-
អ្នកឆ្លង COVID-19 នៅទូទាំងពិភពលោកកើនឡើងជាង៧៣លាននាក់ ក្នុងនោះស្លាប់ជាង១លាន៦២ម៉ឺននាក់ និងជាសះស្បើយជាង៥១លាន៣១ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន៧៣លាន១៨ម៉ឺន១៨៩ករណី ក្នុងនោះមានអ្នកជម្ងឺសរុបចំនួន១លាន៦២ម៉ឺន៧ពាន់៣៦៦នាក់ស្លាប់ និង ជាសះស្បើយឡើងវិញសរុបចំនួន៥១លាន៣១ម៉ឺន២២៣នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី១៥ ខែធ្នូ ឆ្នាំ២០២០ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន១៦លាន៩៤ម៉ឺន១ពាន់៩៨៦នាក់ ស្លាប់ចំនួន៣០ម៉ឺន៨ពាន់៤២នាក់ និងជាសះស្បើយចំនួន៩លាន៨៦ម៉ឺន៩ពាន់៨៩៣នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន៩លាន៩០ម៉ឺន៦ពាន់៥០៧នាក់ ស្លាប់ចំនួន១៤ម៉ឺន៣ពាន់៧៤៦នាក់ និងជាសះស្បើយ៩លាន៤២ម៉ឺន១ពាន់៨៣២នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន ៦លាន៩២ម៉ឺន៩ពាន់៤០៩នាក់ ស្លាប់១៨ម៉ឺន១ពាន់៩៤៥នាក់ និងជាសះស្បើយ៦លាន១ម៉ឺន៦ពាន់៨៥នាក់ ៕
-
វៀតណាម៖ នាយកមជ្ឈមណ្ឌលប្រយុទ្ធជំងឺឆ្លងជាប់គុក១០ឆ្នាំ ព្រោះកិបកេងថវិកាទិញសម្ភារៈ តេស្តកូវីដ១៩
អតីតនាយកនៃមជ្ឈមណ្ឌលប្រយុទ្ធប្រឆាំងជំងឺឆ្លងហៅកាត់ថា CDC នៃប្រទេសវៀតណាមត្រូវបានតុលាការសម្រេចឲ្យជាប់ពន្ធនាគារ ១០ឆ្នាំ ទាក់ទងនឹងការប្រព្រឹត្តិអំពើពុករលួយ ក្នុងដំណើរការទិញសម្ភារៈ តេស្តវីរុសកូវីដ១៩។ តុលាការប្រជាជនក្រុងហាណូយ (Hanoi People’s Court) កាលពីចុងសប្តាហ៍ បានរកឃើញថា ទណ្ឌិត Nguyen Nhat Cam វ័យ៥៧ឆ្នាំ ជាមេក្លោងធ្វើឲ្យបាត់បង់កញ្ចប់ថវិការដ្ឋ ៥.៤ពាន់លានដុង ឬ ២៣៣៤៨៣ដុល្លារអាមេរិក ដោយបំពាននឹងច្បាប់ដាក់ឲ្យដេញថ្លៃ បញ្ជាទិញសម្ភារៈ។ លោក Nguyen Nhat Cam ត្រូវបានចាប់ខ្លួន កាលពីមេសា ២០២០ ក្រោយអាជ្ញារបានធ្វើការស៊ើបអង្កេត ករណីនេះមន្ត្រីពាក់ព័ន្ធនឹងអំពើពុករលួយនេះ សំដៅលើមន្ត្រីក្រោមឳវាទរបស់លោក Cam ក៏ត្រូវបានតុលាការសម្រេចឲ្យជាប់ពន្ធនាគារដែរ ចន្លោះពី ៣ទៅ៦ឆ្នាំកន្លះ ដែរ៕ ប្រភពពី VN Express
-
កូវីដ១៩៖ សិង្ហបុរីសម្រេចជ្រើសរើសវ៉ា់ក់សាំងអាមេរិក-អាល្លឺម៉ង់
នាយករដ្ឋមន្ត្រីសិង្ហបុរី Lee Hsien Loong បានប្រកាស នៅថ្ងៃនេះថា ប្រទេសនេះអនុញ្ញាតឲ្យប្រើប្រាស់ វ៉ាក់សាំងប្រឆាំង COVID-19 របស់ក្រុមហ៊ុនអាមេរិក-អាល្លឺម៉ង់ Pfizer-BioNTech នៅក្នុងករណីបន្ទាន់ហើយ ខណៈវ៉ាក់សាំងដំបូង នឹងមកដល់នៅចុងខែធ្នូនេះតែម្តង។ ការប្រកាសខាងលើនេះ ត្រូវបានធ្វើឡើងនៅក្នុងឱកាសនៃការថ្លែងសារ ទៅកាន់ប្រជាជាតិសិង្ហបុរី ដើម្បីរៀបរាប់អំពីដំណើរវិវឌ្ឍនៃជំងឺ COVID-19 ទាំងនៅលើពិភពលោក និងនៅក្នុងប្រទេសដីកោះមួយនេះផ្ទាល់។ លោកនាយករដ្ឋមន្ត្រីសិង្ហបុរី បានសង្កត់់ធ្ងន់ទៀតថា អាទិភាពនៃការចាក់វ៉ាក់សាំង «ដោយមិនគិតថ្លៃនេះ» នឹងត្រូវបានទៅលើ បុគ្គលិកបម្រើការងារជួរមុខ, មនុស្សមានវ័យចំណាស់ និងក្រុមអ្នកស្ម័គ្រចិត្តនានា៕
-
អង្គបោះឆ្នោតនឹងបោះឆ្នោតជ្រើសរើសប្រធានាធិបតីអាមេរិកអាណត្តិថ្មីជាផ្លូវការ ខណៈលោក បៃដិន ត្រូវបានរំពឹងថា នឹងឈ្នះលោក ត្រាំ
អាមេរិក៖ អ្នកបោះឆ្នោតតំណាង ឬអង្គបោះឆ្នោត នឹងបោះឆ្នោតជ្រើសរើសប្រធា នាធិបតីអាមេរិកអាណត្តិថ្មីជាផ្លូវការ នៅថ្ងៃចន្ទនេះ (ម៉ោងក្នុងតំបន់) ខណៈមានការរំពឹងខ្ពស់ថា ពួកគេនឹងបោះឆ្នោតអោយលោក ចូ បៃដិន បើទោះបីជាលោក ដូណាល់ ត្រាំ នៅតែជម្នះមិនព្រមទទួលស្គាល់លទ្ធផលបោះឆ្នោត នេះបើតាមសារព័ត៌មាន AFP នៅថ្ងៃទី១៤ ខែធ្នូ ឆ្នាំ២០២០ ។ អង្គបោះឆ្នោតសរុបទាំង៥៣៨រូប នឹងត្រូវជួបជុំគ្នានៅថ្ងៃចន្ទនេះ ត្រូវនឹងយប់ថ្ងៃចន្ទ (ម៉ោងនៅកម្ពុជា) នៅតាមរដ្ឋធានីនៃរដ្ឋនីមួយៗរបស់ពួកគេ ដើម្បីបោះឆ្នោតជ្រើសរើសប្រធានាធិប តីទី៤៦ របស់សហរដ្ឋអាមេរិកជាផ្លូវការ ។ ដើម្បីជាប់ឆ្នោតក្លាយជាប្រធានាធិបតីអាមេរិក លោក ត្រាំ ឬលោក បៃដិន ត្រូវប្រមូលសំឡេងគាំទ្រពីអង្គបោះឆ្នោត ២៧០រូប ។ យ៉ាងណាមិញ ដោយសារតែទទួលបានអង្គបោះឆ្នោតដល់ទៅ៣០៦រូបទៅហើយនោះ ដូច្នេះលោក ចូ បៃដិន ត្រូវបានគេរំពឹងខ្ពស់ថា នឹងក្លាយជាប្រធានាធិបតីថ្មីរបស់សហរដ្ឋអាមេរិក ដែលនឹងត្រូវស្បថឡើងកាន់តំណែងជាផ្លូវការនៅថ្ងៃទី២០ ខែមករា ឆ្នាំ២០២១ ៕
-
វ៉ាក់សាំង Covid-19 ដំបូងរបស់ក្រុមហ៊ុន Pfizer/BioNTech ដឹកជញ្ជូនតាមយន្តហោះទៅដល់កាណាដា
កាណាដា៖ នាយករដ្ឋមន្រ្តីកាណាដាលោក ចាស្ទីន ទ្រូដូ ថ្លែងថា វ៉ាក់សាំងប្រឆាំង Covid-19 ក្រុមដំបូងបានដឹកជញ្ជូនតាមយន្តហោះមកដល់ទឹកដីកាណាដាហើយ នៅថ្ងៃអាទិត្យសប្តាហ៍មុននេះ ខណៈប្រជាជនកាណាដាមួយចំនួនត្រូវបានរំពឹងថា នឹងទទួលបានការចាក់វ៉ាក់សាំងនៅថ្ងៃចន្ទនេះតែម្តង នេះបើតាមសារព័ត៌មានរ៉យទ័រនៅថ្ងៃទី១៤ ខែធ្នូ ឆ្នាំ២០២០ ។ ជាមួយគ្នានេះ កាណាដា និង សហរដ្ឋអាមេរិក ក្លាយជាប្រទេសលោកខាងលិចដំបូងបង្អស់ បន្ទាប់ពីអង់គ្លេសដែលបានចាប់ផ្តើមការចាក់វ៉ាក់សាំង Covid-19 របស់ក្រុមហ៊ុន Pfizer/BioNTech ។ វ៉ាក់សាំងក្រុមដំបូងចំនួន៣ម៉ឺនដូសខាងលើនេះ នឹងត្រូវដាក់ប្រើប្រាស់ទៅកាន់១៤កន្លែងទូទាំងប្រទេសកាណាដា ។ អ្នកដែលងាយរងគ្រោះបំផុត រួមទាំងមនុស្សចាស់ជរានៅក្នុងមណ្ឌលថែទាំ និងបុគ្គលិកថែទាំសុខភាព នឹងក្លាយជាមនុស្សដំបូងគេដែលនឹងត្រូវចាក់វ៉ាក់សាំងនេះ ៕
-
នាយករដ្ឋមន្ត្រីស្វាស៊ីឡង់លោក អាំប្រូស ដ្លាមីនីស្លាប់ដោយសារ Covid-19 នៅក្នុងមន្ទីរពេទ្យអាហ្វ្រិកខាងត្បូង
ស្វាស៊ីឡង់៖ នាយករដ្ឋមន្ត្រីស្វាស៊ីឡង់លោក អាំប្រូស ដ្លាមីនី បានទទួលមរណភាពនៅក្នុងអាយុ៥២ឆ្នាំ បន្ទាប់ពីលោកបានធ្វើតេស្តវិជ្ជមាន COVID-19 អស់រយៈពេល០២សប្តាហ៍ និងត្រូវបានបញ្ជូនទៅសម្រាកព្យាបាលនៅឯមន្ទីរពេទ្យធំមួយ ក្នុងប្រទេសជិតខាងខ្លួន គឺអាហ្វ្រិកខាងត្បូង នេះបើតាមសារព័ត៌មានរ៉យទ័រនៅថ្ងៃទី១៤ ខែធ្នូ ឆ្នាំ២០២០ ។ ស្របពេលជាមួយគ្នានេះដែរ ឧបនាយករដ្ឋមន្ត្រីស្វាស៊ីឡង់ លោក ធឹមបា ម៉ាស៊ូគូ បានបញ្ជាក់នៅក្នុងសេចក្តីថ្លែងការណ៍មួយថា ព្រះមហាក្សត្ររបស់យើង បានត្រាស់បង្គាប់ឲ្យរូបខ្ញុំជម្រាបជូនដំណឹងក៏ក្រៀមក្រំបំផុត ទៅកាន់ប្រជាជាតិរបស់យើងថា លោកនាយករដ្ឋមន្ត្រី អាំប្រូស ដ្លាមីនី បានទទួលមរណភាពហើយ ។ សូមជម្រាបផងដែរថា លោក អាំប្រូស ដ្លាមីនី ត្រូវបានគេប្រកាសកាលពីពាក់កណ្តាលខែវិច្ឆិកាកន្លងទៅថា រូបលោកត្រូវបានធ្វើតេស្តវិជ្ជមាន Covid-19 ប៉ុន្តែលោកមានសុខភាពល្អធម្មតា ។ លោក ដ្លាមីនី គឺអ្នកជំនួញ ប៉ុន្តែក៏អ្នកនយោបាយមួយរូបផងនោះ ត្រូវបានតែងតាំងជានាយករដ្ឋមន្រ្តីស្វាស៊ីឡង់កាលពីខែតុលា ឆ្នាំ២០១៨ ៕
-
កូរ៉េខាងត្បូងបញ្ជាអោយបិទសាលារៀន ស្របពេលករណីឆ្លង Covid-19 កើនឡើងខ្លាំង
កូរ៉េខាងត្បូង៖ រដ្ឋាភិបាលកូរ៉េខាងត្បូងបានបញ្ជាអោយបិទសាលារៀន គិតចាប់ពីថ្ងៃអង្គារសប្តាហ៍នេះតទៅ នៅក្នុងរដ្ឋធានីសេអ៊ូល និងតំបន់ក្បែរខាងគ្នា ខណៈដែលប្រទេសអាស៊ីខាងត្បូងមួយនេះ កំពុងប្រយុទ្ធនឹងការឆ្លងរាតត្បាតនៃជំងឺ Covid-19 ដ៏អាក្រក់បំផុត នេះបើតាមសារព័ត៌មានរ៉យទ័រនៅថ្ងៃទី១៤ ខែធ្នូ ឆ្នាំ២០២០ ។ បណ្តាសាលារៀននៅក្នុងរដ្ឋធានីសេអ៊ូល នឹងត្រូវផ្លាស់ប្តូរទៅជាការសិក្សាតាមអនឡាញវិញ រហូតដល់ដំណាច់ខែធ្នូនេះ ដែលវាជាចំណាត់ការចុងក្រោយនៃវិធានការរក្សាគម្លាតសង្គម ដែលរហូតមកទល់ពេលនេះ បានបរាជ័យ ក្នុងការទប់ស្កាត់ការកើនឡើងករណីឆ្លងជំងឺ Covid-19 ។ ការបិទសាលារៀន គឺជាជំហានឆ្ពោះទៅរកការដាក់ចេញនូវវិធានការណ៍ផ្លាស់ប្តូរគម្លាតសង្គមក្នុងដំណាក់កាលទី ៣ ខណៈវិធានការនេះ នឹងរាំងខ្ទប់ដល់ប្រទេសមានសេដ្ឋកិច្ចធំបំផុតទីបួននៅអាស៊ីមួយនេះ ។ សូមបញ្ជាក់ថា គិតត្រឹមថ្ងៃទី១៤ ខែធ្នូនេះ នៅទូទាំងប្រទេសកូរ៉េខាងត្បូងមានអ្នកឆ្លងជំងឺ Covid-19 សរុប៤ម៉ឺន៣ពាន់៤៨៤ករណី ក្នុងនោះមានអ្នកស្លាប់៥៨៧នាក់ និងជាសះស្បើយឡើងវិញសរុប៣ម៉ឺន២ពាន់១០២ ៕
-
គូវ៉ែតបើកភ្លើងខៀវអោយប្រើវ៉ាក់សាំង Covid-19 របស់ក្រុមហ៊ុន Pfizer-BioNtech ក្នុងករណីបន្ទាន់
គូវ៉ែត៖ ក្រសួងសុខាភិបាលគូវ៉ែត នៅថ្ងៃអាទិត្យសប្តាហ៍មុននេះ បានបើកភ្លើងខៀវឲ្យប្រើវ៉ាក់សាំង COVID-19 របស់ក្រុមហ៊ុន Pfizer-BioNtech ក្នុងករណីបន្ទាន់ នេះបើតាមសារព័ត៌មាន The Arab News នៅថ្ងៃទី១៣ ខែធ្នូ ឆ្នាំ២០២០ ។ ក្រសួងសុខាភិបាលគូវ៉ែទបានអនុម័តឲ្យប្រើប្រាស់វ៉ាក់សាំង Covid-19 របស់ក្រុមហ៊ុន Pfizer-BioNtech ក្នុងករណីបន្ទាន់ ខណៈក្រសួងបានផ្តល់ជម្រើសដល់ប្រជាពលរដ្ឋក្នុងការចុះឈ្មោះជាមុន ដើម្បីទទួលវ៉ាក់សាំងនៅលើគេហទំព័ររបស់ខ្លួន ។ ស្របពេលជាមួយគ្នានេះដែរ ប្រទេសឈូងសមុទ្រអារ៉ាប់ពីរទៀត គឺអារ៉ាប់រួម និងបារ៉ែនក៏បានអនុម័តឲ្យប្រើប្រាស់វ៉ាក់សាំង COVID-19 របស់ក្រុមហ៊ុនចិន Sinopharm ផងដែរ ៕
-
អ្នកឆ្លង COVID-19 នៅទូទាំងពិភពលោកកើនឡើងជាង៧២លាននាក់ ក្នុងនោះស្លាប់ជាង១លាន៦១ម៉ឺននាក់ និងជាសះស្បើយជិត៥០លាន៨៦ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន៧២លាន៦៣ម៉ឺន៩ពាន់៨៤ករណី ក្នុងនោះមានអ្នកជម្ងឺសរុបចំនួន១លាន៦១ម៉ឺន៨ពាន់៧៥៤នាក់ស្លាប់ និង ជាសះស្បើយឡើងវិញសរុបចំនួន៥០លាន៨៥ម៉ឺន៩ពាន់៥៦៧នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី១៤ ខែធ្នូ ឆ្នាំ២០២០ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន១៦លាន៧៣ម៉ឺន៧ពាន់២៦៧នាក់ ស្លាប់ចំនួន៣០ម៉ឺន៦ពាន់៤៥៩នាក់ និងជាសះស្បើយចំនួន៩លាន៧២ម៉ឺន៤ពាន់៤៣៩នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន៩លាន៨៨ម៉ឺន៤ពាន់៧១៦នាក់ ស្លាប់ចំនួន១៤ម៉ឺន៣ពាន់៣៩៣នាក់ និងជាសះស្បើយ៩លាន៣៨ម៉ឺន៧ពាន់៦០៨នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន ៦លាន៩០ម៉ឺន១ពាន់៩៩០នាក់ ស្លាប់១៨ម៉ឺន១ពាន់៤១៩នាក់ និងជាសះស្បើយ៥លាន៩៨ម៉ឺន២ពាន់៩៥៣នាក់ ៕
-
អ្នកឆ្លង COVID-19 នៅទូទាំងពិភពលោកកើនឡើងជាង៧១លាននាក់ ក្នុងនោះស្លាប់ជាង១លាន៦០ម៉ឺននាក់ និងជាសះស្បើយជិត៥០លាននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន៧១លាន៤៣ម៉ឺន៧ពាន់៣៤២ករណី ក្នុងនោះមានអ្នកជម្ងឺសរុបចំនួន១លាន៦០ម៉ឺន១ពាន់១៦៨នាក់ស្លាប់ និង ជាសះស្បើយឡើងវិញសរុបចំនួន៤៩លាន៦៣ម៉ឺន៧ពាន់២៣៧នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី១២ ខែធ្នូ ឆ្នាំ២០២០ ។សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន១៦លាន២៩ម៉ឺន៥ពាន់៤៥៨នាក់ ស្លាប់ចំនួន៣០ម៉ឺន២ពាន់៧៥០នាក់ និងជាសះស្បើយចំនួន៩លាន៥០ម៉ឺន៧ពាន់៤១៩នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន៩លាន៨២ម៉ឺន៧ពាន់២៦នាក់ ស្លាប់ចំនួន១៤ម៉ឺន២ពាន់៦៦២នាក់ និងជាសះស្បើយ៩លាន៣២ម៉ឺន៤ពាន់៣២៨នាក់ ។ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន ៦លាន៨៣ម៉ឺន៦ពាន់៣១៣នាក់ ស្លាប់១៨ម៉ឺន៤៥៣នាក់ និងជាសះស្បើយ៥លាន៩៥ម៉ឺន៤ពាន់៧៤៥នាក់ ៕