វ៉ាស៊ីនតោន ៖ រដ្ឋមន្ត្រីក្រសួងរតនាគារអាមេរិកបានអះអាង កាលពីថ្ងៃអង្គារថា ការចូលរួមរបស់រុស្ស៊ី ក្នុងកិច្ចប្រជុំ G20 មិនបានរំខានដល់កិច្ចពិភាក្សាឡើយ។ ជាការលើកឡើង ក្រោយពេល ប្លុកមួយនេះ អន់ចិត្តនឹងអាមេរិក ព្រោះតែឃើញរដ្ឋមន្ត្រីរបស់ទីក្រុងមូស្គូ ចូលរួមវេទិកានេះដោយផ្ទាល់។ លោក Scott Bessent រដ្ឋមន្ត្រីក្រសួងរតនាគារសហរដ្ឋអាមេរិក បានថ្លែងថា ការចូលរួមរបស់សមភាគីរុស្ស៊ី នៅក្នុងកិច្ចពិភាក្សា G20 សប្តាហ៍នេះ មិនបានជះឥទ្ធិពលអ្វីដល់កិច្ចប្រជុំនោះទេ ទោះបីជាមានការមិនពេញចិត្តពីសំណាក់សម្ព័ន្ធមិត្តអឺរ៉ុបរបស់អ៊ុយក្រែនក៏ដោយ។ លោក Bessent បានថ្លែងនៅក្នុងសន្និសីទសារព័ត៌មានមួយថា «ខ្ញុំសូមបញ្ជាក់ថា មានប្រទេសចំនួន ១៩ ក្នុងចំណោម ២០ បានឯកភាពគ្នា ដូច្នេះ… គឺមិនមានផលប៉ះពាល់អ្វីឡើយ»។ លោកបានលើកឡើងបែបនេះ ដោយសំដៅទៅលើសេចក្តីថ្លែងការណ៍របស់ប្រធានកិច្ចប្រជុំ ដែលទទួលបានការយល់ព្រមស្ទើរតែជាឯកច្ឆន្ទ។ យ៉ាងណា បរិយាកាសនៅក្នុងពិធីបើកកិច្ចប្រជុំ G20 កាលពីថ្ងៃចន្ទ បានប្រែជាតានតឹង នៅពេលដែលរដ្ឋមន្ត្រីជាច្រើនរូបបានសម្តែងការមិនពេញចិត្ត ក្រោយឃើញលោក Anton Siluanov រដ្ឋមន្ត្រីហិរញ្ញវត្ថុរុស្ស៊ី អង្គុយនៅតុប្រជុំ G20 ដោយផ្ទាល់ ។ ជាក់ស្តែង រដ្ឋមន្ត្រីហិរញ្ញវត្ថុអាល្លឺម៉ង់…

តូក្យូ ៖ នាយករដ្ឋមន្ត្រីជប៉ុនបានថ្លែង កាលពីថ្ងៃអង្គារថា «សន្តិភាពមិនមែនជារឿងធានាបាននោះទេ» ខណៈដែលប្រទេសនៅអាស៊ីមួយនេះកំពុងបង្កើនការចំណាយលើវិស័យការពារជាតិ។ លោកស្រី Sanae Takaichi នាយករដ្ឋមន្ត្រីជប៉ុន បានថ្លែងទៅកាន់មេបញ្ជាការនៃកងកម្លាំងស្វ័យការពារជប៉ុនថា «សន្តិភាព កាលពីម្សិលមិញ មិនមែនជាការធានាសម្រាប់សន្តិភាព នៅថ្ងៃស្អែកនោះទេ»។ លោកស្រីក៏បានអំពាវនាវឱ្យមានការប្រើប្រាស់បច្ចេកវិទ្យាដូចជា បញ្ញាសិប្បនិម្មិត (AI) ដោយភាពបន្ទាន់ខ្ពស់ ខណៈដែលប្រទេសជប៉ុនកំពុងព្យាយាមបង្កើនការចំណាយលើវិស័យការពារជាតិ ដើម្បីឆ្លើយតបទៅនឹងភាពតានតឹង ដែលកំពុងកើនឡើងជាមួយប្រទេសជិតខាង។ បើតាម AFP, កាលពីដើមសប្តាហ៍នេះ ជប៉ុនស្នើសុំថវិកាការពារជាតិ ក្នុងកម្រិតខ្ពស់បំផុតមិនធ្លាប់មាន គឺ ៥៥,៦ ពាន់លានដុល្លារអាមេរិក ដោយផ្តោតលើបច្ចេកវិទ្យា AI។ ក្រសួងការពារជាតិបានឱ្យដឹងដែរថា ខ្លួនមានផែនការអភិវឌ្ឍមីស៊ីលល្បឿនលឿនជាងសំឡេង ដែលអាចបាញ់ចេញពីក្រោមទឹក និងបង្កើតអង្គភាពថ្មីមួយ ដើម្បីពង្រឹងការការពារប្រឆាំងនឹង «សង្គ្រាម» ទៀតផង ៕ ប្រភព ៖ AFP ប្រែសម្រួល ៖ សារ៉ាត

ប៊ីស្កេក ៖ ប្រធានាធិបតីអ៊ីរ៉ង់ លោក Masoud Pezeshkian បានសង្កត់ធ្ងន់កាលពីថ្ងៃ អង្គារ ថា ប្រទេសរបស់លោកនឹងធ្វើដូចគ្នាភ្លាមៗ ប្រសិនបើអាមេរិកវិលត្រឡប់ទៅប្តេជ្ញាចិត្តគោរពតាមអនុស្សារណៈយោគយល់ (MoU) កាលពីខែមិថុនា ដែលមានគោលដៅឆ្ពោះទៅបញ្ចប់សង្គ្រាមរវាងប្រទេសទាំងពីរ។ ការអះអាងរបស់លោក Pezeshkian ធ្វើឡើង ខណៈដែលច្រកសមុទ្រ Hormuz នៅតែជាចំណុចវិវាទធំបំផុតរវាងអ៊ីរ៉ង់ និងអាមេរិក ហើយបន្ទាប់ពីភាគីជម្លោះទាំងពីរចាប់ផ្តើមវាយប្រហារដាក់គ្នាឡើងវិញលើកដំបូង ក្រោយផ្អាកប្រយុទ្ធគ្នាជាងមួយខែ។ ក្នុងកិច្ចប្រជុំកំពូលអង្គការសហប្រតិបត្តិការសៀងហៃ (SCO) នៅទីក្រុងប៊ីស្កេក ប្រទេសកៀហ្ស៊ីស៊ីស្ថាន លោក Pezeshkian បានសង្កត់ធ្ងន់ថា ប្រសិនបើអាមេរិកវិលត្រឡប់ទៅគោរពតាមការប្តេជ្ញាចិត្ត ក្រោមអនុស្សរណៈយោគយល់ (MOU) នោះទីក្រុងតេហេរ៉ង់នឹងឆ្លើយតបវិញភ្លាមៗ។ ប្រធានាធិបតីអ៊ីរ៉ង់រូបនេះ ក៏បានអះអាងកាលពីថ្ងៃ ចន្ទ ផងដែរថា សង្គ្រាមមិនមែនជាផលប្រយោជន៍របស់ភាគីណាមួយឡើយ ហើយអ៊ីរ៉ង់នៅតែបើកចំហសម្រាប់ការស្វែងរកដំណោះស្រាយ តាមរយៈការចរចាជាមួយអាមេរិក។ គួរបញ្ជាក់ថា អនុស្សារណៈយោគយល់ (MoU) រវាងទីក្រុងវ៉ាស៊ីនតោន និងតេហេរ៉ង់ ដែលសម្រេចបានក្នុងខែមិថុនា មានគោលបំណងបញ្ចប់សង្គ្រាមដែលផ្ទុះឡើង ក្រោយអាមេរិករួមដៃគ្នាជាមួយអ៊ីស្រាអែលវាយប្រហារអ៊ីរ៉ង់កាលពីថ្ងៃទី២៨ ខែកុម្ភៈ។ ប៉ុន្តែកិច្ចព្រមព្រៀងនេះ បានដួលរលំទៅវិញយ៉ាងឆាប់រហ័ស ដោយភាគីទាំងពីរបានចោទប្រកាន់គ្នាទៅវិញទៅមកថា បានរំលោភបំពានលក្ខខណ្ឌនៃ MoU៕…

ប៊ីស្កេក ៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន បានអំពាវនាវកាលពីថ្ងៃ អង្គារ ឱ្យមានការកែលម្អប្រសិទ្ធភាពរបស់អង្គការសហប្រជាជាតិ និងសម្របស្ថាប័ននេះទៅនឹងការពិតដែលកំពុងផ្លាស់ប្តូរទាំងផ្នែកនយោបាយ និងសេដ្ឋកិច្ចពិភពលោក។ ថ្លែងក្នុងកិច្ចប្រជុំកំពូលរបស់អង្គការសហប្រតិបត្តិការសៀងហៃ ហៅកាត់ (SCO) នៅទីក្រុងប៊ីស្កេក ប្រទេសកៀហ្ស៊ីស៊ីស្ថាន មេដឹកនាំរុស្ស៊ីរូបនេះនិយាយថា ទោះបីជាការងាររបស់យូអិន មិនអាចធ្វើឱ្យប្រទេសទាំងអស់ពេញចិត្តក៏ដោយ ក៏ស្ថាប័នពិភពលោកមួយនេះ គួរតែបន្តដើរតួនាទីកណ្តាលក្នុងកិច្ចការពិភពលោក។ លោក ពូទីន បន្ថែមថា សក្តានុពលរបស់អង្គការសហប្រជាជាតិនៅមិនទាន់ត្រូវបានប្រើប្រាស់ពេញលេញនៅឡើយទេ។ ដូច្នេះ ចាំបាច់ត្រូវបង្កើនប្រសិទ្ធភាពការងារ ពង្រីកតំណាងរបស់បណ្តាស្ថាប័នរបស់យូអិន ជាពិសេសក្រុមប្រឹក្សាសន្តិសុខយូអិន ដោយបញ្ចូលប្រទេសកាន់តែច្រើនពីប្រទេសលោកខាងត្បូង និងប្រទេសលោកខាងកើត ។ ប្រធានាធិបតីរុស្ស៊ីរូបនេះអះអាងថា ការបង្កើតសណ្តាប់ធ្នាប់ពិភពលោកពហុប៉ូលថ្មី និងមានយុត្តិធម៌ជាងមុន គឺជានិន្នាការដែលមិនអាចត្រឡប់ក្រោយបាន។ លោកថា ក្នុងបរិបទនេះ លោកបានចាត់ទុកតួនាទីរបស់យូអិន ក្នុងការបង្រួបបង្រួម និងជំរុញកិច្ចសហប្រតិបត្តិការ ពិតជាមានសារៈសំខាន់ជាពិសេស។ យ៉ាងណា លោកបានសង្កត់ធ្ងន់ថា អង្គការសហប្រជាជាតិត្រូវបន្តជាយន្តការសំខាន់ សម្រាប់សម្របសម្រួលផលប្រយោជន៍របស់ប្រទេសនានា ហើយធម្មនុញ្ញយូអិនក៏គួរតែបន្តជាប្រភពចម្បងនៃច្បាប់អន្តរជាតិ។ ទន្ទឹមគ្នា លោក ពូទីន ដែលមានវ័យ៧៣ឆ្នាំរូបនេះបញ្ជាក់ថា ក្រៅពីយូអិន, ស្ថាប័នពហុភាគីក្នុងតំបន់ថ្មីៗ ដែលកំពុងរីកចម្រើន រួមមាននៅអាស៊ី…

ប៊ីស្កេក ៖ អគ្គលេខាធិការអង្គការសហប្រជាជាតិ កាលពីថ្ងៃអង្គារ អំពាវនាវឱ្យបញ្ឈប់ការវាយប្រហាររបស់អ៊ីស្រាអែល នៅតំបន់ Gaza និងអំពើហិង្សារបស់អ្នកកាន់កាប់ទឹកដី នៅតំបន់ West Bank ជាបន្ទាន់។ ថ្លែងនៅក្នុងកិច្ចប្រជុំកំពូលនៃអង្គការសហប្រតិបត្តិការសៀងហៃ នៅប្រទេសកៀហ្ស៊ីស៊ីស្ថាន, លោក Antonio Guterres អគ្គលេខាធិការអង្គការសហប្រជាជាតិ បានរៀបរាប់ថា «នៅតំបន់ Gaza ការឈប់បាញ់ត្រូវតែត្រូវបានគោរព»។ លោកបានអំពាវនាវឱ្យមានការដកចេញជាបន្ទាន់ នូវរាល់ឧបសគ្គដែលរារាំងដល់ការផ្តល់ជំនួយមនុស្សធម៌។ បើតាម anadolu, កិច្ចព្រមព្រៀងឈប់បាញ់នៅតំបន់ Gaza បានចូលជាធរមាន កាលពីខែតុលាឆ្នាំមុន។ ប៉ុន្តែ ក្រសួងសុខាភិបាលតំបន់ Gaza អះអាងថា អ៊ីស្រាអែលបានសម្លាប់ជនជាតិប៉ាឡេស្ទីនជាង ១.៣២០ នាក់ និងធ្វើឱ្យមនុស្សជាង ៤.៣៨៥ នាក់ផ្សេងទៀតរងរបួស។ លោក Antonio Guterres ក៏បានលើកឡើងផងដែរថា «ការវាយប្រហារដោយក្រុមអ្នកតាំងលំនៅ និងការពង្រីកការតាំងលំនៅថ្មី នៅតំបន់ West Bank ត្រូវតែបញ្ឈប់»។ អង្គការសហប្រជាជាតិបានឱ្យដឹង កាលពីខែសីហាថា អំពើហិង្សារបស់អ្នកកាន់កាប់ទឹកដីបានកើនឡើងដល់កម្រិតមួយដែលមិនធ្លាប់មានពីមុនមក ដោយមានការវាយប្រហារជាង ១.៤៣០…

តេហេរ៉ង់ ៖ ប្រទេសអ៊ីរ៉ង់មានបម្រុងរូបិយប័ណ្ណបរទេសគ្រប់គ្រាន់ ដើម្បីទប់ទល់នឹងរាល់គ្រប់ទម្រង់នៃការដាក់ទណ្ឌកម្មសេដ្ឋកិច្ច របស់សហរដ្ឋអាមេរិក។ នេះគឺជាការគូសបញ្ជាក់របស់ទេសាភិបាលធនាគារកណ្តាលអ៊ីរ៉ង់ កាលពីថ្ងៃអង្គារ។ យោងតាមទីភ្នាក់ងារព័ត៌មានអ៊ីរ៉ង់ Tasnim, លោក Abdolnaser Hemmati ទេសាភិបាលធនាគារកណ្តាល បានឱ្យដឹងថា ធនាគារមួយនេះត្រៀមខ្លួនជាស្រេច ក្នុងការបញ្ចេញថវិការហូតដល់ ២ ពាន់លានដុល្លារអាមេរិក ចូលទៅក្នុងទីផ្សារផ្លាស់ប្តូរប្រាក់បរទេស ដើម្បីជួយឱ្យទីផ្សារមានស្ថិរភាពឡើងវិញ បន្ទាប់ពីមានការប្រែប្រួលខ្លាំង នាពេលថ្មីៗនេះ។ លោក Hemmati បានបញ្ជាក់ជាសារទៅកាន់ លោក ដូណាល់ ត្រាំ រៀបរាប់ថា «ខ្ញុំសូមជម្រាបជូនប្រធានាធិបតីសហរដ្ឋអាមេរិកថា អ៊ីរ៉ង់មានរូបិយប័ណ្ណបរទេស យ៉ាងគ្រប់គ្រាន់…ខ្ញុំសូមប្រាប់ប្រជាជនដោយស្មោះត្រង់ថា លក្ខខណ្ឌសេដ្ឋកិច្ច និងការគ្រប់គ្រងជីវភាពរស់នៅ ពិតជាមានការលំបាក ប៉ុន្តែ ការដួលរលំសេដ្ឋកិច្ចមិនដែលកើតមាន ហើយក៏នឹងមិនកើតមាននោះដែរ។ ការអះអាងទាំងនោះគ្រាន់តែជាសង្គ្រាមចិត្តសាស្ត្រ ហើយស្ថានការណ៍នឹងវិលត្រឡប់មកល្អប្រសើរវិញ ក្នុងពេលឆាប់ៗ»។ យ៉ាងណាងមិញ រូបិយប័ណ្ណរបស់អ៊ីរ៉ង់បានធ្លាក់ចុះដល់កម្រិតទាបបំផុត ជាប្រវត្តិសាស្ត្រ កាលពីខែសីហា ខណៈដែលអតិផរណាប្រចាំឆ្នាំបានកើនឡើងដល់ ៦៦ ភាគរយ នៅក្នុងខែកក្កដា។ កាលពីថ្ងៃចន្ទ លោក Scott Bessent រដ្ឋមន្ត្រីរតនាគារអាមេរិក បានលើកឡើងថា…