សហរដ្ឋអាមេរិក៖ ហេតុការណ៍បាញ់ប្រហារថ្មីមួយទៀត បានផ្ទុះឡើងនៅមហោ ស្រពសិល្បៈមួយកន្លែង ស្ថិតនៅភាគខាងកើតទីក្រុងទ្រែនតុន រដ្ឋញ៊ូជឺស៊ី នៅព្រឹក ថ្ងៃ អាទិត្យ សប្តាហ៍មុននេះ (ម៉ោងក្នុងតំបន់) បណ្តាលអោយមនុស្ស២២នាក់ទទួល រងរបួស ខណៈខ្មាន់កំាភ្លើងម្នាក់ត្រូវបានបាញ់អោយស្លាប់ ។យោងតាមប្រភពរបស់អាជ្ញាធរក្នុងតំបន់ បានបញ្ជាក់ថា នៅក្នុងករណីផ្ទុះប្រដាប់ អាវុធនេះដែរ មានមនុស្សជាច្រើននាក់ត្រូវបានបញ្ជូនទៅកាន់មន្ទីរពេទ្យ ស្របពេល ដែលបុរសជាជនសង្ស័យម្នាក់អាយុ៣៣ឆ្នាំត្រូវបានបាញ់សម្លាប់ និងជនសង្ស័យផ្សេងទៀតត្រូវចាប់ខ្លួន ហើយអាវុធជាច្រើនក៏ត្រូវគេរកឃើញនៅហ្នឹងកន្លែងហេតុ ។ដោយឡែកក្រុមប៉ូលីសបានអះអាងដែរថា មនុស្សប្រមាណជាង១.០០០នាក់ត្រូវគេជឿជាក់ថា ស្ថិតនៅក្នុងសាលមហោស្រពមួយនេះ ពេលករណីបាញ់ប្រហារផ្ទុះ ឡើង ប៉ុន្តែមិនទាន់មានការបញ្ជាក់ពីមូលហេតុ នៃការបាញ់ប្រហារនេះនៅឡើយទេ ហើយអាជ្ញាធរក៏កំពុងបើកការស៊ើបអង្កេត ថាតើជនសង្ស័យខាងលើនេះ ត្រូវបានប៉ូលីសបាញ់សម្លាប់ ឬជនសង្ស័យដទៃជាអ្នកបាញ់សម្លាប់ ៕

កូរ៉េខាងត្បូង៖ រដ្ឋាភិបាលក្រុងសេអ៊ូល និងវ៉ាស៊ីនតោនត្រូវគេរំពឹងថា នឹងប្រកាស ផ្អាកការធ្វើសមយុទ្ធយោធាទ្រង់ទ្រាយធំទ្វេភាគីនៅក្នុងសប្តាហ៍នេះ ហើយថែមទំាង អះអាងដែរថា ពួកគេនឹងចាប់ផ្តើមសមយុទ្ធឡើងវិញ បើសិនជារដ្ឋាភិបាលក្រុង ព្យុងយ៉ាង បរាជ័យក្នុងការរំសាយអាវុធនុយក្លេអ៊ែរ មិនដូចអ្វីដែលខ្លួនបានសន្យា កន្លងមកនេះ ។ ជាមួយគ្នានោះដែរ អ្នកនាំពាក្យក្រសួងការពារជាតិកូរ៉េខាងត្បូង លោក ឆយ ហ៊ីយន់ ស៊ូ បានបញ្ជាក់ថា ប្រទេសលោកនឹងចាប់ផ្ដើមការធ្វើសមយុទ្ធយោធារយៈពេលពីរ ថ្ងៃ សំដៅបង្កើនសមត្ថភាពការពារទីប្រជុំកោះជម្លោះ ដុកដូ ឬជប៉ុនហៅថា តាកេ ស៊ីម៉ា ស្ថិតនៅឆ្នេរភាគខាងកើតរបស់ខ្លួន ពីការឈ្លានពានជាយកថាហេតុណាមួយ ពីសំណាក់កងកម្លាំងជប៉ុន ។ អ្នកនាំពាក្យក្រសួងការពារជាតិកូរ៉េខាងត្បូងរូបនេះ បានឱ្យដឹងផងដែរថា សមយុទ្ធ យោធាខាងលើនេះ នឹងមានការចូលរួមពីនាវាចម្បាំង៦គ្រឿង និងយន្ដហោះចម្បាំង ៧គ្រឿង ហើយថា សមយុទ្ធយោធាការពារទីប្រជុំកោះ ដុកដូ នេះដែរ គឺជាសមយុទ្ធ យោធាជាទម្លាប់ ដែលធ្វើឡើងក្នុងគោលបំណងពង្រឹង និងបង្កើនសមត្ថភាពការពារ ពីការឈ្លានពានណាមួយដោយកងកម្លាំងបរទេស ៕

ជប៉ុន៖ប្រព័ន្ធផ្សាយផ្សព្វផ្សាយក្នុងតំបន់បានរាយការណ៍ថា គ្រោះរញ្ជួយដីក្នុងកម្រិត ៥.៩រ៉ិកទ័រត្រូវបានតម្លើងដល់៦.១រ៉ិកទ័រ និងមានជម្រៅ១៥.៤គ.មបានវាយប្រហារ លើប្រទេសជប៉ុន ប៉ុន្តែពុំបានបង្កជារលកយក្សស៊ូណាមិឡើយ តែវាបានធ្វើអោយ មនុស្ស៣នាក់បាត់បង់ជីវិតក្នុងនោះមានកុមារីអាយុ៩ឆ្នំាម្នាក់ ខណៈច្រើនជាង២០០ នាក់ផ្សេងទៀតទទួលរងរបួសនៅខេត្ត អូសាកា ភាគខាងលិចប្រទេស ។ គ្រោះមហន្តរាយធម្មជាតិដ៏អាក្រក់នេះ បានកើតឡើងនៅម៉ោង៧និង៥៨នាទីព្រឹក ថ្ងៃ ចន្ទ័ នេះ (ម៉ោងក្នុងតំបន់) ហើយជាមួយគ្នានោះ ករណីអគ្គីភ័យក៏បានកើតមាន ឡើងផងដែរ ដោយសារហេតុការណ៍រញ្ជួយដីនេះ គ្រាដែលមនុស្សជាច្រើនត្រូវបាន គេរាយការណ៍ថា នៅជាប់គាំងក្នុងប្រអប់ជណ្តើរយន្ត ហើយលំនៅឋានជាង ១៧០.០០០ខ្នងនៅខេត្តអូសាកា និងខេត្តហ៊ីយ៉ូហ្គោ កំពុងគ្មានអគ្គិសនីប្រើប្រាស់ ។ដោយឡែកសេវារថភ្លើង និងអាកាសយានដ្ឋានមួយចំនួននៅក្នុងតំបន់ក៏ត្រូវបាន ផ្អាកដំណើរការជាបណ្តោះអាសន្នផងដែរ ហើយបើតាមអាជ្ញាធរជប៉ុនក្នុងតំបននោះ ចំនួនមនុស្សស្លាប់អាចនឹងកើនឡើងថែមទៀត ខណៈរដ្ឋមន្រ្តីគ្រប់គ្រងគ្រោះមហន្ត រាយជប៉ុន លោក ហាជីរ៉ូ អូកូនូជិ បានឲ្យដឹងថា នៅមានមនុស្សជាច្រើនកំពុងជាប់ នៅក្រោមគំនរអគារដែលបានដួលរលំ ហើយក្រុមភ្នាក់ងារជួយសង្រ្គោះក៏កំពុង ព្យាយាមតាមស្វែងរកពួកគេដែរ ៕

សហរដ្ឋអាមេរិក៖ ក្រសួងការបរទេសអាមេរិកបានព្រមានថា ក្រុមភេវរករទំនងជា កំពុងរៀបចំផែនការបង្កការវាយប្រហារ នៅអំឡុងពេលប្រកួតកីឡាបាល់ទាត់ World Cup នៅក្នុងប្រទេសរ៉ុស្ស៊ី ហើយថា ព្រឹត្តិការណ៍អន្តរជាតិដែលមានលក្ខណៈ ធំធេងបែបនេះ គឺតែងតែស្ថិតនៅក្នុងគោលដៅនៃការវាយប្រហាររបស់ពួកជ្រុល និយម ។ នៅក្នុងសេចក្តីថ្លែងការណ៍របស់ខ្លួន ក្រសួងការបរទេសអាមេរិកក៏បានបញ្ជាក់ផង ដែរ អោយពលរដ្ឋរបស់ខ្លួនគិតគូរឡើងវិញ បើសិនជាចង់ធ្វើដំណើរទៅកាន់រ៉ុស្ស៊ី ដើម្បីចូលរួមទស្សនាព្រឹត្តិការណ៍ប្រកួតកីឡាបាល់ទាត់ World Cup ដោយផ្ទាល់ នោះ ដើម្បីបង្ការកុំអោយទទួលរងអំពើភេរវកម្ម ។គួរបញ្ជាក់ថា បើទោះបីជាសន្តិសុខត្រូវបានរឹតបន្តឹងកម្រិតខ្ពស់ក៏ដោយ ប៉ុន្តែក្រុម ភេរវករនៅតែអាចបញ្ជ្រៀតចូលកន្លែងប្រមូលផ្តុំមនុស្សម្នាជាច្រើន ដូចជា ពហុកីឡា ដ្ឋាន កន្លែងក្រុមអ្នកគាំទ្របាល់ទាត់ទស្សនាការផ្សាយបន្តផ្ទាល់ កន្លែងរង់ចាំយាន ជំនិះ និងទីសារធារណៈជាច្រើនទៀត ដែលមានមនុស្សប្រមូលផ្តុំកោះករ ៕

ចិន៖ ប្រធានាធិបតីចិន លោក ស៊ី ជិនពីង បានថ្លែងអះអាងថា ប្រទេសលោកនឹង បង្កើនសមត្ថភាពកងទ័ពជើងទឹកអោយកាន់តែរឹងមំា និងខ្លាំងក្លាឡើង ស្ថិតក្នុង គោលបំណងបំពេញបេសកកម្មបម្រើដល់បក្ស និងប្រជាជនចិន ។ ការលើកឡើងរបស់ប្រធានាធិបតីចិនរូបនេះ ត្រូវបានធ្វើឡើងក្នុងអំឡុងការត្រួត ពិនិត្យទីបញ្ជាការកងទ័ពជើងទឹកភាគខាងជើង ដោយក្នុងឱកាសនោះដែរ លោក ស៊ី ថែមទំាងជម្រុញឲ្យគ្រប់កងទ័ពជើងទឹកទាំងអស់ ខិតខំប្រឹងប្រែងដើម្បីពង្រឹង និង ពង្រីកសក្តានុពលយោធាជើងទឹកអោយឈានទៅរករជ្ជកាលថ្មី ជាមួយនឹងភាព ស្មោះត្រង់ បច្ចេកទេសខ្ពស់ និងការធ្វើប្រតិបត្តិការនានា ដោយអនុឡោមទៅតាម ច្បាប់ ។សូមជម្រាបថា លោក ស៊ី ជិនពីង ប្រធានាធិបតីចិន និងជាអគ្គលេខាធិការ នៃគណ កម្មាធិការមជ្ឈិមបក្សកុម្មុយនិស្តចិន ព្រមទាំងជាប្រធាននៃគណកម្មការមជ្ឈិមយោធា នៅក្នុងថ្ងៃ ព្រហស្បត្តិ៍ សប្តាហ៍នេះ បានទស្សនៈកិច្ចទៅកាន់ទីបញ្ជាការទ័ពជើង ទឹកភាគខាងជើង ដែលស្ថិតក្រោមចំណុះនៃកងទ័ពរំដោះប្រជាជនចិន ក្នុងគ្រាដែល បញ្ហាគ្រប់គ្រងសន្តិសុខដែនសមុទ្រ កាន់តែក្លាយជាប្រធានបទក្តៅគគុក សម្រាប់ ថ្នាក់តំបន់ និងអន្តរជាតិ ៕

សហរដ្ឋអាមេរិក៖ ប្រធានាធិបតីអាមេរិក លោក ដូណាល់ ត្រាំ បានអះអាងនៅ ចំពោះមុខក្រុមអ្នកសារព័ត៌មាននៅសេតវិមានថា រូបលោកអាចហៅទូរស័ព្ទទៅ លោក គីម ជុងអ៊ុន បានភ្លាមនៅពេលនេះ ព្រោះលោកបានអោយលេខទូរស័ព្ទ ផ្ទាល់មួយខ្សែទៅលោក គីម ។ លោក ត្រាំ បានសង្កត់ធ្ងន់ថា លោក គីម អាចហៅ ទូរស័ព្ទមកលោកបានភ្លាមៗ បើសិនគាត់មានបញ្ហាលំបាកអ្វីមួយ  និយាយរួម យើង មានមធ្យោបាយទាក់ទងគ្នា ។ ការលើកឡើងរបស់ប្រធានាធិបតីរូបនេះ ធ្វើឡើងក្រោយរូបលោកបានជួប និង ពិភាក្សាទល់មុខគ្នាជាមួយលោក គីម ជុងអ៊ុន នៅប្រទេសសិង្ហបុរី កាលពីថ្ងៃ អង្គារ៍ សប្តាហ៍នេះ ដែលអន្តរជាតិបានមើលឃើញថា ជាភាពវិជ្ជមានធំធេងសម្រាប់ពិភព លោក និងជាលើកដំបូងសម្រាប់ប្រវត្តិសាស្ត្ររបស់ប្រទេសទំាងពីរ ។ស្របពេលជាមួយគ្នានោះដែរ ប្រធានាធិបតីអាមេរិក លោក ដូណាល់ ត្រាំ ក៏បាន បង្ហើបអោយដឹងផងដែរថា រូបលោកគ្រោងនឹងទូរស័ព្ទទៅកាន់មេដឹកនំាំកពូលកូរ៉េ ខាងជើងលោក គីម ជុងអ៊ុន ដោយផ្ទាល់នៅក្នុងថ្ងៃ អាទិត្យ…

កូរ៉េខាងត្បូង៖ មន្រ្តីជាន់ខ្ពស់រដ្ឋាភិបាលក្រុងសេអ៊ូល និងព្យុងយ៉ាងនៅក្នុងថ្ងៃ ព្រហ ស្បត្តិ៍ សប្តាហ៍នេះ បានបើកកិច្ចចចារទ្វេភាគីមួយជាលើកដំបូង ដែលផ្តោតសំខាន់ លើការទំនាក់ទំនងខាងផ្នែកយោធានៅតាមតំបន់ព្រំដែន ។ក្រោយជំនួបពិភាក្សាខាងលើនេះ កូរ៉េខាងជើង និងកូរ៉េខាងត្បូងបានឯកភាពគ្នា ក្នុងការស្តារកិច្ចទំនាក់ទំនងខាងផ្នែកយោធារវាងប្រទេសទំាងពីរឡើងវិញ ដែលនេះ គឺជាកិច្ចព្រមព្រៀងមួយជាលើកដំបូង បន្ទាប់ពីបានផ្តាច់ទំនាក់ទំនងគ្នាលើវិស័យ មួយនេះ អស់រយៈពេលជាង១ទសវត្សរ៍កន្លងមក ។ ភាគីនៃប្រទេសទាំងពីរបានផ្លាស់ប្តូរយោបល់គ្នាទៅវិញទៅមក ដោយបានលើក ឡើងអំពីបទឈប់បាញ់គ្នារបស់កូរ៉េខាងត្បូង នៅភូមិ ផាន់មុនជុម ដែលជាការអនុ វត្តន៍មួយ ស្របតាមកិច្ចចរចាគ្នារវាងមេដឹកនំាកំពូលប្រទេសទាំងពីរ កាលពីថ្ងៃទី ២៧ខែមេសាឆ្នាំ២០១៨កន្លងទៅនេះ និងទប់ស្កាត់ករណីកើតមានឡើងជាយថា ហេតុនៅឯសមុទ្រខាងលិច ៕