មូលនិធិមនុស្សធម៌ Gaza ហៅកាត់ GHF បានបង្ហាញវីដេអូ ប្រជាជនប៉ាឡេស្ទីន រាប់រយនាក់ រត់សម្រុក ទៅដណ្តើមយកអាហារ នៅទីតាំងផ្តល់ជំនួយ។ វីដេអូ ដែលត្រូវបានចេញផ្សាយ ដោយទីភ្នាក់ងារព័ត៌មាន BBC នៅថ្ងៃព្រហស្បតិ៍ និង ចែករំលែក តាមអ៊ីនធឺណេត បានបង្ហាញពីហ្វូងមនុស្ស រត់ប្រសាច ឡើងលើកូនភ្នំ ជាច្រើន ផ្លោះរបងដែក ប្រញាប់ប្រញាល់ ទៅយកអាហារទទួលទាន នាភាគខាងលិចនៃ តំបន់ Rafah។ ក្នុងវីដេអូ ដែលគេថតបាន កាលពីថ្ងៃអង្គារ បង្ហាញថា ពួកគេបានស្រែកព្រមគ្នា ដោយការស្រេកឃ្លានខ្លាំង ពេលរត់សំដៅ ទៅរកជំនួយ ទាំងនោះ។ វីដេអូនេះ ក៏ត្រូវបានចែករំលែកដោយ លោក Alon Lee-Green ដែលជាសកម្មជនប្រឆាំងសង្រ្គាមអ៊ីស្រាអែល។ លោក អះអាងថា បានទទួលវីដេអូ ពីបុគ្គលិកនៃស្ថាប័នអាមេរិកមួយ នៅហ្គាហ្សា។ នៅក្នុងការបង្ហោះនៅលើ X លោក Green បានពិពណ៌នា កន្លែងកើតហេតុថា «នេះមិនមែនជាខ្សែភាពយន្ត…

វ៉ាស៊ីនតោន ៖ រដ្ឋមន្ត្រីការពារជាតិអាមេរិក លោក Pete Hegseth បាននិយាយក្នុងសវនាការសភាថា សហរដ្ឋអាមេរិកនឹងកាត់បន្ថយការផ្តល់មូលនិធិសម្រាប់ជំនួយយោធាដល់អ៊ុយក្រែន នៅក្នុងកញ្ចប់ថវិកាការពារជាតិឆ្នាំ២០២៦ នាពេលខាងមុខ នេះបើតាមការចុះផ្សាយរបស់សារព័ត៌មាន Kyiv Independent។ ប្រមុខការពារជាតិអាមេរិករូបនេះបានប្រាប់សមាជិកសភាថា នឹងមានការកាត់បន្ថយក្នុងកញ្ចប់ថវិកាឆ្នាំក្រោយ ហើយថា រដ្ឋបាលលោក Trump មានទស្សនៈខុសគ្នាខ្លាំងក្នុងជម្លោះអ៊ុយក្រែន ហើយជឿថា ការចរចាដោយសន្តិវិធី គឺជាផលប្រយោជន៍ល្អបំផុតសម្រាប់ភាគីទាំងពីរ និងផលប្រយោជន៍ជាតិរបស់អាមេរិក ក៏ដូចជាផលប្រយោជន៍ប្រទេសទាំងអស់ជុំវិញពិភពលោក។ មន្ទីរបញ្ចកោណមិនទាន់ចេញផ្សាយឯកសារពេញលេញ ទាក់ទងនឹងកញ្ចប់ថវិកាឆ្នាំ២០២៦របស់ខ្លួននៅឡើយទេ។ ប៉ុន្តែលោក Hegseth បានលើកឡើងថា ថវិកាដែលមិនទាន់សម្រេចនោះ បានផ្តល់កម្រិតថវិកាជាប្រវត្តិសាស្ត្រសម្រាប់ការត្រៀមលក្ខណៈយោធា ដោយដាក់តម្រូវការអ្នកប្រយុទ្ធរបស់អាមេរិកជាធំ។ ប្រមុខការពារជាតិអាមេរិករូបនេះក៏មិនបានបង្ហាញព័ត៌មានលម្អិតពីទំហំនៃការកាត់ថវិកាដល់អ៊ុយក្រែនដែរ។ ក្រោមការដឹកនាំរបស់លោក Trump គោលនយោបាយរបស់សហរដ្ឋអាមេរិកចំពោះអ៊ុយក្រែនបានផ្លាស់ប្តូរយ៉ាងខ្លាំង។ ការអំពាវនាវឱ្យគាំទ្រឯករាជ្យភាព និងអធិបតេយ្យភាពរបស់អ៊ុយក្រែន ត្រូវបានជំនួសដោយការទាមទារឱ្យអ៊ុយក្រែនធ្វើកិច្ចព្រមព្រៀងជាមួយរុស្ស៊ី ដើម្បីបញ្ចប់សង្គ្រាម ហើយជួនកាលលោក Trump ថែមទាំងបានរិះគន់លោក Zelensky។ បន្ទាប់ពីការប៉ះទង្គិចគ្នាដ៏អាក្រក់របស់មេដឹកនាំទាំងពីរ ក្នុងអំឡុងកិច្ចប្រជុំនៅការិយាល័យពងក្រពើ (Oval Office) ក្នុងខែកុម្ភៈ សហរដ្ឋអាមេរិកបានផ្អាកជាបណ្តោះអាសន្ននូវជំនួយយោធាទាំងអស់ដល់អ៊ុយក្រែន។ លោកប្រធានាធិបតី Zelensky បានបញ្ជាក់នៅក្នុងបទសម្ភាសន៍ថ្មីៗនេះថា សហរដ្ឋអាមេរិកបានបង្វែរមីស៊ីលប្រឆាំងយន្តហោះដ្រូនចំនួន ២០.០០០គ្រាប់…

កៀវ ៖ ប្រទេសអាល្លឺម៉ង់បានប្រកាសនឹងបន្ថែមជំនួយយោធា ២.២ពាន់លានដុល្លារដល់អ៊ុយក្រែននៅក្នុងឆ្នាំនេះ ចំពេលដែលរុស្ស៊ីបង្កើនការវាយប្រហារប្រឆាំងអ៊ុយក្រែន។ កញ្ចប់ជំនួយយោធាថ្មីនេះ ត្រូវបានប្រកាសក្នុងកំលុងរដ្ឋមន្ត្រីការពារជាតិអាល្លឺម៉ង់ លោក Boris Pistorius ធ្វើសន្និសីទកាសែជាមួយប្រធានាធិបតីអ៊ុយក្រែន លោក Volodymyr Zelensky ក្នុងទីក្រុងកៀវ។ លោក Pistorius និយាយថា កញ្ចប់ជំនួយថ្មីនេះ អាចនឹងរួចរាល់ក្នុងពេលប៉ុន្មានសប្តាហ៍ ឬខែខាងមុខនេះ នៅពេលការសម្រេចចិត្តត្រូវបានធ្វើឡើងនៅក្នុងសភា។ លោក Pistorius បានបញ្ជាក់ថា បូកបន្ថែមទាំងកញ្ចប់ជំនួយថ្មីនេះ នាំឲ្យជំនួយសរុបរបស់អាល្លឺម៉ង់សម្រាប់កើនដល់ជាង ១០ពាន់លានដុល្លារនៅឆ្នាំនេះ។ ទីក្រុងប៊ែរឡាំងបានផ្តល់ជំនួយចំនួន ៨ពាន់លានដុល្លាររួចហើយសម្រាប់អ៊ុយក្រែន។ ប្រមុខការពារជាតិអាល្លឺម៉ង់រូបនេះ ការបង្កើនមូលនិធិនេះ នឹងត្រូវប្រើជាហិរញ្ញប្បទានគាំទ្រផែនការអាល្លឺម៉ង់ជួយអ៊ុយក្រែន ផលិតកាំជ្រួចរយៈចម្ងាយឆ្ងាយដោយខ្លួនឯង។ បើតាមការអះអាងរបស់អធិការបតីអាល្លឺម៉ង់ លោក Friedrich Merz កាលពីខែមុន ប្រទេសទាំងពីរនឹងរួមគ្នាអភិវឌ្ឍប្រព័ន្ធអាវុធរយៈចម្ងាយឆ្ងាយ ទប់ទល់នឹងការប្រហាររបស់រុស្ស៊ី៕ ប្រភព ៖ AFP ប្រែសម្រួល ៖ ឈឹម ទីណា

បរទេស ៖ នាយករដ្ឋមន្ត្រី ប្រទេសអ៊ីស្រាអែល លោក Netanyahu បាននិយាយថា ប្រតិបត្តិការរបស់អ៊ីស្រាអែល ប្រឆាំងនឹងអ៊ីរ៉ង់ នឹងបន្តរយៈពេលជាច្រើនថ្ងៃ តាមតម្រូវការរបស់ខ្លួន។ លោក Benjamin Netanyahu បាននិយាយថា «ការវាយប្រហាររបស់អ៊ីស្រាអែល លើអ៊ីរ៉ង់ នឹងបន្តរយៈពេល ជាច្រើនថ្ងៃ តាមដែលខ្លួនត្រូវការ» ពោលគឺ បន្ទាប់ពីអ៊ីស្រាអែលបានប្រកាសថា ខ្លួនបានធ្វើការវាយប្រហារ លើទីតាំងនុយក្លេអ៊ែរ និង យោធារបស់អ៊ីរ៉ង់។ លោក Netanyahu បាននិយាយ នៅក្នុងសេចក្តីថ្លែងការណ៍ វីដេអូមួយ ដោយដាក់ឈ្មោះប្រតិបត្តិការនេះ ថា «Rising Lion» ឬ «តោតំឡើងអំណាច»។ លោកបន្តថា «យើងបានវាយប្រហារចំបេះដូងនៃកម្មវិធីចម្រាញ់នុយក្លេអ៊ែររបស់អ៊ីរ៉ង់…យើងបានកំណត់គោលដៅ លើរោងចក្រចម្រាញ់ប្រេងដ៏សំខាន់ របស់អ៊ីរ៉ង់ នៅ Natanz… យើងក៏បានវាយប្រហារចំបេះដូងនៃកម្មវិធីមីស៊ីលផ្លោង របស់អ៊ីរ៉ង់»។ លោកបានបន្ថែមថា អ៊ីស្រាអែលក៏បានវាយប្រហារ លើក្រុមអ្នកវិទ្យាសាស្ត្រនុយក្លេអ៊ែរអ៊ីរ៉ង់ ដែលជំនាញផលិតគ្រាប់បែកអ៊ីរ៉ង់ ផងដែរ។ គួរបញ្ជាក់ថា កាលពីព្រឹកថ្ងៃសុក្រ អ៊ីស្រាអែលបានផ្តើមវាយប្រហារអ៊ីរ៉ង់ ជាហេតុនាំឲ្យមជ្ឈិមបូព៌ា ធ្លាក់ចូលទៅក្នុងភាពមិនច្បាស់លាស់ថ្មី…

វ៉ាស៊ីនតោន ៖ ប្រធានាធិបតីអាមេរិក លោក ដូណាល់ ត្រាំ បានស្នើជួយដល់ឥណ្ឌា ពាក់ព័ន្ធនឹងហេតុការណ៍ធ្លាក់យន្តហោះផ្ទុកអ្នកដំណើរ ២៤២នាក់ដ៏គួរឱ្យរន្ធត់នៅទីក្រុងAhmedabad កាលពីថ្ងៃព្រហស្បតិ៍។ លោកប្រធានាធិបតី ដូណាល់ ត្រាំ បានប្រាប់អ្នកកាសែតក្នុងព្រឹត្តិការណ៍មួយនៅសេតវិមានថា ខ្ញុំចង់ប្រាប់ឥណ្ឌាឱ្យដឹងថា យើងអាចធ្វើបានគ្រប់យ៉ាង ហើយយើងនឹងចុះទៅដល់ទីនោះភ្លាមៗ… ទីតាំងយន្តហោះធ្លាក់ដ៏គួរឱ្យរន្ធត់។ ភ្លាមៗ នាយករដ្ឋមន្រ្តីឥណ្ឌា លោក ណារិនដ្រា ម៉ូឌី បានចុះត្រួតពិនិត្យដោយផ្ទាល់នៅទីតាំងយន្តហោះធ្លាក់ ហើយបានពណ៌នាសោកនាដកម្មនេះថា ជា “ការឈឺចិត្តហួសថ្លែង”។ នៅក្នុងថ្ងៃសុក្រនេះ ក្រុមសង្គ្រោះបានប្រើប្រាស់សត្វឆ្កែជួយដល់ប្រតិបត្តិការរុករកជនរងគ្រោះនៅទីតាំងយន្តហោះធ្លាក់ចំតំបន់ប្រជាជនរស់នៅនៃទីក្រុងAhmedabad សម្លាប់មនុស្សយ៉ាងហោចណាស់ ២៦៥នាក់ ទាំងអ្នកដំណើរលើយន្តហោះ និងនៅលើដី។ ហើយមានតែអ្នកដំណើរម្នាក់ប៉ុណ្ណោះ ដែលជាជនជាតិអង់គ្លេសដើមកំណើតឥណ្ឌ ដែលនៅរស់រានមានជីវិត និងត្រូវបានបញ្ជូនទៅសង្គ្រោះនៅមន្ទីរពេទ្យ។ ស្នងការរងប៉ូលិសឥណ្ឌា លោក Kanan Desai បាននិយាយថា រហូតមកដល់ពេលនេះ សាកសពមនុស្សចំនួន ២៦៥នាក់ត្រូវបានរកឃើញ ក្នុងនោះ ២៤នាក់បានស្លាប់នៅលើដី ពេលយន្តហោះធ្លាក់ចំតំបន់ប្រជាជនរស់នៅ ហើយតួលេខអ្នកស្លាប់ ត្រូវបានរំពឹងថា អាចនឹងកើនឡើងថែមទៀត។ រដ្ឋមន្ត្រីក្រសួងមហាផ្ទៃឥណ្ឌា លោក Amit Shah…