ថៃ៖ ប្រព័ន្ធផ្សព្វផ្សាយថៃបានរាយការណ៍ថា គិតមកដល់រសៀលថ្ងៃច័ន្ទ ដើមសប្តាហ៍នេះ មនុស្សចំនួន៤នាក់ប៉ុណ្ណោះ ក្នុងចំណោមមនុស្សទាំង១៣នាក់ ដែលត្រូវបានសង្គ្រោះចេញពីរូងភ្នំថាំលួង ខណៈពេលដែលប្រតិបត្តិការសង្គ្រោះនៅកំពុងបន្តនៅឡើយ។ ក្រុមសង្គ្រោះថៃបានប្រើបច្ចេកទេស និងការផ្សងគ្រោះថ្នាក់គ្រប់បែបយ៉ាងទាំងអស់ ទើបអាចនាំពួកគេចេញមកបានដោយសុវត្ថិភាព៕

ជប៉ុន៖ តួលេខជនរងគ្រោះបាត់បង់ជីវិត ដោយសារគ្រោះទឹកជំនន់ និងការបាក់ដី បង្កឡើងដោយភ្លៀងធ្លាក់ខ្លាំងនៅឯតំបន់ភាគខាងលិចប្រទេសជប៉ុន បន្តកើនឡើង ដល់១០៩នាក់ របួសធ្ងន់៣នាក់ និង៧៩នាក់ផ្សេងទៀតនៅតែបាត់ខ្លួននៅឡើយ គិតចាប់តាំងពីថ្ងៃព្រហស្បតិ៍្ត សប្តាហ៍មុន រហូតមកទល់ថ្ងៃចន្ទ នេះ ។

ជប៉ុន៖ តួលេខជនរងគ្រោះបាត់បង់ជីវិត ដោយសារគ្រោះទឹកជំនន់ និងបាក់ដី បង្កឡើងដោយភ្លៀងធ្លាក់ខ្លាំងនៅឯតំបន់ភាគខាងលិចប្រទេសជប៉ុន បន្តកើនឡើងដល់៩៧នាក់ និងជាច្រើននាក់ផ្សេងទៀត បាត់ខ្លួននៅឡើយ បើគិតចាប់តាំងពីថ្ងៃព្រហស្បតិ៍ត សប្តាហ៍មុន រហូតមកទល់នឹងព្រឹកថ្ងៃ ច័ន្ទ នេះ ។

សហរដ្ឋអាម៉េរិក៖ សូមរម្លឹកថា លោក គីម យ៉ុងចុល ដែលជាមនុស្សជំនិតបំផុត របស់មេដឹកនំាកំពូលកូរ៉េខាងជើងលោក គីម ជុងអ៊ុន បានបង្ហាញការសោកស្ដាយជាខាំ្លង ចំពោះអកប្បកិរិយារបស់រដ្ឋមន្រ្តីការបរទេសអាម៉េរិក ដោយនិយាយថា លោក ម៉ៃ ប៉ុមប៉េអូ បានបង្ហាញពីអត្តចរិតដូចពួកទំនើង និងឯកតោភាគីលើសំណើ លុបបំបាត់អាវុធនុយក្លេអ៊ែរ ។

ជប៉ុន៖ ភ្លៀងធ្លាក់ខ្លាំងបានវាយប្រហារលើប្រទេសជប៉ុនខាងលិច និងខាងត្បូង ជាហេតុនាំឲ្យមានការព្រមានអំពីគ្រោះមហន្តរាយនៅលើកោះគ្យូស៊ូ និងស៊ីកូគុនៅក្នុងថ្ងៃអាទិត្យនេះ ខណៈចំនួនមនុស្សស្លាប់ដោយសារគ្រោះធម្មជាតិនេះបានឡើងដល់៨១នាក់ និងបាត់ខ្លួនជាច្រើននាក់ ស្របពេលមនុស្សរាប់លាននាក់ផ្សេងទៀតភៀសខ្លួនចេញពីផ្ទះសម្បែង។ ការធ្លាក់ភ្លៀងខ្លាំងក្នុងកម្រិតលើសធម្មតា៣ដង បានបង្កការបាក់ដី និងធ្វើឲ្យទន្លេមានទឹកពេញប្រៀប ដែលនាំឲ្យមនុស្សជាច្រើននាក់ជាប់គាំងនៅក្នុងលំនៅដ្ឋាន ឬលើដំបូលផ្ទះ ។

បាងកក ៖ ​ក្មេងប្រុស០៦នាក់ក្នុងចំណោម១២នាក់ ដែលជាប់ក្នុងរូងភ្នំលិចទឹក នៅភាគខាងជើងប្រទេសថៃ ជាមួយ​​គ្រូបង្វឹក​ម្នាក់​ អស់រយៈពេលប្រមាណ១៥យប់កន្លងមកនេះ ទីបំផុតត្រូវបានជួយសង្រ្គោះចេញមកខាងក្រៅវិញ ដោយ​​សុវត្ថិ​ភាព​ជាបណ្តើរៗហើយ។ នេះបើតាមការដកស្រង់ការផ្សាយចេញពីសារព័ត៌មាន The Guardia នៅយប់ថ្ងៃអាទិត្យ ទី០៨ ខែកក្កដា ឆ្នាំ២០១៨។ ​យោងតាមប្រភពព័ត៌មានដដែល ក្មេងជំទង់ពីរ​​ដែលចេញមកដល់ក្រៅមុន ក្នុងចំណោម០៦នាក់ខាងលើ ត្រូវ​បាន​បញ្ជូន​តាម​រថយន្ត​សង្រ្គោះ​បន្ទាន់ ទៅ​កាន់​ឧទ្ធ​ម្ភាគ​ចក្រ​​ដើម្បី​​​ដឹក​​បន្ត​​ទៅ​​កាន់​​មន្ទីរ​​ពេទ្យ​​ខេត្ត​​ឈៀង​​រ៉ៃ ចម្ងាយប្រមាណ៨០គីឡូម៉ែត្រពីតំបន់​​រូង​ភ្នំ​ថាំលួង។ មកទល់ពេលនេះ ក្មេងប្រុសទាំង០៦នាក់ បានចេញមកដល់ក្រៅរូបភ្នំ តាំងពីប៉ុន្មានម៉ោងមុនម្តងម្នាក់ៗ។ គួរជម្រាបថា នាព្រឹកថ្ងៃអាទិត្យនេះ អាជ្ញាធរបានសម្រេចចាប់ផ្តើមការជួយសង្រ្គោះមនុស្សទាំង១៣នាក់ ដែលបានជាប់ក្នុង​រូងភ្នំ​ថាំ​លួង ​នៃស្រុកម៉ែសៃ ខេត្តឈៀងរ៉ៃ ភាគខាងជើងប្រទេស​ថៃ តាំងពីថ្ងៃទី២៣ ខែមិថុនាមក ហើយទើបតែត្រូវបានរកឃើញកាលពី​ដើមខែកក្កដានេះ ឲ្យចេញមកខាងក្រៅវិញ តាមរយៈការបញ្ជូនក្រុមអ្នកជំនាញមុជទឹក​ ដើម្បី​​​ជួយអមដំណើរពួកគេ។ ពីដំបូងឡើយ​អាជ្ញាធរថៃ បានរំពឹងថា ទម្រាំតែអ្នកដំបូងគេចេញមកដល់ខាងក្រៅគឺរហូតទាល់តែម៉ោង០៩យប់នេះឯណោះ ប៉ុន្តែក្មេងពីរនាក់ដែលត្រូវ​បានសង្រ្គោះចេញផុតពីរូងភ្នំដំបូងគេ គឺកាលម៉ោងខ្ទង់៦យប់នេះ ពោលគឺ០៣ម៉ោងមុនការរំពឹងទុក។ ចំណែកក្មេង០៦នាក់ទៀត ព្រម​ទាំងគ្រូបង្វឹក ត្រូវគេរំពឹងថា នឹងចេញមកដល់ខាងក្រៅនាពេលឆាប់ៗខាងមុខដូចគ្នាដែរ៕

  ថៃ ៖ យោងតាមសារព័ត៌មានចិនស៊ិនហួរ ចេញផ្សាយមុននេះបន្តិចបានឲ្យដឹងថា ក្មេង២នាក់ក្នុងចំណោមមនុស្ស១៣នាក់ ដែលជាប់នៅក្នុងរូងភ្នំថាំលួង ប្រទេសថៃ ត្រូវបានក្រុមជួយសង្រ្គោះយកចេញមកក្រៅហើយ បន្ទាប់ពីក្រុមអ្នកជំនាញមុជទឹកបរទេស និងកងទ័ពជើងទឹករបស់ថៃ ចូលទៅក្នុងរូងភ្នំ។  សូមជម្រាបថា នាព្រឹកថ្ងៃអាទិត្យនេះ អាជ្ញាធរថៃ រួមជាមួយក្រុមអ្នកជំនាញមុជទឹកបរទេស១៣នាក់ និងកងទ័ពជើងទឹកថៃ០៥នាក់ បាន​ចូល​ទៅ​ក្នុង​រូង​ភ្នំ​​ថាំលួង នៅស្រុកម៉ៃសៃ នៃខេត្តឈៀងរ៉ៃ ភាគខាងជើងប្រទេសថៃ ដើម្បីជួយសង្រ្គោះក្មេងជំទង់ទាំង១២នាក់ ព្រមទាំង​គ្រូបង្វឹកម្នាក់ ដែលបានជាប់ខ្លួននៅក្នុងល្អាងភ្នំដោយសារតែទឹកជន់តាំងពីថ្ងៃទី២៣ ខែមិថុនា ចេញមកខាងក្រៅវិញ៕

តោកំណាចអង់គ្លេសបង្កើតកំនត់ត្រាថ្មី ឡើងដល់វគ្គពាក់កណ្តាលផ្តាច់ព្រាត់ បន្ទាប់ពីខកខានរយៈពេល១២ឆ្នាំ ក្រោយយកឈ្នះ អ៊ុយអែត ២:០ រកបានដោយកីឡាករ Harry Maguire នៅនាទី ៣០ និងគ្រាប់ទី២រកបានដោយខ្សែបម្រើរបស់ក្លឹប Tottenham Hot Spur កីឡាករ Dele Alli នៅនាទី ៥៩ ធ្វើអោយឡើងទៅវគ្គ៤ក្រុមចុងក្រោយ ដោយរងចាំក្រូអាត ឬ ម្ចាស់ផ្ទះរុស្ស៊ី ដែលត្រូវប្រកួតនៅម៉ោង១រំលងអាធ្រាត ។ គួរបញ្ជាក់ថា អង់គ្លេសគឺក្រុមមួយដែលធ្លាប់ឈ្នះពាន World Cup ម្តងនៅឆ្នាំ១៩៦៦ ពេលដែលធ្វើជាម្ចាស់ផ្ទះ ៕

អង់គ្លេស៖ នាយករដ្ឋមន្រ្តីអង់គ្លេសលោកស្រី ធើរេសសា ម៉ាយ បានលើកឡើងថា គណៈរដ្ឋមន្ត្រីអង់គ្លេសបានឈានដល់ការរួបរួមគ្នាមួយ ដោយព្រមព្រៀងទៅលើ មូលដ្ឋានគ្រឹះនៃទំនាក់ទំនងនាពេលអនាគតរបស់ចក្រភពអង់គ្លេស ជាមួយនឹង សហភាពអឺរ៉ុប បន្ទាប់ពីការចាកចេញរបស់អង់គ្លេស ។

ថៃ៖ បន្ទាប់ពីទូកទេសចរណ៍ពីរគ្រឿងផ្ទុកសរុបមនុស្សជិត ១៥០ នាក់បានក្រឡាប់លិចកាលពីថ្ងៃព្រហស្បតិ៍ត នៅលើផ្ទៃសមុទ្រខេត្តភូកេត ភាគខាងត្បូងប្រទេសថៃ បើគិតមក ទល់ថ្ងៃសៅរ៍នេះ សាកសពមនុស្ស៥នាក់បន្ថែមទៀតត្រូវបានក្រុមសង្គ្រោះថៃរកឃើញ ដែលប្រការនេះ ធ្វើឱ្យចំនួនអ្នកស្លាប់កើនដល់៣៨នាក់ និង១៨នាក់ផ្សេងទៀតនៅតែបន្ត បាត់ខ្លួនដដែល ។