វ៉ាស៊ីនតោន ៖ ប្រធានាធិបតីអាមេរិក លោក ដូណាល់ ត្រាំ នៅថ្ងៃពុធ បានព្រមានថា វាអាចទៅរួច ដែលរបបដឹកនាំនៃមេដឹកនាំអ៊ីរ៉ង់ អាចត្រូវបានផ្តួលរលំ។ លោកប្រធានាធិបតី ត្រាំ បានប្រាប់អ្នកកាសែតនៅឯសេតវិមានថា ការផ្លាស់ប្តូរក្បាលម៉ាស៊ីនដឹកនាំនៅក្នុងជួររដ្ឋាភិបាលអ៊ីរ៉ង់ អាចនឹងកើតឡើង។ យ៉ាងណាមិញ លោកថា អាមេរិកនៅមិនទាន់ធ្វើការសម្រេចចិត្ត ថាតើត្រូវចូលរួមជាមួយអ៊ីស្រាអែលក្នុងការទម្លាក់គ្រាប់បែកលើអ៊ីរ៉ង់ដែរឬអត់ទេ? ដោយលោកគ្រាន់តែព្រមានទុកមុនថា មេដឹកនាំបច្ចុប្បន្នរបស់ប្រទេសអ៊ីរ៉ង់ អាចប្រឈមមុខនឹងការផ្តួលរលំដោយសារសង្រ្គាម។ ការព្រមានបែបនេះរបស់លោក Trump កើតឡើងចំពេលដែលមន្ត្រីអាមេរិក៣នាក់បានប្រាប់កាសែតរ៉យទ័រ ក្នុងលក្ខខណ្ឌមិនបញ្ចេញឈ្មោះថា រដ្ឋបាលលោកប្រធានាធិបតី Trump បានបញ្ជូនយន្ដហោះចម្បាំងបន្ថែមទៅកាន់តំបន់មជ្ឈិមបូព៌ា បន្ទាប់ពីរដ្ឋមន្ត្រីការពារជាតិអាមេរិក លោក Pete Hegseth និយាយថា យោធាអាមេរិកកំពុងប្រុងជើងការការពារខ្លួន៕ ប្រភព ៖ AFP ប្រែសម្រួល ៖ ឈឹម ទីណា

បរទេស ៖ ប្រធានាធិបតីអាមេរិក លោក Donald Trump បានប្រាប់ មេដឹកនាំរុស្ស៊ី លោក Putin ឲ្យបញ្ចប់សង្រ្គាមអ៊ុយក្រែន មុនពេលចង់ចូលមក សម្រុះសម្រួល ក្នុងជម្លោះ អ៊ីរ៉ង់-អ៊ីស្រាអែល។ ប្រធានាធិបតីអាមេរិក លោក ដូណាល់ ត្រាំ ហាក់ដូចជា បដិសេធសំណើ របស់លោក វ្ល៉ាឌីមៀ ពូទីន ក្នុងចង់ចូលខ្លួន សម្រុះសម្រួល លើជម្លោះអ៊ីស្រាអែល និងអ៊ីរ៉ង់ ដោយនិយាយថា ប្រធានាធិបតីរុស្ស៊ី គួរតែបញ្ចប់សង្រ្គាមផ្ទាល់ខ្លួន នៅអ៊ុយក្រែន ជាមុនសិន។ លោក Trump បានប្រាប់អ្នកយកព័ត៌មាន នៅឯសេតវិមាន កាលពីថ្ងៃព្រហស្បតិ៍ ថា «គាត់ពិតជាបានស្នើ ឱ្យជួយសម្របសម្រួល… ខ្ញុំបាននិយាយវិញថា សូមធ្វើការសម្រុះសម្រួល ជាមួយរុស្ស៊ី ជាមុនសិន បានទេ? លោក Trump បានប្រាប់ទៀតថា «ខ្ញុំបាននិយាយថា វ្ល៉ាឌីមៀ! ចូរយើងសម្រុះសម្រួលបញ្ហារុស្ស៊ី ជាមុនសិន លោកអាចព្រួយបារម្ភ អំពីរឿងអ៊ីរ៉ង់…

បរទេស ៖ នាយករដ្ឋមន្ត្រី ប្រទេសអ៊ីស្រាអែល លោក Netanyahu បានប្រកាសអរគុណ ដល់លោក Donald Trump ប្រធានាធិបតីអាមេរិក សម្រាប់ការគាំទ្រឲ្យធ្វើសង្គ្រាម បំផ្លាញប្រទេសអ៊ីរ៉ង់។ នៅក្នុងសេចក្តីថ្លែងការណ៍តាមទូរទស្សន៍ កាលពីថ្ងៃព្រហស្បតិ៍ នាយករដ្ឋមន្ត្រីអ៊ីស្រាអែល លោក Benjamin Netanyahu បានអរគុណប្រធានាធិបតីអាមេរិក ដោយនិយាយថា «ខ្ញុំចង់អរគុណប្រធានាធិបតី Trump ដែលជាមិត្តដ៏អស្ចារ្យ របស់រដ្ឋអ៊ីស្រាអែល…ខ្ញុំអរគុណគាត់ ដែលបាននៅខាងយើង ហើយខ្ញុំអរគុណគាត់ ចំពោះការគាំទ្ររបស់សហរដ្ឋអាមេរិក ក្នុងការការពារផ្ទៃមេឃ របស់អ៊ីស្រាអែល»។ យ៉ាងណាមិញ សហរដ្ឋអាមេរិកបាននិយាយថា ខ្លួនមិនបានចូលរួមដោយផ្ទាល់ នៅក្នុងយុទ្ធនាការធ្វើសង្គ្រាម របស់អ៊ីស្រាអែល លើអ៊ីរ៉ង់ នោះទេ។ លោក Donald Trump កាលពីថ្ងៃពុធ បានបង្ហើបពីគំនិតនៃការចូលរួមជាមួយអ៊ីស្រាអែល តែ អំពាវនាវឱ្យអ៊ីរ៉ង់ ចុះចាញ់ដោយគ្មានលក្ខខណ្ឌ៕ ប្រភពពី AFP ប្រែសម្រួល៖ សារ៉ាត

បរទេស៖ នាយករដ្ឋមន្ត្រី ប្រទេសឥណ្ឌា លោក Modi បានអះអាងប្រាប់ លោក Donald Trump ថា សហរដ្ឋអាមេរិកមិនបានជួយសម្រុះសម្រួល ក្នុងឈប់បាញ់ រវាងប្រទេសឥណ្ឌា ជាមួយប្រទេសប៉ាគីស្ថាន ជុំវិញជម្លោះ កាលពីខែមុន នោះទេ នេះបើយោងតាមការចេញផ្សាយ របស់ទីភ្នាក់់ងារព័ត៌មាន CNA កាលពីថ្ងៃពុធ ទី១៨ ខែមិថុនា។ សេចក្តីថ្លែងការណ៍ របស់ក្រសួងការបរទេសឥណ្ឌា បានបញ្ជាក់ថា «នាយករដ្ឋមន្ត្រី Modi បានប្រាប់ប្រធានាធិបតី Trump យ៉ាងច្បាស់ អំឡុងជំនួប តាមទូរស័ព្ទ នៅក្រៅកិច្ចប្រជុំ G7 ក្នុងប្រទេសកាណាដា កាលពីថ្ងៃទី១៧ ខែមិថុនា ថា មិនមានការពិភាក្សា នៅដំណាក់កាលណាមួយលើប្រធានបទ ដូចជា កិច្ចព្រមព្រៀងពាណិជ្ជកម្មឥណ្ឌា-អាមេរិក ឬ ការសម្របសម្រួលរបស់សហរដ្ឋអាមេរិក រវាងឥណ្ឌា និងប៉ាគីស្ថាននោះឡើយ។ ប្រភពបញ្ជាក់ថា ការបញ្ឈប់សកម្មភាពយោធា គឺបានកើតឡើង តាមរយៈការចរចាផ្ទាល់ រវាងឥណ្ឌា និងប៉ាគីស្ថាន តែប៉ុណ្ណោះ។ លោក…

លោកស្រី ផែថងថាន ស៊ីណាវ៉ាត្រ មិនលាលែងពីតំណែងនាយករដ្ឋមន្រ្តីរបស់ថៃនោះទេ ។ លោកស្រីថែមទាំងអំពាវនាវឲ្យទាំងរដ្ឋាភិបាល យោធា និងពលរដ្ឋថៃ ត្រូវរួមដៃ និងសាមគ្គីគ្នាផងដែរ ។ លោកស្រីនាយករដ្ឋមន្ត្រីថា នេះមិនមែនជារឿងតូចតាចទេ ហើយឥឡូវនេះ ក៏មិនមែនជាពេលវេលាដែលយើងត្រូវឈ្លោះគ្នាឯងនោះដែរ ។ លោកស្រីថា រដ្ឋាភិបាលរបស់លោកស្រីនៅតែរួបរួមជាមួយកងកម្លាំងប្រដាប់អាវុធដើម្បីការពារបូរណភាពទឹកដី ។ ការលើកឡើងរបស់លោកស្រីនាយករដ្ឋមន្ត្រីកើតមានឡើង បន្ទាប់ពីគណបក្សនយោបាយនៅក្នុងប្រទេសថៃ បង្ខំឲ្យលោកស្រីលាលែងពីតំណែង ជុំវិញការបែកធ្លាយសារសន្ទនាជាមួយសម្ដេចតេជោប្រធានព្រឹទ្ធសភាកម្ពុជា ។ ប្រភព ៖ The Nation

ព្យុងយ៉ាង ៖ ទ្រាំឈរអោបដៃមើលទៀតលែងបាន កូរ៉េខាងជើង នៅថ្ងៃព្រហស្បតិ៍នេះ បានចេញមុខចោទប្រកាន់អ៊ីស្រាអែលចំៗថាបានប្រព្រឹត្តិឧក្រិដ្ឋកម្មប្រឆាំងមនុស្សជាតិ ជុំវិញការវាយប្រហារទ្រង់ទ្រាយធំមិនធ្លាប់មានពីមុនមកប្រឆាំងអ៊ីរ៉ង់ និងបានព្រមានអាមេរិក រួមទាំងមហាអំណាចអឺរ៉ុបប្រឆាំងនឹងការដុតបញ្ឆេះភ្លើងសង្រ្គាមនៅមជ្ឈិមបូព៌ា។ អ្នកនាំពាក្យម្នាក់នៃក្រសួងការបរទេសកូរ៉េខាងជើង បានលើកឡើងថា កូរ៉េខាងជើងមានការព្រួយបារម្ភយ៉ាងខ្លាំង ជុំវិញការវាយប្រហារដោយរបស់អ៊ីស្រាអែល និងថ្កោលទោសយ៉ាងម៉ឺងម៉ាត់ ហើយថា ការសម្លាប់ជនស៊ីវិលពីសំណាក់អ៊ីស្រាអែល គឺជាឧក្រិដ្ឋកម្មប្រឆាំងមនុស្សជាតិមួយដែលមិនអាចលើកលែងឱ្យបាន។ សេចក្តីថ្លែងការណ៍ដែលចេញផ្សាយដោយទីភ្នាក់ងារសារព័ត៌មាន KCNA បានសង្កត់ធ្ងន់ថា ទង្វើខុសច្បាប់បង្កឡើងដោយរដ្ឋគាំទ្រអំពើភេរវកម្មអ៊ីស្រាអែល គឺកំពុងបង្កើនគ្រោះថ្នាក់ពីការផ្ទុះសង្គ្រាមថ្មីនៅក្នុងតំបន់មជ្ឈិមបូព៌ា។ គួរកត់សម្គាល់ អ៊ីស្រាអែលកាលពីថ្ងៃសុក្រទី១៣ ខែមិថុនា បានបើកការវាយប្រហារតាមផ្លូវអាកាសទ្រង់ទ្រាយធំប្រឆាំងអ៊ីរ៉ង់ ក្រោមហេតុផលទប់ស្កាត់កុំឱ្យអ៊ីរ៉ង់ផលិតអាវុធនុយក្លេអ៊ែរ។ សង្រ្គាមផ្លូវអាកាស និងការបាញ់ផ្លោងមីស៊ីលរវាងប្រទេសទាំងពីរ បានឈានចូលដល់ថ្ងៃទី៧ហើយ គិតត្រឹមថ្ងៃព្រហស្បតិ៍នេះ។ ខាងភាគីអ៊ីរ៉ង់បាននិយាយកាលពីថ្ងៃអាទិត្យថា មនុស្សយ៉ាងហោច ២២៤នាក់ ត្រូវបានសម្លាប់ដោយសារស្នាដៃអ៊ីស្រាអែល ក្នុងនោះរួមមានទាំងមេបញ្ជាការយោធា អ្នកវិទ្យាសាស្ត្រនុយក្លេអ៊ែរ និងជនស៊ីវិល។ ចំណែកខាងភាគីអ៊ីស្រាអែលវិញ បាននិយាយថា មនុស្ស ២៤នាក់ត្រូវបានសម្លាប់ដោយសារមីស៊ីលអ៊ីរ៉ង់៕ ប្រភព ៖ AFP ប្រែសម្រួល ៖ ឈឹម ទីណា

វ៉ាស៊ីនតោន ៖ លោកប្រធានាធិបតីអាមេរិក Donald Trump បានប្រាប់ឱ្យអ៊ីរ៉ង់សុំចុះចាញ់ដោយគ្មានលក្ខខណ្ឌ ហើយថែមទាំងព្រមានធ្ងន់ៗថា ការអត់ធ្មត់របស់សហរដ្ឋអាមេរិកកំពុងថយចុះជាលំដាប់ ស្របពេលដែលសង្រ្គាមផ្លូវអាកាសរវាងអ៊ីស្រាអែល និងអ៊ីរ៉ង់នៅតែបន្តពុះកញ្រ្ជោលឈានចូលដល់ថ្ងៃទី៦។ ការព្រមានបែបនេះរបស់លោក Trump បានបង្កឱ្យមានការសង្ស័យថា អាមេរិកអាចនឹងចាត់វិធានការក្ដៅប្រឆាំងអ៊ីរ៉ង់ ខណៈដែលមេដឹកនាំអាមេរិករូបនេះកំពុងពិចារណាថាតើត្រូវចូលរួមដោយផ្ទាល់ក្នុងប្រតិបត្តិការយោធារបស់អ៊ីស្រាអែល ដើម្បីលុបបំបាត់កម្មវិធីនុយក្លេអ៊ែររបស់អ៊ីរ៉ង់ដែរឬក៏យ៉ាងណា។ ក្រៅពីការជំរុញឱ្យចុះចាញ់ លោកប្រធានាធិបតី Trump ថែមទាំងបានអះអាងទៀតថា អាមេរិកបានដឹងយ៉ាងច្បាស់ ថាតើមេដឹកនាំកំពូលអ៊ីរ៉ង់ ដោយគាត់ចង់សំដៅដល់លោក Ali Khamenei កំពុងសម្ងំលាក់ខ្លួននៅទីណា ហើយបើអាមេរិកចង់សម្លាប់គាត់ នោះជារឿងងាយស្រួលបំផុត។ តែក្នុងពេលនេះ យើងនឹងមិនសម្លាប់គាត់នោះទេ។ ការអត់ធ្មត់របស់យើងកំពុងថយចុះ។ ការគំរាមបែបនេះរបស់លោក Trump កើតឡើងចំពេលដែលមន្ត្រីអាមេរិក៣នាក់បានប្រាប់កាសែតរ៉យទ័រ ក្នុងលក្ខខណ្ឌមិនបញ្ចេញឈ្មោះថា រដ្ឋបាលលោកប្រធានាធិបតី Trump បានបញ្ជូនយន្ដហោះចម្បាំងបន្ថែមទៅកាន់តំបន់មជ្ឈិមបូព៌ា បន្ទាប់ពីរដ្ឋមន្ត្រីការពារជាតិអាមេរិក លោក Pete Hegseth និយាយថា យោធាអាមេរិកកំពុងប្រុងជើងការការពារខ្លួន។ ចំណែក រដ្ឋមន្ត្រីការពារជាតិអ៊ីស្រាអែល លោក Israel Katz ក៏បានព្រមានដោយបើកចំហរដែរថា មេដឹកនាំកំពូលអ៊ីរ៉ង់ លោក Ali Khamenei អាចនឹងមានជោគវាសនា…

មូស្គូ ៖ រុស្ស៊ីបានចេញមុខព្រមានក្តែងៗថា ការវាយប្រហារដែលកំពុងបន្តរបស់អ៊ីស្រាអែលប្រឆាំងនឹងរោងចក្រនុយក្លេអ៊ែរអ៊ីរ៉ង់ បង្កការគំរាមកំហែងដែលមិនអាចទទួលយកបាន ចំពោះសន្តិសុខអន្តរជាតិ និងបង្កហានិភ័យរុញពិភពលោកឱ្យធ្លាក់ចូលទៅក្នុងគ្រោះមហន្តរាយនុយក្លេអ៊ែរ នេះបើតាមការចេញផ្សាយដោយសារព័ត៌មាន RT។ ក្រសួងការបរទេសរុស្ស៊ីបាននិយាយនៅក្នុងសេចក្តីថ្លែងការណ៍មួយថា ការវាយប្រហាររបស់អ៊ីស្រាអែលលើទីតាំងនុយក្លេអ៊ែរដោយសន្តិវិធីក្នុងប្រទេសអ៊ីរ៉ង់ គឺជារឿងខុសច្បាប់ ផ្ទុយពីទស្សនៈនៃច្បាប់អន្តរជាតិ។ ក្រសួងបន្ថែមថា ការកើនឡើងជម្លោះអ៊ីស្រាអែល-អ៊ីរ៉ង់បានប្រថុយនឹងអស្ថិរភាពក្នុងតំបន់មជ្ឈិមបូព៌ាទាំងមូលបន្ថែមទៀត ដូច្នេះរុស្ស៊ីជំរុញឱ្យថ្នាក់ដឹកនាំអ៊ីស្រាអែលបញ្ឈប់ជាបន្ទាន់នូវការវាយឆ្មក់លើទីតាំងរោងចក្រនុយក្លេអ៊ែរអ៊ីរ៉ង់។ ការព្រមានបែបនេះរបស់រុស្ស៊ី កើតឡើងបន្ទាប់ពីអ៊ីស្រាអែលបានបើកប្រតិបត្តិការ «Risisng Lion» កាលពីថ្ងៃទី១៣ ខែមិថុនា ដោយបានបាញ់ស្រោចមីស៊ីលលើទីក្រុងតេហេរ៉ង់ ជាអ្វីដែលលោកប្រធានាធិបតី Isaac Herzog បញ្ជាក់យ៉ាងច្បាស់ថា អ៊ីស្រាអែលគ្មានជម្រើសផ្សេងក្រៅពីវាយអ៊ីរ៉ង់ឡើយ ព្រោះអ៊ីរ៉ង់កំពុងស្ថិតនៅលើផ្លូវឆ្ពោះទៅរកការផលិតបានគ្រាប់បែកនុយក្លេអ៊ែរហើយ។ អ៊ីស្រាអែលតែងចោទអ៊ីរ៉ង់ថា កំពុងសំងំផលិតគ្រាប់នុយក្លេអ៊ែរ និងថា ទីក្រុងតេហេរ៉ង់ជិតទទួលបានជោគជ័យក្នុងការអភិវឌ្ឍអាវុធដ៏សាហាវនេះហើយ។ យ៉ាងណា ប្រធានាធិបតីអ៊ីរ៉ង់ លោក Masoud Pezeshkian បានអះអាងសាជាថ្មីថា ប្រទេសរបស់លោកគ្មានចេតនាក្នុងការអភិវឌ្ឍអាវុធនុយក្លេអ៊ែរអ្វីនោះទេ ក្រៅតែពីគោលបំណងសម្រាប់បម្រើជាថាមពលស៊ីវិលប៉ុណ្ណោះ៕ ប្រភព ៖ RT ប្រែសម្រួល ៖ ឈឹម ទីណា

បាងកក ៖ មេដឹកនាំគណបក្សប្រជាជន (People’s Party) លោក Natthaphong Ruengpanyawut កាលពីថ្ងៃពុធទី១៨ ខែមិថុនា បានអំពាវនាវឱ្យនាយករដ្ឋមន្ត្រីថៃ លោកស្រី Paetongtarn Shinawatra រំលាយរដ្ឋសភា ជាការទទួលខុសត្រូវលើការខូចខាត ដែលបង្កឡើងដោយការបែកធ្លាយកិច្ចសន្ទនាជាមួយប្រធានព្រឹទ្ធសភាកម្ពុជា សម្ដេចតេជោ ហ៊ុន សែន។ មេដឹកនាំបក្សប្រឆាំងរូបនេះ បានគូសបញ្ជាក់ដូច្នេះថា ប្រសិនបើលោកស្រីនាយករដ្ឋមន្ត្រីបរាជ័យ មិនអាចសា្ដរទំនុកចិត្ត និងការជឿជាក់ពីប្រជាជនឡើងវិញភ្លាមៗទេ នោះខ្ញុំនឹងអំពាវនាវឱ្យលោកស្រី Paetongtarn បង្ហាញការទទួលខុសត្រូវខាងនយោបាយ ដោយរំលាយរដ្ឋសភា និងប្រគល់អំណាចទៅឱ្យប្រជាជនវិញ៕ ប្រភព៖ The Nation