កូរ៉េខាងត្បូង៖ រដ្ឋាភិបាលក្រុងសេអ៊ូល និងព្យុងយ៉ាងបានឯកភាពគ្នា ដើម្បីចូលរួម ធ្វើការសិក្សារួមគ្នាមួយទៅលើការតភ្ជាប់បណ្តាញ និងការធ្វើទំនើបកម្មលើផ្លូវអាយ ស្ម័យយាននៅព្រំដែនអន្តរ-កូរ៉េ ។ កិច្ចព្រមព្រៀងគ្នារវាងបងប្អូនកូរ៉េទំាងពីរខាងលើនេះ បានកើតឡើង បន្ទាប់ពីមាន ជំនួបពិភាក្សារវាងគណៈប្រតិភូមកពីភាគីទំាងពីរ ដែលបានជួបពិភាក្សាការងារលើ វិស័យអាស្ម័យយាននៅឯព្រំដែនភូមិ ផាន់មុនជុម នៅក្នុងថ្ងៃ អង្គារ៍ ម្សិលមិញនេះ ។ អនុវត្តន៍តាមកិច្ចព្រមព្រៀងនេះ មន្រ្តីកូរ៉េខាងត្បូង និងកូរ៉េខាងជើងបានយល់ស្រប គ្នាបង្កើតក្រុមសិក្សារួមគ្នាមួយ ដើម្បីធ្វើការតភ្ជាប់ និងធ្វើទំនើបកម្មផ្លូវដែកឆ្លងកាត់ ព្រំដែន ដើម្បីអនុញ្ញាតឱ្យក្រុមការងាររួមគ្នាបើកការស៊ើបអង្កេតនៅនឹងកន្លែង នាថ្ងៃ ទី២៤ ខែកក្កដាខាងមុខនេះ ទៅលើផ្លូវដែកតាមបណ្តោយច្រករបៀងខាងលិច ។ សូមជម្រាបបន្ថែមថា ជំនួបរវាងប្រទេសកូរ៉េខាងទាំងពីរបានកើតមានឡើងជាបន្ត បន្ទាប់ ក្រោយមានជំនួបកំពូលជាប្រវត្តិសាស្រ្តរវាងមេដឹកនាំកូរ៉េខាងជើងលោក គីម ជុងអ៊ុន និង ប្រធានាធិបតីអាមេរិកលោក ដូណាល់ ត្រាំ នៅប្រទេសសង្ហិបុរី ក៏ដូចជា ជំនួបដំបូងរវាងប្រធានាធិបតីកូរ៉េខាងត្បូងលោក មូន ជែអ៊ីន និងលោក គីម ជុងអ៊ុន ចាប់តាំងពីថ្ងៃទី២៧ ខែមេសាកន្លងទៅនេះមក ៕…

សហរដ្ឋអាមេរិក៖ ទីប្រឹក្សាសន្ដិសុខជាតិអាមេរិក លោក ចន បូលតុន ត្រូវបានគេ រំពឹងថា នឹងធ្វើដំណើរទៅកាន់ទីក្រុងម៉ូស្គូ ប្រទេសរ៉ុស្ស៊ី នៅក្នុងថ្ងៃ ពុធ សប្តាហ៍នេះ ក្នុងគោលបំនងជួបពិភាក្សាជាមួយប្រធានាធិបតីរុស្ស៊ីលោក វ្ល៉ាឌីមៀ ពូទីន និងរដ្ឋ មន្ត្រីការបរទេសរុស្ស៊ីលោក ស៊ឺហ្គៃ ឡាវរ៉ូវ ដើម្បីពិភាក្សាគ្នាស្តីអំពីលទ្ធភាពនៃការរៀបចំកិច្ចប្រជុំកំពូលរវាងលោក  ត្រាំ និងលោក ពូទីន ។ បើសិនជាដំណើរបំពេញទស្សនៈកចិ្ចរបស់ទីប្រឹក្សាសន្ដិសុខជាតិអាមេរិក លោក ចន បូលតុន មកកាន់ទីក្រុងម៉ូស្គូក្នុងសប្តាហ៍នេះ ដើម្បីជួបពិភាក្សាជាមួយមេដឹកនំាំរុស្ស៊ី ទទួលជោគជ័យនោះ ដូច្នេះទីតំាងនៃជំនួបកំពូលរវាងប្រធានាធិបតីអាមេរិក លោក ដូណាល់ ត្រាំ និងសមភាគីរុស្ស៊ីលោក វ៉្លាឌីមៀ ពូទីន ទំនងជានឹងប្រារព្វឡើងនៅ ក្នុងរដ្ឋធានី ហ៊ែលស៊ីងគី ប្រទេសហ្វំាងឡង់ ។ បើតាមការគ្រោងទុកនោះ លោក ចន បូលតុន ដែលវិមានក្រឹមឡាំងមើលឃើញថា ជាអ្នកមាននយោបាយតឹងរ៉ឹងចំពោះរុស្ស៊ីរូបនេះ នឹងធ្វើសន្និសីទសារព័ត៌មានមួយ នៅក្រោយជំនួបពិភាក្សារបស់លោកជាមួយមេដឹកនាំរុស្ស៊ី ។ ហើយលោកក៏ត្រូវបានគេជឿជាក់ផងដែរថា នឹងប្រកាសពីពេលវេលា…

ជប៉ុន៖ ប្រធានខុទ្ទកាល័យជប៉ុនលោក យ៉ូស៊ីហ៊ីដេ ស៊ូហ្គា បានលើកឡើងថា ប្រទេសខ្លួន បាននឹងកំពុងបន្តធ្វើកិច្ចពិភាក្សាជាមួយសហរដ្ឋអាមេរិក ជុំវិញការទាមទារអោយ ជប៉ុនបញ្ឈប់ការនំាចូលប្រេងពីប្រទេសអ៊ីរ៉ង់ ។ ថ្លែងក្នុងសន្និសិទសារព័ត៌មានមួយនៅក្នុងថ្ងៃ ពុធ សប្តាហ៍នេះ លោក ស៊ូហ្គា បាន គួសបញ្ជាក់ថា រដ្ឋាភិបាលក្រុងតូក្យូកំពុងធ្វើការគិតពិចារណាយ៉ាងល្អិតល្អន់បំផុត អំពីការទាមទាររបស់រដ្ឋាភិបាលក្រុងវ៉ាស៊ីនតោន ដែលចង់អោយជប៉ុនបញ្ឈប់ការ នំាចូលពីអ៊ីរ៉ង់ ថាតើចំណាត់ការនេះ អាចនឹងជះឥទ្ធិពលអវិជ្ជមានដល់សេដ្ឋកិច្ច ជប៉ុនដែរ ឬយ៉ាងណា ។  ជាមួយគ្នានេះ លោក ស៊ូហ្គា បានសង្កត់ធ្ងន់ថា ជប៉ុននឹង បន្តធ្វើជជែកបន្ថែមទៀតពាក់ព័ន្ធនឹងបញ្ហាមួយនេះ ជាមួយខាងភាគីសហរដ្ឋអាមេ រិក និងប្រជាជាតិដទៃទៀតដែលមានការព្រួយបារម្ភដូចគ្នា ដើម្បីជៀសវាងការប៉ះ ពាល់ណាមួយដល់ផ្នែកជំនួញរបស់ជប៉ុន ។ សូមបញ្ជាក់ផងដែរថា រដ្ឋបាលប្រធានាធិបតីអាមេរិកលោក ដូណាល់ ត្រាំ បាន ប្រកាសនៅក្នុងថ្ងៃ អង្គារ៍ សប្តាហ៍នេះថា សហរដ្ឋអាមេរិកចង់អោយជប៉ុន និងបណ្តា ប្រទេសសម្ព័ន្ធមិត្តរបស់ខ្លួនដទៃទៀត បញ្ឈប់ការនំាចួលប្រេងទំាងស្រុងពីប្រទេស អ៊ីរ៉ង់នៅត្រឹមថ្ងៃទី៤ ខែវិច្ឆិកាខាងមុខនេះ ៕…

្វីស៖ មន្ត្រីទូតជាន់ខ្ពស់កូរ៉េខាងជើងប្រចាំទីក្រុងហ្សឺណែវ ប្រទេសស្វីស លោក ជូ យ៉ុងចុល បានបញ្ជាក់នៅក្នុងសន្និសីទគាំទ្រការរំសាយអាវុធរបស់អង្គការសហ ប្រជាជាតិថា ជប៉ុនមិនគួរលូកដៃចូលក្នុងកិច្ចការលុបបំបាត់អាវុធនុយក្លេអ៊ែរនៅលើ ឧបទ្វីបកូរ៉េឡើយ ពីព្រោះជប៉ុនមិនមែនជាហត្ថលេខីនៃសេចក្ដីថ្លែងការណ៍រួម ផាន់ មុនជុម រវាងកូរ៉េទាំងពីរ ឬក៏កិច្ចព្រមព្រៀងជាមួយសហរដ្ឋអាមេរិកនោះទេ ។ លោក ជូ យ៉ុងចុល បានលើកឡើងយ៉ាងដូច្នេះ ដើម្បីជាការឆ្លើយតបទៅនឹងមន្ត្រីទូតជប៉ុនប្រចាំទីក្រុងហ្សឺណែវ ប្រទេសស្វីស ដែលបានជម្រុញអោយកូរ៉េខាងជើងអនុ វត្តន៍យ៉ាងពេញលេញ តាមកិច្ចព្រមព្រៀងជាមួយសហរដ្ឋអាមេរិក ក្នុងនោះរួមមាន ទាំងការសន្យារំសាយអាវុធនុយក្លេអ៊ែរនៅលើឧបទ្វីបកូរ៉េ ។ មន្ត្រីទូតជប៉ុនប្រចាំទីក្រុងហ្សឺណែវរូបនេះ បានលើកឡើងទៀតថា ជប៉ុននឹងធ្វើកិច្ចសហប្រតិបត្តិការយ៉ាងជិតស្និទ្ធជាមួយកូរ៉េខាងត្បូង និងសហរដ្ឋអាមេរិក ពាក់ព័ន្ធ នឹងការរំសោយអាវុធនុយក្លេអ៊ែរកូរ៉េខាងជើង ដោយជប៉ុនផ្ទាល់ធ្លាប់អះអាងថា ក៏ នឹងជួយចេញថ្លៃខ្លះ លើការធ្វើអធិការកិច្ចរបស់ទីភ្នាក់ងារអន្តរជាតិថាមពលអាតូមិច ផងដែរ ៕  

ថៃ៖ អ្នកមុជទឹកអ្នកសង្គ្រោះមួយក្រុមមកពីអង្គភាពកងទ័ពជើងទឹកថៃ បានចេញ ប្រតិបត្តិការស្វែងរកនៅក្នុងរូងភ្នំដែលលិចទឹកមួយកន្លែង នៅឯស្រុក មែ សៃ ខេត្ត ឈៀង រ៉ៃ ដើម្បីតាមរកអ្នកលេងបាត់ទាត់ជាសិស្សចំនួន១២នាក់ និងគ្រូបង្វឹករបស់ពួកគេ ដែលបានបាត់ខ្លួនចាប់តាំងពីរសៀលថ្ងៃ សៅរ៍ សប្តាហ៍មុនមក ។ ប្រធានក្រុមអ្នកស្វែងរកនេះលោក អាណាន់ ស៊ូរ៉ាវ៉ាន់ បានបញ្ជាក់ថា មានផ្លូវទឹកតូចមួយនៅក្នុងរូងភ្នំនោះ និងមានរបាំងជាកូនឈើ និងថ្មជាច្រើន ។ ក្រុមអ្នកសង្គ្រោះពិសេស១៧នាក់ បានចូលទៅខាងក្នុងរូងភ្នំនៅតំបន់ព្រៃអភិរក្សនេះ ចាប់តំា ងពីព្រឹកថ្ងៃច័ន្ទម្សិលមិញនេះ ប៉ុន្តែវាមានការលំបាកសម្រាប់ក្រុមអ្នកស្វែងរក ដោយ សារតែមានទឹកជំនន់ដែលអាចបង្កគ្រោះថ្នាក់ ។ ពួកអ្នកលេងបាល់១២នាក់នេះ មានអាយុពី១៣ទៅ១៦ឆ្នាំ ហើយក្រុមមន្ត្រីជឿថា គ្រូបង្វឹកអាយុ២៥ឆ្នាំរបស់ពួកគេ បានបាត់ការទាក់ទងគ្នា ដោយសារទឹកជំនន់ជន់ឡើងភ្លាមៗនៅរូងភ្នំនោះ ដែលនៅចម្ងាយប្រហែល៣គីឡូម៉ែត្រពីច្រកធំរបស់ភ្នំនេះ ។ សូមរំលឹកថា ក្រុមមន្ត្រីសន្តិសុខឧទ្យានជាតិ កាលពីថ្ងៃសៅរ៍សប្តាហ៍មុននេះ បានរកឃើញម៉ូតូមួយ និងកង់ចំនួន១១ រួមទំាងសម្ភារកីឡាមួយចំនួនទៀតដែលទុកនៅខាងមុខច្រកចូលក្នុងរូងភ្នំនោះ ។ ក្រុមអ្នកលេងបាល់នេះ ជាធម្មតាហាត់បាល់នៅទីវាលរាល់ចុងសប្តាហ៍ ប៉ុន្តែកាលពីថ្ងៃកើតហេតុ បន្ទាប់ពីហ្វឹកហាត់មកនោះ គេឃើញគ្រូបង្វឹក និងក្រុមអ្នកលេងបាល់នេះចូលទៅក្នុងរូងភ្នំនោះ…

អឺរ៉ុប៖ សហភាពអឺរ៉ុប និងកាណាដា សម្រេចដាក់ទណ្ឌកម្មលើមន្ត្រីយោធាជាន់ខ្ពស់ មីយ៉ាន់ម៉ា៧រូប ដោយចោទប្រកាន់ថា អ្នកទាំងនេះមានជាប់ទាក់ទិននឹងការរំលោភ សិទ្ធិមនុស្សជាប្រព័ន្ធ ដើម្បីប្រឆាំងនឹងជនជាតិដើមភាគតិចរ៉ូហ៊ីងយ៉ា។ ហើយក្រៅពីសហភាពអឺរ៉ុប និងកាណាដា ដោយឡែកសហរដ្ឋអាមេរិកកាលពីខែធ្នូ ឆ្នាំ២០១៧ក៏បានប្រកាសដាក់ទណ្ឌកម្មលើក្រុមមន្ត្រីយោធាមីយ៉ាន់ម៉ាផងដែរ សំដៅ ឆ្លើយតបនឹងការប្រើកម្លាំងហួសហេតុបង្រ្កាបជនជាតិដើមភាគតិចរ៉ូហ៊ីងយ៉ា នៅក្នុង រដ្ឋរ៉ាក់ឃីន ដែលត្រូវបានអង្គការសហប្រជាជាតិហៅថា ជាការបោសសំអាតពូជ សាសន៍ ។ ប៉ុន្តែការចោទប្រកាន់នេះដែរ ត្រូវបានរដ្ឋាភិបាលមីយ៉ាន់ម៉ាបានប្រកាស ច្រានចោល ។គួរបញ្ជាក់ថា មន្ត្រីមីយ៉ាន់ម៉ាទាំង៧រូបខាងលើនេះ នឹងត្រូវប្រឈមមុខជាមួយការ បង្កកទ្រព្យសម្បត្តិ ព្រមទំាងជាប់បម្រាមក្នុងការធ្វើដំណើរទៅកាន់សហភាពអឺរ៉ុប ក្រោយសហភាពអឺរ៉ុបបានបន្តពន្យាការហាមឃាត់ការផ្ដល់អាវុធ និងរាល់ការបណ្ដុះ បណ្ដាល ឬក៏ការធ្វើកិច្ចសហប្រតិបត្តិការណាមួយជាមួយយោធាមីយ៉ាន់ម៉ា ៕

វៀតណាម៖ គណៈកម្មាធិការកណ្តាលទទួលបន្ទុកគ្រប់គ្រង និងទប់ស្កាត់គ្រោះ មហន្តរាយវៀតណាមបានរាយការណ៍នៅក្នុងថ្ងៃ អង្គារ៍ នេះថា ចំនួនមនុស្សស្លាប់ កើនឡើងដល់១៥នាក់ និងកំពុងបន្តបាត់ខ្លួន១១នាក់ ក្រោយគ្រោះទឹកជំនន់ និង គ្រោះរអិលបាក់ដីបង្កឡើងដោយការធ្លាក់ភ្លៀងធំ កាលពីអំឡុងចុងសប្តាហ៍មុន នៅ តាមបណ្តាខេត្តខ្ពង់រាបភាគខាងជើងប្រទេស ។ បើតាមប្រព័ន្ធផ្សព្វផ្សាយក្នុងតំបន់ គ្រោះមហន្តរាយធម្មជាតិដ៏អាក្រក់នេះដែរ ក៏បាន ធ្វើឲ្យមនុស្ស៧នាក់ផ្សេងទៀតទទួលរងរបួសនៅខេត្ត ឡៃ ឆូ ហើយថែមទំាងបាន បំផ្លាញលំនៅដ្ឋាន៨៣ខ្នង និងធ្វើឲ្យខូចខាត១.៤៧០ខ្នង ខណៈដីស្រែ និងចម្ការ ផ្សេងទៀតសរុបជាង១.២០០ហិកតាក៏ត្រូវរងការបំផ្លិចបំផ្លាញធ្ងន់ធ្ងរផងដែរ ។ដោយ ឡែកសត្វគោ-ក្របី៩៧ក្បាល និងបក្សីចិញ្ចឹម៥.៤០០ក្បាលបានងាប់ បន្ថែមលើនេះ ស្ពានមួយចំនួនត្រូវកាត់ផ្តាច់ និងបង្កការកកស្ទះចរាចរណ៍ធ្ងន់ធ្ងរនៅលើផ្លូវជាតិ និង ផ្លូវថ្នល់ធំៗជាច្រើនទៀត ។ សូមជម្រាបថា ចាប់តាំងពីចុងសប្តាហ៍កន្លងទៅ គ្រោះទឹកជំនន់ និងរអិលបាក់ដីនៅ ខេត្តទាំង៧ស្ថិតនៅភាគខាងជើងប្រទេសវៀតណាម បានបង្កអោយខាតបង់ទ្រព្យ សម្បតិ្តសាធារណៈគិតជាទឹកប្រាក់ប្រមាណ១៤១ពាន់លានដុង ដែលស្មើនឹង ៦.២ លានដុល្លារអាមេរិក ៕

សហរដ្ឋអាមេរិក៖ អភិបាលរដ្ឋកាលីហ្វរញ៉ា លោក ជែរី ប្រោន បានសម្រេចប្រកាស ដាក់រដ្ឋក្រោមស្ថានភាពអាសន្ន ដើម្បីដោះស្រាយគ្រោះមហន្តរាយ ដោយសារតែ ហេតុការណ៍ភ្លើងឆេះព្រៃដ៏កំណាចមួយនៅតំបន់ ឡេក ខោនធី មានចម្ងាយ ប្រមាណ១៩០គីឡូម៉ែត្រក្រឡាភាគពាយ័ព្យតំបន់ សាក្រាមិនតូ ។ប្រព័ន្ធផ្សព្វផ្សាយក្នុងតំបន់បានរាយការណ៍ថា ភ្លើងឆេះព្រៃដ៏សន្ធោរសន្ធៅនេះ បាន បំផ្លិចបំផ្លាញអគារចំនួន២២ខ្នង និងបង្កការគំរាមកំហែងដល់ផ្ទះ៦០០ខ្នងថែមទៀត ខណៈប្រជាជនអាមេរិករស់នៅក្នុងតំបន់ប្រហែល៣.០០០នាក់ ត្រូវបានជម្លៀសខ្លួនចេញទៅកាន់ទីកន្លែងសុវត្ថិភាព ។ ជាងនេះទៅទៀតនោះ វាក៏បានបង្កឲ្យមានការដាច់ចរន្តអគ្គិសនី និងបង្ខំអោយមានការបិទផ្លូវធ្វើដំណើរ ព្រមទាំងបន្តគំរាមកំហែងដល់ប្រព័ន្ធហេដ្ឋរចនាសម្ព័ន្ធថែមទៀតផង ។គ្រោះអគ្គីភ័យដ៏កំណាចនេះដែរ ត្រូវបានគេហៅឈ្មោះថា ផរនី ដោយវាបានឆាប ឆេះឡើងកាលពីថ្ងៃ សៅរ៍ កន្លងទៅ និងបានឆេះបំផ្លិចបំផ្លាញផ្ទៃដីប្រមាណ៣២គីឡូ ម៉ែត្រក្រឡា ដោយពុំមានការទប់ស្កាត់បានឡើយសូម្បីតែបន្តិច បើទោះបីទីភ្នាក់ងារពន្លត់អគ្គិភ័យយ៉ាងហោចណាស់២៣០នាក់ កំពុងបន្តប្រឹងប្រែងពន្លត់ភ្លើងឆេះព្រៃដ៏អាក្រក់នេះ ៕    

ជប៉ុន៖ រដ្ឋមន្រ្តីការបរទេសជប៉ុនលោក តារ៉ូ កូណូ បានលើកឡើងថា ប្រទេសខ្លួន បានប្រុងប្រៀបរួចជាស្រេចហើយ ក្នុងការបញ្ជូនក្រុមអ្នកជំនាញទៅធ្វើអធិការកិច្ច ទីតំាងរំសាយអាវុធនុយក្លេអ៊ែររបស់កូរ៉េខាងជើង ។ ថ្លែងប្រាប់អ្នកយកព័ត៌មាននៅក្នុងថ្ងៃច័ន្ទដើមសប្តាហ៍នេះ នាអំឡុងបំពេញទស្សនៈ កិច្ចនៅប្រទេសឥណ្ឌូនេស៊ី លោក តារ៉ូ កូណូ បានគូសបញ្ជាក់ថា ការលុបបំបាត់ អាវុធនុយក្លេអ៊ែរចេញពីតំបន់ឧបទ្វីបកូរ៉េ នឹងជួយធ្វើអោយស្ថានភាពវិបត្តិសម្រាប់ បណ្តាប្រទេសមួយចំនួនមានភាពធូរស្រាល ហើយថា  វាគឺជារឿងធម្មជាតិសម្រាប់ បណ្តាប្រទេសដែលនឹងទទួលបានអត្ថប្រយោជន៍ ពីការដកហូតអាវុធនុយក្លេអ៊ែរ ដើម្បីរួមចំណែកតាមមធ្យោបាយផ្សេងៗ ។ ប្រមុខការទូតជប៉ុនរូបនេះ ថែមទំាងបាន កត់សម្គាល់ទៀតថា ដំណើរការរំសាយអាវុធនុយក្លេអ៊ែរ នឹងត្រូវការអ្នកជំនាញមួយ ចំនួន ហើយថា ប្រទេសជប៉ុនមានចំណេះដឹងឯកទេសពាក់ព័ន្ធនឹងបញ្ហាមួយនេះ ។គួរបញ្ជាក់ថា ចាប់តាំងពីកិច្ចប្រជុំកំពូលជាប្រវត្តិសាស្រ្តរវាងសហរដ្ឋអាមេរិក និង កូរ៉េខាងជើងនៅប្រទេសសិង្ហបុរី រដ្ឋាភិបាលក្រុងតូក្យូបានទទូចអោយតំបន់ធ្វើតេស្ត មីស៊ីល-នុយក្លេអ៊ែរនានារបស់កូរ៉េខាងជើង ត្រូវបានត្រួតពិនិត្យដោយភ្នាក់ងារថាម ពលអាតូមិចអន្តរជាតិ ដើម្បីពន្លឿនការលុបបំបាត់អាវុធនុយក្លេអ៊ែររបស់រដ្ឋកុម្មុយ នីស្តមួយនេះ ៕  

កូរ៉េខាងត្បូង៖ រដ្ឋាភិបាលក្រុងសេអ៊ូល និងព្យុងយ៉ាងបានព្រមព្រៀងគ្នានៅក្នុងថ្ងៃ ច័ន្ទដើមសប្តាហ៍នេះថា នឹងធ្វើការស្តារបណ្តាញទំនាក់ទំនងយោធាអន្តរកូរ៉េឡើង វិញនាពេលឆាប់ៗតាមដែលអាចធ្វើទៅបាន ដែលក្នុងនោះរួមមានទំាងតំបន់ភាគ ខាងលិច និងភាគខាងកើត ។យោងតាមប្រភពរបស់ក្រសួងការពារជាតិកូរ៉េខាងជើង បានបញ្ជាក់ថា ការព្រម ព្រៀងគ្នារវាងប្រទេសបងប្អូនកូរ៉េទំាងពីរ បានកើតឡើងបន្ទាប់ពីក្រុមគណៈប្រតិភូ របស់កូរ៉េខាងត្បូង និងកូរ៉េខាងជើង ដែលដឹកនំាដោយមន្រ្តីយោធាជាន់ខ្ពស់ បាន រៀបចំកិច្ចពិភាក្សាកម្រិតការងារមួយនៅខាងភាគីកូរ៉េខាងត្បូង នៃការិយាយល័យ ឆ្លងកាត់អន្តរកូរ៉េ ដែលស្ថិតនៅតំបន់ភាគខាងលិច ។បើតាមប្រភពដដែលនេះ ក្នុងអំឡុងកិច្ចប្រជុំនោះ ភាគីទំាងសងខាងបានធ្វើការ ផ្លាស់ប្តូរទស្សនៈគ្នាទៅវិញទៅមក ពាក់ព័ន្ធនឹងកិច្ចការបន្ទាន់ដែលត្រូវតែធ្វើចំាបាច់ ដើម្បីខិតខំប្រឹងប្រែងតភ្ជាប់ខ្សែបណ្តាញទំនាក់ទំនងរវាងប្រទេសទំាងពីរឡើងវិញ ដោយអនុវត្តន៍តាមកិច្ចព្រមព្រៀងកិច្ចការយោធា ដែលស្ថិតក្រោមសេចក្តីប្រកាស នៃជំនួប ផាន់មុនជុម ដែលត្រូវបានចុះហត្ថលេខាដោយមេដឹកនំាកូរ៉េខាងជើង លោក គីម ជុងអ៊ុន និងប្រធានាធិបតីកូរ៉េខាងត្បូងលោក មូន ជែអ៊ីន ក្រោយជំនួប កំពូលលើកដំបូងនៅថ្ងៃទី២៧ ខែមេសាកន្លងមកនេះ នៅឯភូមិជាប់ព្រំដែន ផាន់មុន ជុម ៕