សហរដ្ឋអាម៉េរិក៖ មន្រ្តីប៉ូលិសម្នាក់បាត់បង់ជីវិត និង៤នាក់ទៀតទទួលរងរបួស នៅក្នុងហេតុការបាញ់ប្រហារមួយដែលបានកើតឡើងនៅក្នុងទីក្រុងផ្លូរ៉េន រដ្ឋខារ៉ូលីណា របស់សហរដ្ឋអាម៉េរិក។ សារព័ត៌មាន CNN បានផ្សាយថា នៅវេលាម៉ោង១៧រសៀលថ្ងៃទី០៣ ខែតុលានេះ (ត្រូវនឹងព្រឹកទី៤ ខែតុលា ម៉ោងនៅកម្ពុជា) កងកម្លាំងសន្តិសុខបានប្រកាសថា ចាប់បានជនសង្ស័យម្នាក់ ក្រោយការបាញ់ប្រហាររយៈពេលមួយម៉ោង។

រុស្ស៊ី៖ មន្រ្តីជាន់ខ្ពស់មួយរូបនៅវិមានក្រឹមឡាំងបានបង្ហើបឲ្យដឹងថា ការចុះហត្ថលេខាលើកិច្ចព្រមព្រៀង ស្តីពីការប្រគល់ប្រព័ន្ធខែលការពារមីស៊ីល S-400 ទៅឲ្យរដ្ឋាភិបាលទីក្រុងញ៉ូវដេលី នឹងត្រូវធ្វើឡើងនាអំឡុងដំណើរបំពេញទស្សនកិច្ច របស់ប្រធានាធិបតីរុស្ស៊ីលោក វ៉្លាឌីមៀ ពូទីន ទៅកាន់ប្រទេសឥណ្ឌានាសប្តាហ៍នេះ។

សហរដ្ឋអាម៉េរិក៖ ក្រសួងការបរទេសអាម៉េរិក បានប្រកាសថា លោករដ្ឋមន្ត្រី ម៉ៃ ប៉ុមប៉េអូ នឹងធ្វើដំណើរបំពេញទស្សនកិច្ចទៅកាន់ទីក្រុងព្យុងយ៉ាង ក្នុងពេលឆាប់ៗខាងមុខ ដែលជាដំណើរទស្សនកិច្ចលើកទី៤របស់លោកនៅឆ្នាំ២០១៨នេះ។ សារព័ត៌មានរ៉យទ័រនៅក្នុងថ្ងៃពុធនេះ បានដកស្រង់ការប្រកាសរបស់រដ្ឋមន្ត្រីការបរទេសអាម៉េរិក មកបញ្ជាក់ថា លោក ប៉ុមប៉េអូ គ្រោងធ្វើដំណើរបំពេញទស្សនកិច្ចទៅកាន់កូរ៉េខាងជើង នៅថ្ងៃទី៧ ខែតុលានេះ ដើម្បីជួបពិភាក្សាការងារជាមួយមេដឹកនាំកំពូល លោក គីម ជុងអ៊ុន ស្តីពីការរំសាយអាវុធនុយក្លេអ៊ែរ។

សហរដ្ឋអាម៉េរិក៖ ក្រុមចារកិច្ចអាម៉េរិកបានប្រកាសថា មានលិខិតគួរឲ្យសង្ស័យបានផ្ញើទៅកាន់សេតវិមាន ដោយមានឈ្មោះអ្នកទទួល គឺលោកប្រធានាធិបតី ដូណាល់ ត្រាំ ដោយនៅក្នុងលិខិតនោះ មានសារធាតុសង្ស័យថា ជាជាតិពុល រីស៊ីន។ សារព័ត៌មាន CNN បានដកស្រង់សម្ដីមន្ត្រីចារកិច្ចអាម៉េរិក មកបញ្ជាក់ថា សំបុត្រដែលផ្ញើទៅកាន់សេតវិមាននោះ គឺជាប់ពាក់ព័ន្ធនឹងការផ្ញើសំបុត្រ២ច្បាប់ទៅកាន់មន្ទីបញ្ចាកោណ។

សហរដ្ឋអាម៉េរិក៖ ការិយាល័យពន្ធដារនៃរដ្ឋញ៉ូវយ៉ក គ្រោងបើកការស៊ើបអង្កេតមួយទៅលើការចោទប្រកាន់ថា ប្រធានាធិបតីអាម៉េរិកលោក ដូណាល់ ត្រាំ បានទទួលប្រាក់រាប់រយលានដុល្លារពីឪពុករបស់លោក គឺលោក ហ្វ្រេដ ត្រាំ តាមរយៈការក្លែងបន្លំពន្ធ។

ឥណ្ឌូណេស៊ី៖ ប្រធានអាជ្ញាធរគ្រប់គ្រងគ្រោះមហន្តរាយឥណ្ឌូណេស៊ី លោក ស៊ូតូផូ នូក្រូហូ បានឱ្យដឹងនៅថ្ងៃពុធនេះថា តួលេខជនរងគ្រោះបាត់បង់ជីវិត ដោយសារគ្រោះរញ្ជួយដី និងរលកយក្សស៊ូណាមិ បានបន្តកើនឡើងដល់ ១,៤០៧នាក់ហើយ។

ស្វីស៖ អគ្គលេខាធិការអង្គការពាណិជ្ជកម្មពិភពលោក Roberto Azevedo និងលោក Jack Ma ប្រធានប្រតិបត្តិក្រុមហ៊ុន Alibaba Group សុទ្ធតែបាននិយាយកាលពីម្សិលមិញដូចគ្នាថា បច្ចេកវិទ្យាមិនមែនជារឿងគួរឲ្យព្រួយបារម្ភទេ ប៉ុន្តែគួរត្រូវបានគ្រប់គ្រង ដើម្បីអភិវឌ្ឍពាណិជ្ជកម្មនិងសង្គម។

យោងតាមការចេញផ្សាយរបស់សារព័តមាន khaosode បានឲ្យដឹងថា ពន្ធនាគារចំនួន៥ នៅប្រទេសថៃនឹងអនុញ្ញាតឲ្យអ្នកទោសទទួលការហៅទូរសព្ទពីគ្រួសារ និងសាច់ញាតិតាមរយៈកម្មវិធីទូរសព្ទ Line ជាលើកដំបូងបង្អស់។

រុស្ស៊ី៖ យោធារុស្ស៊ីបានប្រើប្រាស់យន្តហោះយោធាធំបំផុតនៅលើពិភបលោក ប្រភេទ Antonov An-124 Ruslan ដើម្បីដឹកជញ្ជូនប្រព័ន្ធមីស៊ីលការពារ S-300 ទៅកាន់ប្រទេសស៊ីរី។

ចិន៖ ស្ពានកញ្ចក់ ដែលគេសាងសង់នៅលើកម្ពស់៧១៨ម៉ែត្រ ពីជញ្ជាំងចំណោតថ្មស្ថិតនៅទីក្រុងឆុងគីង ក្នុងតំបន់ភាគនិរតីប្រទេសចិន បានផ្តល់ជូនភ្ញៀវទេសចរ នូវបទពិសោធន៍ថ្មី ជាមួយនឹងការបញ្ចូលនូវឥទ្ធិពលពិសេសនៃសំឡេង និងចក្ខុឥន្រ្ទីយារម្មណ៍។