តូក្យូ ៖ រដ្ឋមន្ត្រីការពារជាតិជប៉ុន លោក ស៊ីនជីរ៉ូ ខូអ៊ីហ្ស៊ូមី អះអាងសាជាថ្មីកាលពីថ្ងៃ សុក្រ ថា ប្រទេសជប៉ុននឹងមិនច្រានចោលលទ្ធភាពបញ្ជាទិញនាវាមុជទឹកដើរដោយថាមពលនុយក្លេអ៊ែរលើកដំបូង សម្រាប់បំពាក់ដល់កងទ័ពជើងទឹករបស់ខ្លួននោះទេ ខណៈដែលរដ្ឋាភិបាលនឹងបន្តពិចារណាជម្រើសនេះ។ ការប្រកាសរបស់ប្រមុខការពារជាតិជប៉ុនរូបនេះ កើតឡើងបន្ទាប់ពីមន្ត្រីកងទ័ពជើងទឹកអាមេរិក បានបង្ហាញទស្សនៈវិជ្ជមាន ដោយជំរុញឱ្យទីក្រុងតូក្យូពិចារណាពីតម្រូវការនាវាមុជទឹកដើរដោយថាមពលនុយក្លេអ៊ែរ ដើម្បីឆ្លើយតបតម្រូវការសន្តិសុខ និងប្រតិបត្តិការនៃកងទ័ពជើងទឹកជប៉ុន។ បើតាម Japan Times, នាវាមុជទឹកដើរដោយថាមពលនុយក្លេអ៊ែរមានអត្ថប្រយោជន៍យ៉ាងច្រើន ដូចជា អាចល្បាតបានយូរ និងមានល្បឿនលឿនជាងនាវាមុជទឹកដើរដោយថាមពលម៉ាស៊ូត-អគ្គិសនី ប៉ុន្តែវាមានតម្លៃខ្ពស់ជាង ត្រូវការជំនាញឯកទេស និងមានបញ្ហាផ្នែកសំឡេងក្រោមទឹក។ បច្ចុប្បន្ន ប្រទេសជប៉ុនមាននាវាមុជទឹកចម្បាំងដើរដោយថាមពលម៉ាស៊ូត-អគ្គិសនីចំនួន ២៣ គ្រឿង ហើយធ្លាប់ជៀសវាងការអភិវឌ្ឍនាវាមុជទឹកដើរដោយថាមពលនុយក្លេអ៊ែរ ដោយសារតែបញ្ហាតម្លៃ និងភាពស្មុគស្មាញផ្នែកនយោបាយ។ យ៉ាងណា ការជជែកដេញដោលអំពីនាវាមុជទឹកដើរដោយថាមពលនុយក្លេអ៊ែរបានកើនឡើងម្តងទៀត ដោយសារតែការពង្រីកកម្លាំងយោធាចិននៅតំបន់ប៉ាស៊ីហ្វិក និងការអភិវឌ្ឍកងនាវាមុជទឹកដើរដោយថាមពលនុយក្លេអ៊ែររបស់ទីក្រុងប៉េកាំង។ ប្រភពបង្ហើបឱ្យដឹងថា ប្រទេសជប៉ុនក៏កំពុងពិចារណាកែសម្រួលឯកសារយុទ្ធសាស្ត្រសន្តិសុខសំខាន់ៗរបស់ខ្លួន ដែលនឹងជួយបើកផ្លូវឱ្យមានការពិចារណាលើការពង្រឹងសមត្ថភាពយោធាថ្មីៗ រួមទាំងតម្រូវការនាវាមុជទឹកដើរដោយថាមពលនុយក្លេអ៊ែរ៕ ប្រភព ៖ Japan Times ប្រែសម្រួល ៖ ឈឹម ទីណា

ញូវដេលី ៖ មេដឹកនាំក្រុមប្រទេស BRICS បានអំពាវនាវឱ្យសហគមន៍អន្តរជាតិបង្កើនកិច្ចខិតខំប្រឹងប្រែងទប់ស្កាត់ និងដោះស្រាយជម្លោះតាមមធ្យោបាយសន្តិវិធី ជាពិសេសចំពោះសង្គ្រាមនៅអ៊ីរ៉ង់ និងអ៊ុយក្រែន។ បើតាម Anadolu, ក្រុមប្រទេស BRICS បានប្រឆាំងយ៉ាងច្បាស់ចំពោះការបង្ខំឱ្យប្រជាជនប៉ាឡេស្ទីនចាកចេញពីតំបន់ហ្គាហ្សា និងអំពាវនាវឱ្យបញ្ចប់គោលនយោបាយ ដែលមានគោលដៅផ្លាស់ទីប្រជាជនប៉ាឡេស្ទីនដោយបង្ខំ។ ក្រុមប្រទេស BRICS អះអាងថា ដំណោះស្រាយយូរអង្វែងចំពោះជម្លោះអ៊ីស្រាអែល-ប៉ាឡេស្ទីន ត្រូវសម្រេចតាមមធ្យោបាយសន្តិវិធី និងត្រូវគោរពសិទ្ធិស្របច្បាប់របស់ប្រជាជនប៉ាឡេស្ទីន រួមទាំងសិទ្ធិកំណត់ជោគវាសនាខ្លួនឯង និងសិទ្ធិវិលត្រឡប់។ ក្រុមប្រទេស BRICS ក៏បានថ្កោលទោសការវាយប្រហារលើមូលដ្ឋាន និងបុគ្គលិករបស់កងកម្លាំងបណ្តោះអាសន្នរបស់អង្គការសហប្រជាជាតិប្រចាំនៅប្រទេសលីបង់ ហៅកាត់ UNIFIL ដោយសង្កត់ធ្ងន់ថា ការវាយប្រហារបែបនេះ គឺជាការរំលោភលើច្បាប់អន្តរជាតិ។ សម្រាប់ផ្នែកពាណិជ្ជកម្ម, BRICS បានរិះគន់ការកើនឡើងវិធានការពាណិជ្ជកម្មឯកតោភាគី ដូចជា ការដំឡើងពន្ធគយ និងវិធានការមិនមែនពន្ធគយ ដែលខ្លួនចាត់ទុកថា មិនស្របតាមច្បាប់អង្គការពាណិជ្ជកម្មពិភពលោក (WTO)។ មេដឹកនាំ BRICS ក៏បានប្រឆាំងនឹងទណ្ឌកម្មសេដ្ឋកិច្ចឯកតោភាគី និងទណ្ឌកម្មបន្ទាប់បន្សំផងដែរ ដោយអះអាងថា វាអាចប៉ះពាល់ធ្ងន់ធ្ងរដល់ប្រជាជនសាមញ្ញ ជាពិសេសក្រុមប្រទេសក្រីក្រ និងងាយរងគ្រោះ ព្រមទាំងប៉ះពាល់ដល់សិទ្ធិអភិវឌ្ឍ សុខភាព និងសន្តិសុខស្បៀង៕ ប្រភព ៖ Anadolu…

ប៉េកាំង ៖ ប្រទេសចិនបានបោះសម្តីគំរាមទៅកាន់សហរដ្ឋអាមេរិកថា ខ្លួននឹងលុបចោលកិច្ចប្រជុំកំពូលរវាងលោកប្រធានាធិបតី Xi Jin ping និងលោកប្រធានាធិបតី Donald Trump ដែលហៀបនឹងកើតឡើងនៅចុងខែកញ្ញានេះ ប្រសិនបើភាគីទីក្រុងវ៉ាស៊ីនតោនហ៊ានអនុម័តលក់អាវុធថ្មីៗទៅឱ្យតៃវ៉ាន់មុនពេលនោះ។ ការព្រមាននេះកើតឡើង ខណៈដែលលោក Trump ចង់រៀបចំកិច្ចប្រជុំកំពូលជាមួយលោក Xi ដើម្បីជំរុញទំនាក់ទំនង និងស្វែងរកសមិទ្ធផលការទូត មុនការបោះឆ្នោតពាក់កណ្តាលអាណត្តិរបស់សហរដ្ឋអាមេរិកនៅខែវិច្ឆិកាខាងមុខ។ មុនដំណើរទស្សនកិច្ចរបស់លោក Xi ទៅកាន់សហរដ្ឋអាមេរិក ប្រទេសចិនបានអះអាងជាថ្មីថា បញ្ហាតៃវ៉ាន់ គឺជា «ខ្សែបន្ទាត់ក្រហម» ក្នុងទំនាក់ទំនងរវាងប្រទេសទាំងពីរ ដោយចាត់ទុកតៃវ៉ាន់ជាផ្នែកមួយនៃទឹកដីចិន ហើយក៏មិនច្រានចោលលទ្ធភាពប្រើកម្លាំងយោធាដណ្តើមយកមកវិញដែរ។ ទោះជាមានភាពខ្វែងគំនិតគ្នាជុំវិញបញ្ហាកោះតៃវ៉ាន់ក៏ដោយ ប្រទេសចិននៅតែបង្ហាញជំហរបើកចំហ ចំពោះកិច្ចសន្ទនាជាមួយសហរដ្ឋអាមេរិក។ ហើយមេដឹកនាំទាំងពីរត្រូវបានរំពឹងថា នឹងពិភាក្សាលើបញ្ហាសេដ្ឋកិច្ចសំខាន់ៗជាច្រើន រួមទាំងកិច្ចព្រមព្រៀងកាត់បន្ថយពន្ធគយលើទំនិញដែលមានតម្លៃប្រមាណ ៣០ ពាន់លានដុល្លារពីភាគីនីមួយៗ។ បើតាម Straits Times, សហរដ្ឋអាមេរិកនៅតែបន្តលក់ និងផ្គត់ផ្គង់អាវុធថ្មីៗឱ្យតៃវ៉ាន់ ស្ថិតក្រោមច្បាប់ស្តីពីទំនាក់ទំនងតៃវ៉ាន់ (Taiwan Relations Act) ដែលមានគោលបំណងជួយតៃវ៉ាន់រក្សាសមត្ថភាពការពារខ្លួន។ ជាក់ស្តែង កាលពីខែធ្នូ ឆ្នាំ២០២៥ រដ្ឋបាលលោក Trump បានប្រកាសកញ្ចប់លក់អាវុធទៅឱ្យកោះតៃវ៉ាន់ ក្នុងតម្លៃប្រហែល…

កៀវ ៖ ប្រធានាធិបតីអ៊ុយក្រែន លោក Volodymyr Zelensky និយាយថា លោកមានឆន្ទៈជួបតទល់ផ្ទាល់ជាមួយប្រធានាធិបតីរុស្ស៊ី លោក Vladimir Putin នៅឯកិច្ចប្រជុំកំពូល G20 ដែលគ្រោងធ្វើឡើងនៅសហរដ្ឋអាមេរិក ក្នុងខែធ្នូ ដើម្បីចរចាឈានទៅរកការសម្រេចចិត្តជាក់ស្តែង ក្នុងគោលបំណងបញ្ចប់សង្គ្រាមរវាងរុស្ស៊ី និងអ៊ុយក្រែន។ ការអះអាងបែបនេះរបស់លោក Zelensky ធ្វើឡើងស្របពេលដែលកិច្ចខិតខំប្រឹងប្រែងការទូត ដើម្បីស្តារការចរចាសន្តិភាពឆ្ពោះទៅរកការបិទបញ្ចប់សង្គ្រាមអូសបន្លាយចូលដល់ឆ្នាំទី៥ដែលជាប់គាំង កំពុងត្រូវបានបង្កើនសន្ទុះឡើងវិញ។ នៅពេលត្រូវបានអ្នកកាសែតសាកសួរថាតើលោកនឹងព្រមជួបលោក Putin ដែរទេ ប្រសិនបើមេដឹកនាំទាំងពីរត្រូវបានអញ្ជើញឱ្យចូលរួមកិច្ចប្រជុំ G20 នៅខែធ្នូ? លោក Zelensky បានឆ្លើយថា បាទ ជាការពិតណាស់។ លោកបន្តថា ភាគីទាំងពីរគួរតែជួបចរចាគ្នាដោយផ្ទាល់ ហើយធ្វើការសម្រេចចិត្តភ្លាមៗ ដោយលោកសង្កត់ធ្ងន់ថា លទ្ធផលជាក់ស្តែងមានសារៈសំខាន់ជាងពាក្យសម្តី។ បើតាម AFP, លោក Zelensky បានចាត់ទុកដំណើរទស្សនកិច្ចរបស់អ្នកចរចាអាមេរិក គឺលោក Steve Witkoff និង Jared Kushner ទៅកាន់ទីក្រុងមូស្គូ និងជួបលោក Putin ថា ជា…

វ៉ាស៊ីនតោន ៖ ប្រធានាធិបតីអាមេរិក Donald Trump នៅថ្ងៃ សៅរ៍ បានអះអាងម្តងទៀតថា សង្គ្រាមជាមួយអ៊ីរ៉ង់អាចនឹងបញ្ចបក្នុងពេលឆាប់ៗនេះ ដោយលោករំពឹងថា វាទំនងជាកើតឡើង បន្ទាប់ពីការបោះឆ្នោតជ្រើសរើសពាក់កណ្តាលអាណត្តិរបស់សហរដ្ឋអាមេរិក នៅខែវិច្ឆិកា ឆ្នាំ២០២៦។ ថ្លែងក្រោយជួបនាយករដ្ឋមន្រ្តីអៀរឡង់ លោក Micheal Martin នៅសេតវិមាន, លោកប្រធានាធិបតី Trump ចោទប្រកានអ៊ីរ៉ងពេញៗមាត់ថា កំពុងព្យាយាមអូសបន្លាយសង្គ្រាម ដើម្បីបង្កភាពស្មុគស្មាញដល់ការបោះឆ្នោតរបស់សហរដ្ឋអាមេរិក ប៉ុន្តែលោកមិនបានបញ្ជាក់លម្អិតទេ។ មេដឹកនាំអាមេរិករូបនេះ បានបញ្ជាក់ជាថ្មីថា ប្រទេសអ៊ីរ៉ង់ដាច់ខាតមិនអាចមានអាវុធនុយក្លេអ៊ែរបានឡើយ ហើយសហរដ្ឋអាមេរិកក៏នឹងមិនអនុញ្ញាតឱ្យរឿងនេះកើតឡើងដែរ។ បើតាម Anadolu, លោក Trump ព្យាករថា នៅពេលដែលសង្គ្រាមនេះត្រូវបានបញ្ចប់ នោះតម្លៃប្រេងនឹងធ្លាក់ចុះយ៉ាងគំហុកមកវិញ ហើយទីផ្សារភាគហ៊ុននឹងមានការកើនឡើងយ៉ាងខ្លាំង ដែលនឹងជួយកាត់បន្ថយសម្ពាធអតិផរណា។ ជុំវិញបញ្ហានៅសមុទ្រក្រហមវិញ លោក Trump លើកឡើងថា ក្រុមឧទ្ទាមហ៊ូធីនៅយេម៉ែន មិនចង់ប្រយុទ្ធជាមួយសហរដ្ឋអាមេរិកទេ ហើយពួកគេកំពុងអនុញ្ញាតឱ្យនាវាភាគច្រើនបន្តធ្វើដំណើរឆ្លងកាត់តំបន់នោះ។ ចំណែកស្ថានការណ៍នៅតំបន់ហ្គាហ្សា លោក Trump បានការពារតួនាទីរបស់រដ្ឋបាលអាមេរិក និងបដិសេធការចោទប្រកាន់ថា ទីក្រុងវ៉ាស៊ីនតោនកំពុងជួយសម្រួលដល់អំពើប្រល័យពូជសាសន៍ ឬការកាន់កាប់ទឹកដីខុសច្បាប់របស់អ៊ីស្រាអែលនៅតំបន់ West Bank ។…