បរទេស ៖ នៅថ្ងៃអាទិត្យនេះ មានការរញ្ជួយដី ជាច្រើនលើក បានវាយប្រហារប្រទេសមីយ៉ាន់ម៉ា ជិតព្រំដែនប្រទេសថៃ ពោលគឺនៅភាគពាយព្យ នៃខេត្តចំនួនពីរ នេះបើតាមការចុះផ្សាយរបស់កាសែត The Nation។ នាយកដ្ឋានអង្កេតការរញ្ជួយដី នៃនាយកដ្ឋានឧតុនិយមថៃ បានរាយការណ៍ថា រញ្ជួយដី តិចតួច និងការរញ្ជួយដីខ្នាតតូច បានវាយប្រហារប្រទេសមីយ៉ាន់ម៉ា ក្បែរនឹងខេត្ត Mae Sai និង Mae Hong Son របស់ថៃ កាលពីព្រឹកថ្ងៃទី៨ ខែមិថុនានេះ។ នាយកដ្ឋាន បានរាយការណ៍ថា គ្រោះរញ្ជួយដីទាំងនេះ មានកម្រិត ២.២រ៉ិចទ័រ, ៣.២រ៉ិចទ័រ ព្រមទាំង ២.៩ រ៉ិចទ័រ នេះបើតាម កាសែត The Nation ដដែល៕ ប្រភពពី The Nation ប្រែសម្រួល៖ សារ៉ាត

បរទេស ៖ អាជ្ញាធរប្រទេសប៉េរូ បានរឹបអូសសត្វបង្គួយ ចំនួន ១១០ក្បាល ដែលគេប៉ុនប៉ង ប្រើប្រាស់ធ្វើជាថ្នាំ សម្រាប់ព្យាបាលជំងឺ។ សេវាព្រៃឈើ និងសត្វព្រៃជាតិ ហៅកាត់ Serfor របស់ប្រទេស ស្ថិតក្នុងតំបន់អាមេរិកខាងត្បូងមួយនេះ បាននិយាយថា អាជ្ញាធរប៉េរូបានរឹបអូស បង្ការកុំឲ្យពួកឈ្នួញ យកទៅប្រើប្រាស់ដោយខុសច្បាប់ សម្រាប់ការព្យាបាល បែបឱសថបុរាណ នៅភាគខាងត្បូង ប្រទេសប៉េរូ។ អាជ្ញាធរបានអះអាងថា សត្វបង្គួទាំងនេះ ជាទូទៅ ត្រូវបានគេរក្សាទុកក្នុងកែវ ដែលមានជាតិអាល់កុល ហើយត្រូវបានគេលក់ដោយខុសច្បាប់ ដោយចាត់ទុកថា ជាវិធីព្យាបាល ជំនួសឱសថរុក្ខជាតិ។ អ្នកឯកទេស បានគូសបញ្ជាក់ថា បើតាមបែបវិទ្យាសាស្ត្រ សត្វទាំងនេះ មិនអាចព្យាបាលជំងឺបានទេ។ ការធ្វើអាជីវកម្មសត្វព្រៃ ត្រូវបានហាមឃាត់ ហើយបើបំពាន អាចពិន័យជាប្រាក់ ១៥ ម៉ឺនដុល្លារ សម្រាប់ប្រទេសប៉េរូ៕ ប្រភពពី AFP ប្រែសម្រួល៖ សារ៉ាត

បរទេស៖ អ៊ីស្រាអែលបានអះអាងថា ចំណាប់ខ្មាំងថៃម្នាក់ ត្រូវបានសម្លាប់យ៉ាងព្រៃផ្សៃ នៅក្នុងតំបន់ហ្គាហ្សា ដោយសាកសព ទើបតែត្រូវបានប្រទះឃើញ។ កងកម្លាំងអ៊ីស្រាអែល បានអះអាង កាលពីថ្ងៃសៅរ៍ថា ពួកគេបានទាញយកសាកសពចំណាប់ខ្មាំង ជាជនជាតិថៃ ឈ្មោះ Natthapong Pinta ចេញពីតំបន់ ហ្គាហ្សា ស្ទ្រីប។ រដ្ឋមន្ត្រីការពារជាតិអ៊ីស្រាអែល លោក Katz បានអះអាងថា ជនជាតិថៃរូបនេះ ត្រូវបានសម្លាប់ យ៉ាងព្រៃផ្សៃ អំឡុងការចាប់ឃុំខ្លួន ដោយអង្គការភេរវករ សំដៅលើ កងពលតូច Mujahideen ជាក្រុមប្រដាប់អាវុធ ដែលស្និទ្ធនឹងក្រុមជីហាត មានសម្ព័ន្ធមិត្ត ជាមួយហាម៉ាស។ លោក Katz បាននិយាយទៀតថា ឈ្មោះ Natthapong បានទៅប្រទេសអ៊ីស្រាអែល ដើម្បីធ្វើការ ក្នុងវិស័យកសិកម្ម។ បើតាមសេចក្តីថ្លែងការណ៍យោធា បាននិយាយថា សាកសព ជនជាតិថៃរូបនេះ ត្រូវបានយកចេញពីតំបន់ Rafah នៃភាគខាងត្បូង Gaza ក្រោយពេលដែលកងទ័ព និងទីភ្នាក់ងារសន្តិសុខ Shin Bet បានធ្វើប្រតិបត្តិការរួមគ្នាមួយ…

បរទេស ៖ បេក្ខជនត្រៀមឈរឈ្មោះបោះឆ្នោតប្រធានាធិបតី នៅប្រទេស កូឡុំប៊ី ត្រូវបានបាញ់ឲ្យរងរបួស ក្នុងអំឡុងពេលព្រឹត្តិការណ៍មួយ នៅក្នុងរដ្ឋធានី Bogota កាលពីថ្ងៃសៅរ៍។ ប្រទេសដែលស្ថិតនៅតំបន់អាមេរិកខាងត្បូង មួយនេះ គ្រោងនឹងរៀបចំការបោះឆ្នោត ប្រធានាធិបតី នៅឆ្នាំ២០២៦។ រដ្ឋាភិបាលបានឲ្យដឹងថា សមាជិកព្រឹទ្ធសភា ស្តាំនិយម លោក Miguel Uribe អាយុ ៣៩ឆ្នាំ ត្រូវបានបាញ់ ក្នុងពេលកំពុងថ្លែងសុន្ទរកថា នៅចំពោះមុខមនុស្ស ជាច្រើន។ សាក្សីបានឃើញ លោកហាក់ដូចជា បានដួល ហើយ ប្រឡាក់ដោយឈាម។ អភិបាលក្រុង Bogota បានប្រាប់ថា លោក Miguel Uribe កំពុងសង្គ្រោះបន្ទាន់ ហើយ អ្នកបាញ់ ត្រូវបានចាប់ខ្លួន។ រដ្ឋមន្ត្រីការពារជាតិ ប្រកាសផ្តល់រង្វាន់ ៧០ម៉ឺនដុល្លារ សម្រាប់ព័ត៌មានដែលនាំទៅដល់ការចាប់ខ្លួន អ្នកដែលនៅពីក្រោយការវាយប្រហារនេះ ពិតប្រាកដ។ លោកប្រធានាធិបតី Gustavo Petro បានចេញសេចក្តីថ្លែងការណ៍ ថ្កោលទោសយ៉ាងម៉ឺងម៉ាត់ ចំពោះការវាយប្រហារលើរូប លោក…

បរទេស ៖ មេដឹកនាំប្រទេសអ៊ុយក្រែន លោក Zelensky បានអះអាង កាលពីសៅរ៍ថា រុស្ស៊ីកំពុងរៀបចំផែនការ បន្តសង្រ្គាម មិនអើពើ នឹងសំណើសន្តិភាព នោះទេ។ នៅក្នុងសុន្ទរកថាពេលល្ងាច ប្រចាំថ្ងៃ លោក Zelensky បានអំពាវនាវ ជាថ្មីម្ដងទៀត ឱ្យអន្តរជាតិដាក់ទណ្ឌកម្ម លើទីក្រុងម៉ូស្គូ។ លោកបន្តថា «រុស្ស៊ីកំពុងរៀបចំបន្តសង្រ្គាម ដោយមិនអើពើនឹងសំណើសន្តិភាពទាំងអស់…ពួកគេត្រូវតែទទួលខុសត្រូវ ចំពោះរឿងនេះ»។ ការអះអាងនេះ បានធ្វើឡើងភ្លាមៗ ក្រោយពេលដែលទីក្រុងម៉ូស្គូ និងទីក្រុងកៀវ បានចោទប្រកាន់គ្នា ទៅវិញទៅមក ពីការពន្យារពេល និងរារាំងការផ្លាស់ប្តូរ អ្នកទោស ទ្រង់ទ្រាយធំ ដែលភាគីទាំងពីរ បានឯកភាពគ្នា នៅតួកគី។ ជាមួយគ្នា កាលពីថ្ងៃសៅរ៍ រុស្ស៊ីបានបាញ់មីស៊ីល, បញ្ជាដ្រូន ទៅវាយប្រហារ នៅប្រទេសអ៊ុយក្រែន ស្លាប់មនុស្សយ៉ាងតិច ១០នាក់ របួស រាប់សិបនាក់ទៀត។ ជាការបន្តវាយប្រហារ ក្នុងពេលរុស្ស៊ីប្រកាសសងសឹកនឹងអ៊ុយក្រែន ដែលបានវាយប្រហារចាស់ដៃ លើទីតាំងសព្វាវុធរបស់រុស្ស៊ី៕ ប្រភពពី AFP ប្រែសម្រួល៖ សារ៉ាត

បរទេស៖ ខេត្ត Saskatchewan ភាគខាងលិច នៃប្រទេសកាណាដា បានប្រកាសអាសន្នពីភ្លើងឆេះព្រៃ ក្លាយជាខេត្តទី២ ដែលធ្វើដូច្នេះ ពោលគឺបន្ទាប់ពីខេត្ត Manitoba ដែលនៅជិតខាង បានបញ្ជាឱ្យមនុស្ស ១៧,០០០ នាក់ភៀសខ្លួន ចេញពីផ្ទះរបស់ពួកគេ នៅក្នុងសហគមន៍ដាច់ស្រយាល មួយថ្ងៃមុននេះ។ លោក Scott Moe អភិបាលខេត្ត បានប្រាប់សន្និសីទសារព័ត៌មាន កាលពីថ្ងៃព្រហស្បតិ៍ថា «វាជាស្ថានភាពធ្ងន់ធ្ងរ ដែលយើងកំពុងប្រឈមមុខ នៅក្នុងខេត្ត Saskatchewan» ។ លោកបានបន្តថា«យើងកំពុងដាក់ចេញ គ្រប់វិធានការ ដែលអាចធ្វើទៅបាន ដើម្បីរៀបចំសហគមន៍របស់យើង»។ គួររម្លឹកថា ខេត្ត Manitoba បានប្រកាសភាពអាសន្នទូទាំងខេត្ត កាលពីល្ងាចថ្ងៃពុធ ហើយបានបញ្ជាឱ្យជម្លៀស នៅតាមទីក្រុងតូចៗជាច្រើន និងសហគមន៍ជនជាតិដើមភាគតិច ខណៈដែលខេត្តនេះ បានជួបប្រទះការចាប់ផ្តើម ដ៏អាក្រក់បំផុតក្នុងរដូវកាលភ្លើងឆេះព្រៃ មិនធ្លាប់មាន ក្នុងរយៈពេល ជាច្រើនឆ្នាំ។ រដ្ឋមន្ត្រីគ្រប់គ្រង គ្រាអាសន្នរបស់ប្រទេសកាណាដា លោកស្រី Eleanor Olszewski បាននិយាយ កាលពីថ្ងៃព្រហស្បតិ៍ថា នៅក្នុងសហគមន៍ជនជាតិដើមភាគតិច ភាគខាងជើង…

បរទេស៖ មនុស្ស យ៉ាងហោចណាស់ ៥នាក់ បានស្លាប់ ក្នុងការវាយប្រហាររបស់រុស្ស៊ី លើអ៊ុយក្រែន កាលពីព្រឹកថ្ងៃសៅរ៍នេះ នេះបើយោងតាមរដ្ឋាភិបាល ទីក្រុងកៀវ។ ការវាយប្រហារ របស់រុស្ស៊ីចុងក្រោយនេះ បានកើតមានលើ ទីក្រុង Kherson និង Kharkiv នេះបើយោងតាមអភិបាលក្រុង។ យោងតាមអភិបាលក្រុង Kherson លោក Oleksandr Prokudin បានឱ្យដឹងថា ការវាយប្រហារ បានកើតមានលើលើអគារខ្ពស់មួយ ក្នុងទីក្រុង បានសម្លាប់ប្តីប្រពន្ធ មួយគូ។ នៅទីក្រុង Kharkiv វិញ មានមនុស្សបីនាក់ផ្សេងទៀត ត្រូវបានសម្លាប់ និង យ៉ាងហោចណាស់ ១៧ នាក់បានរងរបួស នៅក្នុងអ្វីដែលអភិបាលក្រុង លោក Igor Terekhov ហៅថា ជា “ការវាយប្រហារដ៏ខ្លាំងក្លាបំផុត” លើទីក្រុងរបស់លោក ចាប់តាំងពីសង្គ្រាមចាប់ផ្តើម ជាង៣ឆ្នាំមកនេះ។ ការវាយប្រហារនេះកើតឡើង ត្រឹម១ថ្ងៃ ក្រោយពេលដែលរុស្ស៊ីបានបាញ់មីស៊ីល និងបញ្ជាដ្រូនទៅវាយលុក រដ្ឋធានីកៀវ ស្លាប់មនុស្សមួយចំនួន។ ជាការវាយប្រហារសងសឹកនឹងអ៊ុយក្រែន…

បរទេស៖ កងទ័ពអ៊ីស្រាអែល បាននិយាយថា ខ្លួនខ្វះទាហានជាង១០.០០០នាក់ ក្នុងនោះ ទ័ពប្រយុទ្ធត្រូវការ ប្រហែល៦.០០០នាក់ បន្ថែម សម្រាប់ប្រតិបត្តិការ នៅតំបន់ហ្គាហ្សា។ យោធាអ៊ីស្រាអែល កាលពីថ្ងៃសុក្រ បាននិយាយថា ខ្លួនខ្វះទាហានជាង ១ម៉ឺននាក់ រួមមានទាំង ប្រហែល ៦ពាន់នាក់ សម្រាប់អង្គភាពប្រយុទ្ធ ខណៈដែលខ្លួនបានជំរុញយុទ្ធនាការកាន់តែខ្លាំង នៅក្នុងតំបន់ហ្គាហ្សាស្ទ្រីប។ អ្នកនាំពាក្យកងទ័ពអ៊ីស្រាអែល ឧត្តមសេនីយទោ Effie Defrin បាននិយាយ បែបនេះ នៅក្នុងសន្និសិទសារព័ត៌មានតាមទូរទស្សន៍ នៅពេលសួរអំពីការចុះចូលនៃជនជាតិជ្វីហ្វជ្រុលនិយម ចូលទៅក្នុងកងទ័ព។ ឧត្តមសេនីយទោ Effie Defrin ប្រាប់ថា « នេះគឺជាតម្រូវការប្រតិបត្តិការពិតប្រាកដ ហើយនោះហើយជាមូលហេតុដែលយើងកំពុងចាត់វិធានការចាំបាច់ទាំងអស់»។ គួរបញ្ជាក់ថា អ៊ីស្រាអែលបន្តបើកយុទ្ធនាការយោធា នៅតំបន់ហ្កាហ្សា ដើម្បីឆ្លើយតបនឹងការវាយប្រហារ លើទឹកដីរបស់ខ្លួន កាលពីខែតុលា ឆ្នាំ២០២៣ ស្លាប់មនុស្ស ជាង១ពាន់នាក់។ ជាការសងសឹក មនុស្ស ជាង៥ម៉ឺន៤ពាន់នាក់ ត្រូវបានសម្លាប់ នៅតំបន់ហ្គាហ្សា ចាប់តាំងពីពេលនោះមក នេះបើយោងតាមក្រសួងសុខាភិបាល ដែលគ្រប់គ្រងដោយក្រុមហាម៉ាស៕ ប្រភពពី…

បរទេស៖ លោកប្រធានាធិបតីអាមេរិក Donald Trump បាននិយាយថា លោកគ្មានពេលគិតពីលោកមហាសេដ្ឋី Elon Musk ដែលកំពុងផ្ទុះសង្គ្រាមពាក្យសម្តី ជាសាធារណៈ បន្ទាប់ពីបុរសមានលុយច្រើនជាងគេរូបនេះ បានដើរចាកចេញ ពីនាយកដ្ឋានជំរុញប្រសិទ្ធិភាពរដ្ឋាភិបាល។ ថ្លែងប្រាប់អ្នកយកព័ត៌មាន នៅលើយន្តហោះ Air Force One កាលពីថ្ងៃសុក្រ ប្រធានាធិបតីអាមេរិក លោក Donald Trump បាននិយាយថា លោករវល់ពេក ក្នុងការធ្វើការងារ លើបញ្ហាអន្តរជាតិ គ្មានពេលមកគិតអំពីមហាសេដ្ឋីបច្ចេកវិទ្យា Elon Musk នោះឡើយ។ លោក Trump អះអាងថា «និយាយតាមត្រង់ទៅ ខ្ញុំ​មមាញឹកណាស់ ធ្វើការលើប្រទេសចិន ធ្វើការលើប្រទេសរុស្ស៊ី ធ្វើការលើប្រទេសអ៊ីរ៉ង់ ធ្វើការជាច្រើន ខ្ញុំមិនគិតពី Elon ទេ»។ យ៉ាងណាមិញ ក្រោយពេលលោក Musk បានដើរចេញ លែងធ្វើជាទីប្រឹក្សារបស់ប្រធានាធិបតី វ័យ៧៨ឆ្នាំរូបនេះ ភាគីទាំងពីរបានប៉ះសម្តីគ្នាធ្ងន់ៗ ក្រោយផ្អែមល្ហែមជាមួយគ្នា ប៉ុន្មានខែ។ លោក Musk ផ្តើមចេញពីការរិះគន់ច្បាប់ថវិការរបស់លោក…