ទួរគី៖ លោក រីសេប តាយយីប អឺដូហ្កាន់ បានប្រកាសអំពីជ័យជំនះយ៉ាងភ្លូកទឹកភ្លូក ដីរបស់លោក ក្នុងការបោះឆ្នោតជ្រើសរើសប្រធានាធិបតីទួរគី ក្រោយប្រជាជនបាន នំាគ្នាទៅចូលរួមបោះឆ្នោតនៅក្នុងថ្ងៃ អាទិត្យ សប្តាហ៍មុននេះ ។បើតាមប្រព័ន្ធផ្សព្វផ្សាយរដ្ឋទួរគី ប្រជាជនទួរគីប្រមាណ៥៦.៣លាននាក់មានសិទ្ធិ ចូលរួមក្នុងការបោះឆ្នោតប្រធានាធិបតី និងការបោះឆ្នោតសភា ដោយក្នុងនោះរាប់ បញ្ចូលទាំងពលរដ្ឋទួរគីប្រហែល៣លាននាក់ ដែលកំពុងរស់នៅឯក្រៅប្រទេស ។ហើយសម្រាប់បេក្ខភាពឈរឈ្មោះប្រកួតប្រជែងយកតំណែងប្រធានាធិបតីទួរគីថ្មី នេះ គឺមានចំនួន៦រូប ប៉ុន្តែប្រសិនបើពុំមានបេក្ខភាពណាមួយទទួលបានសំឡេង គាំទ្រលើសពី៥០ភាគរយនៅជុំទីមួយនាថ្ងៃអាទិត្យនេះទេនោះ ការបោះឆ្នោតជុំទីពីរ នឹងត្រូវធ្វើឡើងបន្ទាប់ទៀតនៅថ្ងៃទី៨ ខែកក្កដាខាងមុខ ។សូមជម្រាបថា នៅក្រោយការបោះឆ្នោតនេះ ការផ្លាស់ប្តូរថ្មីមួយចំនួនត្រូវបាន សម្រេចឡើង ដោយការធ្វើប្រជាមតិកាលពីឆ្នាំ២០១៧នឹងចូលជាធរមាន ដែលក្នុង នោះមានទាំងការបន្ថែមអំណាចទៅអោយប្រធានាធិបតីផងដែរ ៕  

សហរដ្ឋអាមេរិក៖ ប្រធានាធិបតីអាមេរិកលោក ដូណាល់ ត្រាំ បានចេញបញ្ជាដោយ ផ្ទាល់អោយអាជ្ញាធរបញ្ជូនជនអន្តោប្រវេសន៍ ដែលបានចូលមកប្រទេសខ្លួនដោយ ខុសច្បាប់ចេញពីទឹកដីមហាអំណាចនេះជាបន្ទាន់ ដោយមិនចាំបាច់ត្រូវដោះស្រាយតាមផ្លូវច្បាប់ ឬប្រព័ន្ធតុលាការអ្វីឡើយ ហើយថា រូបលោកនៅតែគាំទ្រនយោបាយអន្តោប្រវេសន៍កន្លងមក ។ សូមរំលឹកថា រដ្ឋបាលលោក ដូណាល់ ត្រាំ បានប្រកាសកាលពីថ្ងៃ សៅរ៍ សប្តាហ៍ មុននេះ អំពីផែនការមួយក្នុងការអនុញ្ញាតអោយក្មេងៗអន្តោប្រវេសន៍អាចជួបជុំជាមួយឪពុកម្តាយរបស់ពួកគេវិញ នៅក្នុងមណ្ឌលឃុំឃាំងក្នុងរដ្ឋតិចសាស់ ដែលជាប់ ព្រំដែនជាមួយប្រទេសម៉ិចស៊ីកូ ។ ក៏ប៉ុន្តែបន្ទាប់មកទៀតក្រសួងសន្តិសុខមាតុភូមិអាមេរិក បានតបទៅប្រធានាធិបតី អាមេរិកលោក ដូណាល់ ត្រាំ វិញថា វាមិនអាចកើតឡើងទៅរួចនោះឡើយ លុះត្រា ណាតែឪពុកម្តាយដែលជាប់ឃុំខ្លួននោះ ត្រូវបញ្ចូនចេញពីសហរដ្ឋអាមេរិករួចរាល់ជាមុនសិន ៕

សហរដ្ឋអាមេរិក៖ មន្ត្រីជាន់ខ្ពស់មួយរូបរបស់សហរដ្ឋអាមេរិកបានថ្លែងថា ប្រទេស ខ្លួននឹងបង្ហាញពេលវេលាមួយទៅកាន់កូរ៉េខាងជើង ដោយមានការស្នើសុំជាក់លាក់ ពីរដ្ឋកុម្មុយនីស្តមួយនេះ បន្ទាប់ពីកិច្ចប្រជុំកំពូលជាប្រវត្តិសាស្ត្ររវាងប្រធានាធិបតី អាមេរិកលោក ដូណាល់ ត្រាំ និងមេដឹកនាំកូរ៉េខាងជើងលោក គីម ជុងអ៊ុន ។ ថ្លែងប្រាប់អ្នកសារព័ត៌មាន មុនពេលធ្វើដំនើរទៅកាន់តំបន់អាស៊ីក្នុងសប្តាហ៍នេះ រដ្ឋ មន្ត្រីការពារជាតិអាមេរិក លោក ចែម ម៉ាត់ទីស មិនបានបញ្ជាក់អ្វីលម្អិតទេ ប៉ុន្តែ លោកបានលើកឡើងថា ការកំណត់ពេលវេលាគឺឆាប់រហ័សគ្រប់គ្រាន់ ដើម្បីបញ្ជាក់ អំពីកម្រិតនៃការប្តេជ្ញាចិត្តរបស់របបដឹកនំាក្រុងព្យុងយ៉ាង ។ សូមរំលឹកថា រដ្ឋមន្ត្រីការបរទេសអាមេរិកលោក ម៉ៃ ប៉ុមប៉េ បានថ្លែងកាលពីសប្តាហ៍ មុនថា រូបលោកនឹងវិលត្រឡប់ទៅកាន់កូរ៉េខាងជើងវិញ មុនពេលដែលលោកបាន ខិតខំប្រឹងប្រែងសម្រាប់កិច្ចចរចា ដែលបានធ្វើឡើងកាលពីថ្ងៃទី១២ ខែមិថុនា នៅ សិង្ហបុរី រវាងលោក ដូណាល់ ត្រាំ និងលោក គីម ជុងអ៊ុន ។ ប្រមុខការទូតអាមេរិក រូបនេះបានប្រាប់អ្នកសារព័ត៌មាន ក្នុងពេលបំពេញទស្សនៈកិច្ចមួយនៅទីក្រុងសេ អ៊ូល កាលពីដើមខែនេះថា…

  (ម៉ូស្គូ)៖​ ក្រុមបាល់ទាត់មកពីតំបន់អាហ្រ្វិក​ សេណេហ្គាល់​ និងក្រុមនៅអាស៊ី​ ជប៉ុន​ បានបន្ថែមម្នាក់១ពិន្ទុដូចគ្នា​ បន្ទាប់ពីបញ្ចប់ក្នុងលទ្ធផលស្មើគ្នា​ ២-២​ នៅព្រឹត្តិការណ៍ World Cup 2018 ដែលមានរុស្ស៊ីធ្វើម្ចាស់ផ្ទះ។  ១ពិន្ទុបន្ថែមនេះដែរ​ បានធ្វើឲ្យក្រុមខ្លាំងទាំងពីរបន្តឈរនៅកំពូលតារាងនៃពូល​ H ជាបណ្តោះអាសន្ន​ ដោយមាន៤ពិន្ទុស្មើគ្នា​ ស្របពេលកូឡុំប៊ី​ និងប៉ូឡូញ​ ឈរនៅបាតតារាង​ គ្មានពិន្ទុរាប់ដូចគ្នា។ ១ប្រកួតទៀតបញ្ចប់វគ្គសន្សំពិន្ទុជុំទី២​ នៃពូល​ H គឺជាការជួបគ្នារវាងកូឡុំប៊ី​ ប៉ះប៉ូឡូញ​ នៅម៉ោង​ ១រំលងអាធ្រាត្រនេះ ៕

ខេត្តត្បូងឃ្មុំ៖ នៅចំពោះមុខប្រជាពលរដ្ឋក្នុងឃុំទួលសូភី ស្រុកអូររាំងឪ ខេត្បូងឃ្មុំ នៅថ្ងៃសៅរិ៍ ១១កើត ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៣ ខែមិថុនា ឆ្នាំ២០១៨ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន និងជាប្រធានក្រុមការងារថ្នាក់ជាតិចុះជួយស្រុកអូររាំងឪ ខេត្តត្បូងឃ្មុំ បានបញ្ជាក់ថា កម្ពុជាឆ្លងកាត់ប្រវត្តិសាស្រ្តវែងឆ្ងាយ ទំរាំមានសន្តិភាពដូចសព្វថ្ងៃ។ ឯកឧត្តម បានលើកឡើង អំពីកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ដែលមានសម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រី បានធ្វើឲ្យប្រទេសជាតិទទួលបាននូវសុខសន្តិភាព ស្ថេរភាពពេញលេញ និងការអភិវឌ្ឍជាតិ។ ឯកឧត្តមរដ្ឋមន្រ្តី បានគូសបញ្ជាក់ថា សន្តិភាពមានតម្លៃធំធេង ដែលយើងត្រូវតែរួបរួមគ្នាថែរក្សា ព្រោះកម្ពុជា បានឆ្លងកាត់សង្គ្រាមកាលពីអតីតកាល ទំរាំយើងរកបានសន្តិភាព និងអាចបញ្ចប់សង្គ្រាមបានកាលពីឆ្នាំ១៩៩៨ ក្រោមនយោបាយឈ្នះឈ្នះដឹកនាំដោយសម្តេចតេជោនាយករដ្ឋមន្ត្រី។ ថ្លែងក្នុងពិធីខាងលើនេះ ឯកឧត្តម សាយ សំអាល់ បានជម្រាបជូនពីគោលនយោបាយ របស់គណបក្សប្រជាជនកម្ពុជា ដោយផ្តោតសំខាន់ទៅលើការកសាង និងការអភិវឌ្ឍប្រទេសជាតិ ប្រកបដោយស្ថេរភាព សន្តិភាព សុខដុមរមនា ជំរុញកំណើនសេដ្ឋកិច្ច និងធ្វើឱ្យជីវភាពប្រជាពលរដ្ឋល្អប្រសើរ។ទន្ទឹមគ្នានោះដែរ ឯកឧត្តម សាយ…

(ម៉ូស្គូ)៖​ ក្រុមបាល់ទាត់តោកំណាចអង់គ្លេស​ បានសាងភាពខ្លាំងជាថ្មីរបស់ខ្លួន ដោយបំបាក់ក្រុមឡើងមក World Cup លើកដំបូងពីតំបន់អាមេរិកខាងជើង​ ប៉ាណាម៉ា​ ៦-១​ នៅ World Cup 2018 ស្របពេលកីឡាករខ្សែប្រយុទ្ធ​ Harry Kane រកបាន ៣គ្រាប់ម្នាក់ឯង។ ៣ពិន្ទុបន្ថែមនេះ បានធ្វើអង់គ្លេសក្លាយជាក្រុមទី៧​ ដែលបានកក់កៅអីវគ្គ១៦ក្រុមចុងក្រោយនៅ​ World Cup 2018 ដោយឈរនៅលេខ២​ ប្រចាំពូល​ G រកបាន៦ពិន្ទុពេញក្នុង២ប្រកួត។ ការធ្វើបានហែតទ្រីក​នេះ​ (ស៊ុតចូល៣គ្រាប់) បានធ្វើឲ្យកីឡាករមកពីក្លឹបមាន់ខ្នាយមាស​ Tottenham Hotspur, Harry Kane រកបាន ៥គ្រាប់ច្រើនជាងគេ​ នាំមុខ​ Cristiano Ronaldo របស់ព័រទុយហ្គាល់​ និង​ Romelu Lukaku របស់ប៊ែលហ្ស៊ិក​ រកបាន៤គ្រាប់ដូចគ្នា៕

ម៉ូស្គូ៖ ក្រុមបាល់ទាត់តោកំណាចអង់គ្លេស​ នឹងត្រូវក្រុមមកពីតំបន់អាមរិកខាងជើង​ ប៉ាណាម៉ា​ នាម៉ោង៧យប់នេះមុនគេ​ ក្នុងវគ្គន្សំពិន្ទុនៃពូល​ G ក្រោយពេលប៊ែលហ្ស៊ិកបានបំបាក់ទុយនេស៊ី​ ៥-២។ រីឯ២ប្រកួតទៀតនៅក្នុងពូល​ H ចុងក្រោយគេ​ គឺជាការជួបគ្នារវាង​ ក្រុមជម្រើសជាតិជប៉ុន​ ប៉ះសេណេហ្គាល់​ នៅម៉ោង១០យប់​ មុនពេលប៉ូឡូញ​ ជួបកូឡុំប៊ី​ ចាប់ផ្តើមនៅម៉ោង​ ១រំលងអាធ្រាត្រ។ ការប្រកួតវគ្គសន្សំពិន្ទុក្នុង​ពូល​ ដោយមាន៣ប្រកួតក្នុងមួយពូល​ នឹងបញ្ចប់នៅថ្ងៃទី២៨​ ខែមិថិនា​ ស្របពេលរកឃើញ៦ក្រុមកក់កៅអីទៅ​វគ្គ១៦​ និង៧ក្រុមផ្សេងទៀតហាលអាវ​ ទោះនៅសល់១ប្រកួតទៀតក៏ដោយ។ សូមបញ្ជាក់ថា​ ការប្រកួតបាល់ទាត់ពិភពលោក​ FIFA World Cup 2018 នៅប្រទេសរុស្ស៊ី​ នឹងបញ្ចប់វគ្គសន្សំពិន្ទុក្នុងពូល​ ជុំទី២នារាត្រីនេះ​៕

មន្ទីរបញ្ចកោណបានបញ្ជាក់នៅក្នុងសេចក្តីថ្លែងការណ៍មួយថា សហរដ្ឋអាមេរិក និង កូរ៉េខាងត្បូងបានព្រមព្រៀងគ្នាថា នឹងផ្អាកការធ្វើសមយុទ្ធហ្វឹកហ្វឺនចំនួន២បន្ថែម ទៀត ដែលគ្រោងនឹងធ្វើឡើងក្នុងរយៈពេល៣ខែខាងមុខនេះ ដែលវាជាផ្នែកមួយនៃ ការជម្រុញរបស់អាមេរិក ដើម្បីបន្ធូរបន្ថយភាពតានតឹងជាមួយកូរ៉េខាងជើង ។ការព្រមព្រៀងផ្អាកសមយុទ្ធរវាងប្រទេសទំាងពីរ បានធ្វើឡើងដោយអនុវត្តន៍តាម កិច្ចប្រជុំជាន់ខ្ពស់មួយ ដែលមានការចូលរួមពីសំណាក់រដ្ឋមន្រ្តីការពារជាតិអាមេរិក លោក ចែម ម៉ាត់ទីស រដ្ឋមន្រ្តីការបរទេសអាមេរិកលោក ម៉ៃ ប៉ុមប៉េអូ ប្រធានអគ្គ សេនាធិការចម្រុះលោក ចូ ដាន់ហ្វ័ត និងទីប្រឹក្សាសន្តិសុខជាតិលោក ចន បូតុន នៅក្នុងថ្ងៃ សុក្រ សប្តាហ៍នេះ ។បន្ថែមពីលើការផ្អាកការហ្វឹកហាត់ នៅក្រោមកម្មវិធីផ្លាស់ប្តូរកងទ័ពជើងទឹកកូរ៉េខាង ត្បូងនេះដែរ មន្ទីរបញ្ចកោណបានបញ្ជាក់ថា ការផ្អាកការធ្វើសមយុទ្ធ យូឈី ហ្វ្រីឌម ហ្គាដឌាន ដែលបានប្រកាសកាលពីដើមសប្តាហ៍នេះ នឹងមិនមានដែនកំណត់ ឡើយ ។ បើតាមសេចក្តីថ្លែងការណ៍ដដែលខាងលើ ការផ្អាកនេះ គឺពឹងផ្អែកលើឆន្ទៈ របស់រដ្ឋាភិបាលក្រុង ព្យុងយ៉ាង ក្នុងការបន្តការចរចាសន្តិភាពនៅក្នុងតំបន់ឧបទ្វីប កូរ៉េ ៕

រ៉ុស្ស៊ី៖ ប្រធានាធិបតីរ៉ុស្ស៊ីលោក វ៉្លាឌីមៀ ពូទីន និងសមភាគីកូរ៉េខាងត្បូង លោក មូន ជែអ៊ីន បានព្រមព្រៀងគ្នាលើកិច្ចគំាទ្រក្នុងការខិតខំប្រឹងប្រែងសម្រេចឱ្យខានតែ បាន ដើម្បីឈានទៅសម្រេចការរំសាយអាវុធនុយក្លេអ៊ែរទំាងស្រុងពីតំបន់ឧបទ្វីប កូរ៉េ ។ក្នុងជំនួបទ្វេភាគីនៅទីក្រុងម៊ូស្គូ ក្នុងថ្ងៃ សុក្រ សប្តាហ៍នេះ មេដឹកនំាទំាងពីរធ្វើការ ផ្លាស់ប្តូរទស្សនៈគ្នាទៅវិញទៅមក ដោយផ្តោតសំខាន់លើការពង្រឹងទំនាក់ទំនង រវាងប្រទេសទំាងពីរ និងស្ថានភាពនៅក្នុងតំបន់ឧបទ្វីបកូរ៉េ ។ នៅក្នុងសេចក្តីថ្លែង ការណ៍រួម មេដឹកនំាទំាងពីរបានបង្ហាញការស្វាគមន៍ ចំពោះលទ្ធផលវិជ្ជមានដែល កើតចេញពីជំនួបកំពូលរវាងប្រធានាធិបតីអាមេរិកលោក ដូណាល់ ត្រាំ និងមេដឹក នំាកូរ៉េខាងជើងលោក គីម ជុងអ៊ុន នៅសង្ហិបុរី កាលពីសប្តាហ៍មុន ។ហើយតាមរយៈសេចក្តីថ្លែងការណ៍រួមដដែលនេះ លោក ពូទីន និងលោក មូន ក៏ បានឯកភាពគ្នាថា នឹងបន្តកិច្ចខិតខំប្រឹងប្រែងឆ្ពោះទៅរកការសម្រេចអោយបាននូវ សន្តិភាព និងស្ថេរភាពអចិន្ត្រៃយ៍នៅតំបន់អាស៊ីឦសាន ។ ទន្ទឹមគ្នានេះ ពួកគេក៏ បានកោតសរសើរផងដែរ ចំពោះការបង្កើតវេទិកាសេដ្ឋកិច្ចបូព៌ា ដែលបានប្រារព្ធ ឡើងរៀងរាល់ខែកញ្ញា នៅក្នុងទីក្រុង វ្ល៉ាឌីវ៉ូស្តុក នៅភាគខាងកើតប្រទេសរុស្ស៊ី…

សហរដ្ឋអាមេរិក៖ ប្រធានាធិបតីអាមេរិកលោក ដូណាល់ ត្រាំ បានធ្វើការសម្រេចចិត្តហូសបន្លាយ ពេលដាក់ទណ្ឌកម្មសេដ្ឋកិច្ចប្រឆំាងនឹងរបបដឹកនំាក្រុង ព្យុងយ៉ាង សម្រាប់រយៈ ពេលមួយឆ្នំា ដែលការសម្រេចចិត្តនេះ ធ្វើឡើងក្នុងកិច្ចប្រជុំសមាជមួយនៅក្នុងថ្ងៃ សុក្រ សប្តាហ៍នេះ ។ គួរបញ្ជាក់ថា វិធានការដាក់ទណ្ឌកម្មសេដ្ឋកិច្ចប្រឆំាងនឹងកូរ៉េខាងជើងពីសំណាក់ សហរដ្ឋអាមេរិកកន្លងមកនេះ ក្នុងនោះរួមមាន៖ ការបង្កកទ្រព្យសម្បត្តិរបស់រដ្ឋាភិ បាល ព្រមទំាងបុគ្គល និងអង្គភាពរបស់កូរ៉េខាងជើង ហើយថែមទំាងហាមឃាត់ ពលរដ្ឋអាមេរិករកស៊ីជាមួយជនជាតិកូរ៉េខាងជើង ក៏ដូចជាហាមឃាត់ការចរាចរណ៍ ទំនិញតាមនាវារបស់រដ្ឋកុម្មុយនីស្តមួយនេះផងដែរ ។មុនពេលចូលរួមកិច្ចប្រជុំកំពូលកាលពីថ្ងៃទី១២ ខែមិថុនា ជាមួយមេដឹកនាំកូរ៉េខាង ជើងលោក គីម ជុងអ៊ុន នៅប្រទេសសង្ហិបុរី ប្រធានាធិបតីអាមេរិកលោក ដូណាល់ ត្រាំង បានអះអាងថា ការដាក់ទណ្ឌកម្មនាពេលបច្ចុប្បន្ននឹងត្រូវបានរក្សាដដែល ហើយថា រូបលោកនឹងមិនប្រើពាក្យថា “សម្ពាធអតិបរមា” ដោយសំដៅលើប្រទេស កូរ៉េខាងជើងឡើយ ៕