អ៊ីរ៉ង់៖ ប្រព័ន្ធផ្សព្វផ្សាយរដ្ឋអ៊ីរ៉ង់បានរាយការណ៍ថា រដ្ឋមន្ត្រីការបរទេសអ៊ីរ៉ង់លោក ម៉ូហាម៉េដ ចាវ៉ាដ ហ្ស៊ារីស និងមន្រ្តីជាន់ខ្ពស់បណ្តាប្រទេសជាមហាអំណាច ពិភព លោកទាំង៥ ដែលនៅតែជាភាគីក្នុងកិច្ចព្រមព្រៀងនុយក្លេអ៊ែរអ៊ីរ៉ង់កាលពីឆ្នាំ២០១៥នោះ នឹងត្រូវជួបគ្នាក្នុងទីក្រុងវីយ៉ែន ប្រទេសអូទ្រីស នៅក្នុងថ្ងៃសុក្រ សប្ដាហ៍នេះ ស្ថិតក្នុងគោលបំណងស្វែងរកមធ្យោបាយការពារកិច្ចព្រមព្រៀងអន្តរជាតិនេះ ។ កិច្ចប្រជុំនៅក្នុងថ្ងៃ សុក្រ សប្ដាហ៍នេះ គឺជាជំនួបលើកដំបូងបំផុតរវាងអ៊ីរ៉ង់ និងបណ្តាប្រទេសមហាអំណាចពិភពលោកទាំង៥ ដែលក្នុងនោះរួមមាន៖ អង់គ្លេស ចិន បារាំង អាល្លឺម៉ង់ និងរុស្ស៊ី បន្ទាប់ពីសហរដ្ឋអាម៉េរិកប្រកាសដកខ្លួនចេញពីកិច្ចព្រមព្រៀងនុយក្លេអ៊ែរអ៊ីរ៉ង់កាលពីឆ្នាំ២០១៥ ។នៅក្នុងជំនួប ដែលធ្វើឡើងតាមសំណើរបស់រដ្ឋាភិបាលក្រុងតេហេរ៉ង់នេះដែរ រដ្ឋមន្ត្រីការបរទេសអ៊ីរ៉ង់ និងរដ្ឋមន្ត្រីការបរទេសប្រទេសមហាអំណាចពិភពលោកទាំង៥ គ្រោងនឹងធ្វើកិច្ចពិភាក្សាគ្នាលើសំណើរបស់សហភាពអឺរ៉ុប និងវិធានការការពារកិច្ចព្រមព្រៀងនុយក្លេអ៊ែរអ៊ីរ៉ង់ ៕

ថៃ៖ ប្រព័ន្ធផ្សព្វផ្សាយរដ្ឋថៃបានរាយការណ៍ថា ក្រុមសង្គ្រោះថៃ និងអន្តរជាតិបាន នឹងកំពុងតែព្យាយាមក្នុងការបំពាក់ប៉នសុខភាព ព្រមទាំងបង្រៀនពីជំនាញមុជទឹក បឋមដល់មនុស្សទាំង១៣នាក់ ដែលបានជាប់ខ្លួនក្នុងរូងភ្នំ ថំាលួង ឈានចូលដល់ថ្ងៃទី១១ហើយ ។ បើតាមការអះអាងរបស់ក្រុមសង្គ្រោះនោះ ការយកពួកគេទាំង១៣នាក់ចេញពីរូងភ្នំ គឺត្រូវការប្រើប្រាស់រយៈពេលច្រើនបន្ថែមទៀត ព្រោះការទៅដល់ទីនោះ គឺត្រូវមុជទឹក មុជភក់ និងតោងខ្សែជាប់ជានិច្ចទៀត ហើយតំណាក់កាលដែលត្រូវប្រាកដច្បាស់នោះ គឺសុខភាពរបស់មនុស្សទាំង១៣នាក់ តើអាចស៊ូទ្រាំនឹងការសង្គ្រោះយកចេញពីរូងនេះបានឬទេ ? សមាជិកក្រុមសង្រ្គោះចិន លោក វ៉ាង យីងជេ បានប្រាប់អ្នកយកព័ត៌មានថា ក្រុមជួយសង្រ្គោះអន្តរជាតិបានព្រាងផែនការមួយ ដើម្បីនាំក្មេងទាំងនេះ មុជទឹកចេញពីកន្លែងដែលពួកគេនៅសព្វថ្ងៃ ទៅកាន់កន្លែងមួយនៅក្នុងល្អាងដដែល តែមានសុវត្ថិ ភាពជាង ដោយសារការព្យាករណ៍អាកាសធាតុ បង្ហាញថា ភ្លៀងនឹងធ្លាក់ជាបន្ត បន្ទាប់នៅតំបន់ព្រៃភ្នំជាប់ព្រំដែននេះ ។ លោកបន្តថា ក្រុមអ្នកជំនាញមុជទឹកបាន បញ្ជូនចូលអាហារ និងអំបិលរ៉ែទៅអោយក្មេងៗ ព្រមទំាងគ្រូបង្វឹករបស់គេ ដែលនៅមិនទាន់ចេញពីល្អាងភ្នំរួច ។ បើយោងតាមផែនការសង្រ្គោះនោះ ក្រុមអ្នកមុជទឹកនឹងជួយក្មេងៗទាំងនេះ ឲ្យទៅដល់កន្លែងមានសុវត្ថិភាពមួយ ដែលគេបង្កើតជាមណ្ឌលសង្រ្គោះនៅ ក្នុងល្អាង នេះ ។ ដោយសារតែស្ថានការណ៍ស្មុគស្មាញក្នុងល្អាងលិចទឹក…

កូរ៉េខាងជើង៖ ទីភ្នាក់ងារសារព័ត៌មានកណ្តាលរបស់កូរ៉េខាងជើងបានរាយការណ៍ថា ប្រមុខដឹកនាំកំពូលកូរ៉េខាងជើងលោក គីម ជុងអ៊ុន បានអំពាវនាវយ៉ាងទទូចឲ្យធ្វើទំនើបកម្មទៅលើរោងចក្រវាយនភណ្ឌ និងរោងចក្រក្រដាសនៅទីក្រុង ព្រំដែនស៊ីននូជូ ដែលស្ថិតនៅជាប់នឹងទីក្រុងដានដុង របស់ប្រទេសចិន។ នៅក្នុងពេលចុះធ្វើអធិការកិច្ចនៅរោងចក្រ ស៊ីនូជូ ធិចធីល មៀល ដែលបានបង្កើតឡើងនៅក្នុងឆ្នាំ១៩៥៩ លោក គីម ជុងអ៊ុន បានគូសបញ្ជាក់ថា រោងចក្រនឹងត្រូវធ្វើទំនើបកម្មក្នុងការបង្កើនដល់ផលិតកម្មនៅមូលដ្ឋាននេះ។ បន្ទាប់ពីបានដឹងអំពីសេវាកម្មផ្គត់ផ្គង់រោងម៉ាស៊ីនកិនស្រូវ និងលក្ខខណ្ឌរស់នៅរបស់បុគ្គលិក លោក គីម បាននិយាយថា គណៈកម្មាធិការពលករកូរ៉េ ហៅកាត់ថា (WPK) នៅរោងម៉ាស៊ីនកិនស្រូវមិនបានយកចិត្តទុកដាក់ធ្វើឱ្យប្រសើរឡើងនូវស្ថានភាពការងារ និងការងាររបស់និយោជិកទេ។ ជាមួយគ្នានេះ លោក គីម ក៏បានកំណត់ភារកិច្ចលម្អិត និងវិធីសម្រាប់ការធ្វើទំនើបកម្មរោងម៉ាស៊ីនកិនស្រូវ ដោយនិយាយថា ឫសគុលនៃការអភិវឌ្ឍឧស្សាហកម្មវាយនភណ្ឌ គឺមានសារៈសំខាន់ខ្លាំងណាស់ ក្នុងការធ្វើឲ្យមានការរីកចម្រើន សម្រាប់ការលើកកម្ពស់ជីវភាពរស់នៅរបស់ប្រជាជនឲ្យមានលក្ខណៈស្តង់ដារ៕ ម.ន

ម៉ិចស៊ីកូ៖ ប្រធានាធិបតីទើបជាប់ឆ្នោតថ្មីរបស់ម៉ិចស៊ីកូ លោក អាន់ដ្រែស ម៉ានូអែល ឡូប៉ែស អូប្រាដ័រ បានបញ្ជាក់ថា លោកទើបតែបាននិយាយទូរសព្ទជាមួយសមភាគីអាម៉េរិកលោក ដូណាល់ ត្រាំ និងបានស្នើឲ្យប្រទេសជិតខាងទាំងពីរនេះ ព្យាយាមស្វែងរកកិច្ចព្រមព្រៀងគ្រប់ជ្រុងជ្រោយមួយ។ ប្រធានាធិបតីទើបជាប់ឆ្នោតថ្មីរបស់ម៉ិចស៊ីកូរូបនេះ បានទទួលការហៅទូរសព្ទពីលោក ដូណាល់ ត្រាំ នៅក្នុងថ្ងៃច័ន្ទ ដើមសប្តាហ៍នេះ (ម៉ោងក្នុងតំបន់) ដោយមេដឹកនាំទាំងពីរបានធ្វើកិច្ចពិភាក្សាគ្នាអស់រយៈពេលកន្លះម៉ោង។ លោក ឡូប៉ែស អូប្រាដ័រ បានស្នើឲ្យប្រទេសជិតខាងទាំងពីរនេះ គិតគូរទៅលើកិច្ចព្រមព្រៀងគ្រប់ជ្រុងជ្រោយមួយ។ ជាមួយគ្នានោះដែរ លោក ឡូប៉ែស អូប្រាដ័រ ក៏បានស្នើឲ្យមានកិច្ចសហប្រតិបត្តិការទ្វេភាគី សំដៅបង្កើនអត្រានៃអ្នកមានការងារធ្វើនៅម៉ិចស៊ីកូផងដែរ ដើម្បីកាត់បន្ថយចំនួនជនអន្តោវេសន៍ឆ្លងដែនចូលទៅសហរដ្ឋអាម៉េរិក។ សម្រាប់លោក ត្រាំ វិញក៏បានរំពឹងថា នឹងមានទំនាក់ទំនងយ៉ាងល្អប្រសើរជាមួយម៉ិចស៊ីកូនាពេលឆាប់ៗខាងមុខផងដែរ៕ ម.ន

ថៃ៖ ក្រុមអ្នកជួយសង្រ្គោះថៃបាននឹងកំពុងពន្លឿនការបូមទឹកចេញពីរូងភ្នំ ថាំលួង នៅថ្ងៃ អង្គារ៍ នេះ ក្រោយការព្យាករណ៍ឧតុនិយមបានព្រមានថា នឹងមានភ្លៀងធ្លាក់ខ្លាំងបន្ថែមទៀតនៅតំបន់នោះ ដែលអាចបង្កឲ្យភាពស្មុគស្មាញបន្ថែមដល់កិច្ចខិតខំប្រឹងប្រែងជួយយកអ្នកទាំង១៣ចេញមកខាងក្រៅ ។ ប្រព័ន្ធផ្សព្វផ្សាយរដ្ឋថៃបានរាយការណ៍ថា ក្មេងៗទាំង១២នាក់ និងគ្រូបង្វឹកម្នាក់ទៀត ត្រូវបានក្រុមអ្នកជំនាញខាងមុជទឹកមកពីចក្រភពអង់គ្លេសចំនួនពីរនាក់ បានរកឃើញថា នៅមានជីវិតនៅឡើយ កាលពីថ្ងៃច័ន្ទ វេលាម៉ោង១០និង២៥នាទីយប់ ដោយស្ថិតនៅចម្ងាយប្រហែល៤គីឡូម៉ែត្រពីមាត់រូងភ្នំ។ ដូច្នេះ ទើបក្រុមជំនាញថៃ និងអន្តរជាតិដែលកំពុងបំពេញប្រតិបត្តិការនៅឡើយនៅតំបន់រូងភ្នំថាំលួង ស្រុកម៉ែសៃ ខេត្តឈៀងរ៉ៃ ភាគខាងជើងប្រទេសនោះ បានវាយតម្លៃថា ក្រុមសង្គ្រោះត្រូវប្រើរយៈពេលជាច្រើនថ្ងៃ ឬឈានចូលសប្តាហ៍ផង ទើបអាចយកជនរងគ្រោះទាំង១៣នាក់ចេញពីរូងភ្នំនេះបាន។ ស្របពេលជាមួយគ្នានោះដែរ ក្រុមជំនាញត្រូវបង្ហាត់អ្នកទាំង១៣នាក់ពីរបៀបមុជទឹក និងប្រើប្រាស់បរិក្ខាមុជទឹកជាមុនសិន ខណៈស្បៀងអាហារ បំពង់អុកស៊ីហ្សែន និងថ្នាំពេទ្យកំពុងត្រូវបានក្រុមសង្គ្រោះផ្សេងទៀតព្យាយាមបញ្ជូនទៅខាងក្នុងរូងភ្នំ ៕ ម.ន  

មីយ៉ាន់ម៉ា៖ អគ្គលេខាធិការអង្គការសហប្រជាជាតិលោក អាន់តូនីញ៉ូ ហ្គូទ័ររ៉េស បានធ្វើ ការអំពាវនាវយ៉ាងទទូចក្នុងថ្ងៃ ច័ន្ទ ដើមសប្តាហ៍នេះ អោយសហគមន៍អន្តរជាតិដាក់ បន្ថែមសំពាធលើរដ្ឋាភិបាលមីយ៉ាន់ម៉ា ដើម្បីបង្កើតលក្ខខណ្ឌរក្សាសុវត្ថិភាពដល់ការវិល ត្រឡប់មកវិញនៃជនជាតិដើមភាគតិចរ៉ូហ៊ីងយ៉ារាប់រយពាន់នាក់ ដែលបានសម្រេចចិត្ត ភៀសខ្លួនចេញពីប្រទេសមីយ៉ាន់ម៉ាកាលពីខែសីហា កន្លងមកនេះ ។ អង្គការសហប្រជាជាតិ និងមីយ៉ាន់ម៉ាបានសម្រេចកិច្ចព្រមព្រៀងមួយ កាលពីខែ ឧសភា ដែលអង្គការសហប្រជាជាតិសង្ឃឹមថា នឹងអនុញ្ញាតអោយជនជាតិដើមភាគតិចរ៉ូហ៊ីងយ៉ា រាប់ពាន់នាក់ត្រឡប់មកវិញដោយសុវត្ថិភាព និងដោយមានជម្រើស ។ លោក អាន់តូនីញ៉ូ ហ្គូទ័ររ៉េស បាននិយាយនៅក្នុងបរិវេណនៃជំរុំជនភៀសខ្លួននៅឆ្នេរសមុទ្រភាគអាគ្នេយ៍ ប្រទេសបង់ក្លាដេសថា អនុស្សារណៈយោគយល់គ្នានេះ ជាជំហានដំបូងក្នុងការទទួល ស្គាល់សិទ្ធិរបស់ប្រជាពលរដ្ឋ ហើយថា នេះជាប្រភេទសម្បទានដែលអាចទទួលបាន នាពេលបច្ចុប្បន្ននេះពីប្រទេសមីយ៉ាន់ម៉ា សូមសាកល្បងភាពស្មោះត្រង់នៃសម្បទាននេះ ហើយបន្ទាប់មកចូរបន្តធ្វើការទាក់ទងទៅនឹងសិទ្ធិពេញលេញរបស់ប្រជាជន ។ ទន្ទឹមគ្នា នោះដែរ មិនមាននរណាម្នាក់មកពីជួររដ្ឋាភិបាលមីយ៉ាន់ម៉ា ធ្វើអត្ថាធិប្បាយលើសេចក្តី ថ្លែងការណ៍របស់អគ្គលេខាធិការអង្គការសហប្រជាជាតិកាលពីថ្ងៃ ច័ន្ទ ម្សិលមិញនេះ ឡើយ ។ សូមបញ្ជាក់ថា ដំណើរបំពេញទស្សនៈកិច្ចរបស់លោក ហ្គូទ័ររ៉េស ខាងលើនេះ ធ្វើឡើងក្រោយរយៈពេល១០ខែ…

សហរដ្ឋអាម៉េរិក៖ អ្នកនាំពាក្យសេតវិមាន លោកស្រី សារ៉ា សេនដឺ បានថ្លែងអះអាង ទៅកាន់អ្នកយកព័ត៌មានថា សហរដ្ឋអាម៉េរិកមិនទទួលស្គាល់ទង្វើរបស់រុស្ស៊ីទៅលើ តំបន់ឧបទ្វីប គ្រីមៀ នោះឡើយ ហើយទណ្ឌកម្មដែលទីក្រុងវ៉ាស៊ីនតោនបានដាក់ទៅលើទីក្រុងម៉ូស្គូ នៅតែបន្តរក្សាដដែល ។ សូមរំលឹកថា រុស្ស៊ីត្រូវបានបណ្តេញចេញពីក្រុមប្រទេសសេដ្ឋកិច្ចកំពូល G7 (នៅ ពេលមានរុស្ស៊ី គឺ G8) កាលពីឆ្នាំ២០១៤កន្លងទៅនេះ ហើយចាប់តាំងពីពេលនោះ មក ទីក្រុងម៉ូស្គូបានទទួលរងទណ្ឌកម្មជាបន្តបន្ទាប់ពីសំណាក់បណ្តាប្រទេសលោក ខាងលិច បន្ទាប់ពីបានរួមបញ្ចូលតំបន់ឧបទ្វីបគ្រីមៀ ជាកម្មសិទ្ធិរបស់ប្រទេសខ្លួន ។ អ្នកនាំពាក្យសេតវិមានរូបនេះ បានសង្កត់ធ្ងន់ទៀតថា យើងមិនទទួលស្គាល់ទង្វើរបស់រុស្ស៊ី ដែលបានព្យាយាមរួមបញ្ចូលតំបន់ឧបទ្វីបគ្រីមៀ ទៅក្នុងឧបសម្ព័ន្ធ ប្រទេសរបស់ខ្លួននោះឡើយ ហើយទណ្ឌកម្មពាក់ព័ន្ធនឹងតំបន់នេះ ដែលអាម៉េរិក បានដាក់ទៅលើរុស្ស៊ីនឹងនៅរក្សាទុកដូចដើមដដែល លុះត្រាណាតែរុស្ស៊ីយល់ព្រមប្រគល់ឧបទ្វីបនេះ ទៅឲ្យប្រទេសអ៊ុយក្រែនវិញ ៕

សហរដ្ឋអាមេរិក៖ ថ្លែងនៅក្នុងសន្និសីទសារព័ត៌មានខ្លីមួយ អ្នកនាំពាក្យសេតវិមានលោកស្រី សារ៉ា សេនដឺ បានលើកឡើងថា រដ្ឋមន្ត្រីការបរទេសអាមេរិកលោក ម៉ៃ ប៉ុមប៉េអូ នឹងធ្វើដំណើរទស្សនកិច្ចទៅកាន់រដ្ឋធានីព្យុងយ៉ាង នៅក្នុងថ្ងៃ ព្រហស្បតិ៍តសប្ដាហ៍នេះ ក្នុងគោលបំណងជួបពិភាក្សាជាមួយមេដឹកនាំកូរ៉េខាងជើងលោក គីម ជុងអ៊ុន ដើម្បីបន្តកិច្ចចរចាស្ដីពីការរំសាយអាវុធនុយក្លេអ៊ែរ និងការរៀបចំជំនួបរវាង លោក ត្រាំ និងលោក គីម លើកទីពីរ ។ អ្នកនាំពាក្យសេតវិមានរូបនេះ បានគួសបញ្ជាក់ថា ដើម្បីបន្តកិច្ចដំណើរការ ក៏ដូចជា ការបំពេញការងារសំខាន់ក្នុងការលុបបំបាត់អាវុធនុយក្លេអ៊ែរនៅលើឧបទ្វីបកូរ៉េនោះ លោក ម៉ៃ ប៉ុមប៉េអូ គ្រោងនឹងចាកចេញទៅកាន់ប្រទេសកូរ៉េខាងជើងនៅថ្ងៃទី៥ ខែកក្កដាខាងមុខនេះ ដើម្បីជួបពិភាក្សាជាមួយលោក គីម ជុងអ៊ុន និងក្រុមមន្រ្តីជាន់ ខ្ពស់របស់លោកផងដែរ ។ ហើយបើតាមការលើកឡើងរបស់ក្រសួងបរទេសអាមេរិកនោះ លោក ម៉ៃ ប៉ុមប៉េអូ ក៏ត្រូវបានគេអះអាងដែរថា នឹងត្រូវបន្តដំណើរទៅបំពេញទស្សនៈកិច្ចនៅក្នុង ប្រទេសប្រជាជាតិអាស៊ីអាគ្នេយ៍ចាប់ពីថ្ងៃទី៥ ដល់ទី៧ ខែកក្កដា ហើយជាផ្នែកមួយ នៃដំណើរទស្សនៈកិច្ចនោះដែរ ប្រមុខការទូតអាមេរិករូបនេះ ក៏នឹងបន្តដំណើរទៅ កាន់ទីក្រុងតូក្យូ…

ថៃ៖ ក្រុមជំនាញថៃ និងអន្តរជាតិ ដែលបាននឹងកំពុងបំពេញបេសកម្មនៅក្នុងតំបន់ រូងភ្នំថាំលួង ស្រុកម៉ែសៃ ខេត្តឈៀងរ៉ាយ ភាគខាងជើងប្រទេស បាននិយាយថា ដំណើរការជម្លៀសខ្លួនក្មេងៗទំាង១២នាក់ និងគ្រួបង្វឹកបាល់ទាត់ពួកគេម្នាក់នោះ ចេញពីរូងភ្នំនេះ ទំនងជាត្រូវប្រើប្រាស់វេលាជាច្រើនថ្ងៃ ឬអាចឈានចូលដល់រាប់ សប្តាហ៍ផងដែរ ។ ប្រព័ន្ធផ្សព្វផ្សាយរដ្ឋថៃបានរាយការណ៍ថា ក្មេងៗទាំង១២នាក់នោះ មានអាយុ ចន្លោះពី១១ឆ្នាំទៅ១៦ឆ្នាំ និងគ្រូបង្វឹកពួកគេម្នាក់ទៀតមានអាយុ២៥ឆ្នាំបានរង អការៈហេវហត់អស់កម្លាំង ដោយសារតែបានជាប់ខ្លួនក្នុងរូងភ្នំ គ្មានចំណីអាហារ និងរស់នៅក្នុងបរិស្ថានមិនល្អអស់រយៈកាល៩ថ្ងៃ ហើយទោះបីជាក្រុមសង្គ្រោះបានរកឃើញពួកគេក៏ដោយ ក៏ក្រុមសង្គ្រោះត្រូវធ្វើការបំប៉នសុខភាពពួកគេសិន និង ហ្វឹកហាត់ពួកគេឲ្យចេះពីវិធីមុជទឹក (ពាក់អាវអុកស៊ីសែន និងបរិក្ខាមុជទឹកនានា) ទើបអាចយកចេញពីរូងភ្នំថាំលួង នោះបានជោគជ័យ ដែលគេប៉ាន់ស្មានថា យ៉ាង ហោចណាស់ក៏ត្រូវប្រើពេលឈានចូលដល់រាប់សប្តាហ៍ផងដែរ ។ បើតាមប្រភពដដែលនេះ ក្មេងៗទាំង១២នាក់ និងគ្រូបង្វឹកបាល់ទាត់ពួកគេម្នាក់ ទៀតត្រូវបានក្រុមសង្គ្រោះជនជាតិអង់គ្លេសរកឃើញ កាលពីវេលាម៉ោងប្រមាណ ១០និង២៥នាទីយប់ថ្ងៃ អង្គារ៍ ម្សិលមិញនេះ ដោយពួកគេនៅមានជីវិតទាំងអស់ ប៉ុន្តែស្ថិតនៅក្នុងស្ថានភាពហេវហត់បំផុតស្ទើរតែបើកភ្នែកមិនរួចឡើយ ។ ក្រុម សង្គ្រោះថៃ ក្រុមគ្រួសារជនរងគ្រោះ និងមន្ត្រីរដ្ឋាភិបាល ព្រមទាំងប្រជាជនថៃទាំង អស់ ដែលស្ថិតនៅតំបន់រូងភ្នំបានចែកចាយព័ត៌មានដ៏រីករាយនេះ…

ថៃ៖ នៅទីបំផុតមនុស្សទាំង១៣នាក់ ដែលជាប់ក្នុងរូងភ្នំថាំលួង ត្រូវបានបង្ហាញតាមបណ្តាញសង្គម និងប្រព័ន្ធផ្សព្វផ្សាយ ដែលបានពីក្រុមអ្នកជួយសង្រ្គោះ ប្រទះឃើញដំបូងគេ ។ សារព័ត៌មានផ្លូវការរបស់រដ្ឋថៃបានចេញផ្សាយ ដោយក្នុងនោះ ក្មេងៗទាំង១២នាក់ និងគ្រូបង្វឹកបាល់ទាត់ម្នាក់ ត្រូវបានក្រុមសង្គ្រោះរកឃើញហើយ នៅម៉ោងប្រមាណ១០៖២៥នាទីយប់ ដោយពួកគេ នៅមានជីវិតទាំងអស់ ប៉ុន្តែស្ថិតនៅក្នុងស្ថានភាព ហេវហត់បំផុត ស្ទើរតែបើកភ្នែកមិនរួចទៅឡើយ។ ពេលនេះក្រុមសង្គ្រោះកំពុងតែស្វែងរកកន្លែងមួយ ដែលមានសុវត្ថិភាព ពីទឹកជំនន់ ក្នុងរូងភ្នំ ដើម្បីរៀបចំជាកន្លែងស្នាក់បណ្តោះអាសន្នរបស់ជនរងគ្រោះ ទាំង១៣នាក់។ ទោះបីជាបែបនេះក្តី ដំណាក់កាលសំខាន់បន្ទាប់ គឺការយកពួកគេចាកចេញពីរូងភ្នំមកវិញ ព្រោះតែស្ថានភាពក្នុងនោះមានភាពលំបាកខ្លាំង ដោយសារ ចម្ងាយដ៏ឆ្ងាយ ហើយចំណុចខ្លះ គឺក្រុមជំនាញសង្គ្រោះបានអះអាងថា ពួកគេត្រូវមុជ កាត់ភក់ថែមទៀតផង ទើបអាចត្បុលទៅដល់កន្លែងដែល អ្នកទាំង ១៣នាក់ ជាប់ខ្លួន ដែលមានរយៈពេល០៩ថ្ងៃមកហើយនេះ ៕