-
រុស្ស៊ីដាក់ពាក្យស្នើសុំទៅអង្គការសុខភាពពិភពលោក ដើម្បីចុះបញ្ជីប្រើប្រាស់ជាបន្ទាន់នូវវ៉ាក់សាំង Covid-19 របស់ខ្លួន
រុស្ស៊ី៖ មូលនិធិវិនិយោគរបស់រុស្ស៊ី ហៅកាត់ថា RDIF បានដាក់ពាក្យស្នើសុំទៅកាន់អង្គការសុខភាពពិភពលោក WHO ដើម្បីចុះបញ្ជីប្រើប្រាស់ជាបន្ទាន់នូវវ៉ាក់សាំងប្រឆាំងជម្ងឺ Covid-19 របស់ខ្លួន ដែលមានឈ្មោះថា ស្ពួតនីគ វី (Sputnik V) នេះបើតាមសារព័ត៌មានស៊ីនហួរនៅថ្ងៃទី២៨ ខែតុលា ឆ្នាំ២០២០ ។ នាយកប្រតិបត្តិ RDIF លោក ខឺរីល ឌីមីទ្រីវ បានបញ្ជាក់នៅក្នុងសេចក្តីថ្លែងការណ៍ថា នីតិវិធីខាងលើនេះនឹងអនុញ្ញាតឲ្យវ៉ាកសាំង ស្ពួតនីគ វី ចុះនៅក្នុងបញ្ជីផលិតផលវេជ្ជសាស្ត្រ ដែលបំពេញតាមស្តង់ដារផ្នែកគុណភាព សុវត្ថិភាព និងប្រសិទ្ធភាពឈានមុខ ។ វ៉ាក់សាំង ស្ពួតនីគ វី ត្រូវបានអភិវឌ្ឍឡើងដោយវិទ្យាស្ថានស្រាវជ្រាវ ហ្គាម៉ាឡេយ៉ា ក្នុងរដ្ឋធានីម៉ូស្គូ និងត្រូវទទួលសិទ្ធិចែកចាយដោយមូលនិធិវិនិយោគរបស់រុស្ស៊ី ។ សូមបញ្ជាក់ថា ការចុះបញ្ជីប្រើប្រាស់បន្ទាន់ មានន័យថា ជាការអនុញ្ញាតឲ្យវ៉ាក់សាំងខាងលើនេះ អាចយកទៅប្រើប្រាស់បាននៅទូទាំងពិភពលោកលឿនជាងមុន ដោយសារតែការវិនិច្ឆ័យរបស់អង្គការ WHO គឺជាស្លាកសញ្ញាដែលបង្ហាញពីគុណភាពជាលក្ខណៈសកល និងធានាថា វ៉ាក់សាំងមានសុវត្ថិភាព និង ប្រសិទ្ធភាពពិតប្រាកដ ៕
-
ទៅដល់វៀតណាមភ្លាម ព្យុះម៉ូវីបណ្តាលឲ្យស្លាប់និងបាត់ខ្លួនមនុស្ស១២នាក់
-
អ្នកឆ្លង COVID-19 នៅទូទាំងពិភពលោកកើនឡើងជាង៤៤លាន២សែននាក់ ក្នុងនោះស្លាប់ជាង១លាន១៧ម៉ឺននាក់ និងជាសះស្បើយជាង៣២លាន៤សែននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន៤៤លាន២៣ម៉ឺន៥ពាន់៩១ករណី ក្នុងនោះមានអ្នកជម្ងឺសរុបចំនួន១លាន១៧ម៉ឺន១ពាន់២៧៤នាក់ស្លាប់ និង ជាសះស្បើយឡើងវិញសរុបចំនួន៣២លាន៤៤ម៉ឺន៣ពាន់៥២នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី២៨ ខែតុលា ឆ្នាំ២០២០ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន៩លាន៣ម៉ឺន៨ពាន់៣០នាក់ ស្លាប់ចំនួន២៣ម៉ឺន២ពាន់៨៤នាក់ និងជាសះស្បើយចំនួន៥លាន៨៧ម៉ឺន៧ពាន់៩៦៤នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន៧លាន៩៨ម៉ឺន៨ពាន់៨៥៣នាក់ ស្លាប់ចំនួន១២ម៉ឺន៥៤នាក់ និងជាសះស្បើយ៧លាន២៥ម៉ឺន៧ពាន់១៩៤នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន ៥លាន៤៤ម៉ឺន៩០៣នាក់ ស្លាប់១៥ម៉ឺន៧ពាន់៩៨១នាក់ និងជាសះស្បើយ៤លាន៩០ម៉ឺន៤ពាន់៤៦នាក់ ៕
-
ប្រធានាធិបតីតួកគីចោទអឺរ៉ុបថា បានប្រព្រឹត្តដាក់ប្រជាជនមូស្លីមដូចរបៀបដែលខ្លួនប្រព្រឹត្តដាក់ជនជាតិជ្វីហ្វមុនសង្គ្រាមលោកលើកទី២
តួកគី៖ ប្រធានាធិបតីតួកគីលោក តាយយីប អឺដូហ្គាន់ បានអំពាវនាវឱ្យធ្វើពហិការទំនិញបារាំង និងប្រៀបធៀបការប្រព្រឹត្តរបស់អឺរ៉ុបទៅលើជនមូស្លីម ទៅនឹងរបៀបដែលពួកគេបានប្រព្រឹត្តលើជនជាតិជ្វីហ្វនៅមុនសង្គ្រាមលោកលើកទី២ ។ ប្រតិកម្មរបស់មេដឹកនាំតួកគីរូបនេះ បានកើតមានឡើងក្រោយប្រធានាធិបតីបារាំងលោក អែមម៉ានុយអែល ម៉ាក្រុង បាននិយាយបន្ទាប់ពីគ្រូបង្រៀនជនជាតិបារាំងម្នាក់ត្រូវគេកាត់ក្បាលដោយសារតែបង្ហាញរូបតុក្កតារបស់ព្យាការីម៉ូហាម៉េត ក្នុងថ្នាក់រៀនរបស់គាត់ ដោយលោក ម៉ាក្រុង បានក៏ហៅសាសនាអ៊ីស្លាមថា ជា “សាសនាកំពុងមានវិបត្តិ” ។ បន្ថែមលើនេះ លោក ម៉ាក្រុង ក៏បានសន្យាដែរថា នឹងបង្កើតច្បាប់ថ្មី ដើម្បីបង្ក្រាបអ្វីដែលលោកហៅថា “ការបំបែកខ្លួនរបស់ពួកអ៊ីស្លាមជ្រុលនិយម” ដែលលោកនិយាយថា បានបង្កើត “វប្បធម៌ស្របគ្នាមួយ” នៅប្រទេសបារាំង ។ ចំណាត់ការនេះ បានញ៉ាំងអោយមានការជជែកអំពី “ការបង្ក្រាបលើបុគ្គល និងក្រុមមូស្លីម” នៅប្រទេសបារាំង និង បង្កកំហឹងពេញពិភពអ៊ីស្លាម ៕
-
អាមេរិក៖ អ្នកបោះឆ្នោតមុនថ្ងៃផ្លូវការ កើនដល់ជាង៧០លាននាក់ហើយ
-
នាយករដ្ឋមន្ត្រីថៃ ប្រាយុទ្ធ ប្តេជ្ញាបន្តកាន់អំណាច ទោះបីមានសំពាធកាន់តែខ្លាំង
-
ស្ថានភាពកូវីដ១៩ក្នុងប្រទេសអាស៊ានទាំង១០
-
ថៃក៏ឲ្យពលរដ្ឋប្រយ័ត្នខ្លាំងពីព្យុះMolave ដែរក្រោយដឹងថាវៀតណាមជម្លៀសជាង១លាននាក់
-
វៀតណាមរឹបអូសថ្នាំញៀនជាង១០០គីឡូក្រាម ជនសង្ស័យ១៧នាក់អាចត្រូវប្រហារជីវិត
-
សហរដ្ឋអាមេរិកដាក់ទណ្ឌកម្មថ្មីទៀតប្រឆាំងនឹងមន្រ្តីជាន់ខ្ពស់ និងក្រុមហ៊ុនប្រេងធំៗរបស់អ៊ីរ៉ង់
អាមេរិក៖ សហរដ្ឋអាមេរិក នៅថ្ងៃចន្ទនេះ បានដាក់ទណ្ឌកម្មថ្មីទៀតប្រឆាំងនឹងបុគ្គល និងក្រុមហ៊ុនប្រេងរបស់ប្រទេសអ៊ីរ៉ង់ ដែលសកម្មភាពនេះ ជាការបង្កើនទ្វេដងនូវយុទ្ធនាការដាក់សម្ពាធជាអតិបរមារបស់ខ្លួនប្រឆាំងនឹងទីក្រុងតេហេរ៉ង់ នេះបើតាមសារព័ត៌មានស៊ីនហួរនៅថ្ងៃទី២៧ ខែតុលា ឆ្នាំ២០២០ ។ ជាមួយគ្នានេះ ក្រសួងរតនាគារជាតិអាមេរិកបានបញ្ជាក់នៅក្នុងសេចក្តីថ្លែងការណ៍របស់ខ្លួនថា ក្រសួងប្រេងអ៊ីរ៉ង់, ក្រុមហ៊ុនប្រេងជាតិអ៊ីរ៉ង់ NIOC, ក្រុមហ៊ុនដឹកនាំប្រេងជាតិអ៊ីរ៉ង់ NITC ត្រូវបានជាប់ទណ្ឌកម្ម ដោយចោទពីបទគាំទ្រផ្នែកហិរញ្ញវត្ថុរបស់ពួកគេដល់កងកម្លាំងបដិវត្តន៍ឥស្លាមអ៊ីរ៉ង់ (IRGC-QF) ។ បន្ថែមលើនេះ រដ្ឋមន្រ្តីក្រសួងប្រេងអ៊ីរ៉ង់លោក ប៊ីចាន ណាមដា ហ្សានហ្គាណេ និងនាយកប្រតិបត្តិជាន់ខ្ពស់របស់ក្រុមហ៊ុន NIOC និង NITC ក៏ត្រូវបានកត់ឈ្មោះក្នុងបញ្ជីទណ្ឌកម្មផងដែរ ។ ការដាក់ទណ្ឌកម្មថ្មីនេះ បានកើតមានឡើងប៉ុន្មានថ្ងៃបន្ទាប់ពីរដ្ឋបាលរបស់ប្រធានាធិបតីអាមេរិកលោក ដូណាល់ ត្រាំ បានកត់ឈ្មោះឯកអគ្គរដ្ឋទូតអ៊ីរ៉ង់ប្រចាំប្រទេសអ៊ីរ៉ាក់ទៅក្នុងបញ្ជីខ្មៅរបស់ខ្លួន ដោយសហរដ្ឋអាមេរិកបានអះអាងថា កំពុងបម្រើ ឬជាអ្នកតំណាងកងកម្លាំងបដិវត្តន៍ឥស្លាមអ៊ីរ៉ង់ ៕