បរទេស៖ សហរដ្ឋអាមេរិក បានទទូចឲ្យកូរ៉េខាងជើង បញ្ឈប់ការបញ្ជូនកងទ័ព ទៅជួយរុស្ស៊ី ធ្វើសង្គ្រាម ជាបន្ទាន់។ ជាការប្រាប់ ក្រោយពេលដែល មេដឹកនាំកូរ៉េខាងជើង ប្តេជ្ញាគាំទ្ររុស្ស៊ី ដោយគ្មានគ្មានលក្ខខណ្ឌ។ អ្នកនាំពាក្យរង នៃក្រសួងការបរទេសសហរដ្ឋអាមេរិក លោក Tommy Pigott កាលពីថ្ងៃព្រសហស្បតិ៍ បានអំពាវនាវ ឱ្យបញ្ចប់កិច្ចសហប្រតិបត្តិការ របស់កូរ៉េខាងជើង ជាមួយរុស្ស៊ី បន្ទាប់ពីមេដឹកនាំ គីម ជុងអ៊ុន បានប្តេជ្ញាថា “គាំទ្រដោយគ្មានលក្ខខណ្ឌ” ដល់ទីក្រុងមូស្គូ ក្នុងសង្គ្រាមអ៊ុយក្រែន។ លោកបានប្រាប់អ្នកយកព័ត៌មានថា «ការដាក់ពង្រាយយោធា របស់កូរ៉េខាងជើង ទៅកាន់ប្រទេសរុស្ស៊ី និងការគាំទ្រណាមួយ ដែលផ្តល់ដោយសហព័ន្ធរុស្ស៊ី ដល់កូរ៉េខាងជើង ជាថ្នូរ អ្វីមួយ នឹងត្រូវតែបញ្ចប់»។ គួររម្លឹកថា កាលពីថ្ងៃពុធ លោក គីម ជុងអ៊ុន មេដឹកនាំរបស់កូរ៉េខាងជើង ក្នុងពេលជួបមន្ត្រីជាន់ខ្ពស់រុស្ស៊ី បានប្តេជ្ញា គាំទ្រដោយឥតលក្ខខណ្ឌ ចំពោះជំហររបស់រុស្ស៊ី និងគោលនយោបាយការបរទេសរបស់ខ្លួន នៅក្នុងបញ្ហានយោបាយអន្តរជាតិសំខាន់ៗទាំងអស់ រួមទាំង បញ្ហាអ៊ុយក្រែន ហើយប្រទេសទាំងពីរ បន្តពង្រីកទំនាក់ទំនង…

បរទេស៖ កាលពីយប់ថ្ងៃព្រហស្បតិ៍ ការវាយប្រហារតាមអាកាស ជាបន្តបន្ទាប់ របស់អ៊ីស្រាអែល បានកើតមានលើតំបន់ជាយក្រុង ភាគខាងត្បូង នៃរដ្ឋធានី Beirut ប្រទេសលីបង់ ដោយអះអាងថា កំណត់គោលដៅ លើរោងចក្រដ្រូន នៅក្រោមដី របស់ក្រុម Hezbollah។ មុនការវាយប្រហារ អ្នកនាំពាក្យយោធាអ៊ីស្រាអែល បានព្រមាន នៅលើប្រព័ន្ធផ្សព្វផ្សាយសង្គមថា អ្នកស្រុកនៅតំបន់ជាយក្រុង មានទីតាំង នៅជិតកន្លែងនានា ដែលជាកម្មសិទ្ធិ របស់អង្គការភេរវករ Hezbollah ត្រូវជម្លៀសចេញ ជាបន្ទាន់។ អ្នកសម្របសម្រួលពិសេស របស់អង្គការសហប្រជាជាតិ សម្រាប់ប្រទេសលីបង់ បានសរសេរ នៅលើ X ថា ការវាយប្រហារនេះ «បង្កើតការភ័យស្លន់ស្លោ និងការភ័យខ្លាចជាថ្មី» ហើយបានអំពាវនាវឱ្យ បញ្ឈប់សកម្មភាពណាមួយ ដែលអាចបំផ្លាញ បន្ថែមទៀត»។ ប្រធានាធិបតីលីបង់ ថ្កោលទោស ដោយចោទថាជា “ការរំលោភយ៉ាងម៉ឺងម៉ាត់” នៃបទឈប់បាញ់ នៅថ្ងៃទី ២៧ ខែវិច្ឆិកា ដោយចាត់ទុកថា ជាការឈ្លានពាន។ នាយករដ្ឋមន្ត្រីលីបង់ថា ជា “ការរំលោភលើអធិបតេយ្យភាពលីបង់”…

បរទេស៖ លោក ប្រធានាធិបតីអាមេរិក Donald Trump បានប្រកាសស្វាគមន៍ ប្រទេសអាល្លឺម៉ង់ ដែលបង្កើនការចំណាយ លើវិស័យការពារជាតិ។ លោក Donald Trump ប្រាប់បែបនេះ ទៅកាន់អធិការបតីអាល្លឺម៉ង់ លោក Friedrich Merz នៅសេតវិមាន កាលពីថ្ងៃព្រហស្បតិ៍។ លោក Trump បានប្រាប់ លោក Friedrich Merz ថា «ខ្ញុំដឹងថា អ្នកកំពុងចំណាយប្រាក់បន្ថែមទៀត លើវិស័យការពារជាតិ ឥឡូវនេះ ប្រាក់ច្រើនជាងមុនបន្តិច ហើយនោះ ជារឿងវិជ្ជមាន»។ ក្រៅពីអាល្លឺម៉ង់ លោក Trump ក៏បានជំរុញឱ្យ ប្រទេស អឺរ៉ុប ផ្សេងទៀត គ្របដណ្តប់តម្រូវការសន្តិសុខ បន្ថែមទៀត ផងដែរ។ អំឡុងដំណើរទស្សនកិច្ច លើកដំបូង របស់លោក ទៅកាន់ទីក្រុងវ៉ាស៊ីនតោន ចាប់តាំងពីបានក្លាយជាអធិការបតីអាល្លឺម៉ង់ លោក Friedrich Merz ក៏បានជួបពិភាក្សា ជាមួយលោក Donald Trump…

បរទេស ៖ ការវាយប្រហាររបស់រុស្សី រួមមានទាំងការបញ្ជាដ្រូន ហោះចូលទៅក្នុងរដ្ឋធានីកៀវ របស់ប្រទេសអ៊ុយក្រែន បានសម្លាប់មនុស្ស៤នាក់ និង របួសយ៉ាងតិច ២០នាក់ ផ្សេងទៀត នេះបើតាមអាជ្ញាធរអ៊ុយក្រែន។ ទីក្រុងមូស្គូបានបាញ់មីស៊ីលផ្លោង និងបញ្ជូនយន្តហោះគ្មានមនុស្សបើក ទៅវាយប្រហារទីក្រុងកៀវ ពេញមួយយប់ ថ្ងៃព្រហស្បតិ៍ បន្ទាប់ពីប្រធានាធិបតីរុស្ស៊ី លោក Vladimir Putin បានប្តេជ្ញាសងសឹក ចំពោះការវាយប្រហារ ដោយយន្តហោះគ្មានមនុស្សបើក របស់អ៊ុយក្រែន លើមូលដ្ឋានអាកាស របស់រុស្ស៊ី។ អ្នកយកព័ត៌មាន AFP បានឃើញភ្លើងឆេះ នៅផ្នែកម្ខាង នៃប្លុកលំនៅដ្ឋានខ្ពស់ ក្នុងទីក្រុង ជាមួយនឹងកំទេចកំទី និងកញ្ចក់ ដែលបែកខ្ទេចខ្ទី ពេញចំណតរថយន្ត នៅខាងមុខអគារ។ ការវាយប្រហារដ៏សាហាវ បានកើនឡើង ក្នុងប៉ុន្មានសប្តាហ៍ ថ្មីៗនេះ បើទោះបីជាភាគីទាំងពីរ ជួបចរចាគ្នា ក្នុងគោលបំណងស្វែងរក ការបញ្ចប់សង្គ្រាម រយៈពេលបីឆ្នាំ ក៏ដោយ៕ ប្រភពពី AFP ប្រែសម្រួល៖ សារ៉ាត

ប៉េកាំង ៖ ប្រទេសចិនបានព្រមានសហភាពអឺរ៉ុបឲ្យបញ្ឈប់ការបង្កបញ្ហារឿងនៅសមុទ្រចិនខាងត្បូង បន្ទាប់ពីប្រធានគោលនយោបាយការបរទេសអឺរ៉ុប លោកស្រី Kaja Kallas បានសម្តែងការព្រួយបារម្ភជុំវិញសកម្មភាពបង្កហេតុរបស់ចិននៅក្នុងផ្លូវទឹកដ៏សំខាន់ជាយុទ្ធសាស្ត្រមួយនេះ។ អ្នកនាំពាក្យស្ថានទូតចិនប្រចាំប្រទេសហ្វីលីពីន បាននិយាយនៅក្នុងសេចក្តីថ្លែងការណ៍មួយកាលពីថ្ងៃព្រហស្បតិ៍ថា ចិនជំរុញឱ្យអឺរ៉ុបគោរពយ៉ាងពិតប្រាកដនូវអធិបតេយ្យភាពដែនដី និងសិទ្ធិ រួមទាំងផលប្រយោជន៍ដែនសមុទ្ររបស់ចិននៅសមុទ្រចិនខាងត្បូង ហើយបញ្ឈប់ការបង្កបញ្ហាតទៅទៀត។ ការព្រមានរបស់ចិននេះកើតឡើងបន្ទាប់ពីលោកស្រី Kallas និងរដ្ឋមន្ត្រីការបរទេសហ្វីលីពីន លោក Enrique Manalo នៅដើមសប្តាហ៍នេះ បានប្រកាសអំពីកិច្ចសហប្រតិបត្តិការផ្នែកសន្តិសុខ រួមទាំងការការពារថ្មីរបស់អឺរ៉ុប និងហ្វីលីន។ ភាគីទាំងពីរក៏បានសម្តែងការព្រួយបារម្ភផងដែរ អំពីវិធានការខុសច្បាប់ ការបង្ខិតបង្ខំ ការឈ្លានពាន និងបោកបញ្ឆោតរបស់ចិនប្រឆាំងនឹងនាវា ក៏ដូចជាយន្តហោះហ្វីលីពីន ដែលធ្វើប្រតិបត្តិការដែនសមុទ្រស្របច្បាប់នៅសមុទ្រចិនខាងត្បូង។ ប្រទេសពាក់ព័ន្ធជាច្រើន រួមទាំងហ្វីលីពីនបានទាមទារផ្នែកខ្លះនៃសមុទ្រចិនខាងត្បូង ប៉ុន្តែទីក្រុងប៉េកាំងបានទាមទារអធិបតេយ្យភាពស្ទើរតែទាំងអស់នៅទីនោះ។ ការទាមទារនោះបានលាតសន្ធឹងចូលទៅក្នុងតំបន់សេដ្ឋកិច្ចផ្តាច់មុខនៃប្រទេសប្រ៊ុយណេ ឥណ្ឌូនេស៊ី ម៉ាឡេស៊ី ហ្វីលីពីន និងវៀតណាម ដែលនាំឱ្យមានជម្លោះជាញឹកញាប់រវាងប្រទេសចិន និងប្រទេសជិតខាង៕ ប្រភព ៖ Aljazeera ប្រែសម្រួល ៖ ឈឹម ទីណា