេះមិនទាន់បើកដំណើរការទេ ដោយគេគ្រោងនឹងបើកវិញ នៅចុងខែមករានេះ នេះបើតាមលោក Thiraphat Khatchamat អភិបាលរងខេត្ត សាមុត សាខន៕ ប្រភពពីបាងកកប៉ុស្តិ៍