ព្យុងយ៉ាង ៖ លោក គីម ជុងអ៊ុន មេដឹកនាំកូរ៉េខាងជើង បានថ្លែងអះអាងថា នាវាពិឃាតថ្មីនឹងក្លាយជាផ្នែកមួយនៃប្រព័ន្ធឆ្លើយតបដោយអាវុធនុយក្លេអ៊ែរ។ នេះបើតាមទីភ្នាក់ងារសារព័ត៌មានរដ្ឋកូរ៉េខាងជើង KCNA ចេញផ្សាយ នៅថ្ងៃចន្ទនេះ។ សរព័ត៌មាន KCNA បានរាយការណ៍ នៅថ្ងៃទី៧ ខែកញ្ញាថា មេដឹកនាំកូរ៉េខាងជើង លោក គីម ជុងអ៊ុន បានថ្លែងថា នាវាពិឃាតថ្មីបំផុតរបស់ប្រទេសនេះ នឹងក្លាយជាផ្នែកមួយនៃប្រព័ន្ធឆ្លើយតបដោយអាវុធនុយក្លេអ៊ែរ និងអាចធ្វើការវាយប្រហារសងសឹកក្នុងកម្រិតបំផ្លាញខ្ទេចខ្ទី។ ទោះជាយ៉ាងណាក៏ដោយ ទីភ្នាក់ងារនេះមិនបានបញ្ជាក់ថា តើនាវានេះនឹងផ្ទុកអាវុធនុយក្លេអ៊ែរដែរឬទេ។ បើតាម straitstimes, កូរ៉េខាងជើងបានពន្លឿនកិច្ចខិតខំប្រឹងប្រែងដើម្បីធ្វើទំនើបកម្មកងទ័ពជើងទឹករបស់ខ្លួន ខណៈដែលលោក គីម បន្តពង្រីកកម្លាំងយោធាដែលមានសមត្ថភាពប្រើប្រាស់អាវុធនុយក្លេអ៊ែរ។ នៅក្នុងពិធីដាក់ឱ្យដំណើរការនាវាថ្មី នៅទីក្រុងកំពង់ផែ Wonsan ភាគខាងកើតប្រទេស កាលពីថ្ងៃទី៦ ខែកញ្ញា លោក គីម បានថ្លែងថា ការដាក់ពង្រាយនាវាថ្មីនេះទៅកាន់ដែនសមុទ្រភាគខាងកើតនៃឧបទ្វីបកូរ៉េ គឺជាសញ្ញាដ៏ច្បាស់លាស់មួយផ្ញើទៅកាន់គូប្រជែងរបស់កូរ៉េខាងជើង។ លោក គីម បានមានប្រសាសន៍ថា «វាដល់ពេលហើយដែលយើងត្រូវអនុវត្តអធិបតេយ្យភាពរបស់យើងទាំងនៅលើផ្ទៃសមុទ្រ និងនៅក្រោមផ្ទៃទឹក»។ លោកបញ្ជាក់ថា នាវាពិឃាតប្រភេទចំណុះ ៥,០០០ តោន ដែលមានឈ្មោះថា…

អ.ស.ប ៖ អង្គការសហប្រជាជាតិ កាលពីថ្ងៃអាទិត្យ ប្រកាសស្វាគមន៍រាល់កិច្ចខិតខំប្រឹងប្រែងឆ្ពោះទៅរកការចរចារវាងរុស្ស៊ី និងអ៊ុយក្រែន។ ការលើកឡើងនេះ ធ្វើឡើង ក្រោយពេលប្រេសិតពិសេស២រូបរបស់អាមេរិក បានអញ្ជើញទៅកាន់ទីក្រុងមូស្គូ និង ទីក្រុងកៀវ ផ្ទួនៗគ្នា កាលពីចុងសប្តាហ៍។ លោក Farhan Haq អ្នកនាំពាក្យរង អគ្គលេខាធិការអង្គការសហប្រជាជាតិបានប្រាប់ទៅកាន់ទីភ្នាក់ងារព័ត៌មាន TASS ថា អង្គការសហប្រជាជាតិគាំទ្ររាល់កិច្ចខិតខំប្រឹងប្រែងដើម្បីរៀបចំកិច្ចចរចារវាងរុស្ស៊ី និងអ៊ុយក្រែន។ លោកបានមានប្រសាសន៍ថា «យើងលើកទឹកចិត្តរាល់កិច្ចខិតខំប្រឹងប្រែងឆ្ពោះទៅរកការចរចា រវាងអ៊ុយក្រែន និងសហព័ន្ធរុស្ស៊ី»។ លោកបានថ្លែងបែបនេះ នៅពេលធ្វើអត្ថាធិប្បាយលើដំណើរទស្សនកិច្ចរបស់លោក Steve Witkoff និង លោក Jared Kushner ដែលជាអ្នកចរចារបស់សហរដ្ឋអាមេរិក ទៅកាន់ទីក្រុងមូស្គូ និងទីក្រុងកៀវ។ លោក Yury Ushakov ជំនួយការប្រធានាធិបតីរុស្ស៊ី បានលើកឡើងថា លោក Witkoff និងលោក Kushner បានសន្យាថា នឹងលើកឡើងពីការវាយតម្លៃ របស់ប្រធានាធិបតីរុស្ស៊ី លោក Vladimir Putin ពាក់ព័ន្ធនឹងវិធីសាស្ត្រដែលអាចទៅរួច ក្នុងការដោះស្រាយជម្លោះ…

បេរូត ៖ ប្រធានាធិបតីលីបង់ លោក Joseph Aoun បានអំពាវនាវដល់ទីក្រុងវ៉ាស៊ីនតោន និងសហគមន៍អន្តរជាតិឱ្យជួយបញ្ឈប់ការវាយប្រហាររបស់អ៊ីស្រាអែល ដែលបានសម្លាប់មនុស្សយ៉ាងហោចណាស់ ៧ នាក់ កាលពីថ្ងៃអាទិត្យ ទោះបីជាមានបទឈប់បាញ់ និងកិច្ចព្រមព្រៀងក្របខ័ណ្ឌមួយដែលមានគោលបំណងបញ្ឈប់អំពើហិង្សាក៏ដោយ។ យ៉ាងណា អ៊ីស្រាអែលបាននិយាយថា ខ្លួនបានកំណត់គោលដៅលើសមាជិក និងទីតាំងរបស់ក្រុមហេសបូឡា (Hezbollah) ដើម្បីឆ្លើយតបទៅនឹងការវាយប្រហារដោយយន្តហោះគ្មានមនុស្សបើក (drone) កាលពីមួយថ្ងៃមុន ដែលធ្វើឡើងដោយក្រុមគាំទ្រដោយអ៊ីរ៉ង់មួយនេះ ទៅលើកងទ័ពរបស់ខ្លួន នៅក្បែរជួរភ្នំយុទ្ធសាស្ត្រមួយ នៅភាគខាងត្បូង ប្រទេសលីបង់។ លោក Joseph Aoun បាននិយាយថា ការវាយប្រហារ កាលពីថ្ងៃអាទិត្យ ដែលបានធ្វើឱ្យខូចខាតអគាររដ្ឋាភិបាល និងបំផ្លាញមន្ទីរពេទ្យមួយកន្លែង លែងដំណើរការ គឺជាការកើនឡើងនៃភាពតានតឹងដ៏គ្រោះថ្នាក់និង ប៉ះពាល់ដល់ស្ថាប័នរដ្ឋរបស់លីបង់ ព្រមទាំង មណ្ឌលសុខភាពនានា។ លោកបានអំពាវនាវដល់សហគមន៍អន្តរជាតិ ជាពិសេស សហរដ្ឋអាមេរិក ដែលបានសម្របសម្រួលការចរចាដោយផ្ទាល់ រវាងអ៊ីស្រាអែល និងលីបង់ ព្រមទាំងកិច្ចព្រមព្រៀងក្របខ័ណ្ឌរវាងភាគីទាំងពីរ ក្នុងខែមិថុនា ឱ្យ ចាត់វិធានការជាបន្ទាន់ដើម្បីបញ្ឈប់ការរំលោភបំពានទាំងនេះ។ ក្រសួងសុខាភិបាលលីបង់បាននិយាយថា មនុស្ស ២ នាក់ត្រូវបានសម្លាប់ នៅក្នុងការវាយប្រហារ…

កៀវ ៖ បេសកជនពិសេសរបស់សហរដ្ឋអាមេរិក លោក Steve Witkoff និងលោក Jared Kushner នៅថ្ងៃ អាទិត្យ បានធ្វើដំណើរទៅកាន់ទីក្រុងកៀវ និងជួបពិភាក្សាជាមួយប្រធានាធិបតីអ៊ុយក្រែន លោក Volodymyr Zelensky ដើម្បីពិភាក្សាអំពីការស្វែងរកដំណោះស្រាយបញ្ចប់សង្គ្រាមរុស្ស៊ី-អ៊ុយក្រែន។ នេះជាដំណើរទស្សនកិច្ចលើកដំបូងរបស់ពួកគេមកកាន់អ៊ុយក្រែន ចាប់តាំងពីសង្គ្រាមទ្រង់ទ្រាយធំផ្ទុះឡើងក្នុងឆ្នាំ២០២២។ កិច្ចពិភាក្សានេះធ្វើឡើងមួយថ្ងៃបន្ទាប់ពីបេសកជនអាមេរិកទាំងពីរបានជួបប្រធានាធិបតីរុស្ស៊ី លោក Vladimir Putin នៅទីក្រុងមូស្គូ សប្តាហ៍មុន។ លោក Witkoff បានពិពណ៌នាកិច្ចពិភាក្សាជាមួយលោក Zelensky ថា មានអត្ថន័យ និងសំខាន់ ខណៈលោក Kushner បញ្ជាក់ថា លោក Trump ចង់ស្វែងរកមិនត្រឹមតែការបញ្ចប់សង្គ្រាមបច្ចុប្បន្នប៉ុណ្ណោះទេ ប៉ុន្តែថែមទាំងបង្កើតលក្ខខណ្ឌសម្រាប់សន្តិភាពយូរអង្វែងផងដែរ។ ជាមួយគ្នានេះ លោក Zelensky បានសម្តែងការស្វាគមន៍ចំពោះការមកដល់របស់បេសកជនពិសេសអាមេរិក និងបញ្ជាក់ថា អ៊ុយក្រែនចង់ធ្វើអ្វីគ្រប់យ៉ាងដែលអាចធ្វើបាន ដើម្បីបញ្ចប់សង្គ្រាម។ ប៉ុន្តែលោកព្រមានថា សង្គ្រាមអាចបន្តចូលដល់រដូវរងា ប្រសិនបើមិនអាចសម្រេចកិច្ចព្រមព្រៀងបាន។ បើតាម Aljazeera, ដំណើរទស្សនកិច្ចរបស់លោក Witkoff និងលោក Kushner…

រីយ៉ាដ ៖ ប្រទេសឥស្លាមធំៗទាំង ៨ នៅថ្ងៃ អាទិត្យ បានរួមគ្នាថ្កោលទោសយ៉ាងខ្លាំងលើអ៊ីស្រាអែល ដើម្បីឆ្លើយតបផែនការប៉ុនប៉ងបណ្តេញប្រជាជនប៉ាឡេស្ទីនចេញពីតំបន់ហ្គាហ្សា ដោយនិយាយថា សកម្មភាពនេះ កំពុងប៉ះពាល់ដល់សន្តិភាពនៅក្នុងដែនដីនេះ ដែលគាំទ្រដោយសហរដ្ឋអាមេរិក ។ បើតាម Straits Times, ក្រុមរដ្ឋមន្ត្រីការបរទេសនៃប្រទេសអារ៉ាប់ និងមូស្លីមធំៗទាំង ៨ នេះ រួមមាន អារ៉ាប៊ីសាអូឌីត អេហ្ស៊ីប ហ្សកដានី អេមីរ៉ាតអារ៉ាប់រួម កាតា ប៉ាគីស្ថាន ឥណ្ឌូណេស៊ី និងតួកគីយ៉េ ។ ប្រទេសឥស្លាមធំៗទាំងនេះ ព្រមានធ្ងន់ៗថា ការបង្ខំប្រជាជនប៉ាឡេស្ទីនឱ្យចាកចេញពីទឹកដីរបស់ពួកគេ នឹងប៉ះពាល់ដល់កិច្ចខិតខំប្រឹងប្រែងសន្តិភាព និងផ្ទុយនឹងគោលការណ៍ប្រឆាំងការបង្ខំឱ្យផ្លាស់ទីលំនៅ ដោយពួកគេនិយាយថា មានចែងច្បាស់នៅក្នុងផែនការសន្តិភាពដែលគាំទ្រដោយលោកប្រធានាធិបតី Donald Trump ។ ប្រតិកម្មខ្លាំងៗរបស់ប្រទេសឥស្លាមធំៗទាំង ៨ កើតឡើងក្រោយរដ្ឋមន្ត្រីការពារជាតិអ៊ីស្រាអែល លោក Israel Katz បាននិយាយនៅថ្ងៃទី២ ខែកញ្ញាថា រដ្ឋាភិបាលមានផែនការជម្លៀសប្រជាជនប៉ាឡេស្ទីនចេញពីតំបន់ហ្គាហ្សា ប៉ុន្តែកំពុងរង់ចាំការអនុម័តពីសហរដ្ឋអាមេរិក អំពីទីតាំងដែលត្រូវផ្លាស់ប្តូរទីលំនៅប្រជាជននៃដែនដីនេះ ។ មួយថ្ងៃក្រោយមក រដ្ឋមន្ត្រីសន្តិសុខជាតិអ៊ីស្រាអែល លោក…

មូស្គូ ៖ រដ្ឋមន្ត្រីការបរទេសរុស្ស៊ី លោក Sergei Lavrov នៅថ្ងៃ អាទិត្យ បានចាត់ទុកការចោទប្រកាន់របស់អាល្លឺម៉ង់ និងលោកខាងលិច ដែលថា រុស្ស៊ីពាក់ព័ន្ធនឹងឧប្បត្តិហេតុយន្តហោះគ្មានមនុស្សបើកនៅអាកាសយានដ្ឋាន Leipzig/Halle ថា ជាការចង់ប្រកាសសង្គ្រាមដ៏ពិតប្រាកដ ។ បើតាម Straits Times, ប្រមុខការទូតកំពូលរុស្ស៊ីរូបនេះ ថែមទាំងបានរិះគន់ធ្ងន់ៗលើអធិការបតីអាល្លឺម៉ង់ លោក Friedrich Merz ចំពោះគោលនយោបាយពង្រឹងសមត្ថភាពយោធាអាល្លឺម៉ង់ ដើម្បីក្លាយជាមហាអំណាចនាំមុខគេនៅអឺរ៉ុបម្តងទៀត ដោយលោក Lavrov អះអាងថា តាមពិតទៅ អាល្លឺម៉ង់ចង់ប្រកាសសង្គ្រាមជាមួយរុស្ស៊ី ។ ប្រតិកម្មខ្លាំងៗរបស់រុស្ស៊ី កើតឡើងក្រោយភាគីអាល្លឺម៉ង់ចោទថា រុស្ស៊ីជាអ្នកទទួលខុសត្រូវ ចំពោះការវាយប៉ុនប៉ងវាយប្រហារដោយយន្តហោះដ្រូននៅអាកាសយានដ្ឋាន Leipzig/Halle កាលពីខែមុន ហើយថែមទាំងបានចាត់វិធានការឆ្លើយតបប្រឆាំងនឹងទីក្រុងមូស្គូ។ វិធានការទាំងនោះ រួមមានការបិទអគ្គកុងស៊ុលរុស្ស៊ីនៅទីក្រុង Bonn ត្រឹមថ្ងៃទី ១៨ ខែកញ្ញា, ការបញ្ចប់កិច្ចព្រមព្រៀងអាល្លឺម៉ង់-រុស្ស៊ីឆ្នាំ២០១១ ស្តីពីមជ្ឈមណ្ឌលវប្បធម៌ និងការបង្ខំឱ្យបិទមជ្ឈមណ្ឌលវប្បធម៌រុស្ស៊ីនៅទីក្រុងBerlin ។ បន្ថែមលើនេះ អាល្លឺម៉ង់ក៏បានបង្គាប់ឱ្យបុគ្គលិក និងគ្រួសាររបស់ពួកគេចាកចេញទៅកាន់ប្រទេសរុស្ស៊ីវិញឱ្យបានឆាប់បំផុតផងដែរ ។ យ៉ាងណា ភាគីរុស្ស៊ីបានប្រកាសច្រានចោលការចោទប្រកាន់របស់អាល្លឺម៉ង់…

តេហេរ៉ង់ ៖ មន្ត្រីសន្តិសុខជាន់ខ្ពស់អ៊ីរ៉ង់បានអះអាង កាលពីថ្ងៃអាទិត្យថា ទីក្រុងតេហេរ៉ង់នឹងប្រកាសបង្កើត «តំបន់ហាមឃាត់» នៅជិតច្រកសមុទ្រ Hormuz ក្នុងពេលប៉ុន្មានថ្ងៃខាងមុខនេះ។ យោងតាមប្រព័ន្ធផ្សព្វផ្សាយរដ្ឋ, លោក Mohsen Rezaei មន្ត្រីសន្តិសុខជាន់ខ្ពស់របស់អ៊ីរ៉ង់ បាននិយាយថា ប្រទេសរបស់លោកនឹងបង្កើត «តំបន់ហាមឃាត់» មួយនៅជិតច្រកសមុទ្រ Hormuz ដែលមានសារៈសំខាន់ជាយុទ្ធសាស្ត្រ។ លោក Rezaei បានប្រាប់ទូរទស្សន៍រដ្ឋថា «នៅក្នុងប៉ុន្មានថ្ងៃខាងមុខនេះ តំបន់ហាមឃាត់មួយនឹងត្រូវបានប្រកាស នៅខាងក្រៅច្រកសមុទ្រ Hormuz។ តំបន់នេះនឹងចាប់ផ្តើមពីខ្សែរារាំងរបស់កងទ័ពជើងទឹកអាមេរិក ហើយគ្របដណ្តប់លើតំបន់មួយចំនួននៃឈូងសមុទ្រពែរ្ស។ កប៉ាល់ណាក៏ដោយដែលចូលទៅក្នុងតំបន់ថ្មីនេះ នឹងត្រូវដាក់បញ្ចូលក្នុងបញ្ជីទណ្ឌកម្ម» របស់អ៊ីរ៉ង់។ អ៊ីរ៉ង់នៅតែបន្តរក្សាការគ្រប់គ្រងយ៉ាងតឹងរ៉ឹង លើច្រកសមុទ្រ Hormuz ខណៈដែលទីក្រុងវ៉ាស៊ីនតោនបន្តអនុវត្តវិធានការរារាំងតបតវិញទៅលើកំពង់ផែរបស់អ៊ីរ៉ង់។ ទីក្រុងវ៉ាស៊ីនតោនក៏កំពុងព្យាយាមធ្វើឱ្យសេដ្ឋកិច្ចរបស់អ៊ីរ៉ង់ធ្លាក់ក្នុងស្ថានភាពលំបាកខ្លាំង ដោយដាក់ទណ្ឌកម្មលើស្ថាប័ននានាដែលមានទំនាក់ទំនងផ្នែកហិរញ្ញវត្ថុជាមួយសាធារណរដ្ឋអ៊ីស្លាមមួយនេះ ក្នុងគោលបំណងបង្ខំឱ្យពួកគេចុះចាញ់។ ការប្រកាសបង្កើត «តំបន់ហាមឃាត់» នៅជិតច្រកសមុទ្រ Hormuz ពីសំណាក់អ៊ីរ៉ង់ បានធ្វើឡើងក្រោយគូជម្លោះទាំងពីរបានផ្ទុះអាវុធដាក់គ្នាជាថ្មី។ ជាក់ស្តែង កាលពីថ្ងៃទី៥ ខែកញ្ញា បញ្ជាការដ្ឋានកណ្តាលរបស់សហរដ្ឋអាមេរិក ហៅកាត់ CENTCOM ដែលទទួលបន្ទុកប្រតិបត្តិការយោធាអាមេរិកនៅក្នុងតំបន់ បាននិយាយថា អ៊ីរ៉ង់បានបាញ់ប្រហារដោយមិនបានសម្រេចទៅលើនាវាចម្បាំងអាមេរិកចំនួនពីរគ្រឿង គឺនាវាដឹកយន្តហោះចម្បាំង…