បរទេស៖ ប្រទេសវៀតណាមបានសម្រេចថា នឹងតំឡើងពន្ធលើគ្រឿងស្រវឹង ឲ្យកើនដល់៩០ភាគរយ ក្នុងគោលបំណងកាត់បន្ថយការផឹកស្រា របស់ប្រជាជន នេះបើតាមការចេញផ្សាយ របស់ទីភ្នាក់ងារព័ត៌មាន VEexpress។ រដ្ឋសភាវៀតណាមបានអនុម័តផែនការដំឡើងពន្ធនេះ កាលពីចុងសប្តាហ៍ ។ នៅក្រោមច្បាប់ថ្មី អត្រាពន្ធលើស្រាបៀរ និងស្រា នឹងកើនឡើងដល់ ៧០% នៅឆ្នាំ២០២៧ មុននឹងឈានដល់ ៩០% នៅឆ្នាំ២០៣១។ បច្ចុប្បន្ន វៀតណាមបានដាក់ពន្ធ ៦៥% លើផលិតផលទាំងនេះ ហើយសំណើដំបូង កាលពីឆ្នាំមុន ធ្លាប់បានស្នើឲ្យដំឡើងពន្ធ រហូតដល់១០០% ។ ក្រសួងហិរញ្ញវត្ថុបាននិយាយថា គោលបំណងនៃការដំឡើងពន្ធខ្ពស់ គឺដើម្បីទប់ស្កាត់ការផឹកគ្រឿងស្រវឹង ដែលប៉ះពាល់ដល់សុខភាព និងបង្កគ្រោះថ្នាក់ចរាចរណ៍។ យោងតាមរបាយការណ៍ របស់ទីភ្នាក់ងារប្រឹក្សា KPMG ក្នុងឆ្នាំ២០២៤ បានឱ្យដឹងថា ប្រទេសវៀតណាម គឺជាទីផ្សារស្រាបៀរធំទីពីរ ប្រចាំនៅតំបន់អាស៊ីអាគ្នេយ៍។ យ៉ាងណាមិញ ឧស្សាហកម្មស្រាបៀររបស់វៀតណាម មានទាំងក្រុមហ៊ុនបរទេស និងក្រុមហ៊ុនក្នុងស្រុក បានប្រឈមមុខនឹងបញ្ហារួចហើយ ពីច្បាប់ស្តីពីការបើកបរ មានជាតិស្រវឹងដ៏តឹងរ៉ឹង ដែលបានអនុវត្ត តាំងពីឆ្នាំ២០១៩។ ប្រធានសមាគមស្រាបៀរ និងគ្រឿងស្រវឹងរបស់ប្រទេសវៀតណាម បាននិយាយថា…

វ៉ាស៊ីនតោន ៖ អាមេរិកត្រូវបានគេរាយការណ៍ថា បានដាក់ពង្រាយកងយន្តហោះចាក់ប្រេងពីលើអាកាសជាង ៣០គ្រឿងឆ្លងកាត់មហាសមុទ្រអាត្លង់ទិកឆ្ពោះទៅកាន់តំបន់មជ្ឈិមបូព៌ា ស្របពេលជម្លោះអ៊ីស្រាអែល និងអ៊ីរ៉ង់កាន់តែក្តៅគគុក នេះបើតាមការចុះផ្សាយរបស់ទស្សនាវដ្តីតាមដានយោធាកាលពីថ្ងៃចន្ទ។ យោងតាមទិន្នន័យតាមដានការហោះហើរបានឱ្យដឹងថា អាមេរិកបានចាប់ផ្តើមដាក់ពង្រាយកងយន្តហោះចាក់ប្រេងពីលើអាកាស KC-135 និង KC-46 ទៅកាន់តំបន់មជ្ឈិមបូព៌ារួចហើយ។ របាយការណ៍ដដែលបានឱ្យដឹងទៀតថា កងយន្តហោះដឹកប្រេងមកពីប្រទេសលោកខាងលិចផ្សេងទៀតក៏បានចូលរួមក្នុងប្រតិបត្តិការនេះផងដែរ ហើយអាមេរិកត្រូវបានគេជឿថា បានផ្តល់ព័ត៌មានស៊ើបការណ៍សម្ងាត់ ទិន្នន័យគោលដៅតាមផ្កាយរណប និងការគាំទ្រផ្នែកការពារមីស៊ីល។ បើតាមទស្សនាវដ្ដីតាមដានយោធា កងយន្តហោះចាក់ប្រេងទាំងនេះត្រូវបានបញ្ជូនទៅកាន់មជ្ឈិមបូព៌ា ក្នុងគោលបំណងជួយដល់ប្រតិបត្តិការរបស់កងទ័ពអាកាសអ៊ីស្រាអែល ឬក៏ចាក់សាំងដល់យន្តហោះចម្បាំង និងយន្តហោះទម្លាក់គ្រាប់បែកអាមេរិក ក្នុងករណីដែលទីក្រុងវ៉ាស៊ីនតោនលូកដៃចូលក្នុងសង្គ្រាមប្រឆាំងអ៊ីរ៉ង់ដែរ។ ទស្សនាវដ្តីនេះបានចាត់ទុកស្ថានការណ៍វិវត្តន៍ចុងក្រោយនេះ ជារឿងមិនធ្លាប់មានពីមុនមក ហើយថា សកម្មភាពនេះទំនងជាបង្ហាញពីការចូលរួមរបស់អាមេរិកកាន់តែបើកចំហរ នៅក្នុងសង្គ្រាមអ៊ីស្រាអែល និងអ៊ីរ៉ង់ដែលកំពុងឆេះរោលរាលនៅមជ្ឈិមបូព៌ា ឈានចូលដល់ថ្ងៃទីបួននៃអរិភាព។ ហើយថ្មីៗនេះ លោកប្រធានាធិបតី ត្រាំ ក៏ធ្លាប់បានបង្ហោះសារព្រមានលើបណ្តាញសង្គម Truth Social ដែរថា ប្រសិនបើអាមេរិករងការវាយប្រហារដោយអ៊ីរ៉ង់ ទោះបីក្នុងទម្រង់ណាមួយក៏ដោយ នោះកងកម្លាំងប្រដាប់អាវុធអាមេរិកនឹងវាយប្រហារសងសឹកវិញក្នុងកម្រិតដែលមិនធ្លាប់មានពីមុនមក។ យ៉ាងណា លោកនៅតែទទូចថា អាមេរិកគ្មានអ្វីពាក់ព័ន្ធនឹងការវាយប្រហារលើអ៊ីរ៉ង់ទេ ហើយបានអំពាវនាវឲ្យទីក្រុងតេហេរ៉ង់វិលទៅរកការចរចាវិញ៕ ប្រភព ៖ RT ប្រែសម្រួល ៖ ឈឹម ទីណា

បរទេស ៖ អគ្គីភ័យបានឆាបឆេះ អគារទូរទស្សន៍រដ្ឋ របស់អ៊ីរ៉ង់ IRIB ស្ថិតក្នុងទីក្រុងតេអេរ៉ង់ បន្ទាប់ពីរងការវាយប្រហារ ពីសំណាក់អ៊ីស្រាអែល កាលពីថ្ងៃចន្ទ នេះបើតាមរូបភាព ដែលចេញផ្សាយដោយគេហទំព័រអនឡាញ របស់តុលាការអ៊ីរ៉ង់។ អ៊ីរ៉ង់បានថ្កោលទោស ការវាយប្រហារនេះ ថា ជា “ឧក្រិដ្ឋកម្មសង្គ្រាម” ហើយបានអំពាវនាវឱ្យក្រុមប្រឹក្សាសន្តិសុខអង្គការសហប្រជាជាតិ ចាត់វិធានការ។ ការផ្សាយផ្ទាល់ របស់ IRIB ត្រូវបានរំខាន ពោលគឺចំពេលដែលអ្នកអត្ថាធិប្បាយព័ត៌មាន កំពុងធ្វើសេចក្តីរាយការណ៍ព័ត៌មាន ស្រាប់តែមានការផ្ទុះមួយ បានកើតឡើង ធ្លាក់កំទេចកំទី ពីលើពិដាន ផ្អាកប្រតិបត្តិការ ភ្លាមៗ។ នៅមុនការវាយប្រហារនេះ រដ្ឋមន្ត្រីការពារជាតិអ៊ីស្រាអែល បាននិយាយថា «ការឃោសនាព័ត៌មាន និងការញុះញង់ របស់អ៊ីរ៉ង់ នឹងរលាយបាត់»។ គួរបញ្ជាក់ថា អ៊ីស្រាអែល បានបើកការវាយប្រហារទ្រង់ទ្រាយធំលើប្រទេសអ៊ីរ៉ង់ កាលពីថ្ងៃសុក្រ សប្តាហ៍មុន ក្រោយពេលការចរចាកម្មវិធីនុយក្លេអ៊ែរ របស់អ៊ីរ៉ង់ ជាមួយអាមេរិក ហាក់មិនមានលទ្ធផល ហើយទាំងអ៊ីស្រាអែល និងអាមេរិក ធ្លាប់បានព្រមានថា ដល់បន្ទាត់ក្រហមហើយ៕ ប្រភពពី AFP ប្រែសម្រួល៖…

ប៉េកាំង ៖ វិទ្យាស្ថានស្រាវជ្រាវសន្តិភាពអន្តរជាតិ Stockholm (SIPRI) បានព្យាករថា កម្លាំងមីស៊ីលបាលីស្ទិកអន្តរទ្វីប (ICBM) របស់ប្រទេសចិន អាចនឹងតាមទាន់អាមេរិក ឬ រុស្ស៊ីនៅឆ្នាំ២០៣០ ប៉ុន្តែនៅតែតិចជាងចំនួនក្បាលគ្រាប់នុយក្លេអ៊ែរ។ វិទ្យាស្ថានតាមដានសព្វាវុធទូទាំងសកលលោក ដែលមានមូលដ្ឋាននៅអឺរ៉ុបមួយនេះ បានគូសបញ្ជាក់ថា ប្រទេសចិនទំនងជាបង្កើនក្បាលគ្រាប់អាវុធនុយក្លេអ៊ែររបស់ខ្លួនបាន ១០០គ្រាប់ថ្មីបន្ថែមទៀតចាប់តាំងពីឆ្នាំ២០២៣ ដែលនាំឲ្យចំនួនក្បាលគ្រាប់នុយក្លេអ៊ែរសរុបឡើងកើនប្រហែល ៦០០គ្រាប់។ បើតាមក្រសួងការពារជាតិអាមេរិក ប្រទេសចិនកំពុងបង្កើនឃ្លាំងស្តុកក្បាលគ្រាប់នុយក្លេអ៊ែរដល់ ១.០០០គ្រាប់នៅឆ្នាំ២០៣០ ហើយរំពឹងថា ចិននឹងមានក្បាលគ្រាប់អតិបរមាដល់ទៅ ១.៥០០គ្រាប់នៅត្រឹមឆ្នាំ២០៣៥។ វិទ្យាស្ថាន SIPRI បានឱ្យដឹងថា កូរ៉េខាងជើងប្រហែលជាមានក្បាលគ្រាប់នុយក្លេអ៊ែរ ៥០គ្រាប់គិតត្រឹមខែមករាឆ្នាំនេះ ដូចគ្នានឹងឆ្នាំមុន ប៉ុន្តែប្រទេសនេះ មានសម្ភារៈ និងធាតុផ្សំគ្រប់គ្រាន់សម្រាប់ផលិតរហូតដល់ ៤០គ្រាប់ថែមទៀត។ ចំណែកឯរុស្ស៊ីវិញនៅតែរក្សាស្តុកនុយក្លេអ៊ែរធំបំផុតជាងគេលើពិភពលោក ក្នុងចំនួន ៥.៤៥៩គ្រាប់ ខណៈដែលអាមេរិកមានចំនួន ៥.១៧៧គ្រាប់។ របាយការណ៍បានព្យាករថា បើរួមបញ្ចូលគ្នា ក្បាលគ្រាប់នុយក្លេអ៊ែរអាមេរិក និងរុស្ស៊ីមានប្រហែល ៩០ភាគរយនៃចំនួនសរុបរបស់ពិភពលោក។ រីឯអ៊ីស្រាអែលក៏មានក្បាលគ្រាប់នុយក្លេអ៊ែរចំនួន ៩០គ្រាប់ផងដែរ ទោះបីជាប្រទេសនេះមិនទទួលស្គាល់ក៏ដោយ។ ទន្ទឹមគ្នា វិទ្យាស្ថាន SIPRI បានបង្ហាញការព្រួយបារម្ភថា ការប្រកួតប្រជែងអាវុធនុយក្លេអ៊ែរដ៏គ្រោះថ្នាក់កំពុងតែកើតឡើង ទោះបីជាឃ្លាំងស្តុកនុយក្លេអ៊ែរសកលទាំងមូលបានធ្លាក់ចុះបន្តិចមកត្រឹម…