បារាំង៖ ប្រទេសបារាំងបានរាយការណ៍ពីការរកឃើញករណីឆ្លងដំបូងនៃវីរុស COVID-19 ទម្រង់ថ្មី ដែលមានប្រភពចេញពីអង់គ្លេស ចំពេលដែលប្រទេសមានសេដ្ឋកិច្ចធំបំផុតលំដាប់ទី ២ នៅអឺរ៉ុបមួយនេះ កំពុងប្រឈមមុខនឹងការចម្លងវីរុសរលកថ្មី នេះបើតាមសារព័ត៌មានរ៉យទ័រនៅថ្ងៃទី២៦ ខែធ្នូ ឆ្នាំ២០២០ ។ ក្រសួងសុខាភិបាលបារាំងបញ្ជាក់ថា ប្រជាជនបារាំងម្នាក់ដែលរស់នៅអង់គ្លេស បានធ្វើដំណើរចាកចេញពីទីក្រុងឡុងដ៍ កាលពីថ្ងៃទី១៩ ខែធ្នូ មកកាន់បារាំងវិញ ហើយក៏បានធ្វើតេស្តរកឃើញវីរុស COVID-19 ទម្រង់ថ្មី ។ ករណីឆ្លងថ្មីនេះ គឺជាករណីឆ្លងគ្មានរោគសញ្ញា ហើយអ្នកជំងឺកំពុងដាក់ខ្លួនឯងឲ្យនៅដាច់ដោយឡែកនៅក្នុងផ្ទះ ស្ថិតនៅតំបន់ ធួរ ភាគកណ្តាលប្រទេសបារាំង ។ ឆ្លើយតបនឹងបញ្ហាខាងលើនេះ អាជ្ញាធរសុខាភិបាលបារាំងបាននិងកំពុងតាមដាន រកអ្នកទាំងឡាយណា ដែលបានប៉ះពាល់ជាមួយករណីឆ្លងខាងលើ ជាពិសេសអ្នកដែលធ្លាប់មានទំនាក់ទំនងជិតសិ្នទ្ធ គឺតម្រូវឲ្យធ្វើចត្តាឡីស័ក ៕

អាហ្វ្រិក​ខាងត្បូង​៖​ ​រដ្ឋមន្ត្រី​សុខាភិបាល​អាហ្វ្រិក​ខាងត្បូង​ ​លោក​ ស្វេ​លី​នី​ អឹ​ម​ឃីហ្សេ ​បាន​ទាត់ចោល​ការ​អះអាង​របស់​សម​ភាគី​អង់គ្លេស​ដែល​ថា​ ​វី​រុ​ស​ ​Co​v​i​d​-19 ​ទម្រង់​ថ្មី​នៅ​អាហ្វ្រិក​ខាងត្បូង​ ​បង្ក​គ្រោះថ្នាក់​ជាង​វី​រុ​ស​ទម្រង់​ថ្មី​ស្រដៀងគ្នា​មួយទៀត​ ​ដែល​កំពុង​ឆ្លង​រាលដាល​នៅ​ចក្រភពអង់គ្លេស​ ​នេះ​បើ​តាម​សារ​ព័ត៌មាន​ ​A​P​ ​នៅ​ថ្ងៃ​ទី​២​៦​ ​ខែ​ធ្នូ​ ​ឆ្នាំ​២​០​២​០​ ​។​ ប្រតិកម្ម​ខាងលើ​នេះ​របស់​លោក​ ស្វេ​លី​នី​ អឹ​ម​ឃីហ្សេ ​បាន​កើតមានឡើង​បន្ទាប់ពី​រដ្ឋមន្ត្រី​សុខាភិបាល​អង់គ្លេស​លោក​ ​ម៉ា​ត​ ​ហែ​ន​ខក់​ ​និយាយ​ថា​ ​ប្រភេទ​វី​រុ​ស​នេះ​គួរ​អោយ​ព្រួយបារម្ភ​ ​ដោយសារ​វា​ឆ្លង​ខ្លាំង​ជាង​ ​និង​ទំនងជា​ប្រែរូប​រាង​លឿន​ជាង​វី​រុ​ស​មួយ​នៅ​អង់គ្លេស​ ​។​ ​ការ​ថ្លែង​បែប​នេះ​របស់​លោក​ ​ម៉ា​ត​ ​ហែ​ន​ខក់​ ​បាន​នាំ​អោយ​មាន​ហាមឃាត់​ការធ្វើដំណើរ​ពី​អាហ្វ្រិក​ខាងត្បូង​ ​ពីសំណាក់​ប្រទេស​ចំនួន​០​៨​ ​ក្នុង​នោះ​រួម​មាន​អង់គ្លេស​ផ្ទាល់​ ​អា​ឡឺម៉ង់ ​តួ​ក​គី​ ​និង​អា​រ៉ា​ប៊ី​សា​អូ​ឌីត​ផង​ដែរ​ ​។​ យ៉ាងណាមិញ​ ​រដ្ឋមន្ត្រី​សុខាភិបាល​អាហ្វ្រិក​ខាងត្បូង​បាន​បញ្ជាក់​ថា​ ​បច្ចុប្បន្ន​មិន​មាន​ភស្តុតាង​ណាមួយ​បញ្ជាក់​ថា​ ​វី​រុ​ស​កូរ៉ូ​ណា​ប្រភេទ​501.​V​2​ឆ្លង​ខ្លាំង​ជាង​វី​រុ​ស​មួយ​ប្រភេទ​ទៀត​នៅ​អង់គ្លេស​ ​ដូចដែល​រដ្ឋមន្ត្រី​សុខាភិបាល​អង់គ្លេស​បាន​លើកឡើង​នោះ​ទេ​ ​ហើយ​ថា​ ​ក៏​មិន​មាន​ភស្តុតាង​បញ្ជាក់​ថា​ ​វា​បង្ក​ជំងឺ​ធ្ងន់​ ​ឬ​សម្លាប់​មនុស្ស​ច្រើនជាង​វី​រុ​ស​នៅ​អង់គ្លេស​ដែរ​ ​៕

ថៃ​៖​ ​អាជ្ញាធរ​ដោះស្រាយ​វិបត្តិ​ ​Co​v​i​d​-19 ​របស់​ប្រទេស​ថៃ​ ​នៅ​ថ្ងៃសុក្រ​ម្សិលមិញ​បាន​ចេញ​ការព្រមាន​ធ្ងន់​ថា​ ​សូម​សហការ​ជាមួយ​គោលការណ៍​ណែនាំ​របស់យើង​បើមិនដូច្នោះទេ​ ​នឹង​មានការ​បិទ​ប្រទេស​ថៃ​ទាំងមូល​តែម្តង​ ​នៅ​ត្រឹម​ខែ​មីនា​ ​ឆ្នាំ​២​០​២​១​ខាងមុខ​ ​នេះ​បើ​តាម​សារ​ព័ត៌មាន​ ​បាងកក​ប៉ុស្តិ៍​នៅ​ថ្ងៃ​ទី​២​៦​ ​ខែ​ធ្នូ​ ​ឆ្នាំ​២​០​២​០​ ​។ អ្នកនាំពាក្យ​មជ្ឈមណ្ឌល​គ្រប់គ្រង​ស្ថានភាព​ជំងឺ​កូ​វី​ដ​១​៩​ CCS​A​ ​លោក​វេជ្ជបណ្ឌិត​ ​T​a​wee​s​i​l​p​ ​Visa​nu​y​o​thin​ ​បញ្ជាក់​ថា​ ​វិធានការ​ចុងក្រោយ​នឹង​ត្រូវ​អនុវត្ត​ ​ប្រសិនបើ​មិន​មាន​កិច្ច​សហប្រតិបត្តិការ​ត្រឹមត្រូវ​ពីសំណាក់​ប្រជាពលរដ្ឋ​ ​និង​ ​បើ​សិន​ស្ថានភាព​មិន​អាច​គ្រប់គ្រង​បាន​នោះ​ ​។​ ការព្រមាន​ខ្លាំង​ៗ​ខាងលើ​នេះ​ ​បាន​កើតមានឡើង​ស្រប​ពេល​ដែល​លោក​វេជ្ជបណ្ឌិត​ ​T​a​wee​s​i​l​p​ ​កំពុង​ធ្វើការ​ដោះស្រាយ​នូវ​ក្តី​ព្រួយបារម្ភ​ជាទូទៅ​ ​បន្ទាប់ពី​មានការ​ផ្ទុះឡើង​នៃ​ករណី​ឆ្លង​ថ្មីៗ​ដែល​កើត​ចេញពី​ផ្សារ​លក់​គ្រឿង​សមុទ្រ​មួយ​ ​ក្នុង​ខេត្ត​ ​សា​មុត​ ​សា​ខន​ ​ដែល​ប៉ះពាល់​ដល់​ពលករ​ចំណាកស្រុក​ភាគច្រើន​ ​៕

​ថៃ​៖​ ​ប្រទេស​ថៃ​ ​នៅ​ថ្ងៃសៅរ៍​នេះ​ ​បាន​រក​ឃើញ​អ្នក​ឆ្លង​ ​Co​v​i​d​-19 ​ថ្មីៗ​សរុប​១​១​០​ករណី​ ​ដោយ​ក្នុង​នោះ​មាន​៦​៤​នាក់​ជា​ករណី​ឆ្លង​ក្នុង​តំបន់​ ​ដែល​មាន​ជាប់​ទាក់ទិន​នឹង​ករណី​ឆ្លង​ក្នុង​ខេត្ត​ ​សា​មុត​ ​សា​ខន​ ​ភាគ​និរតី​ប្រទេស​ ​នេះ​បើ​តាម​សារ​ព័ត៌មាន​រ៉​យ​ទ​័​រ​នៅ​ថ្ងៃ​ទី​២​៦​ ​ខែ​ធ្នូ​ ​ឆ្នាំ​២​០​២​០​ ​។​ អ្នកនាំពាក្យ​មជ្ឈមណ្ឌល​គ្រប់គ្រង​ស្ថានភាព​ជំងឺ​កូ​វី​ដ​១​៩​ CCS​A​ ​លោក​វេជ្ជបណ្ឌិត​ ​T​a​wee​s​i​l​p​ ​Visa​nu​y​o​thin​ ​បញ្ជាក់​ថា​ ​នៅក្នុងចំណោម​ករណី​ឆ្លង​ថ្មីៗ​ខាងលើ​នេះ​ ​៣​០​នាក់​គឺជា​ពលករ​ចំណាកស្រុក​ ​និង​ ​១​៦​នាក់​ទៀត​ជា​ប្រភេទ​ករណី​នាំចូល​ពីក្រៅ​ប្រទេស​ ​។​ ករណី​ឆ្លង​យ៉ាង​គំហុក​នៅ​ក្នុង​ប្រទេស​ថៃ​ ​បាន​ផ្ទុះឡើង​កាលពី​ស​ប្តាហ៍​មុននេះ​ ​ទៅលើ​ក្រុម​ពលករ​ចំណាកស្រុក​ ​មកពី​ប្រទេស​មី​យ៉ា​ន់​ម៉ា​ ​ដែល​ស្ថិតនៅ​ក្នុង​ខេត្ត​សា​មុត​សា​ខន​ ​និង​កំពុង​បង្ក​ឲ្យ​មាន​ការរើសអើង​ ​យ៉ាង​ធ្ងន់ធ្ងរ​នៅ​ក្នុង​សង្គម​ថៃ​ផង​ដែរ​ ​។​ ​គិត​ចាប់តាំង​ពី​ថ្ងៃអាទិត្យ​ស​ប្តាហ៍​មុន​ ​ពលករ​បរទេស​នៅ​ក្នុង​ប្រទេស​ថៃ​ ​សរុប​ជាង​១​ពាន់​នាក់​ហើយ​ ​ត្រូវ​បាន​ធ្វើ​តេ​ស្ត​ចេញ​លទ្ធផលវិជ្ជមាន​ ​ចំពោះ​ ​CO​V​I​D​-19 ​៕

​ថៃ​៖​ ​ក្រសួងសុខាភិបាល​ថៃ​បញ្ជាក់​ថា​ ​អាជ្ញាធរ​ថៃ​នៅ​ថ្ងៃសុក្រ​នេះ​បាន​រាយការណ៍​ពី​ការ​រក​ឃើញ​អ្នក​ឆ្លង​ ​CO​V​I​D​-19 ​ក្នុង​សហគមន៍​ចំនួន​៧​២​ករណី​ទៀត​ ​និង​០​៩​នាក់​ជា​ករណី​នាំចូល​ពីក្រៅ​ប្រទេស​ ​ស្ថិត​នៅក្នុងចំណោម​អ្នក​ឆ្លង​ថ្មីៗ​សរុប​ចំនួន​៨​១​ករណី​ ​នេះ​បើ​តាម​សារ​ព័ត៌មាន​ CN​A​ ​នៅ​ថ្ងៃ​ទី​២​៥​ ​ខែ​ធ្នូ​ ​ឆ្នាំ​២​០​២​០​ ​។​ ប្រភព​ខាងលើ​នេះ​បាន​អោយ​ដឹង​ថា​ ​ក្នុងចំណោម​ករណី​ឆ្លង​សហគមន៍​ទាំង​៧​២​នាក់​នេះ​ ​ពាក់កណ្តាល​មាន​ជាប់​ពាក់ព័ន្ធ​ទៅ​នឹង​ករណី​ផ្ទុះ​ការ​ឆ្លង​ ​CO​V​I​D​-19 ​ក្នុង​ទី​ផ្សារ​លក់​អាហារ​សមុទ្រ​ក្នុង​ខេត្ត​ ​សា​មុត​ ​សា​ខន​ ​ភាគ​និរតី​ប្រទេស​ថៃ​ ​។​ ​ស្រប​ពេល​ជាមួយគ្នា​នេះ​ដែរ​ ​អាជ្ញាធរ​ថៃ​ពុំបាន​បញ្ជាក់​ព័ត៌មាន​លម្អិត​បន្ថែម​ ​ជុំវិញ​អត្តសញ្ញាណ​ ​ឬ​ខេត្ត​-​ក្រុង​ដែល​អ្នក​ឆ្លង​ជំងឺ​ថ្មីៗ​នេះ​រស់នៅ​នោះ​ឡើយ​ ​។​ សូម​ជម្រាប​ថា​ ​គិត​ត្រឹម​ថ្ងៃសុក្រ​នេះ​ ​នៅ​ទូទាំង​ប្រទេស​អាស៊ី​មួយ​នេះ​ ​មាន​ករណី​ឆ្លង​ ​CO​V​I​D​-19 ​សរុប​៥​ពាន់​៩​១​០​ករណី​ ​ក្នុង​នោះ​ស្លាប់​៦​០​នាក់​ ​និង​ជាសះស្បើយ​វិញ​៤​ពាន់​១​៣​០​នាក់​ ​៕