ហ្កាហ្សា ៖ ប្រធានគណៈកម្មាធិការកាកបាទក្រហមអន្តរជាតិ ហៅកាត់ ICRC លោកស្រី Mirjana Spoljaric បានប្រាប់ទូរទស្សន៍ BBC ថា ស្ថានភាពហ្កាហ្សាកាន់តែអាក្រក់ជាងនរកនៅលើផែនដីទៅទៀត ខណៈដែលមជ្ឈមណ្ឌលចែកចាយជំនួយក្នុងទឹកដីហ៊ុព័ទ្ធនេះត្រូវបានបិទ។ មូលនិធិមនុស្សធម៌ហ្កាហ្សា (GHF) ដ៏ចម្រូងចម្រាសដែលគាំទ្រដោយសហរដ្ឋអាមេរិកបានប្រកាសកាលពីយប់ថ្ងៃអង្គារថា ខ្លួនបិទជាបណ្តោះអាសន្ននូវប្រតិបត្តិការក្នុងដែនដីនេះ បន្ទាប់ពីជនជាតិប៉ាឡេស្ទីនរាប់សិបនាក់ត្រូវបានសម្លាប់ ដោយសារប៉ុនប៉ងចូលទៅកាន់មជ្ឈមណ្ឌលចែកចាយរបស់ខ្លួន។ នៅក្នុងបទសម្ភាសន៍មួយនៅឯទីស្នាក់ការកណ្តាលរបស់ ICRC នៅទីក្រុងហ្សឺណែវ លោកស្រី Mirjana Spoljaric បាននិយាយថា មនុស្សជាតិកំពុងបរាជ័យ ខណៈដែលខ្លួនបានឈរអោបដៃមើលភាពរន្ធត់នៃសង្រ្គាមនៅហ្កាហ្សា។ លោកស្រី Spoljaric បានសង្កត់ធ្ងន់ថា ហ្កាហ្សាគឺជា “ឋាននរកនៅលើផែនដី” ហើយវាកាន់តែអាក្រក់… យើងមិនអាចបន្តមើលអ្វីដែលកំពុងកើតឡើងនោះទេ។ វាលើសពីស្តង់ដារដែលអាចទទួលយកបាន ទោះបីច្បាប់ សីលធម៌ និងមនុស្សធម៌ ពីព្រោះតែកម្រិតនៃការបំផ្លិចបំផ្លាញ និងកម្រិតនៃការរងទុក្ខវេទនា។ ប្រធានកាកបាទក្រហមអន្តរជាតិរូបនេះ បានគូសបញ្ជាក់ទៀតថា ពិភពលោកមិនបានខិតខំប្រឹងប្រែងគ្រប់គ្រាន់ ដើម្បីបញ្ចប់សង្រ្គាម បញ្ចប់ការរងទុក្ខវេទនាដ៏ឈឺចាប់របស់ប៉ាឡេស្ទីន និងធានាការដោះលែងចំណាប់ខ្មាំងអ៊ីស្រាអែលនោះទេ។ គួរកត់សម្គាល់ អ៊ីស្រាអែលបានចាប់ផ្តើមយុទ្ធនាការយោធានៅតំបន់ហ្កាហ្សាជាការឆ្លើយតបទៅនឹងការវាយប្រហារឆ្លងព្រំដែនរបស់ក្រុមហាម៉ាស ដែលក្នុងនោះមនុស្សប្រហែល ១.២០០នាក់ត្រូវបានសម្លាប់ និង ២៥១នាក់ផ្សេងទៀតត្រូវបានចាប់ធ្វើជាចំណាប់ខ្មាំង។ យ៉ាងហោចណាស់មនុស្ស ៥៤.៦០៧នាក់ត្រូវបានសម្លាប់នៅហ្កាហ្សា…

មូស្គូ ៖ ខណៈដែលលោក Vladimir Putin សន្យាសងសឹកអ៊ុយក្រែនចំពោះការវាយប្រហារដោយយន្តហោះដ្រូនលើមូលដ្ឋានទ័ពអាកាសរុស្ស៊ីកាលពីចុងសប្តាហ៍មុន ទីប្រឹក្សាវិមានក្រឹមឡាំង និងបេសកជនពិសេសអាមេរិកបានប្រាប់លោកប្រធានាធិបតី Donald Trump អំពីហានិភ័យនៃការប្រឈមមុខដាក់គ្នាដោយអាវុធនុយក្លេអ៊ែរ ក្នុងគោលបំណងដាក់សម្ពាធឱ្យលោក Trump កាត់បន្ថយការគាំទ្ររបស់អាមេរិកដល់អ៊ុយក្រែនបន្ថែមទៀត។ យោងតាមការចុះផ្សាយរបស់សារព័ត៌មាន The Gaurdian លោក Kirill Dmitriev ប្រធានមូលនិធិទ្រព្យសម្បត្តិអធិបតេយ្យរបស់រុស្ស៊ី និងជាអន្តរការីដ៏សំខាន់របស់វិមានក្រឹមឡាំង និងបេសកជនពិសេសរបស់លោក Trump គឺលោក Steve Witkoff បានហៅការវាយប្រហារដោយយន្តហោះដ្រូនរបស់អ៊ុយក្រែន ប្រឆាំងនូវអ្វីដែលរុស្ស៊ីចាត់ទុកថា ជា “ទ្រព្យសម្បត្តិនុយក្លេអ៊ែររបស់រុស្ស៊ី” ហើយថែមទាំងបានព្រមានអំពីហានិភ័យផ្ទុះសង្គ្រាមលោកលើកទីបី។ អ៊ុយក្រែនបានអះអាងថា ការវាយប្រហារនេះបានធ្វើឱ្យខូចខាតយន្តហោះរុស្ស៊ីជាង ៤១គ្រឿង រួមទាំងយន្តហោះទម្លាក់គ្រាប់បែកធុនធ្ងន់ Tu-95 និង Tu-22M ដែលរុស្ស៊ីប្រើបាញ់មីស៊ីលកម្ទេចទីក្រុងនានាក្នុងសង្គ្រាមអ៊ុយក្រែន ដោយបានសម្លាប់មនុស្សរាប់ពាន់នាក់ និងបំផ្លាញហេដ្ឋារចនាសម្ព័ន្ធសំខាន់ៗ ដែលផ្តល់កំដៅ និងអគ្គិសនីដល់មនុស្សរាប់លាននាក់។ ហើយយន្តហោះទាំងនោះ ក៏អាចផ្ទុកសព្វាវុធដែលមានក្បាលគ្រាប់នុយក្លេអ៊ែរ និងជាផ្នែកមួយនៃអាវុធនុយក្លេអ៊ែរ រួមជាមួយនាវាមុជទឹក និងមីស៊ីល ហើយទំហំខូចខាតនេះ ត្រូវបានអ៊ុយក្រែនវាយតម្លៃថា មានទំហំ ៧ពាន់លានដុល្លារ នេះបើតាមសេចក្តីរាយការណ៍របស់កាសែតរ៉យទ័រ។ បន្ទាប់ពីលោក…

បរទេស ៖ មន្ត្រីអង្គការសហប្រជាជាតិ ឬ UN បានជួបមន្ត្រី ប្រទេសរុស្ស៊ី ស្វែងរកការបញ្ចប់ជម្លោះ នៅប្រទេសស៊ូដង់ ដែលស្ថិតក្នុងទ្វីបអាហ្រ្វិក នេះបើតាមការចេញផ្សាយ របស់ទីភ្នាក់ងារព័ត៌មាន RT កាលពីថ្ងៃពុធ។ ក្រសួងការបរទេសរុស្ស៊ី បានចេញសេចក្តីថ្លែងការណ៍មួយ បញ្ជាក់ឲ្យដឹងថា ក្នុងជំនួបជាមួយ លោក Ramtane Lamamra បេសកជនផ្ទាល់ខ្លួន របស់អគ្គលេខាធិការអង្គការសហប្រជាជាតិ ប្រចាំប្រទេសស៊ូដង់ ភាគីទាំងពីរបានរាយការណ៍ពីភាពបន្ទាន់ នៃការបញ្ចប់ជម្លោះ ដែលអូសបន្លាយ។ ក្រសួងបានបញ្ជាក់ថា នេះគឺជាតម្រូវការ សម្រាប់កិច្ចខិតខំប្រឹងប្រែងសម្របសម្រួល ដោយសហគមន៍អន្តរជាតិ ក្នុងគោលបំណងសម្រេចបានបទឈប់បាញ់ និងបន្តការសន្ទនាអន្តរស៊ូដង់ រវាងកងកម្លាំងនយោបាយ ដ៏មានឥទ្ធិពលទាំងអស់ និងក្រុមអ្នកសារភាពជនជាតិភាគតិច នៅក្នុងប្រទេសនេះ ជាចាំបាច់។ ក្រសួងការបរទេស បានបន្ថែមថា រុស្ស៊ីមានការយកចិត្តទុកដាក់ ជាពិសេស ចំពោះស្ថានការណ៍មនុស្សធម៌ដ៏ធ្ងន់ធ្ងរ តែក៏មិនចង់ មានការជ្រៀតជ្រែកពីខាងក្រៅ ដែលបំផ្លិចបំផ្លាញ នៅក្នុងវិបត្តិស៊ូដង់ នោះឡើយ។ បើតាមឧត្តមស្នងការអង្គការសហប្រជាជាតិទទួលបន្ទុកជនភៀសខ្លួន ហៅកាត់ UNHCR បានឲ្យដឹងថា ប្រជាជនស៊ូដង់ជាង៤ លាននាក់បានភៀសខ្លួនចេញពីប្រទេស ចាប់តាំងពីការផ្ទុះសង្រ្គាម…

ប៊ែរឡាំង ៖ មនុស្សប្រមាណ ២០.០០០នាក់បានបង្ខំចិត្តភៀសខ្លួនចេញពីផ្ទះសម្បែងនៅកណ្តាលទីក្រុង Cologne កាលពីថ្ងៃពុធ បន្ទាប់ពីរកឃើញគ្រាប់បែកមិនទាន់ផ្ទុះចំនួន ៣គ្រាប់ ដែលនៅសេសសល់ពីសម័យសង្គ្រាមលោកលើកទី ២ ដែលនេះជាប្រតិបត្តិការដ៏ធំបំផុតក្នុងទីក្រុងអាល្លឺម៉ង់ចាប់តាំងពីចុងបញ្ចប់នៃសង្គ្រាម។ ក្រុមអ្នកបច្ចេកទេសដោះគ្រាប់បែករបស់អាល្លឺម៉ង់ បាននិយាយថា គ្រាប់បែកទាំង ៣គ្រាប់នេះសុទ្ធតែជារបស់អាមេរិក ក្នុងនោះពីរគ្រាប់មានទម្ងន់ ១.០០០គីឡូក្រាម និងមួយគ្រាប់ទៀតមានទម្ងន់ ៥០០គីឡូក្រាម ហើយត្រូវបានរកឃើញនៅក្នុងការដ្ឋានសាងសង់កាលពីថ្ងៃចន្ទ នៅសង្កាត់ Deutz កណ្តាលក្រុង Cologne។ ភ្លាមៗ អាជ្ញាធរបានចាត់វិធានការបិទផ្លូវ និងខ្សែរថភ្លើង រួមមានស្ពានចំនួន ៣ទីតាំងឆ្លងកាត់ទន្លេ Rhine ដើម្បីដោះគ្រាប់បែកទាំងនោះ ពីព្រោះកម្លាំងផ្ទុះរបស់វាអាចបង្កគ្រោះថ្នាក់ក្នុងរង្វង់ ១.០០០គីឡូម៉ែត្រឯណោះ។ គួរកត់សម្គាល់ ការងារសាងសង់នៅប្រទេសអាល្លឺម៉ង់ ជារើយៗតែងតែរកឃើញនូវយុទ្ធភណ្ឌមិនទាន់ផ្ទុះ ដែលនៅសេសសល់ពីសម័យសង្គ្រាមលោកលើកទី២។ តួយ៉ាង នៅទីក្រុង Frankfurt បានរកឃើញគ្រាប់បែកទម្ងន់ ១.៤តោនក្នុងឆ្នាំ២០១៧ នាំឱ្យមានការជម្លៀសមនុស្សចំនួន ៦៥.០០០នាក់ ដែលនេះជាការជម្លៀសដ៏ធំបំផុតនៅអឺរ៉ុបចាប់តាំងពីឆ្នាំ១៩៤៥។ ដោយឡែកនៅឆ្នាំ២០២១ មនុស្ស ៤នាក់បានរងរបួសនៅពេលដែលគ្រាប់បែកសម័យសង្គ្រាមលោកលើកទី២ បានផ្ទុះឡើងក្នុងការដ្ឋានសាងសង់នៅជិតស្ថានីយ៍រថភ្លើងសំខាន់របស់ទីក្រុង Munich ដោយបានប៉ើងខ្ទាតកំទេចកំទីគ្រាប់ក្នុងចម្ងាយរាប់រយម៉ែត្រឯណោះ៕ ប្រភព ៖ AFP ប្រែសម្រួល…

បរទេស៖ លោក Elon Musk បានដៀលច្បាប់ថវិកា របស់លោកប្រធានាធិបតីអាមេរិក Donald Trump ដែលមានចែងពីការកាត់បន្ថយពន្ធរាប់លានដុល្លារ និង បង្កើនការចំណាយ លើវិស័យការពារជាតិ គឺជាច្បាប់ដ៏គួរឱ្យស្អប់ខ្ពើម នេះបើតាមការចុះផ្សាយ របស់ទីភ្នាក់ងារព័ត៌មាន BBC កាលពីថ្ងៃពុធ ទី៤ ខែមិថុនា។ ច្បាប់ ដែលអនុញ្ញាតឱ្យរដ្ឋាភិបាលសហរដ្ឋអាមេរិក ខ្ចីប្រាក់បន្ថែមទៀត មួយនេះ ត្រូវបានអនុម័តដោយសភាតំណាងរាស្រ្ត កាលពីខែមុន ដោយត្រូវបញ្ជូនបន្ត ទៅព្រឹទ្ធសភា។ ច្បាប់នេះ ក៏មានចែងពីការពង្រីក ការកាត់បន្ថយពន្ធផ្ទាល់ខ្លួន ដែលធ្លាប់បានអនុវត្ត នៅក្នុងអាណត្តិដំបូង របស់លោក Trump ហើយក៏បានលើកលែងពន្ធ លើព័ត៌មានជំនួយ និងប្រាក់បន្ថែមម៉ោង ដែលរកបានដោយកម្មករនៅភោជនីយដ្ឋាន ផងដែរ។ ច្បាប់នេះ ក៏មានចែងពីការផ្តល់មូលនិធិ ដល់ការនិរទេសដ៏ធំ របស់រដ្ឋបាល លោក Trump ទៅលើក្រុមជនអន្តោប្រវេសន៍ ដែលគ្មានឯកសារ ផងដែរ។ លោក Musk បាននិយាយ នៅលើបណ្តាញសង្គម X កាលពីថ្ងៃអង្គារថា គឺជារឿងគួរឱ្យខឹងសម្បារ…