ចិន៖ ប្រទេសចិន កាលពីម្សិលមិញ បានបាញ់បង្ហោះផ្កាយរណបសង្កេតការណ៍សមុទ្រ ដោយជោគជ័យទៅកាន់លំហអាកាស ក្រោមកិច្ចសហប្រតិបត្តិការទីអវកាសរវាងចិន និងបារាំង ដែលនឹងផ្ដល់ភាពងាយស្រួល ឱ្យអ្នកវិទ្យាសាស្ត្រសិក្សាស្រាវជ្រាវជាលើកដំបូងពីខ្យល់នៅលើផ្ទៃសមុទ្រ និងរលកក្នុងពេលតែមួយ។ សារព័ត៌មានហ្ស៊ីនហួរបានចេញផ្សាយថា ផ្កាយរណបឈ្មោះ China-France Oceanography Satellite ត្រូវបានបាញ់បង្ហោះដោយគ្រាប់រ៉ុក្កែត Long March-2C ចេញពីមជ្ឈមណ្ឌលបាញ់បង្ហោះផ្កាយរណប Jiuquan ស្ថិតនៅភាគពាយព្យនៃទីរហោស្ថាន Gobi ហើយវាបានចូលទៅក្នុងគន្លងផែនដី៥២០គីឡូម៉េត្រពីលើផែនដី។ ផ្កាយរណបនេះ នឹងដឹកនាំការសង្កេតការណ៍២៤ម៉ោងលើ២៤ម៉ោង លើរលក និងខ្យល់សមុទ្រក្នុងពេលតែមួយ៕

អាល្លឺម៉ង់៖ លោកស្រី អធិការបតីអាល្លឺម៉ង់ អេនជេឡា មឺគែល អះអាងថា លោកស្រី នឹងមិនឈរឈ្មោះជាបេក្ខជនប្រធានបក្សទៀតឡើយនៅក្នុងការបោះឆ្នោតមួយនៅខែធ្នូខាងមុខនេះ ហើយថាលោកស្រីនឹងលាលែងពីតំណែជាអធិការបតីអាល្លឺម៉ង់នៅឆ្នាំ២០២១។

សហរដ្ឋអាម៉េរិក៖ សារព័ត៌មាន CGTN របស់ចិនបានចុះផ្សាយថា មន្ទីរបញ្ចកោណបាននឹងកំពុងធ្វើការបញ្ជូនកងទ័ពប្រមាណ៥,២០០នាក់ ទៅកាន់តំបន់ព្រំដែនអាម៉េរិក-ម៉ិកស៊ិកហើយ ស្របពេលដែលជនភៀសខ្លួនមកពីតំបន់អាម៉េរិកកណ្ដាលរាប់ពាន់នាក់ក៏កំពុងសម្រុកចូលមកកាន់ព្រំដែនអាម៉េរិក តាមរយៈប្រទេសម៉ិកស៊ិកផងដែរ។

ឥណ្ឌូណេស៊ី៖ សារព័ត៌មាន CNN បានចុះផ្សាយនៅព្រឹកថ្ងៃអង្គារ៍នេះថា បន្ទាប់ពីស្រង់បានសាកសពចំនួន៦នាក់ចេញពីទឹកសមុទ្រ ជាទីដែលយន្តហោះដឹកអ្នកដំណើរមួយគ្រឿងបានជួបគ្រោះថ្នាក់ធ្លាក់ទៅក្នុងសមុទ្រនៅថ្ងៃច័ន្ទម្សិលមិញនេះ ស្ថិតនៅក្បែររដ្ឋធានីហ្សាកាតា នោះ មន្រ្តីប្រតិបត្តិការរុករក និងជួយសង្គ្រោះបានសម្តែងការព្រួយបារម្ភថា មនុស្សនៅលើយន្តហោះទាំងអស់ទំនងជាគ្មាននរណាម្នាក់នៅរស់រានមានជីវិតឡើយ។

រុស្ស៊ី៖ សារព័ត៌មាន ស្ព្រូតនីគ របស់រុស្ស៊ីបានចេញផ្សាយថា កងទ័ពអាម៉េរិក និងជប៉ុនបានចាប់ផ្តើមដឹកនាំការធ្វើសមយុទ្ធយោធាទ្រង់ទ្រាយធំ ស្ថិតក្នុងគោលបំណងធ្វើតេស្ត ក៏ដូចជាពង្រឹងសមត្ថភាពត្រៀមលក្ខណៈប្រយុទ្ធរួមគ្នា។

រុស្ស៊ី៖ សមាជិកអចិន្ត្រៃយ៍ទាំង៥ នៃក្រុមប្រក្សាសន្តិសុខអង្គការសហប្រជាជាតិ រួមមាន៖ រុស្ស៊ី អង់គ្លេស ចិន សហរដ្ឋអាម៉េរិក និងបារាំង បានចេញសេចក្ដីថ្លែងការណ៍រួមមួយនៅក្នុងថ្ងៃចន្ទដើមសប្តាហ៍នេះ ដោយបដិសេធចុះហត្ថលេខាលើសន្ធិសញ្ញាហាមឃាត់អាវុធនុយក្លេអ៊ែរ។

ឥណ្ឌូណេសុី៖ សារព័ត៌មាន CNN បានចុះផ្សាយថា ក្រុមអ្នកជួយសង្គ្រោះ បានទាញយកសាកសពមនុស្សចំនួន៦នាក់ ចេញពីទឹកសមុទ្រ កន្លែងដែលយន្តហោះ ដឹកអ្នកដំណើរឥណ្ឌូណេស៊ីមួយគ្រឿងបានធ្លាក់ នៅជិតរដ្ឋធានីហ្សាការតា ប្រទេសឥណ្ឌូណេស៊ី នៅថ្ងៃចន្ទនេះ ក្រោយហោះឡើង បាន១៣នាទី។ ជើងហោះហើរ JT 610 របស់ក្រុមហ៊ុន Lion Air មានផ្ទុកមនុស្ស១៨៩នាក់ ក្នុងនោះរួមមានកុមារ៣នាក់ផងដែរ បានបាត់ចេញពី ប្រព័ន្ធរ៉ាដា នៅអំឡុងពេលហោះហើរខ្លីមួយពីរដ្ឋធានីហ្សាការតា ទៅកាន់ទីក្រុង Pangkal Pinang កោះ Bangka របស់ឥណ្ឌូណេស៊ី ។ ក៏ប៉ុន្តែបន្ទាប់មក យន្ដហោះនេះត្រូវបានគេទទួលស្គាល់ថាបានធ្លាក់។ដោយឡែក ជុំវិញសោកនាដកម្មនេះដែរ លោក Bambang Suryo Aji ជាអ្នកគ្រប់គ្រងប្រតិបត្តិការនៃទីភ្នាក់ងារ Basarnas បានឲ្យដឹងថាសាកសពដែលបានស្រង់ចេញពីទឹកត្រូវបានបញ្ជូនទៅកាន់មន្ទីរពេទ្យមួយ នៅតំបន់ភាគខាងកើតរដ្ឋធានីហ្សាការតា។ លោកបន្ថែមថា ក្រុមអ្នកជួយសង្គ្រោះ ក៏បានរកឃើញផ្នែកមួយចំនួននៃយន្តហោះ និងសម្ភារៈអ្នកជិះនៅលើយន្ដហោះផងដែរ ក៏ប៉ុន្តែយន្តហោះទាំងមូលមិនទាន់ត្រូវបានគេរកឃើញនៅឡើយនោះទេ។គួរបញ្ជាក់ថា បើតាមទីភ្នាក់ងាររុករក និងជួយសង្រ្គោះនៃប្រទេសឥណ្ឌូណេស៉ី មនុស្សទាំង១៨៩នាក់ធ្វើដំណើរនៅលើយន្តហោះ របស់ក្រុមហ៊ុនអាកាសចរណ៍ក្នុងស្រុក Lion Air ប្រហែល…

ឥណ្ឌូណេសុី៖ យន្តហោះដឹកអ្នកដំណើរមួយគ្រឿងប្រភេទ Boeing 737 របស់ក្រុមហ៊ុនអាកាសចរណ៍ Lion Air ដែលស្ថិតក្នុងជើងហោះហើរ JT-610 និងបានធ្លាក់បន្ទាប់ពីចេញដំណើរបានប្រហែល ១៣ នាទី នៅថ្ងៃទី ២៩ ខែតុលា ព្រឹកមិញនេះ ឥឡូវដឹងស្ថានភាពរបស់អ្នកដំណើរទាំងអស់ហើយ។ បើតាមអ្នកនាំពាក្យអង្គភាព BASARNAS ដែលជាទីភ្នាក់ងារស្វែងរក និងសង្គ្រោះជាតិឥណ្ឌូនេស៊ី បានឱ្យដឹងថា ឧបទ្ទវហេតុដ៏គួរឱុ្យរន្ធត់ខាងលើបានបណ្តាលឱ្យមនុស្សនៅក្នុងនោះស្លាប់ទាំងអស់ ដោយមានមន្ត្រីរដ្ឋាភិបាលចំនួន ២០ រូបផងដែរ។ ទោះយ៉ាងណា តួលេខពីប្រភពព័ត៌មានអន្តរជាតិខ្លះបានផ្សាយថាចំនួនសរុប ១៨៨ ខណៈប្រភពខ្លះទៀតបញ្ជាក់ថា ១៨៩។

សហរដ្ឋអាម៉េរិក៖ រដ្ឋមន្ត្រីការពារជាតិអាមេរិកលោក ជែម ម៉ាត់ទីស បាននិយាយនៅថ្ងៃអាទិត្យម្សិលមិញថា ប្រទេសរបស់លោកកំពុងតែប្រឹក្សាគ្នាជាមួយសម្ព័ន្ធមិត្តអឺរ៉ុប ស្តីពីសន្ធិសញ្ញាគ្រប់គ្រងអាវុធ ស្របពេលដែលប្រទេសសមាជិកអង្គការណាតូ ជំរុញទីក្រុងវ៉ាស៊ីនតោនឲ្យព្យាយាមនាំរុស្ស៊ី ត្រឡប់មកអនុវត្តកិច្ចព្រមព្រៀងនោះវិញ ជាជាងបោះបង់វាចោល ។

ឥណ្ឌូណេស៊ី៖ អាជ្ញាធរឥណ្ឌូណេស៊ីបានបញ្ជាក់ថា បំណែកសាកសពមួយចំនួនត្រូវបានគេរកឃើញជាបណ្តើរៗហើយ នៅក្នុងផ្ទៃសមុទ្រក្បែរកោះជ្វាខាងលិច ជាទីដែលយន្តហោះរបស់អាកាសចរណ៍ Lion Air ដែលមានផ្ទុកមនុស្សសរុប១៨៩នាក់បានធ្លាក់នាព្រឹកថ្ងៃច័ន្ទនេះ ។   ហើយបើគិតមកទល់រសៀលនេះ អាជ្ញាធរឥណ្ឌូណេស៊ីក៏បានកំណត់ទីតាំងប្រអប់ខ្មៅទាំងពីររបស់យន្ដហោះ Boeing 737 MAX 8 នៃក្រុមហ៊ុនអាកាសចរណ៍ Lion Air ផងដែរ ខណៈប្រតិបត្តិការស្វែងរក និងជួយសង្រ្គោះ អាចនឹងត្រូវចំណាយពេលដល់ទៅ០៧ថ្ងៃ ឬអាចបន្ថែម០៣ថ្ងៃទៀតក្នុងករណីចាំបាច់ ។ សូមបញ្ជាក់ថា បើតាមអ្នកនាំពាក្យទីភ្នាក់ងារគ្រប់គ្រងគ្រោះមហន្តរាយឥណ្ឌូណេស៊ី យន្ដហោះ Boeing 737 MAX 8 មានជើងហោះហើរលេខ Flight JT-610 របស់ក្រុមហ៊ុន Lion Air មានគោលដៅធ្វើដំណើរពីរដ្ឋធានីហ្សាការតា ទៅកាន់ទីក្រុង ផាងកាល ភីណាង  កោះ បាងកា ប៊ែលលីទុង នៃចង្កោមកោះស៊ូម៉ាត្រា ជាមួយអ្នកដំណើរ និងក្រុមពីឡុត១៨៨នាក់ ហើយថា ក្នុងចំណោមមនុស្សទាំង១៨៨នាក់ មានមនុស្សវ័យជំទង់១៧៨នាក់ កុមារម្នាក់…