ស៊ីរី៖ ប្រព័ន្ធផ្សព្វផ្សាយរដ្ឋស៊ីរីបានឱ្យដឹងថា កងទ័ពអាកាសស៊ីរីត្រូវបានដាក់ឱ្យនៅក្រោមការប្រុងជើងការកម្រិតខ្ពស់មួយ ស្របពេលមានសេចក្ដីរាយការណ៍ថា សហរដ្ឋអាម៉េរិកអាចនឹងបើកការវាយប្រហារសាជាថ្មី ប្រឆាំងជាមួយរដ្ឋាភិបាលទីក្រុង ដាម៉ាស់។  

អ៊ីរ៉ង់៖ រដ្ឋាភិបាលទីក្រុងតេហេរ៉ង់បានស្នើឱ្យតុលាការយុត្តិធម៌អន្តរជាតិ (ICJ) ដកទណ្ឌកម្មសេដ្ឋកិច្ចរបស់សហរដ្ឋអាម៉េរិក បន្ទាប់ពីលោក ដូណាល់ ត្រាំ សម្រេចចិត្តបោះបង់ចោលកិច្ចព្រមព្រៀងស្ដីពីកម្មវិធីនុយក្លេអ៊ែរអ៊ីរ៉ង់កាលពីឆ្នំា២០១៥។

អ៊ីរ៉ង់៖ ទីភ្នាក់ងារសារព័ត៌មានអ៊ីរ៉ង់បានរាយការណ៍ថា យ៉ាងហោចណាស់មាន មនុស្ស៣នាក់បានបាត់បង់ជីវិត និងប្រមាណជាង២៤៣នាក់ផ្សេងទៀតទទួលរង របួសធ្ងន់-ស្រាល បន្ទាប់ពីគ្រោះរញ្ជួយដីក្នុងកម្រិត៦.០រ៉ិកទ័របានធ្វើការវាយប្រហារ ភាគខាងលិចប្រទេស កាលពីព្រឹកថ្ងៃអាទិត្យសប្តាហ៍មុននេះ (ម៉ោងក្នុងតំបន់)។

សហរដ្ឋអាម៉េរិក៖ រដ្ឋាភិបាលទីក្រុងវ៉ាស៊ីនតោនបានសម្រេចដាក់ទណ្ឌកម្មថ្មីប្រឆាំង នឹងរដ្ឋាភិបាលទីក្រុងម៉ូស្គូជាផ្លូវការហើយ ជុំវិញករណីចោទប្រកាន់ថា រុស្ស៊ីមានជាប់ពាក់ព័ន្ធ នឹងការលួចបំពុលអតីតមន្រ្តីចារកម្មរុស្ស៊ីឈ្មោះ ស៊ឺហ្គៃ ស្គ្រីផាល់  និងកូនស្រី ។ លោក ស៊ឺហ្គៃ ស្គ្រីផាល់ និងកូនស្រីត្រូវគេរកឃើញទាំងក្នុងសភាសន្លប់ស្តូកស្តឹង នៅទីក្រុង សាលលីបឺរី ចក្រភពអង់គ្លេស កាលពីថ្ងៃទី០៤ ខែមីនា ឆ្នាំ២០១៨ ហើយ ភ្លាមៗនោះ អង់គ្លេស និងសម្ព័ន្ធមិត្ត បានធ្វើការចោទប្រកាន់ទៅលើរុស្ស៊ីថា ជាអ្នក រៀបចំគម្រោងប្រើអាវុធគីមីបំពុលអតីតមន្រ្តីចារកម្មរូបនេះ។

អាហ្គានីស្ថាន៖ តាមរយៈសេចក្តីថ្លែងការណ៍មួយនៅក្នុងថ្ងៃច័ន្ទនេះ បានឲ្យដឹងថា មេដឹកនំាំកំពូលរបស់ក្រុមរដ្ឋអ៊ីស្លាម IS នៅអាហ្គានីស្ថាន ត្រូវបានសម្លាប់ដោយ សារការវាយប្រហារពីគ្រាប់មីស៊ីលរយៈចម្ងាយឆ្ងាយ ដែលបាញ់ដោយកងកម្លំាង ចម្រុះរបស់អង្គការណាតូដឹកនំាដោយអាមេរិក មានគោលដៅបោសសម្អាតពួក ឧទ្ទាមមួយនេះនៅខេត្ត ណាងហ្គាហា ភាគខាងកើតប្រទេសអាហ្គានីស្ថាន។

កូរ៉េខាងជើង៖ ប្រព័ន្ធផ្សព្វផ្សាយរដ្ឋរបស់កូរ៉េខាងជើងបានឲ្យដឹងថា រដ្ឋាភិបាលបាន សម្រេចចិត្តបណ្តេញអ្នកទេសចរណ៍ជនជាតិជប៉ុនម្នាក់ ដែលត្រូវបានឃាត់ខ្លួន នាអំឡុងពេលដំណើរមកលេងកម្សាន្តនៅក្នុងប្រទេសកូរ៉េខាងជើង។ ជនជាតិជប៉ុន ឈ្មោះ (តូម៉ូយូគី ស៊ូជីម៉ូតុ) Tomoyuki Sugimoto ត្រូវបានអាជ្ញាធរកូរ៉េខាងជើងចាប់ខ្លួនដោយចោទប្រកាន់ថា មានជាប់ពាក់ព័ន្ធនឹងបទប្រឆំាងនឹងច្បាប់របស់កូរ៉េខាង ជើង ក៏ប៉ុន្តែការចោទប្រកាន់នេះ ពុំមានការបញ្ជាក់លំអិតនោះទេ។

កូរ៉េខាងជើង៖ ប្រទេសកូរ៉េខាងជើង តាមរយៈប្រព័ន្ធផ្សព្វផ្សាយរដ្ឋរបស់ខ្លួន បានធ្វើ ការរិះគន់ធ្ងន់ៗលើសហរដ្ឋអាមេរិក ដោយនិយាយថា មហាអំណាចមួយនេះ នៅតែចិញ្ចឹមចិត្តប្រឆំាង និងទីក្រុងព្យុងយ៉ាង បន្ទាប់ពីប្រធានាធិបតីអាមេរិកលោក ដូណាល់ ត្រាំ បានស្នើឲ្យរដ្ឋមន្រ្តីការបរទេសអាមេរិក លោក ម៉ៃ ប៉ុមប៉េអូ លុបចោល ដំណើរទស្សនកិច្ចទៅកាន់កូរ៉េខាងជើង។

សហរដ្ឋអាម៉េរិក៖ យោងតាមសេចក្តីរាយការណ៍របស់មន្រ្តីប៉ូលិសបានឲ្យដឹងថា ខ្មាន់កាំភ្លើងម្នាក់បានបាញ់សម្លាប់មនុស្ស០២នាក់ និងជាច្រើននាក់ទៀតទទួលរងរបួស នៅឯភោជនីយដ្ឋានមួយកន្លែងក្នុងទីក្រុង ជេក សុនវីល រដ្ឋផ្លរីដា។